مراهقة وأربعيني ( مكتملة)

البارت التاسع

#مراهقة_و أربعيني
# للكاتبة بنين
البارت : التاسع

الغربه من ترجع إلناسك...
وتحس چن ما عارفينك
الوحشه من تذكر سوالف...
چان اهلها اگبال عينك
الخنگه من تشتاگ تبچي...
والشماته محاوطينك

#" قرائة ممتعه"

مياسم :- أمي مكابلتني وماتركتني ابد وام غضب خطيه صارت فقيره لاحس ولانفس سوت نفسهة تهتم بيه كدام امي خلص أربعين على خير بس بعد ما خلص رجع الضيم والقهر والوجع وغضب توقف شغله وكام مايداوم و مكابلني ليل و نهار ام غضب اول مااهلي رجعو لبيتهم دخلت عليه

ام غضب :- كومي يالأميرة اربعين يوم و انتي حتى ملابسج ماتغسليهة كومي يله لو حلتلج النومه يلللله لا اطيح حضج كووومي

مياسم : اني بأيدي بتي و تعبانة و السهر كاتلني منا غضب ومنا الطفله رحت لكيت ملابس عمي و غضب حتى ملابسهة كلهة وضخه انكسر ظهري منا لمن كملت و غضب كاعد ويا ابوه صعد للغرفة ماادري وكام يصيح على طول صوته رحت ركض لكيته يم باب الحمام و كام يحجب عليه
غضب : ليييششششش مامنظفه الغرفة و الحمام و صخ
مياسم : امك أطتني شغل ماخلاني اكمل كام يضربني كالعادة اكيد صارله اربعين يوم ماضرب اكيد ايده اتحكه بس ضربني على مكان العملية و الله حسيت جن سجاجين أدجج ببطني ضليت يومين بس اتقيئ و صخنت و مكان العملية يوجعني و هو كل مايجي يكولي عساج بلموت
مياسم :اني سكتت شريد أكله خلي يحجي ويسكت هم مليت من الضرب وجسمي يوجعني أدور لايعرف مريض لايعرف ماكدر بس يضرب ويصيح المهم
مرت الأيام
و اني مااذوك طعم النوم فضه ماتنام الليل كله و ام غضب تكعد بالخمسة و لازم اكون كاعدة وياهة يكلك ماكو بس مياسم والبنات اذا وحدة منهن حاولت تشتغل عني تضل تصيح عليهن تروح تكل لغضب مريتك كاعده واخياتك يشتغلن غضب يرجع عليه يكلي اشتغلي و مالج دخل بأخواتي بعدين كامن
مايساعدني تجنباً للمشاكل بيوم جنت كاعدة من الصبح ويا ام غضب و نعسانة الليل كله مانايمة ام غضب كالتلي كومي نامي عيونج صارن جواهن سواد وحمر و خلي فضه عندي وآلله تعجبت كلت منهة من الشيطان شعجب ام غضب حنت عليه المهم إقتنعت وكمت اطيتهة فضة وكتلهة من تكعد من النوم كعديني خاف تضوجج
ام غضب : اييي روحي

رحت حطيت راسي يم غضب و نمت مهدود حيلي من التعب و السهر نمت تقريبا للساعة 5 ونص كعدت على شعري بين ايدين غضب و يهزني واني ماادري شنو الموضوع طكاني راشدي صحاني من النوم كالي
غضب : ولللجججح ادببببب سزززز كومي مخلية بتج عد امي مبتلية بيهة و تكليلهة أخذي بت ابنج الله ياخذها و ياخذة كمت واني أطوطح من ودايخه من النوم وجهي متروس إدموع من الراشدي وصريخه البأذاني نزلت اخذتهة رضعتهة لمن نامت خليتهة بلغرفه ورحت أسوي عشة وام غضب فوك راسي تتأمر وشمتانه بيه والله ماكو مثل خباثتهة وقساوتهة ماتكول اني هم عندي بنات وما متزوجات ليش أسوي بت الناس هيج مو باجر حوبتهة تطلع وهم بنات هيج يتعاملون وياهن إبيت ازواجهن بس ماكو لا ضمير ولا خوف من الله كل ما ينفذ صبري اكول الله كريم والله يجازيني بخير ويجبر بخاطري بس الأنسان هم عنده صبر وحدود لصبري...