مراهقة وأربعيني ( مكتملة)

بارت مراهـقة وأربـعينـي

مراهقـة وأربعيـني
الكاتـبة بنـين
بارت مراهـقة وأربـعينـي من الجزء الثانـي

منهو بحالنه احنه المساكين ؟
احنه المحد النه.. المدري أمنين..
ومن يسئل علينه لمن نغيب..
حتى لو غياب يطول أسنين..
خلصنه عمرنه بالمحطات..
سفر وبيوتنه.. أسطوح الفراگين..
مرسومه بجلدنه ذيج الأنياب..
الجرح لو طاب هم يترك نياشين..
وين أهلي علي مادگو الباب..؟
تره صحتي عليله وگلبي مو زين..
من أهل الله بعدنه ناس طيبين..
مكتوبه بجناسينه غريبين..
خسارتنه جبيره وغشمه عالسوگ..
بعنه أعقولنه بسوك المجانين..

مياسم... گاعده ودگت حنان عليه
ألووو

حنان.. هاااا ولچ يمعزايه شلونچ
مياسم.. الحمدلله شبيچ شو صوتچ رايح
حنان.. ايي يختي غير من وراچ
مياسم.. ياااا اني شكو يمچ گرباچ
حنان.. ولچ غضيبااان غضبان أعليه
مياسم.. طگيتهة بضحگه وشبي غضيبان الله يغضب عليه دنيا وأخرى
حنان.. هااااا ولچ شو چنچ ماتستحين گدامي وتحچين أعله أخوي

مياسم.. ديله أشلون أخو
حنان.. نچبي وخل أحچي
مياسم.. ايي عيني غردي اسمعچ
حنان.. ولچ غضبان شاك بيه بأن أني أعرف مكانچ
مياسم.. يممه صدگ

حنان.. أييي والله وأجاني سحلني من شعري ويخازر بيه ويگلي اذا طلعتي تعرفين مياسم وين وتچذبين عليه ادفنچ ونتي عايشه
مياسم.. دخل يطير عود اذا لگاني
حنان.. ولچ يمگموعه الرچال لا ليله ليل ولا نهارا نهار
النهار كله يدور عليچ ماخله واحد ماسئلة وساعه يگول بس خل ترجع أعيشهة أميرة وساعه يگلب ويگول خل ترجع اذا ما أخليهة تعض أصابعهة ندم وأحرمهة من بتهة واكسر راسهة ويضل يتوعدلچ
مياسم.. وتالي ولچ

حنان.. وجع شتالي غير نبسطت من وراچ وشعراتي تهلسن صرت چني دجاجه مهلسه
مياسم.. يله تكبرين وتنسين
حنان.. ايي عيني الأيده بلماي مو مثل الأيده بلنار
مياسم.. ولچ شبيچ جاي تحسسيني گاعده ورچل على رچل ومتونسه ولا هامني شي
الله وكيلچ شايله هم الدنيا كلهة على راسي أنام مهمومه وأگعد مهمومه وروحي طالعه بس شسوي مالي غير الصبر اصبر والله كريم
حنان.. الله يساعدچ خيه ولچ شلونهة الفصعونه فضة
مياسم.. زينه الحمدلله

حنان.. بالچ عليهة يمعوده
مياسم.. اكو واحد يوصوه على روحه هاي بنيتي وشمامت گلبي وعزيزت روحي
حنان.. الله يخليهة الچ... ولچ مياسم مو تتصلين عليه ابد ديررر بالچ ترا غضب صاير يخوف ويتابعني على أقل حركه أسويهة لاتتصلين اني اتصل عليچ
مياسم.. حنان فدووه لا أدلين واحد على مكاني ولو شما يصير لاتخلين غضب يعرف مكاني
حنان.. ولچ على گص رگبتي والله لو يدفنوني وانه عايشه ماگول أندل مگانچ ولچ انتي اختي الماجابتهة أمي

مياسم.. يروحي أنتي الله يحفظچ لشبابچ
حنان.. ولچ دموعي راح يطيحن امشي ولي چنچ عجوز
مياسم.. هههههه والله أعزچ
حنان.. واني هم والله
مياسم.. يله روحي لا يسمعچ أحد
حنان.. يله ثيمالاه
مياسم.. نهيت المكالمه وصفنت على رقم حنان
ااااخ ياحنان ماكو من محنتچ ولچ اختي بت أمي ماسوتلي السويتي