مراهقة وأربعيني ( مكتملة)

البارت الثاني

مراهقة_ و_ أربعيني
الكاتبة بنين
البارت الثاني
....

على كيفج يا دنيا شبيج هيج وياي
على بختك يحظي شبيك ماتگعد
جبناهة حزن بس ضيم بس آهات
وشما ردنا الفرح من عندي أشو يبعد
تمطر بس أمل الدنيا للموزين
وعليه بالمصايب دوم ترعد
أجر الفرح گوه لخاطر العين
تهد جفون الرمش وبساع تشرد
ياكلمة سعاد بالله وين ألگاج
وين أفرح عليج وين أفتح السد
على ضيم الگلب محد سألني بيوم
وبس تضحك عليه الناس تحسد
ألم جروح گلبي وكوه أهدي الحال
كل ساعه الجروح تحارب وتمرد
أخيراً ياصبر روح الله وياك
بقت هية عليك شبيك ماتبعد

مياسم : طلعت من الديوان وكعدت بلحديقه ألعب سمعت صوت وراي درت وجهي
غ غ غضب!!
غضب : هههههه شبيج خفتي شنو شفتي جني
مياسم : لبست نعالي وشردت لغرفتي أركض
غضب : هااا جبانه خووافه
مياسم : غلست عنه وأستمريت با لركض للغرفتي دخلت وسديت الباب حطيت ايدي ع كلبي
يممه شلون يدك كشش صدك أسم على مسمى غضب على غضب
ضليت أدردم بيني وبين نفسي
مر أسبوع نفس الروتين وبيوم جنت كاعده يم جدي شفت أصبعه مكطوم
سألته
مياسم : جدي ليش أصبعك مكصوص
حجي جواد : انتي أكلتي
مياسم : لااا جدي حبااب ليش أصبعك مكطوم
حجي جواد : يجدي هاي من جنت صغير أنظف السلاح ويا أبوي الله يرحمه ونضربت بلطلقه ونكطم أصبعي
مياسم : يوجعك؟
حجي جواد : أنه اذا أشوف هاذا الكمر شلون يوجعني
مياسم : بست جدي بخده
جدييييي أنه احبنك هووواي وعلي
حجي جواد :وأنه هم أحبنج يجدي إنتي بنيتي
مياسم : الله يخليك ألنه حجي جواد
حجي جواد : ويخليكم ألي يبنيتي
مياسم : مرت الأيام ومر شهرين وجدي تمرض
جنه كاعدين وسمعنه صوت جدي يصيح كل أحنه ركضنه نشوفه شبي
حجي جواد : بووويه أحمدددد
أحمد : هااااا ياابه
حجي جواد : بويه كلبي يوجعني يبعد أبوك الهوى ضاع عليه
أحمد : جلال بسررعه خلي ناخذ أبوي للمستشفى
جلال : يلله بساعكم
مياسم : أروح وياكم
أحمد : وين ترحين هوة احنه وين رايحين نلعب لو ناخذ جدج للمستشفى
مياسم بجي : والله اروح ما عليه ماااا
حجي جواد : بوويه خلوه تروح
أحمد : صار يابه يله فضيهة بساعج
مياسم : رحت لبست ربطه وأجيت أركض
نقلنه جدي بلأسعاف وأبوي وخالي وياه.. واني وأمي وعمي ابو غضب بسياره وصلنه للمستشفى نقلوه للحالات المستعجله ضل ب لساعه وطلعوه للأنعاش ردت أروحله كضاني خالي من أيدي
الخال : بنيتي خلي نروح وبعدين أجيبج هسة جدج مريض
مياسم ببجي : مااااا حبباب خلي اشوف جدي
خال مياسم : امشي نروح للبيت وعد انه باجر اجيبج
مياسم : رحت ويا خالي للبيت وانه دموعي ولا نشفن وصلنه للبيت تقريبا ب لساعتين وأجه خبر وفاة جدي
انه جنت مادري جدي مات اله من اجت امي بليل
اجت أمي تبجي وحالهة يبجي الصخر جانت كللش تحب جدي وتعزه وامي من أهل الله مره طيبه ومسلمه ومسالمه ما عدهة مشاكل ابد
اجت تبجي اني معبالي جدي ميت كلت أكيد تبجي لأن مريض كالت
ام مياسم : صح الموت حق
بس الفراك صعب
مياسم : انه من كالت هيج عرفت قصدهة وعرفت جدي مااات ضليت ساكتة وبس أدموعي تجري دخلت بحالة صدمه من الخبر الي سمعته جدي جان كلللش عزيز عليه ويحبني اكثر وحده من بين اخواتي وبنات عمي
ماعت روحي وطحت كعدت لكيت نفسي بالمستشفى
سجى : بعد ما سمعت مياسم بخبر وفاة جدي ما تحملت الخبر وطاحت ودخلت بغيبوبه ٣ أيام جانت تحب جدي كللللش وهوه هم جان مدلله كللش وفراكه صعب عليهة بعد ٣ أيام صحت من الغيبوبه وبس تبجي
مياسم : بعد ما صحت من الغيبوبه عرفت صارلي ٣ ايام بالمستشفى
طلعوني للبيت وبيوم طلعتي من المستشفى صادف يوم الثالث من فاتحت جدي انه بس ابجي وهم ماعندي بس الدموع تشكي حالي وضيم كلبي ماكدرت اشوفه لا من نقلو للأنعاش ولا من جابو ب لتابوت للبيت نحرمت من شوفته وضلت حسرره بكلبي خلص يو الثالث وعمي قام القيامه علينه
كاعدين بالصاله ودخل جلال علينه
جلال : باجر نقسم الورث سمعتو لو لاا
أحمد : خوويه خلي يعكب جم شهر على وفاة ابونة عيب من الناس هسة يكولون معول يكلعون أبوهم حتى يقسمون الحلال
جلال : انه كلت باجر يعني بااااجر سمعتتت لو لااا
أحمد : براحتك
مياسم : أبوي رجال فقير بس مو فقير الماده لاااا الحمد الله عنده خير من الله بفضل الله وبفضل جدي بس ابوي مسالم وماعنده مشاكل واصلن ما يحب المشاكل ويحب يتلافاهة لذالك سكت وافق على تقسيم الورث
وصدك ثاني يوم تقسم الحلال على أعمامي ل٣ وأبوي
بس جان أكو وثيقه تمليك لبيتين باسم اخوي الجبير مصطفى جدي جان يحبه ويحترمه ويكله انته رجال خلوق ومؤدب احسن من ابن عمك غضب مغرور وماخذ الناس بعين الصغيرة
فأمن شافو الوثيقه بأسم مصطفى كالو اكيد احمد مزورهة ورفعو قضيه ع أبوي والله سبحانه وتعالى يظهر الحق وأبوي الي فاز بالقضيه وبيوم حكم المحكمه أعمامي تعصبو وضاجو من أبوي وتبرو منه أبوي بعد ما تبرو منه كال
احمد : لمو غراضكم راح نشيل لغير منطقه
أم مياسم : إنشاء الله
مياسم : وفعلاً شلنه لغير منطقه أشترينه بيت على كدنه وحلو ومرتب وأستقرينة بي ومرت سنه ع شيلتنه من بيت جدي وبهاي السنه أحنه مرتاحين كللللش وعايشين براحه وهدوء ونداوم بمدارسنا والحمد الله
بعد هاي السنه... يتتببع