“ ဟုတ်ပါတယ် ကျုပ်က နေစရာ ရှာနေတာပါ။ ခင်ဗျားမှာ နည်းလမ်းများ ရှိနေလို့လား ” မိုဝူကျီက ပြန်ဖြေလိုက်သည်။
မိုဝူကျီက ဤလမ်းများအပေါ်၌ စီးပွားရှာနေကြသော ကျင့်ကြံသူအမျိုးမျိုးကို အထင်မသေးသင့်ကြောင်း သိပေသည်။ ထိုသို့မျိုး လူမျိုးတွင် ကိုယ်ပိုင်နည်းလမ်းများ ရှိတတ်ကြသည်။
“ စီနီယာက ဘယ်လိုအခန်းမျိုးများ ရှာနေတာလဲဗျ ... တခြား လိုချင်တဲ့ အနေအထားရော ရှိသေးလား ”
ပိန်ပါးပါး ကျင့်ကြံသူက ရိုရိုးကျိုးကျိုး ချက်ချင်း ပြန်ဖြေလိုက်သည်။
မိုဝူကျီတွင် ရှိနေသော အင်မော်တယ်ကျောက် အရေအတွက်များအရ သူ့ကို သကြားဖေဖေဟု ယူဆ၍ မရသော်လည်း နေရစရာ ရှာရန်တော့ လုံလောက်ပေသည်။ သူက ပိန်ပါးပါးအမျိုးသား စကားကို ကြားသောအခါ အခန်းရနိုင်ကြောင်း သိလိုက်သည်
“ အရင်ဆုံး တိတ်ဆိတ်နေဖို့ လိုအပ်တယ်။ ဒုတိယအချက်အနေနဲ့ ကျင့်ကြံဖို့ သင့်တော်ရမယ်။ နောက်ဆုံးအချက်က ပတ်ဝန်းကျင်လည်း ကောင်းရမယ် ”
မိုဝူကျီ စကားများ ကြားလိုက်သည်နှင့် ပိန်ပါးပါး ကျင့်ကြံသူက သူဌေးတစ်ယောက် တွေ့လိုက်ရကြောင်း သိလိုက်သည်။ သူက စိတ်အားတက်ကြွလာပြီး
“ တကယ်လို့ စီနီယာက အလောမကြီးရင် နောက်ထပ် လေးနာရီလောက် စောင့်ပေးလို့ ရမလား။ အဲဒီအခါကျ စီနီယာအတွက် အသင့်တော်ဆုံးအခန်းကို ပြပါ့မယ်။ မိတ်ဆက်ပေးခက အဆင့်မြင့် အင်မော်တယ်ကျောက် ၅၀၀ ထဲပါဗျ ”
သူက မိုဝူကျီကဲ့သို့ ကျင့်ကြံသူမျိုးအကြောင်း ကောင်းကောင်း သိပေသည်။ ထိုသူတို့မှာ အင်မော်တယ်ကျောက်များကို ဂရုမစိုက်ဘဲ နေစရာ နေရာ ကိုသာ ဂရုစိုက်သူများ ဖြစ်ပေ၏။
မိုဝူကျီက ပိန်ပါးပါး ကျင့်ကြံသူကို နားမလည်နိုင်စွာ ကြည့်လိုက်ရင်း “ ကျုပ်က ဘာလို့ လေးနာရီ စောင့်ရမှာလဲ ”
ပိန်ပါးပါး အမျိုးသားအနေဖြင့် မိုဝူကျီ သူ့ကို မယုံမကြည် ဖြစ်သွားမည်ကို စိုးထိတ်သွားကာ မြန်မြန် ရှင်းပြလိုက်သည်
အခန်း (503)
Start from the beginning
![လူသားသစ္စာ [BOOK 5 ( 501-700) ]](https://img.wattpad.com/cover/243165571-64-k190213.jpg)