#منطقة_خطر🚷
#Yarinya
#الحلقة_السابعة
القلب ما يشفا لما يفقد،ايضل طول عمره ناقص💔
والعقل عمره ماينسى،ايجي يوم وتحاصره ذكرياته 👌
ليلى تضحك والفرحه في عيونها وفي لحظات تلاشت هالضحكة وكآن سهم انرشق داخلها
حست الدنيا وقفت
معاش في صوت صور يتحركوا بس
ظلمت الصورة مافي شي واضح وكآنها في حلم
سيف بجنب سهى
ليلى وقفت وكآنها تحاول اتفيق من الكابوس الي هدها وكسر روحها
سهى فرحانه والضحكة مش مفارقة وجهها
خشت الحمام
وانهارت تبكي وحاسه روحها بتطلع من البكي
نار في داخلها
غصه تغسل في وجهها تبي اطلع صورة سيف وسهى من بالها
مسحت دموعها وحاولت تسيطر ع نفسها خدت نفس عميق وطلعت
مالقتش سيف طلع
سهى:انتتي وينك
خيييرك شن فييك باكيه صح عيونك حمر شن في احكي😨
ليلى:آ لا غير عيوني يتعبوا مع العدسات فنحيتهم ما ادوري
سهى؛ليلى متآكده
ليلى:خنقتها العبره ما قدرتش ترداكتفت بهز راسها وفاتت بسرعه قبل ما يفضحوها دموعها
سهى في حالة حيره من ليلى ما مشتش عليها قصة العدسات وحست ان في شي اكبر
ليلى:خدت شنطتها وطلعت تلافونها واتصلت بخالد ماردش عليها
اتصلت بوليد
وقعد خمس دقايق وجاها وسهى بتموت تبي تعرف ليلى خيرها ماكان بالها مرتاح
وليلى مكتفيا بالصمت وبس
وليد:لاحظ ان ليلى مش ع بعضها
خيرك مش من عادتك تقعدي ساكته طول هالمده
ليلى:في عالم ثاني مش قادره تحس كان بالوجع الي داخلها
وليد:هيييي نكلم فيك
ليلى؛هااا 😢
وليد:تبكي!؟ خيرك شن في احكي!؟
ليلى:مافي شي😭
وليد:ليلى تكللمي
ليلى:لا غير زعلانه صاحبتي بتتزوج وبتمشي وتخليني
وليد:بشك متآكده
ليلى:مسحت دموعها وضحكت لالا مافي شي غير دايره الجو ع اساس متآثره
وليد: اها
وصلوا البيت وليلى طول في دارها
ربيعه:خيرك
ليلى:مافي شي غير حاسه روحي مريضه شوي شكلي واخده برده وحاسه روحي تعبانه بنرقد
ربيعه:هذا كله من لبسك الخفيف باهي بري صلي وخودي حاجه وارقدي
اول ما طلعت ربيعه ليلى طاحت ع الارض تبكي
بكت بكي مش طبيعي بكي هستيري بدون صوت
حاطه يدها ع فمها واليد الثانية ع قلبها حساته بيوقف كل شي ظلم عليها
هي عارفه نفسها انها اتوهم في روحها بسيف بس ماكان عندها الشجاعه انها تعفس ع قلبها وتسكر سريبه كانت عارفه ان حيجي يوم وحتفيق بالواقع بس مع هذا كانت مكمله في الطريق لوين جي اليوم الي فيقها بصدمة عمرها
مع بداية يوم جديد
رتب خنجر موعد مع المآذون واتفق ان ايجيهم الصبح
مشت ربيعه ونهى لعند اوسمة
جي العقيد عمر وسيف وخوت خنجر ما عدا مراد الي مختفي
ربيعه:يابنتي كله لمصلحة امك حالياً ماتفكري كان فيها احني غرضنا انساعدوك مش نغصبوك
اوسمة: مش عارفه الي دراته صح ولا غلط خايفه يترتب حاجات واجده من قرارها وادمر كل شي بدال ما تصلحه
