#منطقة_خطر🚷
#Yarinya
#الحلقة_الرابعة
سامحوووووني طولت عليكم تعرفوا وضع النت والضي مآساة للآسف
والتت اليوم جي والحمد الله قوي وبإذن الله حننتضم في التنزيل 💙
بعد خطواات لوين اوسمة اختفت عن انظاره
ركب في السياره
حاس روحه في دوامه
مزال مش مستوعب شي
تحت تآثير صدمة
وبعد نصيب القي روحه قدام مزرعتهم
اول مانزل من السياره طاح ع الارض
يبكي من كل اعماقه
يبكي وحاس روحه بتطلع من البكي
كل شي للآسوء
مش عارف شن ايدير غير ان يصرخ من اعماقه ويحاول ينزع الآلم الي داخله
خنجر:/للللليييييييييش ياااااربي ليييش ايصيرليييي هكييييييي
والتفت للسياره فتح الباب وعينه جت ع السلاح
خداه وسحبه
اوسمه:منهاره وخايفه موت ع امها
مراد كان يلقى ايضمها لحضنه وايهديها
جود اتحاول اطلع صورة خنجر من بالها اتحاول تستوعب ان هو نفسه او لا
نهى:اتنظف في دار النوم لمحة صندوق رفعاته من مكانه وفتحاته
كان موجود فيه شيشة عطر فاضية
ورواية لآجاثا كريستي
ورسمة لوليد
وورد دابل وميت
خدت الرواية وبدت اتقلب في اوراقها لوين وصلت في اخر ورقه انتبهت ان مكتوب فيها شي بخط اليد
[كنتُ اعلم منذُ الوهلة الآولى، انني سآُرغرم بك،ولكن ليس بهذا الشكل الغريب الذي لم استطع فهمه،لطالما اردتُ شخصاً دو طابعٍِ فريدٍ ،وذو شخصية مختلفة،مميزه،ذو قلبٍ رؤوف ،مُحِنْ،متآمل مثلك تماما لم اتوقع بآنني سآحصل عليه ، لكن اتضح بآنني انسانه محضوضه للغاية احبك وليد وهذه الرواية من اكثر الروايات قرباً لقلبي احببت ان اشارككا بها فربما قد تكون الشي الوحيد المتبقي مني وتكون ذكره جميله تربطنا معاً
نهى:حست بقبضه في قلبها عرفتها حبيبة وليد الي ما قدر ينساها ولا قدرت اتنسيه فيها نزلت دمعه من عينها وردت الرواية والصندوق في الدولاب
قداش ماهي واعره لما تكون عارف انك قاعد اتخوض في حرب انت الي خاسر فيها
صعبه جداً لما تحاول تملك قلب مش ليك نهائي قلب مزروع في غيرك وانت تحاول تقنع نفسك ان في يوم من الايام حينغرس فيك
كل شي نقدرو نجبرو فيه حد الا الحب
كيف ما يقولوا القلب وما يهوى
الحب ما يعرفش اصل ولا عمر ولا لون
الحب احساس تقدر تعيشه مع شخص مختلف بالكامل عنك
موقف نهى وااعر
لما تعيش مع شخص قلبه مع غيرك 💔
حط السلاح وسكر السياره وايحاول ايطلع الفكره من راسه
ما لقاش حل الا ان يشرب
كان يحساب ان الشُرب حينسيه كل شي
حيحله كل مشاكله حيخليه سعيد 💔
بعد نوبة انهيار وتكسير هذي شوي وانتبه لتلافونه الي ايرن وكان سيف
حدف التلافون ع الارض وكسره طرف طرف
الدكتور:حالياً ما عندي مانقول لآن وضعها مش مستقر ادعولها بس
طاحت اوسمه ع ركبيها وبدت تبكي
جود ضمتها وانهارن مع بعض
مراد يشبح بكل حزن وآلم كان متمني ايدير شي
