#منطقة_خطر🚷
#Yarinya
#الحلقة_الثالثة
هلا نعتذر من الجميع عن التآخير في تنزيل الحلقات مش مني لآني منتظمه في الكتابه بس المشكله في النت الفتره هذي مقطوع علينا ومرات ايجي في نص الليل وانكون راقده ومانلحقش عليه ومرات ايجي يقعد خمس دقايق ويفصل او ايكون ضعيف لدرجة الصفحة ماتفتحش و تعليقاتكم مانشوفش فيهن💔 ومرات هذا انلحق عليه وانزلكم الحلقة ع طول والي يبعتولي ع الخاص النت عدم عندي فالرد ما يوصللكم وتقعد الرساله معلقه ف اسفه ياريت تتحملوني هالفتره لوين ينتظم
وشن رايكم نوقف الرواية لوين النت ينتظم اقل حاجه انكون كتبت عدد كبير من الحلقات بيش اول ما ايجي النت انزلكم بالحلقتين ثلاثة هكي افضل من يوم في حلقه ويومين لا هكي حتنسو الاحداث💔
شن رايكم!؟
بالرغم من إعتيادي على الوضع إلا إنه في كل مره يموت جزء صغير بداخلي .. 💔
ربيعة:/انت عارف وضعه كويس
عمر/ شن بندير اني الي قدرت عليه درته ولو كان نقدر اكثر من هكي راهو درت
ربيعة:/مانبي ولدي يرجع لآياماته السوده اني ما صدقت ان تجاوزها هالفتره مش عارفه شن الي صايرله توا بدي يحلم واجد ونوم معاش يرقد وادويته معاد ياخد فيهم في شي دكره بالماضي
عمر: هو خايف ايكون صار شي للعيلة ع شان هكي وضعه ملخبط الايامات هذي
ربيعة:/دير حل حاولوا تلهوه تنسوه ب اي شي
عمر:/ان شاء الله وين وليد ليا فترة معاش شفته حتى لما جي خنجر ما كان مقابل
ربيعه:/اااي خليني ساكته امرضني هالولد رايح خيال بيموت من الهم واني نحسابه بينسى طلعت انخرف
عمر/ لعند توا ع نفس الوضع
ربيعه:/ولا كآن شي تغيير يومياً هايت برا لآنصاص الليالي وهالسم في فمه والله لين بنموت من علتي اني ماعرفت نلقاها من هذا الي بدالي هايت ومسيب مرته ولا من الثاني الي زايد هبال ولا من الثانيين ونساوينهم معاش عرفت شن اندير
عمر:/ كل مانتكلم نفتح فمي تقلبي وجهك وتحرجي انت عارفه الحق مع من
ربيعة:/عمرر بلاش منها هالسيره الاولين ما ادخلت في زيجاتهم وشفت النتيجة كيف
خنجر:/ع اساس اختيارك نساه وعيّشه في راحه شفنا نتيجة اختيارك
ربيعه:/احترمني يافرخ راني امك
عمر:/كلامه صح
خنجر/ ياما تكلمت وقتلك ماتكسري بخاطره جت عليه هو بس
ربيعه ناضت متغبنه
عمر/ها وشن وضعك انت
خنجر: باهي ومش باهي ماعرفتوا شي
عمر:/ياولدي طلع هالقصة من بالك مافيهم شي انت عارف ان مانقدروش انخشولها المنطقة بسهولة توا خليك منهم في عملية حتتنفد الاسبوع الجاي ......
_______________
حنان:/اني مش راضية ع خدمتك تندمري في البيت احسن بلاد مانعرفوها فكينا يابنتي مش ناقصني هم
اوسمة:/يا امي هذي مصحة وقريبه منه واجد مداما وافق الدكتور خليني نخدم راهو حنموتوا من الجوع كان ما خدمت فرصه ما اضيعيها
حنان:/تنهدت مش عارفه خليني نفكر قبل
جود/يما خالي من بكري يتصل
حنان/هاتي التلافون
______________
نهى//نبي نمشي لحوش اختي
وليد:/يلبس في ساعته
كلمي خوتك
نهى/راك زودتها ياوليد كل ما بنطلع نكلمهم لين بدو يحرجو فيا وين راجلك بايخه ره
وليد/هه بهزوه وانك تاخدي واحد قلبه معلق بغيرك في نظرك مش بايخه!؟
نهى/ انصمتت ومعاش قدرت اترد
وليد طلع وخلاها
