اوتار العشق

الفصل الثامن عشر(اوتار العشق)

اسفه جدا على التأخير بس كان عندى شويه ظروف وان شاء الله هنزل فى المعاد بعد كده...

الفصل الثامن عشر.

فى سياره سليم ...

كان يقود سيارته وبجانبه سلمى متجاهين إلى الفيلا....

سلمى:: حبيبى لو مش قادر تسوق اوقف ونكلم السواق يجى...انت كتفك لسه وجعك..

سليم بابتسامه حب:: متقلقيش ياعمرى انا كويس.....
ليمد يده ويمسك يديها ويقبلها قائلاً:::
..طول ماانتى جمبى هفضل كويس..اوعى تسيبى ايدى ابدا ...فاهمه..

سلمى بابتسامه رقيقه:: متخافش هفضل قعده على قلبك.

سليم بهيام:: انتى قعده جوه قلبى وعلى قلبى انتى اصلا روح قلبى...

سلمى بتوتر:: حبيبى ممكن اطلب منك طلب...

سليم:: اؤمرى وسيمو حبيبك ينفذ..

سلمى بتوتر:: انا عايزه اروح النهارده الشركه عند مازن عش......

ليقاطع كلامها قائلا بشده:: مفيش مرواح تانى الشركه دى انتى فاهمه...

سلمى بتبرير:: ياحبيبى اسمعنى بس..حنين كلمتنى وفى شغل كتير متعطل لازم يخلص..لحد مايكون فى سكرتيره جديده..

ليوقف سليم السياره فجاءه قائلا بشده وعصبيه:::
..قولت لا يعنى لا...سامعه مش هتروحى عند مازن ده تانى..

سلمى:: ليه بس ..

سليم بعصبيه:: سلمى متعصبينيش ...قولت لا...

سلمى بخوف:: ماشى خلاص بس متتعصبش كده..انا بخاف اوى...

يحاول سليم من تهدئه حاله قائلا بابتسامه وهو يقبل يديها:: اسف لو اتعصبت عليك ...وبعدين متخليش مازن ده ياخد وقتنا اكتر من كده...كفايه أوى أنه كان قريب منك فى وقت كنت فيه بعيده عنى...

سلمى:: صدقنى مازن ده اخويا وقف جمبى كتير اووى..

سليم بغيره:: بس هو مش شايفك كده...انا راجل وافهم نظرته دى كويس...

سلمى:: يعنى ايه مش فاهمه..

سليم:: هو احنا هنفضل كتير نتكلم عن سى زفت ده...مش نغير الموضوع ولا ايه...

سلمى بابتسامه رقيقه وهى تلف يديها حول ذزاعه:: طب بما انى عروسه بقى..هننزل نشترى الفستان امتى..

سليم بابتسامه عشق::: لا انتى تفضلى قعده فى البيت والفستان هو اللى يجى لغايه عندك...مفهوم...انا عايز عروستى ترتاح ...ومتفكرش فى اى حاجه غيرى...مفهوم.

سلمى:: تمام يافندم.....هههههههههه...

سليم بضحك:: حلوتك وانت مطيع..

           ................................................
           ‏
فى المساء..
فى فيلا سليم...

يدخل حازم فيلا سليم لكى يطمأن عليه ويدخل غرفه المكتب ينتظره...ليدخل عليه سليم:::
..خيرررر..