عشقت و لي أمري ❤️ * * * مكتملة

الندم

وبدأ خالد برمي شباكه على ايناس بعدما أعطته هايا كل المعلومات وأخذت المقابل وبدأت هايا بالكلام الجميل والمستمر على خالد وأنه مثلا أستايل واى بنت او ست تتمناه ويا له من قوى وأى شئ يفعله خالد أمام إيناس على الفور تمدحه لها وتجعله شئ كبير وبمشاعر الفتاة عديمة الخبرة إنساقت ايناس وراء هذا الكلام وبدأت تشعر تجاه خالد بمشاعر يملؤها الأعجاب.

وفى هذا الوقت أتت اعتماد لتعيش مع اخوها مؤقتا حتى يعود مصطفى من السفر فى الخليج لانها لم تعد تتحمل العيشة هناك أقنعها احمد ان تأتى لتراعى جميلة لانه يعلم ان ايناس لا تستطيع ان تكون أم مخضرمة مثلها فى هذا السن الصغير وان تعلمها كثير من الأشياء التى لم تتعلمها إيناس نفسها فعادت الى شقتها القديمة فى نفس الدور واصبحت دائما عند احمد  ومعهم كل يوم فلم يعود يركز كثيرا مع ايناس ولا تصرفاتها.

وبدأ خالد يفرض رأيه على إيناس فمثلا
خالد : لبستى الطقم ده ليه مش قولتلك ماتلبسيهوش تانى والا عايزنى دايما أبقى قلقان وغيران عليكى
ايناس وهى سعيدة ترد بفرحة: نسيت والله وبعدين غيرت البلوزة وديه واحدة تانيه
خالد :زعلان انت متعمدة تضايقنى انا ماشي
هايا :حرام عليكى يا ايناس والا هو علشان بيغير عليكى تعملى فيه كدة مش كفاية اللى هو فيه
ايناس :اللى هو فيه ماله ماله يا هايا
هايا : كان زعلان ومتضايق وقالى انه شغله متعطل بسبب الفلوس اللى المفروض يدفعها.

ايناس: ماله  انا بحسب حاجة تانية
وتذهب حيث يقف خالد بمفرده
خالد : عايزة ايه اخلصى انا مش طايقك
ايناس : ماتزعلش روق روق وبعدين ده انا جبتلك مصاريف الشحن اللى انت كنت عايزها
خالد :جبتيلي ١٥٠٠جنيه ( في فترة الثمانينات كانت تعادل حوالى  ٥٠٠٠٠الف جنيه)
ايناس : أيوة طبعا وتخرج من شنطتها النقود وتعطيها له فيأخذها بسرعة ككلب جائع يلتقط عظمة وتلمع عينيه ويهدأ وينظر اليها بحب وود مصطنع

خالد : ايناس ميرسى ياحبيبتى أنا متاسف بس المشكلة انى بغير عليكى أوى وبعدين ان أخدت منك فلوس كتير احسبى كده حوالى ١٠٢٥٠ جنيه خليكى فاكرة
ايناس : عارفة أنك بتغير عليه ما أنا حلوة بردوا زي ما أحمد بيقول
خالد: انا همشى دلوقتي علشان الشغل واشوفك بكرة وينظر اليها بلاش سيرة العجوز المتصابي بتاعك فاهمة
وبعد أن ذهب خالد تشعر إيناس بفرحة كبيرة لأنها ولأول مرة تشعر أنها هي التي تعطي ولا تأخذ منه شيء.

ويعود لها خالد ثانى يوم وطلب منها ١٠٠ جنيه قبل ان تحضر المحاضرات فتذهب معه إلى البنك وتسحب من حسابها ١٠٠ ج ويأخذها ويذهب بعدها على الفور وبسرعة تذهب إيناس لتلحق بالمحاضرة.

وبعد يومين يذهب معها خالد  الى كازينو وما أن جلسوا يبدأ فى البكاء فى صمت وهو ينظر إليها ولا يتوقف حتى  لاحظت إيناس.

إيناس : مالك ياخالد فيه إيه ياخالد
خالد بمكر شديد : مافيش حاجة بس مش عارف أقول ايه بس على العموم هقولك يمكن أهدى شوية من الهم اللي في قلبي أنا أصل أنا العهدة اللى معايا اتسرقت منى نسيتها فى التاكسي او الولد الساعى سرقها مش عارف مش فاكر المهم انى اتسرق منى ٥٠٠٠ جنيه
ايناس : ياه ده مبلغ كبير وهتعمل إيه
خالد : لو عمى اكتشف مش عارف هيعمل ايه وكل اللى قدرت اجمعه حوالى ٢٠٠٠ جنيه بس محتاج الباقى بسرعه ويتوجه ناحية باب الخروج
ويتركها بمفردها.