Begging For Your Love [Isla Felice Series 2] ✓

4

Close

"Jordan Emerson, huh," Kuya said while we're eating our breakfast. Kinunutan ko siya ng noo dahil hindi ko alam kung nag-aasar ba siya o ano. Maging si daddy at mommy ay napalingon sa akin.

Sa itsura pa lang ni kuya alam ko nang may sasabihin siyang hindi maganda. Paniguradong may nalaman na naman siyang hindi niya nagustuhan.

"What about him?" I asked.

Kumuha ako ng bacon at kinagatan iyon. Alam kong dapat mas pinipili ko na ang kinakain ngayon pero hindi naman ako madaling tumaba. At saka, reward day ko ngayon kaya kakainin ko ang mga gusto kong pagkain.

"Kasama mo siya sa photoshoot kahapon. You even uploaded some photos of the both of you," he said.

My forehead knitted even more because of confusion. Hindi ko alam kung anong pinupunto ng kuya ko. Hindi ko rin alam kung nagtatanong lang ba siya o naiinis na. Our parents remain quiet and observing us. My brother likes to put meaning on everything.

"Obviously, kasama ko siya kahapon kasi katrabaho ko siya. And Tita Amely asked me to upload the photos. Is there something wrong about that?" I asked him.

Kuya sighed before looking to our father. "Dad, did you know about this? Pinayagan natin siya sa modeling na 'yan pero hindi itong may pairing. Now people are shipping the two of them."

My eyes widened a bit. Kunot na kunot naman ang noo ni Kuya at mukhang hindi talaga natutuwa.

I shook my head. "That's not true. What are you talking about?"

Hindi ko alam kung anong sinasabi ni kuya. People are shipping us? I mean, yes I know that they saw our chemistry but it's not like that.

"Why don't you open your Social media accounts?" he fired back.

Agad kong kinuha ang phone ko at nag-online. Sunod-sunod na pumasok ang mga notifications. May mga bago akong followers at napakaraming nagreact sa post ko kahapon. Damn!

"Can I see it, Amara?" Dad asked and I have no choice but to give my phone. I watched him nervously as he scrolled on my phone.

"Dad, it's for work only. Hindi naman po ibig sabihin na sinabi ng mga taong bagay kami eh papatulan ko na si Jordan," depensa ko agad nang ibalik ni Dad ang phone ko. Sa itsura niya pa lang ay mukhang hindi siya natuwa sa nakita.

"I didn't say anything, Amarantha. Pagdating ng tita mo kakausapin ko siya. Kuya mo ang maghahatid sa 'yo sa trabaho ngayon," sambit ni Daddy kaya napangiti si kuya.

Bumuntonghininga ako at nilingon si mommy dahil wala na akong kakampi. Lagi na lang akong pinagkakaisahan nila Kuya at daddy. Masiyado na silang protective. Minsan nakakasakal na.

"Ramsey, huwag mo naman masiyadong paghigpitan si Amara. Baka magrebelde at maglihim pa sa atin," sabi ni mommy at bahagyang hinaplos ang kamay ni dad. Gano'n pa man, hindi pa rin nagbago ang awra ni Daddy.

"I'm just protecting our daughter, Ara. Alam ko kung paano kumilos ang mga tao sa showbiz. Baka gamitin pa nila si Amara para pagkakitaan. Tapos kapag hindi na nila mapakinabangan ang anak natin, bibitawan na lang nila bigla," mahabang litanya ni dad. Pagkatapos ay padabog itong tumayo at umalis ng hapagkainan.