كلتله ... هاي سوالف النسوان يخوي عجل انت شوكت تعرس ؟
عندي شغيله اخلصها واقبض فلوسها واعرس
وانت يول شو سكته ماكو وحيده من هين مناك مخلي جدتتك تشكي للرايح ولجاي
ضحكت جدتي عدها سوالف ... يوميه جايباتلي بنت فلان وبنت فلنتان مخليها على الله هي تجي
شلت التلفون ... تا اخابر منهد ابن عمي ياسين هذا وينه من ساع كال هسه اجي
الووو ... يا يابه وينك صارلي نص ساعه من خابرتكوين اني شبيك يول تنسى مو كلتلك بيت ابو نزال بالعجل يابه وراي شغل
طب امين من الباب يلعلع .....يولو هاي الحذيان المن ؟
كمال ... اكوم اكطعهن على راسك وين جنت للحزه ؟
السلام عليكم هاي غالي هينه يمنا منين طالعه الشمس
من زمان ما شايفهم وهذا امين كبران ....وعليكم السلام طالعه من يم صفحتك صاير شطولك يمعثور
طبت ام نزال شايله صينة الجاي وياها گليجه نزلته بالكاع وترزل بأمين لان جان بنادي يلعب طوبه
صوتها عبالك اسعاف صرعتني ... مو كلت تروح اجيب اختك من الظهر للحزه وين دايح
يمه مو يوميه تسمعيني نفس السالفه تدرين بيه بنادي وكمال كال اني رايح لهناك وامر اجيبها بعد عليش هالحجي
هم يحجون واني فكري وعگلي وروحي وكياني كله يمها يعني جانت بيت ابو نوفل ؟! هي شموخ اسم على مسى ياحظك يا غالي
صافن بيها وبالي مو وياهم فززني صوت امين يكول .... اي غالي شعجب يمنا اليوم شنونك اخبارك
سحبت نفس من الجكاره ... ماشيه الحمدلله شوكت النهائي وتسلم الكاس
كمال نفخ بقله صبر كال .... يستلم جدر مطعج النهار كله يطاردون
ورا هالطوبه وكل شي ما محصلين بس الطلايب والكوان ويوميه كعده من ورا مشاكلهم
دكحت عليه كلتله ... يا يابه استرو علينا ناس مخبله واحدهم ايده والسلاح
يولو قابل شمسوي شو حتى من يتكاونون ما احط نفسي اكف اتفرج عليهم لو اهد اللعب واطلع
امه كالت ... اهاذا ما يفيد بي الا ازجو تا يعگل احط بركبته مره واخلص
سوالفها سوالف امي وجدتي عبالهم بزواج كل شي ينحل ... يعمه مو حل هذا بعده زغير وين يروح ينفهه عن نفسه احنى بس نحذره تعرفين هين البوكس يردو بطلقه
بارت 2
ابدأ من البداية
