منقولة
الحلقةة[63]
من ﺭﻭﺍﻳﺔ - - ->" ﺳﻨــﺪ ﺍﻷﻧﺜــﻰ ﺭﺟــﻞ "
ﻓﻲ ﺧﻼﻝ ﻫﺎﻟﻴﻮﻣﻴﻦ : ﺣﻨﻴﻨﻪ ﺩﺍﺭﺕ ﺍﻟﻌﻤﻠﻴﻪ ﻭﻗﺎﻋﺪﻩ ﻓﻲ ﺍﻟﻤﺴﺘﺸﻔﻰ ﺑﺲ ﺗﻌﺒﺎﻧﻪ ﻗﺎﻋﺪﻩ
ﺍﻣﺎ ﺍﻧﻲ ﻓﻤﺎﻧﻨﺪﺭﻳﺶ ﻣﺎﺍﺗﺼﻠﻮﺵ ﻭﺍﻧﻲ ﻟﻤﺎ ﻧﺘﺼﻞ ﻣﺎﻳﺮﺩﻭﺵ ﻟﺤﺪ ﻣﺎﺍﻧﺸﻐﻠﺖ
ﺍﻧﻲ : ﻭﻟﻴﺪ ﻣﺎﻳﺒﻮﺵ ﻳﺮﺩﻭ ، ﺣﺎﺳﺔ ﻓﻲ ﺣﺎﺟﺔ
ﻭﻟﻴﺪ : ﺗﻠﻘﻴﻬﻢ ﻣﻤﻜﻦ ﻣﺎﻋﻨﺪﻫﻤﺶ ﻧﺖ ﺗﻮ ﻧﺘﺼﻞ ﺑﺎﻟﺸﻔﺮﺓ ، ﺗﻮ ﻧﻄﻠﻌﻮ ﻧﻌﺒﻴﻬﺎ ﺭﺻﻴﺪ ﻭﻧﻜﻠﻤﻮﻫﻢ
ﺍﻧﻲ ﻭﻗﻔﺖ : ﺑﺎﻫﻲ ، ﻭﺣﺴﻴﺖ ﺍﻟﺪﻧﻴﺎ ﻟﻔﺖ ﺑﻴﺎ ﻭﻟﻴﺖ ﻗﻌﻤﺰﺕ
ﻭﻟﻴﺪ ﺷﺎﻓﻠﻲ : ﺩﺧﺘﻲ ﻣﻦ ﺟﺪﻳﺪ ﻭﺍﻻ ، ﻧﻮﺿﻲ ﺍﻟﺒﺴﻲ ﻧﻮﺿﻲ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﺭﺍﺳﻲ : ﺑﺎﻩ ﺷﻮﻳﺔ ﺑﺲ
ﻭﻟﻴﺪ ﻗﺮﺏ ﻣﻨﻲ : ﺧﻴﺮﻙ ﻧﻮﺳﺔ ﻣﺎﺗﺨﻮﻓﻴﻨﻴﺶ
ﺍﻧﻲ ﺣﺴﻴﺖ ﻛﺎﺍﻧﻲ ﺩﺍﺧﻠﻲ ﺑﻴﻄﻠﻊ ﻣﻨﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻭﻧﺸﺪﻫﺎ ﺟﺮﻱ ﻟﻠﺤﻤﺎﻡ
ﻭﻟﻴﺪ ﺍﻟﺤﻘﻨﻲ : ﺧﻴﺮﻙ ﺷﻦ ﺻﺎﺭ
ﺍﻧﻲ ﺳﻜﺮﺕ ﺍﻟﺤﻤﺎﻡ ﻭﻧﺤﺲ ﻓﻲ ﻛﺒﺪﻱ ﺯﺍﻫﻘﻪ ﺑﻜﻞ ﻭﺩﺍﻳﺨﻪ
ﻭﻟﻴﺪ ﻳﻄﻖ ﻋﻠﻲ ﺑﺎﺏ ﺍﻟﺤﻤﺎﻡ : ﻧﻮﺳﺔ ﻣﺎﺗﺨﻮﻓﻴﻨﻴﺶ
ﺍﻧﻲ ﻏﺴﻠﺖ ﻭﺟﻬﻲ ، ﻓﺘﺤﺖ ﺍﻟﺒﺎﺏ ﺟﻲ ﻗﺪﺍﻣﻲ ﻭﻟﻴﺪ ، ﻭﻭﺟﻬﻲ ﺍﺻﻔﺮ ﺑﻜﻞ
ﻭﻟﻴﺪ ﺷﺪﻧﻲ ﻣﻦ ﻳﺪﻱ ﻭﺳﻨﺪﻧﻲ ﻋﻠﻴﻪ ﻭﻗﻌﻤﺰﻧﻲ ﻋﻠﻲ ﺍﻟﺴﺮﻳﺮ ، ﻭﺟﺎﺑﻠﻲ ﻣﻴﻪ : ﺧﻮﺩﻱ ﺍﺷﺮﺑﻲ ﺣﺒﻴﺒﺘﻲ
ﺍﻧﻲ ﺧﺪﻳﺖ ﺷﺮﺑﺖ ﻣﻴﻪ ، ﻭﺑﻌﺪﻫﺎ ﺍﺗﻜﻴﺖ ﺷﻮﻳﺔ ﻭﺣﺴﻴﺖ ﺭﻭﺣﻲ ﺗﻤﺎﻡ ، ﻧﻀﺖ
ﻭﻟﻴﺪ : ﺷﻦ ﺗﻮﺍ ﺗﻤﺎﻡ
ﺍﻧﻲ : ﺍﻳﻪ ﺍﺣﺴﻦ
ﻭﻟﻴﺪ : ﺑﺎﻩ ﺍﻣﺎﻻ ﺍﻟﺒﺴﻲ ﺧﻠﻲ ﻧﻤﺸﻮ ﻟﻠﻤﺴﺘﺸﻔﻰ
ﺍﻧﻲ ﻣﺎﻋﺎﺭﺿﺘﺶ ﻭﻧﻀﺖ ﻭﺗﻴﺖ ﺭﻭﺣﻲ
،،،،،،،،،،،
ﻧﻮﺭﺱ : ﻣﺎﻣﺎ ﻧﺴﻴﺒﺔ ﺗﺘﺼﻞ ﻉ ﺍﻟﻔﺎﻳﺒﺮ ﻣﺎﺭﺩﻳﺘﺶ ﻋﻠﻴﻬﺎ ، ﻣﺎﻋﺮﻓﺘﺶ ﻧﻘﻮﻟﻠﻬﺎ ﻭﺍﻻ ﻻ
ﻣﺎﻣﺎ : ﻗﻮﻟﻲ ﻟﻮﻟﻴﺪ ﻭﻫﻮ ﺗﻮ ﻳﺘﺼﺮﻑ
ﻧﻮﺭﺱ : ﻣﺶ ﻋﺎﺭﻓﻪ ﻣﺶ ﻓﺎﺗﺢ ﻧﺖ ﻭﻟﻴﺪ
ﻣﺎﻣﺎ : ﺍﺑﻌﺘﻴﻠﻪ ﺭﺳﺎﻟﺔ ، ﻭﻫﻲ ﺧﻔﻲ ﺭﻭﺣﻚ ﺑﺎﺵ ﺗﺠﻴﺒﻲ ﺍﺧﻮﺍﺗﻚ ﻣﻦ ﺍﻟﺠﺎﻣﻌﻪ ، ﻭﺑﻌﺪﻫﺎ ﺗﺮﻓﻌﻴﻨﻲ ﻟﺤﻨﺎﻙ
ﻧﻮﺭﺱ ﺷﺎﺩﻩ ﺍﻟﺘﻠﻴﻔﻮﻥ ﻭﺗﻬﺪﺭﺯ ﻣﻊ ﻋﺪﻧﺎﻥ ﻭﻣﺎﺗﺴﻤﻌﺶ ﻓﻲ ﻣﺎﻣﺎ
ﻣﺎﻣﺎ : ﺗﻲ ﻟﻮﺣﻲ ﺍﻟﻲ ﻓﻲ ﻳﺪﻙ ﻫﻴﺎﺍﺍ ﺑﺮﻱ ﻻﺧﻮﺍﺗﻚ
ﻧﻮﺭﺱ ﻗﺎﻋﺪﻩ ﺗﻜﺘﺐ : ﺑﺎﻩ ﻳﺎﻣﺎﻣﺎ ﺍﻧﻲ ﻣﺎﺷﻴﺔ ، ﻭﻃﻠﻌﺖ
ﻋﺪﻧﺎﻥ : ﺭﺩﻱ ﺑﺎﻟﻚ ﻣﻦ ﺍﻟﻄﺮﻳﻖ ﻭﺷﻮﻓﻲ ﻗﺪﺍﻣﻚ
ﻧﻮﺭﺱ : ﺑﺎﻩ ﺣﺎﺿﺮ ، ﺑﺘﺠﻲ ﺍﻧﺖ ﺑﻌﺪﻳﻦ ﺍﻫﻨﻲ
ﻋﺪﻧﺎﻥ : ﻣﺎﺍﻋﺘﻘﺪﺵ ﺑﻨﺸﻮﻑ ﺣﻨﺎﻱ ﻓﻲ ﺍﻟﻤﺴﺘﺸﻔﻰ ﻭﻋﻨﺪﻱ ﻛﻢ ﻣﻮﺿﻮﻉ ﺑﻨﺪﻳﺮﻩ ، ﻭﻣﻤﻜﻦ ﻧﻤﺮ ﻉ ﺍﻟﺠﺎﻣﻌﻪ
ﻧﻮﺭﺱ : ﺑﺎﻩ ﺍﻧﻲ ﺗﻮﺍ ﺭﻛﺒﺖ ﺍﻟﺴﻴﺎﺭﺓ ﻧﺘﻜﻠﻤﻮ ﺑﻌﺪﻳﻦ
ﻋﺪﻧﺎﻥ : ﻣﺎﺷﻲ ﺩﻳﺮﻱ ﺑﺎﻟﻚ ﻉ ﺭﻭﺣﻚ
ﺭﻛﺒﺖ ﻧﻮﺭﺱ ﺳﻴﺎﺭﺗﻬﺎ ﻭﻃﻠﻌﺖ
،،،،،،،،،،،،،
ﻓﻲ ﺍﻟﻤﺴﺘﺸﻔﻰ
ﺍﻟﺪﻛﺘﻮﺭ : ﺣﺎﻟﺘﻬﺎ ﻗﺎﻋﺪﻩ ﻣﺶ ﻣﺴﺘﻘﺮﺓ ﻻﺯﻡ ﻧﺨﻠﻴﻬﺎ ﻓﻲ ﺍﻟﻤﺴﺘﺸﻔﻰ ﻭﻧﺘﺎﺑﻊ ﺣﺎﻟﺘﻬﺎ
ﻋﺼﺎﻡ : ﻗﺼﺪﻱ ﺍﻟﻌﻤﻠﻴﻪ ﻣﺎﻧﺠﺤﺘﺶ ؟
ﺍﻟﺪﻛﺘﻮﺭ ﻫﺰ ﺭﺍﺳﻪ ﺑﻤﻌﻨﻰ ﻻ
ﻋﺼﺎﻡ : ﺑﺎﻩ ﻧﻘﺪﺭﻭ ﻧﻄﻠﻌﻮﻫﺎ ﺑﺮﺍ ﺍﻟﺒﻼﺩ
ﺍﻟﺪﻛﺘﻮﺭ : ﻋﺎﺩﻱ ﺗﻘﺪﺭﻭ ﺗﻄﻠﻌﻮﻫﺎ ﺑﺲ ﻻﺯﻡ ﺑﺎﺳﻌﺎﻑ ﻻﻧﻪ ﻗﻠﺒﻬﺎ ﺣﺎﻟﺘﻪ ﻣﺶ ﻣﺴﺘﻘﺮﺓ
ﻋﺼﺎﻡ ﻭﻗﻒ : ﺑﺎﻩ ﻣﺸﻜﻮﺭ ، ﻭﻃﻠﻊ
ﻋﻤﻲ ﻣﻘﻌﻤﺰ ﻉ ﺍﻟﻜﺮﺳﻲ : ﺷﻦ ﻗﺎﻟﻚ ﺍﻟﺪﻛﺘﻮﺭ
ﻋﺼﺎﻡ : ﻭﺍﻟﻠﻪ ﻳﺎﺑﻮﻱ ﺣﺎﻟﺘﻬﺎ ﻣﺶ ﻣﺴﺘﻘﺮﺓ ﺧﻠﻴﻨﺎ ﻧﻄﻠﻌﻮﻫﺎ ﺑﺮﺍ ﻟﻴﺒﻴﺎ
ﻋﻤﻲ : ﺑﺎﻩ
ﻭﻗﻌﺪﻭ ﻳﻔﻜﺮﻭ ﻛﻴﻒ ﺣﻴﻄﻠﻌﻮﻫﺎ ﻭﻭﻳﻦ ﻳﺮﻓﻌﻮﻫﺎ ﻭﻳﺨﻄﻄﻮ
،،،،،،،،،،،
ﻗﺎﻋﺪﻩ ﻭﺍﺗﻴﻪ ﻭﻧﺮﺍﺟﻲ ﻓﻲ ﻭﻟﻴﺪ ﻳﺪﻳﺮ ﻓﻲ ﺩﻭﺵ ﻋﻄﻞ ، ﻓﺘﺤﺖ ﺍﻟﻔﺎﻳﺒﺮ ﺍﻟﻘﻴﺖ ﻧﻮﺭﺱ ﻗﺎﻋﺪﻩ ﻓﺎﺗﺤﺔ ، ﺍﺗﺼﻠﺖ
ﻧﻮﺭﺱ ﻛﺎﻧﺖ ﻓﻲ ﺍﻟﺴﻴﺎﺭﺓ ﻭﻋﺎﻟﻘﻪ ﺍﻟﻨﺖ ﻓﻲ ﺍﻟﺸﻔﺮﺓ ﻭﻟﻤﺎ ﺷﺎﻓﺖ ﺭﻧﺘﻲ ﻣﺎﺭﺩﺗﺶ
ﺳﻜﺮﺕ : ﺍﻭﻭﻭﻑ ، ﻭﺷﻮﻳﺔ ﻭﻧﺴﻤﻊ ﺻﻮﺕ ﻣﺴﺞ ﻋﻠﻲ ﺗﻠﻴﻔﻮﻥ ﻭﻟﻴﺪ ﻭﻛﺎﻥ ﻉ ﺍﻟﺸﻜﻤﺎﺟﺔ ﺟﻨﺒﻲ ، ﺟﺒﺪﺗﻪ ﻭﻛﺎﻥ ﻣﺴﺞ ﻭﺍﺻﻞ ﻋﻠﻲ ﺍﻟﺸﻔﺮﺓ ، ﺷﻔﺘﻪ ﻣﻦ ﻧﻮﺭﺱ ﺯﺩﺕ ﺍﺳﺘﻐﺮﺑﺖ ﻭﻓﺘﺤﺘﻪ
)) ﻭﻟﻴﺪ ﻛﻴﻒ ﺣﺎﻟﻜﻢ ، ﻧﻮﺳﺔ ﺗﺘﺼﻞ ﺑﺎﺳﺘﻤﺮﺍﺭ ، ﺭﺍﻫﻮ ﺣﻨﺎﻱ ﺗﻌﺒﺎﻧﻪ ﺟﺘﻬﺎ ﺟﻠﻄﺔ ﻋﻠﻲ ﺍﻟﻘﻠﺐ ﻭﻣﺎﻋﺮﻓﺘﺶ ﻧﺮﺩ ﻋﻠﻴﻬﺎ ﺷﻦ ﻧﻘﻮﻟﻠﻬﺎ ، ﻓﻘﻮﻟﻠﻬﺎ ﺍﻧﺖ ((
ﺍﻧﻲ ﻗﻌﺪﺕ ﻧﻘﺮﺍ ﻓﻲ ﺍﻟﻤﺴﺞ ﻗﺮﻳﺐ ﺧﻤﺲ ﻣﺮﺍﺕ ، ﺑﻌﺪﻫﺎ ﻓﺘﺤﺖ ﺍﻟﻨﺖ ﻓﻲ ﺗﻠﻴﻔﻮﻥ ﻭﻟﻴﺪ ﻭﺍﺗﺼﻠﺖ ﻣﻨﻪ
ﻧﻮﺭﺱ ﺭﺩﺕ ﻋﻠﻲ ﻃﻮﻝ : ﺍﻟﻮ ﻭﻟﻴﺪ
ﺍﻧﻲ : ﺍﻧﻲ ﻧﺴﻴﺒﺔ ﻣﺎﻧﻴﺶ ﻭﻟﻴﺪ ﺧﻴﺮﺭﻫﺎ ﺣﻨﻴﻨﻪ ﺷﻦ ﺻﺎﺭﻟﻬﺎ ﻭﺍﻣﺘﻰ ﻣﺮﺿﺖ ﺍﻋﻼﺵ ﻣﺎﺗﻘﻮﻟﻮﻟﻴﺶ
ﻧﻮﺭﺱ : ﺍﻭﻝ ﺍﻣﺲ ﻣﺮﺿﺖ ﻭﺍﻧﻲ ﻣﺎﻋﺮﻓﺘﺶ ﻛﻴﻒ ﻧﻘﻮﻟﻚ ﻭﺍﺻﻼ ﻟﻬﻴﻨﺎ ﻓﻲ ﺍﻟﻨﺎﺱ ﺍﻟﻲ ﻳﺠﻮ ، ﻓﻘﻠﺖ ﻟﻮﻟﻴﺪ
ﺍﻧﻲ : ﻛﻴﻒ ﺣﺎﻟﻬﺎ ﺑﺎﻫﻲ ﻃﻤﻨﻴﻨﻲ
ﻧﻮﺭﺱ : ﺗﺎﻋﺒﻪ ﻗﺎﻋﺪﻩ ﻓﻲ ﺍﻟﻤﺴﺘﺸﻔﻰ ﺩﺍﺭﻭﻟﻬﺎ ﻛﺴﺘﺮﺍ ﺍﻣﺲ ﺑﺲ ﻣﺎﻧﺠﺤﺘﺶ
ﺍﻧﻲ ﻋﻴﻮﻧﻲ ﺗﻌﺒﻮ ﺩﻣﻮﻉ : ﺑﺎﻩ ﺳﻜﺮﻱ ﻧﻤﺸﻲ ﻧﻘﻮﻝ ﻟﻮﻟﻴﺪ
ﻧﻮﺭﺱ : ﺑﺎﻫﻲ ، ﻭﺳﻜﺮﺕ
ﺍﻧﻲ ﻛﻴﻒ ﺑﻨﻄﻖ ﺍﻟﺒﺎﺏ ، ﻭﻟﻴﺪ ﻓﺘﺤﻪ : ﻭﻟﻴﺪ ﻧﺒﻲ ﻧﺮﻭﺡ ﺣﻨﻴﻨﻪ ﻣﺮﻳﻀﻪ ، ﻭﺩﻣﻮﻋﻲ ﻧﺰﻟﻮ
ﻭﻟﻴﺪ ﻗﺮﺏ ﻣﻨﻲ : ﻛﻴﻒ ﺻﺎﺭ ﻣﻦ ﻗﺎﻟﻚ
ﺍﻧﻲ ﻧﻤﺴﺢ ﻓﻲ ﺩﻣﻮﻋﻲ : ﻧﻮﺭﺱ ﺗﻮﺍ ﻗﺎﻟﺘﻠﻲ ، ﻭﻟﻴﺪ ﻧﺒﻲ ﻧﺮﻭﺡ
ﻭﻟﻴﺪ : ﺑﺎﻩ ﺣﺎﺿﺮ ﺗﻮ ﻧﺮﻭﺣﻮ ، ﺍﻟﻴﻮﻡ ﺗﻤﺸﻲ ﺗﻌﺎﻳﻨﻲ ﻭﺑﻌﺪﻳﻦ ﻧﻤﺸﻲ ﻧﺤﺠﺰ ﻭﻏﺪﻭﺓ ﻧﺮﻭﺣﻮ
ﺍﻧﻲ ﻫﺰﻳﺖ ﻛﺘﺎﻓﻲ : ﻻ ﻧﺒﻴﺶ ﻧﻤﺸﻲ ﻟﻮﻻ ﻣﻜﺎﻥ ﻧﺒﻲ ﻧﺮﻭﺡ ﻭﻟﻴﺪ ﻧﺒﻲ ﻧﺸﻮﻑ ﺍﺣﻨﻴﻨﻪ ﺍﻧﻲ
ﻭﻟﻴﺪ ﻳﻘﻠﺪ ﻓﻲ ﺻﻮﺗﻲ ﻭﻳﺪﻳﺮ ﻓﻲ ﺷﻮﺍﺭﺑﻪ ﺯﻱ ﺍﻟﺒﻴﺒﻲ : ﺑﺎﻩ ﺗﻮ ﺗﺸﻮﻓﻲ ﺣﻨﻴﻨﻪ ﻟﻜﻦ ﺍﻧﺘﻲ ﻣﺮﻳﻀﻪ ﻻﺯﻡ ﺗﻌﺎﻳﻨﻲ
ﺍﻧﻲ : ﻫﻬﻬﻪ ﺑﻄﻞ ، ﻭﻟﻴﺪ ﺑﺠﺪﻳﺎﺕ ﻧﺒﻲ ﻧﺘﻄﻤﻦ ﻋﻠﻲ ﺣﻨﻴﻨﻪ ﻣﺮﻳﻀﺔ ﻫﻠﺒﺎ ﺷﻜﻠﻬﺎ
ﻭﻟﻴﺪ ﺣﻂ ﻳﺪﻩ ﻋﻠﻲ ﻛﺘﻔﻲ : ﺑﺎﻩ ﻳﺎﺣﺒﻴﺒﺘﻲ ﺍﻫﻮ ﺗﻮ ﻧﺘﺼﻠﻮ ﺑﻴﻬﻢ ﻭﺍﺗﻄﻤﻨﻲ ﻟﻜﻦ ﻻﺍﺯﻡ ﻧﻌﺎﻳﻨﻮ ﻣﺶ ﻣﺘﻄﻤﻦ ﺍﻧﻲ ﻋﻠﻲ ﺍﻟﺪﻭﺧﻪ ﻫﺎﺩﻱ
ﺍﻧﻲ : ﺍﻭﻭﻭﻑ ﻭﻟﻴﺪ ﻭﺍﻟﻠﻪ ﺗﻠﻘﺎﻧﻲ ﻫﺒﻮﻁ ، ﺑﺎﻩ ﺍﺗﺼﻞ ﺗﻮﺍ
ﻭﻟﻴﺪ : ﻣﺎﻓﻴﻬﺎﺵ ﺭﺻﻴﺪ ﺍﻟﺸﻔﺮﻩ ، ﻧﻄﻠﻌﻮ ﻭﻧﻌﺒﻲ
ﺍﻧﻲ : ﺑﺎﻩ ﻫﻲ ﺑﺴﺮﻋﻪ ﻭﻟﻴﺪ ﻭﺍﻟﻠﻪ ﻗﻠﺒﻲ ﻣﺶ ﻣﺘﺮﻳﺢ ﺑﻜﻞ
ﻭﻟﻴﺪ ﻳﻠﺒﺲ ﻓﻲ ﺍﻟﺘﻴﺸﺮﺕ : ﻏﻴﺮ ﻫﺪﻱ ﺭﻭﺣﻚ ﺑﺲ ﺍﻥ ﺷﺎﺀ ﺍﻟﻠﻪ ﻣﺎﻓﻴﻬﺎ ﺷﻲ
ﺍﻧﻲ ﺷﺎﺩﻩ ﺍﻟﺘﻠﻴﻔﻮﻥ ﻭﻧﻠﻮﺩ ﻓﻲ ﺍﻟﺤﺠﺮﺓ : ﻓﻴﺶ ﺣﺪ ﻓﺎﺗﺢ ﻧﺖ ، ﺣﺘﻰ ﻧﻮﺭﺱ ﺳﻜﺮﺕ ﺍﻭﻭﻑ ﻳﺎﺭﺑﻲ
،،،،،،،،،،،،،،
ﺍﻣﺎ ﻧﻮﺭﺱ ﻓﻠﻤﺎ ﺳﻜﺮﺕ ﻣﻨﻲ ﻛﺎﻧﺖ ﺧﺎﺷﻪ ﺑﻮﺍﺑﺔ ﺍﻟﺠﺎﻣﻌﻪ ، ﻗﻌﺪﺕ ﺗﺒﺮﺑﺶ ﻓﻲ ﻣﻮﺑﺎﻳﻠﻬﺎ ﺑﺘﺴﻜﺮ ﺍﻟﻨﺖ ، ﻭﻃﺎﺍﺍﻑ
ﺷﺎﻓﺖ ﻗﺪﺍﻣﻬﺎ ﻭﺍﻟﺪﻡ ﻳﺒﺲ ﻓﻲ ﻋﺮﻭﻗﻬﺎ : ﺣﻲ ﻋﻠﻴﺎﺍﺍﺍ ﺣﻲ
ﺿﺮﺑﺖ ﺳﻴﺎﺭﺓ ﻭﺍﺣﺪ ، ﺗﺨﺮﻃﺖ ﻭﺧﺎﻓﺖ ﻣﻦ ﺍﻟﻤﻮﻗﻒ ﺍﻟﻲ ﻓﺎﺕ ﻭﻗﻌﺪﺕ ﻓﻲ ﺳﻴﺎﺭﺗﻬﺎ ﺗﺮﺍﺟﻲ ﻓﻴﻪ ﺍﻣﺘﻰ ﻳﻨﺰﻝ ﻭﻳﻬﺰﺏ ﺯﻱ ﺍﻟﺮﺍﺟﻞ ﻫﺪﺍﻛﺎ
ﺍﻣﺎ ﻫﻮ ﻓﺈﻧﺨﺒﻂ ﺭﺍﺳﻪ ﻓﻲ ﺍﻟﺪﻭﻣﺎﻥ ، ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺣﺎﻁ ﻳﺪﻩ ﻋﻠﻲ ﺭﺍﺳﻪ ، ﻗﺮﺏ ﻣﻦ ﺳﻴﺎﺭﺗﻬﺎ ﺑﻬﺪﻭﺀ
ﻧﻮﺭﺱ ﻣﻘﻌﻤﺰﺓ ﺗﺮﻋﺶ ﻣﻌﺎﺵ ﻋﺮﻓﺖ ﺗﻨﺰﻝ ﺗﺘﺄﺳﻒ ﻭﺍﻻ ﺗﻘﻌﻤﺰ ﺗﺒﻜﻲ ﻭﺧﺎﻧﻘﺘﻬﺎ ﺍﻟﻌﺒﺮﺓ
،،،،،،،،،،،،،،،،
ﻧﺮﺟﺲ ﻣﻘﻌﻤﺰﺓ ﺗﺮﺍﺟﻲ ﻓﻲ ﻧﻮﺭﺱ ﺍﻣﺘﻰ ﺗﺠﻴﻬﺎ ، ﻭﺗﻜﻠﻢ ﻓﻲ ﺣﺴﻦ ﺑﺎﻟﺘﻠﻴﻔﻮﻥ
ﺣﺴﻦ : ﺳﻤﻮﺣﺘﻲ ﻗﻠﺘﻴﻠﻲ ﻗﺎﻋﺪﻩ ﻓﻲ ﺍﻟﺠﺎﻣﻌﻪ
ﻧﺮﺟﺲ : ﺍﻳﻪ ﻧﺮﺍﺟﻲ ﻓﻲ ﺍﺧﺘﻲ ﻋﻄﻠﺖ
ﺣﺴﻦ : ﺑﺎﻩ ﺗﻠﻔﺘﻲ ﻭﺭﺍﻙ
ﻧﺮﺟﺲ ﻟﻔﺖ ﻭﺟﻬﻬﺎ ﻭﺷﺎﻓﺖ ﺑﺎﻗﻪ ﻭﺭﺩ ﻛﺒﻴﺮﺭﺓ ﺷﺎﺩﻫﺎ ﺣﺴﻦ ﻓﺘﺤﺖ ﻓﻤﻬﺎ ﻣﻦ ﺍﻟﺼﺪﻣﺔ ، ﻭﻗﻔﺖ ﻭﻗﺎﻋﺪﻩ ﺣﺎﻃﺔ ﺍﻟﺘﻠﻴﻔﻮﻥ ﻓﻲ ﻭﺩﻧﻬﺎ ﻭﻣﺼﺪﻭﻣﻪ
ﺑﺎﻗﻪ ﻭﺭﺩ ﺣﻤﺮﺍﺀ ﻛﺒﻴﺮﺓ ﻛﺎﻧﺖ ﻓﻈﻴﻌﻪ ﺑﻜﻞ ﻭﺣﺴﻦ ﺷﺎﺩﻫﺎ ﻭﻣﺒﺘﺴﻢ ، ﻗﺮﺏ ﻣﻨﻬﺎ
ﻛﺎﻧﻮ ﻛﻞ ﺑﻨﺎﺕ ﺍﻟﺠﺎﻣﻌﻪ ﻳﺸﻮﻓﻮﻟﻬﺎ ﺍﻟﻲ ﺣﺎﺳﺪﺗﻬﺎ ﻭﺍﻟﻲ ﻗﻌﺪﺕ ﻣﺒﺘﺴﻤﻪ ﻣﻦ ﺍﻟﻤﻮﻗﻒ ﺍﻟﺤﻠﻮ ﻭﺗﺘﻤﻨﻰ ﺭﻭﺣﻬﺎ ﻣﻜﺎﻧﻬﺎ
ﻧﺮﺟﺲ ﻋﻴﻮﻧﻬﺎ ﺗﻌﺒﻮ ﺩﻣﻮﻉ ﻓﺮﺡ ﻭﻗﻌﺪﺕ ﻣﺒﺘﺴﻤﻪ ﺑﺼﺪﻣﻪ ﻭﺣﺎﻃﺔ ﻳﺪﻫﺎ ﻋﻠﻲ ﻓﻤﻬﺎ
ﻭﻓﻲ ﺍﻟﻠﺤﻈﺔ ﻫﺎﺩﻱ ﻣﻌﺎﺩ ﻛﺎﻥ ﻧﺎﺯﻝ ﻣﻦ ﺳﻴﺎﺭﺗﻪ ، ﻭﺗﺠﻲ ﻋﻴﻨﻪ ﻋﻠﻲ ﻧﺮﺟﺲ ﻭﺣﺴﻦ ﻭﺍﻟﺒﺎﻗﻪ ﻭﺍﻟﺠﺎﻣﻌﻪ ﻛﻠﻬﺎ ﺗﺸﻮﻓﻠﻬﻢ ، ﺣﺲ ﺑﺼﺪﻣﻪ ﻛﺴﺮﺕ ﻗﻠﺒﻪ ﻛﺴﺮ ، ﺧﻼﺗﻪ ﻣﺸﻠﻮﻝ ﻣﻌﺎﺵ ﻋﺮﻑ ﺷﻦ ﻳﺪﻳﺮ ﻭﺍﻗﻒ ﻭﻣﺼﺪﻭﻡ ﻟﻮ ﺗﺒﻮﻗﻲ ﻓﻴﻪ ﻣﻮﺱ ﻣﺎﺗﻨﺰﻟﺶ ﻣﻨﻪ ﻭﻻﻗﻄﺮﺓ ﺩﻡ ، ﻟﺪﺭﺟﺔ ﺩﻣﻮﻋﻪ ﺗﺠﻤﻌﻮ ﻓﻲ ﻋﻴﻮﻧﻪ
ﻧﺮﺟﺲ ﻣﺒﺘﺴﻤﻪ ﻭﺧﺪﻭﺩﻫﺎ ﺣﻤﺮ ﻭﻓﺮﺣﺎﻧﻪ ﺑﻜﻞ : ﺷﻜﺮﺍ
ﺣﺴﻦ ﻣﺪﻫﺎﻟﻬﺎ ﻭﻫﻲ ﺧﺪﺗﻬﺎ ، ﺷﻤﺖ ﺍﻟﻮﺭﺩ ﻭﺍﺑﺘﺴﺘﻤﺖ ﺑﻔﺮﺣﺔ
ﺣﺴﻦ ﻣﺒﺘﺴﻢ ﻭﻓﺮﺣﺎﻥ ﺑﻴﻬﺎ
ﻧﺮﺟﺲ ﻓﺎﻗﺖ ﻣﻦ ﺍﻟﻔﻴﻠﻢ ﺍﻟﺮﻭﻣﺎﻧﺴﻲ ﺍﻟﻲ ﺻﺎﺭ ﻭﺷﺎﻓﺖ ﺣﻮﺍﻟﻴﻬﺎ ﻭﺍﻟﻘﺖ ﺍﻟﻜﻞ ﻳﺸﻮﻓﻠﻬﻢ : ﻫﻴﻲ ﺣﻲ ﺍﻟﻨﺎﺱ ﻛﻠﻬﺎ ﺗﺸﻮﻓﻠﻨﺎ
ﺣﺴﻦ ﺷﺪﻫﺎ ﻣﻦ ﻳﺪﻫﺎ : ﺗﻌﺎﻟﻲ ﺗﻮ ﻧﻤﺸﻮ ﻣﻜﺎﻥ ﺗﺎﻧﻲ
ﻣﻌﺎﺩ ﻟﻤﺎ ﺷﺎﻑ ﻓﺮﺣﺔ ﻧﺮﺟﺲ ﻭﺿﺤﻜﺘﻬﺎ ﻭﺣﺒﻬﺎ ﻟﺤﺴﻦ ﻭﺍﺿﺢ ﻓﻲ ﻋﻴﻮﻧﻬﺎ ﺣﺲ ﺑﺨﻴﺒﻪ ﺃﻣﻞ ﺣﺲ ﺑﻘﻬﺮ ، ﺭﻛﺐ ﺳﻴﺎﺭﺗﻪ ﻭﺩﻣﻮﻋﻪ ﻣﺘﺠﻤﻌﻪ ﻓﻲ ﻋﻴﻮﻧﻪ ، ﻭﻟﻊ ﺍﻟﺴﻴﺎﺭﺓ ﻭﺳﻄﻄﺮﺏ ﻭﻃﻠﻊ
،،،،،،،،،،،،،
ﻗﺮﺏ ﻣﻦ ﺳﻴﺎﺭﺗﻬﺎ ﻭﻃﻖ ﻋﻠﻲ ﺍﻟﺮﻭﺷﻦ ﻭﻫﻮ ﻳﺪﻟﻚ ﻓﻲ ﺭﺍﺳﻪ ، ﻓﺘﺤﺖ ﺍﻟﺮﻭﺷﻦ ﻭﺧﺎﻳﻔﻪ
ﻧﻮﺭﺱ : ﺑﺠﺪ ﺍﺳﻔﻪ ﻭﺍﻟﻠﻪ ﻣﺎﺷﻔﺘﻚ ﻛﻨﺖ ﻧﺪﻳﺮ ﻓﻲ ﺍﻟﺘﻠﻴﻔﻮﻥ ،
ﻫﻮ : ﻫﻬﻬﻬﻪ ﺣﺘﻰ ﺍﻧﻲ ﺍﺻﻼ ﻣﺎﺷﻔﺘﻜﺶ ﻭﻛﻨﺖ ﻓﺎﺗﺢ ﺍﻟﻔﻴﺲ ﺫﻫﺒﻠﻲ ﺷﻴﺮﺗﻲ ، ﺍﻥ ﺷﺎﺀ ﺍﻟﻠﻪ ﻣﺎﺻﺎﺭﻟﻚ ﺷﻲ
ﻧﻮﺭﺱ ﺍﺭﺗﺎﺣﺖ ، ﻭﺍﺑﺘﺴﻤﺖ ﺑﻔﺮﺡ : ﻻ ﺑﺲ ﺍﻧﺖ ﺷﻜﻠﻚ ﺍﻧﻀﺮﺑﺖ ﻓﻲ ﺭﺍﺳﻚ
ﻫﻮ ﻳﺪﻟﻚ ﻓﻲ ﺟﺒﻬﺘﻪ : ﺍﻳﻪ ﺍﻧﺨﺒﻄﺖ ﻓﻲ ﺍﻟﺪﻭﻣﺎﻥ ، ﺳﻴﺎﺭﺗﻚ ﺍﻧﻀﺮﺕ ﻧﻮﻋﺎ ﻣﺎ
ﻧﻮﺭﺱ : ﺣﺘﻰ ﺍﻧﺖ ﺳﻴﺎﺭﺗﻚ ﺍﻧﻀﺮﺕ ، ﻭﻧﺰﻟﺖ ﻋﻴﻮﻧﻬﺎ : ﻗﺼﺪﻱ ﺍﻧﻲ ﺍﻟﻐﺎﻟﻄﺔ
ﻫﻮ : ﻻﻻ ﺣﺘﻰ ﺍﻧﻲ ﻏﺎﻟﻂ ﻣﺎﺗﺪﻭﺭﻱ ﺷﻲ ﺍﻟﻤﻬﻢ ﻣﺎﺻﺎﺭﻟﻚ ﺷﻲ
ﻧﻮﺭﺱ : ﻻ ﺍﻟﺤﻤﺪ ﻟﻠﻪ
ﻫﻮ : ﻏﻴﺮ ﺣﺴﻴﻴﺘﻚ ﻫﻜﻲ ﻣﻘﻌﻤﺰﺓ ﻓﻲ ﺳﻴﺎﺭﺗﻚ ﺧﺎﻳﻔﻪ ﻣﺶ ﺣﻨﻀﺮﺑﻚ ﺭﺍﻫﻮ
ﻧﻮﺭﺱ : ﻫﻬﻬﻪ ﻻ ﺑﺲ ﺗﻮﻗﻌﺘﻚ ﺗﻌﺎﺭﻙ
ﻫﻮ : ﻻﻻ ، ﺍﻟﻤﻬﻢ ﺍﻧﻲ ﺍﺳﻤﻲ ﻣﺤﻤﺪ ، ﻭﻣﺪ ﻳﺪﻩ
ﻧﻮﺭﺱ ﺳﻠﻤﺖ ﻋﻠﻴﻪ : ﺍﻫﻠﻴﻦ
ﻣﺤﻤﺪ : ﻣﺎﺗﺒﻴﺶ ﺗﻌﺮﻓﻴﻨﻲ ﺑﺎﺳﻤﻚ
ﻧﻮﺭﺱ ﺑﺘﺮﺩﺩ : ﻧﻮﺭﺱ ، ﻣﻌﻠﻴﺸﻲ ﻧﺴﺘﺎﺫﻥ ﻣﻨﻚ ﺍﺧﻮﺍﺗﻲ ﻳﺮﺍﺟﻮ ﻓﻴﺎ ، ﻭﺍﺳﻔﻪ ﻣﺮﺓ ﺗﺎﻧﻴﻪ
ﻣﺤﻤﺪ : ﻣﺎﺷﻲ ﺗﻔﻀﻠﻲ ﺗﺸﺮﻓﻨﺎ ﻳﺎﻧﻮﺭﺱ
ﻭﺍﻫﻨﻲ ﺟﺎﻫﻢ ﺻﻮﺕ ﻣﻦ ﺧﻠﻒ ﺍﻟﺴﻴﺎﺭﺓ : ﺷﻦ ﻓﻴﻴﻲ
ﻣﺤﻤﺪ : ﻭﻻ ﺷﻲ ﻣﺸﻜﻠﺔ ﻭﺍﻧﺤﻠﺖ
ﺍﻣﺎ ﻧﻮﺭﺱ ﻓﺨﺎﻓﺖ ﻧﻮﻋﺎ ﻣﺎ ﻻﻥ ﻣﺤﻤﺪ ﻓﺘﺢ ﻫﺪﺭﺯﺓ ﻣﻌﺎﻫﺎ ﻭﻟﻤﺎ ﺳﻤﻌﺖ ﺍﻟﺼﻮﺕ ﻳﺒﺴﺖ ﻓﻲ ﻣﻜﺎﻧﻬﺎ
ﻣﺤﻤﺪ : ﺭﺩﻱ ﺑﺎﻟﻚ ﻣﺮﺓ ﺗﺎﻧﻴﻪ ﻳﺎﻧﻮﺭﺱ ﺑﺎﻫﻲ
ﻧﻮﺭﺱ ﺗﺘﺨﻀﺮ ﻭﺗﺘﺼﻔﺮ
ﻗﺪﻡ ﻭﻭﻗﻔﻒ ﺟﻨﺐ ﻣﺤﻤﺪ ، ﻭﺍﻟﺠﻨﻮﻥ ﺗﻨﻂ ﻗﺪﺍﻡ ﻭﺟﻬﻪ : ﺗﻘﺪﺭ ﺗﻤﺸﻲ ﻳﺎﺍﺳﺘﺎﺫ ﺧﻼﺹ ﻣﺶ ﻗﻠﺖ ﻣﺸﻜﻠﺔ ﻭﺍﻧﺤﻠﺖ
ﻣﺤﻤﺪ ﺍﺳﺘﻐﺮﺏ ﺍﺳﻠﻮﺑﻪ : ﻣﺎﺷﻲ ، ﺑﺲ ﻛﺎﻥ ﻭﺟﻬﻚ ﻣﺎﺭ ﻋﻠﻴﺎ ﻧﻌﺮﻓﻚ ، ﺧﻮ ﺃﻳﻤﻦ ﺻﺢ ؟
ﻋﺪﻧﺎﻥ ﺷﺎﻓﻠﻪ : ﺍﻳﻪ ﻭﻣﻨﻮ ﺍﻧﺖ
ﻣﺤﻤﺪ : ﻛﻴﻒ ﻣﻌﻘﻮﻟﺔ ﻣﺎﻋﺮﻓﺘﻨﻴﺶ ﻧﺴﺎﺑﺎﺕ ﺍﺣﻨﻲ
ﻋﺪﻧﺎﻥ : ﺍﻫﺎ ﻣﺤﻤﺪ ﺭﻣﻀﺎﻥ ﺻﺢ ﻭﺍﻻ
ﻣﺤﻤﺪ ﺳﻠﻢ ﻋﻠﻴﻪ : ﺍﻳﻮﻩ ﺑﺎﻟﺰﺑﻂ ﺷﻦ ﺍﻣﻮﺭﻙ ﻭﻛﻴﻒ ﺣﺎﻟﻚ ﺍﻟﻌﺎﻳﻠﺔ
ﻋﺪﻧﺎﻥ ﻳﺴﻠﻢ ﻭﻓﻮﻕ ﻣﻦ ﻧﻔﺴﻪ : ﺍﻟﺤﻤﺪ ﻟﻠﻪ ﺗﻤﺎﻡ ﻭﺍﻟﻠﻪ
ﻣﺤﻤﺪ ﻏﻤﺰﻟﻪ : ﺷﻮﺭﻙ ﺍﻣﺎﻻ ؟
ﻋﺪﻧﺎﻥ ﺑﻘﺮﻧﻪ ﺣﺎﺟﺐ ﻭﻣﺶ ﻋﺎﺟﺒﻪ : ﻗﺮﻳﺒﺘﻲ ﺍﻳﻪ
ﻧﻮﺭﺱ ﺣﺎﻃﻪ ﻳﺪﻫﺎ ﻋﻠﻲ ﻗﻠﺒﻬﺎ
،،،،،،،،،،،
ﻣﺤﻤﻮﺩ ﻓﻲ ﺍﻟﺘﻠﻴﻔﻮﻥ : ﺑﺎﻩ ﻭﺳﻌﻲ ﺑﺎﻟﻚ ﺗﻮ ﺗﺠﻴﻚ
ﻧﻮﺍﻝ : ﺗﻲ ﺳﺎﺍﺍﻋﻪ ﻟﻴﻬﺎ ﻗﺎﻳﻠﺘﻠﻲ ﺍﻧﻲ ﺟﺎﻳﺔ ﺍﻧﺤﺮﻗﺖ ﻣﻦ ﺍﻟﺸﻤﺲ ﺍﻧﻲ
ﻣﺤﻤﻮﺩ : ﻣﺶ ﻛﺎﻧﻚ ﻣﺮﺗﻲ ﺗﻮﺍ ﺭﺍﻫﻮ ﻣﺎﻧﺨﻠﻴﻜﺶ ﺗﺮﺍﺟﻲ
ﻧﻮﺍﻝ : ﻛﺎﻥ ، ﺍﻭﻭﻭﻑ
ﻣﺤﻤﻮﺩ : ﺗﻲ ﺍﻟﺰﻓﺖ ﻛﻢ ﻣﺮﺓ ﻗﺎﻳﻠﻚ ﻣﻌﺎﺵ ﺗﻨﻔﺨﻲ ، ﺧﻼﺹ ﺗﻮ ﺗﺠﻴﻚ
ﻧﻮﺍﻝ : ﺍﻭﻭﻭﻑ ﺑﺎﺍﻫﻲ
ﻣﺤﻤﻮﺩ : ﺗﻴﻲ
ﻧﻮﺍﻝ : ﻫﻬﻬﻬﻬﻬﻬﻪ ﺗﻲ ﺍﻭﻭﻑ ﻭﺍﻟﻠﻪ ﻫﻜﻲ
ﻣﺤﻤﻮﺩ : ﺯﻳﺪﻱ ﺯﻳﺪﻱ
ﻧﻮﺍﻝ : ﻫﻬﻬﻬﻬﻬﻬﻬﻪ ، ﺣﻘﺎ ﻣﺤﻤﻮﺩ
ﻣﺤﻤﻮﺩ : ﻫﺎ
ﻧﻮﺍﻝ ﺗﻘﻠﺪ ﻓﻲ ﺻﻮﺗﻪ : ﻫﺎﺍﺍ
ﻣﺤﻤﻮﺩ : ﻫﻬﻬﻬﻪ ﺑﺎﻩ ﻧﻌﻢ ﺷﻦ ﺗﺒﻲ
ﻧﻮﺍﻝ : ﺑﻨﻤﺸﻲ ﺑﻌﺪﻳﻦ ﻟﻠﻤﺴﺘﺸﻔﻰ ﻟﺤﻨﻴﻨﻪ ﺑﺎﺵ ﻣﺎﺗﻘﻮﻟﺶ ﻣﺎﻗﺎﻟﺘﻠﻴﺶ
ﻣﺤﻤﻮﺩ : ﺑﺎﻩ ﻏﻴﺮ ﻓﻜﻴﻨﻲ ﻣﻦ ﺍﻭﻻﺩ ﻋﻤﻚ ﺑﺲ ﺧﻠﻴﻚ ﻣﻦ ﺑﻌﻴﺪ ﻟﺒﻌﻴﺪ
،،،،،،،،،،،،
ﺍﻣﺸﻲ ﻣﺤﻤﺪ ﺑﻌﺪ ﺳﺎﻋﻪ ﻫﺪﺭﺯﺓ ﻣﻊ ﻋﺪﻧﺎﻥ ، ﻭﻋﺪﻧﺎﻥ ﻳﺠﺎﻣﻞ ﻓﻴﻪ ﻭﻣﻦ ﺩﺍﺧﻞ ﻳﺴﺤﻦ
ﻧﻮﺭﺱ ﻣﻘﻌﻤﺰﺓ ﻓﻲ ﺍﻟﺴﻴﺎﺭﺓ ﻭﺗﺮﺍﺟﻲ ﻓﻲ ﻋﺪﻧﺎﻥ ﺷﻦ ﺑﻴﻘﻮﻝ
ﻋﺪﻧﺎﻥ ﺭﻛﺐ ﺍﻟﺴﻴﺎﺭﺓ : ﺍﻃﻠﻌﻲ ﻣﻦ ﺍﻟﺠﺎﻣﻌﻪ
ﻧﻮﺭﺱ : ﻟﻜﻦ ...
ﻗﺎﻃﻌﻬﺎ ﻋﺪﻧﺎﻥ ﻭﺷﺎﺩ ﻋﻠﻲ ﺳﻨﻮﻧﻪ : ﻗﻠﺖ ﺍﻃﻠﻌﻲ ﺍﻧﻲ
ﻧﻮﺭﺱ : ﻧﻮﺍﻝ ﻭﻧﺮﺟﺲ ﺑﻨﺮﻭﺡ ﺑﻴﻬﻢ
ﻋﺪﻧﺎﻥ : ﺑﺘﻄﻠﻌﻲ ﻭﺍﻻ ﻣﺎﺗﺒﻴﺶ
ﻧﻮﺭﺱ ﻭﻟﻌﺖ ﺍﻟﺴﻴﺎﺭﺓ ﻭﻭﺧﺮﺕ : ﺑﺎﻫﻲ ﺍﻫﺪﻯ ﺍﻧﺖ ﻋﻼﺵ ﻣﻌﺼﺐ
ﻋﺪﻧﺎﻥ : ﺍﺳﻜﺘﻲ ﺍﻓﻀﻞ
ﻧﻮﺭﺱ ﻗﺎﻣﺖ ﻣﻮﺑﺎﻳﻠﻬﺎ ﻭﺑﻌﺘﺖ ﻣﺴﺞ ﻟﻨﻮﺍﻝ ﻭﻟﻨﺮﺟﺲ ﺍﻧﻬﻢ ﻳﺮﺍﺟﻮﻫﺎ ﺑﺘﻌﻄﻞ
