منقولة
الحلقةة[23]
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻧﺰﻟﺖ ﻣﻦ ﺳﻴﺎﺭﺓ ﻭﻫﺎﺟﺮ ﻭﺳﺎﺭﺓ ﻗﺎﻳﻤﻴﻦ ﺫﻳﻞ ﺍﻟﻔﻴﻠﻮ ﻭﻳﺴﺎﻋﺪﻭ ﻓﻴﺎ ﻓﻲ ﺍﻟﻤﺸﻲ ﺧﺸﻴﺖ ﻟﺤﺠﺮﺓ ﺍﻟﻌﺮﻭﺳﺔ ﻭﺣﻮﻟﺖ ﺍﻟﻜﺎﺏ
ﺧﺎﻟﺘﻲ : ﻣﺎﺍﺷﺎﺀ ﺍﻟﻠﻪ ﺗﺒﺎﺍﺍﺭﻙ ﺍﻟﺮﺣﻤﻦ ﻗﻞ ﺍﻋﻮﺫ ﺑﺮﺑﻲ ﺍﻟﻔﻠﻖ ﺟﻴﺒﻴﻠﻲ ﺍﻟﻮﺷﻖ ﻳﺎﺳﺎﺭﺓ ، ﺍﻗﺮﻱ ﺍﻟﻤﻌﻮﺫﺍﺕ ﻳﺎﺑﻨﻴﺘﻲ ﺍﻗﺮﻱ
ﺍﻧﻲ : ﻗﺮﻳﺐ ﻳﺎﺧﺎﻟﺘﻲ ﻗﺮﻳﺖ
ﺧﺎﻟﺘﻲ : ﺯﻳﺪﻱ ﺍﻗﺮﻱ ﻭﻫﺎﻡ ﺍﺷﺮﺑﻲ ﺍﻣﻴﻪ ﺭﻗﻴﻪ ، ﻭﻗﻌﺪﺕ ﺗﺒﺨﺮ ﻓﻴﺎ
ﺍﻧﻲ : ﺧﻼﺹ ﺧﺎﻟﺘﻲ ﻧﺨﻨﻘﺖ
ﻣﺎﻣﺎ ﻭﻫﻲ ﺧﺎﺷﻪ ﻣﻦ ﺑﺎﺏ ﺍﻟﺪﺍﺭ ﻗﻌﺪﺕ ﺗﺸﻮﻓﻠﻲ : ﺑﺴﻢ ﺍﻟﻠﻪ ﻣﺎﺷﺎﺀﺀ ﺍﻟﻠﻪ ﻳﺎﺑﻨﻴﺘﻲ ﻭﺟﺖ ﺍﺿﺒﻄﺘﻨﻲ ﻭﻗﻌﺪﺕ ﺗﺒﻜﻲ
ﺧﺎﻟﺘﻲ : ﺧﻼﺹ ﻳﺎﻧﺎﺩﻳﺔ ﻣﺎﺗﺨﻠﻴﺶ ﺍﻟﺒﻨﺖ ﺗﺒﻜﻲ ﻭﻣﻜﻴﺎﺟﻬﺎ ﻳﺘﺨﺮﺏ
ﻧﻮﺭﺱ ﺧﺎﺷﻪ ﻣﻦ ﺑﺎﺏ ﺍﻟﺪﺍﺭ : ﻫﻴﻴﻲ ﻭﻳﻦ ﻧﺴﻴﺒﺔ ﻫﺎﺩﻱ ﻣﻨﻮﻭ
ﺍﻧﻲ : ﻫﻬﻬﻬﻪ ﺑﻼ ﺑﺮﺍﺩﺓ ﻗﻮﻟﻴﻠﻲ ﺣﻠﻮﺓ
ﻧﻮﺭﺱ : ﻃﺮﺭﺭﻑ ﺗﻬﺒﺒﺒﻠﻲ ﻭﺍﺿﺒﻄﺘﻨﻲ ﺍﻟﻒ ﻣﺒﺮﻭﻙ
ﻣﺎﻣﺎ : ﻗﻮﻟﻲ ﻣﺎﺷﺎﺀ ﺍﻟﻠﻪ ﻳﺎﺑﻨﻴﺘﻲ ﻻﺗﻀﺮﺑﻲ ﺍﺧﺘﻚ ﺑﻌﻴﻦ
ﻧﻮﺭﺱ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ﻫﺎ
ﻧﻮﺍﻝ ﻭﻫﻲ ﺧﺎﺷﻪ ﻟﻠﺪﺍﺭ : ﺣﻴﻴﻴﻲ ﻫﺎﺩﻱ ﻧﺴﻴﺒﺔ ﻻﻻ ﺍﺑﺪﺍ ﻣﺶ ﻣﺼﺪﻗﻪ ﺍﻻﻧﺴﻪ ﻧﺎﺿﻠﻲ ﻋﺮﻭﺳﺔ ﻭﻃﺎﻟﻌﻪ ﺗﻬﺒﻞ ﺍﻗﺮﺻﻮﻧﻲ
ﻧﻮﺭﺱ ﺗﻘﺮﺹ ﻧﻮﺍﻝ : ﻫﺎﺍ ﺍﺳﺘﺎﻗﻈﺘﻲ ﻭﺍﻻ ﻣﺰﺍﻝ
ﻧﻮﺍﻝ : ﺍﺍﺍﻱ ﻭﺍﻧﺘﻲ ﻣﺎﺻﺪﻗﺘﻲ
ﺍﻧﻲ : ﻗﻔﻄﺎﻧﻚ ﺣﻠﻮ ﻧﻮﺍﻝ ﺍﻣﺘﻰ ﺷﺮﻳﺘﻴﻪ
( ﻛﺎﻥ ﻗﻔﻄﺎﻥ ﺃﺣﻤﺮ ﻭﻗﺼﻴﺮ ﻭﻓﻴﻪ ﻗﺼﻪ ﻣﻦ ﺍﻟﻮﺳﻂ )
ﻧﻮﺍﻝ ﺗﻐﻤﺰﻟﻲ : ﺍ ﺍ
ﻣﺎﻣﺎ : ﻧﻮﺍﻝ
ﻧﻮﺍﻝ : ﻧﻮﺳﻪ ﻣﺶ ﻫﺪﺍﻛﺎ ﺍﻟﻴﻮﻡ ﻟﻤﺎ ﻃﻠﻌﻨﺎ ﺍﺧﺪﻳﺘﻪ ﺍﻧﻲ ﻭﻳﺎﻙ ﻟﻤﺎ ﺍﺧﺪﻳﺘﻲ ﺍﻟﺤﺎﺟﺎﺕ
ﺍﻧﻲ : ﺍﻫﺎ ﻣﺎﺭﻛﺰﺗﺶ ﺗﻌﺮﻓﻲ ﻋﺎﺩ ﺭﺍﺳﻲ ﺩﺍﻳﺦ
ﻧﻮﺍﻝ : ﺍﻳﻪ ﺍﻛﻴﺪ ﺍﻣﺎﻻ ﻭﻳﻦ ﺑﻨﻠﻘﺎﻩ
ﻣﺎﻣﺎ : ﺑﺎﺍﻫﻲ ﻣﻊ ﺍﻧﻲ ﻣﺶ ﻣﺼﺪﻗﻪ ﻫﻠﺒﺎ
ﻧﻮﺍﻝ : ﺧﻴﺮﻙ ﻳﺎﻣﺎﻣﺎ ﺷﻦ ﻓﻴﻬﺎ ﻣﺎﺑﻨﻜﺬﺏ ﻣﻊ ﺍﺑﺘﺴﺎﻣﻪ ﺻﻔﺮﺍﺀ
ﺍﻧﻲ ﻛﻨﺖ ﻧﺸﻮﻓﻠﻬﺎ ﻭﻣﺶ ﻓﺎﻫﻤﻪ ﺷﻲ ﺍﻟﻘﻔﻄﺎﻥ ﻣﺎﺷﺮﺗﺎﺷﻲ ﻣﻌﺎﻱ ﺑﺲ ﻣﺸﻴﺘﻬﺎ ﺑﻴﺶ ﻧﻔﻬﻢ ﻣﻨﻬﺎ : ﻫﻴﺎ ﺍﻣﺘﻰ ﺑﻨﻄﻠﻊ ﺣﺎﺳﺔ ﺭﻭﺣﻲ ﻣﺘﻮﺗﺮﺓ ﻭﺑﻨﻄﻴﺢ ﻋﻠﻲ ﻭﺟﻬﻲ
ﻫﺎﺟﺮ : ﻣﺎﺗﺘﻮﺗﺮﻳﺶ ﺣﺒﻴﺒﺘﻲ ﺍﻗﺮﻱ ﺍﻟﻤﻌﻮﺫﺍﺕ ﻭﺍﺳﺘﺮﺧﻲ
ﺍﻧﻲ ﻗﻌﺪﺕ ﻧﻘﺮﺍ ﻓﻲ ﺍﻟﻤﻌﻮﺫﺍﺕ ﻭﻧﺤﺎﻭﻝ ﻧﻬﺪﺃ ﺷﻮﻳﺔ ﺣﺎﺳﻪ ﺑﺨﻮﻑ ﻭﺗﻮﺗﺮ ﻭﻧﻔﺲ ﺍﻟﻮﻗﺖ ﻓﺮﺣﻪ ﻟﺪﺭﺟﺔ ﻣﺶ ﻣﺼﺪﻗﻪ
ﻭﻗﻔﺖ ﻓﻲ ﻣﺪﺧﻞ ﺍﻟﺼﺎﻟﺔ ﻭﺍﻧﻔﺘﺤﺖ ﺍﺳﻤﺎﺀ ﺍﻟﻠﻪ ﺍﻟﺤﺴﻨﻰ ﺍﻧﻲ ﻃﻠﺒﺖ ﺍﻭﻝ ﻣﺎﻧﺨﺶ ﺗﻨﻔﺘﺢ ﻗﺎﻋﺪﻩ ﻭﺍﻗﻔﻪ ﺷﻮﻳﺔ ﻭﺑﻌﺪﻫﺎ ﻗﻌﺪﺕ ﻧﻤﺸﻲ ﺑﺎﻟﺸﻮﻳﺔ
>>
ﺍﻟﻠﻪ ﺍﻟﺬﻱ ﻻ ﺇﻟﻪ ﺇﻻ ﻫﻮ | ﺍﻟﺮﺣﻤﻦ | ﺍﻟﺮﺣﻴﻢ | ﺍﻟﻤﻠﻚ | ﺍﻟﻘﺪﻭﺱ | ﺍﻟﺴﻼﻡ | ﺍﻟﻤﺆﻣﻦ | ﺍﻟﻤﻬﻴﻤﻦ | ﺍﻟﻌﺰﻳﺰ | ﺍﻟﺠﺒﺎﺭ | ﺍﻟﻤﺘﻜﺒﺮ | ﺍﻟﺨﺎﻟﻖ | ﺍﻟﺒﺎﺭﺉ | ﺍﻟﻤﺼﻮﺭ | ﺍﻟﻐﻔﺎﺭ | ﺍﻟﻘﻬﺎﺭ | ﺍﻟﻮﻫﺎﺏ | ﺍﻟﺮﺯﺍﻕ | ﺍﻟﻔﺘﺎﺡ | ﺍﻟﻌﻠﻴﻢ | ﺍﻟﻘﺎﺑﺾ | ﺍﻟﺒﺎﺳﻂ | ﺍﻟﺨﺎﻓﺾ | ﺍﻟﺮﺍﻓﻊ | ﺍﻟﻤﻌﺰ | ﺍﻟﻤﺬﻝ | ﺍﻟﺴﻤﻴﻊ | ﺍﻟﺒﺼﻴﺮ | ﺍﻟﺤﻜﻢ | ﺍﻟﻌﺪﻝ | ﺍﻟﻠﻄﻴﻒ | ﺍﻟﺨﺒﻴﺮ | ﺍﻟﺤﻠﻴﻢ | ﺍﻟﻌﻈﻴﻢ | ﺍﻟﻐﻔﻮﺭ | ﺍﻟﺸﻜﻮﺭ | ﺍﻟﻌﻠﻲ | ﺍﻟﻜﺒﻴﺮ | ﺍﻟﺤﻔﻴﻆ | ﺍﻟﻤﻘﻴﺖ | ﺍﻟﺤﺴﻴﺐ | ﺍﻟﺠﻠﻴﻞ | ﺍﻟﻜﺮﻳﻢ | ﺍﻟﺮﻗﻴﺐ | ﺍﻟﻤﺠﻴﺐ | ﺍﻟﻮﺍﺳﻊ | ﺍﻟﺤﻜﻴﻢ | ﺍﻟﻮﺩﻭﺩ | ﺍﻟﻤﺠﻴﺪ | ﺍﻟﺒﺎﻋﺚ | ﺍﻟﺸﻬﻴﺪ | ﺍﻟﺤﻖ | ﺍﻟﻮﻛﻴﻞ | ﺍﻟﻘﻮﻱ | ﺍﻟﻤﺘﻴﻦ | ﺍﻟﻮﻟﻲ | ﺍﻟﺤﻤﻴﺪ | ﺍﻟﻤﺤﺼﻲ | ﺍﻟﻤﺒﺪﺉ | ﺍﻟﻤﻌﻴﺪ ﺍ ﺍﻟﻤﺤﻴﻲ | ﺍﻟﻤﻤﻴﺖ | ﺍﻟﺤﻲ | ﺍﻟﻘﻴﻮﻡ | ﺍﻟﻮﺍﺟﺪ | ﺍﻟﻤﺎﺟﺪ | ﺍﻟﻮﺍﺣﺪ | ﺍﻷﺣﺪ | ﺍﻟﺼﻤﺪ | ﺍﻟﻘﺎﺩﺭ | ﺍﻟﻤﻘﺘﺪﺭ | ﺍﻟﻤﻘﺪﻡ | ﺍﻟﻤﺆﺧﺮ | ﺍﻷﻭﻝ | ﺍﻵﺧﺮ | ﺍﻟﻈﺎﻫﺮ | ﺍﻟﺒﺎﻃﻦ | ﺍﻟﻮﺍﻟﻲ | ﺍﻟﻤﺘﻌﺎﻟﻲ | ﺍﻟﺒﺮ | ﺍﻟﺘﻮﺍﺏ | ﺍﻟﻤﻨﺘﻘﻢ | ﺍﻟﻌﻔﻮ | ﺍﻟﺮﺀﻭﻑ | ﻣﺎﻟﻚ ﺍﻟﻤﻠﻚ | ﺫﻭ ﺍﻟﺠﻼﻝ ﻭﺍﻹﻛﺮﺍﻡ | ﺍﻟﻤﻘﺴﻂ | ﺍﻟﺠﺎﻣﻊ | ﺍﻟﻐﻨﻲ | ﺍﻟﻤﻐﻨﻲ | ﺍﻟﻤﺎﻧﻊ | ﺍﻟﻀﺎﺭ | ﺍﻟﻨﺎﻓﻊ | ﺍﻟﻨﻮﺭ | ﺍﻟﻬﺎﺩﻱ | ﺍﻟﺒﺪﻳﻊ | ﺍﻟﺒﺎﻗﻲ | ﺍﻟﻮﺍﺭﺙ | ﺍﻟﺮﺷﻴﺪ | ﺍﻟﺼﺒﻮﺭ <<
ﺭﻛﺒﺖ ﺍﻟﺪﺭﺟﺎﺕ ﻭﻗﻔﺖ ﻭﺟﺖ ﻧﻮﺭﺱ ﻭﻫﺎﺟﺮ ﻭﺍﺳﻮﻟﻲ ﺍﻟﻔﻴﻠﻮ ﻭﻗﻌﻤﺰﺕ ﻭﻗﻌﺪﺕ ﻧﺸﻮﻑ ﻟﻠﻨﺎﺱ ﺍﻟﻲ ﻛﻠﻬﻢ ﻳﺸﻮﻓﻮﻟﻲ ﻛﺎﻧﻮ ﻓﻲ ﻣﻨﻬﻢ ﻳﺸﻮﻓﻮ ﺑﺎﻋﺠﺎﺏ ﻭﻓﻲ ﺍﻟﻲ ﺑﻐﻴﺮﺓ ﻭﻓﻲ ﺍﻟﻲ ﺑﺤﺐ ﻭﻓﺮﺣﺔ ﺍﻣﺎ ﻧﻈﺮﺍﺕ ﻣﺎﻣﺎ ﻛﺎﻧﺖ ﻏﻴﺮ ﻛﺎﻧﺖ ﻧﻈﺮﺍﺕ ﺣﺐ ﻭﻓﺮﺣﻪ ﻭﺣﺰﻥ ﻭﻓﺨﺮ ﻭﺩﻣﻌﺘﻬﺎ ﺍﻟﻲ ﻋﻠﻲ ﺧﺪﻫﺎ ﻛﺎﻧﺖ ﻣﺶ ﻣﻔﻬﻮﻣﻪ ﻫﻞ ﻫﻲ ﻧﺰﻟﺖ ﻓﺮﺡ ﺍﻭ ﺣﺰﻥ ﺍﺑﺘﺴﻤﺘﻠﻬﺎ ﺑﺤﺐ
ﻗﻌﺪﺕ ﺍﻟﻤﺼﻮﺭﺓ ﺗﺎﺧﺪﻟﻲ ﻓﻲ ﻟﻘﻄﺎﺕ ﻭﺻﻮﺭﺗﻨﻲ ﻣﻊ ﺍﺧﻮﺍﺗﻲ
ﺑﻌﺪﻫﺎ ﺷﻴﺮﺕ ﻟﻨﻮﺍﻝ ﺗﺠﻴﻨﻲ
ﻧﻮﺍﻝ : ﻧﻌﻢ
ﺍﻧﻲ : ﺗﻌﺎﻟﻲ ﺟﺎﻱ ﺭﺍﻫﻮ ﻣﺎﻧﺴﻴﺘﺶ ﻗﺼﻪ ﺍﻟﻘﻔﻄﺎﻥ ﺍﺣﻜﻲ ﻭﻳﻦ ﺍﻟﻘﻴﺘﻴﻪ
ﻧﻮﺍﻝ : ﻣﻦ ﻣﺤﻤﻮﺩ
ﺍﻧﻲ : ﻛﻴﻒ ﻛﻴﻒ ﻣﻦ ﻣﺤﻤﻮﺩ ﻫﺎﺩﻱ ﻣﺎﺧﺸﺘﺶ ﺭﺍﺳﻲ
ﻧﻮﺍﻝ : ﻳﻮﻡ ﺍﻟﻲ ﺍﻣﺸﻴﻨﺎ ﺭﻓﻌﻨﺎ ﺑﺘﺎﺗﻚ ﻟﺸﻘﺘﻚ ﺍﺗﺼﻞ ﺑﻴﺎ ﻧﻨﺰﻝ ﻟﺠﻨﺎﻧﻬﻢ ﺍﻧﺰﻟﺖ ﻭﻣﺪﻟﻲ ﻛﻴﺴﺔ ﻭﺍﻣﺸﻲ ﻣﺎﺣﻜﺎﺵ ﻣﻌﺎﻱ ﺣﺘﻰ ﺣﺎﺟﺔ ﺑﻌﺪ ﻭﺻﻠﺖ ﻟﻠﺤﻮﺵ ﻓﺘﺤﺘﻪ ﺍ ﺍﻟﻘﻴﺘﻬﺎ ﻗﻔﻄﺎﻥ ﺑﺲ
ﺍﻧﻲ : ﻭﻋﻼﺵ ﻣﺤﻤﻮﺩ ﻳﺠﻴﺒﻠﻚ ﻗﻔﻄﺎﻥ ﻛﻨﺘﻲ ﻗﻠﺘﻴﻠﻲ ﺍﻧﻲ ﻧﺮﻓﻌﻚ ﺗﺸﺮﻱ ﻭﻛﻢ ﻣﺮﺓ ﻃﻠﻌﻨﺎ ﻭﺍﻧﺘﻲ ﻣﺎﺑﻴﺘﻴﺶ ﺗﺸﺮﻱ ﻭﻓﻲ ﺍﻻﺧﻴﺮ ﻗﻠﺘﻲ ﻋﻨﺪﻙ ﻗﻔﻄﺎﻥ ﺗﻮ ﺗﻠﺒﺴﻴﻪ
ﻧﻮﺍﻝ : ﺍﻧﻲ ﻛﻨﺖ ﻧﻬﺪﺭﺯ ﻣﻊ ﻣﺤﻤﻮﺩ ﻗﻌﺪ ﻳﺴﺎﻝ ﻳﻌﻨﻲ ﻛﻤﻠﺖ ﺷﺮﻱ ﻭﺗﻮﺗﻲ ﺭﻭﺣﻲ ﻭﻫﻜﻲ ﻭﺍﻧﻲ ﻗﻠﺘﻠﻪ ﻣﺰﺍﻝ ﻗﻔﻄﺎﻥ ﺍﻟﺤﻔﻠﻪ ﺑﺲ ﺑﻌﺪﻫﺎ ﺳﺄﻟﻨﻲ ﻋﻠﻲ ﻣﻘﺎﺳﻲ ﻭﻣﺎﺧﻄﺮﺵ ﻓﻲ ﺑﺎﻟﻲ ﺍﻧﻪ ﻳﺠﻴﺒﻠﻲ ﻗﻔﻄﺎﻥ ﻭﻓﻌﻼ ﻛﻨﺖ ﺑﻨﻠﺒﺲ ﻗﻔﻄﺎﻧﻲ ﺍﻻﺳﻮﺩ ﻫﺪﺍﻛﺎ ﺍﻟﻲ ﻣﺶ ﻻﺑﺴﺎﺗﻪ ﺑﻜﻞ
ﺍﻧﻲ : ﺗﻤﺎﺍﻡ ﺑﺲ ﺍﺧﺮﺭ ﻣﺮﺓ ﻫﺎﺩﻱ ﻣﺎﻛﺶ ﻣﻀﻄﺮﺓ ﺗﺨﻠﻲ ﻣﺤﻤﻮﺩ ﻳﺸﺮﻳﻠﻚ ﻭﻣﺎﺑﻴﻨﻜﻢ ﺷﻲ ﺍﺻﻼ ﺑﺼﻔﺘﻪ ﺷﻨﻮ
ﻧﻮﺍﻝ : ﻭﺍﺍﻙ ﻳﺎﻧﺴﻴﺒﺔ ﺧﻴﺮﻙ ﺍﻟﻮﻟﺪ ﺷﺮﺍﻩ ﻭﻣﻌﺎﺵ ﻗﺪﺭﺕ ﻧﺮﺩﻩ ﻭﺑﻌﺪﻳﻦ ﻗﻮﻟﻴﻠﻲ ﻫﺎ ﺳﻠﻔﻚ ﺫﻭﻗﻪ ﺣﻠﻮ
ﺍﻧﻲ : ﻫﻬﻬﻬﻬﻪ ﺍﻳﻴﻪ ﺑﺲ ﺯﻱ ﻣﺎﻗﻠﺘﻠﻚ ﺍﺧﺮ ﻣﺮﺓ
ﻧﻮﺍﻝ : ﻧﺴﻴﺒﺔ ﺑﺎﻫﻲ ﺣﺘﻰ ﻭﺍﻧﺘﻲ ﻋﺮﻭﺳﺔ ﻣﺶ ﻗﺎﺩﺭﺓ ﺗﺘﺨﻠﻲ ﻋﻠﻲ ﺷﺨﺼﻴﺔ ﺍﻧﺴﻪ ﻧﺎﺿﻠﻲ
ﺍﻧﻲ ﺑﻀﺤﺔ ﺻﻔﺮﺍﺀ : ﺑﻄﻠﻲ ﺧﻴﺮﻟﻚ
ﻧﻮﺍﻝ : ﻫﻬﻬﻪ ﺑﺎﻩ ﻭﺣﺘﻰ ﺍﻧﺘﻲ ﺑﻄﻠﻲ ﺧﻠﻲ ﺑﻨﻤﺸﻲ ﻧﺸﻮﻑ ﻣﺎﻣﺎ
ﺑﻌﺪ ﺳﺎﻋﻪ ﻭﺻﻠﻮ ﺍﻫﻠﻮ ﻭﻟﻴﺪ ﻛﺎﻧﺖ ﺍﺧﺘﻪ ﻣﻨﻰ ﻭﺧﺎﻟﺘﻪ ﻭﺑﻨﺖ ﺧﺎﻟﺘﻪ ﻭﻫﻮ
ﺧﺶ ﻭﻟﻴﺪ ﻭﻫﻮ ﻳﻤﺪ ﻻﺧﺘﻪ ﻣﻨﻰ ﺳﻴﺪﻱ : ﻋﻄﻴﻪ ﻟﻠﻤﻨﻈﻮﻣﻪ ﻳﻔﺘﺤﻮﻩ ﻗﻮﻟﻬﻢ ﻫﺪﻳﺔ ﺍﻟﻌﺮﻳﺲ
ﻣﻨﻰ : ﺑﺎﻩ ﺗﺒﻲ ﻳﻔﺘﺤﻮﻩ ﻟﻤﺎ ﺗﺨﺶ ﺍﻧﺖ
ﻭﻟﻴﺪ : ﺍﻳﻪ ﺍﻭﻝ ﻣﺎﻧﻮﻗﻒ ﻓﻲ ﺍﻟﻤﺪﺧﻞ ﻳﻔﺘﺤﻮﻩ
ﺍﻣﺸﺖ ﻣﻨﻰ ﻣﺪﺕ ﺍﻟﺴﻴﺪﻱ ﻟﻠﻤﻨﻈﻮﻣﺔ ﻭﻭﻟﻴﺪ ﻭﻗﻒ ﻉ ﺍﻟﻤﺪﺧﻞ ﻭﺍﻧﻲ ﻋﻠﻰ ﻃﻮﻝ ﻭﻗﻔﺖ ﻭﺍﻭﻝ ﻣﺎﻭﻗﻒ ﺍﻧﻔﺘﺢ ﺍﻏﻨﻴﻪ
>> ﻫﻼ ﻳﺎﻟِﻠﻲ ﺗﻤﻨﻴﺘﻚ ﻧِﺼﻴﺒﻲ ...
ﻫﻼ ﻳﺎ ﻓﺮﺣﻲ ﻭﺳﻌﺪﻱ ﻭﻃﻴﺒﻲ ...
ﻫﻼ ﻳﺎ ﻧﺼﻔﻲ ﺍﻟﺜﺎﻧﻲ ﻫﻼ ﺑِﻚ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﺟﻤﻌﻨﺎ ﺭﺑﻲ ﺍﻟﻌﺎﻟﻢ ﺑﺤﺎﻟﻲّ ...
ﺟﻤﻌﻨﺎ ﺍﻟﺨﻴﺮ ﻭﺩﻋﻮﺍﺕ ﺍﻷﻫﺎﻟﻲّ ...
ﻭﺃﻧﺎ ﻭﺍﻟﻠﻪ ﻳﺎ ﺃﻡ ﺍﻟﻌﻴﺎﻝ ...
ﺷﻜﺮﺕ ﺍﻟﻠﻪ ﺑﺈﻧﻚ ﻟﻲ ﻧﺼﻴﺒﻲ ...
ﻫﻼ ﻳﺎﻟﻠﻲ ﺗﻤﻨﻴﺘﻚ ﻧﺼﻴﺒﻲ ...
ﻫﻼ ﻳﺎ ﻓﺮﺣﻲ ﻭﺳﻌﺪﻱ ﻭﻃﻴﺒﻲ ...
ﻫﻼ ﻳﺎ ﻧﺼﻔﻲ ﺍﻟﺜﺎﻧﻲ ﻫﻼ ﺑﻚ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﺃﻧﺎ ﻛﻤﻠﺖ ﻧِﺺ ﺩﻳﻨﻲ ﻳﺎ ﺣﺒﻲ ...
ﻟﻘﻴﺖ ﺍﻟﻠﻲ ﻳﻤﺎﺷﻴﻨﻲ ﺑﺪﺭﺑﻲ ...
ﻟﻘﻴﺖ ﺍﻟﻄﻴﺐ ﻭﺇﺧﻼﺹ ﻭﺗﻔﺎﻧﻲ ...
ﻟﻘﻴﺖ ﺍﻟﻠﻲ ﺑﺈﻳﺪﻫﺎ ﺩﺍﺋﻲ ﻭﻃﺒﻴﺒﻲ ...
ﻫﻼ ﻳﺎﻟﻠﻲ ﺗﻤﻨﻴﺘﻚ ﻧﺼﻴﺒﻲ ...
ﻫﻼ ﻳﺎ ﻓﺮﺣﻲ ﻭﺳﻌﺪﻱ ﻭﻃﻴﺒﻲ ...
ﻫﻼ ﻳﺎ ﻧﺼﻔﻲ ﺍﻟﺜﺎﻧﻲ ﻫﻼ ﺑﻚ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﻋﻠﻴﻢ ﺍﻟﻠﻪ ﻳﺎ ﺃﺟﻤﻞ ﻭﺃﻃﻬﺮ ...
ﻭﺃﺷﺮﻑ ﺣﺐ ﻳﺤﻲ ﺑﻲ ﻭﻳﻜﺒﺮ ...
ﺑﺄﻧﻚ ﻓﻲ ﻭﺟﻮﺩﻱ ﺷﺊ ﺃﻛﺒﺮ ...
ﻣﻦ ﺃﻥ ﺁﺧﺬ ﺃﻧﻔﺎﺳﻲ ﻭﺭﻳﻘﻲ ...
ﻫﻼ ﻳﺎﻟﻠﻲ ﺗﻤﻨﻴﺘﻚ ﻧﺼﻴﺒﻲ ...
ﻫﻼ ﻳﺎ ﻓﺮﺣﻲ ﻭﺳﻌﺪﻱ ﻭﻃﻴﺒﻲ ...
ﻫﻼ ﻳﺎ ﻧﺼﻔﻲ ﺍﻟﺜﺎﻧﻲ ﻫﻼ ﺑﻚ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ...
ﻫﻼ ﺑﺎﻟﻠﻲ ﺃﻧﺎﺩﻳﻬﺎ ﺑﺤﺒﻴﺒﻲ ... <<
ﻛﺎﻥ ﻻﺑﺲ ﺑﺪﻟﺔ ﺳﻮﺩﺍ ﻭﺳﻮﺭﻳﻪ ﺑﻴﻀﺎ ﻭﻗﺮﻭﺍﻃﺔ ﺣﻤﺮﺍﺀ ﻛﺎﻥ ﻭﺳﻴﻢ ﻫﻠﺒﺎ ﻭﻳﺸﻤﺸﻲ ﺑﺜﻘﻪ ﻭﻳﺸﻮﻓﻠﻲ ﻣﻦ ﺑﻌﻴﺪ ﻭﻣﺒﺘﺴﻢ
ﻗﻌﺪﺕ ﻣﺒﺘﺴﻤﻪ ﻟﻜﻠﻤﺎﺕ ﺍﻻﻏﻨﻴﻪ ﻛﺎﻧﺖ ﺣﻠﻮﺓ ﻭﻋﺠﺒﺘﻨﻲ ﻭﺍﻭﻝ ﻣﺎﻭﻗﻒ ﻗﺪﺍﻣﻲ ﻗﻤﺖ ﻋﻴﻮﻧﻲ ﻭﺟﺖ ﻓﻲ ﻋﻴﻮﻧﻪ ﻋﺾ ﻋﻠﻲ ﺷﺎﺭﺑﻪ ﺍﻟﻠﻮﻃﻲ ﺍﻧﻲ ﺍﺑﺘﺴﻤﺖ ﺑﺨﺠﻞ ﻭﻧﺰﻟﺖ ﺭﺍﺳﻲ
ﻭﻟﻴﺪ ﻣﺪ ﻳﺪﻩ ﻭﺳﻠﻢ ﻋﻠﻴﺎ ﺑﺎﻟﺨﺪ : ﺍﻟﻒ ﻣﺒﺮﻭﻙ ﻳﺎﺣﻼﻟﻲ ﻭﺍﺧﻴﺮﺍ
ﺍﻧﻲ : ﻣﺒﺮﻭﻙ ﻋﻠﻴﻨﺎ
ﻭﻟﻴﺪ ﺷﺪ ﻭﺟﻬﻲ ﺑﻴﻦ ﻳﺪﻳﻪ ﺍﻧﻲ ﻧﺰﻟﺖ ﻋﻴﻮﻧﻲ ﻭﺑﺎﺱ ﻋﻠﻲ ﺭﺍﺳﻲ
ﺧﺎﻟﺘﻲ : ﺭﻭﺭﻭﺭﻭﺭﻭﺭﻱ ﻭﻫﻲ ﺭﺍﻛﺒﻪ ﻉ ﺍﻟﺪﺭﻭﺝ ﺍﻟﻒ ﺍﻟﻒ ﻣﺒﺮﻭﻙ ﺭﺑﻲ ﻳﻬﻨﻴﻜﻢ ﺍﻥ ﺷﺎﺀ ﺍﻟﻠﻪ
ﺍﻟﻤﺼﻮﺭﺓ : ﺧﻠﻮﻧﻲ ﻧﺎﺧﺪﻟﻜﻢ ﻟﻘﻄﺎﺕ
ﺍﻧﻲ : ﺗﻤﺎﻡ ﺧﻮﺩﻱ
ﺍﻟﻤﺼﻮﺭﺓ : ﺍﻧﺖ ﻟﻒ ﻳﺪﻙ ﻋﻠﻴﻬﺎ
ﻭﻟﻴﺪ : ﺣﺎﺍﺍﺿﺮ
ﺍﻧﻲ ﺑﺼﻮﺕ ﻭﺍﻃﻲ : ﻫﻬﻬﻪ ﺣﺒﻴﺒﻲ ﻣﻦ ﻏﻴﺮ ﻫﺒﺎﻝ
ﻭﻟﻴﺪ : ﻗﺎﻋﺪ ﻋﺎﻗﻞ ﺍﻧﻲ ﻛﺎﻥ ﻣﺶ ﻋﺎﻗﻞ ﺭﺍﻫﻮ ﺗﻮﺍ ﻧﻘﻴﻤﻚ ﻭﻧﻬﺮﺏ ﺑﻴﻚ ﺑﻼﺵ ﺗﻀﻴﻴﻊ ﻭﻗﺖ ﺣﺘﻰ ﺍﻟﺪﺧﻮﻝ ﻏﺎﺩﻱ ﻧﻔﻮﺗﻮﻩ ﺷﻦ ﺭﺍﻳﻚ
ﺍﻧﻲ : ﻫﻬﻬﻬﻪ ﻣﺠﻨﻮﻥ
ﺑﻌﺪﻫﺎ ﻏﻴﺮﻟﻲ ﺩﺑﻠﺘﻲ ﻓﻲ ﺍﻟﻴﺴﺎﺭ ﻭﺍﻧﻲ ﺑﺪﻟﺘﻠﻪ ﺩﺑﻠﺘﻪ
ﻭﺻﻮﺭﻧﺎ ﻛﻢ ﺻﻮﺭﺓ ﻭﺻﻮﺭﺕ ﻣﻌﺎﻧﺎ ﻣﺎﻣﺎ ﻭﺑﻌﺪﻫﺎ ﻗﺼﻴﻨﺎ ﺍﻟﺘﻮﺭﺗﻪ ﺍﺣﻨﻲ ﺍﻟﺰﻭﺯ ﻭﻭﻛﻠﻨﻲ ﺗﻮﺭﺗﻪ
ﻭﺍﻧﻲ ﻧﻮﻛﻞ ﻓﻴﻪ ﻟﺒﺰﺗﻪ ﻓﻲ ﺟﻨﺐ ﻓﻤﻪ ﺍﻣﺸﻲ ﻣﺪﻳﺖ ﻳﺪﻱ ﺑﻨﻤﺴﺤﻬﺎ ﺑﺼﺒﻌﻲ ﺷﺪ ﻳﺪﻱ ﻭﺑﺎﺳﻬﺎ ﻭﻣﺴﺢ ﺑﺼﺒﻌﻪ ﺍﻟﻜﺮﻳﻤﻪ ﻭﻧﺰﻝ ﺭﺍﺳﻪ ﻭﻟﺤﺴﻬﺎ ﺍﻧﻲ ﻧﺰﻟﺖ ﺭﺍﺳﻲ ﺗﺨﺰﺭﻃﺖ ﻣﻨﻪ ﺍﻟﻤﺠﻨﻮﻥ ﻛﺎﺍﻧﻪ ﻣﺎﻓﻲ ﺣﺪ ﻓﻲ ﺍﻟﺼﺎﻟﺔ
ﺑﻌﺪﻫﺎ ﺭﻗﺼﻨﺎ ﻣﻊ ﺑﻌﺾ ﻭﻛﺎﻥ ﻟﻒ ﻳﺪﻩ ﻋﻠﻲ ﻇﻬﺮﻱ ﻭﻋﻴﻮﻧﻲ ﻓﻲ ﻋﻴﻮﻧﻪ ﻛﺎﻥ ﺍﺣﻠﻰ ﺷﻌﻮﺭ
ﺑﻌﺪﻫﺎ ﺟﻴﺖ ﺑﻨﻄﻠﻊ ﺍﻧﻲ ﻭﻭﻟﻴﺪ ﺍﻋﻄﺖ ﺳﺎﺭﺓ ﺍﻏﻨﻴﻪ ﻟﻠﻤﻨﻈﻮﻣﻪ ﻭﺍﻭﻝ ﻣﺎﻧﺰﻟﻨﺎ ﻣﻦ ﺍﻟﺪﺭﺟﺎﺕ
>> ﺧﺬﻫﺎ ﺍﻣﺎﻧﻪ ﻳﺎﺣﻔﻴﻆ ﺍﻻﻣﺎﻧﻪ
ﺍﻏﻠﻰ ﺍﻟﻐﻮﺍﻟﻲ ﻓﻲ ﻳﺪﻳﻨﻚ ﺍﻣﺎﻧﻪ
ﺍﺗﺼﻮﻧﻬﺎ ﺻﻮﻥ ﺍﻟﻜﺮﺍﻡ ﺍﻟﻌﻔﻴﻔﺎﺕ
ﻭﻟﻬﺎ ﺑﻘﻠﺒﻚ ﻗﺒﻞ ﺑﻴﺘﻚ ﻣﻜﺎﻧﻪ
ﺧﺪﻫﺎ ﺍﻣﺎﻧﻪ ﻳﺎﺣﻔﻴﻆ ﺍﻻﻣﺎﻧﻪ
ﺍﻏﻠﻰ ﺍﻟﻐﻮﺍﻟﻲ ﻓﻲ ﻳﻤﻴﻨﻚ ﺍﻣﺎﻧﻪ
ﻣﻦ ﻧﻮﺭﻫﺎ ﺗﺴﺘﺮ ﺑﻼﺩ ﻭﻣﺠﺮﺍﺕ
ﻓﻴﻬﺎ ﺗﺤﻴﺮ ﻟﻲ ﺑﺪﻳﻊ ﺑﻴﺎﻧﻪ
ﻟﻲ ﺷﺎﻓﻬﺎ ﺷﺎﻑ ﺍﻟﻬﻨﺎ ﻭﺍﻟﻤﺴﺮﺍﺕ
ﻃﺎﺑﺖ ﻟﻴﺎﻟﻲ ﻓﺮﺣﺘﻪ ﻓﻲ ﺯﻣﺎﻧﻪ
ﻓﻴﻬﺎ ﺍﻟﻮﻓﺎ ﻣﺎ ﻳﻐﻴﺮﻩ ﻣﺮ ﺍﻷﻭﻗﺎﺕ
ﻋﻠﻰ ﻭﻓﺎﻫﺎ ﺍﻟﻮﻓﺎ ﺯﺍﺩ ﺷﺎﻧﻪ
ﺧﺪﻫﺎ ﺃﻣﺎﻧﻪ ﻳﺎﺣﻔﻴﻆ ﺍﻻﻣﺎﻧﻪ
ﺍﻏﻠﻰ ﺍﻟﻐﻮﺍﻟﻲ ﻓﻲ ﻳﺪﻳﻨﻚ ﺍﻣﺎﻧﻪ
ﺍﺗﺼﻮﻧﻬﺎ ﺻﻮﻥ ﺍﻟﻜﺮﺍﻡ ﺍﻟﻌﻔﻴﻔﺎﺕ
ﻭﻟﻬﺎ ﺑﻘﻠﺒﻚ ﻗﺒﻞ ﺑﻴﺘﻚ ﻣﻜﺎﻧﻪ <<
ﻗﻤﺖ ﻋﻴﻮﻧﻲ ﺷﻔﺖ ﻣﺎﻣﺎ ﻭﺍﺧﻮﺍﺗﻲ ﻭﻫﺎﺟﺮ ﻭﺳﺎﺭﺓ ﻭﺳﺮﻭﺭ ﻭﺍﻗﻔﻴﻦ ﺟﻨﺐ ﺍﻟﻤﺪﺧﻞ ﻭﻳﺒﻜﻮ ﺍﻭﻝ ﻣﺎﺟﺖ ﻋﻴﻨﻲ ﻓﻲ ﻋﻴﻦ ﻣﺎﻣﺎ ﻋﻠﻰ ﻃﻮﻝ ﺩﻣﻮﻋﻲ ﺗﺠﻤﻌﻮ ﻓﻲ ﻋﻴﻮﻧﻲ ﻭﺍﻣﺸﺖ ﺑﺴﺮﻋﻪ ﺟﻴﻬﺘﻤﻬﻢ ﻭﺍﺿﺒﻄﺖ ﻣﺎﻣﺎ : ﺧﻼﺹ ﻳﺎﻣﺎﻣﺎ ﺑﺎﻟﻠﻪ ﻋﻠﻴﻚ ﻣﻌﺎﺵ ﺗﺒﻜﻲ
ﻣﺎﻣﺎ : ﺭﺑﻲ ﻳﻬﻨﻴﻚ ﻳﺎﺑﻨﻴﺘﻲ ﺭﺑﻲ ﻳﻬﻨﻴﻚ ﻭﺍﻧﻬﺎﺭﺕ ﺑﻜﻲ ﻭﻗﻌﻤﺰﺕ ﻉ ﺍﻟﻜﺮﺳﻲ ﻭﻧﺰﻟﺖ ﺭﺍﺳﻬﺎ ﻟﻮﻃﻰ ﻭﺣﻄﺖ ﻳﺪﻫﺎ ﻋﻠﻲ ﻋﻴﻮﻧﻬﺎ
ﺍﻧﻲ ﻗﻌﺪﺕ ﻧﺒﻜﻲ
ﻭﻟﻴﺪ ﻛﺎﻥ ﻭﺍﻗﻒ ﻭﺭﺍﻱ ﻣﺎﻗﺪﺭﺵ ﻳﺪﻳﺮ ﺷﻲ ﻳﺸﻮﻓﻠﻲ ﻭﺧﻼﺹ : ﻣﺎﺗﺨﺎﻓﻴﺶ ﻳﺎﻋﻤﺘﻲ ﻧﻮﺳﻪ ﻓﻲ ﻋﻴﻮﻧﻲ
ﺧﺎﻟﺘﻲ : ﺗﻮ ﻣﻌﻘﻮﻟﺔ ﻫﻜﻲ ﻳﺎﻧﺎﺩﻳﺔ ﺗﺨﺮﺑﻲ ﻉ ﺍﻟﺒﻨﺖ ﻓﺮﺣﺘﻬﺎ ﺧﻮﻭﺩ ﻳﺎﻭﻟﻴﺪ ﻋﺮﻭﺳﺘﻚ ﻭﺍﻣﺸﻲ ﺍﺣﻨﻲ ﺑﻨﻤﺸﻮ ﻭﺭﺍﻛﻢ ﻫﻲ ﺑﻨﻄﻠﻌﻮ
ﻧﻮﺭﺱ ﻭﻧﻮﺍﻝ ﻭﻧﺮﺟﺲ ﻗﻌﺪﻭ ﻳﺒﻜﻮ ﺑﺼﻮﺕ
ﻭﻟﻴﺪ ﺷﺪﻟﻲ ﻳﺪﻱ : ﻣﺪﻭﻟﻲ ﻛﺎﺏ ﺑﺘﺎﻋﻬﺎ
ﻣﺪﺗﻠﻪ ﺧﺎﻟﺘﻲ ﺍﻟﻜﺎﺏ : ﻧﻮﻭﺳﻪ ﺧﻼﺹ ﺻﻠﻲ ﻉ ﺍﻟﻨﺒﻲ ﺳﻠﻢ ﺑﻨﻴﺘﻲ ﻋﻼﺵ ﺍﻟﺒﻜﻲ
ﺍﻧﻲ ﻣﺴﺤﺖ ﺩﻣﻮﻋﻲ ﻭﻟﺒﺴﺖ ﻛﺎﺑﻲ ﻭﻗﻌﺪ ﻭﻟﻴﺪ ﻳﺴﺎﻋﺪ ﻓﻴﺎ ﻭﻳﻨﺰﻝ ﻓﻴﻪ ﻋﻠﻲ ﻭﺟﻬﻲ ﻭﺷﺪ ﻳﺪﻱ ﻭﺳﺎﻋﺪﻧﻲ ﻓﻲ ﺍﻟﻄﻠﻮﻉ ﻭﻃﻠﻌﺖ ﻭﺍﻧﻲ ﻗﻠﺒﻲ ﻛﺎﺍﻧﻪ ﺗﺤﻮﻝ ﻣﻦ ﻣﻜﺎﻧﻪ ﻭﻋﻘﻠﻲ ﻋﻨﺪ ﻣﺎﻣﺎ ﻭﺍﺧﻮﺍﺗﻲ
ﺧﺎﻟﺘﻲ : ﻫﻴﺎﺍ ﻣﺎﺗﺒﻮﺵ ﺗﻤﺸﻮ ﻟﺪﺧﻮﻝ ﺍﺧﺘﻚ ﻣﻌﻘﻮﻟﺔ ﻧﺨﻠﻮﻫﺎ ﺑﺮﻭﺣﻬﺎ ﻏﺎﺩﻱ ﻫﻴﺎﺍ ﺍﻧﺘﻲ ﻭﻳﺎﺍﻫﺎ ﺗﻌﻮﺫﻭ ﻣﻦ ﺍﻟﺸﻄﺎﻥ ﻭﺍﻧﺘﻲ ﺳﺎﺭﺓ ﻭﺍﺳﻲ ﻣﻜﻴﺎﺟﻚ ﻭﻓﻜﻮﻧﻲ ﻣﻨﻚ ﻫﻴﺎﺍ ﻛﺎﻥ ﺑﺘﻄﻠﻌﻮ ﺧﺎﻟﻚ ﻭﻋﻤﺎﺩ ﻭﺍﻳﻤﻦ ﻭﻟﺪ ﻋﻤﺘﻬﺎ ﺑﻴﺮﻓﻌﻮﻧﺎ ﻫﻴﺎ
ﻫﺎﺟﺮ ﺗﻤﺴﺢ ﻓﻲ ﺩﻣﻮﻋﻬﺎ : ﺍﻧﻲ ﺑﺎﺑﺎ ﺟﺎﻧﻲ ﺭﺑﻲ ﻳﺒﺎﺭﻛﻠﻬﺎ ﻳﺎﺧﺎﻟﺘﻲ ﻧﺎﺩﻳﺔ ﻣﻌﺎﺵ ﺗﺒﻜﻲ ﻭﻟﻴﺪ ﻳﺤﺒﻬﺎ ﻭﺣﻴﺪﻳﺮ ﺑﺎﻟﻪ ﻋﻠﻴﻬﺎ ﻣﻊ ﺍﻟﺴﻼﻣﻪ ﻭﻃﻠﻌﺖ ﻫﺎﺟﺮ
ﺍﻣﺎ ﺍﻧﻲ ﻓﺘﺤﻠﻲ ﻭﻟﻴﺪ ﺑﺎﺏ ﺍﻟﺴﻴﺎﺭﺓ ﻭﺭﻛﺒﺖ ﻭﺳﻜﺮ ﺍﻟﺒﺎﺏ ﻭﺭﻛﺐ ﻣﻦ ﺍﻟﺠﻬﺔ ﺍﻟﺜﺎﻧﻴﻪ ﻭﺍﻭﻝ ﻣﺎﺭﻛﺐ ﺗﻨﻬﺪ
ﺍﻧﻲ ﺗﻠﻔﺘﺘﻠﻪ : ﺧﻴﺮﻙ
ﻭﻟﻴﺪ : ﻭﺍﺧﻴﺮﺍﺍﺍ ﻣﺶ ﻣﺼﺪﻕ ﻳﺎﺣﺒﻴﺒﺘﻲ ﻛﺎﻥ ﻧﻠﻘﻰ ﻧﺤﻀﻨﻚ ﻭﻧﻄﻴﺮ ﺑﻴﻚ ﻭﺷﺪ ﻳﺪﻱ
ﺍﻧﻲ ﺍﺑﺘﺴﻤﺖ : ﺣﺘﻰ ﺍﻧﻲ
ﻭﻟﻴﺪ : ﻧﺤﺒﻚ ﻳﺎﻗﻠﺒﻲ ﺍﻧﺘﻲ ﻭﺑﺎﺱ ﻳﺪﻱ
ﺑﻌﺪﻫﺎ ﻭﻟﻊ ﺍﻟﺴﻴﺎﺭﺓ ﻭﻗﻌﺪ ﻳﺴﻮﻕ ﻭﺣﺎﻃﻠﻲ ﻳﺪﻱ ﻉ ﺍﻟﻤﺎﺭﺷﺔ ﻭﻳﺪﻩ ﻓﻮﻕ ﻳﺪﻱ ﻛﻨﺖ ﺣﺎﺳﻪ ﺑﻔﺮﺣﺔ ﻛﺒﻴﺮﺓ ﻟﻤﺴﺔ ﻳﺪﻩ ﻭﻋﻴﻮﻧﻪ ﺍﻟﻲ ﻣﻠﻴﺎﻧﺎﺕ ﺣﺐ ﻭﻓﺮﺣﺘﻪ ﺣﺘﻰ ﻫﻮ
ﻭﺻﻠﻨﺎ ﻗﺪﺍﻡ ﺍﻟﺼﺎﻟﺔ ﺍﻟﻲ ﺩﺍﻳﺮﻳﻦ ﻓﻴﻬﺎ ﺍﻫﻠﻪ ﺍﻟﺪﺧﻮﻝ ﻭﺻﻠﺖ ﺍﻧﻲ ﻭﻋﻔﺎﻑ ﻣﺮﺕ ﻋﺒﺪ ﺍﻟﻘﺪﺍﺭ ﺧﻠﻲ ﻧﻘﻮﻝ ﺳﻠﻔﺘﻲ
ﻧﺰﻝ ﻭﻟﻴﺪ ﻭﻓﺘﺤﻠﻲ ﺍﻟﺒﺎﺏ ﻭﺷﺪ ﻳﺪﻱ ﻧﺰﻟﻨﻲ ﻭﺧﺸﺸﻨﻲ ﻟﺒﺎﺏ ﺍﻟﺼﺎﻟﺔ ﻭﺑﻌﺪﻫﺎ ﻃﻠﻊ
ﺷﻮﻳﺔ ﻭﺧﺸﺖ ﻋﻔﺎﻑ ﺍﺑﺘﺴﻤﺘﻠﻲ ﺑﺎﺩﻟﺘﻪ ﺍﻻﺑﺘﺴﺎﻣﻪ : ﺍﻟﻒ ﻣﺒﺮﻭﻙ
ﻋﻔﺎﻑ ﺗﺒﺘﺴﻢ : ﻳﺒﺎﺭﻙ ﻓﻴﻚ ﻣﺒﺮﻭﻙ ﻋﻠﻴﻜﻢ ﺣﺘﻰ ﺍﻧﺘﻲ
ﺑﻌﺪﻫﺎ ﺧﺸﻮ ﺍﻫﻠﻲ ﻭﻛﺎﻧﺖ ﺧﺎﻟﺘﻲ ﻭﺑﻨﺎﺗﻬﺎ ﻭﺍﺧﻮﺍﺗﻲ ﻭﻋﻤﺘﻲ ﻭﻋﻠﻴﺎ ﻭﻧﺴﺎﻭﻳﻦ ﺍﺧﻮﺍﻟﻲ ﻣﺎﻋﺪﺍ ﺧﺎﻟﻲ ﻋﻤﺮ ﻣﺎﺟﺘﺶ ﻟﻠﻌﺮﺱ ﺑﻜﻞ ﺍﺻﻼ ، ﻗﻌﺪﺕ ﺳﺎﺭﺓ ﺗﻮﺍﺳﻴﻠﻲ ﻓﻲ ﻣﻜﻴﺎﺟﻲ ﻭﺗﺴﺎﻭﻳﻠﻲ ﻓﻲ ﺍﻟﻔﻴﻠﻮ
ﻭﺣﺘﻰ ﺍﻫﻞ ﻋﻔﺎﻑ ﺟﻮ ﻭﺧﺸﻮ ﻛﻠﻬﻢ ﻟﻠﺼﺎﻟﻪ ﻣﻊ ﺍﻫﻠﻲ
ﻃﻠﻌﺖ ﺍﻧﻲ ﻭﻋﻔﺎﻑ ﻣﻦ ﺩﺍﺭ ﺍﻟﻌﺮﻭﺳﺔ ﻭﻭﻗﻔﻨﺎ ﻓﻲ ﻣﺪﺧﻞ ﺍﻟﺼﺎﻟﺔ
ﻭﻛﻨﺖ ﻣﺘﻮﺗﺮﺓ ﻛﺎﻧﺖ ﺑﻌﺾ ﻧﻈﺮﺍﺕ ﺍﻫﻠﻪ ﻣﺶ ﺣﻠﻮﺓ ﻣﻤﻜﻦ ﻻﻧﻲ ﻏﺮﻳﺒﻪ ﻋﻔﺎﻑ ﺑﻨﺖ ﻋﻤﻬﻢ ﻭﺍﻏﻠﺒﻬﻢ ﺍﻗﺎﺭﺏ ﺑﺲ ﺍﻧﻲ ﻏﺮﻳﺒﻪ ﻋﻠﻲ ﻋﻴﻠﺘﻬﻢ ﻭﺍﻟﺘﻔﻜﻴﺮ ﻫﺪﺍ ﺯﺍﺩ ﻭﺗﺮﻧﻲ ﻭﻗﻌﺪﻭ ﻳﺪﻱ ﻳﺮﻋﺸﻮ ﻭﺣﺴﻴﺖ ﺷﻮﺍﺭﺑﻲ ﺟﻔﻮ
ﺳﺎﺭﺓ ﻟﺤﻈﺖ ﺗﻮﺗﺮﻱ ﻗﺮﺑﺖ ﻣﻨﻲ ﻭﺑﺼﻮﺕ ﻭﺍﻃﻲ : ﻧﻮﺳﻪ ﺣﺒﻴﺒﺘﻲ ﻣﺎﺗﺘﻮﺗﺮﻳﺶ ﺧﻠﻴﻚ ﻋﺎﺩﻳﺔ ﻭﺍﻟﻠﻪ ﻃﺎﻟﻌﻪ ﺣﻠﻮﺓ ﻭﻣﺎﺗﺨﺎﻓﻴﺶ
ﺍﻧﻲ ﺍﺑﺘﺴﻤﺖ ﺷﻮﻳﺔ ﻭﻫﺰﻳﺖ ﺭﺍﺳﻲ ﻟﺴﺎﺭﺓ ﻗﺪﻣﻨﺎ ﻉ ﺍﻟﻤﺪﺧﻞ
ﺟﺖ ﻋﻤﺘﻲ ﺷﺮﺑﺘﻨﻲ ﻣﻴﻪ ( ﻋﺎﺩﺍﺕ ) ﺑﺴﺖ ﻋﻠﻲ ﺭﺍﺳﻬﺎ ﺑﻌﺪﻫﺎ ﺷﺮﺑﺖ ﻋﻔﺎﻑ
ﻭﺑﺪﻭ ﺍﻟﺰﻣﺰﺍﻣﺎﺕ ﻳﺰﻓﻮ ﻓﻴﻨﺎ ﺑﺎﻻﻏﻨﻴﻪ ﺍﻟﻤﻌﺮﻭﻓﻪ ﻣﺮﺣﺒﺎ ﻳﺎﻻﻓﻴﺔ ( ﺍﻟﻄﺮﺍﺑﻠﺴﻴﻪ ﺍﻛﻴﺪ ﻳﺰﺑﻄﻮﻫﺎ )
>> ﻣﺮﺣﺒﺎ ﻳﺎﻻﻓﻴﺎ ﻣﺮﺣﺒﺎ ﻳﺎﻻﻓﻴﺎ ﻣﺮﺣﺒﺎ ﻳﺎﻻﻓﻴﺎ ﻣﺮﺣﺒﺎ ﻳﺎﻻﻓﻴﺎ ﺟﻴﻴﺘﻲ ﺑﺨﻴﺮ ﻭﻋﺎﻓﻴﻪ ﺭﻭﺭﻭﺭﻭﺭﻱ
ﻣﺮﺣﺒﺎ ﺟﻴﺘﻴﻨﺎ ﺯﺩﺗﻲ ﺍﻟﺨﻴﺮ ﻋﻠﻴﻨﺎ ﻣﺮﺣﺒﺎ ﺟﻴﺘﻴﻨﺎ ﺯﺩﺗﻲ ﺍﻟﺨﻴﺮ ﻋﻠﻴﻨﺎ
ﻣﺮﺣﺒﺎ ﺍﻟﻲ ﺟﻴﺘﻲ ﻧﻮﺭﺗﻲ ﻭﻃﻠﻴﺘﻲ ﻣﺮﺣﺒﺎ ﺍﻟﻲ ﺟﻴﺘﻲ ﻧﻮﺭﺗﻲ ﻭﻃﻠﻴﺘﻲ ﺭﻭﺭﻭﺭﻭﺭﻱ
ﻣﺮﺣﺒﺎ ﻳﺎﻣﺮﺕ ﺧﻮﻱ ﻳﺎﻣﻨﻮﺭﺓ ﺣﻮﺵ ﺑﻮﻱ ﻣﺮﺣﺒﺎ ﻳﺎﻣﺮﺕ ﺧﻮﻱ ﻳﺎﻣﻨﻮﺭﺓ ﺣﻮﺵ ﺑﻮﻱ ﺭﻭﺭﻭﺭﻭﺭﻱ ﻣﺮﺣﺒﺎ ﻳﺎﻻﻓﻴﺎ ﺟﻴﺘﻲ ﺑﺨﻴﺮ ﻭﻋﺎﻓﻴﻪ ﻣﺮﺣﺒﺎ ﻳﺎﻻﻓﻴﺎ ﺟﻴﺘﻲ ﺑﺨﻴﺮ ﻭﻋﺎﻓﻴﻪ ﺭﻭﺭﻭﺭﻱ
ﻣﺮﺣﺒﺎ ﻳﺎﻻﻓﻴﺎ ﺣﻮﺷﻚ ﻣﻨﻮﺭ ﺑﻴﻚ ﺧﻴﺮ ﻭﻋﺎﻓﻴﻪ ﻣﺮﺣﺒﺎ ﻳﺎﻻﻓﻴﺎ ﺭﻭﺭﻭﺭﻭﺭﻱ <<
ﻗﻌﻤﺰﺕ ﻭﺣﺘﻰ ﻋﻔﺎﻑ ﻗﻌﻤﺰﺕ ﻭﺟﺘﻨﻲ ﺳﺎﺭﺓ ﻭﻧﻮﺭﺱ ﻭﺍﺳﻮﻟﻲ ﺍﻟﻔﻴﻠﻮ ﻉ ﺍﻟﻜﺮﺳﻲ ﻭﻗﺎﻋﺪﻩ ﻣﺘﻮﺗﺮﺓ ﻭﺧﺎﻳﻔﻪ ﺍﻟﻨﻈﺮﺍﺕ ﻛﻠﻬﺎ ﻋﻠﻴﻨﺎ ﻭﺍﻟﻨﻈﺮﺍﺕ ﻋﻠﻴﺎ ﺣﺴﻴﺘﻬﺎ ﻏﻴﺮ ﺣﺎﻭﻟﺖ ﻧﻬﺪﺃ ﻭﻣﺎﻧﺮﻛﺰﺵ ﺑﺲ ﻋﻤﺘﻲ ﻛﺎﻧﺖ ﻓﺮﺣﺎﻧﻪ ﻫﻠﺒﺎ
،،،،،
ﺍﻣﺎ ﻧﻮﺍﻝ ﺍﻭﻝ ﻣﺎﻭﺻﻠﻮ ﻗﺪﺍﻡ ﺍﻟﺼﺎﻟﻪ ﻧﺰﻟﺖ ﻣﻦ ﺍﻟﺴﻴﺎﺭﺓ ﻗﻌﺪﺕ ﺗﺪﻭﺭ ﺑﻌﻴﻮﻧﻬﺎ ﻋﻠﻲ ﻣﺤﻤﻮﺩ ﺑﻌﺪﻫﺎ ﺷﺎﻓﺎﺗﻪ ﻣﻦ ﺑﻌﻴﺪ ﻭﻛﺎﻥ ﻳﺸﻮﻓﻠﻬﺎ ﺭﻛﺰ ﻋﻠﻴﻬﺎ ﻛﺎﻥ ﻻﺑﺲ ﺑﺪﻟﺔ ﺣﺘﻰ ﻫﻮ ﻧﺰﻟﺖ ﺭﺍﺳﻬﺎ ﻭﺧﺸﺖ
،،،،
ﻗﻌﺪﻧﺎ ﺳﺎﻋﻪ ﻣﻘﻌﻤﺰﻳﻦ ﺑﻌﺪﻫﺎ ﻗﺎﻟﻮ ﺍﻟﻌﺮﺳﺎﻥ ﺑﻴﺎﺧﺪﻭ ﻋﺮﺍﻳﺴﻬﻢ ﻭﻛﺎﻥ ﻋﺒﺪ ﺍﻟﻘﺎﺩﺭ ﺑﻴﺨﺶ ﺍﻻﻭﻝ ﺍﻣﺸﻴﺖ ﻟﺪﺍﺭ ﺍﻟﻌﺮﻭﺳﻪ ﻭﺧﺶ ﻫﻮ ﺍﺧﺪﻱ ﻋﺮﻭﺳﺘﻪ ﻭﻃﻠﻊ ﺑﻌﺪﻫﺎ ﻭﻟﻴﺪ ﺧﺶ ﻟﺒﺴﺘﻨﻲ ﺧﺎﻟﺘﻲ ﻛﺎﺑﻲ ﻭﻛﻨﺖ ﻣﺎﻧﺒﻴﺶ ﻧﺸﻮﻑ ﻟﻌﻴﻮﻥ ﺍﺧﻮﺍﺗﻲ ﺷﺪﻟﻲ ﻭﻟﻴﺪ ﻳﺪﻱ ﻭﺍﻣﺸﻴﻨﺎ ﻭﻭﺻﻠﺖ ﻋﻨﺪ ﺍﻟﺒﺎﺏ ﺗﻠﻔﺘﺖ ﺷﻔﺘﻠﻬﻢ ﻛﻴﻒ ﺷﺎﺩﻳﻦ ﺩﻣﻮﻋﻬﻢ ﻃﻠﻌﺖ ﻣﻊ ﻭﻟﻴﺪ ﻭﺭﻛﺒﻨﺎ ﺍﻟﺴﻴﺎﺭﺓ ﻭﺍﻣﺸﻴﻨﺎ ﻟﻠﻬﻮﺗﻴﻞ
ﻧﺰﻝ ﻭﻟﻴﺪ ﻓﺘﺤﻠﻲ ﺍﻟﺒﺎﺏ ﻭﻣﺪﻟﻲ ﻳﺪﻩ ﻭﻧﺰﻟﺖ
ﺧﺸﻴﺖ ﻟﻠﺠﻨﺎﺡ ﺑﺨﻄﻮﺍﺕ ﺑﻄﻴﺌﺔ ﻭﺗﻠﻔﺘﺖ ﻟﻮﻟﻴﺪ
ﻭﻟﻴﺪ ﺳﻜﺮ ﺍﻟﺒﺎﺏ ﻭﺗﻠﻔﺘﻠﻲ ﺷﺪ ﻳﺪﻳﺎ ﺍﻟﺰﻭﺯ ﺑﺎﺍﺳﻬﻢ : ﻣﺒﺮﻭﻙ ﻋﻠﻴﻨﺎ ﻳﺎﻋﻤﺮﻱ ﻭﺍﺧﻴﺮﺍﺍ ﺍﻧﻲ ﻭﺍﻧﺘﻲ ﻣﺴﻜﺮ ﻋﻠﻴﻨﺎ ﺑﺎﺏ ﺑﺎﻟﺤﻼﻝ ﺍﺣﻠﻰ ﺍﻟﻠﺤﻈﺎﺕ ﺍﻟﻲ ﻛﻨﺖ ﻧﺴﺘﻨﺎﻫﺎ ﻳﺎﻧﻮﺳﺘﻲ
ﺍﻧﻲ ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ
ﻭﻟﻴﺪ ﻗﺎﻣﻠﻲ ﺭﺍﺳﻲ ﺑﻴﺪﻩ ﻭﺷﺪﻩ ﻭﺟﻬﻲ ﺑﻴﻦ ﻳﺪﻳﻪ ﻭﺑﺎﺱ ﻋﻠﻲ ﺭﺍﺳﻲ : ﻫﻴﺎ ﺣﺒﻴﺒﺘﻲ ﻧﺘﻮﺿﻮ ﻭﻧﺼﻠﻮ ﺭﻛﻌﺘﻴﻦ ﺍﻭﻝ ﺷﻲ
ﺍﻧﻲ ﺧﺸﻴﺖ ﻏﻴﺮﺕ ﺍﻟﻔﻴﻠﻮ ﻭﺣﻮﻟﺖ ﺍﻟﺘﺴﺮﻳﺤﺔ ﻭﻣﺴﺤﺖ ﻣﻜﻴﺎﺟﻲ ﻭﺗﻮﺿﻴﺖ ﻭﺑﻌﺪﻫﺎ ﺭﺳﻤﺖ ﻋﻴﻮﻧﻲ ﻭﺩﺭﺕ ﺭﻭﺝ ﻭﺭﺩﻱ ﻭﻟﺒﺴﺖ ﺑﺪﻟﺔ ﺍﻟﺼﻼﺓ : ﻫﻴﺎ ﺣﺒﻴﺒﻲ
ﻭﻟﻴﺪ : ﻭﻗﻒ ﻗﺪﺍﻣﻲ ﻭﺑﺪﻱ ﻳﺼﻠﻲ ﺑﻴﺎ
ﻛﻤﻠﻨﺎ ﺍﻟﺼﻼﺓ ﺣﻮﻟﺖ ﺑﺪﻟﺔ ﺍﻟﺼﻼﺓ
ﻭﻟﻴﺪ ﻟﻔﻠﻲ ﻭﻋﺾ ﻋﻠﻲ ﺷﺎﺭﺑﻪ ﺍﻟﻠﻮﻃﻲ ﻭﻗﺎﻣﻨﻲ ﺑﻴﻦ ﻳﺪﻳﻪ ﻭﻗﻌﺪ ﻳﻠﻒ ﺑﻴﺎ ﻭﺍﻧﻲ ﺭﺍﺳﻲ ﻋﻠﻲ ﻛﺘﻔﻪ
ﺍﻧﻲ : ﻫﻬﻬﻬﻪ ﻣﺠﻨﻮﻭﻥ ﻧﺤﺒﺒﺒﺒﻚ
ﻭﻟﻴﺪ : ﻧﻤﻮﻭﻭﺕ ﻓﻴﻴﻴﻚ ﻳﺎﻏﺰﺍﻟﺘﻲ ﺍﻧﺘﻲ
ﻭﻭﻭﻭﻭ
( ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ ﺍﻟﺒﺎﻗﻲ ﻣﺶ ﺷﻮﺭﻛﻢ ﻫﻬﻬﻬﻪ )
،،،،،،
ﻓﻘﺖ ﺗﺎﻧﻲ ﻳﻮﻡ ﻋﻠﻲ ﺻﻮﺕ ﻫﺎﺗﻒ ﻭﻟﻴﺪ
ﺍﻧﻲ : ﻭﻟﻴﺪ ﺣﺒﻴﺒﻲ ﺭﺩ ﻋﻠﻲ ﻫﺎﺗﻔﻚ
ﻣﺎﺭﺩﺵ ﻋﻠﻴﺎ ﻓﺘﺤﺖ ﻋﻴﻮﻧﻲ ﺍﻟﻘﻴﺘﻪ ﻣﺶ ﺟﻨﺒﻲ ﺳﻤﻌﺖ ﺻﻮﺕ ﻣﻴﻪ ﻓﻲ ﺍﻟﺤﻤﺎﻡ ﻋﺮﻓﺖ ﺍﻧﻪ ﻓﺎﻕ ﻗﺒﻠﻲ ﻣﺪﻳﺖ ﻳﺪﻱ ﻟﻔﻮﻧﻪ ﺷﻔﺘﻪ ﺍﻟﻘﻴﺘﻪ ﻋﻤﺘﻲ
ﻭﻟﻴﺪ ﻃﺎﻟﻊ ﻣﻦ ﺍﻟﺤﻤﺎﻡ ﻭﻳﺠﻔﻒ ﻓﻲ ﺷﻌﺮﻩ : ﺻﺒﺎﺡ ﺍﻟﻮﺭﺩ ﻧﻮﺳﺘﻲ
ﺍﻧﻲ ﺍﻧﻮﺽ ﻧﻘﻌﻤﺰ ﻭﻧﺒﺘﺴﻢ : ﺻﺒﺎﺣﻮ ﻓﻞ ﺑﻴﺒﻲ ﻓﻮﻧﻚ ﻛﺎﻥ ﻳﺸﺮﻳﻦ ﻋﻤﺘﻲ ، ﻭﺣﻮﻟﺖ ﺍﻟﻮﺭﻏﺎﻥ ﻭﻭﻗﻔﺖ ﺟﻴﺖ ﻗﺪﺍﻡ ﻭﻟﻴﺪ
ﻭﻟﻴﺪ ﻳﻤﺴﺢ ﺑﻴﺪﻩ ﻋﻠﻲ ﺧﺪﻱ : ﻣﺶ ﻣﺼﺪﻕ ﻗﺎﻋﺪ ﺣﺒﻴﺒﺘﻲ ﺣﺎﺱ ﺭﻭﺣﻲ ﻓﻲ ﺣﻠﻢ ﻣﺎﻧﺒﻴﺶ ﻧﻔﻴﻖ ﻣﻨﻪ ﺑﻜﻞ
ﺍﻧﻲ ﺣﻄﻴﺖ ﻳﺪﻱ ﻓﻮﻕ ﻳﺪﻩ : ﻭﻻﺍﻧﻲ ﻳﺎﺭﻭﺣﻲ
ﻓﻮﻥ ﻭﻟﻴﺪ ﻳﺸﺮﻳﻦ ﻗﺎﻣﻪ : ﻫﺎﺩﻱ ﺍﻣﻲ ، ﻭﺭﺩ ﻉ ﻓﻮﻧﻪ : ﺍﻟﻮ ﺍﻣﻲ
ﺍﻧﻲ ﺧﺸﻴﺖ ﻟﻠﺤﻤﺎﻡ ( ﺣﺸﺎﻛﻢ ) ﻭﻗﻔﺖ ﻉ ﺍﻟﻤﺮﺍﻳﻪ ﻗﻌﺪﺕ ﻧﺸﻮﻑ ﻟﻮﺟﻬﻲ ﻛﺎﻧﺖ ﺍﻟﻔﺮﺣﺔ ﻭﺍﺿﺤﺔ ﻋﻠﻲ ﻭﺟﻬﻲ ﺍﻟﻠﻤﻌﻪ ﺍﻟﻲ ﻓﻲ ﻋﻴﻮﻧﻲ ﻣﺎﺷﻔﺘﻬﺎﺵ ﻣﻦ ﻟﻤﺎ ﻣﺎﺕ ﺑﺎﺑﺎ ﺍﻟﻠﻤﻌﻪ ﻫﺎﺩﻱ ﻗﺪﺭ ﻳﺮﺩﻫﺎﻟﻲ ﻭﻟﻴﺪ ﺑﺲ ﺍﻟﻲ ﻧﻌﺘﺒﺮ ﻓﻴﻪ ﻛﻞ ﺷﻲ ﻓﻲ ﺣﻴﺎﺗﻲ ﺭﺍﺟﻠﻲ ﻭﺣﺒﻴﺒﻲ ﻭﺳﻨﺪﻱ ، ﺍﺑﺘﺴﻤﺖ ﻟﺮﻭﺣﻲ
ﻭﻟﻴﺪ ﺑﺮﺍ ﺍﻟﺤﻤﺎﻡ : ﻧﻮﻭﺳﺔ ﺍﻣﻚ ﺍﺗﺼﻠﺖ ﺑﺎﺍﻣﻲ ﻗﺎﻟﺖ ﻭﻗﺖ ﻋﻠﻲ ﺍﻟﻤﺰﺯﻳﻦ
ﺍﻧﻲ : ﺣﻴﻴﻲ ﺍﻟﺴﺎﻋﻪ ﻛﻢ ﺗﻮﺍ ﺍﻧﺴﻴﺘﻪ ﺑﻜﻞ
ﻭﻟﻴﺪ : ﺍﻟﺴﺎﻋﻪ ﺗﻼﺗﻪ
ﺍﻧﻲ : ﻫﻴﻴﻴﻴﻲ ﺣﻴﻲ ﻋﻠﻴﺎﺍ ﺣﺒﻴﺒﻲ ﻭﻗﺖ ﺍﻟﺘﻼﺗﻪ ﻭﻧﺺ ﻗﺎﻟﺘﻠﻲ ﺗﻌﺎﻟﻲ
ﻭﻟﻴﺪ : ﻣﻌﻠﻴﺸﻲ ﺣﺒﻴﺒﺘﻲ ﺗﻠﺤﻘﻲ ﻣﺎﺗﺮﻋﺸﻴﺶ ﺭﻭﺣﻚ ﺧﻼﺹ
ﺍﻧﻲ ﻗﻌﺪﺕ ﻧﺪﻭﺵ ﺑﺴﺮﺭﻋﻪ ﻭﺟﻔﻔﺖ ﺷﻌﺮﻱ ﺑﺴﺮﺭﻋﻪ ﻭﻃﻠﻌﺖ ﻟﺒﺴﺖ ﻭﻗﻌﺪﺕ ﻧﺠﺮﻱ ﻧﻠﻢ ﻓﻲ ﺣﺎﺟﺎﺗﻲ
ﻭﻟﻴﺪ : ﻋﻼﺵ ﺗﺠﺮﻱ ﻣﺎﺗﺮﻋﺸﻴﺶ ﻧﻠﺤﻘﻮﻭ ﻭﺣﺴﺐ ﺍﻟﻌﻨﻮﺍﻥ ﺍﻟﻤﺰﻳﻦ ﻗﺮﻳﺐ ﺑﺎﻟﺸﻮﻳﺔ ﺑﺲ
ﺍﻧﻲ ﻧﺴﻜﺮ ﺷﻨﻄﺔ ﺍﻟﻤﻜﻴﺎﺝ : ﺍﻭﻭﻑ ﻳﺎﺣﺒﻴﺒﻲ ﻣﻌﺎﺵ ﻓﻲ ﻭﻗﺖ ﺑﻜﻞ ﻭﺍﻧﻲ ﻧﺴﻴﺘﻪ ﻣﺮﺓ ﻭﺣﺪﺓ
ﻭﻟﻴﺪ : ﺣﺼﻞ ﺧﻴﺮ ﺧﻼﺹ ﺣﺘﻰ ﻛﺎﻥ ﻣﺎﻟﺤﻘﺘﻴﺶ ﻋﻠﻲ ﻫﺎﺩﻱ ﻧﺸﻮﻓﻮ ﻣﺰﻳﻨﻪ ﺗﺎﻧﻴﻪ
ﺍﻧﻲ : ﻧﺒﻲ ﻫﺎﺩﻱ ﺍﻧﻲ ﻣﻜﻴﺎﺟﻬﺎ ﺣﻠﻮ ، ﻫﻲ ﺧﻼﺹ ﺍﻧﻲ ﻭﺍﺗﻴﻪ
ﻭﻟﻴﺪ : ﻧﺮﻓﻊ ﺍﻟﺸﻨﻄﺔ ﻫﺎﺩﻱ
ﺍﻧﻲ ﻭﺍﻧﻲ ﻧﻠﻒ ﻓﻲ ﺍﻟﻮﺷﺎﺡ : ﺍﻳﻴﻪ ﻫﺎﺩﻱ
ﻃﻠﻌﻨﺎ ﺭﻛﺒﻨﺎ ﺍﻟﺴﻴﺎﺭﺓ
ﺍﻧﻲ : ﺣﺒﻴﺒﻲ ﺑﺎﻟﻠﻪ ﻋﻠﻴﻚ ﺍﻣﺸﻲ ﺑﺴﺮﺭﻋﻪ
ﻭﻟﻴﺪ : ﺣﺒﻴﺒﺘﻲ ﺍﻫﻮ ﻧﺠﺮﻱ ﻣﺎﺗﻮﺗﺮﻳﻨﻴﺶ
ﻭﺻﻠﺖ ﻟﻠﻤﺰﻳﻦ ﻧﺰﻟﺖ ﻭﺍﻟﺤﻤﺪ ﻟﻠﻪ ﻟﺤﻘﺖ ﻭﺷﻮﻳﺔ ﻭﺟﺘﻨﻲ ﺳﺎﺭﺓ ﺑﻨﺖ ﺧﺎﻟﺘﻲ ﻓﻲ ﺍﻟﻤﺰﻳﻦ
ﺳﺎﺭﺓ ﺗﺴﻠﻢ ﻋﻠﻴﺎ : ﻛﻴﻒ ﺍﻟﺤﺎﻝ ﻳﺎﻋﺮﻭﺳﻪ
ﺍﻧﻲ : ﻫﻬﻬﻪ ﺗﻤﺎﻡ
ﺳﺎﺭﺓ ﺗﻐﻤﺰ : ﺷﻦ ﺍﻻﻣﻮﺭ ﺍﻣﺸﺖ ﺗﻤﺎﻡ
ﺍﻧﻲ ﺧﺒﻄﺘﻬﺎ ﻋﻠﻲ ﻛﺘﻔﻬﺎ : ﻫﻬﻬﻬﻬﻪ ﺷﻦ ﻭﺍﺧﺪﻩ ﺩﻭﺭ ﺍﻟﻌﺰﺍﻳﺰ
ﺳﺎﺭﺓ : ﻫﻬﻬﻬﻬﻬﻪ ، ﺧﻴﺮﻙ ﻣﻦ ﺑﻜﺮﻱ ﻧﺘﺼﻠﻮ ﻭﺍﻧﺘﻲ ﻣﻘﻔﻞ ﻭﻭﻟﻴﺪ ﻣﺎﻗﺪﺭﻧﺎﺵ ﻧﺘﺼﻠﻮ ﺗﺤﺸﻤﻨﺎ ﻟﻴﻦ ﺧﺎﻟﺘﻲ ﻛﻠﻤﺖ ﻋﻤﺘﻚ
ﺍﻧﻲ : ﺍﺳﻜﺘﻲ ﻓﻲ ﻧﺺ ﺳﺎﻋﻪ ﺩﻭﺷﺖ ﻭﻭﺗﻴﺖ ﺭﻭﺣﻲ ﻭﻗﻌﺪﺕ ﻧﺠﺮﻱ ﺍﻧﺴﻴﺘﻬﺎ ﻣﺮﺓ ﻭﺣﺪﺓ ﻭﺍﻟﻔﻮﻥ ﻗﻌﺪ ﻣﻘﻔﻞ
ﺳﺎﺭﺓ : ﻳﻼ ﺍﻟﻤﻬﻢ ﻟﺤﻘﺘﻲ ﺟﺒﺘﻲ ﺗﺎﻛﻤﻚ ﻭﻗﻔﻄﺎﻧﻚ ﻭﺍﻻ
ﺍﻧﻲ : ﺍﻳﻪ ﺟﺒﺖ ﺣﺘﻰ ﻣﻜﻴﺎﺝ ﻣﻨﻲ ﻧﺒﻴﻬﺎ ﺗﻤﻜﻴﺠﻨﻲ ﺑﻤﻜﻴﺎﺟﻲ ﻭﺍﻟﺘﺎﻛﻢ ﻓﻲ ﺷﻨﻄﺔ ﺍﻟﻤﻜﻴﺎﺝ ﻫﺎﻙ ﺧﻠﻴﻪ ﻋﻨﺪﻙ
ﺑﻌﺪﻫﺎ ﻗﻌﺪﺕ ﺍﻟﻤﺰﻳﻨﻪ ﺗﻤﻜﻴﻴﺠﻠﻲ ﻭﺩﺍﺭﺗﻠﻲ ﺗﺴﺮﻳﺤﺔ
ﻭﻣﻊ ﺍﻟﺴﺎﻋﻪ 6 ﻛﻤﻠﺘﻠﻲ ﻟﺒﺴﺖ ﻭﺳﺎﻋﺪﺗﻲ ﺳﺎﺭﺓ ﻓﻲ ﺍﻟﻠﺒﺲ ﻭﺗﻴﺖ ﻭﻛﻠﻤﺖ ﻭﻟﻴﺪ ﻳﺠﻴﻨﻲ
ﻟﺒﺴﺖ ﻛﺎﺑﻲ ﻭﻃﻠﻌﺖ ﻧﺰﻝ ﻭﻟﻴﺪ ﻓﺘﺤﻠﻲ ﺑﺎﺏ ﺍﻟﺴﻴﺎﺭﺓ ﻭﺭﻛﺒﺖ ﻭﺭﻛﺒﺖ ﺳﺎﺭﺓ ﻓﻲ ﺍﻟﺨﻠﻒ
ﻭﻟﻴﺪ : ﺍﻣﻲ ﻗﺎﻟﺖ ﻋﻔﺎﻑ ﻭﺻﻠﺖ ﻏﺎﺩﻱ ﻟﻠﺼﺎﻟﺔ ﺗﺴﺘﻨﻰ ﻓﻴﻚ ﺑﻴﺶ ﺗﺨﺸﻮ ﻣﻊ ﺑﻌﺾ
ﺍﻧﻲ : ﻟﻴﻬﺎ ﻫﻠﺒﺎ
ﻭﻟﻴﺪ : ﻻﻻ ﻣﺶ ﻫﻠﺒﺎ
ﻭﺻﻠﻨﺎ ﻟﻠﺼﺎﻟﺔ ﺍﻟﻲ ﺩﺍﻳﺮﻳﻦ ﻓﻴﻬﺎ ﺍﻟﻤﺤﻀﺮ ﺳﺎﻋﺪﻧﻲ ﻭﻟﻴﺪ ﻭﺳﺎﺭﺓ ﻓﻲ ﺍﻟﻨﺰﻭﻝ ﻭﺧﺸﻴﺖ ﻃﻮﻝ ﻟﺪﺍﺭ ﺍﻟﻌﺮﻭﺳﺔ ﺍﻟﻘﻴﺖ ﻗﺪﺍﻣﻲ ﻋﻔﺎﻑ ﺳﻠﻤﺖ ﻋﻠﻴﻬﺎ ﻭﺑﻌﺪﻫﺎ ﺣﻮﻟﺖ ﺍﻟﻜﺎﺏ ﻭﻗﻌﺪﺕ ﺳﺎﺭﺓ ﺗﻮﺍﺳﻴﻠﻲ
ﻣﻨﻰ : ﻫﻲ ﻳﺎﺍﻋﺮﺍﻳﺴﻨﺎ ﺑﻴﺶ ﺗﻄﻠﻌﻮ ﺍﻟﺰﻣﺰﺍﻣﺎﺕ ﺑﻴﺰﻓﻮﻛﻢ
ﻃﻠﻌﺖ ﺍﻧﻲ ﻭﻋﻔﺎﻑ ﻭﻭﻗﻔﻨﺎ ﻓﻲ ﻣﺪﺧﻞ ﺍﻟﺼﺎﻟﺔ ﻭﺯﻓﻮﻧﺎ ﺍﻟﺰﻣﺰﺍﻣﺎﺕ ﻭﻭﺻﻠﻨﺎ ﻟﻠﻜﻮﺷﺔ ﻭﻗﻌﻤﺰﺕ ﺍﻧﻲ ﻭﻋﻔﺎﻑ
ﻛﻨﺖ ﺍﻗﻞ ﺗﻮﺗﺮ ﻣﻦ ﺍﻣﺲ ﺍﻣﺸﻲ ﺍﻟﺠﻮ ﺣﻠﻮ ﻏﻴﺮﺕ ﺍﻟﻘﻔﻄﺎﻥ ﺍﻟﺘﺎﻧﻲ ﻭﺑﻌﺪﻫﺎ ﺑﺸﻮﻳﺔ ﻟﺒﺴﺖ ﺍﻟﺼﺪﺭﺓ ﻭﺍﻧﻲ ﻗﺎﻳﻠﻪ ﻟﻮﻟﻴﺪ ﺍﻧﻪ ﻳﻠﺒﺲ ﻋﺮﺑﻲ ﺑﻴﺶ ﻟﻤﺎ ﻧﻠﺒﺲ ﺍﻟﺼﺪﺭﺓ ﻳﺨﺶ ﻧﺼﻮﺭ ﺍﻧﻲ ﻭﻳﺎﻩ ﻭﻓﻌﻼ ﻟﺒﺲ ﻋﺮﺑﻲ ﺧﺸﻴﺖ ﻟﺪﺍﺭ ﺍﻟﻌﺮﻭﺳﺔ ﻭﺻﻮﺭﺕ ﺍﻧﻲ ﻭﻳﺎﺍﻩ ﻭﺑﻌﺪﻫﺎ ﻟﺒﺴﺖ ﺟﻠﻮﺓ ﻭﺻﻮﺭﺕ ﻣﻌﺎﻩ ﻭﺭﻭﺣﻨﺎ ﺍﻣﺸﻴﻨﺎ ﻟﻠﻔﻨﺪﻕ
ﺍﻧﻲ ﺍﻭﻝ ﻣﺎﺧﺸﻴﺖ ﻟﻠﻔﻨﺪﻕ : ﻭﻟﻴﺪ ﺣﺒﻴﺒﻲ ﺳﺎﻋﺪﻧﻲ ﻓﻲ ﺗﺤﻮﻳﻞ ﺍﻟﻜﺎﺏ ﺍﻧﻐﻤﻴﺖ
ﻭﻟﻴﺪ : ﻫﻬﻬﻬﻪ ﺑﺲ ﻃﺎﻟﻌﻪ ﻋﻠﻴﻚ ﺍﻟﺼﺪﺭﺓ ﺣﻠﻮﺓ
ﺍﻧﻲ ﻧﺒﺘﺴﻢ : ﻋﻴﻮﻧﻚ ﺍﻟﺤﻠﻮﺓ ﺣﺒﻴﺒﻲ ﺣﺘﻰ ﺍﻧﺖ ﺑﺎﻟﻌﺮﺑﻲ ﺣﻠﻮ
،،،،،،
ﺑﻌﺪ ﻳﻮﻣﻴﻦ ﺳﺎﻓﺮﻧﺎ ﻟﺪﺑﻲ ﺷﻬﺮ ﻋﺴﻞ ﻗﻌﺪﻧﺎ ﺷﻬﺮ ﻭﻛﺎﺍﺍﻥ ﺍﺣﻠﻰ ﺷﻬﺮ ﻣﺮ ﻋﻠﻴﺎﺍ
،،،،،
ﺑﻌﺪ ﺷﻬﺮ ﻭﺻﻠﻨﺎ ﻟﻠﻤﻄﺎﺭ ﺍﻟﻘﻴﻨﺎ ﻧﺴﻴﺐ ﻭﻟﻴﺪ ﻳﺮﺍﺟﻲ ﻓﻴﻨﺎ ﺭﻭﺡ ﺑﻴﻨﺎ ﻭﺍﻭﻝ ﻣﺎﺧﺸﻴﻨﺎ ......
.............
# ﻳﺘﺒﻊ
