منقولة
الحلقةة السادسةة
من ﺭﻭﺍﻳﺔ - - ->" #ﺳﻨــﺪ_ﺍﻷﻧﺜــﻰ_ﺭﺟــﻞ "
ﻧﻮﺍﻝ : ﻭﻟﻴﺪ ﻣﺨﺘﺎﺭ *******
ﻣﺤﻤﻮﺩ ............
ﻧﻮﺍﻝ ﻗﻌﺪﺕ ﺗﺮﺍﺟﻲ ﺑﺲ ﻣﺎﻓﻴﺶ ﺭﺩ ﻥ ﻣﺤﻤﻮﺩ : ﻭﻳﻦ ﺍﻣﺸﻲ ﻫﺪﺍ
ﻛﺘﺒﺘﻠﻪ : ﺍﻟﻮ ﻭﻳﻨﻚ
ﺑﻌﺪ ﺍﻧﺘﻈﺎﺭ ﻧﻮﺍﻝ ﻧﻌﺴﻬﺎ ﺍﻟﻨﻮﻡ ﻛﺘﺒﺘﻠﻪ ﺗﺼﺒﺢ ﻉ ﺧﻴﺮ ﻭﺳﻜﺮﺕ
ﺍﻣﺎ ﺍﻟﻮﺿﻊ ﻋﻨﺪ ﻣﺤﻤﻮﺩ ﻓﻔﺼﻞ ﻋﻠﻴﻪ ﺍﻟﻨﺖ ﻭﺍﻟﺒﺎﻳﻦ ﺍﻧﻪ ﻗﻴﻘﺎﺗﻪ ﻛﻤﻠﻮﻭ ﺣﺎﺍﻭﻝ ﻣﻊ ﺍﻟﻨﺖ ﺍﻟﺸﻔﺮﺭﺓ ﻗﺪ ﻣﺎﺩﺍﺩ ﻣﺎﺑﺎﺵ ﻳﻨﻔﺘﺢ : ﺍﻥ ﺷﺎﺀ ﺍﻟﻠﻪ ﺗﺘﺼﻞ ﻗﻌﺪ ﺷﺎﺩ ﺗﻠﻴﻔﻮﻧﻪ ﺑﺲ ﻣﺎﺭﻧﺶ ﺣﺎﻁ ﺍﻟﺘﻠﻴﻔﻮﻥ ﻭﻧﺎﺽ ﻃﻠﻊ ﻣﻦ ﺩﺍﺭﻩ
ﺍﻟﻘﻲ ﺧﻮﺗﻪ ﻭﺍﻣﻪ ﻣﻘﻌﺰﻳﻦ ﺟﻨﺐ ﺑﻮﻫﻢ : ﺍﻟﺴﻼﻡ ﻋﻠﻴﻜﻢ ﺍﻭﻭﻭ ﺍﻟﺤﺎﺝ ﻓﺎﻳﻖ
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ
ﺭﺣﻤﺔ : ﺑﺎﺍﻩ ﺍﻟﻲ ﺷﻮﻓﻨﺎﻙ
ﻣﺤﻤﻮﺩ : ﺭﺣﻢ ﺍﺧﺘﻲ ﻟﻮ ﺳﻤﺤﺘﻲ ﻧﺒﻲ ﻧﻘﻌﻤﺰ ﻣﺎﻧﺒﻴﺶ ﺗﻠﻘﻴﺢ ﻭﻣﺎﺧﺎﻃﺮﻳﺶ ﻧﺮﺩ
ﺭﺣﻤﺔ : ﻧﺤﺎﻭﻝ ﻣﻊ ﺿﺤﻜﺔ ﺧﺒﻴﺜﺔ
ﻣﻨﻰ : ﺗﻌﺸﻴﺖ ﻣﺤﻤﻮﺩ ﻭﺍﻻ ﻧﺤﻄﻠﻚ
ﻣﺤﻤﻮﺩ : ﺍﻳﻪ ﺗﻌﺸﻴﺖ ﻣﻊ ﺍﻻﻭﻻﺩ ﺷﻜﺮﺍ
ﺍﻻﺏ ﻣﺨﺘﺎﺭ : ﻭﻟﻴﺪ ﺍﻣﺘﻰ ﺑﻴﺠﻴﻨﻲ ﺍﺳﺘﺎﺣﺸﺘﻪ ﻛﻠﻤﻮﻫﻮﻟﻲ
ﻋﺒﺪ ﺍﻟﻘﺎﺩﺭ : ﺗﻨﺤﻨﺢ ﺷﻮﻳﺔ ﺗﻮﺍ ﻟﻴﻞ ﻋﻨﺪﻫﻢ ﻳﺎﺑﻮﻱ ﻏﺪﻭﺓ ﻧﻜﻠﻤﻬﻮﻟﻚ ﺑﺎﻩ
ﺍﻟﻜﻞ ﻗﻌﺪﻭ ﻳﺸﺒﺤﻮ ﻟﺒﻌﺾ ﺑﻨﻀﺮﺓ ﺣﺰﻥ ﻋﻠﻲ ﺑﻮﻫﻢ ﺍﻟﻲ ﻣﺶ ﻋﺎﺭﻑ ﺷﻲ ﻭﻣﺶ ﻗﺎﺩﺭﻳﻦ ﻳﻘﻮﻟﻮﻟﻪ
ﻗﻌﺪﻭ ﺍﻟﻌﻴﻠﺔ ﻳﺤﺎﻭﻟﻮ ﻳﻐﻴﺮﻭ ﺍﻟﻤﻮﺿﻮﻭﻉ ﻭﻳﻬﺪﺭﺯﻭ ﻋﻠﻲ ﺑﻮﻫﻢ ﺷﻮﻳﺔ
ﻣﻨﻰ : ﻫﻴﺎ ﻭﻟﻴﺪ ﺣﺒﻴﺒﻲ ﻛﻮﻭﻝ ﻫﺪﺍ ﺑﺲ ﻓﻢ ﻭﺍﺣﺪ
ﻭﻟﻴﺪ : ﻧﺒﻴﺲ ﻧﺒﻴﺲ ﺣﻼﺍﺹ
ﻣﻨﻰ : ﻣﺎﻓﻴﺶ ﻧﻮﺿﺎﻥ ﻟﻴﻦ ﺗﺎﻛﻞ ﺍﻟﻔﻢ ﻫﺬﺍ
ﻭﻟﻴﺪ : ﺍﺣﺢ ﻳﺎﻣﺎﻣﺎ ﺣﻴﺮﻙ ﻫﺘﻲ ( ﺍﺣﺢ ﻳﺎﻣﺎﻣﺎ ﺧﻴﺮﻙ ﻫﻜﻲ ) ﻭﺍﻛﻼﻩ ﺑﺎﻟﺴﻴﻒ ﻭﻧﺎﺽ ﻳﺠﺮﻱ ﻗﻌﻤﺰ ﻓﻲ ﺣﺠﺮ ﻣﺤﻤﻮﺩ : ﺣﺎﻟﻲ ﺗﻠﻢ ﻣﻨﻰ ( ﺧﺎﻟﻲ ﻛﻠﻢ ﻣﻨﻰ )
ﻣﺤﻤﻮﺩ : ﻫﻬﻬﻬﻬﻬﻪ ﻣﻨﻰ ﺻﺎﺭ ﻳﺎﻣﻌﻔﻦ
ﻣﻨﻰ : ﺑﺎﺍﻩ ﻳﺎﻭﻟﻴﺪ ﺗﻮﻭ ﺗﺸﻮﻭﻑ ﺍﻟﻤﺎ ﻧﻮﺭﻳﻚ ﺍﻧﻲ ﻣﺎﻣﺎ ﻣﺎﺗﻘﻮﻟﻴﺶ ﻣﻨﻰ
ﻭﻟﻴﺪ : ﻣﺎﻫﻮ ﻫﻮ ﻳﺪﻭﻟﻲ ﺍﻟﺮﺟﺎﻟﺔ ﻣﺎﻳﺪﻭﻟﻮﺱ ﻣﺎﻣﺎ ( ﻣﺎﻫﻮ ﻫﻮ ﻗﺎﻟﻲ ﺍﻟﺮﺟﺎﻟﺔ ﻣﺎﻳﻘﻮﻟﻮﺵ ﻣﺎﻣﺎ )
ﻣﺤﻤﻮﺩ : ﻫﻬﻬﻬﻬﻬﻪ
ﻣﻨﻰ : ﻭﻣﻦ ﻫﻮ ﺍﻟﻲ ﻗﺎﻟﻚ ﺍﻛﻴﺪ ﺍﻧﺖ ﻳﺎﻣﺤﻤﻮﺩ
ﺍﻟﺤﺎﺝ ﻣﺨﺘﺎﺭ : ﺟﻴﺒﻴﻠﻲ ﻭﻟﻴﺪ ﻳﺎﻣﻨﻰ ﻧﺒﻲ ﻧﺒﻮﺳﻪ
ﻣﻨﻰ : ﻫﻲ ﺣﺎﺿﺮ ﻭﻗﺎﻣﺖ ﻭﻟﻴﺪ ﻭﻗﻌﻤﺰﺍﺗﻪ ﻓﻮﻕ ﺳﺮﻳﺮ ﺟﺪﻩ
ﺍﻟﺤﺎﺝ ﻣﺨﺘﺎﺭ : ﻫﺬﺍ ﻳﺸﺒﻪ ﻭﻟﻴﺪ ﻭﻟﺪﻱ ﻟﻤﺎ ﻛﺎﻥ ﺻﻐﻴﺮ ﺯﻳﻪ ﺑﺎﻟﺰﺑﻂ
ﺭﺣﻤﺔ : ﺍﻳﻪ ﻏﻴﺮ ﻃﻮﻟﺔ ﺍﻟﻠﺴﺎﻥ ﻭﺍﺧﺪﻫﺎ ﻣﻦ ﻣﺤﻤﻮﺩ ﻳﻌﻠﻢ ﻓﻴﻪ
ﺍﻟﺤﺎﺝ ﻣﺨﺘﺎﺭ : ﺍﺿﺒﻂ ﻭﻟﻴﺪ ﻭﺑﺎﺳﻪ ﻭﻗﻌﺪ ﻳﺸﻮﻓﻠﻪ ﻭﻣﺴﺘﺎﺣﺶ ﻭﻟﺪﻩ
ﻓﺘﺤﻴﺔ : ﺧﻼﺹ ﻳﺎﻣﻨﻰ ﻧﺰﻟﻲ ﻭﻟﺪﻙ ﻭﺧﻠﻲ ﺑﻮﻙ ﻳﺘﻜﻰ ﻳﺮﺗﺎﺡ ﻭﻫﻲ ﺍﻟﺴﺎﻋﻪ 12 ﻫﻲ ﻧﻮﺿﻮ ﺍﺭﻗﺪﻭ ﻧﺎﺿﻮ ﻛﻠﻬﻢ : ﺗﺼﺒﺢ ﻉ ﺧﻴﺮ ﺑﻮﻱ
ﺍﻟﺤﺎﺝ ﻣﺨﺘﺎﺭ : ﻭﺍﻧﺘﻮ ﺑﺨﻴﺮ
ﻓﺘﺤﻴﺔ ﺷﺪﺕ ﻋﺒﺪ ﺍﻟﻘﺎﺩﺭ ﻋﻠﻲ ﺟﻨﺐ : ﻳﺎﻭﻟﺪﻱ ﺑﻮﻭﻙ ﻛﻞ ﻳﻮﻡ ﻳﻬﺪﺭﺯ ﺑﻮﻟﻴﺪ ﻭﻣﺎﻋﻨﺪﻩ ﺍﻻ ﺳﻴﺮﺓ ﻭﻟﻴﺪ ﻻﺯﻡ ﻳﻌﺮﻑ ﺷﻦ ﺻﺎﺭ ﻟﻮﻟﻴﺪ ﻭﺧﻨﻘﺘﻬﺎ ﺍﻟﻌﺒﺮﺓ
ﻋﺒﺪ ﺍﻟﻘﺎﺩﺭ : ﺣﺎﺿﺮ ﻳﺎﺍﻣﻲ ﺗﻮ ﻧﺤﺎﻭﻝ ﻧﺤﻜﻴﻠﻪ ﺑﺎﻟﺸﻮﻳﺔ ﻣﺎﻧﺒﻴﺶ ﻧﻘﻮﻟﻬﺎﻟﻪ ﻫﻜﻲ ﻳﺮﻋﺶ ﻭﺍﻧﺘﻲ ﻋﺎﺭﻓﻪ ﻋﻨﺪﻩ ﺍﻟﻘﻠﺐ
ﻓﺘﺤﻴﺔ : ﺑﺎﻩ ﺍﺣﻜﻴﻠﻪ ﺍﻧﺖ
ﻋﺒﺪ ﺍﻟﻘﺎﺩﺭ : ﺑﺎﻩ ﺗﺼﺒﺤﻲ ﻉ ﺧﻴﺮ ﻳﺎﺍﻣﻲ
ﻓﺘﺤﻴﺔ : ﻗﺪﺍﻣﻚ ﻛﻞ ﺧﻴﺮ
ﺭﻛﺐ ﻋﺒﺪ ﺍﻟﻘﺎﺩﺭ ﻟﺤﻮﻭﺷﻪ ﻭﻫﻮ ﻳﻔﻜﺮ ﻛﻴﻒ ﺣﻴﻘﻮﻝ ﻟﺒﻮﻩ ﻭﺧﻨﻘﺎﺗﻪ ﺍﻟﻌﺒﺮﺓ ﻟﻤﺎ ﺍﺗﺬﻛﺮ ﺧﻮﻭﻩ ﻭﺷﺎﻑ ﻟﺸﻘﻪ ﺧﻮﻩ ﺍﻟﻲ ﻣﺴﻜﺮﺓ ﻟﻴﻬﺎ ﺳﻨﻪ : ﺍﺍﻩ ﻳﺎﺍﺧﻮﻭﻱ
ﻭﺧﺶ ﻟﺸﻘﺘﻪ ﻭﺭﻗﺪ
ﻓﻲ ﻣﻜﺎﻥ ﺗﺎﻧﻲ ﻋﻨﺪ ﺣﻮﺵ ﻓﺎﺩﻳﺔ
ﺍﻟﻜﻞ ﺍﻟﺘﻔﺖ ﻻﻳﻤﻦ ﻭﻋﻼﻣﺎﺕ ﺍﻟﺼﺪﻣﺔ ﻋﻠﻲ ﻭﺟﻮﻫﻬﻢ
ﺍﻳﻤﻦ : ﻛﺎﻥ ﻳﺸﺮﺏ ﻓﻲ ﺍﻟﻘﻬﻮﺓ ﺣﻂ ﺍﻟﻔﻨﺠﺎﻥ ﺧﻴﺮﻛﻢ ﺍﺗﺸﻮﻓﻮﻟﻲ ﻫﻜﻲ
ﺍﺣﻤﺪ : ﺍﻧﺖ ﻗﺼﺪﻙ ...
ﻗﻄﻊ ﻋﻠﻴﻪ ﺍﻳﻤﻦ : ﺍﻳﻪ ﻧﻌﺮﻑ
ﺍﺣﻤﺪ ﺍﻧﻮﺭ ﻋﺪﻧﺎﻥ : ﻛﻴﻴﻒ
ﺍﻳﻤﻦ : ﺧﺎﻟﻲ ﻗﺎﻟﻲ ﻗﺒﻞ ﻣﺎﻳﻤﻮﺕ
ﻋﻤﺘﻲ : ﻭﻟﻴﺶ ﻣﺎﻗﻠﺘﻠﻴﺶ ﺍﻧﻪ ﻗﺎﻟﻚ
ﺍﻳﻤﻦ : ﺍﻟﺘﻬﻴﻨﺎ ﻓﻲ ﺍﻟﻌﺰﻱ ﻭﺍﻧﻲ ﻭﻗﺘﻬﺎ ﻛﻨﺖ ﻣﺼﺪﻭﻡ ﻭﺑﻌﺪﻫﺎ ﺳﺎﻓﺮﺕ ﻭﻗﺪﺭﺕ ﻧﺘﺠﺎﻭﺯ ﺍﻟﺼﺪﻣﺔ ﺍﻟﺤﻤﺪ ﻟﻠﻪ
ﻋﻤﺘﻲ ﻓﺎﺩﻳﺔ ﺍﺭﺗﺎﺣﺖ ﺷﻮﻳﺔ ﻭﺗﻄﻤﻨﺖ ﻋﻠﻲ ﻭﻟﺪﻫﺎ ﺍﻧﻪ ﻣﺎﻧﺼﺪﻣﺶ
ﻋﻠﻴﺎ : ﺍﻧﻲ ﺗﻮﺍ ﺑﻨﻮﺽ ﻧﻜﻤﻞ ﻗﺮﺍﻳﺘﻲ ﻋﻨﺪﻱ ﺍﻣﺘﺤﺎﻥ ﻛﻤﻞ ﺍﻻﺟﺘﻤﺎﻉ ﻣﺎﻣﺎ ﻫﻲ ﺳﻼﻡ \
ﻭﺑﻌﺪﻫﺎ ﻧﺎﺿﻮﻭ ﻛﻠﻬﻢ ﺭﻗﺪﻭﻭ
ﺍﻻ ﺍﻧﻲ ﻗﻌﺪﺕ ﻧﺘﺎﻣﻞ ﻓﻲ ﺍﻟﺴﻘﻒ ﻭﻧﺴﻤﺢ ﻟﺬﻛﺮﻳﺎﺗﻲ ﺑﺎﺍﻧﻬﺎ ﺗﻤﺮ ﻋﻠﻴﺎ ﻭﻧﺘﺬﻛﺮﻫﺎ
ﻗﺒﻞ ﺳﻨﻪ ﺑﺎﻟﺰﺑﻂ ﻣﺮﻭﻭ ﺛﻼﺛﻪ ﺍﻳﺎﻡ ﻋﻠﻲ ﺟﻨﺎﺯﺓ ﺑﺎﺑﺎ
ﻛﻨﺖ ﻣﻘﻌﻤﺰﺓ ﻓﻲ ﺍﻟﺠﻨﺎﻥ ﻧﻔﻜﺮﺭ ﺷﻦ ﺣﻨﺪﻳﺮﻭﻭ ﻣﻦ ﻏﻴﺮ ﺑﺎﺑﺎ ﻭﻛﻴﻒ ﺣﺘﻜﻮﻥ ﺣﻴﺎﺍﺗﻨﺎ ﻣﻦ ﺳﻨﺪﻧﺎ ﺍﻟﻐﺎﻟﻲ ﻛﺎﻧﺖ ﺣﺎﻝ ﻣﺎﻣﺎ ﺗﻌﺒﺎﻧﻪ ﻭﺳﺎﺍﻛﺘﻪ ﻭﺧﻼﺹ ﻭﺗﺸﻮﻓﻠﻨﺎ ﺑﺎﻟﻮﺣﺪﺓ ﻭﺗﺘﺎﻣﻞ ﻓﻴﻨﺎ ﻳﺎﺍﻣﺎ ﺗﺒﻜﻲ ﻗﻌﺪ ﺣﺎﻟﻬﻬﺎ ﻫﻜﻲ ﻣﻦ ﻟﻤﺎ ﺳﻤﻌﺖ ﺍﻟﺨﺒﺮ ﺳﺎﺍﻛﺘﻪ ﻭﺗﺘﺎﻣﻞ ﻭﺗﺒﻜﻲ ﻭﺧﻼﺹ ﺳﻨﺪﻫﺎ ﻭﺯﻭﺟﻬﺎ ﺍﺏ ﺑﻨﺎﺗﻬﺎ ﺳﻴﺒﻬﺎ ﻭﺧﻼﻟﻬﺎ ﻣﺴﺆﻭﻟﻴﺔ ﺵ ﻋﺎﺭﻓﻪ ﻫﻲ ﺗﻘﺪﺭ ﻋﻠﻴﻬﺎ ﺍﻭ ﻻ ﻭﺗﺘﺪﻛﺮ ﻓﻲ ﺫﻛﺮﻳﺎﺗﻬﺎ ﻣﻊ ﺯﻭﺟﻬﺎ ﺍﻣﺎ ﺣﺎﻟﺔ ﻧﻮﺭﺱ ﻓﻜﺎﻧﺖ ﺗﺒﻜﻲ ﻃﻮﻭﻝ ﺍﻟﻮﻗﺖ ﻭﻣﺎﺗﺘﻜﻠﻤﺶ ﺍﻻ ﻟﻮ ﺟﻴﺖ ﺍﻧﻲ ﻛﻠﻤﺘﻬﺎ ﺍﻧﻲ ﻛﻨﺖ ﻧﻠﻒ ﻋﻠﻴﻬﻢ ﻧﺒﻲ ﻧﺘﻄﻤﻦ ﻋﻠﻲ ﺣﺎﻝ ﻛﻞ ﻭﺣﺪﺓ ﻓﻴﻬﻢ ﻻﻥ ﺑﺎﺑﺎ ﻗﺒﻞ ﻻ ﻳﺴﺎﻓﺮ ﺳﻔﺮﺗﻬﺎ ﺍﻻﺧﻴﺮ ﻗﻌﺪ ﻳﻮﺻﻲ ﻓﻴﺎ ﺍﻧﻲ ﻧﺪﻳﺮ ﺑﺎﻟﻲ ﻋﻠﻲ ﺍﻣﻲ ﻭﺍﺧﻮﺍﺗﻲ ﻭﺩﻋﻨﻲ ﺑﻄﺮﻳﻘﺔ ﻻﻣﺒﺎﺷﺮﺓ ﻳﻌﻨﻲ ﻗﺒﻞ ﻋﺸﺮﺓ ﺍﻳﺎﻡ ﻣﻦ ﺍﻟﻴﻮﻡ ﻗﺒﻞ ﻣﺎﻳﻄﻠﻊ
ﺑﺎﺑﺎ : ﺑﻨﺘﻲ ﻳﺎﻧﻮﺳﺔ ﺍﻧﺘﻲ ﺍﻟﻜﺒﻴﺮﺓ ﻓﻲ ﺍﺧﻮﺍﺗﻚ ﻭﺍﻟﻌﺎﻗﻠﺔ ﻓﻴﻬﻢ ﺩﻳﺮﻱ ﺑﺎﻟﻚ ﻉ ﺍﻣﻚ ﻭﺍﺧﻮﺍﺗﻚ ﻭﺧﻠﻴﻚ ﺩﻳﻤﺎ ﻗﺮﻳﺒﺔ ﻣﻦ ﺍﺧﻮﺍﺗﻚ ﺍﻧﺼﻴﺤﻬﻢ ﻉ ﺍﻟﻐﻠﻂ ﻭﻛﺸﺨﻲ ﺣﺘﻰ ﻋﻠﻴﻬﻢ ﻧﻌﺮﻓﻚ ﻋﻘﻠﻚ ﻛﺒﻴﺮ ﻭﺗﻘﺪﺭﻱ ﺗﺘﺼﺮﻓﻲ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺍﺿﺮ ﻳﺎﺍﺑﺎﺑﺎ ﺭﺍﺍﻫﻮ ﻋﻨﺪﻙ ﻋﺸﺮ ﺍﻳﺎﻡ ﺑﺲ ﻭﺑﺘﺮﻭﻭﺣﻨﺎ ﻣﺎﺍﻓﻴﺶ ﺯﻳﺎﺩﺓ
ﺑﺎﺑﺎ : ﺍﻥ ﺷﺎﺀ ﺍﻟﻠﻪ
ﺍﻧﻴﻰ : ﺣﻴﻈﻠﻢ ﺣﻮﻭﺷﻨﺎ ﻭﻧﺴﺘﺎﺣﺸﻮﻭﻙ ﺭﻭﺡ ﺑﺴﺮﻋﻪ ﻭﺍﺿﺒﻄﺘﻪ ﻭﺑﻌﺪﻫﺎ ﺳﻠﻢ ﻋﻠﻴﻨﺎ ﻛﻠﻨﺎ ﻭﻭﻗﻒ ﺟﻨﺐ ﺍﻟﺒﺎﺏ ﻭﻫﻮ ﺷﺎﺩ ﺷﻨﻄﺘﻪ ﻗﻌﺪ ﻳﺸﻮﻓﻠﻨﺎ ﺑﺎﻟﻮﺣﺤﺪﺓ ﻛﺎﻧﻪ ﻛﺎﻥ ﻳﻤﻸ ﻓﻲ ﻋﻴﻮﻧﻪ ﻣﻨﻨﺎ ﻭﺩﻋﻨﺎ ﺑﻄﺮﻳﻘﻪ ﻏﻴﺮ ﻣﺒﺎﺷﺮﺓ ﻭﺑﻌﺪﻫﺎ ﻃﻠﻊ
ﺍﺍﻩ ﻳﺎﺑﺎﺍﺑﺎ ﻭﻳﻨﻚ " ﺃﻳﻦ ﺃﻧﺖ ﻳﺎﺃﺑﻲ ﻓﺄﻧﺎ ﻣﺤﺘﺎﺟﺔ ﻟﻚ ﺃﻳﻦ ﺃﻧﺖ ﻳﺎﺳﻨﺪﻱ ﺃﻳﻦ ﺃﻧﺖ "
ﻃﻖ ﻃﻖ ﻃﻘﻄﻘﺖ ﻋﻠﻲ ﺩﺍﺭ ﻧﺮﺟﺲ ﻭﻧﻮﺍﻝ ﻭﺑﻌﺪﻫﺎ ﻓﺘﺤﺘﻬﺎ ﺍﻟﻘﻴﺖ ﻧﺮﺟﺲ ﻣﻘﻌﻤﺰﺓ ﺑﺲ ﻧﻮﺍﻝ ﻣﺶ ﻣﻌﺎﻫﺎ : ﺗﻐﺪﻱ ﻧﺮﺟﺲ
ﻧﺮﺟﺲ ﻫﺰﺕ ﺭﺍﺍﺳﻬﺎ ﺑﻼ ﻭﻛﺎﻧﺖ ﺷﺎﺩﺓ ﺻﻮﺭﺓ ﺑﺎﺑﺎ ﻓﻲ ﻳﺪﻫﺎ ﻭﺗﺘﻔﺮﺝ ﻋﻠﻴﻬﺎ ﻭﻋﻴﻮﻧﻬﺎ ﻛﺎﻧﻮﻭ ﺣﻤﺮ ﻭﺫﺑﻠﻨﺎﺕ ﻭﻭﺟﻬﺎ ﺍﺻﻔﺮ
ﺳﻜﺮﺕ ﺍﻟﺒﺎﺏ ﻭﻗﻌﻤﺰﺕ ﻋﻠﻲ ﻃﺮﻑ ﺍﻟﺴﺮﻳﺮ : ﻧﺮﺟﺲ ﺍﻟﻲ ﺗﺪﻳﺮﻱ ﻓﻴﻪ ﺍﻧﺘﻲ ﻏﻠﻂ ﻭﺣﺮﺍﻡ ﺣﺮﺍﻡ ﺗﺎﺫﻱ ﻧﻔﺴﻚ ﻭﺟﺴﻤﻚ ﺟﺴﻤﻚ ﻣﺤﺘﺎﺝ ﻣﺎﻛﻠﺔ ﻟﻴﻚ ﺗﻼﺗﻪ ﺍﻳﺎﻡ ﺗﻮﺍ ﻣﻦ ﻏﻴﺮ ﻣﺎﻛﻠﺔ ﻏﻠﻂ
ﻧﺮﺟﺲ ﺷﺎﻓﺘﻠﻲ ﻧﻈﺮﺓ ﺣﺰﻳﻴﻨﻪ ﻭﻣﻜﺴﻮﻭﺭﺓ ﻭﺩﻣﻮﻉ ﻳﻨﺰﻟﻮ
ﻧﺮﺟﺲ ﺩﻟﻮﻋﻪ ﻫﻠﺒﺎ ﻭﺣﺴﺎﺳﺔ ﻭﻗﻠﺒﻬﺎ ﺭﻫﻴﻒ
ﺍﻧﻲ : ﻫﻲ ﻧﻮﺿﻲ ﻣﻌﺎﻱ ﻧﺪﻳﺮﻟﻚ ﺳﻨﺪﻭﺗﺶ ﺍﻭ ﺣﺎﺟﺔ ﺗﺎﻛﻠﻴﻬﺎ ﻭﺭﺍﻫﻮ ﻣﻦ ﻏﺪﻭﻭﺓ ﻧﻜﻠﻢ ﺍﻟﺒﺎﺹ ﺑﺘﻤﺸﻮﻭ ﻟﻠﻤﺪﺭﺳﺔ
ﻧﺮﺟﺲ : ﻣﺎﻧﻘﺪﺭﺵ ﻧﻤﺸﻲ ﻳﺎﻧﺴﻴﺒﺔ
ﻭﺍﺧﻴﺮﺍﺍ ﺗﻜﻠﻤﺖ : ﻟﻴﺶ ﻣﺎﺗﻘﺪﺭﻳﺶ ﻧﺮﺟﺲ ﺭﺍﻫﻮﻭ ﺍﻧﺘﻮ ﺷﻬﺎﺩﺓ ﺍﻋﺪﺍﺩﻳﺔ ﺗﻮﺍ ﻭﺍﻣﺘﺤﺎﻧﺎﺕ ﺍﻟﻔﺼﻞ ﺍﻻﻭﻝ ﻗﺮﻳﺐ ﻻﺯﻡ ﺗﻤﺸﻮﻭ ﻭﺗﺎﺧﺪﻭﻭ ﺍﻟﻲ ﻓﺎﺗﻜﻢ ﻭﺗﺠﻬﺰﻭﻭ ﻗﺮﺍﻳﺘﻜﻢ ﺑﺎﺑﺎ ﺍﻟﻠﻪ ﻳﺮﺣﻤﻪ ﻛﺎﻥ ﻳﺒﻴﻨﺎ ﺩﻳﻤﺎ ﻣﺘﻔﻮﻗﺎﺕ ﻭﻳﻔﺮﺡ ﻟﻤﺎﺍ ﻧﺠﻴﺒﻲ ﺩﺭﺟﺎﺕ ﻣﺴﻜﺮﺓ ﻭﻋﺎﻟﻴﺔ ﺧﻠﻴﻨﺎ ﻧﺮﻳﺤﻮﻭﻩ ﻭﻧﺪﻳﺮﻭ ﺍﻟﻲ ﻛﺎﻥ ﻳﺤﺒﻪ ﻭﺣﺘﻰ ﺍﻧﻲ ﺑﻨﻔﻮﺕ ﺍﺳﺒﻮﻉ ﺗﺎﻧﻲ ﻭﺑﻨﻤﺸﻲ ﻟﻠﺠﺎﻣﻌﻪ ﺍﻣﺘﺤﺎﻧﺎﺗﻲ ﻗﺮﻳﺐ
ﻧﺮﺟﺲ : ﻣﻦ ﺣﻴﺮﻓﻌﻚ
ﺍﻧﻲ : ﺗﻮ ﻧﺪﺑﺮ ﻧﺸﻮﻑ ﺑﺎﺹ ﻓﻲ ﺑﻨﺎﺕ ﻳﻤﺸﻮ ﺑﺎﻟﺒﺎﺹ ﻫﻲ ﺗﻮﺍ ﻧﻮﺿﻲ ﻣﻌﺎﺍﻱ ﺍﻏﺴﻠﻲ ﻭﺟﻬﻚ ﻭﻧﺪﻳﺮﻟﻚ ﺣﺎﺟﻪ ﺗﺎﻛﻠﻴﻬﺎ ﻭﺑﻨﺸﻮﻑ ﻧﻮﺍﻝ
ﻧﺮﺟﺲ : ﺑﺎﻩ ﻧﺎﺿﺖ ﻧﺮﺟﺲ ﻏﺴﻠﺘﻬﺎ ﻭﺟﻬﻬﺎ ﻭﻧﺰﻟﺖ ﺍﻧﻲ ﻭﻳﺎﻫﺎ ﻟﻠﻤﻄﺒﺦ ﻛﺎﻧﻮ ﻓﻴﻪ ﺍﻟﻨﺴﺎﻭﻳﻦ ﺍﻟﻲ ﺟﻴﺒﻴﻨﻬﻢ ﻳﻐﺴﻠﻮ ﺍﻻﻣﺎﻋﻴﻦ ﺑﺲ
ﺍﻧﻲ : ﺍﻟﺴﻼﻡ ﻋﻠﻴﻜﻢ
ﻣﻠﻴﻜﺔ ﻭﻓﺎﻃﻤﺔ : ﻭﻋﻠﻴﻜﻢ ﺍﻟﺴﻼﻡ
ﺩﺭﺕ ﻟﻨﺮﺟﺲ ﺳﻨﺪﻭﺗﺶ ﺟﺒﻨﻪ ﻭﻃﻠﻌﺘﻠﻬﺎ ﺯﻳﺘﻮﻥ ﻭﺩﺭﺗﻠﻬﺎ ﺧﻴﺎﺍﺭ ﻭﻃﻤﺎﻃﻢ ﻻﺍﺯﻡ ﺗﻌﻮﺽ ﺟﺴﻤﻬﺎ ﺧﻴﺮ ﻣﺎﻳﺼﻴﺮﻟﻬﺎ ﻫﺒﻮﻁ ﻭﺩﺭﺗﻠﻬﺎ ﺷﺎﻫﻲ ﺑﺎﻟﻨﻌﻨﻊ ﻭﺣﻄﻴﺘﻬﻮﻟﻬﺎ ﺧﻠﻴﺘﻬﺎ ﺗﺎﻛﻞ ﻭﻃﻠﻌﺖ ﻧﺪﻭﺭ ﻓﻲ ﻧﻮﺍﻝ ﻛﺎﻥ ﺍﻟﺤﻮﻭﺵ ﻗﺎﻋﺪ ﺯﺣﻤﺔ ﺍﻟﻌﻴﻠﺔ ﺧﺎﻻﺕ ﺑﺎﺑﺎ ﻭﻋﻤﺎﺗﻪ ﻭﺧﺎﻻﺕ ﻣﺎﻣﺎ ﻭﻋﻤﺘﻲ ﻭﺣﻮﺵ ﻋﻤﻲ ﺭﻭﺣﻮ ﻟﻤﺎ ﺳﻤﻌﻮ ﺑﺒﺎﺑﺎ ﻫﻤﺎ ﻋﺎﻳﺸﻴﻦ ﻓﻲ ﺍﻣﺮﻳﻜﻴﺎ ﺩﻭﺭﺕ ﻧﻮﺍﻝ ﻓﻲ ﺩﻳﺎﺭ ﺍﻟﺤﻮﻭﺵ ﻛﻠﻬﻢ ﻭﺍﻟﺠﻨﺎﻧﺎﺕ ﻣﺎﻟﻘﻴﺘﻬﺎﺵ : ﻳﺎﺍﺭﺑﻲ ﻭﻳﻨﻬﺎ ﺍﻟﺒﻨﺖ
ﻗﻌﺪﺕ ﺩﺍﺭ ﻭﺣﺪﺓ ﻣﺎﺧﺸﻴﺘﻠﻬﺎﺵ ﻫﻲ ﻣﻜﺘﺐ ﺑﺎﺑﺎ ﻧﺘﺤﺸﻰ ﺍﻧﻲ ﻧﺨﺸﻠﻪ ﺑﻴﺶ ﻣﺎﻧﻀﻌﻔﺶ ﺣﺘﻰ ﺩﺍﺭﻩ ﻣﺎﻧﺨﺸﻠﻬﺎﺵ ﻣﻊ ﺍﻧﻲ ﻣﺴﺘﺎﺣﺸﺔ ﺭﻳﺤﺘﻪ ﻣﻮﺕ ﺑﺲ ﻧﺒﻴﺶ ﻧﻀﻌﻒ ﻉ ﺍﻻﻗﻞ ﺗﻮﺍ ﻗﺪﺍﻡ ﺍﺧﻮﺍﺗﻲ
ﻃﻘﻴﺖ ﺍﻟﺒﺎﺏ ﻭﻳﺪﻱ ﺗﺮﺟﻒ ﻭﻧﺴﺘﻨﻮ ﻓﻲ ﺑﺎﺑﺎ ﻳﻘﻮﻭﻟﻲ ﺍﺩﺧﻞ ﺑﺲ ﻣﺎﻓﻴﺶ ﺣﺪ ﺭﺩ ﻋﻠﻴﺎ ﻓﺘﺤﺖ ﺍﻟﺒﺎﺏ ﻭﺍﻧﻲ ﻧﺴﺘﻨﻰ ﺍﻧﻲ ﻧﺸﻮﻑ ﺑﺎﺑﺎ ﻻﺑﺲ ﻧﻈﺎﺭﺍﺗﻪ ﻭﻣﻘﻌﻤﺰ ﻋﻠﻲ ﻣﻜﺘﺒﻪ ﻳﺸﺘﻐﻞ ﺑﺲ ﻟﻘﻴﻴﺖ ﻧﻮﺍﺍﻝ ﻣﻘﻌﻤﺰﺓ ﻉ ﺍﻟﻜﺮﺳﻲ ﻭﺣﺎﻃﺔ ﺭﺍﺳﻬﺎ ﻉ ﺍﻟﻤﻜﺘﺐ ﻗﺎﻣﺘﻬﺎ ﺭﺍﺍﺳﻬﺎ ﻭﻛﺎﻧﻮﻭ ﻋﻴﻮﻧﻬﺎ ﺣﻤﺮ ﻭﺍﺿﺢ ﺍﻧﻬﺎ ﺑﺎﻛﻴﺔ
ﺍﻧﻲ ﺳﻜﺮﺕ ﺍﻟﺒﺎﺍﺏ ﻭﻗﺪﻣﺖ : ﻧﻮﺍﻝ ﺷﻦ ﺗﺪﻳﺮﻱ ﺍﻫﻨﻲ
ﻧﻮﺍﻝ : ﻭﻻ ﺷﻲ ﻧﺸﻢ ﻓﻲ ﺭﻳﺤﺔ ﺑﺎﺑﺎ ﺑﺲ
ﺧﻨﻘﺘﻨﻲ ﺍﻟﻌﺒﺮﺓ ﻭﺧﻼﺹ ﺑﻨﺒﻜﻲ ﺑﺲ ﺷﺎﺩﻩ ﺭﻭﺣﻲ ﺑﺎﻟﺴﻴﻒ ﺭﻳﺤﺔ ﺑﺎﺑﺎ ﻣﺎﻟﻴﺔ ﺍﻟﻤﻜﺘﺐ ﺭﻳﺤﺘﻪ ﺍﻟﻲ ﻧﺤﺒﻪ ﺍﺍﻩ ﻳﺎﺍﺭﺑﻲ ﺻﺒﺮﻧﻲ
ﻧﻮﺍﻝ ﻣﻌﺎﺵ ﻗﺪﺭﺕ ﺗﻜﺎﺑﺮ ﻭﺍﻧﻬﺎﺭﺕ ﺑﻜﻲ ﻭﻫﻲ ﺗﻘﻮﻝ ﻣﻦ ﺑﻲ ﺷﻬﻘﺎﺗﻬﺎ : ﻭﻭﻭﻳﻨﻦ ﻙ ﻙ ﻳﺎ ﺑﺎﺑﺎ ﺍﺳﺘﺘﺖ ﺍﺍ ﺡ ﺷﺘﻪ ﻗﻮﻟﻲ ﻟﻪ ﻳﺠﻲ ﻳﺎ ﻥ ﺳﻲ ﺑﺔ
ﺍﻧﻲ : ﺍﺳﺘﻐﻔﺮ ﺍﻟﻠﻪ ﻧﻮﺍﻝ ﺧﻼﺹ ﺍﻫﺪﻱ ﻭﺍﺩﻋﻴﻠﻪ ﺑﺎﻟﺮﺣﻤﺔ ﻭﺟﻴﺖ ﺍﺿﺒﻄﺘﻬﺎ ﻭﻣﺴﺤﺖ ﺩﻣﻮﻋﻬﺎ
ﻧﻮﺍﻝ : ﺍﻧﻲ ﻛﻞ ﻳﻮﻡ ﺍﻧﻮﺽ ﻣﻦ ﺍﻟﻨﻮﻡ ﻧﻘﻮﻭﻝ ﺍﻥ ﺷﺎﺀ ﺍﻟﻠﻪ ﺣﻠﻢ ﺑﺲ ﺍﻧﻮﺽ ﻓﻲ ﺍﻟﻠﻴﻞ ﻧﻘﻌﺪ ﻧﺪﻭﻭﺭ ﻓﻴﻪ ﻣﺎﻧﻠﻘﺎﺷﻲ ﻧﺨﺶ ﻟﺪﺍﺭﻩ ﻓﺎﺿﻴﺔ ﻧﻄﻠﻊ ﺣﻮﺍﻳﺠﻪ ﻧﺸﻤﻬﻢ ﻭﻧﻀﺒﻄﺘﻬﻢ ﻭﻧﺮﺩﻫﻢ ﻧﻘﻮﻟﻪ ﺗﺼﺒﺢ ﻉ ﺧﻴﺮ ﻭﻧﻄﻠﻊ ﻣﻦ ﺍﻟﺪﺍﺭ ﻭﻧﺨﻠﻴﻪ ﺑﺲ ﻟﺼﺒﺢ ﻣﺎﻧﻠﻘﺎﺵ ﻓﻴﻪ ﻣﺎﻳﻨﻮﺿﺶ ﻓﻴﺎ ﻭﻳﻘﻮﻭﻟﻲ ﻧﻮﺿﻲ ﺍﻓﻄﺮﻱ
ﺍﻧﻲ ﻣﻌﺎﺵ ﻗﺪﺭﺕ ﻧﺸﺪ ﺩﻣﻮﻭﻋﻲ ﻛﻼﻡ ﻧﻮﺍﻝ ﺧﻼﻧﻲ ﻧﻀﻌﻒ ﺑﺲ ﺧﻔﺖ ﻋﻠﻴﻬﺎ ﺗﻬﺒﻞ ﺍﻟﺒﻨﺖ : ﻧﻮﺍﻝ ﻻﺍﻟﻪ ﺍﻻ ﺍﻟﻠﻪ ﺭﺑﻲ ﻳﻐﻔﺮﻟﻪ ﻭﻳﺮﺣﻤﻪ ﻣﺎﻋﻠﻴﻨﺎ ﺍﻻ ﺍﻟﺪﻋﺎﺀ ﻳﺎﻧﻮﺍﻝ
ﺍﺿﺒﻄﺘﻬﺎ ﻭﻗﻌﺪﺕ ﻧﻬﺪﻱ ﻓﻴﻬﺎ ﻟﻴﻦ ﺍﻫﺪﺕ ﻧﻀﺖ ﻏﺴﻠﺘﻬﺎ ﻭﺟﻬﻬﺎ ﻭﻃﻠﻌﺘﻬﺎ ﻣﻦ ﺍﻟﻤﻜﺘﺐ ﻭﺳﻜﺮﺗﻪ ﺑﺎﻟﻤﻔﺘﺎﺡ ﻭﺣﻄﻴﺖ ﺍﻟﻤﻔﺘﺎﺡ ﻓﻲ ﺟﻴﺒﻲ ﻭﺍﻣﺸﻴﺖ ﺍﻧﻲ ﻭﻧﻮﺍﻝ ﻟﺪﺍﺭﻫﺎ ﺻﺒﻴﺘﻠﻬﺎ ﺍﻣﻴﻪ ﺷﺮﺑﺖ ﻭﺍﻫﺪﺕ ﺍﻟﻌﺒﺮﺓ ﻣﻨﻬﺎ ﺷﻮﻳﺔ
ﺍﻧﻲ : ﻧﻮﺍﻝ ﻏﺪﻭﻭﺓ ﺭﺍﻫﻮ ﺑﺘﻤﺸﻮ ﻟﻠﻤﺪﺭﺳﺔ ﺍﻧﺘﻲ ﻭﻧﺮﺟﺲ ﺑﻨﻜﻠﻢ ﺍﻟﺒﺎﺹ ﺗﻮﺍ ﺑﻨﻘﻮﻟﻪ ﻳﺨﻄﻢ ﻋﻠﻴﻜﻢ ﻏﺪﻭﺓ ﻭﺗﻲ ﺣﻮﺍﻳﺠﻚ ﻭﻛﺘﺎﺑﺎﺗﻚ ﺑﺎﻫﻲ
ﻧﻮﺍﻝ : ﻧﺴﻴﺒﺔ ﻣﻦ ﺟﺪﻙ ﺍﻧﺘﻲ ﺗﺪﻭﻱ
ﺍﻧﻲ : ﺍﻳﻪ ﻣﻦ ﺟﺪﻱ ﻟﻴﻜﻢ ﺍﺭﺑﻌﻪ ﺍﻳﺎﻡ ﻣﺎﺍﻣﺸﻴﺘﻮﺵ ﻭﺍﻣﺘﺤﺎﻧﺎﺕ ﻧﻬﺎﻳﺔ ﺍﻟﻔﺼﻞ ﺍﻻﻭﻝ ﻗﺮﻳﺐ ﻭﺍﻧﺘﻮ ﺷﻬﺎﺩﺓ ﻻﺯﻡ ﺗﻤﺸﻮ ﻭﻣﻌﺎﺵ ﺗﻔﻮﺗﻮ ﻭﺗﺠﻬﺰﻭ ﺭﻭﺣﻜﻢ ﻟﻼﻣﺘﺤﺎﻧﺎﺕ ﺣﺘﻰ ﺍﻧﻲ ﺑﻨﻔﻮﺕ ﺍﺳﺒﻮﻉ ﺗﺎﻧﻲ ﻭﺑﻨﻤﺸﻲ
ﻧﻮﺍﻝ : ﺍﻧﺘﻲ ﺑﺠﺪ ﻗﻠﺒﻚ ﻣﻴﺖ ﺑﺎﺑﺎ ﻟﻴﻪ ﺗﻼﺗﻪ ﺍﻳﺎﻡ ﺑﺲ ﺟﻨﺎﺯﺗﻪ ﻭﺍﻧﺘﻲ ﺗﺒﻴﻨﻲ ﻧﻔﻜﺮ ﻓﻲ ﺭﻭﺣﻲ ﻭﻗﺮﺍﻳﺘﻲ ﺍﻧﻲ ﻣﺎﺩﺍﻡ ﺑﺎﺑﺎ ﺍﻣﺸﻲ ﻣﻌﺎﺵ ﻳﻬﻤﻨﻲ ﺷﻲ
ﺍﻧﻲ ﻭﺟﻌﺘﻨﻲ ﻛﻠﻤﺔ ﻗﻠﺒﻚ ﻣﻴﺖ ﻫﻲ ﻋﻨﺪﻫﺎ ﺣﻖ ﻣﺶ ﺷﺎﻳﻔﻪ ﺍﻟﺒﺮﻛﺎﻥ ﺍﻟﻲ ﺑﺪﺍﺧﻠﻲ ﺭﺑﻲ ﻳﺼﺒﺮﻧﻲ ﻋﻠﻲ ﺗﻮﺻﻴﺎﺗﻚ ﻳﺎﺑﺎﺑﺎ : ﺑﺎﺑﺎ ﺍﻟﻠﻪ ﻳﺮﺣﻤﻪ ﻛﺎﻥ ﺩﻳﻤﺎ ﻳﺒﻴﻨﺎ ﻣﺘﻔﻮﻗﺎﺍﺕ ﻭﻳﻔﺮﺡ ﻟﻤﺎ ﻳﺸﻮﻭﻓﻨﺎ ﻧﺎﺟﺤﺎﺕ ﻭﻣﺴﻜﺮﺍﺕ ﺍﻟﺪﺭﺟﺎﺕ ﻭﺗﺘﻔﻜﺮﻱ ﻟﻤﺎ ﻗﺎﻟﻠﻜﻢ ﻟﻮ ﺍﻧﺠﺤﺘﻮﻭ ﻓﻲ ﺍﻟﺸﻬﺎﺩﺓ ﻧﺪﻳﺮﻟﻜﻢ ﺯﺭﺩﺓ ﻛﺒﻴﺮﺓ ﺑﺲ ﺑﺸﺮﻁ ﺗﻜﻮﻧﻮ ﻣﻦ ﺍﻻﻭﻝ ﺣﻘﻘﻲ ﺍﻣﻨﻴﻪ ﺑﺎﺑﺎ ﻳﺎﺍﻧﻮﺍﻝ ﺑﺎﺑﺎ ﻳﺤﺒﻨﺎ ﻣﺘﻌﻠﻤﺎﺕ ﻭﺑﺸﻬﺎﺩﺗﻨﺎ
ﻧﻮﺍﻝ ﺗﻨﻬﺪﺕ : ﺑﺎﺍﻩ ﻳﺼﻴﺮ ﺧﻴﺮ ﺑﺲ ﻣﺶ ﻣﺎﺷﻴﺔ ﻏﺪﻭﺓ
ﺍﻧﻲ : ﺍﻣﺘﻰ ﺑﺘﻤﺸﻲ ﺍﻥ ﺷﺎﺀ ﺍﻟﻠﻪ
ﻧﻮﺍﻝ : ﻓﻲ ﺍﻻﻣﺘﺤﺎﻧﺎﺕ ﺗﻮ ﻧﻤﺸﻲ
ﺍﻧﻲ : ﻻﺍ ﻏﺪﻭﺓ ﺑﺘﻤﺸﻲ ﻳﻌﻨﻲ ﺑﺘﻤﺸﻲ ﻭﺑﻴﺶ ﺗﺮﻗﺪﻱ ﺑﻜﺮﻱ ﺍﻟﻴﻮﻡ ﺗﻮﺍ ﺍﻟﺴﺒﻌﻪ ﺍﻟﻌﺸﺮﺓ ﺗﻜﻮﻭﻧﻲ ﻓﻲ ﻓﺮﺍﺍﺷﻚ ﻫﺪﺍ ﺍﺧﺮ ﻛﻼﻡ ﻋﻨﺪﻱ
ﻧﻮﺍﻝ : ﺍﻭﻭﻭﻭﻑ
ﻃﻠﻌﺖ ﻭﻭﺳﻴﺒﺘﻬﺎ ﻣﻦ ﺍﻟﺪﺍﺭ ﺍﺍﺍﻩ ﻳﺎﺍﺭﺑﻲ ﺳﺎﺍﻋﺪﻧﻲ
ﺍﻣﺸﻴﺖ ﻟﻠﻤﻄﺒﺦ ﺍﻟﻘﻴﺖ ﻧﺮﺟﺲ ﻛﻴﻒ ﻣﻜﻤﻠﺔ ﺍﻟﺴﻨﺪﻭﺗﺶ ﻭﺗﻘﻴﻢ ﻓﻲ ﺍﻟﺼﻮﻧﻴﺔ ﻭﺍﻟﻄﺎﺳﺔ ﺗﺎﻛﻞ ﺯﻱ ﺍﻟﻔﻜﺮﻭﻧﺔ : ﺻﺤﺔ ﺍﻛﻠﻴﺘﻲ ﻛﻮﻳﺲ
ﻧﺮﺟﺲ : ﺍﻟﺤﻤﺪ ﻟﻠﻪ
ﺍﻧﻲ : ﺗﻮ ﻗﺮﻳﺐ ﺍﻟﻌﺸﻲ ﻧﺸﻮﻑ ﻓﻴﻬﻢ ﺩﺍﻳﺮﻳﻦ ﻛﺴﻜﺴﻲ ﺑﻴﺶ ﺗﺎﺍﻛﻠﻲ ﺑﺎﻫﻲ
ﻧﺮﺟﺲ : ﻧﺴﻴﺒﺔ ﺍﻛﻠﻴﺖ ﺍﻟﺴﻨﺪﻭﺗﺶ ﺧﻼﺹ ﺍﻟﺤﻤﺪ ﻟﻠﻪ
ﺍﻧﻲ : ﻧﺮﺭﺟﺲ ﻗﻠﺖ ﺑﺘﺘﻌﺸﻲ ﻳﻌﻨﻲ ﺗﺘﻌﺸﻲ ﺍﻧﻲ ﻣﺶ ﻣﺴﺘﻌﺪﻩ ﻧﻔﻘﺪﻙ ﺣﺘﻰ ﺍﻧﺘﻲ ﺑﻬﺒﻮﻁ ﻭﺍﻻ ﺗﺮﻋﺸﻲ ﻣﺎﻣﺎ ﻣﺶ ﻧﺎﻗﺼﺔ ﻗﻌﻤﺰﺕ ﻧﺮﺟﺲ ﺳﺎﺍﻋﺪﻭﻭﻧﻲ ﺷﻮﻳﺔ ﺍﺭﺟﻮﻛﻢ ﺍﺣﻨﻲ ﻻﺯﻡ ﻧﻮﻗﻔﻮ ﺟﻨﺐ ﻣﺎﻣﺎ ﻭﻧﺼﺒﺮﻭﻫﺎ ﺷﻮﻓﻲ ﺣﺎﻟﺘﻬﺎ ﻛﻴﻒ ﺗﺸﻮﻓﻠﻜﻤﻢ ﻭﻣﺤﺮﻭﻗﺔ ﻋﻠﻴﻜﻢ ﺍﺣﻨﻲ ﻣﺶ ﺻﻐﻴﺮﺍﺕ ﻭﺑﺎﺑﺎ ﻣﺮﺑﻴﻨﺎ ﻋﻠﻲ ﺍﻻﻳﻤﺎﻥ ﺑﺎﻟﻠﻪ ﻻﺯﻡ ﻧﺼﺒﺮﻭﻭ ﻭﻧﺆﻣﻨﻮ ﺑﺎﻟﻘﻀﺎﺀ ﻭﺍﻟﻘﺪﺭ ﻭﻧﺰﻟﻮ ﺩﻣﻮﻋﻲ
ﻧﺮﺟﺲ : ﻣﺴﺤﺘﻠﻲ ﺩﻣﻌﺘﻲ ﺣﺎﺍﺿﺮ ﻳﺎﻧﺴﻴﺒﺔ ﺣﻨﻜﻮﻥ ﺍﻗﻮﻯ ﻭﺍﻧﻲ ﻗﺮﺭﺕ ﻧﺪﻳﺮ ﺧﺘﻤﻪ ﻗﺮﺍﻥ ﻟﺒﺎﺑﺎ ﻭﻧﺪﻋﻴﻠﻪ ﻣﻌﺎﺵ ﺗﺒﻜﻲ
ﺍﺑﺘﺴﻤﺖ ﺑﺮﺿﺎ ﻭﺑﻌﺪﻫﺎ ﻃﻠﻌﻨﺎ ﻣﻦ ﺍﻟﻤﻄﺒﺦ ﻟﻠﺠﻨﺎﻥ ﻗﻌﻤﺰﻧﺎ ﺟﻨﺐ ﻣﺎﻣﺎ ﻭﻗﺎﻋﺪﻳﻦ ﻧﺎﺱ ﻳﺠﻮ ﻭﻳﻌﺰﻭ ﻭﺑﻌﺪﻫﺎ ﺧﺸﺖ ﻫﺎﺟﺮ : ﺍﺳﻔﻪ ﻧﻮﺳﺔ ﺗﺎﺧﺮﺕ ﻋﻠﻴﻚ ﺍﻣﺸﻴﺖ ﻟﻠﻌﻴﺎﺩﺓ ﺯﺣﻤﺔ
ﺍﻧﻲ : ﻟﻴﺶ ﻻﺑﺎﺱ
ﻫﺎﺟﺮ : ﻣﺶ ﻗﻠﺘﻠﻚ ﺍﻣﺲ ﺳﻨﻲ ﻣﺎﻗﺪﺭﺗﺶ ﺣﺘﻰ ﻧﺠﻴﻚ ﺍﻧﻘﺰ ﻭﻧﻌﻴﻂ ﻭﺧﻼﺹ
ﺍﻧﻲ : ﺳﻼﻣﺘﻚ ﻭﺷﻦ ﺩﺍﺭﻟﻚ ﺍﻟﺪﻛﺘﻮﺭ
ﻫﺎﺟﺮ : ﺍﺣﺸﻬﺎﻟﻲ ﻭﺍﻣﺸﺖ ﺍﻣﻮﺭﺭﻫﺎ
ﺍﻧﻲ : ﺑﺎﻩ ﺗﻌﺎﻟﻲ ﻣﻌﺎﻳﺎ ﻧﺮﻛﺒﻮ ﻟﺪﺍﺭﻱ
ﻫﺎﺟﺮ : ﺑﺎﻩ ﻫﻲ ﺩﻗﻴﻘﻪ ﻧﺴﻠﻢ ﻋﻠﻲ ﺍﻣﻚ
ﺳﻠﻤﺖ ﻋﻠﻲ ﻣﺎﻣﺎ ﻭﺭﻛﺒﻨﺎ ﺍﻭﻭﻝ ﻣﺎﺧﺸﺖ ﺗﻠﻮﺣﺖ ﻉ ﺍﻟﺴﺮﻳﺮ ﻭﺗﻨﻬﺪﺕ ﻭﺣﻮﻟﺖ ﻭﺷﺎﺣﻲ
ﻫﺎﺟﺮ : ﻗﺮﻳﺐ ﻛﺴﺮﺗﻲ ﺍﻟﺴﺮﻳﺮ ﺑﺎﻟﺸﻮﻳﺔ
ﺍﻧﻲ : ﺍﺍﻩ ﻳﺎﺍﻫﺎﺟﺮ
ﻫﺎﺟﺮ : ﺧﻴﺮﻙ ﺣﺒﻴﺒﺘﻲ
ﺍﻧﻲ : ﺧﻼﺹ ﻣﺨﻨﻮﻗﻪ ﻣﺶ ﻋﺎﺭﻓﻪ ﻛﻴﻒ ﻧﺘﺼﺮﻑ ﻣﺶ ﻣﺘﺨﻴﻠﺔ ﺣﻴﺎﺗﻨﺎ ﻣﻦ ﻏﻴﺮ ﺑﺎﺑﺎ ﻣﻦ ﻏﻴﺮ ﺳﻨﺪ ﻧﻨﺴﻨﺪﻭﻭ ﻋﻠﻴﻪ ﺣﺘﻰ ﻭﻟﻴﻴﺪ ﻳﺎﻫﺎﺟﺮ ﻣﻦ ﻫﺪﺍﻛﺎ ﺍﻟﻴﻮﻡ ﺗﻌﺎﺭﻛﻨﺎ ﺍﺧﺘﻔﻲ ﻣﻊ ﺍﻧﻲ ﻓﻲ ﻋﺰ ﺣﺎﺟﺘﻲ ﻟﻴﻪ ﻣﺤﺘﺎﺟﺎﺗﻪ ﻳﺎﻫﺎﺟﺮ ﻧﺒﻲ ﺳﻨﺪ ﻧﺴﻨﺪ ﻋﻠﻴﻪ ﻇﻬﺮﻱ ﺳﺒﺤﺎﻥ ﺍﻟﻠﻪ ﺭﺑﻲ ﺧﻠﻘﺖ ﺍﻟﻤﺮﺃﺓ ﻣﻦ ﺿﻠﻊ ﺭﺟﻞ ﻓﻌﻼ ﺍﻟﻤﺮﺃﺓ ﻣﺎﺗﻘﺪﺭﺵ ﺗﻌﻴﺶ ﻣﻦ ﻏﻴﺮ ﺳﻨﺪ ﻳﺴﻨﺪﻫﺎ ﻟﻤﺎ ﻫﻲ ﺻﻐﻴﺮﺓ ﻟﻴﻦ ﺗﻜﺒﺮ ﻭﻫﻲ ﻣﻨﺴﻨﺪﺓ ﻋﻠﻲ ﺑﻮﻫﺎ ﻭﺑﻌﺪﻫﺎ ﺗﺘﺰﻭﺝ ﻭﺗﺴﻨﺪ ﻇﻬﺮﻫﺎ ﻋﻠﻲ ﺭﺍﺟﻠﻬﺎ ﻳﻜﻮﻥ ﻫﻮ ﻛﻞ ﺷﻲ ﻓﻲ ﺣﻴﺎﺗﻬﺎ ﺑﺲ ﺍﺣﻨﻲ ﻭﻣﺎﻣﺎ ﺗﻮﺍ ﻣﻦ ﻏﻴﺮ ﺳﻨﺪ ﻣﻜﺴﻮﻭﺭﺍﺕ ﻃﺎﻳﺤﺎﺕ ﺑﺮﻭﺣﻨﺎ ﺍﺍﻩ ﻳﺎﺭﺑﻲ ﺑﺠﺪ ﺍﻧﻲ ﻣﺤﺘﺎﺟﻪ ﻟﻮﻟﻴﺪ
ﻫﺎﺟﺮ : ﺑﺎﻟﻚ ﺍﺷﺒﺢ ﺧﻴﺮﻩ ﺟﺮﺑﺘﻲ ﺍﻧﺘﻲ ﺍﺗﺼﻠﺘﻲ
ﺍﻧﻲ : ﻻ
ﻫﺎﺟﺮ : ﺟﺮﺑﻲ ﺍﺗﺼﻠﻲ ﺍﻛﻴﺪ ﻣﺎﻳﻌﺮﻓﺶ
ﺍﻧﻲ : ﻣﻊ ﺍﻥ ﺍﻟﻲ ﻫﻮ ﻣﻔﺮﻭﺽ ﻳﺘﺼﻞ ﺑﺲ ﺍﻓﺘﺤﻲ ﺍﻟﻘﺠﺮ ﺍﻟﺘﺎﻧﻲ ﺗﻠﻘﻲ ﻓﻴﻪ ﺗﻠﻴﻔﻮﻧﻲ
ﺟﺎﺑﺘﻠﻲ ﻫﺎﺟﺮ ﺍﻟﺘﻠﻴﻔﻮﻥ ﻣﻠﻘﻴﺘﺶ ﺍﻱ ﺍﺗﺼﺎﻝ ﺧﺸﻴﺖ ﻋﻠﻲ ﺍﻟﺴﺠﻞ ﻭﺍﺗﺼﻠﺖ " ﺍﻟﺮﻗﻢ ﺍﻟﻤﻄﻠﻮﺏ ﻣﻘﻔﻞ : ﻣﻘﻔﻞ ﺍﺻﻼ ﻣﺶ ﻣﺪﻭﺭﻧﻲ ﻫﻮ
ﻫﺎﺟﺮ : ﺍﺑﻌﺘﻴﻠﻪ ﻣﺴﺞ ﻟﻤﺎﺍ ﻳﻔﺘﺤﻪ ﻳﺸﻮﻓﻪ
ﺍﻧﻲ : ﻣﺶ ﺣﻨﺒﻌﺚ ﺷﻲ ﻳﺎﻫﺎﺟﺮ ﺗﻮﺍ ﺑﻨﻔﻜﺮ ﻓﻲ ﺍﺧﻮﺍﺗﻲ ﺑﺲ ﻏﺪﻭﺓ ﺑﻨﺒﻌﺖ ﻧﺮﺟﺲ ﻭﻧﻮﺍﻝ ﻟﻠﻤﺪﺭﺳﺔ ﻭﻧﻮﺭﺱ ﻣﺰﺍﻝ ﻧﺒﻲ ﻧﺘﻔﺎﻫﻢ ﻣﻌﺎﻫﺎ ﻭﺍﻧﻲ ﻣﻤﻜﻦ ﺍﻻﺳﺒﻮﻉ ﺍﻟﺠﺎﻱ ﻧﻮﻟﻲ ﻟﻠﺠﺎﻣﻌﻪ ﻟﻮ ﻣﺎﻣﺎ ﻭﻟﻰ ﺣﺎﻟﻬﺎ ﺍﺣﺴﻦ
ﻫﺎﺟﺮ : ﻣﻦ ﺑﻴﺮﻓﻌﻚ
ﺍﻧﻲ : ﺗﻨﻬﺪﺕ ﺗﻮ ﻧﺪﺑﺮ
ﻫﺎﺟﺮ : ﻧﺨﻄﻢ ﻋﻠﻴﻚ ﺍﻧﻲ ﺑﻌﺪﻳﻦ ﺍﻧﺘﻲ ﻓﻲ ﻃﺮﻳﻘﻨﺎ
ﺍﻧﻲ : ﺍﻻﻻ ﺍﻧﺘﻲ ﺍﻣﺎﻟﻴﻚ ﻣﺸﻐﻮﻟﻴﻦ ﻭﻛﻞ ﻣﺮﺓ ﻳﺠﻴﺐ ﻓﻴﻚ ﻭﺍﺣﺪ ﺑﻨﻘﻴﺪﻙ ﺗﻮ ﺑﻨﺪﻭﻭﺭ ﺑﺎﺹ ﻛﺎﻥ ﻫﺪﺍ ﻧﺸﻮﻑ ﺑﺎﺹ ﺍﺧﻮﺍﺗﻲ ﻛﺎﻥ ﻳﻮﺻﻞ ﻟﻠﺠﺎﻣﻌﻪ
ﻫﺎﺟﺮ : ﺭﺑﻲ ﻳﻌﺎﻭﻧﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻃﻘﻄﻖ ﺍﻟﺒﺎﺏ : ﺍﺩﺧﻞ
ﺳﺎﺭﺓ : ﻧﺴﻴﺒﺔ ﻓﻲ ﺑﻨﺎﺕ ﺟﺎﻳﺎﺕ ﻗﺎﻟﻮ ﻳﻘﺮﻭ ﻣﻌﺎﻙ ﺑﻴﻌﺰﻭﻙ
ﺍﻧﻲ : ﻫﻲ ﺟﺎﻳﻪ
ﻧﺰﻟﺖ ﺍﻧﻲ ﻭﻫﺎﺟﺮ ﻭﻛﺎﻧﻮﻭ ﺗﺴﻨﻴﻢ ﻭﻏﻔﺮﺍﻥ ﻭﺭﻧﺎ ﺟﺎﻳﺎﺕ ﻳﻌﺰﻭﻭ ﺳﻤﻌﻮ ﺍﻟﻴﻮﻡ ﺑﺲ ﻭﺑﻌﺪﻫﺎ ﺭﻭﺣﻮ ﻭﻫﺎﺟﺮ ﺟﺎﻫﺎ ﺑﻮﻫﺎ
ﺍﻧﻲ ﺭﻛﺒﺖ ﻭﻗﻔﺖ ﻗﺪﺍﻡ ﺩﺍﺭ ﻧﻮﺭﺱ ﻭﺗﻨﻬﺪﺕ ﻭﻃﻘﻄﻘﺖ ﺍﻟﺒﺎﺏ ﻣﺎﺭﺩﺗﺶ ﻋﺎﻭﺩﺕ ﻃﻘﻄﻘﺖ ﻭﺍﻧﻲ ﺧﺎﺍﻳﻔﻪ ﻭﻧﻔﻜﺮ ﻛﻴﻒ ﺣﻨﺘﺼﺮﻑ ﻣﻌﺎﻫﺎ ﻓﺘﺤﺖ ﺍﻟﺒﺎﺏ ﻧﻮﺭﺱ ﻭﻟﻤﺎ ﺍﻟﻘﺘﻨﻲ ﺍﻧﻲ : ﺧﺸﻲ
ﻭﺧﺸﺖ ﻗﻌﻤﺰﺕ ﻉ ﺍﻟﺴﺮﻳﺮ ﺍﻧﻲ ﻗﻌﺪﺕ ﻧﺸﻮﻓﻠﻬﺎ ﻭﻧﺸﻮﻑ ﻟﻌﻴﻮﻧﻬﺎ ﺍﻟﻲ ﺫﺍﺑﻼﺕ ﻣﻦ ﺍﻟﺒﻜﻲ : ﻛﻴﻒ ﺣﺎﻟﻚ ﺗﻮﺍ
ﻧﻮﺭﺱ : ﺍﻟﺤﻤﺪ ﻟﻠﻪ
ﺍﻧﻲ : ﺗﻌﺸﻴﺘﻲ
ﻧﻮﺭﺱ : ﺍﻟﺤﻤﺪ ﻟﻠﻪ
ﺍﻧﻲ : ﻏﺪﻭﻭﺓ ﻧﻮﺍﻝ ﻭﻧﺮﺟﺲ ﺑﻴﻤﺸﻮ ﻟﻠﻤﺪﺭﺳﺔ ﺑﺘﻤﺸﻲ ؟
ﻧﻮﺭﺱ ﺷﺎﺍﻓﻠﺘﻲ ﺷﺒﺤﺔ ﺍﺳﺘﻐﺮﺍﺏ : ﺍﻧﺘﻲ ﺗﺸﻮﻓﻲ ﻓﻴﺎ ﻣﺴﺘﻌﺪﻩ ﻟﻠﻘﺮﺍﻳﺔ
ﺍﻧﻲ : ﺍﻧﻲ ﻗﻠﺘﻠﻚ ﺑﻴﺶ ﺗﺴﺘﻌﺪﻱ ﻟﻠﻘﺮﺍﻳﺔ
ﻧﻮﺭﺱ : ﻧﺴﻴﺒﺔ ﺍﺭﺟﻮﻭﻙ ﻧﻔﺴﻴﺘﻲ 0 ﻭﺍﻧﺘﻲ ﺗﻔﻜﺮﻱ ﻓﻲ ﺍﻟﻘﺮﺍﻳﻪ ﺗﻮﺍ
ﺍﻧﻲ : ﺍﻭﻭﻛﻲ ﺣﻨﺨﻠﻴﻚ ﺍﻻﺳﺒﻮﻉ ﻫﺪﺍ ﺑﺲ ﻣﻦ ﻻﺳﺒﻮﻉ ﺍﻟﺠﺎﻱ ﺑﺘﺒﺪﻱ ﺗﻤﺸﻲ ﻟﻠﻤﺪﺭﺳﺔ ﻭﻣﻌﺎﺵ ﻓﻲ ﻏﻴﺎﺏ
ﻧﻮﺭﺱ : ﻳﺼﻴﺮ ﺧﻴﺮ ﺍﻧﻲ ﻣﺮﺍﺕ ﻧﺒﻄﻞ ﺑﻜﻞ
ﺍﻧﻲ : ﺷﻨﻮ ﺍﻟﻲ ﺗﺒﻄﻠﻲ ﻳﺎﺍﻧﻮﺭﺱ ﻗﺮﺍﺍﻳﺘﻚ ﻻﺯﻡ ﺗﻬﺘﻤﻲ ﺑﻴﻬﺎ ﻭﺍﻣﺘﺤﺎﻧﺎﺕ ﻗﺮﻳﺐ ﺑﺘﺸﺪﻱ ﻭﺑﺘﻘﺮﻱ ﻭﺗﺠﻴﺒﻲ ﺍﻟﻨﺘﺎﺋﺞ ﺍﻟﻲ ﻳﺤﺒﻬﻢ ﻭﻳﺘﻤﻨﺎﻫﻢ ﺑﺎﺑﺎ ﺩﻳﻤﺎ
ﻧﻮﺭﺱ : ﺑﺲ ﺑﺎﺑﺎ ﻣﺎﺕ
ﺍﻧﻲ : ﺑﺲ ﻣﺎﻣﺎ ﻗﺎﻋﺪﻩ ﻭﺍﻧﻲ ﻗﺎﺍﻋﺪﻩ ﻭﺑﺎﺑﺎ ﻭﺻﺎﻧﻲ ﻋﻠﻴﻜﻢ ﻗﻌﻤﺰﺕ ﻋﻠﻲ ﺣﺎﺷﻴﺔ ﺍﻟﺴﺮﻳﺮ ﻭﺗﻨﻬﺪﺕ ﻧﻮﻭﺭﺱ ﺍﺭﺟﻮﻛﻢ ﺳﺎﻋﺪﻭﻧﻲ ﺷﻮﻳﺔ ﺭﺍﺍﻫﻮ ﺣﺘﻰ ﺍﻧﻲ ﺻﻐﻴﺮﺓ ﺯﻳﻜﻢ ﻭﻣﻮﺗﺘﺔ ﻣﺄﺛﺮﺓ ﻓﻴﺎ ﺍﻛﺜﺮ ﻣﻨﻜﻢ ﻭﻣﻜﺴﻮﺭﺓ ﻛﺴﺮﺓ ﺷﻴﻨﻪ ﺑﺲ ﺍﺣﻨﻲ ﻻﺯﻡ ﻧﻮﻗﻔﻮ ﻣﻊ ﻣﺎﻣﺎ ﻭﻧﻜﻮﻧﻮ ﻣﺆﻣﻨﺎﺕ ﺑﺮﺑﻲ ﺍﺣﻨﻲ ﺭﺑﺎﻳﻪ ﻋﺒﺪ ﺍﻟﻌﻈﻴﻢ ***** ﻣﺎﻳﻜﺴﺮﻧﺎ ﺷﻲ ﺧﻠﻴﻨﺎ ﻧﺮﻳﺤﻮﻩ ﻓﻲ ﻗﺒﺮﻩ ﺍﻧﻲ ﺍﻟﻜﻼﻡ ﻫﺬﺍ ﻗﻠﺘﻪ ﺣﺘﻰ ﻟﻨﺮﺟﺲ ﺍﻣﺒﻜﺮﻱ ﺷﻮﻓﻮ ﻣﺎﻣﺎ ﻛﻴﻒ ﺗﺸﺒﺤﻠﻨﺎ ﻭﻫﻲ ﻣﻘﻬﻮﻭﺭﺓ ﻭﺧﺎﺍﻳﻔﻪ ﻣﻦ ﺍﻟﻤﺴﺆﻭﻟﻴﺔ ﺍﻟﻲ ﺍﻧﺤﻄﺖ ﻋﻠﻴﻬﺎ ﺍﻧﺘﻲ ﺍﻛﺒﺮ ﻣﻦ ﻧﺮﺟﺲ ﻭﻋﻘﻠﻚ ﺍﻛﺒﺮ ﻭﻣﺘﺎﻛﺪﺓ ﺍﻧﻚ ﺣﺘﻔﻬﻤﻴﻨﻲ
ﻧﻮﺭﺱ : ﻳﺼﻴﺮ ﺧﻴﺮ ﻳﺎﻧﺴﻴﺒﺔ ﺍﻧﻲ ﻣﻘﻬﻮﺭﺓ ﻭﻣﺶ ﻗﺎﺍﺩﺭﺓ ﻧﺴﺘﻮﻋﺐ ﺍﻟﻔﺎﺟﻌﻪ
ﺍﻧﻲ : ﻛﻨﺎ ﻣﻘﻬﻮﻭﺭﺍﺕ ﻳﺎﺍﻧﻮﺭﺱ ﺑﺲ ﻻﺯﻡ ﻧﻮﻗﻔﻮ ﻣﻊ ﺑﻌﺾ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ ﺑﺲ ﺣﻨﻤﺸﻲ ﺍﻻﺳﺒﻮﻉ ﺍﻟﺠﺎﻱ ﻟﻠﻤﺪﺭﺳﺔ
ﺍﻧﻲ : ﺍﻭﻙ ﻉ ﺭﺍﺣﺘﻚ ﻫﻲ ﺗﺼﺒﺤﻲ ﻉ ﺧﻴﺮ
ﻧﻮﺭﺱ : ﻭﺍﻧﺘﻲ ﺑﺨﻴﺮ ﻃﻔﻲ ﺍﻟﻀﻲ ﻋﻠﻲ ﻃﺮﻳﻘﻚ
ﻃﻠﻌﺖ ﻣﻦ ﻧﻮﺭﺱ ﻭﺍﻧﻲ ﻣﺮﺗﺎﺣﺔ ﺷﻮﻱ ﻫﻲ ﻓﻬﻤﺘﻨﻲ ﻉ ﺍﻻﻗﻞ ﺗﻬﺘﻢ ﺑﺮﻭﺣﻬﺎ ﻭﻗﺮﺍﻳﺘﻬﺎ ﺷﻮﻳﺔ ﻭﻫﺎﺩﻱ ﻣﺴﺎﻋﺪﻩ ﻟﻴﺎ ﺧﺸﻴﺖ ﻟﺪﺍﺭﻱ ﻭﺑﻜﻴﻴﺖ ﻟﻴﻴﻦ ﺩﺧﺖ ﻭﺭﻗﺪﺕ
ﻣﺮ ﺍﺳﺒﻮﻉ ﻋﻠﻲ ﻭﻓﺎﺓ ﺑﺎﺑﺎ
ﺳﺎﺭﺓ : ﻣﻌﺎﺵ ﺣﺎﻭﻟﺘﻲ ﺗﺘﺼﻠﻲ ﺑﻮﻟﻴﺪ ﻧﺴﻴﺒﺔ
ﺍﻧﻲ : ﻻﺍ
ﺳﺎﺭﺓ : ﻏﻴﺎﺑﻪ ﻏﺮﻳﺐ
ﺍﻧﻲ : ﻣﺶ ﻋﺎﺭﻓﻪ ﺑﺲ ﻫﻮ ﺍﺧﺮ ﺍﻟﻌﺮﻛﺔ ﻗﺎﻟﻲ ﺍﻧﺴﻴﻨﻲ ﻭﻣﻌﺎﺵ ﺗﻜﻠﻤﻴﻨﻲ
ﺳﺎﺭﺓ : ﻻﻧﻚ ﺍﻧﺘﻲ ﺍﻟﻐﺎﻟﻄﺔ ﻭﻣﻔﺮﻭﺽ ﺗﺪﻭﺭﻳﻪ
ﺍﻧﻲ : ﺍﻧﻲ ﺑﻌﺪ ﺗﻌﺎﺭﻛﻨﺎ ﻗﻠﺖ ﺗﻮ ﻓﻲ ﺍﻟﻠﻴﻞ ﻧﻜﻠﻤﻪ ﻭﻧﺮﺍﺿﻴﻪ ﺯﻱ ﻛﻞ ﻣﺮﺓ ﻭﻟﻴﺪ ﻣﺶ ﺣﻴﺤﻤﻞ ﻳﺰﻋﻞ ﻣﻨﻲ ﺍﺻﻼ ﺑﺲ ﺑﻌﺪﻫﺎ ﺍﻧﺸﻐﻠﻨﺎ ﻋﻠﻲ ﺑﺎﺑﺎ ﻭﺑﻌﺪﻳﻦ ﺳﻤﻌﺖ ﺍﻟﻔﺎﺟﻌﻪ ﻭﻣﻌﺎﺵ ﻋﻨﺪﻱ ﺑﺎﻝ ﻟﻴﻪ ﻭﻫﻮ ﻣﺎﺩﻭﺭﺵ ﺍﺗﺼﻠﺖ ﺑﻴﻪ ﺗﺎﻟﺖ ﻳﻮﻡ ﺗﻘﺮﻳﺒﺎ ﻣﻘﻔﻞ
ﺳﺎﺭﺓ : ﺑﺎﻩ ﺟﺮﺑﻲ ﻛﻠﻤﻴﻪ ﺗﻮﺍ
ﺍﻧﻲ : ﺑﺎﺍﻩ ﺣﻨﺸﻮﻭﻑ ﺍﺗﺼﻠﺖ ﺍﻟﻘﻴﺘﻪ ﻣﻘﻔﻞ : ﻣﻘﻔﻞ ﻗﻠﺒﻲ ﻗﺒﻀﻨﻲ ﻳﺎﺳﺎﺭﺓ ﺯﻋﻤﺎ ﻭﻳﻨﻪ
ﺳﺎﺭﺓ : ﺍﺑﻌﺘﻴﻠﻪ ﺭﺳﺎﻟﺔ ﻟﻤﺎ ﻳﻔﺘﺤﻪ ﺗﻌﺮﻓﻲ
ﺍﻧﻲ : ﺍﻭﻭﻛﻲ ﺑﻌﺘﺘﻠﻪ ﻭﻟﻴﻴﺪ ﺍﺳﻔﻪ ﺑﺲ ﻭﻳﻨﻚ
ﺑﺲ ﻣﺎﻭﺻﻠﺘﺶ ﻗﻌﺪﺕ ﺷﻬﺮ ﻭﻣﺎﻓﻴﺶ ﺍﻱ ﺧﺒﺮ ﻋﻠﻲ ﻭﻟﻴﺪ ﻭﺍﻟﺮﺳﺎﻟﺔ ﻣﺎﻭﺻﻠﺘﺶ
.............
" ﺍﺍﻩ ﻳﺎﺣﺒﻴﺒﻲ ﺍﻣﺸﻴﺖ ﻭﺍﻧﺖ ﺯﻋﻼﻥ ﻣﻨﻲ ﺳﺎﺍﻣﺤﻨﻲ ﻳﺎﻗﻠﺒﻲ ﺳﺎﺍﻣﺤﻨﻲ ﻣﺎﺭﺿﻴﺘﻜﺶ ﺍﺳﻔﻪ ﻳﺎﺣﺒﻴﺒﻲ ﺍﺳﻔﻪ "
" ﺃﻳﻦ ﺍﻧﺖ ﻳﺎﺣﺒﻴﺒﻲ ﻓﺄﻧﺎ ﻣﺤﺘﺎﺟﺔ ﺍﻟﻴﻚ ﺃﻳﻦ ﺃﻧﺖ ﻳﺎﻗﻠﺒﻲ ﻓﻘﺪ ﺍﺷﺘﻘﺖ ﻟﺤﻀﻨﻚ ﻭﺣﻨﺎﻧﻚ "
ﺑﻜﻴﺖ ﻟﻴﻦ ﺭﻗﺪﺕ
ﺛﺎﻧﻲ ﺍﻟﻴﻮﻡ ﺍﻟﺼﺒﺢ ﻓﻘﺖ ﺍﻟﺴﺎﻋﻪ 11
ﻧﻮﺍﻝ : ﺻﺒﺎﺍﺣﻮﻭ ﻳﺎﺍﻛﺴﻮﻟﺔ
ﺍﻧﻲ : ﺻﺒﺎﺡ ﺍﻟﺨﻴﺮ ﺷﻜﻠﻚ ﻓﺎﻳﻘﻪ ﺑﻜﺮﻱ
ﻧﻮﺍﻝ : ﺍﻳﻪ ﻣﻦ ﺑﻜﺮﻱ ﻭﻣﺎﺑﻴﺘﺶ ﺍﻧﻮﺿﻚ ﺗﻮﺍ ﻛﻠﻤﺘﻨﻲ ﻣﺎﻣﺎ ﺗﺴﺎﻝ ﻋﻠﻴﻚ ﻭﻗﺎﻟﺖ ﺑﻌﺪ ﺍﻟﻈﻬﺮ ﺑﺘﺠﻲ ﻣﻊ ﺧﺎﻟﺘﻲ ﻭﺑﻤﺎ ﺍﻥ ﻏﺪﻭﺓ ﻋﻄﻠﺔ ﺑﺘﻘﻌﺪ ﻣﻌﺎﻙ ﻧﺮﺟﺲ ﻭﺍﻧﻲ ﺑﻨﺮﻭﺡ ﻧﺪﻭﻭﺵ ﻭﻧﺪﻳﺮ ﺩﻭﺭﺓ ﻋﻠﻲ ﻛﺘﺎﺑﺎﺗﻲ
ﺍﻧﻲ : ﺗﻤﺎﻡ ﺑﻴﺶ ﺗﻤﺸﻲ ﺍﻻﺣﺪ ﻋﺎﺩﻱ ﻧﺮﻗﺪ ﺑﺮﻭﺣﻲ
ﻧﻮﺍﻝ : ﻳﺼﻴﺮ ﺧﻴﺮ ﺍﻧﻲ ﺑﻨﻤﺸﻲ ﻟﻠﺴﻮﺑﺮ ﻣﺎﺭﻛﺖ ﻭﻧﺠﻲ
ﺍﻧﻲ : ﻧﻮﺍﻝ ﺑﺘﻄﻠﻌﻲ ﺑﺎﻟﺘﻮﺏ ﻫﺬﺍﺍ ﻗﺼﻴﺮ ﻏﻴﺮﻳﻪ ﻗﺒﻞ
ﻧﻮﺍﻝ : ﻫﺪﺍ ﺍﻟﻲ ﺑﻌﺘﺘﻬﻮﻟﻲ ﻧﺮﺟﺲ ﻭﺍﻟﺠﻮ ﺑﺮﺍ ﺻﻘﻊ
ﺍﻧﻲ : ﻧﻮﺭﺱ ﺑﺎﻋﺘﺘﻠﻲ ﻛﺒﻮﻁ ﻃﻮﻳﻞ ﺧﻮﺩﻳﻪ ﺍﻟﺒﺴﻴﻪ ﻭﻓﻜﻚ ﻳﺎﻧﻮﺍﻝ
ﻧﻮﺍﻝ : ﺑﺎﺍﻩ ﺣﺎﺍﺿﺮ ﻳﺎﺍﻧﺴﺔ ﻧﺎﺿﻠﻲ
ﺍﻧﻲ : ﻫﻬﻬﻬﻪ ﺿﺤﻜﺖ ﻏﺼﺒﻦ ﻋﻨﻲ ﺣﺴﻴﺖ ﺭﻭﺣﻲ ﺣﻖ ﺯﻱ ﺍﻧﺴﺔ ﻧﺎﺿﻠﻲ
ﻓﺎﺕ ﺍﻟﻮﻗﺖ ﻭﺟﻮﻭﻧﻲ ﻣﺎﻣﺎ ﻭﺧﺎﻟﺘﻲ ﻭﺍﻟﺒﻨﺎﺕ ﺑﻌﺪﻫﺎ ﺍﻟﻌﺸﻴﺔ ﺍﻟﺒﻨﺎﺕ ﻛﺎﻧﻮ ﻳﺒﻮ ﻳﺸﺮﻭ ﺣﺎﺟﺎﺕ ﺭﻓﻌﺘﻬﻢ ﺧﺎﻟﺘﻲ ﻭﺗﺪﻫﻮﺭﺕ ﺑﻴﻬﻢ ﺷﻮﻳﺔ ﻭﻗﻌﺪﺕ ﻣﻌﺎﻳﺎ ﻣﺎﻣﺎ
ﻣﺎﻣﺎ : ﻳﺎﺑﻨﺘﻲ ﺗﻐﺪﻱ ﻛﻮﻟﻲ ﺣﺘﻰ ﺷﻮﻳﺔ
ﺍﻧﻲ : ﻣﺎﻣﺎ ﻣﺎﻋﻨﺪﻳﺶ ﻧﻴﻪ ﻭﺑﻌﺪﻳﻦ ﻓﻄﺮﺕ ﻣﺘﺎﺧﺮ " ﻧﻜﺬﺏ ﻃﺒﻌﺎ "
ﻣﺎﻣﺎ : ﺑﺎﺍﻩ ﻧﻮﻭﺳﺔ ﺑﻨﺘﻲ ﻓﻲ ﻣﻮﺿﻮﻉ ﻧﺒﻲ ﻧﺤﻜﻴﻬﻮﻟﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻣﺎﻣﺎ ..........................:
# ﻳﺘﺒﻊ
