ادحك على ابوي ينقهر عليها من دون البنوات حالته ضعيفه وسمعها قليل الا نگرب منها حيل تا تسمعنا هي ازغر مني ردت اغير الموضوع
يمه جايج ريحته ادك براسي ما خلص هالريوك
جابت عمتي عليا السفره وفرشته ... شبيك هاي گضينه جانت تسويلك بيض عيون مدري شنون تاكله اكو واحد ياكل بيض ني ما مستوي
عمه عجل انتي شنون تاكلين بيض مسلوك عبالك حجار وريحته مدري شنون
جتي امي شايله المواعين كالت ... انت كلك مدري شنون ومزاج مدري شنون هذا ماعونك وكلاصك والبارحه جبت سيت استكاين خليته بس الك تا اشوف تاليتها وياك ويه نفسك الكشره
اخذت الماعون من اديها ... رضيه تلعب نفسي وعيونج عجل اكو واحد يشرب بكلاص كله شاربه بي وخاشوكه طابه بستين حلك
ما عجبها الحجي هزيت اديها وعوجت حلكها ... هاك جايك يبعد عيني الله يعين مرتك باجر همات ما تشرب بالكلاص لتشرب منه
يمه شلج بهالسالفه واحنى نضل كلما حجينا بشي وكلتي مرتك
ضحكت جدتي كالت ... اسكتي يرضيه يشرب يشرب وكولي شيخه كالت وشوف عينج ليكوم ما يشرب المي الا بكلاص لتشرب منه
دحكت عليها وغمزتلها ... مثل جدي غالي الله يرحمه مو هيج جده
جرتها حسره ... جدك اااخ وين اكو مثله من جنت اتمرض يلوك اللكمه بحلكه ويطلعها ويحطها بحلكي يكول تا من عافيتي على عافيتج الله يرحمه
جدتي شيخة سمتني على اسم جدي الله يرحمه جانت جثير تحبه وتعشگه .. وهو هم عشگها بعد تعب يله اخذها .. تسولف عليه
جان بين عشيرتها وعشيرة جدي عدواه اهل جدي جانو معارضين شلون تاخذها واحنى عدنا عداوة وياهم بنوات عربنا شبيهن ما تاخذهن .. كال لو هي لو ما اخذ اصبر العمر كلها عليها .. ماحلت بنيه بعيني وگلبي ما يعشگ غيرها
بيوم منهن ولد شاب من عشيرتها طفر على بيت عمي باليل وصارت طلابه الا يكتلو شون يطفر علينا وعدنا بنوات صارت كعده جبيره وفصل جدي جان وياهم بالفصل .. حجه ويا الشاب كالو انت شعندك طفرت على بيت عمي احجيلنا تا نعرف نتصرف اذا كتلوك راح تصيرمجاتل بين العشيرتين وانت تعرف الا الزلمة بزلمة ... الشاب جان اسمو دهمان كاله اني احب بنتهم واريدها
هين جدي تصرف واقترح عليهم مره بمره وتنفض السالفه بدون جتل ودم وصار الي جان مخططله جدي
واخذها ودللها جانت بزمانها ملكة بين حريم عربنا كلهن من كثر الدلال وفاة جدي اخذت حيلها وعمت عيونها عليه من كثر ما تعشگه
بارت 1
Start from the beginning
