امى حياتى

الحلقه 5

#امى_حياتى
#امى_حياتى_5
#جزء_من_الحلقة_السابقة
مينا: اية دول يامحمد
محمد: دول فلوس
ميبنا: منا عارف انهم فلوس بس بتوع اية
محمد:(ادالو ظهرو) فلوس علاجى
#بداية_الحلقة_الجديدة
مينا: فلوس علاجك
محمد: ايوة دى فلوس علاجى ومتجرجرنيش وراك كدة وانا مش فاهم حاجة متستغلش تعبى فى انك تحركنى مكان ماتحب انا لسة واقف على رجلى وعايش وليا الحق انااعرف انا رايح وجاى منين لو سمحت يامينا خد الفلوس علشان انا ابقى ليا عين اتكلم وقولى انا رايح فين وجاى منين انا متكلمتش النهاردة علشان انت الى صرفت على كل الى فات دة لاكن من النهاردة خلاص انا متكفل بعلاج نفسى واعمل حسابك انى هنزل المعمل (فضل مينا ساكت لحد مامحمد خلص كلامو وطول ما محمد بيتكلم بصلو بصدمة وساكت)
مينا:(فجاه وقف فكرو كلهم انو ممكن يعمل فى محمد حاجه قرب منه ومسك أيده حط فيها الظرف)أعقل وخد فلوسك عينها زي ما كانت وادخل ارتاح ومشي بعد ما مينا ينزل فضل محمد باصصلو بصدمة لحد مانزل
محمد:(بزعيق)انتوا ليه بقيتوا بتعاملوني كأني عيل صغير انا حر في حياتي انا مش عايز حد يجرجرني وراه زي الطفل من غير مااعرف انا رايح فين انا مش عايز اتعالج انا عايز اموت محدش لية دعوة بيا (فجاة حس بصعوبة ومش قادر ياخد نفسه كويس)
أحمد:(جري عليه وبخوف) محمد أهدى والله وهنعملك كل اللي انت عايزه
محمد:(زق احمد)اوعى ياحمد سبنى وزقو وسبهم ونزل
رجاء:(قامت جريت وراه)واد يامحمد انت ياوله(مردش عليها وسابها ونزل)
وصل محمد المعمل وسراج شافو
سراج:محمد أنت اية إلى جابك
محمد :امشى يعنى يامحمد
سراج: مش المعنى بس مين عارف انك هنا وبعدين شكلك تعبان تعالا روح
محمد:(زق سراج) محدش عارف انى هنا ومش هروح سبنى اقعد هنا ياما همشى فى الشارع
سراج:لا لا خلاص خليك قاعد (مرالوقت سراج كلمهم طمنهم على محمد ومحمد رجع قبل مينا ونام رجع مينا اول مادخل)
مينا:محمد فين وعامل اية
رجاء: نايم و كويس ياحبيبى (محدش قالوه حاجه) وبعد شوية رجع احمد ومعرفش انو مينا ميعرفش حاجة قدام مينا
احمد: محمد رجع ولا لسه
مينا :(بصدمه)رجع منين
أحمد :(باستغراب)هو انت معرفتش انه نزل بعد ماانت مشيت
مينا انصدم وقام يدخل لمحمد
رجاء (مسكت ايده) اخوك تعبان سيبه نايم وأبقى اتفاهم معاه براحة
مينا:(بصلهم كلهم وبزعيق)وانتوا محدش فيكوا عارف يوقفوا أو على الأقل تكلموني وانا ارجعله تاني هو مش عارف انه ممكن يتعب ويحصله حاجه وهو برا لوحده هو بيعند علينا ولا على نفسه
رجاء:اهدأ يامينا احنا كنامع سراج على التليفون عالطول
احمد:يامينا والله ملحقناش نوفقو زقنى ومشى
مينا:ماشى ياماما (وبص لاحمد وسبهم ودخل اوضتو) مينا بعد ما زعق ودخل اوضته
شيرين دخلت وراه وواقفه جمبه وهو بيغير وبتلعب في صوابعها وساكته
مينا:(بصلها)مالك ياشيرين
شرين:ها لالا مافيش
مينا:قولي ياشيرين مالك واقفه متوتره وسرحانه كده ليه
شرين:حصل حاجه النهاردة معرفش هتفرحك ولا هتزعلك
مينا:حصل ايه تاني
شرين:مينا انا... انا حامل
مينا:(وقف وبصلها بفرحه)بجد ياشيرين
شرين:اه والله انا اتأكدت النهارده
مينا:يااااااااه هيبقى ليا انا وانتي طفل شايل ملامحنا وحبنا
شرين:يعني انت فرحان بجد يامينا
مينا:طبعا ياحبيبتي وده خبر ميفرحش
شرين:انا هطلع اكمل الغداء مع ماما(خلصو الغداء واتجمعو)
شرين: انا عندى خبر بس مش عارفة هتزعلو ولا هيفرحكم
رجاء: ياريت يفرحنااحنا مش ناقصين غم (شرين هتبص لمينا)
مينا:ياماما شرين حامل (الكل هينصدم بفرحة
رجاء:(تروحلها بفرحة) بجد انتى اتاكدى ازاى
شرين:لم كنت عند ماما تعبت هناك وماما جبتلى دكتورة وقالتلى انا حامل
هايدى ورنا فرحو جدا وقامو حضنو شرين
شرين(شافت مافيش ردة فعل من محمد فرحتلو )
هو انت مش فرحان ليا
محمد (وقف)انا فرحان جدا أن أخيرا هيجيلك انتي ومينا طفل يارب يكون ولد بقا عشان تسموا بإسمي بعد مااروح يعوضكوا غيابي
شيرين : متقولش كده يامحمد حرام عليك
محمد:(ضحك)ياستي مش وقت دراما خلينا نفرح بالخبر ده وربنا يجلعله ابن صالح ليكي ولمينا (وقعدو كملو غدا بعد الغدا)
هايدي:انا هعمل شاي حد عايز (كلهم قالولها اعملى)
ومحمد:اعمليلى معاكى ياهايدى (مينا بص لمحمد)
مينا لهايدي:اعملي لمحمد عصير
محمد:بس انا عايزاشرب شاي
مينا:أظن انت عارف انك ممنوع منه ومن أي منبهات(وبص لهايدي)متعمليش لحد شاي ياهايدي اعمليلنا كلنا عصير
هايدى:حاضر (دخل تعمل العصير)
مينا:(بصله بهدوء) وانت خرجت ليه يامحمد النهارده
محمد:(ببرود)وانا المفروض اتحبس في البيت مخرجش برا
مينا:انت عارف اني مش قصدي كده بس انت تعبان وممكن تتعب وانت برا لوحدك وساعاتها مهتعرفش تتصرف
محمد:انا حر بقا وسيبوني أعيش اليومين اللي باقينلي براحتي
مينا:(بزعيق)ماتفهم بقا ياابني انت ليه مصمم كل شويه تقول الكلمه دي ماقولنا انك هتخف بإذن الله
محمد:(بصوت عالي)انتوا بتضحك عليا ولا على نفسكوا انتوا كلكوت عارفين ان حالتي مافيش منها أمل وإني هموت قريب
مينا:(بزعيق)يامتخلف متحطش في دماغك الكلام ده انت احسن من غيرك واحمد ربنا اننا عرفنا بدري وربنا هيشفيك
محمد:(بضحكه بإستهزاء) اه هخف داانتوا بتحلموا باين وعلى فكرة عشان تكونوا عارفين انا مش ناوي اتعالج
الكل اتصدم والبنات عيطت من الزعيق ورجاء بتعيط على تشاؤم ابنه
مينا:يعني ايه مش هتتعالج دي حاجه مش بمزاجك اصلا
محمد:ليه هتجرجرني زي المرة اللي فاتت كده
مينا:(بزعيق)لو وصلت اني كل مره اجيبلك الإسعاف وناس توديك غصب عنك هعمل كده وأبقى وريني مش هتتعالج ازاي بقا وقام ودخل الاوضة ورزع الباب ومحمد كمان دخل الاوضة والبنات قامو راحو اوضتهم وشرين دخلت وراء مينا
محمد اطمن انومافيش حد فى الصاله خرج وساب البيت طلعت هايدى بالعصير دخلت للبنات الاول وبعدين لمينا وشرين وبعدين لمحمد واتفاجات انو محمد مش موجود
هايدى: ماما مينا مامامينا (طلعو جرى) طلعو الاتنين والكل طلع جرى وكان باين عليها الخوف والقلق وعنيها مدمعة
رجاء: (بهدوء)اخوكى كويس ياهايدى
هايدى: معرفش ياماما اصلا هو مش فى الاوضة وباب الشقة كان مفتوح (مينا انصدم من كلام هايدى وبص لامو)
نزل محمد مشى فى الشارع ووصل لصيدلية الى بيشتغل فيها احمد وهو اصل مش دارى احمد شافو
احمد:(باستغراب) محمد بيعمل اية فى الشارع (طلع بسرعة ونادى علية)محمد محمد(محمد بصلو وراحلو)
محمد: نعم
احمد: انت بتعمل اية فى الشارع
محمد:مافيش اتخنقت نزلت اتمشى شوية
احمد:طب انت رايح فين
محمد:مش عارف
احمد:خلاص تعالا اقعد معايا حسين اصلا مش هنا
محمد:لاياحمد انا عايزة امشى
احمد:: ياعم انا زهقان لوحدى تعالا بقا (من الزحمة الى كانت على الصيدلية ومحمد حس بأرهاق هناك احمد نسى انو يكلم اهلو)
مر الوقت على الى فى البيت كانو سنين وهما مش عارفين حاجة عن محمد ومينا نزل سال كل الى يعرفهم ومجاش فى دماغو انو ممكن يكون عند احمد
مينا: انا نفسى اعرف هو راح فين وسايب موبيلو هنا
رجاء: انا قلبى وكلنى علية قوى (ومرقليل من الوقت ولقى احمد ومحمد داخلين مع بعض فهمو انهم كانو مع بعض)الكل خد نفسو وارتاح
مينا:(وقف وكلهم وقفوا)جيتوا ليه ما كان لسه بدري
أحمد:يامينا والله
مينا:(رفع صابعه في وشه)انت تخرص خالص كلامي معاك بعدين (بص لمحمد)انا نفسي اعرف انت ليه قاصد تأذي نفسك وتأذينا كلنا معاك
محمد:(ببرود) انا مش بأذي حد
مينا:(بزعيق) انت غبي ياله انت لما بتتعب احنا بنبقى هنتجنن وامك دي بتبقى تعبانه عشانك اكتر من تعبك انت
محمد:انا مقولتش لحد يقلق ولا يخاف عليا وياسيدي متقلقوش كده انا هريحكوا مني قريب وربنا هياخدني عشان تستريحوا
رجاء:(بسرعه ودموع) انت ليه بتقول كده حرام عليك يامحمد اخوك خايف عليك ياحبيبي
محمد:(بزعيق) محدش ليه دعوه بيا وسيبوني في حالي بقا
مينا:(بزعيق)انت شكلك اتجننت انت بتكلم أمك بالطريقه دي ازاي (قرب من محمد علشان يضربو)
رجاء:(بعياط مسكت ايد مينا)خلاص يامينا انا مسامحه ياحبيبي
محمد:(بزعيق) بتمسكيه ليه هيعمل ايه يعني (مينا لف فجأه وضرب محمد بالقلم)
الكل اتصدم وقفوا ساكتين ودموعهم نازله ومحمد بصلهم ودخل وسبهم محمد دخل جوه ونام على السرير برا عند مينا والكل
رجاء:(بعياط) ليه كده يامينا دي اول مره تمد ايدك على حد من اخواتك ويوم ما تمدها تضرب محمد وهو تعبان يعني هو ناقص
مينا(راح لأمه ومسك ايدها بهدؤ) صدقيني ياامي لو كنت سبته كان هيتمادى في اللي بيعمله وهو حاسس أننا ضعفا بالنسباله عشان تعبه وكان لازم يفوق ويعرف ان انتي أمه وأنه هيقوم وهيرجعلنا زي الأول
رجاء:(بصت لرنا) طب ادخلي شوفي اخوكي يارنا
رنا: حاضر ياماما
مينا:لا يارنا استني قوم انت يااحمد أدخله واطمن عليه أحمد دخل لقى(محمد نايم بس مش نعسان ومناخيره بتجيب دم)
أحمد:(بلهفه) قوم يامحمد اقعد بسرعه عشان الدم دة يترفع (محمد بصله ومش قادر يتحرك لأنه جسمه واجعه هلكان وهبطان)
(أحمد جري طلع برة قالهم والكل دخل)
رجاء:(قعدت جمبه وبعياط)مالك ياحبيبي والله هتبقى كويس وربنا هيشفيك
مينا:احمد طلع العلاج من الدرج واديلو علاجه
محمد:(بتعب)مش هاخد حاجه انا معدتش حمل علاج
مينا:(بص لاخواته وشيرين) اطلعوا برا دلوقتي على ما أحمد يديلوعلاجه (احمد ادالو العلاج قام رجعو فى ساعتها ورجع نام على السرير تانى بس راح فى النوم
احمد: دة رجع اللعلاج
مينا:اكيد مرجعهوش كلو يعنى(وبص لرجاء) ماما ماتقومى ترتاحى شوية
رجاء: لا ياحبيبى انا مرتاحة هنا
احمد: خلاص ياماما تعالى ارتاحى على السرير هنا وانا ومينا جمبو متقلقيش(رجاء مبصتلوش بس كانت دموعها بتنزلو خلاص)
محمد صحى على تعب بليل رجاء ومينا واحمد اللي سهرانين جمبه
رجاء:مالك يامحمد
محمد:(بتعب ونهجان فى الكلام)حاسس أن ضربات قلبي سريعه وان روحي بتتسحب مني (رجاء بصت لمينا بخوف)
مينا:انا قايم اكلم الدكتور واشوف هيقول ايه خرج مينا ورجع بعد دقايق
مينا: احمد تعالا
خرج احمد احمد فى اية
مينا: كلم الدكتور هيقولك على اسم حقنة
احمد: ايوة يادكتور............ ايوة ايوة موجودة ........... ايوة يادكتور بس دى بتتاخد وريد وعضل ................ حاضر يادكتور ..........اهومينا مع حضرتك اهوة (ودخل احمد الاوضة تانى)
مينا:الدكتور بيقول متقلقوش (وبص لمحمدوكمل كلامه) وقال دا عشان عمل مجهود وهو المفروض اليومين دول يرتاح بس قال على اسم حقنه أنزل يااحمد هاتها وبكره الصبح نوديله محمد
محمد:(بتعب بص لمينا)انا مش هاخد حاجه انا جسمي واجعني ومش قادر لأي حقن كفاية بقا
مينا:(بص لأحمد)انت سمعتني قولت ايه يلا روح هاتها نزل احمد (محمد بص النحاية التانية وتنهد رجاء بصلتو والدموع على خدها) نزل احمد بعد شوية رجع وكان محمد رجع نام تانى من التعب دخل جوة وخرج هو ومينا
احمد: مينا الحقنة دى تقيلة جدا
مينا: وهنعمل اية يعنى
احمد: ادهالو فى محلولو وخلاص اهية تخف شوية
مينا:هو الدكتور قالك ادالوها اية
احمد: عضل
مينا: يبقى هو ادرى بشغل يمكن تجيب مفعول اسرع لم تكون مركزة يلا ادنا هدخل اقعد جمبو على السرير وانت متبينش اى حاجة
احمد:(تنهد) ربنا يستر دخل ميناواحمد
رجاء: مش هستحمل اشوفو انا هطلع بره طلعت رجاء
مينا ققعد جمب محمد واحمد حضر الحقنة وقرب من محمد مينا كان ماسكو بس مش موضحلو حاجة
محمد: اوعى ايدك يامينا جسمى بيوجعنى
مينا: معلشى يامحمد ثوانى وهشيل ايدى
احمد ادالوالحقنة ومحمد دموعونزلت منها
محمد:(بدموع) ااااااااااة شالها بقا كفايه ياحمد
احمد: حاضريامحمد هشلها اهوة
محمد::(صوتو على بالعياط بس مينا كان مسكو علشان ميتحركش) اخلص ياحمد بقا
احمد: خلاص يامحمد خلاص شلتها (بعد ماحمد شال الحقنة محمد بصلو والدموع فى عينو احمد لف وادالو ظهرو
مينا: يلا يامحمد نام وارتاح لحد الصبح (دخلت رجاء تانى )
رجاء: خد الحقنة
احمد: ايوة ياماما خدها هيا هتنيمو اصلا لحد الصبح
رجاء: طب يلا يامينا روح نام وانت يلا ياحمد نام
مينا: وانتى ياماما مش هتنامى
رجاء: هنام طالما هو هينام يلا تصبحو على خير(وغطتت محمد وخرجت مينا كان خارج احمد جرى واراة
احمد: والله يامينا انا شفتو فى الش (قطع الكلمة صوت مينا)
مينا:(مقاطع لاحمد)خلاص ياحمد حسبنا مش دلوقتى روح نام (وسابو ومشى واحمد تنهد)مع صباح يوم جديد هايدى ورنا صحيو ولبسو وطلعو امهم كانت خارجة من الاوضة علشان تصحيهم
رجاء:انتو صحيتو يابنات
هايدى: ايوة ياماما ونازلين كمان
رجاء: طب استنو افطرو الاول
رنا: مالناش نفس ياماما محمد عامل اية
رجاء: الحمد لله كويس انا لسة كنت عندو دلوقتى احمد ادالو حقنة ومن بعدها نام ولسة مصحيش
هايدى: ربنا يشفية يارب يلا سلام عليكم ونزلو البنات (مدخلوش لمحمد علشان ميقلقش) بعد شوية فى المدرسة عند هايدى
هايدى قاعدة ودموعها نازلة شافتها حنان راحتلها
حنان:مالك ياهايدى انت مش عجبانى بقالك فترة كبير ومش هسيبك لم اعرف فى اية (هايدى عيطت جامد)
حنان:(خدهتا فى حضنها)اهدى ياحبيبتى علشان خاطرى وقوليلى مالك وايه الى قهرك كدة انتى متخانقة عباس(هزت دماغها بمعنى لا) حنان:اومال فى اية
هايدى:(بعياط)اخويا بيموت ومش عارفين نعملو حاجة انا خايفة قوى ياحنان خايفة اصحى فى يوم وميبقاش معانا دة روح البيت
حنان:اهدى بس مين هو وتعبان مالو
هايدى:(مسحت دموعها)محمد واحد من التوأم يمكن مجاش الفرصة انك تشوفية بس رافاييل عارفة
حنان:ان شاء ربنا هيشفية بس انتى اهدى
هايدى:(هتزيد فى العياط)احنا بنكدب على نفسنا وبنقول انو ربنا هيشفية بس هو المرض اخرو الموت
حنان:مافيش حاجة كبيرة على ربنا وخلى ايمانك بربنا كبير ومتقوليش كدة هوعندو اية ياهايدى
هايدى:(بصوت مخنوق وباين فية العياط)كانسر فى الدم
حنان:(بصدمة) اية ودة جالو منين دة
هايدى:الدكتور بيقولو من نقل الدم (هايدى سمعت جرس حصه)انا عندى حصة دلوقتى انا هقوم (حنان سبتها تقوم وبصتلهابحزن)
اما فى البيت مينا كلم حماة
مينا: ايوة ياعمى انا الحمد لله كويس كلنا كويسين
عباس:ومحمد عامل اية انت عارف الشغل قد اية على دماغى انامش عارف اجيليو والله
مينا: كانك جيت ياعمى بس انت ادعيلو انا كنت بكلم حضرتك علشان استأذن علشان مش هعرف اجى الشركة النهاردة
عباس: فى حاجة ولا اية
مينا: لا محمد تعبان من امبارح وكلمنا الدكتور موقال عايز يشوفو النهاردة
عباس: ماشى يامينا لاعادى ياحبيبى برحتك انا هبعتلك محمد بالعربية علشان يودية وانت لو احتجتك حاجة كلمنى عالطول (قفل مينا مع عباس ودخل لمحمد)
مينا:يلا يامحمد قوم
محمد:انا بقيت كويس يامينا مش عايزاروح المستشفى انا طول عمرة مبحبش المستشفيات بلاش علشان خاطرى
مينا:احنا مش هنفضل هناك يعنى سنة انت هتروح الدكتور هيشوفك ونرجع تانى
محمد:(بخوف)لا يامينا انا مش عايز اروح
مينا:هنرجع للعناد تانى متخلنيش اتصل بالاسعاف ويجو يخدووك غصب عنك يلا قوم معانا حتى علشان خاطر ماما متتعبش لم تشوفك ماشى فى اسعاف يلا قوم
احمد:خلاص يامينا روح انت وانا هساعدو انو يغير طلع مينا واحمد ساعد محمد انو يغير عند رنا فى الكلية
رنا قاعده سرحانه في المحاضره اول ما الدكتور خلص وخرج سلمى ودينا راحولها
سلمى : مالك يارنا مش مظبوطه اليومين دول ليه
رنا : لا مافيش حاجه
دينا : لا يا رنا فيه انتي مش رنا اللي شوفناها اول ما جينا هنا
رنا(بدموع): معلش انا مخنوقه شويه انا همشي
سلمى : تمشي بس ازاي وانتي كده
دينا : مش انتي كنتي بتقولي أننا زي اخواتك
رنا : اكيد والله
دينا : يبقى احكيلنا ايه اللي مضايقك ومزعلك بقالك فتره كده رنا هتسكت و دموعها هتنزل
سلمى(بقلق): دا شكل الموضوع كبير بقا
دينا(بهدوء): اهدي بس ياحبيبتي مش جايز نقدر نفيدك أو نساعدك
رنا(هتبصيلهم بدموع): محدش فيكوا هيقدر يساعدني بس محتاجه دعواتكوا لينا
دينا(بقلق وخوف): في ايه يارنا بجد انا خوفت عليكي
رنا(بعياط وبتتشحتف): أ أخ أخويا ت تعب تعبان أوي و و مش ع عايز يتع يتعالج
دينا : طب اهدي بس يارنا عشان نفهم هو تعبان ماله يعني
رنا : ع عنده كا كانسر في ال الدم (وهتزيد في عياطها)
دينا(هتاخدها في حضنها): اهدي ياحبيبتي وادعيله انا عارفه انك متعلقة بأخواتك اوي بس ربنا اللي هيقدر يساعده ويشفيه ادعيله يا رنا واحنا كمان هندعيله ربنا يشفيه ويقومه بالسلامه
عند محمدع وصل لمينا
مينا: ازيك يامحمد عامل اية
عباس: انا كويس فين محمد
مينا: نازل اهوة (نزل احمد ومحمد سلم عليهم عباس وركبو العربية ومشيو)
وصلوا المستشفى ومحمد داخل معاهم وهو خايف لأنه كل مره بيجي هنا بيتألم وكمان لسه مش عارف هيجراله ايه وصلوا لعند الدكتور
الدكتور(سلم عليهم وهيبص لمحمد): انت عامل ايه الوقتي يامحمد استريحت عن امبارح
محمد : الحمد لله احسن
الدكتور : طب يلا هكشف عليك عشان نطمن اكتر (بص لمينا) ساعده يطلع على السرير
مينا ساعد محمد وطلع على السرير والدكتور كشف عليه كشف كامل وخلص
الدكتور: ماشي قوم يامحمد خلاص
مينا : في حاجه يادكتور ولا ايه
الدكتور : لا مافيش متقلقش
مينا : اومال كان تعبان طول الليل ليه أو من ايه
الدكتور : تعبه ده العادي يامينا يعني
مينا : طب هيعمل ايه الوقتي بقا
الدكتور : هي كده كده نتيجة التحاليل هتظهر النهارده بليل فمحمد هيقعد معانا بقا لغاية أول جلسه
محمد بص لمينا بخوف وهز راسه بمعنى لا
مينا : بس هو هيقعد هنا يعمل ايه يادكتور
الدكتور : انت شوفت اخوك تعب امبارح وكان عامل ازاي ف هو هيقعد هنا عشان نتجنب أي حاجه زي دي
محمد : بس انا مش عايز اقعد هنا
الدكتور : استحملنا شويه بقا يامحمد عشان تخف
محمد : انا ببقى كويس وانا بعيد عن المستشفى دي الدكتور هيبص لمينا يعني أتصرف
مينا(هيقرب من محمد): محمد انت لازم تقعد عشان ميحصلكش زي اللي حصل امبارح وعشان ماتخوفش امك واخواتك وانا هفضل معاك مش هسيبك
محمد(هيبص لمينا بخوف): طب هما هيعملوا فيا ايه تاني هيعملولي تحاليل تاني
مينا : لا والله مافيش أي حاجه من دي بس عشان نبقى مطمنين عليك اكترالدكتور طلب لمحمد اوضة لوحدو
بعد ما محمد استقر في الاوضه ونام
مينا : يلا ياعباس روح انت بقا ومعلش خد أحمد في طريقك
أحمد : بس انا مش هروح يامينا
مينا : يعني ايه مش هتروح انت عايز تفضل قاعد هنا والبيت يبقى من غير راجل
أحمد : معرفش بقا بس انا مش همشي واسيب محمد
مينا(بنرفزه): أحمد انا مش ناقصك يلا روح عشان أدخل اقعد جمب اخوك
أحمد : طب ما تروح انت لمراتك واخواتك وامك وانا أفضل مع محمد
مينا(بزعيق): يابني متخلنيش أفقد اعصابي عليك بقا انا لسه محاسبتكش على اللي عملته امبارح انت واخوك
عباس : براحه يامينا احنا في مستشفى والناس تعبانه
مينا : طب خده يلا وروحوا
عباس : يلا يااحمد بقا متعصبش اخوك
أحمد : بس انا مش عايز اسيب محمد ياعباس
عباس : معلش يااحمد تعالى نروح وهنيجي الصبح بإذن الله
أحمد(بزعل): ماشي بإذن الله
عباس : يلا يامينا احنا ماشيين بقا وخلي بالك من نفسك ومن اخوك ولو احتاجتوا أي حاجه كلمني
مينا : ماشي (هيبص لاحمد) خلي بالك من اللي في البيت
أحمد(من غير ما يبص): ماشي فى مركز الدم بعد ماعرف الدكتور انو فى شاب اصيب بسرطان الدم من دم منقول لية من المركز
الممرض واقف مع الدكتور
الدكتور:يعنى اية كيس دم لسة متحللش يطلع انت واقف نايم
الممرض:والله معرفش حصل ازاى
الدكتور:يعنى اية متعرفش انت كدة ممكن تودينا فى داهية
الممرض:مش عارف بقا اتصرف ازاى يادكتور الولد دة اتنقلوالمرض انا عرفت من المستشفى وشفتو هناك من فترة بيعمل التحلليل خزع النخاع بس محدش شافنى
الدكتور:طب انت عارف اسمو اية
الممرض: محمد سعد الديميرى كان جاى بانميا حادة واتنقلو كيس دم فصيلة.........
الدكتور:(بعد تفكير)بقولك اية اشطب اسم الولد دة من اليوم خالص وبكدة مش هيعرف يوصل لحاجة مافيش وبكدة تكون خلصت حلقتنا ياترى هيجيبو حق محمد ازاى استنونى الحلقة الى جاية
#hadeer
#rody