#امى_حياتى
#امى_حياتى_21
#جزء_من_حلقة_سابقة
مينا : دينا انتي بتحبي محمد
#بداية_الحلقة_الجديدة
دينا(بصيتله بصدمه واستغراب)
مينا : دينا انا بسألك عشان عايز اعرف في مشاعر منك نحيته ولا لأ لاني حاسس ان اخويا مشدود ليكي ومعجب بيكي فلو مافيش مشاعر منك تجاهه افهمه انه ميفكرش فيكي
دينا(بتوتر): ا ا انا مش عارفه بصراحه يعني هو
مينا(بهدوء): في ايه يا دينا مالك انا عايزك تقولي اللي انتي حاسه بيه بجد
دينا:(قامت من جمب مينا باحراج وخرجت من باب الشقة وقبل ماتقفل الباب) مينا (مينا بصلها) انا بحب محمد (وسابتو ومشيت مينا ابتسم وخد نفسو و0سكت)
بالليل بعد مارجع احمد من الصيدلية دخلو لمحمد الاتنين وكان بيلعب فى التليفون
مينا:(اتسحب ودخل من غير مايحسو بي وفجأه) بتعمل اية
محمد:(بخضة) يامينا حرام عليك والله (احمد بيضحك عليهم اكمل محمد كلامو) كدة ياحمد ليك يوم بردو والله ماهسيبك
احمد:( طلع كيس العلاج) انا مالى ياعم
محمد: انا هعرفك ياحمد
احمد:(ضرب مينا فى دراعو) اعمل العملة وانا الى اتعك فيها
مينا:اكيد مش هتون عليه ياحمد يعمل فيك حاجة
محمد: لا منا مش هعمل فيه لوحدو اوعدكو انى هلففكو حوالين نفسو(الاتنين بص لبعض واحمد بيحضر الحقنة محمد مخدش بالو منهم وكانو فرحانين بانو محمد رجع تانى يهزر ويضحك) احمد حضر حقنة العضل الاول
احمد: يلا يامحمد
محمد:(قام وقف ومينا ساعدو) خف ايدك ياحمد والنبى
احمد: حاضر يلا بس (وقف محمد قدام احمد واحمد ضربلو الحقنة)
محمد:(بتوجع) ااااااااااااه ياااااااااااااااااااارب(مينا وواحمد بص لبعض بزعل على اخوهم)
احمد: يلا ارجع نام على السرير وارفع التيشيرت
محمد:(بتوجع) لية
احمد:(وهو بيحضر الابره) الدكتور قالى الحقن الوريد اضربها فى القسطرة دى واسحب منها الدم (محمد طلع على السرير واحمد ضربلو الحقنة)
مينا: اطلع بقا ياحمد اعملنا عصير
احمد: لية هو حد قالك انى الشغال الى اشتريتو بفلوسك
مينا:بجد ياحمد اطلع
احمد:ااااااه قول بقا انك عايز توزعنى
مينا: ايون يافاهمنى يلا هوينا بقا
احمد: ماشى يامينا (وبص لمحمد) هاخد اللاب
محمد: ماشى (احمد خد اللاب وخرج بره الاوضة)
مينا:(بص لمحمد) ها يامحمد مش عايز تحكيلي حاجه
محمد(باستغراب): حاجة ايه
مينا : انت معجب بدينا (محمد بص لمينا وسكت اكمل مينا كلامو ) ها يامحمد جابونى
محمد:قبل ماقولك اى حاجة انا عايز اطلب منك طلب
مينا: اطلب
محمد:(بسرعة) عايز اكشف الاول علشان مظلمهاش معايا
مينا:(بعصبية) يعنى انا بدورلك على الفرحة وانت مصمم تدور على النكد (بزعيق) اية ينى فى اية ارحمنا شوية وارحم نفسك من النكد دة(وسابو وخرج)(احمد استغرب من زعيق مينا لمحمد ودخل لمحمد
احمد:(دخل الاوضة لقى محمد نايم على المخدة قرب منو وقعد جمبو وفى ايدو عصير) محمد قوم اشرب العصير
محمد:(بخنقة ) لا ياحمد انا عايز انام
احمد: اشرب بس العصير ونام (محمد شد الغطا عليه ومردش على احمد احمد سابو وخرج)تانى يوم مينا راح للدكتور بعد ماكلمو فى التليفون
دخل مينا وسلم على الدكتور وقعد
مينا: خير يادكتور التحليل ظهر
الدكتور: ايوة ظهر الحمد لله الجسم اتقبل النخاع وبدا ياخد يقوم بدورو فى الجسم
مينا:(بارتياح) يعنى كدة الخطر راح من علية خلاص
الدكتور: الى حد ما الخطر راح هكتبلو على دخول المستشفى كل اسبوع يقعد معانا يوم كامل 24 ساعة نعمل فحوصات واشعة وتحاليل ولو لزم الامر لنقل دم يعنى حاجة بنرتبها(مينا بص للدكتور بقلق) انا مش عايزك تقلق انا عارف انك قلقان من نقل الدم وخايف منو بس انا عايزك تبقى مطمن هنا انا بنعمل دوريات على مركز نقل الدم بالمستشفى متقلقش
مينا: ان شاء الله يادكتور طب حضرتك عايز محمد امتى
الدكتور ممكن على يوم السبت ان شاء الله ويطلع الحد وانا بردو هبلغك قبلها
مينا: ان شاء الله
الدكتور: خلية ماشى على العلاج والحقن وبلاش بديل الحقن انا عارف انها تقيلة بس علشان النخاع ميديناش نتيجة عكسية الحقن بتسياعدو على انو يعمل الدورة الى محتاجها الجسم ياخدها غصبعنو حتى لو بالتكتيف
مينا: ربنا يسهل وميتعبناش
الدكتور: ان شاء الله
مينا: ان شاء الله بعد اذنك يادكتور
الدكتور: اتفضل يانى وحمد الله علىسلامة محمد واحمد
مينا: الله يسلمك بعد اذنك (وخرج مينا راح الشركة) (سراج زارهم فى البيت وكانت رجاء ورنا ومحمد وشرين الباب خبط)
رنا(فتحت ولقيته سراج): اتفضل ياعمي
سراج(حضنها وباس دماغها): ازيك ياحبيبتي عامله ايه
رنا : الحمد لله كويسه اتفضل اقعد الاول ياعمي
سراج(دخل وقعد): اومال فين اخواتك ومامتك
رنا : محمد نايم في اوضته وشيرين بتنيم ريم واحمد ومينا في شغلهم و ماما في اوضتها هناديها اهو
سراج : ماشي ياحبيبتي ومعلش هتعبك معايا بقا اعمليلي فنجنان قهوه من ايدك الحلوه دي
رنا : لا مافيش تعب ولا حاجه بعد ازنك (ورنا دخلت نادت لمامتها وبعد خمس دقايق رنا جابت قهوه لعمها ورجاء جت)
رجاء : اهلا اهلا ازيك ياسراج
سراج : الحمدلله بخير طول ماانتوا بخيى
رجاء : يارب دايما
سراج : اومال انتوا سايبين محمد لوحده ليه مش بتخلوه يطلع هنا معاكوا ليه عشان يتهوا
رجاء(بزعل): محمد تعبنا اليومين دول والله
سراج(باستغراب): ليه بس عمل ايه
رجاء : مش راضي يخرج من الاوضه وعايز ينام على طول وميصحاش ومعدش عايز ياكل خالص احنا قولنا انه هيبقى كويس بقا خلاص لكن دا تعبنا اكتر من الاول
سراج : متقلقيش انا هدخله اكلمه بس انا كنت عايزك في موضوع قبل ما ادخله
رجاء : خير في حاجه ولا ايه
سراج : انا عارف ان ده مش وقته بس لازم بقا عشان اخلص من الزن ده
رجاء (بقلق): خير في ايه قلقتني
سراج : محمد ابني عايز يخطب رنا بيحبها من زمان بس كان بيستناها تخلص ثانوي ولما دخلت الكليه حصل موضوع تعب محمد اخوها فمعرفش يقول بقا والوقتي رجع يزن على دماغي تاني انا جيت اخد رأيك واعرفك عشان لو جالها حد تبقى عارفه ان محمد متقدملها
رجاء : هو طبعا محمد زي عيالي واي بنت تتمناه ولو عليا فأنا موافقه بس انا لازم اسأل رنا وأخد رأي اخواتها برده ونبقى نرد عليك
سراج : اكيد لازم رأيها طبعا واحنا هنستنى بإذن الله ، انا هقوم ادخل لمحمد بقا
رجاء : اتفضل
سراج(دخل لمحمد ولقاه مغمض عينه): محمد .. محمد قوم انا عارف انك صاحي
محمد(فتح عينه وقام قعد): ازيك ياعمي
سراج : انا كويس الحمدلله انت اللي اخبارك ايه
محمد : الحمد لله بخير
سراج : قولي بقا انت مزعل مامتك منك ليه
محمد (باستغراب): مزعلها !! انا مزعلتش حد
سراج : لا مزعلها لما تفضل حابس نفسك في الاوضه و مترضاش تاكل معاهم وعلى طول نايم يبقى من حقها تزعل ولا لأ (محمد سكت وبص في الارض)
سراج : بتعمل كل ده ليه بقا في حد مزعلك ولا ايه
محمد : لا مافيش حاجه
سراج : لا فيه وحاجه كبيره كمان قولي هي ايه
محمد : انا بحب دينا
سراج(بفرحه): طب ما ده كويس زعلان ليه بقا
محمد : لا مش كويس
سراج(بعدم فهم): مش كويس ليه بقا
محمد : عشان انا قولت لمينا اني لازم قبل ما افكر اني اقولها اني بحبها اني اروح لدكتور واكشف عشان مظلمهاش معايا
سراج : تكشف ايه يابني ماانت عملت العمليه وبقيت كويس والمرض خلاص راح
محمد : انا مش قصدي على المرض ياعمي انا قصدي على اللي بيحصل من تأثير المرض حضرتك فاهمني
سراج(فهمه هو قصده ايه): ماشي يامحمد خلاص انا هكلم مينا واقنعه بس انت فك كده ومتزعلش نفسك ولا تزعل مامتك واخواتك
عند سراج الى خرج من عند رجاء على معاد خروج مينا من الشركة واستناه على الباب
مينا:(باستغراب) عمى (وراح لعند عمو جرى بخضة وقلق) فى حاجة ياعمى محمد كويس وماما والكل كويس
سراج: فى اية يامينا ياحبيبى الكل كويس مالك
عمى: اصل حضرتك اول مرة تجيلى هنا فكرت فى حاجة
سراج: لا ياحبيبى الكل كويس انا بس عايز اتكلم معاك
مينا: اتفضل فى البيت
سراج: لا انا عازمك على الغدا برة النهارة واخد الاذن من مامتك
مينا: طالما السلطات العليا اذنت انا معنديش مانع
سراج: بس انت الى هتدفع
مينا:(وقف مكانو) انا بقول نفكر فى الموضوع تانى
سراج:(ضحك) يلا يابخيل (وراحو قعدو فى مطعم على البحر مكان مفتوح يعنى وطلبو الاكل )
مينا: خيرياعمى فى اية
سراج: لية مش عايز محمد يكشف
مينا: (بتنهيده) يكشف على اية ياعمى
سراج: على الى هو قالك عليه
مينا: لية ياعمى يكشف مايسبها لربنا هو اكيد رايدلو الخير
سراج:ولية يظلم بنت معاه مش ممكن دينا متتقبلش الموضوع دة واى بنت فى الدنيا حلمها تكون ام ومش ممكن يكون اخوك فعلا كدة ولية علاج ويتلحق فى الاول لية تتضيع علية فرصة علاج
مينا: انا مش عايز ازعلو انا خايف يبقى كدة فعلا لانو من اثر زراعة النخاع احتمال العقم مش عايز اصدمو
سراج: لا سيبو يكشف علشان لو فى حاجة دينا متجيش تلومو بعد الجواز وتقولو انت معرفتنيش حاجة زى كدة
مينا: افرض طلع عاقم فعلا ساعتها هتكون تاثيرو اية علية
سراج: مش عارف بس سيبو يكشف ومش ممكن يطلع سليم ومافيهوش حاجة
مينا: ممكن
سراج: خلاص سيبو يكشف طالما هو حابب كدة
مينا: ان شاء الله بس حضرتك تكون معانا علشان لو فى حاجة انا مش عارف ممكن تكون ردة فعلو اية
سراج: هشوف دكتور كويس واحجزلو عندو ان شاء الله
مينا: ان شاء الله (سراج بصلو على الهم الى شالو من صغرو وسرح وخلصو اكل وسراج دفع الحساب ومشيو
عند هايدي وعباس في اوضتهم ، هايدي كانت قاعده على السرير ومحمد جمبها ماسك اللاب وبيشتغل عليه
هايدي(فجأه مسكت بطنها): اااه
عباس(بسرعه): في ايه يا هايدي
هايدي(بضحكه): البيبي كانت بترفص
عباس(باستغراب): بجد !
هايدي(مسكت ايد عباس وحطيتها على بطنها): استني هتخبط ايدك دلوقتي
عباس(شال ايده): مافيش حاجه يا هايدي انتي بتشتغليني
هايدي(مسكت ايده تاني وضربت على بطنها براحه والبيبي اتحركت تحت ايد عباس وشافها)
عباس(بفرحه): اهي والله حسيت بحركتها تحت ايدي
هايدي(بغمزه) : اه وشكلها هتبقى شقيه زي بباها
عباس(بضحكه): هو بباها بيعمل حاجه دا غلبان
هايدي : اه ياعيني غلبان اوى
تانى يوم سرج حجز لمحمد عند دكتور
يوم الكشف محمد متوتر جدا عند الدكتور قاعدين ومستنين الدكتور
مينا: شفت ياعمى اهو مش عايز التوتر والارف الى بيعملو فى نفسو دة
محمد:(بنرفزة) مينا اعمل اية فى نفسى علشان اخلص من زعيقك ليا بقا كفاية حرام عليك بقا (وسابهم وقام وقف فى البلكونة)
مينا:(بضيق) عبجبك ياعمى صوتو العالى دة انا ماشى (وقام وقف وكان ماشى)
سراج: (مسك ايدو قعدو تانى) اعقل يامينا ومتبقاش مجنون واقعد (مينا قاعد بعد عدةة دقائق للدكتور ةصل ودخلولو)
الدكتور: انت متجوز يامحمد
محمد: لا لسة
الدكتور: اومال مقبل على الجواز
محمد: لا بردو
الدكتور: اومال جاى تكشف لية
سراج: يادكتورالحكاية محمد مر بفترة صعبة علية جدا اخد كيماوى كان عندو لويكميا الدم وعمل زرع نقى العظام يعنى وخايف ليكون الكيماوى اثر علية
الدكتور: اه طيب تعالى يامحمد (ودخلو اوضة واتبقى سراج ومينا برة غابو جوة شوية وبعدين خرجو)
الدكتور: زى ماقولتلك جوة انا شا يف انك كويس ومافيش حاجة والكيماوى مأثرش على حاجة ولو عايزين تتطمنو اكتر اعمل التحاليل دى
مينا: طب قولو بقا يادكتور علشان هوخايف ومخوفنا كلنا معاه
الدكتور: انا طمنتو جوة ودى حاجة بيمر بيها كل مرضى الكانسر وكتير بيجولى بالقلق دة
عند رجاء كانت قاعده قلقانة جدا على محمد علشان اتاخرو دخلو من الباب
رجاء :كنتو فين ياولاد واتاخرتو كدة اية
مينا:مافيش ياماما بس الطريق كان زحمة
رجاء:طب طمنونى الدكتور قال اية
مينا: أحمد رنا قومو ادخلو جوة
احمد :(بصدمة)لية يامينا فى اية
مينا: (بزهق)احمد انا مش عايز أسئلة كتير
ادخلو جوة وانتو ساكتين
احمد:طب بس ف
مينا:(مقاطع لاحمد بزعيق)انت حمار مبتفهمش ماقولتلك مش عايز اسئله (احمد بصلو بزعل وقلق ودخل جوة ورنا كمان دخلت )
رجاء:(بعصبية) فى اية انتو الاتنين ماتتكلمو عالطول كنتو فين
محمد: ماما انا كنت بطمن على نفسى
رجاء: بتطمن على اية ياحبيبى
محمد: علشان لم اروح اخطب اكون على نور وابقى مطمن انى مظلمش البنت معايا
رجاء:(بصدمة) اية !!(راحت جمب محمد ومسكت ايدو) طب لية ياحبيبى تكشف هو فى حاجة
مينا:(قعد جمب مامتو) ماما محمد كان عايز يطمن لانو كان خايف من تأثير الكيماوى علية (وبص لمحمد )ياريت يكون اطمن وميطلعلناش بحاجة تانية
محمد:(بدموع وعصبية) يامينا ارحمنى انت فاكر انى مبسوط والله ابدا (بعياط) انا كنت عايز اطمن مش اكتر بطل تأنب فيا بقا علشان انا تعبت بجد (وسابهم ودخل الاوضه لقى احمد قاعد على السرير اول ماشافو قاملو ومسك ايدو )
احمد:(خوف وقلق) فى اية ولية مينا دخلنا جوة ولية عصبى كدة
محمد:(بتعب)مافيش يا احمد
احمد:(بزعل )هتخبي عليا برده وبعدين انت تعبان (حط ايدو على دماغو) مافيش سخونية (بخوف) ريحنى وقولى مالك
محمد:(بصله وبتنهيده)معلش يااحمد مش قادر اتكلم دلوقتى هنام شويه ولم واصحى هحكيلك كل حاجه
احمد:(بخوف) طب هجبلك غيار (محمد هز راسو بالموافقة وقعد على السرير وبص فى الارض احمد طلعلوة غيار ومحمد خدو ودخل الحمام)
عند محمد صحى واحمد قاعد مستنية
محمد:(فتح عينو لقى احمد قاعد زى ماسابو) احمد انت لسة قاعد يابنى انا كويس والله
احمد:(قام قعد على ركبو على الارض قدام محمد وبدموع وصوت مخنوق) اومال مينا زعقلى لية وخلانا ندخل جوة لية
محمد:(مد ايدو مسح دموع احمد) انا قولتك مرة انى مبحبش اشوف الدموع دى(محمد تنهد وقام قعد وقوم احمد قعدو جمبو محمد بصلو) احمد الحكاية انى كنت على نفسى
احمد:(بعصبية) بطلو الغاز بقا تكسف على نفسك يعنى اية
محمد: احمد انا عايز اخطب دينا وخايف اظلمها معايا خايف اكون عاقم علشان كدة كشفت
احمد:(بصدمة) اية !!(بهدوء) لية تكشف كدة يامحمد ماكنت سبها لربنا
محمد:(بعياط)انتو مش مقدرين الى انا فية (بص لاحمد) مش عايز اظلم دينا معايا انا بحبهاياحمد بس لو انا كنت طلعت عاقم كنت هرفض قلبى يتعلق بيها اكتر من كدة
احمد: واطمنت يامحمد
محمد:( مسح دموعو) قالى انى كويس وطلب تحاليل عملتها واحنا جاين ومستنى النتيجة (بعياط) ادعيلى ياحمد ميطلعش فيا حاجة انا خايف قوى (احمد حضن محمد وعيط هو كمان )
أنت تقرأ
امى حياتى
Adventureمعاناه بسبب الاهمال الاهمال القاتل معاناه مريض السرطان احداث مشوقه داخل الحلقات
