#امى_حياتى
#امى_حياتى_4
#جزء_من_حلقة_سابقة
الدكتور: طب بعدها اية الى حصل
احمد بعدها بعشر ايام سخن انا اديتو خافض حقنة.....
مينا: ومن بعدها بدا انويرجع وينزف من منخيرو وسنانو عالطول نايم عندو خمول ديما
الدكتور: مينا انا شاكك فى حاجة
مينا بص لاحمد مينا: خير يادكتور
الدكتور: شاكك أن المرض ده منقولة من الدم اللي اخده الاتنين بصو لبعض
#بداية_الحلقة_الجديدة
مينا:ازاى يادكتور دة كان فى مكان كويس يعنى بنك الدم الى جابين منو الدم كان تابع للمستشفى
الدكتور:كل حاجة هتبان بس لو طلع من الدم دة متسبش حق اخوك
احمد :مش هسيب حق اخويا يادكتور (بدموع) مش هسيبو ابدا وخرج وسابهم وخرج
مينا:معلشى يادكتور اصلهم توأم
الدكتور:الله يكون فى عونو ان شاء الله لما النتيجه تظهرهنبلغلكم علشان نكمل بقيت التحاليل
مينا: تحاليل تانية يادكتور غير الى هو عملو (الدكتور هز دماغو بمعنى ايوة )
مينا:(تنهد) طب عبارة عن اية
الدكتور:شبة خزع النخاع كدة ودكتور الجراحة بيزيل الغدد اليمفاوية علشان نشوف مدى انشار المرض واشاعات عادية استنى مننا تليفون قريب علشان نبدا فى اخدالتحاليل الاخيرة
مينا: ان شاء الله شكرا يادكتور مينا خرج لاقي أحمد قاعد برا على الكرسي حاطط دماغه بين ايده وبيعيط مينا روحلو
أحمد:(بصلو) محمد هيروح مننا بسبب إهمال الاغبيه اللي في المركز
مينا: ان شاء الله هيبقى كويس بس حاول تبقى قوى قدامو كمان هيجى هنا تانى وهيعمل تحاليل تانية
احمد: تانى
مينا: ايوة اخر تلات تحاليل ان شاء الله علشان يشوفو مدى انشار المرض محمد ميعرفش عن التحاليل دى ولا ماما ولا اى حد
احمد: حاضر يامينا بس بالله عليك بلاش عصبية علية هو اكيد فية الى مكفية المفروض احنا نخفف عنو مش نزود تعبو
مينا:(بدموع) والله غصب عنى بيدايقنى بعندو على صحتو ونفسو
احمد: لازم نستحملو لانو هيعند وساعات مش هيرضى يروح الجلسات مريض السرطان لازم ناخدو على هواة زى مابيقولو
مينا: ان شاء الله يلا (مسح دموع) يلا نرجع البيت زمان ماما قلقانة (احمد هز راسو بالموافقة مسح دموعو ومشيو)
في المدرسه عند هايدي
حنان وهايدي واقفين
حنان : مالك ياهايدي بقالك فتره شكلك مش تمام
هايدي (بسرحان): مافيش ياحنان انا كويسه
حنان : كويسه ازاي ياهايدي انا صاحبتك وعرفاكي قوليلي مالك بس طمنيني عليكي
هايدي : معلش ياحنان انا مخنوقه بس اليومين دول وهبقى كويسه بإذن الله ، انا هروح عشان عليا حصه
(حنان فضلت واقفه بتبص على هايدي وهي ماشيه)
جه رفاييل فجأة من وراها
رفاييل : مالك ياحنون واقفه ليه كده
حنان (بخضه): في ايه يارفاييل
رفاييل : واقفه ليه كده لوحدك
حنان : معرفش هايدي مالها انا قلقانه عليها اوي
رفاييل : متقلقيش ياحبيبتي هتلاقيها متخانقه مع خطيبها ولا حاجه ويومين وهتبقى كويسه
حنان : بجد يارفاييل
رفاييل (بغمزه): بجد ياقلب رفاييل (حنان هتضحك وتمشي)
(مر اسبوع ومازال كل واحد يمارس حياتو العملية بشكل طبيعى وكلا منهم غارق فى احزانو ولم يبوح لاى حد عن محمد بشئ ،، مر الاسبوع وكانو دهر من الزمان على محمد من الالم ظهرو التى تكررت بشكل كبير ،، شوية كويس ،، وفايق وشوية تعبان ومش طايق حد ولا نفسو اصلا معظم الوقت نايم ،، يوم الاربعاء بالتحديد تم اسبوع بعد اخذ العينة اختفى الالام تدريجا محمد قرر انوينزل المعمل تانى ويمارس حياتو طبيعى
احمد: يابنى مينفعش انت ممكن تتعرض لاى حاجة برة
محمد: هنزل ياحمد انا مخنوق جدا من البيت
احمد:(شوح لية بايدو) انا ماليش دعوة انت حر مع مينا (طلع احمد ومينا دخل الاوضة ومحمد كان بيلبس الكوتشى
مينا: هو انت متشيك كدة ورايح على فين
محمد:عايز اروح شغلي يامينا
مينا:تروح ازاي يعني يامحمد
محمد:زي الناس انا عايز اعيش حياتي والباقي من عمري عادي
مينا:(بتنهيدة) طب لو اللي بيتكلم عاقل واللي بيسمعه مجنون قولي ينفع انت تروح شغلك افرض تعبت هناك
محمد:سراج معايا واصلا انا كويس متقلقش
مينا:(بصلو سابو وراوح ناحية باب الاوضة)متنزلش يامحمد وادخل نام ربنا يهديك محمد قعد على السرير بعصبية ظهرو وجعو
محمد: آآآآآآه (دخلو مينا)
مينا: واضح انك فعلا كويس
محمد: ايوة كويس والله بس قعد بعصبية على السرير (وكان حاطط ايدو على ظهرو مينا بصلو وقفل وخرج)
مرت الايام وجية يوم الدكتور اتصل بمينا قام مينا دخل الاوضة وبعد شوية خرج قعد شوية وحابس دموعو بالعافية
مينا: محمدانت مش عايز تخرج تغير جو
محمد:" ياريت والله نفسى هنزل المعمل
مينا: لاهتيجى معايا الشركة بكرة
محمد: شركة اية
مينا: خلاص انسى كانى مقولتش حاجة (جات رجاء من المطبخ ومعاها البنات)
رجاء: فى اية مالكو
احمد:مينا بيقول لمحمد تعالا معايا الشركة
رجاء:شركة اية يامينا
احمد: سبية يغير جو ويشوف ناس جديدة
مينا: محمد لو عايز تخرج وتغير جو تعالا معايا الشركة بكرة
محمد: خلاص ماشى يامينا شركة شركة المهم اخرج من هنا علشان انا زهقت (وقام مينا دخل جوة وشرين دخلت وراه)
شرين: مينا مالك
مينا: انا كدبت ياشرين (بدموع) كدبت لاول مرة على امى وعلى اخواتى
شرين: كدبت فى اية
مينا: انا مش واخد محمد الشركة (بعياط اكتر)انا واخدو يكمل التحاليل
شرين:(بصدمة) اية طب مقولتلوش لية
مينا: هيعند ومش هيروح كدة احسن
شرين: مش عارفة صح ولا غلط
مينا: كدة احسن بس خايف علية هيخدوه من الدار للنار كدة خايف من رددة الفعل
شرين: ربنا يستر ويعدى بكرة على خير يلا ننام ونامو جميع ابطالنا مع شروق شمس يوم جديد قامو لبسو واتجمعو على الفطار
مينا: يلا يامحمد نفطر فى الشركة
رجاء: شركة اية الى تفطرو فيها اقعدو افطرو وبعدين امشوة (مينا وشو مقلوب واحمد كذالك ومحمد مستغرب من كدة)
مينا: ماما انا اتاخرت يلا بقا نشفوكو بالليل ادعيلى ياامى ربنا يعدى اليوم دة على خير
رجاء: فى اية يامينا
مينا: مافيش حاجة بس مشكلة فى الشغل بس
رجاء: ربنا يسهلها فى ايدك يابنى يارب خلى بالك من اخوك يامينا
مينا:فى عنيا ياماما متقلقيش علية يلا يامحمد (مشيو محمد ومينا ) نزلو الشباب ووقفو تاكسى وركبو
مينا ومحمد وهما في التاكسي محمد حس أن ده مش طريق الشركه وانهم في طريق مختلف
محمد :(بص حوالية وبص لمينا) مينا ده مش طريق الشركه
مينا(بيبص قدامه ومش بيبص لمحمد): ما احنا مش رايحين الشركه يامحمد
محمد (بعدم فهم): مش رايحين الشركة يعني ايه اومال رايحين فين
مينا :(مبصلوش بردو) احنا رايحين المستشفى
محمد (باستغراب وخضة): المستشفى ليه ماانا كويس يعني مش محتاج اروح وكمان لسه معاد نتيجة التحاليل مظهرتش
مينا(حاول يبص في عين محمد):لا ظهرت يامحمد احنا رايحين عشان انت هتكمل باقي التحاليل بتاعتك وهتعمل اشعه كمان
محمد (بصدمة وضيق وصوت عالي نسبيا): ليه مقولتليش وخدنى على عمايا هو انت شايفني عيل صغير بتضحك عليا في البيت وتقولي رايحين مكان وبعدين اكتشف أننا رايحين مكان تاني
مينا (بهدوء):صوتك ده يوطى وبعدين انا مقولتيلكش عشان متتوترش وماما تعرف ونقلقها وكانت ممكن تصمم انها تيجى معانا
محمد :(بخنقة والدموع باينة فى عينو) طب وقف التاكسي ده يامينا ونزلني انا عايز اروح ارتاح
مينا(مسك ايد محمد): اسكت بقا واهدى ايه شغل العيال اللي انت فيه ده (محمد بص لمينا بدموع وبص الناحيه التانيه وسكت)
اما فى البيت احمد دموعو نزلت رجاء هتشوفو
رجاء:مالك ياحمد
احمد:مافيش بس عينى اطرفت
رجاء:طيب عينك اطرفت التانية مدمعة لية
احمد:مافيش ياماما
رجاء:فى اية ياينى
احمد:يوووة ماقولتك مافيش (سبها ودخل الاوضة دخلت وراة)
احمد:مش هسيبك لم اعرف فى ايه
احمد:" محمد ومينا مش رايحين الشركة (بدموع) رايحين يكملو لمحمد التحليل
رجاء: اية بتقول اية (ودموعها نزلت وسابتو ومشيت رنا وهايدى سمعو احمد واتفقو انهم يرحو من غير ماحد يعرف
فى المستشفى وصلو
مينا: يلا يامحمد
محمد:(بدموع) مينا انا مش عيل صغير مجرجرنى وراك وانا مش عارف رايح فين
مينا: انااسف ليك انا غلط فى حقك بس والله خايف عليك يلا احنا متاخرين على الدكتور اصلا
سائق التاكسى: يلاا بقا يااستاذ انت كدة معطلنى
مينا: يلا يامحمدعلشان السواق يمشى (محمد تنهد ونزل) يلا يامحمد(محمد مشى معاه لانو عارف لو مدخلش معاه بمزاجو هيدخل غصب عنو)دخلو الشباب ودخلو للدكتور
الدكتور: محمد لو سمحت استنى بره شوية (محمد بص لمينا وطلع)
مينا: فى حاجة يادكتورلا
الدكتور: هو عارف هو هيعمل ايه
مينا:لا ميعرفش حاجة
الدكتور: طيب احنا هنخدو هنعمل التحليل الى هيا بتبقى ابره فى الظهر
مينا: هيا بتبفى فى نفس الاوضة الى عمل فيها قبل كدة
الدكتور:للاسف (مينا هز دماغو بحزن وخوف من ردة فعل محمد طلع مينا مع الدكتور
مينا: يلا يامحمد (ومشيو ووصلو للاوضة دخل الدكتور محمد بص لمينا بزعل
محمد:مينا(بدموع) انا ظهرنى وجعنى لسة الضرب فى الميت حرام
الدكتور: ميت اية بس الى بتتكلم عنو على فكرة نتيجى التحليل بتقول انو اكتشفنا المرض فى الاول يعنى هتخف وهتبقى كويس (محمد بص لمينا بزعل ودخل الاوضة لقو مريض جوة بيعمل الحقنة دى وبيعيط منها محمد خرج من الاوضة وهو خايف طلع الدكتور وراه)
مينا: فى اية يادكتور
الدكتور: فى مريض جوة بياخدو عينة من النخاع العظامى (وبص لمحمد محمد دى العينة الاولى لسة متقلقش )
محمد: والله الضرب فى الميت حرام روحنى وسبنى انا كدة كدة ميت
مينا: ابوس ايدك متقولش كدة انت هتبقى كويس بس استحمل شوية (خرج الدكتور من الاوضة ووراة المريض على توريلا محمد بصلو برعب)
المريض: متقلقش الحقنة مبتوجعش انا بس الى تعبنى انى وقعت على ظهرى امبارح دة الى تعبنى
محمد:(بخوف) ربنا يشفيك
المريض: ويشفيك (دخلو الاوضة وكان مينا معاة
الدكتور: محمد انا بس عايز اوضحلك نقطة انو لو الابرة دى اتحركت ممكن لقدر الله تعمل شلل كلى فاحاول تستحمل ومتتحركش خالص طلع محمد على السرير ونام على جمبو ومينا قعد على كرسى قدامو اتنين ممريض مسكومحمد علشان ميتحركش والدكتور بدا انو يدخل الابرة من وجع الابرة محمد دموعو نزلت (مينا بقا عمال يمسح دموعو وعينو اصلا دمعت الدكتور قعد اكتر من 10 دقائق يلف فى الابرة فى الابرة دى علشان ياخد السائل علشان يحللو شال الابرة بحذر وضمم مكانها وطلب من محمد ينام على ظهرو تانى
الدكتور:(قرب من محمد) محمد انا بس عايز اقولك انو فى اطفال كتير خضعو للتحليل دة وهيقبلك كتير قوى وهتشوفهم وهتكلمهم وهيدوك دفعة لانهم ربنا شفاهم من المرض دة اوان شاء الله هتيجى فى يوم وتكلم غيرك وتقول انوربنا شفاك منو تعالا يامينا سيبو يرتاح عقبال مانجهز اوضة الاشعة(طلع ومحمد عيط من الوجع طلع مينا شاف هايدى ورنا فى المكان
مينا:(راحلهم) انتو ايه الى جابكو هنا مين قالكو اصلا
هايدى: احمد الى قالنا وانت ازاى تعمل كدة اصلا ازاى تخرجو من البيت وهو مش هو رايح فين نانا هتموت من القلق هناك
مينا: انتى كنتى عايزانى اعمل يعنى كنتى شيفاه هيمشى قوى معايا ولا ماما دة كان عايز يوقف التاكسى وينزل من نص الطريق
رنا: (بدموع) طب هو فين دلوقتى وعامل اية
مينا: رنا اهمدى وبطلى عياط علشان لو طلع ميشفكيش كدة هو كويس بس لسة واخد الحقنة ونايم عليها شوية
رنا: احنا عايزين نشوفو(مينا اصلا باين علية العياط) وبعدين انت شكلك معيط لية يامينا
مينا:(بدموع) مش هتقدرو تشفوة وهو كدة صدقونى يلا روحو
هايدى: علشان خاطرى والله احنا هنموت من القلق علية
مينا: تعالو وانتو حرين (راحو بصو على محمد من ازاز الاوضة وكان باين علية التعب وكان لسة بيعيط من الوجع بس هو مشفهمش)
رنا:(بدموع؟) مالو يامينا هو بيعيط لية
مينا: لسه واخدين منو العينة دلوقتى (هايدى بتبص حواليها شافت مريض بيخدو منو العينة وعيطط على منظرو مينا شافها)
مينا: يلا يابنات نبعد شوية زمانو خارج اصلا (وبعد البنات وبعد شوية خرج محمد وراح يعمل الاشاعات العادية ورنا وهايدى شيفينو من ازاز الاوضة )
\فى الكلية دينا: هيا رنا مجتش لية
سلمى: مش عارفة والله يادينا بس تقريبارنا فيها حاجة مش هيا الى احنا شفناها اول مرة
دينا: ربنا يستر بقا وتكون كويسه
سلمى: يارب
دينا: يلا احنا ورنا محاضرة
عندرافاييل وحنان
رافاييل: حنان انا برن على هايدى من ساعة ماجينا وهيا مش بترد عليا خالص
حنان: انا قلقانة عليها قوى عايزين نروحلها بعد المدرسة
رافاييل: ماشى ان شاء الله يلا انا وريا حصة
حنان: طبيب انا هروح اقعد فى اوضة المدرسين
نرجع للمستشفى (بعد مامحمد خلص كل حاجة مافضلش الا اخر تحليل)
الدكتور:ارتاح بقا شوية علشان اخر تحليل بعد شوية (طلع محمد ومينا وهايدى ورنا كانو برة وباين على محمد التعب قوى دخلو اوضة ومحمد نام على السرير يريح شوية لحد مالدكتور ينادى علية مر الوقت كانو ساعات على محمد وهو يفكر اية هو التحليل
هايدى: اية ياحمادة مالك بتفكر فى اية
رنا: اكيد بيفكر ماما طبخة اية النهاردة احب اقولك ياسيدى انوماما عملة الاكل الى بتحبو
محمد:(بدموع) اكل اية الى بتتكلمو علية انا بفكر الحقنة الى جاية هتبقى فين
مينا: لا يامحمد تقريبا مافيش حقن تانية
محمد: طب هيعملو اية يامينا لو تعرف قولى
مينا: معرفش هيعملو اية
محمد:(بزعل) ماشى يامينا خبى عنى كل حاجة (ساد الصمت بعد شوية نادا الدكتور عليهم دخلو كلهم )
الدكتور:(لمحمد)تحب تاخد بنج كلى ولا موضعى لاخر تحليل
محمد:(صدمة وخوضة وخوف)بنج! بنج لاية يادكتور
الدكتور:دكتور الجراحة بيفتح فتح بسيط فى مكان ماهيخد منو العينة بياخد من الغدد الليمفاوية عينة قد حبة الرز دة بيتطلب فية انو تدخل عمليات فاحنا بنخير المريض بين البنج الموضعى والبنج الكلى
محمد: لادة ولا دة انا مش هعمل العمليه دى اصلا يلا يامينا انا عايز امشى (محمد قام علشان يخرج هايدى وقفت ومنتعو)
مينا:هو الاحسن اية يادكتور(محمد بصلو بصدمة)
محمد: مينا انا بقولك انا مش هعمل عمليات (مينا مبصلوش اصلا وبص للدكتور )
مينا: اتفضل يادكتور(محمد انصدم اكتر من تجاهل مينا لية وتندهد والدموع نزلت غصب عنو)
الدكتور:(بص لمينا)الموضعى بنسيبو مكانو لحد مايقدر يتحرك اما الكلى بعد مابيخلص الدكتور بيدخل العناية المركزه لحد مايفوق خالص وبعدين يخرج فانا برجح الموضعى (بص لمحمد)وعلى فكرة يامحمد انت مبتبقاش حاسس بحاجة خالص
محمد:(بعصبية وبزعيق) انا مش داخل عمليات وخرج برة (مينا كان قايم بعصبية الدكتور مسك ايدو)
الدكتور: سيبو يهدى اعصابو احنا نسايس المريض على قد مانقدر (خرج مينا وهايدى ورنا وراء محمد وهايى ورنا كانو بيعيطو)
عن رجاء واحمد احمد كان قاعد غفل وهو قاعد
رجاء:(بخضة وخوف) واد ياحمد انت ياله
احمد:(قام من النوم مفزوع بصلها برعب) متقوليش انو محمد جرالو حاجة ياماما لو جرالو حاجة خبى عنى
رجاء:(حضنتو) ياحبيبى انا والله ماعرف حاجة عن اخوك انا كنت جاية اشوفك اقولك كلمهم واطمن علية
احمد::(بارتياح) حاضر ياماما هرن عليهم وطلع تليفونو ورن على مينا ومحمد كان الاتنين مغلق بص لامو) تليونتهم مقفولة
رجاء:كمان البنات ماجووش
احمد:لية ياماما مش كدة اتاخرو
رجاء: ايوه اتاخرو ربنا يستر انا مش عارفة مينا قفل الموبيلات لية (وسابتو وخرجت وهيا قلبها هيقف من الخوف)
نرجع للمستشفى مينا و رنا وهايدي هيخرجوا ورا محمد
رنا (بعياط): عشان خاطري محمد اسمع الكلام طب لو مش عشان خاطري عشان خاطر ماما
محمد ساكت وبيبص قدامه وبس
هايدي : يامحمد اسمع الكلام لو مش عشانا احنا فعشانك انت احنا مش هنقدر نعيش من غيرك ولا هنقدر نشوفك تعبان وبتتألم قدامنا
محمد برده بيبص قدامه وساكت والدموع في عينه
مينا (هيبص لهايدي ورنا): قوموا روحوا الكفاتيريا اشربوا حاجه وسيبوني مع محمد شويه هايدي ورنا قاموا بعدوا عنهم شويه
مينا (قعد جمب محمد): ممكن اعرف الدموع اللي في عينك دي ليه وكمان رافض انك تكمل في اللي بدأنا فيه ليه
محمد(بدموع): مش عايز أكمل عشان مش عايز أعذب نفسي وانا عارف النهايه هتبقى ايه
مينا : يامحمد أعقل واهدى واسمعني انت بإذن الله هتبقى كويس بس اتوكل على الله كده وسمي وكمل تحاليلك وعلاجك
محمد بيبص لمينا وساكت ودموعه نازله
مينا (بيمسح دموع محمد): يامحمد صدقني لو وثقت في ربنا هتبقى كويس وعشان خاطر ماما ،،، يلا يامحمد قوم معايا وسمي كده وكمل التحاليل دي محمد هيبصيله ويقوم معاه (دخل محمد العمليات ونام على السرير والدكتور خدر المكان الى هيشتغل فية محمد تالم من حقنة البنج وكان باين علية الالم بس كان فى ستارة بينو وبينو الدكتور ومكنش شايف بعد شوية خلص الدكتور وقفل الجرح بخياطة وساب محمد يرتاح وخرج التلاتة جريو عليه
الدكتورالجراح: اخوكو كويس وانا خلصت واستنى نتيجى التحليل حمد الله على السلامة ربنا يشفيهولكو يارب(ومشى الدكتور)
مينا:يلا يابنات روحو انتو بقا علشان محدش يعرفو انتكو كنتو هنا واحمد يزعل علشان كان عايز يجى معانا وانا رفض وهيزعل لو عرف انكو كنتو هنا
هايدى: هتبقى لوحدك
مينا: كلها كام ساعة وهاجى وان شاء الله محمد معايا وكويس يلا بقا روحو
رنا: احمد رن علينا كتير واحنا كنسلنا علية
مينا: طب يلا روحو كفاية قلق على ماما (البنات هز دماغهم بمعنى ماشى ومشيو) رجعو البنات
رجاء: كنتو غين قلقتونى عليكو جدا
هايدى: احنا كويسين بس انا كان عندى حصة اخيرة وكان فى ولدين مش فاهمين جزء فى الدرس قعد معاهم تانى
رنا: وانا طلع عندى كورس مكنتش عملة حسابو
رجاء: طب مينا مكلمش حد فيكو من ساعة ماخرج الصبح متكلمش انا قلقانة عليهم قوى
هايدى:(مداريةدموعها بالعافية) مش هما فى الشركة اكيد كويسين
رجاء: مش فى الزفتة الشركة مينا خد محمد وراح المستشفى يكملو التحالليل
رنا: :(مصطنعة الصدمة) اية ازاى يعنى ميقولناش
رجاء: انا لية حاسة انتو االاتنين عارفين حاجة عن اخواتكم
هايدى: لا لا ياماما منعرفش حاجة بعد اذنك
فى المستشفى محمد اتنقل اوضة عادية
مينا: (قرب جمبو ووحط ايدو على شعرو بهدؤ جدا) حمد الله على السلامة يامحمد
محمد:(بتعب وزعل) الله يسلمك هو احنا مش هنمشى بقا
مينا: طب خليك مستريح شوية كمان
محمد: لا هستريح فى البيت بقا (دخل الدكتور)
الدكتور: (بابتسامة) حمد الله على السلامة صدقتنى بقا لم قولتلك مش هتحس بحاجة
محمد: لا بقا انا حسيت حسيت انهم بيقطعو فى جسمى
الدكتور: حسيت بوجع
محمد: لا الحمد لله
الدكتور: حمد الله على السلامة دى 2حقن مضاد حيوى 6 مسكنات علشان لم البنج يروح من مكان الجرح ميحسش بالم هياخد اول حقتنين مع المضاد الحيون بس كل واحدة لوحدها ومتجبش البديل ليهم هات الى مكتوبين ولم يخلص المضاد الحيوى اديلو الحباية دى
محمد: كدة مافيش اى تحاليل تانية يادكتور
الدكتور: لحد دلوقتى مافيش
محمد:يعنى اية لحد دلوقتى
الدكتور: يعنى احنا مستنين نتيجة التحليل هنحدد على اساسها المرض انتشر لحد فين ونقدر بقا نشوف الكيماوى المناسب للحالة وكمية قد اية وكام جرعة ممكن نعيد التحليل بعد شهرين تلاتة علشان نشوف المرض بيقل ولا اية
محمد: ان شاء الله وخرج الدكتور وبعد شوية خرج محمد ومينا من المستشفى مينا قعد محمد على رصيف عالى وراح يجيب تاكسى ظهر قدمهم عباس
مينا: عباس اية الى جابك يابنى
عباس: يعنى اية اية الى جابنى انت عايز تركبو تاكسى وهو كدة يلا بلاش غلبة
مينا: انت مجنون (وركب محمد على الكرسى الى وراء سند دماغو على كرسى العربية ومينا وعباس ركبو قدام ومشيو جية مطب عالى
سعد: اةةة لا يامحمد والنبى امشى براحة
عباس: معلشى انا اسف همشى براحة
سعد:ولا يهمك وصلو البيت
رجع محمد مع مينا ومحمد ع
عباس ومينا ساندين محمد لأنه ضهره واجعه وفي جرح في دراعه
هيدخلوه جوه وسط نظرات لوم وزعل من رجاء لمينا خرج عباس وفضل مينا جوة
عباس:يلا استاذن انا بقا
رجاء: مش عارفة اشكرك ازاى يابنى شكرا ليك بجد
عباس: اية ياخالتو الكلام دة محمد اخويامافيش شكرا بين الاخوات ربنا يكمل شفاؤه على خير يارب يلا سلام عليكم ومشى محمد
مينا ساعد محمد انه يغير وينام وطلع برا
مينا : هو نام دلوقتي وبإذن الله لما يصحى هيبقى احسن
أحمد : طب هو كل مره هيروح هيجي تعبان كده
مينا : طبيعي يا أحمد ماانت اكيد فاهم أن التحاليل دي صعبه (هيبص لمامته بخوف) مالك يا أمي مبتتكلميش ليه
رجاء : انت مقولتيليش ليه أن اخوك رايح يكمل التحاليل بتاعته
مينا : مكنتش عايز اقلقك والله عشان انا عارف انك بتتعبي لتعبه
رجاء :(بعصبية) مهما كان يامينا انا أمه كان لازم أبقى معاه وجمبه واطمنه
مينا : ياماما صدقيني هو اصلا النهارده مكنش هيحس بيكي لأنه كان نايم طول اليوم
( وقام قعد جمبها) وبعدين ياست الكل بقا مش احنا قولنا هتدعيله وبس وبلاش الدموع دي
رجاء (هتبصيله ): ماشي يامينا بس بعد كده تقولي على أي حاجه
مينا : ماشي والله بإذن الله يلا ياحمد قوم ادى الحقن لمحمد علشان هو عايز ينام قام احمد دخل لمحمد
احمد :(باس راسو)حمدالله على السلامة
محمد: الله يسلمك ها عملت اية من غيرى النهاردة
احمد: عملت اية يعنى مخرجتش قاعد مستنيك ترحع تانى
محمد:(حط ايدو على رجل احمد) احمد انا عايز تتعود تعيش من غيرى
احمد:(بدموع) ابوس ايدك متقولش كدة اقسم بالله انا من غيرك انا مش ممكن اعيش
محمد: ربنا يبارك فى عمرك ويبعد عنك اى شر
احمد: ويشفيك يارب واشوفك عريس واشوف عيال عيالك كمان
محمد:عيال عيالى يااااااااااه (فى بالو) حلم بقا حلم بالنسبالى انى اشوف حتى عيل ليا او اشوف الى هرتبط بيها مين الى هترتبط اصلا بواحد مريض يلا الحمد لله على كل حاجة
احمد: سرحت فى اية
محمد: ولا حاجة يلا بقا ادينى الحقن البنج باين علية راح ودراعى بدا يشد عليا(قام احمد جهز الحقنة الاولى
احمد: يلا يامحمد هتقدر تقف
محمد: طب جهز التانية بقا مرة واحدة
احمد:لا دى بودرة بتبوظ بسرعة
محمد قام وقف وسند على الحيطة واحمد ضربلو الحقنة
محمد: آآ آآآ آآآ ه خف ايدك ياحمد
احمد: الحقنة الى تقيلة جدا مش ايدى الى تقيلة (احمد خلص قعد محمد وجهز التانية وقام محمد تانى وسند على الحيطة واحمد ضربلو الحقنة بس دى موجعتهوش ورجع نام تانى ) وعدى اليوم على كدة تانى يوم الصبح على الفطار رغم تعب محمد الا انو اصر انو يطلع يقعد معاهم على السفرا بعد الفطار وقبل مامينام يمشى محمد دخل الاوضو وطلع فى ايدو ظرف حطو قدام مينا
مينا: اية دول يامحمد
محمد: دول فلوس
ميبنا: منا عارف انهم فلوس بس بتوع اية
محمد:(ادالو ظهرو) فلوس علاجى (ياترى اية ردة فعل مينا هيعمل اية والكل هيعملو اية واحمد لم يعرف انو رنا وهايدى كانو مع محمد هيعمل اية ومحمد لم يعرف انهم كانو معاه واحمد مكنش معاه هيزعل ونتيجة التحليل هتكون اية استنونى الحلقات القادمة
#hadeer
#rody
YOU ARE READING
امى حياتى
Adventureمعاناه بسبب الاهمال الاهمال القاتل معاناه مريض السرطان احداث مشوقه داخل الحلقات
