No Strings Attached

NSA: 9

Mabuti naman at walang umangal. Talagang mapipitik ko na sila isa-isa.

"Here's the scenario; Nag-dr-drive ka nang nalaman mong nawalan ka ng preno. May mababangga kang matandang babae, teenager at sanggol. Sino sa kanilang tatlo ang babanggain niyo at hahayaang mamatay? Sino ang ililigtas niyo? At bakit?"

"Walang maling sagot at pwedeng mag-try ang group niyo ng kahit ilang beses pero dapat ibang member." Pagkapaliwanag ko ng mangyayari ay naging mga bubuyog na sila.

Okay lang na mag-ingay sila basta ayusin nila mga sagot nila mamaya.

"Yes, middle team?" Pag-acknowledged ko sa babaeng nagtaas ng kamay.

"Isa lang po ba ang mamamatay?" Tanong niya.

"Dalawa."

"Ang ililigtas ko po ang sanggol." Sagot niya.

"Bakit?" Sabi ko habang nakangiti.

"U-Uhm... Kasi po ano, mamamatay na rin naman po ang matanda."

"Pa'no naman ang teenager? Mamamatay na rin ba siya?"

"H-Hindi naman po... Pwede po bang ako na lang ang isang mamamatay o kaya ibabangga na lang sa pader?" Nag-aalangang sabi niya. Patay tayo d'yan.

"Hindi pwede, dapat may mamamatay na dalawa at hindi ikaw ang isa. Isa lang din ang pwede mong iligtas." Sabi ko at uminom sa tumbler ko. Natutuyo ang lalamunan ko dahil puro ako salita ngayon. Ang sakit pala sa lalamunan maging gan'to.

"Ang matanda at teenager po ang babanggain ko." Maya-maya'y pasya niya.

"Gan'to na lang, bakit ang sanggol ang ililigtas mo?"

"Kasi po bata pa siya, wala naman siyang kasalanan. Na-enjoy naman na no'ng matanda ang mundo tapos nakita na rin no'ng teenager ang mundo kahit papa'no. Turn naman ng baby na maranasan ang mangarap." Hindi ako satisfied sa sagot niya pero pwede na.

"May iduduktong ka pa?"

"Wala na po."

"Okay, next. By the way, class. Ilagay niyo pala sa 1/4 ang mga pangalan ng ka-group niyo tapos lagyan niyo ng tanda ang mga sumagot niyong ka-group."

Next naman na nagtaas ng kamay ay si Robert the pervert.

"Go ahead, left team." Sabi ko.

"Ma'am Iniko, ang ililigtas po namin ay ang sanggol din." Confident na sabi niya. As expected, laging baby ang inililigtas.

"Bakit?"

"Kasi po kung ikukumpara sa matanda at teenager, mas mahaba pa ang magiging buhay ng sanggol. Kung ibabase po natin sa statistics, mas malaki po ang probability na mamatay rin agad ang matanda at mabuhay ng matagal ang baby." Paliwanag niya. Gan'yan ang gusto ko, kahit walang concrete evidence dahil hindi ka naman talaga sigurado kung kailan ka mamamatay ay may mahahanap at mahahanap kang stats about do'n.

"That's impressive." Sabi ko. May utak naman pala, hindi nga lang ginagamit sa ayos.

"How about Right team?" Baling ko sa team nina Aki. Tumahimik naman ang lahat at nakatingin lang sa team nila. Mga nag-iiwas naman ng tingin ang mga kagrupo nina Aki.