اوسمة دموعها ما جفو ع امها هي وخواتها منظرهن ايقطع القلب
مراد حاس ان الوقت المناسب بيش ايزيد ايبين لآوسمة ان يبيها بس ما زال خايف من رد فعلها
نهى رافعه ايديها وتدعي لربي ايحنن قلب وليد عليها وتعيش حياتها كيفها كيف اي زوجة طبيعية وينسى الي كان يبيها
سوسن قلبها محروق والشكوك زايدات اتجاه مراد الي بدي هامل حتى بناته الي كان متعلق بيهن بزياده وحتى مرواح للبيت معاش ايجي زي قبل
كل واحد فيهم بهمه
جي الصبح
وعي خنجر بعد ليلة طويلة خدي دُش وطلع بدون ما ايحس سيف الي مزال راقد
وصل المصحة
اول ما خش انتبه لآوسمه الي مسنده راسها ع الحيط وباين عليها الحزن
تنهد وخش لحجرة مراد
مراد كان دوبه كيف واعي
خنجر خش وسكر الباب
مراد:الناس اتقول صباح الخير او السلام عليكم مش دف خش ع طول
خنجر:خدي نفس عميق وشاف لمراد
مراد حس ان في شي
مراد:شن صاير!
تي كان ع سوسن عارفها نفخاتك ماتخافش اليوم ناوي نصارحها و
خنجر:قاطعه من امتى تعرف هالعيلة!؟
مراد:قصدك الي امهم تعبت امس
خنجر:اي
مراد:من حوالي ستة شهور تقريباً مهجرين من منطقتهم خدمت البنت عندي
خنجر:غمض عيونه وخدي نفس هي نفسها الي تبيها !؟
مراد:اي ليش تسآل
خنجر:ضحك بهزوه يعني هما هنا من شهوور
مراد:ااي خييرك
خنجر: هديم نفسهم الي كنت عندهم بسسبي اني طلعوا
مراد/بصدمة بجددد متآكد انت
خنجر: تنهد اي
مراد:باهي هما ماتلوحوا في الشارع البنت تخدم معززه مكرمه وراتبها يمشي ومغطي احتياجاتهم و
خنجر:وقبببلها شنووو مش تهجروو وطلعو من بيتهم يعلم الله المعاناه الي عانووها
مراد:شن الي في راسك انت
خنجر:تنهد
كل شي بسببي حالة هالمراه الي بين الحياة والموت بسببي يامرااد
مراد:ماتقول هكي كل شي مقدر ومكتوب الله غالب ربي رايد هكي
خنجر:واني السبب المراه فدتني بروحها وكانت عارفه انها حتعاني من وراي قبلت ادخلني لبيتها وعالجوني ووقفوا معاي واني شن درت مشيت وما لفيت وراي
مراد:أ
طق طق
مراد:تفضل
انفتح الباب
خنجر:😳😳😳😳😳
اوسمة:😳😳😳😳😳😳
مجرد ما شافت خنجر عرفاته ع طول استاكت وتشوفله بصدمة
خنجر نزل راسه وغمض عيونه كان متمني يختفي ماكان متمنيها اتشوفله هالنظره
اوسمة: آ آنت
ص صح وتآشر عليه
مراد:خلي نفهمك
اوسمه:شننننن بتفهمنييي شن هو الي فهمته غلللط لين بتفهمننني هذااا السببب في كلللل شي ربي ينتقممم منك حسبييي الله ونعم الوكييييييل فيييييك انتت السببب ياحقييييير وجت لخنجر تضرب فيه ع صدره
خنجر:واقف بدون اي ردفعل كان متمنيها اتزيد واطلع الغل الي داخلها
مراد :خلاااص اوسمة
اهدددي
اوسمه في هستيرية بكي ولمة المصحة بالكامل
حرقوو بيتنا
ضااع كللل شي
قرايتي وحياتي وتوا اميي كيف تبيني نهداا
الله لا تسامحك ربييي ينتقممم منننك 😭😭😭😭😭😭😭😭
واغمى عليها
رفعها مراد ويجري بيها
خنجر واقف وايشوف في كل شي قاعد يدمر
ايشوف في الحاضر الي بدي يكرر في الماضي
نهى:حبيبي
وليد:التفتلها بدون ما يتكلم
نهى:نطلعوا نتغدو برا اليوم والله خاطري
وليد:كان بيقول لا بس تنهد وهز براسه بمعنى باهي
نهى:فرحت ومن الفرحه باساته ع خده وناضت
وليد:غمض عيونه ومسح البوسة حس بغصه في داخله
في المصحة
وعت اوسمة وقلبت الدنيا ومُصره اطلع امها وتسيب الشغل
مراد قريب اهبل من قرارها
اوسمة:ماليكش علاقه فيا اكتبلي ورقة خرووج هياا😭
مراد:تي وييين بتمشي بيها امك تبي عناية فاائقة فكرري فيها راك حتقتليها هكي
اوسمه:مااادخلللك فيااا توا اطلعوهااا 😭😭😭
خنجر:تنهد وحاول يتمالك نفسه
آ
وايشوفوا في الممرضة جايه تجري
اوسمة:😳😳😭😭😭😭😭😭😭😭😭
مراد&خنجر:😳😳😳😳
#يتبع
هل قرار اوسمة حيتنفذ وحتاخد امها وتطلع؟
او حيصير شي حيقلب الموازين!
خنجر شن حيقول !؟وشن حيدير !؟ وهل الي حيديره حيآثر بعلاقته مع خوه!؟
مراد شن حيكون موقفه؟ وشن بيقول لسوسن!؟وهل حيصير الي في باله؟
عطوني رايكم وتوقعاتكم للرواية
ياريت كلام مش ملصقات💙
