امين : خلاص ماشي
هند : مفاجأة ايه يا ماما
الهام : هتعرفي لما نوصل ان شاء الله
هند : طب يلا نروح دلوقتي عشان مش هقدر اصبر كتير عايزه اعرف المفاجأه بسرعه
الهام : يلا
وكلهم ركبوا عربيتهم والهام كانت قدامهم لأنها هيا اللي عارفه المكان ووصلوا عند عماره وقفوا والكل استغرب من المكان اللي هما فيه
الهام خدتهم ودخلت العماره ووقفوا عند باب شقه في الدور الأول
الهام : مستعده يا هند
هند : اوووووي
الهام فتحت الباب وهند كانت مذهولة من اللي شافته
هند : انا مش مصدقه دي أجمل مفاجأه اتعملتلي في حياتي
الهام : مبسوطه
هند : ايه اللي مبسوطه دا انا طايره من الفرحه بس جبتيهم ازاي
الهام : لما روحت مع اسلام الشقه اللي كنتي عايشه فيها وانا بدور على حاجاتك لقيت الرسومات دي وعرفت انها بتاعتك عشان انتي كاتبه اسمك تحت في آخر اللوحه فقررت اعملك المعرض الصغير ده وان شاء الله تتشهري يا حبيبتي وتبقى افضل رسامه في الدنيا
هند حضنت الهام وبدموع : ربنا يخليكي ليا وميحرمنيش منك ابدا يا احلى واجمل وارق واحن ام في الدنيا كلها انا اسعد انسانه في الدنيا عشان عندي ام زيك ربنا يديمك نعمه في حياتي
الهام : ربنا ميحرمناش من بعض يا حبيبتي ربنا يقدرني وافضل اسعدك علطول
هند : آن شاء الله يا ماما
نرمين : الف مبروك يا هنون حلمك اتحقق اخيرا بقا
عقبال ما اشوفك افضل رسامة في الدنيا
هند : ربنا يخليكي ليا يا حبيبتي
سعاد : الف مبروك يا حبيبتي ومن نجاح لنجاح ان شاء الله
هند : الله يبارك في حضرتك يا طنط
امين : الف مبروك يا بنتي ما شاء الله رسوماتك جميله جدا ربنا يحفظك
هند : الله يبارك في حضرتك يا عمو
وفضلوا يحتفلوا وهند الفرحه مكنتش سيعاها وكانت بتشكر ربنا علي السعادة اللي هيا عايشة فيها
#. #. #
في إحدى المطاعم
أدهم : يابني مش كنا روحنا معاهم الحفله بدل ما احنا قاعدين كده
اسلام : لا ما انا عايزك في موضوع مهم
أدهم : خير
البارت ١٦ والاخير
Start from the beginning
