هلاو حبايب شونكم
يلا نبدي نكمل القصه
مشت زهراء بالحديقه وهيه تمشي وممنتبه وكعت بالحديقه شافوها زين وانور
زين:سلامتج عيني غير تنتبهين
مروان: خوما تأذيتي
زهراء: الله يسلمكم لا مبيه شي بس شويه صداع كلت اروح للنادي اشرب كهوه
زين: يلا خلي نروح كلنا لعد اني هم شفت انور وياسمين كاعدين بالنادي صدك مشفتي ايه
زهراء: يمكن بالحمامات هسه تجي
زهراء: حاولت تمشي بس رجله بقت تأذيها وبقت تتوجع من عدها
زين: تعالي استندي عليه اوصلج للنادي
زهراء: لا لا هسه تصير زينه
مروان: زهراء شنو رأيج ترحين للبيت اخاف تبقى تأذيج
زهراء: يي اني هم مالي خلك راح اخذ تكسي وارجع
للبيت احسن شي
زين: تاخذ تكسي ام راس
تعالي اني راح اوصلج تكسي شنو بعد
زهراء: لا ميحتاج ماريد اكلف عليك
مروان: لا تعاندين زهراء خلي زين يوصلج افضل كلشي يصير لا سامح الله
زين اخذ زهراء حتى يوصله لبيتهم
بالطريق ...................
زين: صدك ليش ما اخذج للدكتور نشوفها اخاف صاير بيها شي
زهراء: لا بس نلوت هسه شويه وتصير زينه
زين: هو اني ليش اخذ رأيج يلا ! هسه نروح نشوفها بدون معارضه ولا اعناد
زين اخذ زهراء للطبيب وطلع مبيها شي بس يحتاجله راحه
بعدين وصلها للبيت وتشكرت منه
ايه عرفت انو زين ماخذ زهراء البيتهم لأن مروان شرحلهم حالته
عدت فتره وانور خطب ياسمين
وياسمين وافقت وصار وقت الخطوبه
راحت ياسمين للصالون وجهزت نفسه ورجعت للبيت
ملاك لبست فستان فضي وخلت مكياج وردي وبقى شعرها مفوتوح
ومروان لبس قاط رصاصي
واجت زهراء وكانت لابسه فستان اسود وبي ذهبي وشعرها رافعته ليفوك وبعض الخصلات القليله النازله
ملاك: شافت زهراء جايه لج باعي ايه شوفي زهراء طالعه تخبل
ايه: يي هيه زهراء من يوم يومها حلوه
ملاك: اي عمري
هسه خلينه فرحانين وي ياسمين
تعالي ناخذ صور وياها
دخلو الشباب وي انور
راحت زهراء والبنات يمهم
زهراء: هلاو شباب
مروان: انتي منو😮
زهراء:😊😐
سيف: صدك شباب هاذي منو
زهراء: عابتلكم ترا والله اروح لا تسون هيج
مروان: لا نشاقه يمعوده وين ترحين بس طالعه تخبلين لو تجين كل يوم للدوام هيج جان هسه متزوجج وعدنه جهال
زهراء: لا حول الله ادري راح تخبلوني اليوم بس شسوي استحملكم امري ل الله
سيف: يلا تعالو جاي ياخذون صور خلي ناخذ صور وياهم حتى نروح ناكل لأن متت جوع
مروان: ههههه يلا ابو بطن خلي نروح
زين: يحجي وي زهراء صح طالعه حلو بس خليج مثل لبسج لا تغيري
زهراء: ليش خاف احد ينعجب بيه مثلاً ههههه
زين: اي احتمال حتى اني انعجب بيج ههههه
راحو الكل باركو للعرسان واخذوصور وياهم وبعدين اكلو وخلصت الحفله
مروان وسيف راحو وي زين لأن ابو بعده مجاي من السفر وقبل لا يرجعون للبيت قررون يسهرون برا لأن كان يوم جمعه وعدهم عطله
.....................................
ولهنا واختم وياكم حبايب
