هلاو حبايبي
ايه. لا والله تعبانه غير مره انشالله اطلع وياكم
ملاك. لا ايوته حبابه لترحين من زمان مطالعه ويانه مشتاقين لمتنه سوا
سيف. ماعليك بيها ملاك هاي تحجي وحده تطلع ويانه غصباً عليها
بعد دقائق وصلو ياسمين وانور وسلمو عليهم الشباب والبنات وطلعو للمطعم
في المطعم..............
ايه. شباب نسيت اكوللكم الجمعه حتنفتح مسابقه بمعرض للرسم واني مشاركه بيها تعالو للمعرض
ياسمين. ولج من شوكت ترسمين شو مندري
ايه. من طفولتي جنت احب الرسم ودائماً ارسم بس تركته وهسه صار فتره رجعت ارسم وشاركت بالمسابقه
مروان. كلش حلوو الله يوفقج انشالله كل احنه نجي ونشوف رسمتج
ايه. اي ياريت كلكم تجون
ايه بهاذي الفتره كانت دائماً مع سيف وعلاقتهم كلش حلوه سيف دائماً يطلب منه يطلعون سوا ويسئل عليها
جان معجب بيها ويريد يعترف اله وايه هم معجبه بي وقرر انو بيوم المسابقه يعترف اله
مروان. زهراء حضري نفسج ترحين ويانه
زهراء. يي انشالله
مروان. يعني هسه وين ياخذ زهراء وياا ويرحون وانور ياخذ ياسمين واني أمر ع الحلوه ام غمازه واخذه ويايه
وانت سيف خطيه تروح لوحدك
سيف. يعني هسه اني خطيه لأن ممتخذه ويايه بنيه من اكولك تافه متصدكني
الكل بقى يضحك على مروان
مروان. هسه أن كال عليه تافه بقيتو تضحكون 🙄😒
سيف. هيج احسن الك
صار يوم الجمعه والكل راحو للمعرض
استقبلت ايه أصدقائه وشوفتهم كل الوحات المعروضه
بعد ما اجت اللجنة الخاصه بالتقيم واجتمعت أصوات الفنانين وبعض المحاضرين
أعضاء اللجنه. مساء الخير للجميع وشكراًع حضوركم المميز
بأسمنا واسم بعض الفنانين راح نعلن عن الفائزه بهاذي المسابقه
الف مبروك للفنانه والرسامه الموهوبه ايه ..........
الف مبروك تصفيق مميز الان لأن الرسمه كانت تستاهل الفوز كانت خاليه من الأخطاء ومرسومه بدقه متناهية وخاليه من الأخطاء الف مبروك مره ثانيه
انسه ايه تكدرين تتفضلين ع الاستيج لحتى تستلمين الجائزة
بعدها صعدت ايه واخذت الجائزة
ايه. شباب بهاذي المناسبه اني عازمتكم ع غدا
سيف. اويلي اكل اني جوعان اهواي
مروان. انت بلا شفتك وشفتني جوعان
بعدها راحو الشباب كلهم لمطعم قريب ع المعرض
في المطعم...........
سيف. ايه اني اريد اكولج شي كدام الشباب
اني احبج واريدج زوجه الي
مروان. هلا هلا ما هذا المشهد الجميل
سيف. مجاوبتي يعني نكول السكوت علامة الرضا
ايه. خجلت وسكتت 😊😊
يزن والشباب الف مبروك 😍
خلص اليوم والشباب فرحانين
زهراء. يزن اريد اسئلك سؤال وتجاوبني بصراحه
يزن. اكيد الصراحه
زهراء. مروان يحب او لا
يزن. وانتي شعليج بمروان يحب او لا
زهراء. الحجي بيني وبينك ترا ملاك تحبه ومتكدر تحجي وبس اني اعرف بهذا الشي
يزن. اني ملاحظ هذا الشي ويمكن حتى مروان ملاحظ حبها اله بس يغشم نفسه
زهراء. برأيك شنو السبب
يزن. شوفي زهراء تعرفين احنا شباب ودائماً سوا واكيد احنا الشباب تصير سوالف بيناتنا مثل ما انتن تسولفن الصراحه كل فتره مروان يتعرف ع وحده جديده نكوله ليش يكول يعرفن اني مادور حب وارتباط هنه مجرد علاقات مؤقته
والصراح مروان مره كوليله و جان يحب بنت خاله وصار وياها حادث واتوفت وبعد ماحب وراها وهو بأيده دفنه يمكن هذا السبب الي ميخلي يحب ويرتبط
زهراء. خطيه قهرتني عليه
بس والله كسرت خاطري هاذي ملاك تحبه حيل
يزن. لا انشالله اني احاجي باجر ويصير خير
زهراء.انشالله يلا حنام بعد تصبح على خير
يزن. وانتي من اهل الخير
ثاني يوم بالجامعة ...........
خلصت المحاضرة ويزن اخذ مروان وبقو يمشون سوا بالحديقه
يزن. يي مروان شخبارك
مروان. والله بخير دامك بخير يالغالي
يزن. عساك بخير امورك العاطفيه شونه
..............................................
لهنا واختم وياكم حبايبي
