هلاو حبايب
بردهت الانتضار مروان يبجي والأول مره يشوفونه اصدقائه يبجي
يزن. حبي مروان كول يا الله انشالله مابيها شي لا تبجي
مروان. كوله بسببي اني ما انتبهت عليها واعرف بيها تدوخ من الأماكن العاليه لو بس كامشه جان موكعت واني اعرف بيها تخاف من المرتفاعات بس صعدت علمودي
يزن. لا تبقى تلوم نفسك هذا قضاء الله وقدره ادعيلها تكوم بسلامه
مروان. تدري هسه عرفت اني شكد احب ملاك وهو في عليها ذكرني بخوفي على ساره بنت خالي من صار وياها الحادث رحت للمستشفى نفس الرهبه والاحساس
مروان ماريد اخسرها مثل مخسرت ساره والله بس تصير زين اعترفله بحبي واروح اخطبها
يزن. انشالله تصير زينه وتنخطبون ونفرح بيكم
تعال غسل ملابسك عليهم دم
مروان. خليني كاعد اريد اسمع اخبارها
بعد ساعه من الانتضار طلع الدكتور من الغرفه
مروان. بشرني دكتور شون صارت
الدكتور. ما اكدر انطيكم كلمه هسه خلي تستعيد وعيها
ويصير خير انشالله
راح نخليها بالعنايه المركزيه لأن خسرت دم اهوايه وياريت تخبرون اهلها
سيف. اي دكتور انطيناهم خبر راح يجون
مروان بقى يلوم بنفسه والبنات يبجون
انور. يزن اني راح اخذ ياسمين للبيت لأن بس تبجي وبطنه بقت تأذيها
وانت وسيف اقنع مروان يروح لقيتهم راح يجون اهل ما لازم يشوفون هاذي حالته
واني وصيت ايه وزهراء يبقون يم ملاك
يزن. اوك حبيبي هو هم هيج اني راح اخذه للبيت ونبقى ع تواصل وي البنات وسيف يبقى وياهم
انت ديربالكك ع ياسمين الله وياكم
بالكوه يزن قنع مروان انو يروح لبيتهم وبقت ايه وسيف وزهراء وي ياسمين
بعد دقائق اجت ام ملاك واخوانها
امها بقت تعيط وتبجي وحاولن ايه وزهراء يسكتنه ويطمننها بس ماكو فائده
أخ ملاك الأكبر يحجي مع ايه لأن بهذا الوقت راح سيف يجيب مي للبنات
مشاركاتكم ما قصرتو انتي وزملائج اكيد تعبتو روحو ارتاحو
ايه. لا هذا واجبنا ملاك اختنا نريد نطمئن عليها ونروح
سجاد. الدكتور يكول احتمال بعد 24 ساعه يلا تكدر تستعيد وعيها خلي اوصلكم ع بيتكم واني اطمنكم عليها
ايه. يي احنا هم ممتأذين لأهلنا احنا بالمستشفى
سجاد. يلا تعالو اوصلكم
ايه. لا تسلم هذا اجه خطيبي يوصلنا
بهاذي الفتره سيف خطب ايه وأهلها وافقو
سيف. السلام عليكم
سجاد. وعليكم السلان تفضل هذا رقمي واني اطمنكم عليها
مرت ليله كامله وملاك بالعنايه المركزه والكل خايف عليها ويدعيلها تصير زينه
وحالت مروان كانت لا يرثى الها ويكسر الخاطر وكلما ينام ويفز مرعوب ويصيح بأسمها
ويزن و سيف سهرانين يمه وكلما يفز يطمنونه ويكلوله هي بخير حتى بس يهدأ
ثاني يوم ملاك استاعدة وعيها وفتحت عينها واجه الطبيب كشف عليها كانت حالتها مستقرة لاكن تعبانه كلش وبس ساكته
سجاد اتصل ع سيف وطمنهم وسيف خبر الشباب واتصل ع الشباب وراحو كلهم للمستشفى
لما وصلو وصاهم الدكتور بدون ضوضاء حتى لا يأثرون ع ملاك لأن حالته الصحية بعدهي تعبانه
اول شخص دخل للغرفه مروان ودخلو ورا الشباب
وملاك من شافتهم ابتسمت
مروان. ما اتحمل وخانته دموعه ونزلت وملاك فرحت من شافت خوف مروان عليها بقة كاعدين مها تريد الساعه وبعدها سلمو وأتمنو الها الشفاء العاجل عليها وانطوها ورد وحلويات
من طلعو كلهم مروان بقى كاعد يمها
يزن. مروان يا اطلع راح تجي امها
مروان. يزن بس ثواني انتظرني بالباب احجي وياها واجي
يزن. اوك استعجل من يجي حد ادخل للغرفه
مروان. اوك ما اتأخر
اقترب مروان من ملاك وكمش ايدها. ملاك وشاورها.
ملاك احبج صيري زينه بسرعه حتى اجي اخطبج
ياسمين. رغم كل الالم الجان تعاني منه لاكن فرحتها ما تنوصف وهي تسمع كلمة احبج من مروان
ورغم تعبانه وصعوبة نطقها وكالتله احبك
..............................................
ولهنا واختم وياكم حبايب
