ﻣﻊ ﻗﺎﻟﻬﺎ ﻫﺰ ﺍﻟﺨﻨﺠﺮ ﻟﻔﻮﻕ ﻭ ﺧﺸﺎﻩ ﻓﺒﻄﻦ ﺟﻮﻻﻥ ﺑﻘﻮﺓ ... ﺗﺴﻤﻌﺎﺕ ﺻﺮﺧﺘﻬﺎ ﻓﺂﺫﺍﻥ ﺭﺋﺒﺎﻝ ﺑﺤﺎﻝ ﻻ ﺭﺷﮕﺘﻲ ﻓﻴﻪ ﺁﻻﻑ ﺍﻹﺑﺮ ... ﻟﻜﻦ ﻣﻨﻈﺮﻫﺎ ﺷﻠﻠﻮ ﻭ ﻣﺰﻕ ﺻﺪﺭﻭ ﻷﺷﻼﺀ ...
ﻋﻨﻴﻪ ﺭﺟﻌﻮ ﺣﻤﺮﻳﻴﻴﻦ ﻭ ﺑﻐﺎﻭ ﻳﺨﺮﺟﻮ ﻣﻦ ﻣﻜﺎﻧﻬﻢ ﻭ ﻫﻮ ﻛﻴﺸﻮﻑ ﻓﺠﻮﻻﻥ ﺷﺎﺩﺓ ﻓﻜﺮﺷﻬﺎ ﻭ ﻛﺘﻨﺰﻑ ... ﻳﺪﻳﻪ ﻃﺎﻟﻘﻬﻢ ﻛﻴﺘﺮﻋﺪﻭ ... ﺑﻐﺎ ﻳﺘﺤﺮﻙ ﻭ ﻫﻮ ﻳﻘﻮﻝ ﺳﻠﻄﺎﻥ ﺍﻟﻲ ﺷﺎﺩ ﻓﺠﻮﻻﻥ ﺑﺈﺣﻜﺎﻡ ...
ﺳﻠﻄﺎﻥ : ﺗﻘﺮﺏ ﻫﺎﺩ ﻟﻤﺮﺓ ﺗﺠﻲ ﻓﻘﻠﺒﻬﺎ
ﺭﺋﺒﺎﻝ : ﺧﻠﻴﻨﻲ ﻧﺨﺮﺟﻬﺎ ﻣﻦ ﻫﻨﺎ ... ﻭ ﻏﻨﺮﺟﻊ ﻭ ﺩﻳﻚ ﺍﻟﺴﺎﻉ ﺩﻳﺮ ﺍﻟﻲ ﺑﻐﻴﺘﻲ
ﺳﻠﻄﺎﻥ : " ﺿﺤﻚ ﺑﺼﻮﺕ ﻣﺮﺗﻔﻊ " ﻫﻬﻬﻬﻬﻪ ... ﻣﺎﺷﻲ ﻫﺎﺩﺷﻲ ﻻﺵ ﺧﻄﻄﺖ ... ﻛﻨﺖ ﺑﺎﻏﻲ ﻧﺴﺘﻤﺘﻊ ﺑﻴﻬﺎ ﻗﺒﻞ ﻣﺎﻧﺴﻴﻔﻄﻬﺎ ﻟﻴﻚ ﺑﻼ ﺭﻭﺡ ... ﻟﻜﻦ ﻧﺘﺎ ﺟﻴﺘﻲ ﺭﻏﻢ ﺍﻹﻧﺬﺍﺭ ﺍﻟﻲ ﻋﻄﻴﺘﻬﺎ ... ﺩﺍﻛﺸﻲ ﻋﻼﺵ ﺧﺎﺻﻬﺎ ﺗﻌﺎﻗﺐ ... ﻭ ﻣﺰﻳﺎﻥ ﻣﻨﻴﻦ ﻧﺘﺎ ﺣﺎﺿﺮ ﺑﺎﺵ ﻧﺸﻮﻑ ﻫﺎﺩ ﺍﻟﻨﻈﺮﺓ ﺍﻟﻲ ﻋﻠﻰ ﻭﺟﻬﻚ
ﺭﺋﺒﺎﻝ : ﻫﻲ ﺷﻨﻮ ﺫﻧﺒﻬﺎ
ﺳﻠﻄﺎﻥ : ﺍﻧﻬﺎ ﺗﺰﻭﺟﺎﺕ ﻭﺍﺣﺪ ﺑﺤﺎﻟﻚ ﻫﻬﻪ ... ﻭ ﺭﺍﺳﻬﺎ ﻗﺎﺻﺢ ﻭ ﺳﺎﺫﺟﺔ ﺑﻼ ﻗﻴﺎﺱ ... ﺟﺎﻳﺔ ﺗﻌﺘﻖ ﺻﺎﺣﺒﺘﻬﺎ ﻭ ﻣﺨﺎﻓﺘﺶ ﻋﻠﻰ ﺭﺍﺳﻬﺎ
ﺭﺋﺒﺎﻝ : " ﺑﻌﺼﺒﻴﺔ " ﻃﻠﻘﻬﺎﺍﺍﺍ ﻭ ﺩﻳﺮ ﻓﻴﺎﺍﺍ ﺍﻟﻲ ﺑﻐﻴﺘﻴﻴﻴﻲ
ﺳﻠﻄﺎﻥ : " ﺟﺒﺪ ﻟﻌﻴﺒﺔ ﺻﻐﻴﺮﺓ ﻣﻦ ﺟﻴﺒﻮ " ﻋﺮﻓﺘﻲ ﺷﻨﻮ ﻫﻲ ﻫﺎﺩﻱ ... ﺿﻐﻄﺔ ﻭﺣﺪﺓ ﻭ ﺑﻮﻭﻭﻡ ... ﻫﺎﺩ ﺍﻟﺪﺍﺭ ﺗﺮﺟﻊ ﺗﺮﺍﺏ ... ﻭ ﻫﺎﺩﻱ ﻏﺘﻜﻮﻥ ﻫﻲ ﻧﻬﺎﻳﺘﻚ ﺑﻌﺪﻣﺎ ﺿﻤﺮﺗﻲ ﻣﺠﻬﻮﺩﺍﺕ ﺳﻨﻮﺍﺕ
ﺭﺋﺒﺎﻝ : " ﻣﺰﻳﺮ ﻋﻠﻰ ﻓﻜﻮ " ﺧﺮﺝ ﻧﺘﺎ ﻭﻳﺎﻫﺎ ﻭ ﻓﺮﮔﻊ ﺍﻟﺪﺍﺭ ﻛﻴﻒ ﺑﻐﻴﺘﻲ
ﺟﻮﻻﻥ : " ﺑﻜﻞ ﻗﻮﺗﻬﺎ " ﻻﺍﺍﺍﺍ " ﻛﺘﻠﺘﺎﻗﻂ ﺍﻧﻔﺎﺳﻬﺎ ﻭ ﺩﻣﻮﻋﻬﺎ ﻏﺎﺩﻳﻴﻦ " ﻻﺍﺍﺍﺍﺍ
ﺭﺋﺒﺎﻝ : " ﺷﺎﻑ ﻓﻴﻬﺎ ﺑﺄﺳﻒ " ﺳﻤﺤﻲ ﻟﻴﺎ ﺣﺒﻴﺒﺘﻲ
ﺳﻠﻄﺎﻥ : ﻣﺎﺑﻐﻴﺘﺶ ﻧﻘﺎﻃﻌﻜﻢ ﻭ ﻟﻜﻦ ﻋﺠﺒﻨﻲ ﺍﻗﺘﺮﺍﺣﻮ ... ﻧﺘﺎ ﺗﻤﻮﺕ ﻭ ﻫﺎﺩﺷﻲ ﺍﻟﻲ ﻫﺎﺯﺓ ﻫﻲ ﻳﻤﻮﺕ ﺣﺘﻰ ﻫﻮ " ﺷﺪ ﻓﻴﺪﻫﺎ ﻭ ﺟﺮ ﺍﻟﺨﺎﺗﻢ ﻣﻦ ﺻﺒﻌﻬﺎ ﻭ ﻻﺣﻮ ﻓﻠﺮﺽ " ﻭ ﻫﻲ ﻏﺘﺮﺟﻊ ﺩﻳﺎﻟﻲ ﻭ ﻧﺪﻳﺮ ﻓﻴﻬﺎ ﻣﺎ ﺑﻐﻴﺖ
ﻣﻊ ﺁﺧﺮ ﻛﻠﻤﺔ ﻗﺎﻝ ... ﺗﻬﺮﺳﺎﺕ ﻗﺮﻋﺔ ﺍﻟﺰﺍﺝ ﻓﻮﻕ ﺭﺍﺱ ﺳﻠﻄﺎﻥ ... ﻃﻠﻖ ﻣﻦ ﺟﻮﻻﻥ ﻭ ﻫﻲ ﻃﻴﺢ ﻓﺎﻷﺭﺽ ... ﻃﺎﺡ ﺳﻠﻄﺎﻥ ﺟﻨﺒﻬﺎ ﻭ ﺧﻂ ﺩﻳﺎﻝ ﺍﻟﺪﻡ ﻫﺎﺑﻂ ﻣﻦ ﺭﺍﺳﻮ ... ﺷﺎﻑ ﺭﺋﺒﺎﻝ ﻓﺎﻟﺪﺭﻱ ﺍﻟﻲ ﻭﺍﻗﻒ ﻣﻦ ﻭﺭﺍﻩ ... ﻭ ﻫﺮﻉ ﻟﻌﻨﺪ ﺟﻮﻻﻥ ... ﻃﺎﺡ ﻋﻠﻰ ﺭﻛﺎﺑﻴﻪ ﺣﺪﺍﻫﺎ ﻭ ﻫﺰ ﻟﻴﻬﺎ ﺭﺍﺳﻬﺎ ﻋﻨﺪﻭ ...
ﺟﻮﻻﻥ : " ﻛﺘﺒﻜﻲ " ﺭﺋﺒﺎﺍﺍﻝ ﺑﻨﺎﺗﻲ
ﺭﺋﺒﺎﻝ : ﺟﻮﻻﻥ ... ﻣﺎﺗﺨﺎﻓﻴﺶ ... ﻣﻐﺎﺩﻱ ﻳﻮﻗﻊ ﻟﻴﻜﻢ ﻭﺍﻟﻮ
ﺟﻮﻻﻥ : ﻋﺘﻘﻬﻢ ﻋﻔﺎﺍﺍﺍﻙ
ﺭﺋﺒﺎﻝ : " ﺗﻜﻠﻢ ﻣﻊ ﺣﺴﺎﻡ " ﻛﺎﻳﻦ ﺷﻲ ﺗﻴﻠﻴﻔﻮﻥ ﻫﻨﺎ ؟
ﺣﺴﺎﻡ : ﺁﻩ ﻛﺎﻳﻦ
ﺭﺋﺒﺎﻝ : ﺟﻴﺒﻮ ﺩﻏﻴﺎ ... ﺳﺮﺑﻲ
ﺩﺧﻞ ﺣﺴﺎﻡ ﻟﻠﻐﺮﻓﺔ ﻭ ﺧﺮﺝ ﻫﺎﺯ ﻣﻌﺎﻩ ﺍﻟﻔﻮﻥ ... ﻣﺪﻭ ﻟﺮﺋﺒﺎﻝ ﺍﻟﻲ ﺧﺪﺍﻩ ﻭ ﺩﻭﺯ ﺃﺑﻴﻞ ﻟﻬﺎﺗﻔﻮ ... ﺻﻮﻧﺎ ﺷﻮﻳﺔ ﻋﺎﺩ ﺗﻔﺘﺢ ﺍﻟﺨﻂ ...
ﺭﺋﺒﺎﻝ : ﺯﻳﻨﺐ ... ﺧﺪﻣﻲ ﺍﻟﻠﻮﻃﻮ ﻭ ﺟﻲ ﻟﻘﺪﺍﻡ ﺍﻟﺪﺍﺭ ... ﺳﺮﺑﻲ ﺩﻏﻴﺎ
ﻗﻄﻊ ﻣﻌﻬﺎ ﻭ ﻫﺰ ﺟﻮﻻﻥ ﺑﻴﻦ ﻳﺪﻳﻪ ... ﺗﻢ ﺧﺎﺭﺝ ﻣﻦ ﺍﻟﺪﺍﺭ ... ﺗﻠﻔﺖ ﺑﺎﻥ ﻟﻴﻪ ﺣﺴﺎﻡ ﻭﺍﻗﻒ ﻛﻴﺸﻮﻑ ﻓﺴﻠﻄﺎﻥ ﺍﻟﻲ ﻣﻠﻴﻮﺡ ﻓﻸﺭﺽ ﻭ ﻗﺎﻝ ...
ﺭﺋﺒﺎﻝ : ﺗﺒﻌﻨﻴﻴﻴﻲ
ﺗﺨﻄﻰ ﺣﺴﺎﻡ ﺳﻠﻄﺎﻥ ﻭ ﺗﺒﻊ ﺭﺋﺒﺎﻝ ... ﻭﻗﻒ ﺭﺋﺒﺎﻝ ﻫﺎﺯ ﺟﻮﻻﻥ ﺑﻴﻦ ﻳﺪﻳﻪ ﻭ ﺍﻟﺸﺘﺎ ﺧﻴﻂ ﻣﻦ ﺍﻟﺴﻤﺎ ... ﺑﺎﻧﺖ ﻟﻴﻪ ﺍﻟﺴﻴﺎﺭﺓ ﺟﺎﻳﺔ ... ﻭﻗﻔﺎﺕ ﺯﻳﻨﺐ ﺑﻐﺎﺕ ﺗﺨﺮﺝ ﻭ ﻫﻮ ﻳﻤﻨﻌﻬﺎ ...
ﺭﺋﺒﺎﻝ : ﺧﻠﻴﻚ " ﺷﺎﻑ ﻓﺠﻮﻻﻥ " ﺯﻳﻨﺐ ﻏﺎﺩﻱ ﺗﺪﻳﻚ ﻟﻠﺴﺒﻴﻄﺎﺭ ... ﻭ ﺃﻧﺎ ﺷﻮﻳﺔ ﻭ ﻧﺨﻠﻂ ﻋﻠﻴﻚ
ﺟﻮﻻﻥ : " ﺷﺪﺍﺕ ﻓﻴﻪ ﺑﻴﺪﻳﻬﺎ ﺑﺠﻮﺝ ﻣﻦ ﺗﺮﻳﻜﻮﻩ " ﻝ ﻻﺍﺍ ... ﻳﺎﻻﻩ ﻣﻌﻨﺎ ... ﻡ ﻣﺎﺗﺨﻠﻨﻴﺶ ﺑﻮﺣﺪﻱ ... ﺍﻧﺎ ﻣﺤﺘﺠﺎﺍﺍﻙ
ﺭﺋﺒﺎﻝ : " ﺣﻄﻬﺎ ﺩﺍﺧﻞ ﺍﻟﺴﻴﺎﺭﺓ ﻓﺎﻟﺨﻠﻒ " ﺑﻘﺎﻱ ﺣﺎﻟﺔ ﻋﻨﻴﻚ ﻭ ﺧﻠﻴﻚ ﻗﻮﻳﺔ ﻋﻠﻰ ﻗﺒﻞ ﺑﻨﺎﺗﻨﺎ ... ﺃﻧﺎ ﺩﻏﻴﺎ ﻧﺘﺒﻌﻜﻢ " ﻗﺒﻠﻬﺎ ﻣﻦ ﻓﻤﻬﺎ ﻭ ﺣﻴﺪ ﻳﺪﻳﻬﺎ ﻣﻦ ﺗﺮﻳﻜﻮﻩ " ﻛﻨﺒﻐﻴﻴﻴﻚ ﺣﺒﻴﺒﺘﻲ
ﺧﺮﺝ ﺭﺍﺳﻮ ﻣﻦ ﺍﻟﺴﻴﺎﺭﺓ ﻭ ﻗﺎﻝ ﻟﺤﺴﺎﻡ ...
ﺭﺋﺒﺎﻝ : ﺳﻴﺮ ﻣﻌﺎﻫﻢ " ﻗﺮﺏ ﻟﻌﻨﺪ ﺯﻳﻨﺐ " ﺯﻳﻨﺐ ﺳﻮﻗﻲ ﺑﺤﺬﺭ ... ﺍﻟﻄﺮﻳﻖ ﻓﺎﺯﮔﺔ ﺭﺩﻱ ﻟﺒﺎﻝ ... ﺟﻮﻻﻥ ﺃﻣﺎﻧﺔ ﻋﻨﺪﻛﻢ
ﺯﻳﻨﺐ : " ﺩﻣﻮﻋﻬﺎ ﻏﺎﺩﻳﻴﻦ " ﻭﺍﺧﺔ ﺍﺧﻮﻳﺎ
ﺭﻛﺐ ﺣﺴﺎﻡ ﺟﻨﺐ ﺯﻳﻨﺐ ﻭ ﻫﻲ ﺩﻳﻤﺎﺭﻱ ... ﺑﻘﻰ ﺭﺋﺒﺎﻝ ﻭﺍﻗﻒ ﻛﻴﺸﻮﻑ ﻓﻴﻬﻢ ﺣﺘﻰ ﺑﻌﺪﻭ ﻭ ﺭﺟﻊ ﺩﺧﻞ ﻟﻠﻜﻮﺥ ...
ﺣﺴﺎﻡ ﺷﺎﻑ ﻓﺰﻳﻨﺐ ﻭ ﺿﺎﺭ ﻟﻌﻨﺪ ﺟﻮﻻﻥ ﺍﻟﻲ ﻣﺴﺮﺣﺔ ﻓﺎﻟﻜﺮﺳﻲ ﺍﻟﻠﻮﺭ ... ﺣﻞ ﻳﺪﻭ ﻛﺎﻥ ﻭﺳﻄﻬﺎ ﺧﺎﺗﻢ ﺯﻭﺍﺝ ﺟﻮﻻﻥ ... ﺍﻟﻲ ﺍﻟﺘﺎﻗﻄﻮ ﻣﻦ ﺍﻷﺭﺽ ... ﻓﺎﺵ ﺩﻓﻌﺎﺗﻮ ﺯﻳﻨﺐ ﻭ ﻫﺮﺑﺎﺕ ... ﺟﺎ ﺭﺍﺳﻮ ﻋﻠﻰ ﻛﺎﺩﺭ ﺍﻟﺴﺮﻳﺮ ﻭ ﻏﺎﺏ ﻋﻠﻰ ﺍﻟﻮﻋﻲ ... ﻭ ﻣﻨﻴﻦ ﻓﺎﻕ ﺧﺮﺝ ﻭ ﺷﺎﻑ ﺩﺍﻙ ﺍﻟﻤﻨﻈﺮ ... ﺩﻳﺎﻝ ﺟﻮﻻﻥ ﺍﻟﻲ ﻛﺘﻨﺰﻑ ﻭ ﺳﻠﻄﺎﻥ ﺷﺎﺩﻫﺎ ﻋﻨﺪﻭ ...
ﻫﻮ ﺳﻠﻄﺎﻥ ﻋﺘﻘﻮ ﻣﻦ ﺍﻟﺰﻧﻘﺔ ﺑﻌﺪ ﻣﻮﺕ ﻭﺍﻟﺪﻳﻪ ... ﻭ ﺍﻋﺘﻨﻰ ﺑﻴﻪ ﻣﻘﺎﺑﻞ ﻳﺨﺪﻡ ﻋﻨﺪﻭ ... ﻭ ﺭﻏﻢ ﺻﻐﺮ ﺳﻨﻮ ﺍﻻ ﺍﻧﻪ ﻛﺎﻥ ﺫﻛﻲ ﻭ ﻓﻄﻦ ... ﻭ ﻫﺎﺩﺷﻲ ﺧﻠﻰ ﺳﻠﻄﺎﻥ ﻳﺨﻠﻴﻪ ﺟﻨﺒﻮ ﻭ ﻛﻠﻔﻮ ﻳﺮﺍﻗﺐ ﺟﻮﻻﻥ ﺣﻴﻨﺖ ﻣﻐﺎﺩﻳﺶ ﻳﺠﻴﺐ ﺍﻟﺸﺒﻬﺎﺕ ...
ﻟﻜﻦ ﺣﺴﺎﻡ ﺣﺲ ﺑﺄﻥ ﺍﻟﻲ ﻛﻴﺪﻳﺮﻭ ﺳﻠﻄﺎﻥ ﺧﻄﺄ ... ﺧﺎﺻﺔ ﺃﺫﻳﺔ ﺍﻣﺮﺃﺓ ﺣﺎﻣﻞ ... ﺑﺎﻧﺖ ﻟﻴﻪ ﺍﻟﻘﺮﻋﺔ ﻓﻮﻕ ﺍﻟﻄﺒﻠﺔ ﻭ ﻫﺰﻫﺎ ﺷﺨﺸﺨﻬﺎ ﻋﻠﻰ ﺭﺍﺳﻮ ... ﻣﺎﻓﻜﺮﺵ ﻓﻌﻮﺍﻗﺐ ﺍﻓﻌﺎﻟﻮ ﻭ ﻻ ﺷﻨﻮ ﻣﻤﻜﻦ ﻳﻮﻗﻊ ﻟﻴﻪ ﻋﻠﻰ ﻳﺪﻳﻦ ﺳﻠﻄﺎﻥ ﻣﻦ ﺑﻌﺪ ﻓﺪﻳﻚ ﺍﻟﻠﺤﻈﺔ ...
ﻓﻘﻂ ﺩﺍﺭ ﺍﻟﺸﻲﺀ ﺍﻟﺼﺤﻴﺢ ... ﻣﺪ ﻳﺪﻭ ﻭ ﺷﺪ ﻓﻴﺪ ﺟﻮﻻﻥ ﺍﻟﻲ ﻛﺎﻧﺖ ﻣﺰﻳﺮﺓ ﻋﻠﻴﻬﺎ ... ﻓﺘﺤﻬﺎ ﻭ ﺩﺍﺭ ﻟﻴﻬﺎ ﺍﻟﺨﺎﺗﻢ ﻭﺳﻂ ﻳﺪﻫﺎ ﻭ ﺭﺟﻊ ﺳﺪ ﻗﺒﻈﺘﻬﺎ ...
ﺩﻓﻊ ﺭﺋﺒﺎﻝ ﺍﻟﺒﺎﺏ ﻭ ﺩﺧﻞ ... ﺑﺎﻥ ﻟﻴﻪ ﺍﻟﻤﻜﺎﻥ ﺍﻟﻲ ﻛﺎﻥ ﻓﻴﻪ ﺳﻠﻄﺎﻥ ﺧﺎﻭﻱ ﻭ ﺑﻘﻌﺔ ﺻﻐﻴﺮﺓ ﺩﻳﺎﻝ ﺍﻟﺪﻡ ﻓﻠﺮﺽ ... ﺩﺍﺭ ﺧﻄﻮﺓ ﻟﻠﺪﺍﺧﻞ ... ﻟﻤﺢ ﺧﻴﺎﻝ ﻣﻦ ﻭﺭﺍﻩ ﻭ ﻫﻮ ﻳﺘﺤﺮﻙ ﺑﺴﺮﻋﺔ ... ﺟﺎ ﺍﻟﻜﺮﺳﻲ ﺍﻟﻲ ﻛﺎﻥ ﻫﺎﺯ ﺳﻠﻄﺎﻥ ﻓﺎﻻﺭﺽ ﻭ ﺗﻬﺮﺱ ﻷﺟﺰﺍﺀ ...
ﺭﺋﺒﺎﻝ ﻣﺎﺧﻼﺵ ﻟﻴﻪ ﺍﻟﻔﺮﺻﺔ ﻫﺠﻢ ﺑﺨﻔﺔ ﻭ ﻋﻄﺎﻩ ﺭﻛﻠﺔ ﻟﺠﻨﺒﻮ ﺣﺘﻰ ﺗﺴﻤﻌﺎﺕ ﻃﻘﻄﻘﺔ ﺿﻠﻮﻋﻮ ... ﻃﺎﺡ ﺳﻠﻄﺎﻥ ﻋﻠﻰ ﺭﻛﺎﺑﻴﻪ ﺷﺎﺩ ﻓﺠﻨﺒﻮ ... ﻫﺰ ﺭﺋﺒﺎﻝ ﺍﻟﺨﻨﺠﺰ ﻭ ﺷﺪﻭ ﻣﻦ ﻋﻨﻘﻮ ﻫﺰﻭ ... ﺣﻜﻤﻮ ﻣﺰﻳﺎﻥ ﻭ ﺣﻂ ﺍﻟﺨﻨﺠﺮ ﻋﻠﻰ ﺭﻗﺒﺘﻮ ...
ﺭﺋﺒﺎﻝ : ﺍﻷﺩﻭﺍﺭ ﺗﻌﻜﺴﺎﺕ ﺩﺍﺑﺔ
ﺳﻠﻄﺎﻥ : " ﻫﺰ ﻳﺪﻭ ﺍﻟﻲ ﻓﻴﻬﺎ ﺩﺍﻙ ﺍﻟﺠﻬﺎﺯ ﺍﻟﺼﻐﻴﺮ " ﻻ ﻗﺘﻠﺘﻴﻨﻲ ... ﻏﺘﻤﻮﺕ ﺣﺘﻰ ﻧﺘﺎ ﻫﻬﻬﻪ
ﺭﺋﺒﺎﻝ : ﻃﻌﻨﺘﻲ ﻣﺮﺗﻲ ﻓﻜﺮﺷﻬﺎ ... ﺃﻛﺜﺮ ﺣﺎﺟﺔ ﺑﺎﻏﻲ ﻓﻬﺎﺩ ﺍﻟﻠﺤﻈﺔ ﻫﻲ ﻣﻮﺗﻚ
ﺳﺪ ﺭﺋﺒﺎﻝ ﻋﻨﻴﻪ ﻭ ﺩﻭﺯ ﺍﻟﺨﻨﺠﺮ ﻋﻠﻰ ﺭﻗﺒﺔ ﺳﻠﻄﺎﻥ ﻧﺤﺮﻭ ...
ﻓﺎﻟﺴﻴﺎﺭﺓ ﺗﺴﻤﻊ ﺻﻮﺕ ﺍﻧﻔﺠﺎﺭ ... ﺧﻠﻰ ﺯﻳﻨﺐ ﻫﻲ ﻭ ﺣﺴﺎﻡ ﻳﺘﻠﻔﺘﻮ ﻟﻠﺨﻠﻒ ... ﺑﺎﻧﺖ ﻟﻴﻬﻢ ﺍﻟﻌﺎﻓﻴﺔ ﻭ ﺍﻟﺪﺧﺎﺧﻦ ﻃﺎﻟﻌﺔ ﻟﻠﺴﻤﺎ ... ﻣﻊ ﺷﻬﻘﺎﺕ ﺯﻳﻨﺐ ﺗﺴﺪﻭ ﻋﻨﻴﻦ ﺟﻮﻻﻥ ... ﻃﻠﻘﺎﺕ ﻳﺪﻫﺎ ﺟﻨﺒﻬﺎ ﻭ ﻃﺎﺡ ﺍﻟﺨﺎﺗﻢ ...
''' ﻭﺍﻗﻒ ﺑﻠﺒﺎﺳﻮ ﺍﻷﺳﻮﺩ ﻣﻘﺎﺑﻞ ﻣﻊ ﺑﻮﺍﺑﺔ ﺍﻟﻤﺪﺭﺳﺔ ... ﻛﻠﺸﻲ ﺗﻐﻴﺮ ﻣﻦ ﺣﻮﻟﻬﺎ ... ﻟﺒﻨﺎﻳﺎﺕ ﺯﺍﺩﻭ ﻋﻼﻭ ﻭ ﺍﻟﺸﻮﺍﺭﻉ ﺗﻘﺎﺩﻭ ... ﺍﻻ ﺍﻟﻤﺪﺭﺳﺔ ﻣﺰﺍﻝ ﻛﻴﻒ ﻫﻲ ... ﻧﻔﺲ ﺍﻟﺒﺎﺏ ﻧﻔﺲ ﺍﻟﺠﺪﺭﺍﻥ ...
ﺍﻟﺮﺻﻴﻒ ﺍﻟﻲ ﻛﺎﻥ ﻛﻴﺠﺮﻱ ﻓﻴﻪ ﺷﺤﺎﻝ ﻫﺬﺍ ﻭ ﻫﻮ ﺭﺍﺟﻊ ﻟﻠﺪﺍﺭ ... ﻛﺎﻥ ﻳﺘﻌﺜﺮ ﻓﺎﻟﺤﺠﺮ ﻭ ﻳﺠﻲ ﻋﻠﻰ ﺭﻛﺒﺘﻮ ... ﻛﻴﺮﺟﻊ ﻟﻠﺪﺍﺭ ﺑﺎﻛﻲ ﻭ ﻳﺘﺸﻜﻰ ﻟﻴﻬﺎ ﻣﺘﻮﻗﻊ ﺃﻧﻬﺎ ﺗﻌﻨﻘﻮ ﻭ ﻃﺒﻄﺐ ﻋﻠﻴﻪ ...
ﻟﻜﻨﻬﺎ ﻛﺎﻧﺖ ﺗﺰﻳﺪ ﺗﺄﻧﺒﻮ ﻋﻠﻰ ﻋﺪﻡ ﺗﻮﺧﻴﻪ ﺍﻟﺤﺬﺭ ﻭ ﺑﻌﺪﻫﺎ ﺗﻌﺎﻟﺞ ﻟﻴﻪ ﺍﻟﺠﺮﻭﺡ ﺍﻟﻲ ﻋﻠﻰ ﺭﻛﺒﺘﻮ ﺍﻟﺼﻐﻴﺮﺓ ... ﻧﻔﺲ ﺍﻟﺮﺻﻴﻒ ﻟﻜﻦ ﺩﺍﺑﺔ ﺭﺟﻊ ﺃﻣﻠﺲ ﻭ ﻧﻈﻴﻒ ﻣﻦ ﺍﻱ ﺣﺠﺮ ... ﻛﺎﻥ ﻛﻠﺸﻲ ﻛﻴﺒﺎﻥ ﻟﻴﻪ ﺿﺨﻢ ﻭﻗﺘﻬﺎ ﻭ ﺣﺎﻟﻴﺎ ﺃﺻﺒﺤﺖ ﺍﻷﺷﻴﺎﺀ ﺃﺻﻐﺮ ﻭ ﺃﺻﻐﺮ ...
ﺳﻤﻊ ﺻﻮﺕ ﻣﺄﻟﻮﻑ ﻣﻦ ﺧﻠﻔﻮ ... ﺿﺎﺭ ﺑﺸﻮﻳﺔ ﺣﺘﻰ ﺗﻘﺎﺑﻞ ﻣﻌﻬﺎ ... ﻧﻔﺲ ﺍﻟﺼﻮﺭﺓ ﻧﻔﺲ ﺍﻟﻤﻼﺑﺲ ﺍﻟﺒﺴﻴﻄﺔ ﻭ ﻧﻔﺲ ﺍﻟﻨﻈﺎﺭﺍﺕ ... ﻟﻜﻦ ﻋﻼﺵ ﺣﺠﻤﻬﺎ ﻛﻴﺒﺎﻥ ﺃﺻﻐﺮ ﻛﻴﻒ ﺑﺎﻗﻲ ﺍﻷﺷﻴﺎﺀ ﻫﻨﺎ ... ﻣﺎﺷﻲ ﻫﺎﻛﺔ ﻛﺎﻥ ﻳﺘﺨﻴﻠﻬﺎ ﻭ ﻳﺸﻮﻓﻬﺎ ﻓﺄﺣﻼﻣﻮ ...
ﻭﺍﻗﻔﺔ ﻓﺎﻟﺠﺎﻧﺐ ﺍﻵﺧﺮ ﻣﻦ ﺍﻟﺸﺎﺭﻉ ... ﻛﺘﺸﻮﻑ ﻓﻴﻪ ﺑﻌﻨﻴﻬﺎ ﺍﻟﺤﺰﻳﻨﺘﻴﻦ ﺗﺤﺖ ﺯﺟﺎﺝ ﺍﻟﻨﻈﺎﺭﺍﺕ ... ﻫﺰﺍﺕ ﻳﺪﻫﺎ ﻭ ﻟﻮﺣﺎﺕ ﻟﻴﻪ ... ﻭ ﺃﺧﻴﺮﺍ ﺳﻤﻊ ﺻﻮﺗﻬﺎ ﺑﻮﺿﻮﺡ ﻭ ﻫﻲ ﻛﺘﻨﺎﺩﻳﻪ ﻣﻦ ﺟﺪﻳﺪ ...
ﺭﺑﺎﺏ : ﺇﻳﻠﻴﺎﺍﺍﺍ
ﺑﻐﻰ ﻳﺘﺤﺮﻙ ﻭ ﻳﻤﺸﻲ ﻟﻌﻨﺪﻫﺎ ﻟﻜﻦ ﻣﺎﻗﺪﺭﺵ ﻳﺨﻄﻮ ﺧﻄﻮﺓ ﻓﺎﺗﺠﺎﻫﻬﺎ ... ﻛﺄﻧﻪ ﻣﻘﻴﺪ ... ﺣﺎﻭﻝ ﻣﺮﺓ ﺃﺧﺮﻯ ﻳﻤﺸﻲ ﻋﻨﺪﻫﺎ ﻟﻜﻦ ﺑﺪﻭﻥ ﺟﺪﻭﻯ ... ﺷﺎﻑ ﻓﻴﻬﺎ ﺑﺤﺰﻥ ﻟﻜﻨﻬﺎ ﺑﺎﺩﻻﺗﻮ ﺑﺈﺑﺘﺴﺎﻣﺔ ... ﺣﺮﻛﺎﺕ ﺭﺍﺳﻬﺎ ﻭ ﺗﺤﺮﻛﺎﺕ ﻗﺎﺻﺪﺍﻩ ... ﺗﻤﺸﺎﺕ ﺑﺒﻂﺀ ﻭ ﺑﻌﺪﻫﺎ ﺳﺮﻋﺎﺕ ﻧﺎﺣﻴﺘﻮ ... ﻛﻴﻒ ﻭﺻﻼﺕ ﻟﻌﻨﺪﻭ ﺗﺮﻣﺎﺕ ﻋﻠﻴﻪ ﻋﻨﻘﺎﺗﻮ ...
ﺣﺲ ﺑﻴﻬﺎ ﻭ ﺑﺤﻀﻨﻬﺎ ﺍﻟﺪﺍﻓﺊ ... ﺩﻭﺭ ﻋﻠﻴﻬﺎ ﺫﺭﺍﻋﻮ ﺑﺠﻮﺝ ﻭ ﺯﻳﺮ ﻋﻠﻴﻬﺎ ﺑﻘﻮﺓ ... ﺳﺪ ﻋﻨﻴﻪ ﻭ ﻫﺒﻄﺎﺕ ﺩﻣﻌﺔ ﻛﺘﻠﻤﻊ ﻋﻠﻰ ﺧﺬﻭ ... ﺳﻤﻊ ﻛﻠﻤﺎﺗﻬﺎ ﺍﻟﻲ ﻫﻤﺴﺎﺕ ﺑﻴﻬﻢ ﻋﻨﺪ ﻭﺫﻧﻮ ...
ﺭﺑﺎﺏ : ﻭﻟﺪﻱ ﺇﻳﻠﻴﺎ
ﺭﺋﺒﺎﻝ : " ﺑﺼﻮﺕ ﻣﺨﻨﻮﻕ " ﺗﻮﺣﺸﺘﻚ
ﺭﺑﺎﺏ : ﺇﻳﻠﻴﺎ ﺣﻞ ﻋﻨﻴﻚ ... ﺣﻞ ﻋﻨﻴﻴﻴﻚ ... ﻣﺮﺗﻚ ﻭ ﺑﻨﺘﻚ ﻛﻴﺘﺴﻨﺎﻭﻙ '''
YOU ARE READING
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
بارت 128
Start from the beginning