السفاح العاشق

بارت 48

ﺣﻞ ﺭﺋﺒﺎﻝ ﺍﻟﺒﺎﺏ ﻭ ﺩﺧﻞ ... ﻭ ﺍﺗﺎﺟﻪ ﻟﺒﺎﻟﻜﻮﻥ ﺍﻟﻲ ﻛﺎﻥ ﻣﻔﺘﻮﺡ ... ﺩﺍﺯ ﻣﻦ ﺣﺪﺍ ﺍﻟﺪﺭﻳﺴﻴﻨﻎ ... ﻻﺡ ﻋﻨﻴﻪ ﻭ ﻫﻲ ﺗﺒﺎﻥ ﻟﻴﻪ ﺟﻮﻻﻥ ﻭﺍﻗﻔﺔ ... ﻻﺑﺴﺔ ﺩﻭﺑﻴﺎﺱ ﻭ ﻛﺘﻨﺰﻝ ﻓﺎﻟﺘﺮﻳﻜﻮ ... ﺩﻏﻴﺎ ﺣﻴﺪ ﻋﻨﻴﻪ ﻭ ﺧﺮﺝ ﻟﺒﺎﻟﻜﻮﻥ ... ﺩﻭﺯ ﻳﺪﻭ ﻋﻠﻰ ﻋﻨﻘﻮ ﻭ ﻻﺧﺮﻯ ﺧﺎﺷﻴﻬﺎ ﻓﺎﻟﺠﻴﺐ ...
ﻟﺒﺴﺎﺕ ﺍﻟﺘﺮﻳﻜﻮ ﻭ ﺍﻟﻜﻮﻟﻮﻥ ... ﻧﺸﻔﺎﺕ ﺷﻌﺮﻫﺎ ﺑﺎﻟﻔﻮﻃﺔ ﻭ ﺧﻼﺗﻮ ﻣﻄﻠﻮﻕ ﻣﺎﻟﻘﺎﺗﺶ ﺑﺎﺵ ﺗﺠﻤﻌﻮ ... ﺧﺸﺎﺕ ﺭﺟﻠﻴﻬﺎ ﻓﺎﻟﺨﻒ ﺍﻟﻤﺰﻏﺐ ﺍﻟﻲ ﻟﻘﺎﺕ ﻣﻊ ﻟﺤﻮﺍﻳﺞ ﻭ ﺧﺮﺟﺎﺕ ... ﺑﺎﻥ ﻟﻴﻬﺎ ﻭﺍﻗﻒ ﻓﺎﻟﺒﺎﻟﻜﻮﻥ ﻭ ﻫﻲ ﺗﺨﺮﺝ ﻟﻌﻨﺪﻭ ...
ﺟﻮﻻﻥ : " ﺑﻐﻴﺖ ﻧﻬﻀﺮ ﻣﻊ ﻣﺎﻣﺎ
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻬﺎ " ﺩﺧﻠﻲ ... ﻏﻴﻀﺮﺑﻚ ﺍﻟﺒﺮﺩ
ﺿﺎﺭﺕ ﺧﺎﺭﺟﺔ ﻭ ﻣﺸﺎﺕ ﺟﻠﺴﺎﺕ ﻓﻄﺮﻑ ﺍﻟﻨﺎﻣﻮﺳﻴﺔ ... ﻫﺰﺍﺕ ﺭﺍﺳﻬﺎ ﺑﺎﻥ ﻟﻴﻬﺎ ﺭﺋﺒﺎﻝ ﻛﻴﺴﺪ ﺯﺍﺟﺔ ﺍﻟﺒﺎﻟﻜﻮﻥ ... ﺗﺒﻌﺎﺗﻮ ﺑﻌﻨﻴﻬﺎ ﻓﺎﺵ ﺩﺧﻞ ﻟﻠﺤﻤﺎﻡ ... ﺷﻮﻳﺔ ﻋﺎﻭﺩ ﺧﺮﺝ ﻭ ﻫﺎﺯ ﻣﻌﺎﻩ ﻋﻠﺒﺔ ﻓﻴﺪﻭ ... ﺟﺎ ﻗﺮﺏ ﻭ ﭼﻠﺲ ﺟﻨﺒﻬﺎ ﺑﻴﻨﺎﺗﻬﻢ ﻣﺴﺎﻓﺔ ﻗﻠﻴﻠﺔ ... ﺟﺒﺪ ﻓﺎﺻﻤﺔ ﻭ ﺍﻟﺪﻭﺍ ﻭ ﺷﺎﻑ ﻓﻴﻬﺎ ... ﻣﺪ ﻳﺪﻭ ﺑﻌﺪ ﺷﻌﺮﻫﺎ ﻭ ﺭﺩﻭ ﻭﺭﺍ ﻭﺫﻧﻴﻬﺎ ...
ﻋﻤﺮ ﻟﻘﻄﻦ ﺑﺎﻟﺪﻭﺍ ﻭ ﺣﻄﻮ ﻋﻠﻰ ﺍﻟﺠﺮﺣﺔ ﺍﻟﻲ ﻓﺠﺒﻬﺘﻬﺎ ... ﻗﻔﺰﺍﺕ ﺣﻴﻨﺖ ﺣﺮﻗﺎﺗﻬﺎ ... ﺑﺪﺍ ﻛﻴﺪﺍﻭﻱ ﻟﻴﻬﺎ ... ﺣﻞ ﺍﻟﻔﺎﺻﻤﺔ ﻭ ﻟﺼﻘﻬﺎ ﻓﻮﻕ ﺍﻟﺠﺮﺡ ﺍﻟﻲ ﻛﺎﻥ ﺻﻐﻴﺮ ... ﺟﻮﻻﻥ ﻏﻴﺮ ﻛﺘﺸﻮﻑ ﺑﻌﻨﻴﻬﺎ ﻭ ﻣﺘﺒﻌﺎﻩ ... ﺑﺎﻥ ﻟﻴﻬﺎ ﻛﻴﺠﻤﻊ ﻓﺪﺍﻛﺸﻲ ﻭ ﻫﻲ ﺗﻨﻄﻖ ...
ﺟﻮﻻﻥ : ﺑﻼﺗﻲ
ﺭﺋﺒﺎﻝ : " ﻫﺰ ﺭﺍﺳﻮ ﺷﺎﻑ ﻓﻴﻬﺎ " ﺷﻨﻮ ؟
ﺧﺪﺍﺕ ﺍﻟﻌﻠﺒﺔ ﻣﻦ ﻋﻨﺪﻭ ﻭ ﺷﺎﺭﺕ ﻟﻴﻪ ﺑﺼﺒﻌﻬﺎ ﻟﻠﺠﺮﺡ ﺍﻟﻲ ﻋﻨﺪﻭ ﺣﺘﻰ ﻫﻮ ﻓﻮﻕ ﺟﺒﻬﺘﻮ ... ﺻﻐﺮ ﻋﻨﻴﻪ ﻛﻴﺘﺴﻨﺎﻫﺎ ﺷﻨﻮ ﻏﺘﻘﻮﻝ ...
ﺟﻮﻻﻥ : ﺍﻟﺠﺮﺡ ﺩﻳﺎﻟﻚ ﻛﻴﻨﺰﻑ
ﺑﺘﺮﺩﺩ ﻣﺪﺍﺕ ﻳﺪﻫﺎ ﻭ ﺑﺪﺍﺕ ﻛﺘﺤﻴﺪ ﺍﻟﻔﺎﺻﻤﺔ ... ﻋﻀﺎﺕ ﻋﻠﻰ ﺷﻔﺘﻬﺎ ﻭ ﻫﻲ ﻛﺘﺤﺎﻭﻝ ﺗﺤﻴﺪﻫﺎ ﺑﺪﻭﻥ ﻣﺎﺿﺮﻭ ... ﻛﻴﻒ ﻗﻠﻌﺎﺗﻬﺎ ﻭ ﻫﻲ ﺗﺸﻬﻖ ﻭ ﺧﺮﺟﺎﺕ ﻋﻨﻴﻬﺎ ﻓﺎﻟﺠﺮﺡ ﺍﻟﻲ ﻛﺎﻥ ﻋﻤﻴﻖ ...
ﺟﻮﻻﻥ : ﺥ ﺧﺎﺻﻚ ﺗﺨﻴﻂ ... ﺭﺍﻩ ﺍﻟﺠﺮﺣﺔ ﻛﺒﻴﺮﺓ ﻭ ﻏﺎﺩﺓ ﺑﺎﻟﺪﻡ
ﺭﺋﺒﺎﻝ : ﺭﺟﻌﻲ ﺍﻟﻔﺎﺻﻤﺔ
ﺟﻮﻻﻥ : ﻻ ﺑﻼﺗﻲ
ﻣﻦ ﺟﻮﺍﺑﻮ ﻋﺮﻓﺎﺕ ﻣﻐﺎﺩﻳﺶ ﻳﺨﻴﻂ ... ﺧﺪﺍﺕ ﻗﻄﻦ ﻋﻤﺮﺍﺗﻮ ﺑﺎﻟﺪﻭﺍ ﻭ ﺣﻄﺎﺗﻮ ﻋﻠﻰ ﺍﻟﺠﺮﺣﺔ ﺑﺮﻓﻖ ... ﺷﺎﻓﺘﻮ ﻣﺪﺍﺭ ﺣﺘﻰ ﺭﺩ ﻓﻌﻞ ﻣﺮﮔﺎﺕ ﻫﻲ ﺍﻟﻲ ﻗﻔﺰﺍﺕ ... ﻭ ﻫﻮ ﺍﻟﻲ ﺟﺒﻬﺘﻮ ﻣﺤﻠﻮﻟﺔ ﻣﺘﺤﺮﻙ ... ﺩﺍﻭﺗﻬﺎ ﻭ ﺣﻼﺕ ﻟﻔﺎﺻﻤﺔ ﻟﺼﻘﺘﻬﺎ ... ﺧﺪﺍﺕ ﻗﻄﻦ ﻛﺘﻤﺴﺢ ﺍﻟﺪﻡ ﺍﻟﻲ ﻧﺰﻝ ﻋﻠﻰ ﺣﺎﺟﺒﻮ ... ﻧﺰﻻﺕ ﻋﻨﻴﻬﺎ ﺷﺎﻓﺖ ﻓﻴﻪ ﻟﻘﺎﺗﻮ ﻣﺮﺍﻗﺒﻬﺎ ﻭ ﻣﺘﺒﻌﻬﺎ ﺷﻨﻮ ﻛﺪﻳﺮ ... ﺳﻬﺎﺕ ﻟﻠﺤﻈﺔ ﻭ ﻫﻲ ﻛﺘﻤﺴﺢ ﻓﻨﻔﺲ ﺍﻟﺒﻼﺻﺔ ...
ﺭﺋﺒﺎﻝ : ﺑﺎﻏﺔ ﺗﺤﻴﺪﻱ ﺍﻟﺠﻠﺪﺓ
ﺟﻮﻻﻥ : ﺃﺍ ؟ !
ﺭﺋﺒﺎﻝ : " ﺷﺪ ﻟﻴﻬﺎ ﻓﻴﺪﻫﺎ ﻭ ﺑﻌﺪﻫﺎ " ﺑﺎﺭﻛﺔ ﻋﻠﻴﻚ
ﺟﻮﻻﻥ : ﻙ ﻛﺎﻥ ﻝ ﻻﺻﻖ " ﺣﺪﺭﺍﺕ ﺭﺍﺳﻬﺎ ﺑﻐﺎﺕ ﺗﻐﺮﻕ ﻓﺤﻮﺍﻳﺠﻬﺎ "
ﺧﺪﺍ ﻣﻦ ﻋﻨﺪﻫﺎ ﺍﻟﻌﻠﺒﺔ ﻭ ﻭﻗﻒ ... ﻣﺸﺎ ﺭﺟﻌﻬﺎ ﻟﺒﻼﺻﺘﻬﺎ ... ﺧﺮﺝ ﻭ ﺷﺎﻓﻬﺎ ﺑﺎﻗﺔ ﻛﻴﻒ ﺧﻼﻫﺎ ... ﺗﻢ ﻏﺎﺩﻱ ﺟﻬﺔ ﻟﺒﺎﺏ ﻭ ﻫﻮ ﻳﻮﻗﻒ ... ﺿﺎﺭ ﺷﺎﻑ ﻓﻴﻬﺎ ...
ﺭﺋﺒﺎﻝ : ﻣﻦ ﺍﻷﺣﺴﻦ ﺑﻠﻤﺎ ﺗﻌﻴﻄﻲ ﻋﻠﻴﻬﺎ ﻓﻬﺎﺩ ﺍﻟﻮﻗﺖ ... ﻏﺪﺍ ﻏﻨﺪﻳﻚ ﻟﻠﺪﺍﺭ ﻭ ﻧﺘﻲ ﻗﺮﺍﺭﻙ ﻭﺍﺵ ﺗﻌﺎﻭﺩﻱ ﻟﻴﻬﻢ ﺍﻟﻲ ﻭﻗﻊ ﺑﺎﻟﻈﺒﻂ ﺃﻭ ﻻ ... ﺩﺍﺑﺔ ﺗﻌﺸﺎﻱ ﻭ ﻧﻌﺴﻲ
ﺟﻮﻻﻥ : " ﻫﺰﺍﺕ ﺭﺍﺳﻬﺎ ﺷﺎﻓﺖ ﻓﻴﻪ " ﻭ ﻭﺍﺵ ﻩ ﻫﺪﺍﻙ ﺧﻮﻙ ... ﻭ ﻭﻋﻼﺵ ﺧﻄﻔﻨﻲ ... ﺃﻧﺎ ﻣﻜﻨﻌﺮﻓﻮﺵ
ﺭﺋﺒﺎﻝ : ﻣﺎﺗﺸﻐﻠﻴﺶ ﺑﺎﻟﻚ ﺑﻴﻪ ... ﺃﻧﺎ ﻏﻨﺘﻜﻠﻒ
ﺣﻞ ﻟﺒﺎﺏ ﻭ ﺧﺮﺝ ... ﻣﺠﺎﻭﺏ ﻋﻠﻰ ﺣﺘﻰ ﺳﺆﺍﻝ ... ﺳﻤﻌﺎﺕ ﺧﻠﻴﻞ ﻛﻴﻘﻮﻝ ﺧﻮﻳﺎ ﺷﺤﺎﻝ ﻣﺮﺓ ... ﻳﻌﻨﻲ ﻛﻴﻘﺼﺪﻭ ﻫﻮ ... ﻭ ﻣﻦ ﻋﺮﺍﻛﻬﻢ ﺑﺎﻳﻨﺔ ﺑﻴﻨﺎﺗﻬﻢ ﺷﻲ ﺣﺎﺟﺔ ... ﻟﻜﻦ ﺷﻨﻮ ﺩﺧﻠﻬﺎ ﻫﻲ ... ﺣﺘﻰ ﻛﺎﻧﺖ ﻏﺎﺩﺓ ﺗﺸﻜﺮﻭ ﺣﻴﻨﺖ ﻧﻘﺬﻫﺎ ﻭ ﻣﻌﺎﻣﻠﺘﻮ ﺍﻟﻲ ﻛﻴﺪﻳﺮ ﻣﻌﻬﺎ ... ﻭ ﻫﻲ ﺗﺬﻛﺮ ﺃﻥ ﻫﺎﺩﺷﻲ ﺍﻟﻲ ﻭﻗﻊ ﻣﻤﻜﻦ ﻳﻜﻮﻥ ﺑﺴﺒﺒﻮ ... ﻣﻌﻘﻮﻝ ﺧﻄﻔﻬﺎ ﻫﺪﺍﻙ ﺑﺴﺒﺐ ﺷﻲ ﻇﻐﻴﻨﺔ ﺑﻴﻨﺎﺗﻬﻢ ...
ﻭ ﻋﻼﺵ ﻫﻲ ﻣﺎﺷﻲ ﺷﻲ ﺣﺪ ﻗﺮﻳﺐ ﻟﻴﻪ ... ﻫﻲ ﻣﺠﺮﺩ ﻣﻮﺿﻔﺔ ﺳﺎﺑﻘﺔ ﻓﺸﺮﻛﺘﻮ ... ﻭ ﻻ ﺣﻴﻨﺖ ﺷﺎﻓﻬﺎ ﺧﺎﺭﺟﺔ ﻣﻦ ﺷﺮﻛﺘﻮ ... ﻣﺮﺭﺍﺕ ﺻﺒﺎﻋﻬﺎ ﻋﻠﻰ ﺍﻟﻔﺎﺻﻤﺔ ﻭ ﻛﺘﺤﺲ ﺑﺮﺍﺳﻬﺎ ﻛﻴﺤﺮﻗﻬﺎ ... ﻫﺰﺍﺕ ﺍﻟﻜﻮﭬﺮﻟﻲ ﺑﻐﺎﺕ ﺗﺨﺸﺎ ... ﻭ ﻫﻲ ﺗﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ... ﺩﺧﻼﺕ ﻧﻮﺍﻝ ﻫﺎﺯﺓ ﺑﻼﻃﻮ ﺣﻄﺎﺗﻮ ﺟﻨﺒﻬﺎ ... ﺷﻜﺮﺍﺗﻬﺎ ﺟﻮﻻﻥ ﻭ ﺑﺪﺍﺕ ﻛﺘﺎﻛﻞ ... ﻣﻨﻴﻦ ﺧﻄﻔﻬﺎ ﻫﺪﺍﻙ ﻣﺪﺍﻗﺖ ﺍﻟﻨﻌﻤﺔ ... ﻧﻮﺍﻝ ﺑﻐﺎﺕ ﺗﻨﻮﺽ ﻭ ﻫﻲ ﻃﻠﺒﻬﺎ ﺟﻮﻻﻥ ﺗﺸﺎﺭﻛﻬﺎ ﻓﺎﻷﻛﻞ ...
ﺃﺻﺮﺕ ﻋﻠﻴﻬﺎ ﻭ ﺑﺪﺍﻭ ﻛﻴﺎﻛﻠﻮ ﻭ ﻳﺘﻌﺮﻓﻮ ﻋﻠﻰ ﺑﻌﺾ ... ﻛﻤﻼﺕ ﺟﻮﻻﻥ ﻧﺎﺿﺖ ﻏﺴﻼﺕ ﻳﺪﻳﻬﺎ ﻭ ﻧﻮﺍﻝ ﻫﺒﻄﺎﺕ ﻟﺘﺤﺖ ... ﻏﺎﺩﺓ ﻟﻜﻮﺯﻳﻨﺔ ﻭ ﻫﻮ ﻳﺒﺎﻥ ﻟﻴﻬﺎ ﺭﺋﺒﺎﻝ ﻭﺍﻗﻒ ﻣﻊ ﺍﻟﺪﺭﺍﺭﻱ ...
ﺳﻨﻤﺎﺭ : ﺍﻟﺰﺍ ** ﻣﺒﺎﻧﺖ ﻟﻴﻪ ﻏﻴﺮ ﺍﻟﺒﻨﺖ ... ﻧﺎﺭﻱ ﻛﻮﻥ ﻃﺎﺡ ﻓﻴﺪﻱ
ﺇﻟﻴﺎﺱ : ﻫﺎﺩ ﺧﻮﻙ ﻃﻠﻊ ﻣﺮﻳﺾ ﻣﻊ ﻙ *** ... ﺷﻨﻮ ﻏﻨﺪﻳﺮﻭ ﻣﻌﺎﻩ ؟
ﺭﺋﺒﺎﻝ : ﻻ ﻧﺘﺎ ﻻ ﻫﻮ ﻏﺎﺩﻳﺮﻭ ﺷﻲ ﺣﺎﺟﺔ ... ﻫﺪﺍﻙ ﺣﺴﺎﺑﻮ ﻣﻌﻴﺎ ... ﻟﻮ ﻣﻜﺎﻧﺘﺶ ﻫﻲ ﻛﻨﺖ ﻏﻨﺘﺼﺮﻑ ﺑﻄﺮﻳﻘﺔ ﺃﺧﺮﻯ
ﺳﻨﻤﺎﺭ : ﻭ ﺟﻮﻻﻥ ﻛﻴﻒ ﺑﻘﺎﺕ ... ﻏﻨﻄﻠﻊ ﻧﺸﻮﻓﻬﺎ
ﺭﺋﺒﺎﻝ : " ﻭﻗﻔﻮ " ﻟﺒﻨﺖ ﻧﺎﻋﺴﺔ
ﺇﻟﻴﺎﺱ : " ﺣﺎﺑﺲ ﺍﻟﻀﺤﻜﺔ " ﻭﺍﺧﺔ ﻏﻴﺮ ﻧﻄﻠﻮ ﻋﻠﻴﻬﺎ ... ﺭﺍﻩ ﺑﻘﻴﻨﺎ ﻣﺸﻮﺷﻴﻦ
ﺭﺋﺒﺎﻝ : ﺩﺍﺭﻙ
ﺧﻼﻫﻢ ﻭﺍﻗﻔﻴﻦ ﻭ ﺗﻢ ﻃﺎﻟﻊ ﻣﻊ ﺍﻟﺪﺭﻭﺝ ... ﻻﺡ ﺇﻟﻴﺎﺱ ﺩﺭﺍﻋﻮ ﻋﻠﻰ ﺳﻨﻤﺎﺭ ﻭ ﺧﺮﺟﻮ ...
ﺇﻟﻴﺎﺱ : ﺷﻔﺘﻲ ﺩﺍﻛﺸﻲ ﺍﻟﻲ ﺷﻔﺖ
ﺳﻨﻤﺎﺭ : ﺷﺎﺍﺍﺍﻓﺖ ... ﻋﺠﻴﺐ ﺃﻣﺮﻭ ﻫﺎﺩ ﺍﻟﺴﻴﺪ ... ﺑﺎﻥ ﻟﻴﺎ ﻏﺎﺭﻕ ﺣﺘﺎﻝ ﻟﻮﺫﻧﻴﻪ ﺑﻠﻤﺎ ﻳﻌﻴﻖ
ﺇﻟﻴﺎﺱ : ﻭ ﺍﻟﺤﺐ ﻣﺎﻛﻴﻌﻠﻢ ... ﻭ ﻣﺎﻛﺘﺤﺲ ﺑﻴﻪ ﺣﺘﻰ ﻛﻴﻔﻮﺕ ﺍﻟﻔﻮﻭﻭﺕ
ﺳﻨﻤﺎﺭ : ﻭ ﻧﺘﺎ ﻣﺠﺮﺏ ﺍﻟﻲ ﻛﺘﻬﻀﺮ
ﺇﻟﻴﺎﺱ : " ﺣﻂ ﻳﺪﻭ ﻋﻠﻰ ﺻﺪﺭﻭ ﻭ ﺗﻨﻬﺪ " ﻭﺍﻗﻠﺔ
ﺳﻨﻤﺎﺭ : ﻻ ﻧﺘﻮﻣﺎ ﺣﺎﻟﻜﻢ ﻣﺎﻋﺠﺒﻨﻴﺶ
ﺇﻟﻴﺎﺱ : ﻛﻨﺖ ﻛﻨﻀﺤﻚ ﻋﻠﻴﻚ ﺍﻳﺎﻡ ﻛﻨﺖ ﺍﻟﻌﺎﺷﻖ ﺍﻟﻮﻟﻬﺎﻥ ... ﻫﺎﻧﻲ ﻃﺮﻳﺖ ﻫﻬﻬﻪ
ﺳﻨﻤﺎﺭ : ﺍﻟﺤﺐ ﻭ ﻻ ﺍﻟﺰﻣﺮ ... ﻏﺎ ﻛﻴﻤﺮﺽ
ﺇﻟﻴﺎﺱ : ﻧﺘﺎ ﺍﻟﻲ ﻛﻄﻴﺢ ﻓﻴﻬﻢ ﻏﻴﺮ ﻫﻤﺎ ... ﻭﺣﺪﺓ ﺧﺎﺋﻨﺔ ﻭ ﻭﺣﺪﺓ ﻛﺘﺒﻐﻲ ﺻﺎﺣﺒﻚ ... ﺳﻤﺎﺭﺍ ﻏﻴﺮ ﻧﺴﺎﻫﺎ ... ﺭﺍﻩ ﻛﺘﺸﻮﻑ ﻏﺎ ﺭﺋﺒﺎﻝ
ﺳﻨﻤﺎﺭ : ﻛﻦ ﻛﺎﻥ ﺑﻬﺎﺩ ﺍﻟﺴﻬﻮﻟﺔ ... ﻣﺘﻠﻘﺎﻧﻴﺶ ﻛﻨﻀﺮﺏ ﺍﻟﻜﻴﺴﺎﻥ ﻛﻼ ﻟﻴﻠﺔ
ﺇﻟﻴﺎﺱ : ﺍﻧﺎ ﻛﻨﺖ ﻛﻨﻀﺮﺏ ﺩﺍﺑﺔ ﻏﻨﺒﻌﺪ ... ﻣﺒﺎﻏﻴﺶ ﻧﻘﻔﺮﻫﺎ ﻭ ﻧﺨﺴﺮ ﺍﻟﻀﻮﺳﻲ ﻣﻊ ﺩﻳﻚ ﺍﻟﻤﺸﺮﺍﺭﺓ
ﺳﻨﻤﺎﺭ : " ﺣﻞ ﺑﺎﺏ ﺳﻴﺎﺭﺗﻮ " ﺑﻐﻴﺘﻬﺎ ﺗﻤﺮﻣﺪﻙ ﺑﺎﻟﻤﺰﻳﺎﻥ
ﺇﻟﻴﺎﺱ : ﻓﺎﻟﻚ ﻑ ... ﺍﻟﻬﻀﺮﺓ ﻓﺮﺍﺳﻚ
ﺳﻨﻤﺎﺭ : ﺗﻘﺎﺍﺍﻭﺩ ﻓﺤﺎﻟﻚ ﻗﺒﻞ ﻣﺎﻧﺠﻤﻊ ﻣﻌﺎﺍﻙ
ﻃﻠﻊ ﺳﻨﻤﺎﺭ ﻓﺴﻴﺎﺭﺗﻮ ﻭ ﺇﻟﻴﺎﺱ ﺣﺘﻰ ﻫﻮ ... ﺧﺮﺟﻮ ﻣﻦ ﺍﻟﭭﻴﻼ ﻭ ﻛﻼ ﺗﻮﺟﻪ ﻟﺪﺍﺭﻭ ...
☀ ﻳﻮﻡ ﺟﺪﻳﺪ ...
ﻓﺎﻗﺖ ﺟﻮﻻﻥ ﺑﻜﺮﻱ ﻣﻊ ﺩﻳﻚ 7 ... ﻧﺎﺿﺖ ﻏﺴﻼﺕ ﻭﺟﻬﺎ ... ﻭ ﻫﻲ ﺧﺎﺭﺟﺔ ﻣﻦ ﺍﻟﺤﻤﺎﻡ ﺑﺎﻥ ﻟﻴﻬﺎ ﺻﺎﻛﻬﺎ ﻣﺤﻄﻮﻁ ﻓﻮﻕ ﺍﻟﻜﻮﺍﻓﻮﺯ ... ﻣﺸﺎﺕ ﻛﺘﺠﺮﻱ ﻫﺰﺍﺗﻮ ﻛﺘﻘﻠﺐ ﻋﻠﻰ ﺍﻟﻔﻮﻥ ﺩﻳﺎﻟﻬﺎ ... ﻣﺎﻟﻘﺎﺗﻮﺵ ﻓﻴﻪ ... ﻫﺰﺍﺕ ﺍﻟﻨﻀﺎﺿﺮ ﻛﺘﻔﺤﺼﻬﻢ ﻭ ﺭﺟﻌﺎﺗﻬﻢ ... ﻣﺎﻗﺪﺭﺍﺗﺶ ﺗﺰﻳﺪ ﺗﺴﻨﺎ ... ﻟﺒﺴﺎﺕ ﻟﻔﻮﻗﺎﻧﻲ ﺩﻳﺎﻝ ﺍﻟﺴﺮﻭﺍﻝ ﻛﺎﻥ ﺑﺤﺎﻝ ﻗﺒﻴﺔ ...
ﺷﺎﻓﺖ ﻓﺮﺟﻠﻴﻬﺎ ﻻﺑﺴﺔ ﻏﻴﺮ ﻟﺒﺎﻟﻄﻮﻓﺔ ﻟﻜﻦ ﻣﺎﻋﻨﺪﻫﺎﺵ ﻣﻦ ﻏﻴﺮﻫﺎ ... ﻋﻨﻘﺎﺕ ﺻﺎﻛﻬﺎ ﻭ ﺧﺮﺟﺎﺕ ﻣﻦ ﺍﻟﺒﻴﺖ ... ﺷﺎﻓﺖ ﻓﺒﺎﺏ ﺍﻟﺒﻴﺖ ﺍﻟﻲ ﻣﻘﺎﺑﻞ ﻣﻌﻬﺎ ﻭ ﻧﺰﻻﺕ ﻣﻊ ﺍﻟﺪﺭﺝ ... ﻛﺘﺸﻮﻑ ﻓﺎﻟﭭﻴﻼ ﻛﺒﻴﺮﺓ ﻭ ﻣﻜﺎﻳﻦ ﺣﺲ ﺣﺘﻰ ﻭﺍﺣﺪ ... ﺗﻮﺟﻬﺎﺕ ﻟﻠﺒﻮﺍﺑﺔ ﻗﺎﻟﺖ ﺍﻟﺴﻼﻡ ﻟﻠﻌﺴﺎﺱ ﻭ ﻃﻠﺒﺎﺕ ﻣﻨﻮ ﻳﺤﻞ ﻟﻴﻬﺎ ﺍﻟﺒﺎﺏ ... ﻳﺴﺤﺎﺑﻠﻮ ﻏﻴﺮ ﺷﻲ ﺧﺪﺍﻣﺔ ﺟﺪﻳﺪﺓ ... ﺣﻠﻮ ﻟﻴﻬﺎ ﺧﺮﺟﺎﺕ ﻭ ﺗﻤﺎﺕ ﻏﺎﺩﺓ ﺟﻨﺐ ﺍﻟﻄﺮﻳﻖ ... ﺗﻤﺸﺎﺕ ﻣﺴﺎﻓﺔ ﻋﺎﺩ ﻗﺪﺭﺍﺕ ﺗﻠﻘﻰ ﻃﺎﻛﺴﻲ ...
ﻃﻠﻌﺎﺕ ﻭ ﻗﺎﻟﺖ ﻟﻴﻪ ﺍﻟﻌﻨﻮﺍﻥ ... ﺣﻄﻬﺎ ﻓﺮﺍﺱ ﺍﻟﺪﺭﺏ ... ﺧﻠﺼﺎﺗﻮ ﻭ ﻫﺒﻄﺎﺕ ... ﻏﺎﺩﺓ ﻟﻠﺪﺍﺭ ﻭ ﻣﺘﺨﻮﻓﺔ ... ﻣﻨﻴﻦ ﻏﺘﺒﺪﺍ ﻟﻴﻬﻢ ﻭ ﺷﻨﻮ ﻏﺘﻘﻮﻝ ... ﻫﻲ ﺑﺮﺍﺳﻬﺎ ﻣﺰﺍﻝ ﻣﻔﺎﻫﻤﺔ ﺷﻨﻮ ﻭﻗﻊ ﻭ ﻋﻼﺵ ... ﻭﻗﻔﺎﺕ ﻗﺪﺍﻡ ﻟﺒﺎﺏ ﺧﺪﺍﺕ ﻧﻔﺲ ﻭ ﺩﻗﺎﺕ ... ﻟﺤﻈﺎﺕ ﻭ ﺗﺤﻞ ﻟﺒﺎﺏ ... ﺣﻔﻴﻀﺔ ﺷﺎﻓﺖ ﺑﻨﺘﻬﺎ ﻭ ﺍﻟﺤﺎﻟﺔ ﺍﻟﻲ ﻓﻴﻬﺎ ... ﺑﻘﺎﺕ ﻏﻴﺮ ﻣﺼﺪﻭﻣﺔ ﺣﺘﻰ ﺣﺴﺎﺕ ﺑﺠﻮﻻﻥ ﺗﻼﺣﺖ ﻋﻠﻴﻬﺎ ﻋﻨﻘﺎﺗﻬﺎ ...
ﺩﻭﺭﺍﺕ ﻳﺪﻳﻬﺎ ﻋﻠﻰ ﺑﻨﺘﻬﺎ ﻣﺒﺎﺩﻻﻫﺎ ﺍﻟﻌﻨﺎﻕ ... ﺑﺠﻮﺝ ﺩﻣﻮﻋﻬﻢ ﻏﺎﺩﻳﻴﻦ ... ﺑﻌﺪﺍﺕ ﺣﻔﻴﻀﺔ ﻭ ﺣﻄﺎﺕ ﻳﺪﻫﺎ ﻋﻠﻰ ﻭﺟﻪ ﺑﻨﺘﻬﺎ ﻛﺘﻘﻠﺐ ﻓﻴﻬﺎ ...
ﺣﻔﻴﻀﺔ : ﻓﻴﻦ ﻛﻨﺘﻲ ... ﻭ ﺷﻜﻮﻥ ﺩﺍﺭ ﻓﻴﻚ ﻫﺎﺩ ﺍﻟﺤﺎﻟﺔ ... ﻳﻮﻣﻴﻦ ﺍﺟﻮﻻﻥ ﻛﺎﻥ ﻋﻘﻠﻲ ﻏﺎﺩﻱ ﻳﺨﺮﺝ ... ﺩﺧﻠﻲ ﺑﻌﺪﺍ ﺩﺧﻠﻲ
ﺇﺑﺮﺍﻫﻴﻢ : " ﻭﺍﻗﻒ ﻣﻦ ﻭﺭﺍ ﺣﻔﻴﻀﺔ " ﻓﻴﻦ ﻏﺎﺩﻱ ﺩﺧﻞ !
ﺗﻠﻔﺘﺎﺕ ﻋﻨﺪﻭ ﺣﻔﻴﻀﺔ ﻭ ﻛﺄﻧﻬﺎ ﺳﻤﻌﺎﺕ ﻏﻠﻂ ... ﺑﻴﻨﻤﺎ ﺟﻮﻻﻥ ﺷﺎﻓﺖ ﻓﺒﺎﻫﺎ ﺑﻌﻨﻴﻦ ﻣﺎﻟﻴﻬﻢ ﺍﻟﺤﺰﻥ ﻭ ﺍﻟﺨﻮﻑ ... ﻣﺸﺎﻓﺘﺶ ﻓﻤﻼﻣﺢ ﻭﺟﻬﻮ ﺣﺘﻰ ﺫﺭﺓ ﺍﻫﺘﻤﺎﻡ ... ﺭﻏﻢ ﺣﺎﻟﺘﻬﺎ ﺍﻟﻲ ﻛﺘﻘﻄﻊ ﻓﺎﻟﻘﻠﺐ ... ﻭﺍﻗﻔﺔ ﺑﺎﻧﻬﺰﺍﻡ ﻋﻨﺪ ﻋﺘﺒﺔ ﺍﻟﺪﺍﺭ ﻭ ﻛﺘﺴﻨﺎ ﻣﺼﻴﺮﻫﺎ ...
ﺣﻔﻴﻀﺔ : ﺷﻨﻮ ﻗﻠﺘﻲ ؟
ﺇﺑﺮﺍﻫﻴﻢ : " ﺣﺪﻭ ﺷﺎﻑ ﻓﺠﻮﻻﻥ ﻟﻠﺤﻈﺔ ﻭ ﻗﻠﺐ ﻋﻨﻴﻪ " ﺍﻟﺒﻨﺖ ﺍﻟﻲ ﻣﺎﺗﺴﻤﻊ ﻛﻼﻣﻲ ﻭ ﺩﻳﺮ ﺍﻟﻲ ﻗﺎﻝ ﻟﻴﻬﺎ ﺭﺍﺳﻬﺎ ... ﻭ ﺗﺨﺮﺝ ﻣﻦ ﻭﺭﺍﻳﺎ ﻓﺎﺵ ﻧﻤﻨﻌﻬﺎ ﻋﻠﻴﻬﺎ ﻟﺨﺮﻭﺝ ... ﻣﺎﺷﻲ ﺗﺮﺑﻴﺘﻲ
ﺣﻔﻴﻀﺔ : ﺁﺵ ﻛﺘﻘﻮﻭﻭﻝ ﻭﺍﺵ ﺗﺴﻄﻴﺘﻲ ... ﺷﻮﻑ ﺣﺎﻟﺔ ﺑﻨﺘﻨﺎ ﻛﻴﻒ ﺩﺍﻳﺮﺓ ... ﻋﻠﻢ ﺍﻟﻠﻪ ﺷﻨﻮ ﺩﺍﺯ ﻋﻠﻴﻬﺎ " ﺩﺍﺭﺍﺕ ﻋﻨﺪ ﺟﻮﻻﻥ " ﺩﺧﻠﻲ ﺍﺑﻨﺘﻲ
ﺇﺑﺮﺍﻫﻴﻢ : " ﺩﻓﻊ ﺣﻔﻴﻀﺔ ﻭ ﻭﻗﻒ ﻣﻘﺎﺑﻞ ﻣﻊ ﺟﻮﻻﻥ " ﻓﻴﻦ ﻛﻨﺘﻲ ؟
ﺟﻮﻻﻥ : " ﺣﺪﺭﺍﺕ ﺭﺍﺳﻬﺎ "
ﺇﺑﺮﺍﻫﻴﻢ : ﻭﺍ ﻫﻀﺮﻱ ... ﻳﻮﻣﻴﻦ ﺑﺎﻳﺘﺔ ﺧﺎﺭﺝ ﺍﻟﺪﺍﺭ ... ﻭ ﺟﺎﻳﺔ ﺑﻬﺎﺩ ﺍﻟﺤﺎﻟﺔ " ﺑﺼﻮﺕ ﻛﻴﺰﻋﺰﻉ " ﻓﻴﻴﻴﻴﻦ ﻛﻨﺘﻴﻴﻴﻲ ﻭ ﻣﻌﺎﺍﺍﺍﻣﻦ ؟؟؟
ﺟﻮﻻﻥ : " ﺑﺼﻮﺕ ﻣﺘﻘﻄﻊ ﻭ ﺩﻣﻮﻋﻬﺎ ﻛﻴﻄﻴﺤﻮ ﻓﻠﺮﺽ " ﻙ ﻛﻨﺖ ﻭ ﻭﺍﺣﺪ ﺥ ﺧﻄﻔﻨﻲ ﻭ ﻭ
ﺇﺑﺮﺍﻫﻴﻢ : " ﺷﺪ ﻓﻠﺒﺎﺏ ﻣﺰﻳﺮ ﺑﻴﺪﻭ " ﻧﺘﻲ ﻋﺼﻴﺘﻲ ﻫﻀﺮﺗﻲ ﻭ ﺧﺮﺟﺘﻲ ... ﻭ ﺗﺤﻤﻠﻲ ﻧﺘﻴﺠﺔ ﺃﻓﻌﺎﻟﻚ ... ﺭﺟﻌﻲ ﻣﻨﻴﻦ ﺟﻴﺘﻲ " ﺳﻜﺖ ﺷﻮﻳﺔ ﻭ ﻛﻤﻞ " ﻣﻦ ﺍﻟﻴﻮﻡ ﺃﻧﺎ ﻣﺎﻋﻨﺪﻱ ﺑﻨﺖ