السفاح العاشق

بارت 58

🍂🍂 ﻭﻗﻒ ﺑﻬﺎﺀ ﺍﻟﻠﻮﻃﻮ ﻓﺠﻨﺐ ﺍﻟﻄﺮﻳﻖ ... ﻫﺰ ﺍﻟﻔﻮﻥ ﻭ ﺟﺎﻭﺏ ...
ﺑﻬﺎﺀ : ﺷﺤﺎﻝ ﻣﻦ ﻣﺮﺓ ﻗﻠﺖ ﻣﺒﺎﻗﻴﺶ ﺍﺗﺎﺻﻠﻲ ﺑﻴﺎ
ﺳﻤﺎﺭﺍ : ﻛﻴﻒ ﺗﺴﻴﻔﻂ ﻟﻴﺎ ﺩﺍﻛﺸﻲ ﺍﻟﻲ ﺑﻐﻴﺖ ﻣﺒﺎﻗﻴﺶ ﺗﺴﻤﻊ ﺻﻮﺗﻲ
ﺑﻬﺎﺀ : ﺭﺍﻩ ﺳﻴﻔﻄﺘﻮ ﻟﻴﻚ ﻏﺪﺍ ﻏﻴﻮﺻﻠﻚ ... ﻫﺎﺩﻱ ﻫﻲ ﺍﻟﻤﺮﺓ ﺍﻷﺧﻴﺮﺓ ﺍﻟﻲ ﻏﻨﻌﺎﻭﻧﻚ ﻓﻴﻬﺎ ... ﻭ ﻣﻦ ﺍﻷﺣﺴﻦ ﻣﻴﺒﻘﺎﺵ ﺗﻮﺍﺻﻞ ﺑﻴﻨﺎﺗﻨﺎ
ﺳﻤﺎﺭﺍ : ﻣﺘﺨﺎﻓﺶ ﻧﺘﺎ ﺧﺎﺭﺝ ﺍﻟﺼﻮﺭﺓ ... ﺍﻧﺎ ﺍﻟﻲ ﻏﻨﺤﺮﻙ ﺍﻟﺒﻴﺎﺩﻕ ﻣﻦ ﺑﻌﻴﺪ ... ﻫﺎﺩ ﺍﻟﺨﻄﺒﺔ ﻣﻐﺎﺩﻳﺶ ﺗﻔﺮﺡ ﺑﻴﻬﺎ ﺑﺰﺍﻑ
ﺑﻬﺎﺀ : ﺷﻨﻮ ﻧﺎﻭﻳﺔ ﺩﻳﺮﻱ ؟
ﺳﻤﺎﺭﺍ : ﺍﻧﺎ ﻣﻐﺎﺩﻳﺶ ﻧﺪﻳﺮ ﺷﻲ ﺣﺎﺍﺍﺍﺟﺔ ... ﻓﻘﻂ ﻏﻨﺨﻠﻲ ﺭﺋﺒﺎﻝ ﻳﺸﻮﻑ ﺍﻧﻬﺎ ﻣﺎﺷﻲ ﺑﺪﻳﻚ ﺍﻟﺒﺮﺍﺀﺓ ﻛﻴﻒ ﻛﺘﺒﺎﻥ ﻟﻴﻪ ... ﻭ ﻻ ﺻﺪﻗﺎﺕ ﻭ ﺍﻟﻈﺎﺑﻂ ﺩﻳﺎﻟﻨﺎ ﺗﺤﺮﻙ ... ﺭﺋﺒﺎﻝ ﻏﻴﺸﻮﻑ ﺧﻴﺎﻧﺘﻬﺎ ﻋﻠﻰ ﻋﻨﻴﻪ
ﺑﻬﺎﺀ : ﻣﺎﺷﻲ ﻛﺘﺨﺎﻃﺮﻱ
ﺳﻤﺎﺭﺍ : ﺳﺒﻖ ﻭ ﻗﻠﺖ ﻟﻴﻚ ﻣﺎﻋﻨﺪﻱ ﻣﺎﻧﺨﺴﺮ ... ﮔﺎﻉ ﻟﻤﻜﺎﻧﺶ ﻟﻴﺎ ﻟﻤﻬﻢ ﻣﺘﻔﺮﺣﺶ ﺑﻴﻪ ﻫﻴﺎ
ﺑﻬﺎﺀ : ﺭﺍﻙ ﻛﺘﻠﻌﺒﻲ ﺑﺎﻟﻌﺎﻓﻴﺔ " ﻗﻄﻊ "
ﻃﻠﻊ ﺍﻟﻨﺎﺩﻝ ﻣﻊ ﺍﻟﺪﺭﺝ ﻭﻗﻒ ﻭ ﺩﻕ ﻓﺎﻟﺒﺎﺏ ... ﻋﻠﻰ ﻭﻗﻊ ﺻﻮﺕ ﺍﻟﺪﻗﺎﺕ ﻓﺘﺤﺎﺕ ﻋﻨﻴﻬﺎ ﻋﻠﻰ ﻭﺳﻌﻬﻢ ﻭ ﻫﻲ ﺗﺪﻓﻌﻮ ﻋﻠﻴﻬﺎ ... ﺷﺎﻓﺖ ﻓﻴﻪ ﻋﺎﻗﺪﺓ ﺣﺠﺒﺎﻧﻬﺎ ﻭ ﻣﺨﻨﺰﺭﺓ ... ﺗﺤﺪﺭﺍﺕ ﻫﺰﺍﺕ ﺻﺎﻛﻬﺎ ﺍﻟﻲ ﻃﺎﺡ ﻓﻠﺮﺽ ﻭ ﺣﻼﺕ ﻟﺒﺎﺏ ... ﺿﺮﺑﺎﺕ ﻓﺎﻟﻨﺎﺩﻝ ﻭ ﻫﺒﻄﺎﺕ ﻛﺘﺠﺮﻱ ﻓﺎﻟﺪﺭﻭﺝ ... ﺧﺮﺟﺎﺕ ﻣﻦ ﺍﻟﻤﻄﻌﻢ ﻭﺍﻗﻔﺔ ﺟﻨﺐ ﺍﻟﻄﺮﻳﻖ ﻛﺘﺸﻴﺮ ﻟﻄﺎﻛﻲ ﻭ ﻛﺘﻘﺎﺩ ﻓﺸﻌﺮﻫﺎ ...
ﻣﺰﺍﻝ ﻣﺎﻣﺼﺪﻗﺔ ﺷﻨﻮ ﺩﺍﺭﺕ ... ﻭ ﺑﻠﻲ ﺗﺠﺎﻭﺑﺎﺕ ﻣﻌﺎﻩ ... ﻭ ﻣﺎ ﻛﻔﺲ ﻫﻮ ﺍﻟﻜﻼﻡ ﺍﻟﻲ ﺧﺮﺝ ﻣﻨﻬﺎ ﺑﻼ ﻣﺘﻮﻋﻰ ... ﺑﺸﻜﻞ ﻏﻴﺮ ﻣﺒﺎﺷﺮ ﺍﻋﺘﺎﺭﻓﺎﺕ ﻟﻴﻪ ﺑﻠﻲ ﺧﺎﺏ ﺃﻣﻠﻬﺎ ﺃﻧﻮ ﺧﻄﺒﻬﺎ ﻓﻘﻂ ﺑﺎﺵ ﻳﺴﺎﻋﺪﻫﺎ ... ﻋﻀﺎﺕ ﻋﻠﻰ ﺷﻔﺘﻬﺎ ﻭ ﻣﺎﻛﺮﻫﺎﺗﺶ ﺗﻘﻄﻊ ﻫﺎﺩ ﺍﻟﻠﺴﺎﻥ ﺍﻟﻲ ﺑﺪﺍ ﻳﺴﺮﺳﺮ ﺑﻼ ﺣﺒﺎﺳﺎﺕ ... ﻭ ﺻﺪﻗﺎﺕ ﻣﺪﺍﺕ ﻣﻨﻮ ﻻ ﺣﻖ ﻻ ﺑﺎﻃﻞ ... ﻫﻮ ﺍﻟﻲ ﻃﻠﺐ ﻳﺸﻮﻓﻬﺎ ﺑﺎﺵ ﻳﺸﺮﺡ ﻣﺎﻧﻄﻖ ﺑﺤﺘﻰ ﺣﺎﺟﺔ ﺗﻮﺿﺢ ﻣﻮﻗﻔﻮ ...
ﻟﻜﻦ ﺍﻟﻘﺒﻠﺔ ﻭ ﺍﻟﺠﻤﻠﺔ ﺍﻷﺧﻴﺮﺓ ﺍﻟﻲ ﻗﺎﻝ ... ﺷﻨﻮ ﻗﺼﺪ ﺑﻴﻬﺎ ﺑﺎﻟﻀﺒﻂ ... ﻛﺮﻫﺎﺕ ﻫﺎﺩ ﺍﻟﻐﻤﻮﺽ ﺍﻟﻲ ﻓﻴﻪ ... ﻭﻗﻔﺎﺕ ﻟﻴﻬﺎ ﻃﺎﻛﺴﻲ ﻃﻠﻌﺎﺕ ﻭ ﻗﺎﻟﺖ ﻟﻴﻪ ﺍﻟﻌﻨﻮﺍﻥ ... ﻧﻈﺮﺍﺗﻮ ﻭ ﻛﻴﻒ ﻗﺮﺏ ﻟﻴﻬﺎ ﻣﺎﺑﻐﺎﻭﺵ ﻳﺤﻴﺪﻭ ﻣﻦ ﺑﺎﻟﻬﺎ ... ﺣﺘﻰ ﺭﻳﺤﺘﻮ ﻣﺰﺍﻟﺔ ﻻﺻﻘﺔ ﻓﻴﻬﺎ ... ﺟﺎﺕ ﺗﻔﻬﻢ ﺭﺟﻌﺎﺕ ﺣﺎﺋﺮﺓ ﻛﺜﺮ ﻣﻦ ﺍﻷﻭﻝ ... ﺗﻌﺼﺒﺎﺕ ﻛﻴﻔﺎﺵ ﻗﺪﺭ ﻳﺠﺒﺪ ﻣﻨﻬﺎ ﺷﻨﻮ ﺍﻟﻲ ﻛﻴﺠﻮﻝ ﻓﺮﺍﺳﻬﺎ ﺑﺪﻳﻚ ﺍﻟﺴﻬﻮﻟﺔ ... ﻭ ﺯﺍﺩﻫﺎ ﺑﺎﺳﻬﺎ ... ﻫﺎﺩﻱ ﺛﺎﻟﺚ ﻣﺮﺓ ﻳﺪﻳﺮﻫﺎ ... ﻭ ﻫﻲ ﻛﻴﻒ ﺍﻟﻐﺒﻴﺔ ﺩﻏﻴﺎ ﺍﺳﺘﺴﻠﻤﺎﺕ ...
ﺩﺧﻞ ﺍﻟﻨﺎﺩﻝ ﺷﺎﻑ ﻓﻴﻪ ﺭﺋﺒﺎﻝ ﺑﻨﻈﺮﺍﺕ ﺟﻤﺪﺍﺕ ﻟﻴﻪ ﻟﻤﺎ ﻓﺎﻟﺮﻛﺎﺑﻲ ... ﺿﺎﺭ ﺭﺋﺒﺎﻝ ﻣﺘﺎﺟﻪ ﻟﻠﻄﺒﻠﺔ ... ﺣﻂ ﺍﻟﺤﺴﺎﺏ ﻫﺰ ﺍﻟﻔﻮﻥ ﺩﻳﺎﻟﻮ ﻭ ﺗﻢ ﺧﺎﺭﺝ ... ﻃﻠﻊ ﻓﺴﻴﺎﺭﺗﻮ ﻭ ﺩﻳﻤﺎﺭﺍ ﻏﺎﺩﻱ ... ﺳﺎﻳﻖ ﺑﻴﺪ ﻭﺣﺪﺓ ... ﺣﻚ ﻋﻠﻰ ﻟﺤﻴﺘﻮ ﺟﻨﺐ ﻓﻤﻮ ﻭ ﺯﺍﺩ ﻓﺎﻟﺴﺮﻋﺔ ...
🍃🍃 ﺑﻌﺪ ﻣﺮﻭﺭ ﺃﺳﺒﻮﻉ ...
ﺟﻮﻻﻥ ﺑﻌﺪ ﺁﺧﺮ ﻟﻘﺎﺀ ﻟﻴﻬﺎ ﻣﻊ ﺭﺋﺒﺎﻝ ... ﻣﺒﻘﺎﺵ ﺷﺎﻓﺘﻮ ﻭ ﻻ ﺳﻤﻌﺎﺕ ﻋﻠﻴﻪ ... ﺍﻷﻭﺿﺎﻉ ﻓﺎﻟﺪﺍﺭ ﻛﺎﻧﺖ ﻫﺎﺩﺋﺔ ... ﻋﻼﻗﺘﻬﺎ ﺑﺒﺎﻫﺎ ﺑﺎﻗﺔ ﺑﺎﺭﺩﺓ ﻧﻮﻋﺎ ﻣﺎ ﻭ ﻗﻠﻴﻞ ﻓﻴﻦ ﻛﻴﻀﻮﺭ ﺑﻴﻨﺎﺗﻬﻢ ﺷﻲ ﺣﻮﺍﺭ ... ﺯﻳﻨﺐ ﻣﺮﺓ ﻣﺮﺓ ﺗﺪﻭﺯ ﻋﻨﺪﻫﺎ ﺗﺸﻮﻓﻬﺎ ... ﻭ ﺑﻌﺪﻣﺎ ﻋﺎﻭﺩﺍﺕ ﻟﻴﻬﺎ ﻋﻠﻰ ﺷﻨﻮ ﻭﻗﻊ ﻟﻴﻬﺎ ﻣﻊ ﺭﺋﺒﺎﻝ ... ﺿﺤﻜﺎﺕ ﻭ ﺷﺪﺍﺕ ﻓﻴﻬﺎ ﺑﺎﻟﺒﻴﺎﻥ ... ﺧﺎﺻﺔ ﻣﻮﺿﻮﻉ ﺍﻟﻘﺒﻠﺔ ﻭ ﻣﻐﺎﺩﺭﺗﻬﺎ ﺑﻼ ﻣﺘﻘﻮﻝ ﻭﺍﻟﻮ ...
ﻓﻬﺎﺩ ﺍﻟﻤﺪﺓ ﻓﻜﺮﺍﺕ ﺟﻮﻻﻥ ﻣﻊ ﻧﻔﺴﻬﺎ ﺷﻨﻮ ﻏﺎﺩﻳﺮ ﻓﺤﻴﺎﺗﻬﺎ ... ﻣﻦ ﺩﺍﻛﺸﻲ ﺍﻟﻲ ﻓﻬﻤﺎﺕ ﻣﻨﻮ ﻫﻮ ﺑﺎﻏﻲ ﻳﺴﺎﻋﺪﻫﺎ ... ﻭ ﻫﺎﺩﺍ ﺃﺣﺪ ﺍﻷﺳﺒﺎﺏ ... ﻭ ﻋﻠﻰ ﻗﻮﻟﻮ ﻛﺎﻳﻦ ﺳﺒﺐ ﺁﺧﺮ ﺭﺋﻴﺴﻲ ... ﻭ ﺑﺎﺵ ﻓﺴﺮﻭ ... ﻓﺴﺮﻭ ﺑﻘﺒﻠﺔ ... ﺧﺴﺮﺍﺕ ﻣﻼﻣﺢ ﻭﺟﻬﺎ ﻭ ﻫﻲ ﻛﺘﻔﻜﺮ ﻓﺪﺍﻙ ﺍﻟﻨﻬﺎﺭ ...
ﺣﻔﻴﻀﺔ : ﺟﻮﻻﺍﺍﺍﻥ ... ﺍﺟﻮﻻﺍﺍﻥ
ﺟﻮﻻﻥ : " ﺧﺮﺟﺎﺕ ﻣﻦ ﺷﺮﻭﺩﻫﺎ " ﻧﻌﺎﻡ ﺃﻣﺎﻣﺎ ؟
ﺣﻔﻴﻀﺔ : ﻓﻴﻦ ﺳﺎﺭﺣﺔ ؟ !
ﺟﻮﻻﻥ : ﺁﺍ ... ﻻ ﻭﺍﻟﻮﻭ
ﺣﻔﻴﻀﺔ : ﻭﺍﺵ ﻫﻀﺮﺗﻲ ﻣﻊ ﺧﻄﻴﺒﻚ ... ﻛﻴﺘﺎﺻﻞ ﺑﻴﻚ ؟
ﺟﻮﻻﻥ : ﻫﺎﺍ ... ﻻ ﺁﺍﻩ ... ﻏﻨﻄﻠﻊ ﻧﺴﻴﺖ ﻟﺒﻴﺴﻲ ﺷﺎﻋﻞ
ﺧﺮﺟﺎﺕ ﻣﻦ ﺍﻟﺼﺎﻟﺔ ﻭ ﻃﻠﻌﺎﺕ ﻟﺒﻴﺘﻬﺎ ﻛﺘﺠﺮﻱ ... ﺩﺧﻼﺕ ﻟﺒﻴﺖ ﻭ ﺑﻘﺎﺕ ﻏﺎﺩﺓ ﺟﺎﻳﺔ ...
ﺟﻮﻻﻥ : ﺧﻄﻴﺒﻚ ! ﻧﺎﺭﻱ ﺷﺤﺎﻝ ﻏﺮﻳﺒﺔ ﻫﺎﺩ ﺍﻟﻜﻠﻤﺔ ... ﺩﺍﺑﺔ ﺍﻧﺎ ﻭﻳﺎﻩ ﻣﺨﻄﻮﺑﻴﻦ ... ﻭ ﻋﻼﺵ ﻣﺎﻣﺎ ﻛﺘﺴﻮﻝ ﻭﺍﺵ ﻛﻴﺘﺎﺻﻞ ﺑﻴﺎ ... ﺍﻩ ﺑﻌﺪﺍ ﻋﻤﺮﻭ ﺳﻮﻝ ﻭ ﻻ ﺳﻴﻔﻂ ﻣﻴﺴﺎﺝ ... ﻣﻦ ﺍﻷﺣﺴﻦ ﻣﻴﺴﻮﻟﺶ ﻭ ﻻ ﻳﻌﻴﻂ ... ﻭ ﺣﺼﻠﺔ ﻫﺎﺩﻱ ... ﻛﻴﻔﺎﺵ ﻏﻨﺘﻌﺎﻣﻞ ﻣﻌﺎﻩ ﻣﻦ ﻫﻨﺎ ﻟﻘﺪﺍﻡ ﺍﺭﺑﻲ ... ﺃﻓﻔﻒ
ﺳﻤﻌﺎﺕ ﺻﻮﺕ ﺍﻟﻔﻮﻥ ﺩﻳﺎﻟﻬﺎ ... ﻫﺰﺍﺗﻮ ﻭ ﻫﻲ ﺗﺨﺮﺝ ﻋﻨﻴﻬﺎ ﻓﺎﻻﺳﻢ ﺍﻟﻲ ﻃﺎﻟﻊ ﻟﻴﻬﺎ ... ﺑﺤﺮﺍ ﺟﺒﺪﺍﺕ ﺳﻴﺮﺗﻮ ... ﺑﺪﺍﺕ ﻛﺘﻠﻔﺖ ﻓﺠﻨﺎﺑﻬﺎ ﺑﺤﺎﻝ ﻻ ﺭﺍﻩ ﺳﻤﻌﻬﺎ ... ﭼﻠﺴﺎﺕ ﻓﻄﺮﻑ ﺍﻟﻨﺎﻣﻮﺳﻴﺔ ﻭ ﺗﻘﺎﺩﺍﺕ ﻣﺴﺘﺎﻗﻤﺔ ... ﻛﺄﻧﻬﺎ ﻛﺘﺴﺘﺎﻋﺪ ﻟﻤﻘﺎﺑﻠﺔ ﻋﻤﻞ ... ﺩﻭﺯﺍﺕ ﺍﻟﺨﻂ ﻭ ﺣﻄﺎﺕ ﻟﻔﻮﻥ ﻋﻠﻰ ﻭﺫﻧﻬﺎ ...
ﺟﻮﻻﻥ : ﺁﻟﻮﻭ
....... " ﺻﻮﺕ ﻣﺮﺍ " ﺍﻟﻮﻭﻭ ﺟﻮﻻﻥ
ﺟﻮﻻﻥ : " ﻗﺎﺑﻼﺕ ﻟﻔﻮﻥ ﻣﻊ ﻭﺟﻬﺎ ﻛﺘﺄﻛﺪ " ﺁﻩ ﻫﻲ ... ﺷﻜﻮﻥ ﻣﻌﻴﺎ
........ : ﻫﺎﺩﻱ ﺍﻧﺎ ﺣﺒﻴﺒﺔ
ﺟﻮﻻﻥ : ﺁﺍﻩ ﺟﺪﺓ
ﺣﺒﻴﺒﺔ : ﻓﺮﺣﺖ ﻣﻨﻴﻦ ﺳﻤﻌﺘﻲ ﻟﻜﻼﻣﻲ ﻭ ﻛﺘﻌﻴﻄﻲ ﻋﻠﻴﺎ ﺟﺪﺓ ... ﻛﻴﻒ ﺩﺍﻳﺮﺓ ﺍﺑﻨﺘﻲ ﻟﺒﺎﺱ ﻋﻠﻴﻚ ؟
ﺟﻮﻻﻥ : ﺍﻟﺤﻤﺪ ﻟﻠﻪ ﺍﺟﺪﺓ ... ﻧﺘﻲ ﻛﻴﻒ ﺩﺍﻳﺮﺓ ... ﻛﻴﻒ ﻭﻻﻭ ﻟﻴﻚ ﺭﺟﻠﻴﻚ
ﺣﺒﻴﺒﺔ : ﻫﺎﺣﻨﺎ ﺍﺑﻨﺘﻲ ﻛﻨﻌﺪﻳﻮ ... ﻣﺎﺑﻐﻴﺘﺶ ﻧﻄﻮﻝ ﻋﻠﻴﻚ ... ﺭﺍﻩ ﻛﻴﻒ ﺩﺧﻞ ﻭﻟﺪﻱ ﺭﺋﺒﺎﻝ ﻗﻠﺖ ﻟﻴﻪ ﻳﺸﺪ ﻟﻴﺎ ﻧﻤﺮﺗﻚ ﺑﺎﺵ ﻧﻬﻀﺮ ﻣﻌﺎﻙ
ﺟﻮﻻﻥ : " ﺳﻤﻌﺎﺕ ﺍﺳﻤﻮ ﻭ ﺑﺪﺍﺕ ﺿﻮﺭ ﻓﻌﻨﻴﻬﺎ "
ﺣﺒﻴﺒﺔ : ﺷﻮﻓﻲ ﻗﻮﻟﻲ ﻟﻤﺎﻣﺎﻙ ﺃﻣﺎ ﺑﺎﻙ ﺭﺍﻩ ﻏﻴﻌﻠﻤﻮ ﺭﺋﺒﺎﻝ ... ﻏﺪﺍ ﻏﺘﺠﻴﻮ ﺗﻌﺸﺎﻭ ﻣﻌﻨﺎ ... ﺣﻨﺎ ﺩﺍﺑﺔ ﻋﺎﺋﻠﺔ ﻭﺣﺪﺓ ... ﻭ ﺧﺎﺹ ﺷﺤﺎﻝ ﻣﻦ ﺣﺎﺟﺔ ﻧﺘﻨﺎﻗﺸﻮ ﻓﻴﻬﺎ ... ﺧﺎﺻﺔ ﻋﻠﻰ ﺯﻭﺍﺟﻜﻢ ... ﺻﺎﻓﻲ ﺍﺑﻨﺘﻲ
ﺟﻮﻻﻥ : ﺁﻩ ﻭﺍﺧﺔ
ﺣﺒﻴﺒﺔ : ﺍﻟﻠﻪ ﻳﺮﺿﻲ ﻋﻠﻴﻚ ... ﻫﺎﻛﻲ ﻧﺪﻭﺯ ﻟﻴﻚ ﺭﺋﺒﺎﻝ
ﺟﻮﻻﻥ : ﻝ " ﺑﻐﺎﺕ ﺗﻘﻮﻝ ﻻ ﻭ ﻫﻲ ﺗﺤﺒﺴﻬﺎ "
ﺷﺪ ﺭﺋﺒﺎﻝ ﺍﻟﻔﻮﻥ ﺩﻳﺎﻟﻮ ﻭ ﺗﻢ ﻃﺎﻟﻊ ﻣﻊ ﺍﻟﺪﺭﻭﺝ ... ﺑﺠﻮﺝ ﺳﺎﻛﺘﻴﻦ ... ﺣﺘﻰ ﺗﻜﻠﻢ ﻫﻮ ...
ﺭﺋﺒﺎﻝ : ﻣﺰﺍﻝ ﻣﺎﻗﺮﺭﺗﻲ
ﺟﻮﻻﻥ : ﻑ ﻓﺎﺵ ... ؟ !
ﺭﺋﺒﺎﻝ : ﺑﺸﺄﻥ ﺭﺟﻮﻋﻚ ﻟﻠﺸﺮﻛﺔ
ﺟﻮﻻﻥ : ﻣﺰﺍﻝ ﻣﺎﻋﺮﻓﺖ
ﺭﺋﺒﺎﻝ : ﻏﺪﺍ ﺗﻌﻄﻴﻨﻲ ﺟﻮﺍﺑﻚ ... ﺑﺎﺵ ﻧﻌﺮﻑ ﺷﻨﻮ ﻧﺪﻳﺮ ﻓﺪﺍﻙ ﺍﻟﻤﻜﺘﺐ
ﺟﻮﻻﻥ : ﻣﺰﺍﻝ ﻣﺎﺍﺳﺘﻌﻤﻠﻮ ﺣﺘﻰ ﻭﺍﺣﺪ
ﺭﺋﺒﺎﻝ : ﻻ
ﺟﻮﻻﻥ : ﻏﺪﺍ ﻏﻨﻘﻮﻝ ﻟﻴﻚ ﺷﻨﻮ ﻗﺮﺭﺕ ... ﻭﺍﺵ ﻣﻤﻜﻦ ﻧﺠﻴﺐ ﻣﻌﻴﺎ ﺯﻳﻨﺐ ؟
ﺭﺋﺒﺎﻝ : ﺟﻴﺒﻴﻬﺎ
ﺟﻮﻻﻥ : ﻭﺍﺧﺔ ﺷﻜﺮﺍ
ﺭﺋﺒﺎﻝ : " ﺑﻌﺪ ﺻﻤﺖ ﻗﺼﻴﺮ " ﺛﺎﻧﺪﺭ ﺗﻮﺣﺸﻚ
ﺟﻮﻻﻥ : " ﻃﻠﻌﺎﺕ ﻣﻌﻬﺎ ﺍﻟﺤﺮﺍﺭﺓ " ﻫﺎﺍﺍ ... ﺁﻩ ﺏ ﺑﺎﻟﺴﻼﻣﺔ " ﻗﻄﻌﺎﺕ "
ﻻﺣﺖ ﺍﻟﻔﻮﻥ ﻓﻮﻕ ﺍﻟﺴﺮﻳﺮ ﻭ ﻣﺸﺎﺕ ﺣﻼﺕ ﺍﻟﻨﺎﻓﺬﺓ ... ﺑﺪﺍﺕ ﻛﺘﻨﺶ ﺑﻴﺪﻫﺎ ﻋﻠﻰ ﻭﺟﻬﺎ ﻭﺍﺧﺔ ﻫﻤﺎ ﻓﻔﺼﻞ ﺍﻟﺸﺘﺎﺀ ...
ﺟﻮﻻﻥ : ﻗﺎﻝ ﺛﺎﻧﺪﺭ ﺗﻮﺣﺸﻚ ... ﻣﺎﺷﻲ ﺗﻮﺣﺸﺘﻚ ... ﻣﺎﺗﻤﺸﻴﺶ ﺑﻌﻴﺪ ﺍﺟﻮﻻﻥ ... ﺍﻓﻔﻒ ﺍﻟﺼﻬﺪ ... ﺳﺨﻦ ﺍﻟﺤﺎﻝ ﺍﻟﻴﻮﻡ
ﻧﺰﻻﺕ ﺟﻮﻻﻥ ﻣﺮﻓﻮﻋﺔ ﻋﻨﺪ ﻣﻬﺎ ... ﻋﺎﻭﺩﺍﺕ ﻟﻴﻬﺎ ﻋﻠﻰ ﺷﻨﻮ ﻗﺎﻟﺖ ﻻﺣﺒﻴﺒﺔ ... ﺣﻔﻴﻀﺔ ﻓﺮﺣﺎﺕ ﺑﻬﺎﺩ ﺍﻟﻌﺮﺍﺿﺔ ... ﺑﺎﺵ ﻧﻴﺖ ﻳﺰﻳﺪﻭ ﻳﺘﻌﺮﻓﻮ ﻋﻠﻰ ﺍﻟﻌﺎﺋﻠﺔ ﺍﻟﻲ ﻏﺘﻌﻄﻲ ﻟﻴﻬﻢ ﺑﻨﺘﻬﺎ ... ﻏﻴﺮ ﺗﻌﺎﺷﺎﺕ ﺍﻟﻌﺸﻴﺔ ﺩﺧﻞ ﺇﺑﺮﺍﻫﻴﻢ ﻭ ﺟﻮﻻﻥ ﻃﻠﻌﺎﺕ ﻟﺒﻴﺘﻬﺎ ... ﻫﺰﺍﺕ ﻟﺒﻴﺴﻲ ﻛﺘﺤﺎﻭﻝ ﺗﻜﺘﺐ ... ﻭ ﻫﻨﺎ ﻓﻴﻦ ﻟﻘﺎﺕ ﺣﻔﻴﻀﺔ ﺍﻟﻔﺮﺻﺔ ﺗﻬﻀﺮ ﻣﻊ ﺭﺍﺟﻠﻬﺎ ... ﻋﻤﺮﺍﺕ ﻟﻴﻪ ﻛﺎﺱ ﺍﺗﺎﻱ ﻭ ﻣﺪﺍﺗﻮ ﻟﻴﻪ ... ﺷﺪﻭ ﻣﻦ ﻋﻨﺪﻫﺎ ﻭ ﻋﻨﻴﻪ ﻋﻠﻰ ﺍﻟﺘﻠﻔﺎﺯﺓ ... ﻫﺰﺍﺕ ﺍﻟﺮﻳﻤﻮﺕ ﻧﻘﺼﺎﺕ ﺍﻟﺼﻮﺕ ﻭ ﻧﻄﻘﺎﺕ ...
ﺇﺑﺮﺍﻫﻴﻢ : " ﺗﻠﻔﺖ ﻋﻨﺪﻫﺎ " ﻻﺵ ﻧﺎﻗﺼﺎﻫﺎ
ﺣﻔﻴﻀﺔ : ﺑﻐﻴﺖ ﻧﻬﻀﺮ ﻣﻌﺎﻙ
ﺇﺑﺮﺍﻫﻴﻢ : " ﺭﺟﻊ ﻛﻴﺘﻔﺮﺝ " ﺍﻟﻠﻪ ﻳﺴﻤﻌﻨﺎ ﺧﻴﺮ
ﺣﻔﻴﻀﺔ : ﺧﺎﺹ ﻧﺒﺪﺍﻭ ﻧﺎﺧﺪﻭ ﻟﻠﺒﻨﺖ ﺣﺎﺟﺔ ﺑﺤﺎﺟﺔ ﻋﻠﻰ ﺗﻴﺴﺎﻉ ... ﺑﻤﺎ ﻗﺮﺭﻭ ﺍﻣﺘﺎ ﻳﺪﻳﺮﻭ ﺍﻟﻌﺮﺱ
ﺇﺑﺮﺍﻫﻴﻢ : " ﺷﺎﻑ ﻓﻴﻬﺎ " ﺁﺵ ﻏﻨﺎﺧﺪﻭ ﻟﻴﻬﺎ !
ﺣﻔﻴﻀﺔ : ﺩﺍﻛﺸﻲ ﺍﻟﻲ ﺧﺎﺻﻬﺎ ... ﻋﻼﺵ ﺣﻨﺎ ﻏﻨﺴﻴﻔﻄﻮﻫﺎ ﺧﺎﻭﻳﺔ ... ﻭ ﺍﻧﺎ ﻋﺎﺭﻓﺔ ﻣﺎﻋﻨﺪﻧﺎﺵ ﺑﺎﺵ ﻧﺪﻳﺮﻭ ﻟﻴﻬﺎ ﺷﻲ ﻋﺮﺱ ... ﻭ ﻟﻜﻦ ﺿﺮﻭﺭﻱ ﻧﻔﺮﺣﻮ ﺑﻴﻬﺎ ... ﻫﻲ ﺍﻟﻲ ﻋﻨﺪﻧﺎ
ﺇﺑﺮﺍﻫﻴﻢ : ﻣﻨﻴﻦ ﺗﺸﺪ ﻓﻠﻮﺱ ﺻﺪﺍﻗﻬﺎ ﺗﺸﺮﻱ ﺍﻟﻲ ﺧﺎﺹ
ﺣﻔﻴﻀﺔ : " ﺑﺰﻋﻔﺔ " ﻫﺎﺩﺷﻲ ﻋﺎﺭﻓﺎﻩ ... ﻭ ﻟﻜﻦ ﺣﺘﻰ ﺣﻨﺎ ﺧﺎﺹ ﻧﺪﻳﺮﻭ ﻟﻴﻬﺎ ﻣﻦ ﻋﻨﺪﻧﺎ ... ﻭ ﻻ ﺑﺎﻏﻲ ﻧﺘﺴﻨﺎﻭ ﺣﺘﻰ ﻳﺠﻲ ﻫﺎﺩ ﺍﻟﺼﺪﺍﻕ !
ﺇﺑﺮﺍﻫﻴﻢ : ﺷﺤﺎﻝ ﻣﻦ ﻣﺮﺓ ﻗﻠﺖ ﻟﻴﻚ ﻣﺎﻋﻨﺪﻳﺶ ... ﻣﻨﻴﻦ ﻏﺎﺩﻱ ﻧﺠﻴﺒﻬﻢ ... ﻓﻠﻮﺱ ﺍﻟﺘﻘﺎﻋﺪ ﺑﺤﺮﺍ ﻗﺎﺩﻳﻨﺎ ... ﻭ ﺩﺍﻛﺸﻲ ﺍﻟﻲ ﻛﻨﺖ ﻣﺨﺒﻲ ﺩﻓﻌﺘﻮ ﻓﺎﻟﻤﺤﻞ
ﺣﻔﻴﻀﺔ : ﻭ ﻋﻼﺵ ﺩﺍﻓﻊ ﻓﻴﻪ ﻭ ﺯﺍﻳﺪﻫﺎ ﺑﺎﻟﺴﻠﻒ ﻣﻨﻴﻦ ﻣﺎﻋﻨﺪﻛﺶ ... ﺗﻜﺎﻓﻴﻨﺎ ﻣﻊ ﻫﺎﺩﺷﻲ ... ﺗﺰﻳﺪ ﺣﺘﻰ ﺧﻼﺹ ﺍﻟﻜﺮﻳﺪﻱ ... ﺍﺵ ﺑﺎﻥ ﻟﻴﻚ ﺧﻠﻲ ﻟﻤﺤﻞ ﻣﻦ ﺑﻌﺪ ﻭ ﺭﺟﻊ ﻓﻠﻮﺳﻚ ﻣﻨﻴﻦ ﻣﺰﺍﻝ ﻣﺎﻛﻤﻠﺘﻲ ﻟﻴﻪ ﺍﻟﻤﺒﻠﻎ
ﺇﺑﺮﺍﻫﻴﻢ : ﺗﻜﺎﺗﺒﻨﺎ ﻭ ﻛﻤﻠﺖ ﻟﻴﻪ ﻓﻠﻮﺳﻮ ... ﺩﺍﺑﺔ ﺍﻟﻤﺤﻞ ﺭﺟﻊ ﺑﺴﻤﻴﺘﻲ
ﺣﻔﻴﻀﺔ : ﻭ ﺑﺎﺵ ﻛﻤﻠﺘﻴﻪ ... ﺭﺟﻌﺘﻲ ﺗﺴﻠﻔﺘﻲ ؟
ﺇﺑﺮﺍﻫﻴﻢ : ﻻ
ﺣﻔﻴﻀﺔ : ﻭ ﺷﻨﻮﻭﻭ
ﺇﺑﺮﺍﻫﻴﻢ : " ﺑﻨﺒﺮﺓ ﻋﺎﻟﻴﺔ " ﻭ ﻧﺘﻲ ﺁﺵ ﺩﺧﻠﻚ ﻟﻬﺎﺩ ﺍﻟﺸﺒﻮﻕ
ﺣﻔﻴﻀﺔ : ﺁﺵ ﺩﺧﻠﻨﻲ ... ﻣﺎﺩﺧﻠﻨﻲ ﻭﺍﻟﻮ ... ﺩﻳﺮ ﺍﻟﻲ ﻋﺠﺒﻚ ... ﺑﻨﺘﻚ ﺍﻟﻮﺣﻴﺪﺓ ﻣﻘﺎﺩﺭ ﺩﻳﻚ ﻟﻴﻬﺎ ﺃﺑﺴﻂ ﺣﺎﺟﺔ
ﺍﺑﺮﺍﻫﻴﻢ : ﻋﻼﺵ ﻧﻜﻠﻒ ﻋﻠﻰ ﺭﺍﺳﻲ ﻭ ﻫﻲ ﻏﺘﺰﻭﺝ ﻣﻦ ﻋﺎﺋﻠﺔ ﻣﻐﺘﺨﺼﻬﺎ ﻣﻌﺎﻫﻢ ﺣﺘﻰ ﺣﺎﺟﺔ
ﺣﻔﻴﻀﺔ : ﻫﺬﺍ ﺭﺃﻳﻚ " ﻧﺎﺿﺖ " ﻛﻨﺘﻤﻨﺎ ﺗﻠﻘﻰ ﻣﻌﺎﻫﻢ ﺩﺍﻛﺸﻲ ﺍﻟﻲ ﻣﺎﻟﻘﺎﺗﺶ ﻫﻨﺎ ... ﻭ ﻣﺎﺷﻲ ﻛﻨﻬﻀﺮ ﻋﻠﻰ ﻟﻔﻠﻮﺱ
ﺧﺮﺟﺎﺕ ﺣﻔﻴﻀﺔ ﻃﺎﻟﻊ ﻟﻴﻬﺎ ﺍﻟﺰﻋﻒ ... ﺩﺧﻼﺕ ﻟﺒﻴﺖ ﺣﻼﺕ ﻟﺒﻼﻛﺎﺭ ﻭ ﺟﺒﺪﺍﺕ ﺑﺴﻄﺎﻡ ﻛﺒﻴﺮ ﻣﻦ ﻏﻴﺮ ﺍﻟﻲ ﻛﺘﺴﺘﻌﻤﻞ ... ﺣﻼﺗﻮ ﻭ ﺑﺪﺍﺕ ﻛﺘﺤﺴﺐ ﻓﺎﻟﻤﺒﻠﻎ ﺍﻟﻲ ﻋﻨﺪﻫﺎ ... ﺷﺎﻓﺖ ﻓﺪﺍﻛﺸﻲ ﺍﻟﻲ ﺑﻴﻦ ﻳﺪﻳﻬﺎ ﺑﺤﺰﻥ ﻭ ﺭﺟﻌﺎﺗﻮ ﻟﻤﻜﺎﻧﻮ ...
🍁 ﻳﻮﻡ ﺟﺪﻳﺪ ...
ﻭﺍﻗﻒ ﺇﺑﺮﺍﻫﻴﻢ ﻋﻨﺪ ﻟﺒﺎﺏ ﻭ ﻛﻴﺸﻮﻑ ﻓﺎﻟﺴﺎﻋﺔ ﺍﻟﻲ ﻓﻴﺪﻭ ... ﺷﺎﻑ ﻓﺎﻟﺴﺎﺋﻖ ﺍﻟﻲ ﺳﻴﻔﻂ ﺭﺋﺒﺎﻝ ﻭﺍﻗﻒ ﺟﻨﺐ ﺍﻟﺴﻴﺎﺭﺓ ... ﻭ ﺑﺪﺍ ﻛﻴﻌﻴﻂ ﻋﻠﻴﻬﻢ ﻭ ﻳﻄﻠﺐ ﻣﻨﻬﻢ ﻳﺴﺮﻋﻮ ... ﻧﺰﻻﺕ ﺟﻮﻻﻥ ﻣﻦ ﺍﻟﺪﺭﻭﺝ ﻭ ﺑﻘﺎﺕ ﻭﺍﻗﻔﺔ ﻓﺒﺎﺏ ﺍﻟﻜﻮﺯﻳﻨﺔ ... ﻛﺘﺸﻮﻑ ﻓﻤﻬﺎ ﺍﻟﻲ ﻻﺑﺴﺔ ﺟﻼﺑﺘﻬﺎ ... ﻛﺘﻐﻄﻲ ﺑﺎﻷﻟﻤﻨﻴﻮﻡ ﻃﺎﻭﺓ ﻣﺪﻭﺭﺓ ...
ﺟﻮﻻﻥ : ﻣﺎﻣﺎ ﺷﻨﻮ ﺩﺍﻛﺸﻲ ؟
ﺣﻔﻴﻀﺔ : ﺍﻟﺒﺴﻄﻴﻠﺔ ﻗﺎﺩﻳﺘﻬﺎ ﻟﺒﺎﺭﺡ ... ﺣﺸﻮﻣﺔ ﻧﺪﺧﻠﻮ ﻋﻠﻴﻬﻢ ﺑﻴﺪﻳﻨﺎ ﺧﺎﻭﻳﻴﻦ
ﺟﻮﻻﻥ : ﺍﺭﻱ ﻧﻬﺰﻫﺎ ﻋﻠﻴﻚ
ﺣﻔﻴﻀﺔ : ﻏﻴﺮ ﺳﺒﻘﻲ ... ﻏﻨﻬﺰﻫﺎ ﺭﺍﺳﻲ ﺑﺎﻗﺔ ﺳﺨﻮﻧﺔ
ﺧﺮﺟﻮ ﻟﻘﺎﻭ ﺇﺑﺮﺍﻫﻴﻢ ﻃﻠﻊ ﻟﻘﺪﺍﻡ ﺟﻨﺐ ﺍﻟﺸﻴﻔﻮﺭ ... ﻃﻠﻌﺎﺕ ﺣﻔﻴﻀﺔ ﻭ ﺟﻮﻻﻥ ﺑﻘﺎﺕ ﻭﺍﻗﻔﺔ ﺷﺎﺩﺓ ﻓﺎﻟﺒﺎﺏ ... ﺑﺎﻧﺖ ﻟﻴﻬﺎ ﺯﻳﻨﺐ ﺟﺎﻳﺔ ﻛﺘﺠﺮﻱ ...
ﺟﻮﻻﻥ : " ﺑﺼﻮﺕ ﻣﻨﺨﻔﺾ " ﻓﻴﻦ ﺗﻌﻄﻠﺘﻲ ؟
ﺯﻳﻨﺐ : ﺧﺮﺟﺖ ﻣﻦ ﻟﺨﺪﻣﺔ ﺟﻴﺖ ﻛﻨﺠﺮﻱ ... ﺧﺸﻴﺖ ﻓﻮﺟﻬﻲ ﻭ ﻫﺎ ﺃﻧﺎ ... ﻣﺎﺑﺪﻟﺖ ﺣﺘﻰ ﺣﻮﺍﻳﺠﻲ
ﺟﻮﻻﻥ : ﻃﻠﻌﻲ
ﺭﻛﺒﻮ ﺑﺠﻮﺝ ﻭ ﻫﻮ ﻳﻨﻄﺎﻟﻖ ﺍﻟﺴﺎﺋﻖ ... ﺍﻟﺒﻨﺎﺕ ﻛﻴﻮﺷﻮﺷﻮ ﺑﻴﻨﺎﺗﻬﻢ ﻭ ﺣﻔﻴﻀﺔ ﺣﺎﻃﺔ ﺍﻟﻄﺎﻭﺓ ﻓﻮﻕ ﺣﺠﺮﻫﺎ ... ﻣﺴﺎﻓﺔ ﺍﻟﻄﺮﻳﻖ ﻭ ﻛﺎﻧﻮ ﻗﺪﺍﻡ ﻓﻴﻼ ﺩﻳﺎﻝ ﺍﻟﻌﺜﻤﺎﻧﻲ ... ﺗﺤﻞ ﻟﺒﺎﺏ ﻭ ﺩﺧﻞ ﺑﺎﻟﺴﻴﺎﺭﺓ ﻣﻊ ﺍﻟﻤﻤﺮ ﺍﻟﻌﺮﻳﺾ ... ﻧﺰﻝ ﻭ ﻫﻤﺎ ﻳﻬﺒﻄﻮ ﻛﺎﻣﻠﻴﻦ ... ﻟﺒﻨﺎﺕ ﺩﻳﺠﺎ ﺟﺎﻭ ﻟﻬﻨﺎ ... ﺃﻣﺎ ﺇﺑﺮﺍﻫﻴﻢ ﻭ ﺣﻔﻴﻀﺔ ﺗﻀﻬﺸﺮﻭ ﻓﺎﺵ ﺷﺎﻓﻮ ﻓﻴﻦ ﻋﺎﻳﺸﻴﻦ ... ﺇﺑﺮﺍﻫﻴﻢ ﻋﺎﺭﻑ ﺑﻠﻲ ﻟﺒﺎﺱ ﻋﻠﻴﻬﻢ ﻣﻦ ﻧﻬﺎﺭ ﺷﺎﻑ ﺍﻟﺸﺮﻛﺔ ...
ﻟﻜﻦ ﺣﻔﻴﻀﺔ ﻣﻜﺎﻧﺘﺶ ﻣﺘﻮﻗﻌﺔ ﺍﺑﺪﺍ ... ﺧﺎﺻﺔ ﺑﻌﺪﻣﺎ ﻗﺎﺑﻼﺕ ﻻﺣﺒﻴﺒﺔ ﻭ ﺭﺋﺒﺎﻝ ... ﻛﻴﻒ ﻛﺎﻧﻮ ﻓﺎﻟﺨﻄﺒﺔ ﺗﻌﺎﻣﻠﻬﻢ ﻭ ﺷﺨﺼﻴﺘﻬﻢ ... ﻣﻀﻨﺎﺗﺶ ﻳﻜﻮﻧﻮ ﺃﺛﺮﻳﺎﺀ ﻟﻬﺎﺩ ﺍﻟﺪﺭﺟﺔ ... ﻧﺰﻻﺕ ﻋﻨﻴﻬﺎ ﻛﺘﺸﻮﻑ ﻓﺎﻟﻄﺎﻭﺓ ﺍﻟﻲ ﻫﺎﺯﺓ ﺣﺸﻤﺎﺕ ﻣﻦ ﺭﺍﺳﻬﺎ ... ﺟﻮﻻﻥ ﺍﻧﺘﺎﺑﻬﺎﺕ ﻟﻴﻬﺎ ﻭ ﻛﺄﻧﻬﺎ ﻓﻬﻤﺎﺕ ﺷﻨﻮ ﻛﻴﻀﻮﺭ ﻓﺮﺍﺳﻬﺎ ... ﺧﺸﺎﺕ ﺩﺭﺍﻋﻬﺎ ﻓﺪﺭﺍﻉ ﻣﻬﺎ ﻭ ﻫﻀﺮﺍﺕ ﻣﻘﺮﺑﺔ ﻟﻴﻬﺎ ...
ﺟﻮﻻﻥ : ﻓﻜﺮﺓ ﺍﻧﻚ ﺳﻬﺮﺗﻲ ﺣﺘﻰ ﻃﻴﺒﺘﻴﻬﺎ ﻭ ﻗﺎﺩﺗﻴﻬﺎ ﺑﺤﺐ ... ﺃﺣﺴﻦ ﻣﻦ ﺍﻱ ﺣﺎﺟﺔ ﻏﺎﻟﻴﺔ ﺍﻟﺜﻤﻦ ﻏﺘﺸﺮﻳﻬﺎ ... ﻭ ﻻ ﻣﺎﻗﺪﺭﻭﻫﺎﺵ ﻫﻤﺎ ﺍﻟﻲ ﺧﺎﺳﺮﻳﻦ
ﺷﺪﺍﺕ ﻣﻦ ﻋﻨﺪ ﻣﻬﺎ ﺍﻟﻄﺎﻭﺓ ﻭ ﺷﺪﺍﺕ ﻓﻴﻬﺎ ... ﻛﻴﻒ ﺩﺧﻠﻮ ﺑﺎﻧﺖ ﻟﻴﻬﻢ ﻻﺣﺒﻴﺒﺔ ﻭ ﺍﻟﺨﺪﺍﻣﺔ ﻧﻮﺍﻝ ﻭﺍﻗﻔﻴﻦ ﻻﺳﺘﻘﺒﺎﻟﻬﻢ ... ﺗﺴﺎﻟﻤﻮ ﻣﻌﻬﺎ ﻭﺻﻼﺕ ﻋﻨﺪ ﺟﻮﻻﻥ ﺑﺎﺳﺘﻬﺎ ﺑﺤﺮﺍﺭﺓ ... ﻣﺪﺍﺕ ﻟﻴﻬﺎ ﺟﻮﻻﻥ ﺍﻟﻄﺎﻭﺓ ...
ﺟﻮﻻﻥ : ﺑﺴﻄﻴﻠﺔ ﻗﺪﺍﺗﻬﺎ ﻣﺎﻣﺎ
ﻻﺣﺒﻴﻴﺔ : ﻻﺵ ﻋﺬﺑﺘﻲ ﺭﺍﺳﻚ " ﻋﻨﻘﺎﺕ ﺣﻔﻴﻀﺔ ﺑﻴﺪﻫﺎ " ﺍﻟﻠﻪ ﻳﺨﻠﻒ ﻋﻠﻴﻚ ﺍﺑﻨﺘﻲ
ﺣﻔﻴﻀﺔ : ﻭﻟﻮ ﺍﻟﺤﺎﺟﺔ
ﻃﻠﺒﻮ ﻣﻨﻬﻢ ﻳﺪﺧﻠﻮ ﻷﺣﺪ ﺍﻟﺼﺎﻟﻮﻧﺎﺕ ﺍﻟﻲ ﻛﺎﻥ ﻓﺮﺍﺷﻮ ﺗﻘﻠﻴﺪﻱ ﻭ ﻣﻔﺘﻮﺡ ... ﭼﻠﺴﻮ ﻣﺠﻤﻌﻴﻦ ﻭ ﻻﺣﺒﻴﺒﺔ ﻓﺮﺣﺎﻧﺔ ﺑﻤﺠﻴﺌﻬﻢ ... ﺟﻮﻻﻥ ﭼﻠﺴﺎﺕ ﺷﻮﻳﺔ ﻭ ﻧﺎﺿﺖ ﺟﺎﺭﺓ ﻣﻌﻬﺎ ﺯﻳﻨﺐ ... ﺧﺮﺟﻮ ﻣﻦ ﺍﻟﭭﻴﻼ ﻣﻦ ﺍﻟﺒﺎﺏ ﺍﻟﻠﻮﺭﺍﻧﻲ ﻭ ﺗﻮﺟﻬﻮ ﻟﻔﻴﻦ ﻛﺎﻳﻦ ﺛﺎﻧﺪﺭ ... ﺣﻞ ﻟﻴﻬﻢ ﺍﻟﺮﺍﺟﻞ ﺍﻟﺒﺎﺏ ﺑﺪﻭﻥ ﻣﺎﻳﺴﻮﻟﻬﻢ ﻛﺄﻧﻮ ﻣﺘﻮﻗﻊ ﻣﺠﻴﺌﻬﻢ ... ﺩﺧﻼﺕ ﻣﺒﺘﺎﺳﻤﺔ ﻭ ﻗﺮﺑﺎﺕ ﻟﻌﻨﺪﻭ ... ﻭﻗﻔﺎﺕ ﺯﻳﻨﺐ ﺟﻨﺒﻬﺎ ﻛﻀﺤﻚ ﻋﻠﻴﻬﺎ ...
ﻏﻴﺮ ﻛﺘﺸﻮﻓﻮ ﻛﺘﺼﺮﻑ ﻛﻴﻒ ﺍﻟﺪﺭﺍﺭﻱ ﺍﻟﺼﻐﺎﺭ ... ﺟﺒﺪﺍﺕ ﺯﻳﻨﺐ ﺍﻟﻔﻮﻥ ﺑﻐﺎﺕ ﺗﺴﻴﻠﻔﺎ ... ﺷﺎﻓﺖ ﺍﻹﺿﺎﺀﺓ ﻋﻴﺎﻧﺔ ﻟﺪﺍﺧﻞ ﻣﻊ ﻗﺮﺑﺎﺕ ﺗﻐﺮﺏ ﺍﻟﺸﻤﺲ ... ﺧﺮﺟﺎﺕ ﻣﻦ ﺍﻟﻤﺴﺘﻮﺩﻉ ﻭﺍﻗﻔﺔ ﻛﺘﺼﻮﺭ ... ﻛﻴﻒ ﺧﺪﺍﺗﻬﻢ ﻏﺎﺩﺓ ﺭﺍﺟﻌﺔ ﻳﺎﻻﻩ ﺑﻐﺎﺕ ﺗﺪﺧﻞ ﻭ ﻫﻲ ﺗﺤﺲ ﺑﻴﺪ ﺗﺤﻄﺎﺕ ﻋﻠﻰ ﻓﻤﻬﺎ ﻭ ﺷﻲ ﺣﺪ ﺟﺮﻫﺎ ...
ﺷﻲ ﺣﺪ ﺣﺎﻛﻤﻬﺎ ﻣﻦ ﺍﻟﻠﻮﺭ ﻭ ﺟﺎﺭﻫﺎ ... ﻣﺨﺮﺟﺔ ﻋﻨﻴﻬﺎ ﻭ ﻛﺘﺠﺒﺪ ﺑﺎﺵ ﺗﻔﻠﺖ ... ﻛﻴﻒ ﺭﺧﺎ ﻳﺪﻭ ﺷﻮﻳﺔ ﻭ ﻫﻲ ﻃﻴﺮ ﻋﻠﻴﻪ ﺑﻌﻀﺔ ... ﻃﻠﻖ ﻣﻨﻬﺎ ﺿﺎﺭﺕ ﺷﺎﻓﺘﻮ ﻭ ﻫﻲ ﺗﺠﻨﻦ ...
ﺯﻳﻨﺐ : ﺍﻋﻌﻊ ... ﺍﺵ ﻫﺎﺩ ﻓﻬﺎﻳﻞ ﺍﻟﺘﺒﺮﻫﻴﺶ ... ﺧﺮﺟﺘﻴﻬﺎ ﻣﻨﻲ
ﺇﻟﻴﺎﺱ : " ﺷﺎﺩ ﻓﻴﺪﻭ " ﻣﺠﻌﻮﻭﺭﺓ ﻋﻠﻰ ﺷﻮﻳﺔ ﻛﻨﺘﻲ ﻏﺎﻃﻴﺮﻱ ﻟﻴﺎ ﺍﻟﺠﻠﺪﺓ
ﺯﻳﻨﺐ : ﻭ ﻧﺘﺎ ﺍﻟﻲ ﺧﺎﻟﻌﻨﻲ ... ﺍﺳﺤﺎﺏ ﻟﻴﺎ ﺷﻲ ﻭﺍﺣﺪ ﺳﺎﻳﻜﻮ ... ﻏﻴﺠﺮﻧﻲ ﻳﻐﺘﺎﺻﺒﻨﻲ ﻓﻬﺎﺩ ﺍﻟﺨﻼ
ﺇﻟﻴﺎﺱ : ﺍﺵ ﻣﻦ ﺧﻼ ... ﻫﺎﺩﻱ ﺭﺍﻩ ﻣﻠﻜﻴﺔ ﺧﺎﺻﺔ
ﺯﻳﻨﺐ : " ﺧﺮﺟﺎﺕ ﻋﻨﻴﻬﺎ " ﻩ ﻩ ﻫﺎﺩﺷﻲ ﺩﻳﺎﻝ ﺍﻟﻤﺪﻳﺮ !
ﺇﻟﻴﺎﺱ : ﻫﻬﻪ ﺁﻩ ﺩﻳﺎﻟﻮ ... ﻭ ﻋﻼﺵ ﻛﺘﻘﻮﻟﻲ ﻟﻴﻪ ﺍﻟﻤﺪﻳﺮ
ﺯﻳﻨﺐ : ﻭ ﺑﺎﺵ ﻏﻨﻌﻴﻂ ﻋﻠﻴﻪ ﻣﺜﻼ ... ﺭﺍﻩ ﺍﻟﻤﺪﻳﺮ ﺩﻳﺎﻟﻲ
ﺇﻟﻴﺎﺱ : ﻋﻴﻄﻲ ﻋﻠﻴﻪ ﺑﺴﻤﻴﺘﻮ
ﺯﻳﻨﺐ : ﺑﺎﺵ ﻳﺠﺮﻱ ﻋﻠﻴﺎ ... ﺍﻟﻨﻬﺎﺭ ﺍﻻﻭﻝ ﻓﺎﻟﺸﺮﻛﺔ ﻓﺮﺿﻮ ﻋﻠﻴﻨﺎ ﻧﻌﻴﻄﻮ ﻟﻠﻨﺎﺱ ﺍﻟﻲ ﻓﻮﻕ ﻣﻨﺎ ﺑﺮﺳﻤﻴﺔ ... ﻭﺍﺳﻌﺎﻙ ﻣﻮﻝ ﺍﻟﺸﻲ
ﺍﻟﻴﺎﺱ : ﻧﺘﻲ ﻫﺎﻧﻴﺔ ... ﺭﺍﻙ ﺻﺎﺣﺒﺔ ﺧﻄﻴﺒﺘﻮ ... ﻭ ﺣﺒﻴﺒﺔ ﺻﺎﺣﺒﻮ " ﻏﻤﺰﻫﺎ "
ﺯﻳﻨﺐ : ﻟﻌﻤﻰ " ﺣﻄﺎﺕ ﻳﺪﻫﺎ ﻋﻠﻰ ﺻﺪﺭﻫﺎ " ﺍﻓﻔﻒ ﻗﻠﺒﻲ ﺑﺎﻗﻲ ﻛﻴﺠﺮﻱ
ﺇﻟﻴﺎﺱ : " ﻗﺮﺏ ﻋﻨﺪﻫﺎ " ﺍﻧﺴﻤﻊ
ﺯﻳﻨﺐ : ﻏﻨﺤﻴﺪ ﻫﺎﺩ ﺳﺒﺮﺩﻳﻠﺔ ﺍﻟﻲ ﻓﻴﻬﺎ 5 ﺳﻨﺘﻴﻢ ﺩﻳﺎﻝ ﺍﻟﻌﻠﻮ ... ﻭ ﻧﺰﻝ ﻋﻠﻴﻚ ﺑﻴﻬﺎ
ﺇﻟﻴﺎﺱ : " ﻛﻴﻀﺤﻚ " ﻗﺰﻣﺔ ... ﺣﺘﻰ ﺍﻟﺴﺒﺮﺩﻳﻠﺔ ﻻﺑﺴﻬﺎ ﻋﺎﻟﻴﺔ
ﺯﻳﻨﺐ : ﻭ ﻧﺘﺎ ﻃﻮﻳﻞ ﻛﻴﻒ ﻋﻨﻖ ﺑﻼﺭﺝ ﺑﻼ ﻓﺎﻳﺪﺓ
ﺇﻟﻴﺎﺱ : " ﻫﺰ ﺍﻟﺘﺮﻳﻜﻮ ﺣﺘﻰ ﺑﺎﻧﻮ ﻟﻲ ﺯﺍﺑﺪﻭ " ﻭ ﻫﺎﺩﻭ ﻟﻤﻚ
ﺯﻳﻨﺐ : ﻃﺰﺯ ... ﻧﺠﻮﻉ ﺭﺍﺳﻲ ﺛﻠﺜﻴﺎﻡ ﻳﻮﻟﻴﻮ ﻋﻨﺪﻱ
ﺇﻟﻴﺎﺱ : ﺍﺳﺘﺴﻠﻢ ... ﻣﻌﺎﻙ ﻧﺘﻲ ﻛﻴﺘﻘﺪﺍﻭ ﻟﻴﺎ ... ﺗﻘﻮﻟﻲ ﻋﻨﺪﻙ ﻣﺠﻠﺪ ﺩﻳﺎﻝ ﺭﺩﺍﻥ ﺍﻟﻬﻀﺮﺓ ... ﻣﺘﺨﻠﻴﻬﺎﺵ ﻓﻴﻚ
ﺯﻳﻨﺐ : ﺯﻳﻨﺐ ﻫﺎﺩﻱ ﻭ ﺃﺟﺮﻙ ﻋﻠﻰ ﺍﻟﻠﻪ ... ﻓﻴﻨﻤﺎ ﺟﺘﻴﻨﻲ ﺗﻠﻘﺎﻧﻲ
ﺇﻟﻴﺎﺱ : ﺳﻌﺪﺍﺕ ﺭﺋﺒﺎﻝ ﺩﺍ ﺍﻟﺒﺮﺍﺀﺓ ﻭ ﺍﻟﺘﺒﺎﺗﺔ
ﻣﻴﻘﺎﺕ ﻓﻴﻪ ﻭ ﺗﻤﺎﺕ ﻏﺎﺩﺓ ﺣﺘﻰ ﺟﺮﻫﺎ ...
ﺇﻟﻴﺎﺱ : ﻓﻴﻦ ﻏﺎﺩﻳﺔ ؟
ﺯﻳﻨﺐ : ﻋﻨﺪ ﺟﻮﻻﻥ
ﺇﻟﻴﺎﺱ : ﺍﺟﻲ ﻟﻬﻨﺎ ... ﺟﻮﻻﻥ ﻣﺴﺎﻟﻴﺔ ﻟﻴﻚ " ﻻﺡ ﺩﺭﺍﻋﻮ ﻋﻠﻰ ﻛﺘﻔﻬﺎ " ﺧﻠﻴﻨﺎ ﻧﺘﻤﺸﺎﻭ ﺷﻮﻳﺎ
ﺟﻮﻻﻥ ﺟﺎﻟﺴﺔ ﺗﻬﻀﺮ ﻣﻊ ﺛﺎﻧﺪﺭ ﮔﺎﻉ ﻣﺎﺣﺴﺎﺕ ﺑﺰﻳﻨﺐ ﺍﻣﺘﺎ ﺧﺮﺟﺎﺕ ... ﺩﺧﻞ ﺭﺋﺒﺎﻝ ﻟﻠﻤﺴﺘﻮﺩﻉ ﻛﻴﺘﻤﺸﻰ ﺑﺨﻄﻮﺍﺕ ﺛﺎﺑﺘﺔ ... ﻭﻗﻒ ﻋﻠﻰ ﻣﻘﺮﺑﺔ ﻣﻨﻬﺎ ﻛﻴﺸﻮﻑ ﻓﻴﻬﺎ ﻛﻀﺤﻚ ﺣﺘﻰ ﻛﻴﺘﺴﺪﻭ ﻋﻨﻴﻬﺎ ... ﺧﺎﺷﻲ ﻳﺪﻳﻪ ﻓﺠﻴﺎﺑﻮ ﻭ ﻭﺍﻗﻒ ﺑﻬﺒﺔ ... ﺍﻟﺤﺼﺎﻥ ﺻﻬﻞ ﻭ ﺑﺪﺍ ﻛﻴﺘﺤﺮﻙ ﺑﺰﺍﻑ ... ﻣﺎﻋﺮﻓﺎﺗﺶ ﺷﻨﻮ ﺑﻴﻪ ... ﺩﺍﺭﺕ ﺗﺸﻮﻑ ﺯﻳﻨﺐ ﻭ ﻫﻮ ﻳﺒﺎﻥ ﻟﻴﻬﺎ ﻭﺍﻗﻒ ... ﺩﻭﺭﺍﺕ ﻋﻨﻴﻬﺎ ﻓﺎﻟﻤﻜﺎﻥ ﻟﻘﺎﺕ ﻏﻴﺮ ﻫﻲ ﻭﻳﺎﻩ ﻭ ﺯﻳﻨﺐ ﻣﺎﻟﻴﻬﺎ ﺁﺛﺮ ... ﻓﻴﻦ ﻣﺸﺎﺕ ﻭ ﺍﻣﺘﻰ ﺍﻟﻠﻪ ﺍﻋﻠﻢ ...
ﺁﺧﺮ ﺣﺎﺟﺔ ﺑﻐﺎﺕ ﻫﻲ ﺗﺒﻘﻰ ﻫﻲ ﻭﻳﺎﻩ ﺍﻟﺮﺍﺱ ﻓﺎﻟﺮﺍﺱ ... ﺧﺎﺻﺔ ﻣﻦ ﺑﻌﺪ ﺍﻟﻲ ﻭﻗﻊ ﺑﻴﻨﺎﺗﻬﻢ ... ﻗﺮﺏ ﺭﺋﺒﺎﻝ ﺑﻬﺪﻭﺀ ﻭ ﻭﻗﻒ ﺟﻨﺒﻬﺎ ...
ﺭﺋﺒﺎﻝ : ﻛﻴﺴﻮﻟﻮ ﻋﻠﻴﻚ
ﺟﻮﻻﻥ : " ﻣﻜﺘﺸﻮﻓﺶ ﻓﻴﻪ " ﺁﻩ ﻣﻦ ﻗﺒﻴﻠﺔ ﻭ ﺍﻧﺎ ﻫﻨﺎ ... ﺧﺎﺹ ﻧﻤﺸﻲ
ﺗﻤﺎﺕ ﻏﺎﺩﺓ ﻛﺘﺰﺭﺏ ﻓﻤﺸﻴﺘﻬﺎ ... ﺧﺮﺟﺎﺕ ﻛﺘﻘﻠﺐ ﻋﻠﻰ ﺯﻳﻨﺐ ﻣﺒﺎﻧﺘﺶ ﻟﻴﻬﺎ ... ﺍﻟﺸﻤﺲ ﻏﺮﺑﺎﺕ ﻭ ﺑﺪﺍ ﻛﻴﻈﻼﻡ ﺍﻟﺤﺎﻝ ... ﻭﻗﻔﺎﺕ ﻛﺘﻠﻔﺖ ﻫﻨﺎ ﻭ ﻟﻬﻴﻪ ... ﺗﻠﻔﺎﺕ ﻣﺎﻋﺮﻓﺎﺕ ﺷﻨﻮ ﺩﻳﺮ ... ﺣﺪﺭﺍﺕ ﺭﺍﺳﻬﺎ ﻭ ﺭﺟﻌﺎﺕ ﻛﺘﻐﺒﻦ ... ﺑﺎﻥ ﻟﻴﻬﺎ ﺭﺋﺒﺎﻝ ﺑﺎﻗﻲ ﻭﺍﻗﻒ ﻓﻴﻦ ﺧﻼﺗﻮ ...
ﺟﻮﻻﻥ : ﻭ ﻭﺍﺵ ﻣﻐﺎﺩﻳﺶ ﺗﺮﺟﻊ ﻟﭭﻴﻼ
ﺿﺎﺭ ﻋﻨﺪﻫﺎ ﻭ ﺗﻢ ﺟﺎﻱ ﻗﺎﺻﺪﻫﺎ ... ﻏﻴﺮ ﻗﺮﺏ ﻭ ﻫﻲ ﺗﺒﻌﺪ ﻻ ﺇﺭﺍﺩﻳﺎ ... ﺷﺎﻑ ﻓﻴﻬﺎ ﻫﺎﺯ ﺣﺎﺟﺒﻮ ﻭ ﻓﺎﺗﻬﺎ ... ﺗﺒﻌﺎﺗﻮ ﻛﺘﻔﻘﺺ ﻓﺪﺍﺧﻠﻬﺎ ... ﺗﻤﻮ ﺭﺍﺟﻌﻴﻦ ﻣﻦ ﺍﻟﻤﻤﺮ ﺍﻟﻲ ﻛﻴﺪﻱ ﻟﭭﻴﻼ ... ﻏﺎﺩﻳﻴﻦ ﺟﻨﺐ ﺑﻌﺾ ﻓﺼﻤﺖ ... ﻛﻴﻒ ﺩﺧﻠﻮ ﺑﺎﻧﺖ ﻟﻴﻬﺎ ﺯﻳﻨﺐ ﻣﻊ ﺇﻟﻴﺎﺱ ﻓﺎﻟﺠﺮﺩﺓ ... ﻣﺸﺎﺕ ﻛﺘﺰﺭﺏ ﻟﻌﻨﺪﻫﻢ ﺳﻠﻤﺎﺕ ﻋﻠﻰ ﺇﻟﻴﺎﺱ ﺑﺎﻟﺰﺭﺑﺔ ﻭ ﺟﺮﺍﺕ ﺯﻳﻨﺐ ﺩﺧﻠﻮ ﻟﻠﺪﺍﺧﻞ ... ﻭﺻﻞ ﺭﺋﺒﺎﻝ ﻋﻨﺪ ﺍﻟﻴﺎﺱ ﻭ ﻫﻮ ﻳﺘﻜﺮﺷﺦ ﺑﺎﻟﻀﺤﻚ ...
ﺇﻟﻴﺎﺱ : ﻣﺎﻝ ﺍﻟﺒﻨﺖ ﻣﺨﻠﻮﻋﺔ ... ﻭ ﻫﺎﺭﺑﺔ ﺑﺤﺎﻝ ﺍﻟﻰ ﺗﺎﺑﻌﻬﺎ ﺑﻮﻋﻮ ﻫﻬﻪ ... ﺷﻨﻮ ﺩﺭﺗﻲ ﻟﻴﻬﺎ ؟
ﺭﺋﺒﺎﻝ : " ﻋﻄﺎﻩ ﻟﻘﺮﻓﺎﺩﺗﻮ " ﻛﻴﻔﺎﺵ ﺑﻼﻧﻚ ﻧﺘﺎ
ﺇﻟﻴﺎﺱ : ﻣﻊ ﺯﻳﻨﺐ ... ﻫﺎﺩ ﺍﻟﻤﺮﺓ ﺍﻷﻣﻮﺭ ﻣﺨﺘﺎﻟﻔﺔ
ﺭﺋﺒﺎﻝ : ﺗﺂﺫﻳﻬﺎ ﺿﺒﺮ ﻟﺮﺍﺳﻚ " ﻃﻠﻖ ﻣﻨﻮ ﻭ ﺗﻢ ﺩﺍﺧﻞ "
ﺇﻟﻴﺎﺱ : " ﺗﺎﺑﻌﻮ " ﻋﻤﺮﻙ ﺷﺘﻲ ﺷﻲ ﺣﺪ ﻛﻴﺂﺫﻱ ﺍﻟﻘﻠﻴﺐ ﺩﻳﺎﻟﻮ
ﺭﺋﺒﺎﻝ : " ﺿﺎﺭ ﺷﺎﻑ ﻓﻴﻪ "
ﺇﻟﻴﺎﺱ : ﺍﻭﻛﻲ ﺯﺩﺕ ﻓﻴﻪ ﺷﻮﻳﺔ ... ﻟﻤﻮﺩ ﺗﻌﻨﺎﺏ ﻛﻴﺘﺄﻛﺘﻴﭭﺎ ﺑﻮﺣﺪﻭ ﻣﻨﻴﻦ ﻛﻨﺸﻮﻑ ﺩﻳﻚ ﺍﻟﻤﺸﺮﺍﺭﺓ