ﻗﺮﺏ ﻳﺎﻣﻦ ﺑﺎﻏﻲ ﻳﺨﺮﺝ ﻭ ﻛﻴﺸﻮﻑ ﻓﺮﺋﺒﺎﻝ ﺍﻟﻲ ﻭﺍﻗﻒ ﻟﻴﻪ ﻓﺎﻟﻄﺮﻳﻖ ... ﻋﺎﺭﻓﻮ ﺷﻜﻮﻥ ﻫﻮ ... ﻭﺍﺧﺔ ﺃﻭﻝ ﻣﺮﺓ ﻳﺘﻠﻘﺎﻭ ﻭﺟﻬﺎ ﻟﻮﺟﻪ ... ﺧﺮﺝ ﺭﺋﺒﺎﻝ ﻳﺪﻳﻪ ﻣﻦ ﺟﻴﺎﺏ ﺍﻟﻤﻮﻧﻄﻮ ... ﺑﺪﻭﻥ ﻣﺎﻳﻨﻄﻖ ﺷﺪ ﻣﻦ ﻋﻨﺪﻭ ﺟﻮﻻﻥ ... ﻫﺰﻫﺎ ﺑﻴﻦ ﻳﺪﻳﻪ ﺿﺎﺭ ﻭ ﺗﻢ ﺧﺎﺭﺝ ... ﺯﻳﻨﺐ ﺍﻟﻲ ﻫﺒﻄﺎﺕ ﻣﻊ ﺍﻟﺪﺭﻭﺝ ﻓﺎﺕ ﻳﺎﻣﻦ ﺍﻟﻲ ﺑﻘﺎ ﻭﺍﻗﻒ ... ﺷﺎﻓﺖ ﺭﺋﺒﺎﻝ ﻏﺎﺩﻱ ﺑﻴﻬﺎ ﻓﺎﺗﺠﺎﻩ ﺳﻴﺎﺭﺗﻮ ﻭ ﻫﻲ ﺗﺒﻌﻮ ... ﺣﻼﺕ ﻟﺒﺎﺏ ﺍﻟﻠﻮﺭﺍﻧﻲ ﻭ ﻫﻮ ﻳﺤﻂ ﺭﺋﺒﺎﻝ ﺟﻮﻻﻥ ... ﻗﺎﺩ ﻟﻴﻬﺎ ﺭﺍﺳﻬﺎ ﺑﺸﻮﻳﺔ ﻭ ﺳﺪ ﻟﺒﺎﺏ ...
ﺭﺋﺒﺎﻝ : " ﻣﻮﺟﻪ ﻫﻀﺮﺗﻮ ﻟﺰﻳﻨﺐ " ﻃﻠﻌﻲ ﻫﺎﻧﻲ ﺟﺎﻱ
ﺩﺍﺭﺕ ﻛﻴﻒ ﻗﺎﻝ ﻟﻴﻬﺎ ... ﺭﻛﺒﺎﺕ ﻟﻘﺪﺍﻡ ﻭ ﺩﺍﺭﺕ ﻛﺘﺸﻮﻑ ﻓﺠﻮﻻﻥ ... ﺷﺪﺍﺕ ﻓﻴﺪﻫﺎ ﻭ ﻛﺘﻤﺴﺢ ﺩﻣﻮﻋﻬﺎ ﺍﻟﻲ ﻫﺎﺑﻄﻴﻦ ... ﺑﻘﺎﺕ ﻓﻴﻬﺎ ﺻﺎﺣﺒﺘﻬﺎ ﺍﻟﻲ ﺑﺎﻳﻦ ﻋﻠﻴﻬﺎ ﻣﺎﻗﺪﺭﺍﺵ ﺗﺴﺘﺤﻤﻞ ﺍﻟﻲ ﻭﻗﻊ ... ﻟﻜﻨﻬﺎ ﻣﻌﺬﻭﺭﺓ ... ﻗﺪﻣﺎ ﻛﺎﻧﺖ ﻗﻮﺓ ﺍﻹﻧﺴﺎﻥ ﻓﻘﺪﺍﻥ ﺃﻋﺰ ﺍﻟﻨﺎﺱ ﻛﻴﺤﻄﻤﻬﻢ ...
ﺭﺟﻊ ﺭﺋﺒﺎﻝ ﻟﻘﺎ ﺇﺑﺮﺍﻫﻴﻢ ﻫﺒﻂ ﺑﻌﺪﻣﺎ ﻃﻔﺎ ﺍﻟﻌﺎﻓﻴﺔ ... ﻭﺍﻗﻒ ﻋﻨﺪ ﻟﺒﺎﺏ ﻫﻮ ﻭ ﻳﺎﻣﻦ ...
ﺭﺋﺒﺎﻝ : " ﻛﻴﺸﻮﻑ ﻓﺎﺑﺮﺍﻫﻴﻢ " ﺷﻨﻮ ﻭﻗﻊ ﻟﻴﻬﺎ ؟
ﺇﺑﺮﺍﻫﻴﻢ : " ﺗﺎﻟﻒ " ﻣﺎﻋﺮﻓﺘﺶ
ﻳﺎﻣﻦ : ﺑﻴﺘﻬﺎ ﻛﺎﻧﺖ ﺷﺎﻋﻠﺔ ﻓﻴﻪ ﺍﻟﻌﺎﻓﻴﺔ ﻭ ﻫﻲ ﻣﺤﺒﻮﺳﺔ ﻟﺪﺍﺧﻞ ... ﻭ ﺑﺴﺒﺐ ﺍﻟﺪﺧﺎﻥ ﺃﻏﻤﻲ ﻋﻠﻴﻬﺎ ... ﺧﺎﺹ ﺗﺸﻮﻑ ﺍﻟﻄﺒﻴﺐ
ﺭﺋﺒﺎﻝ : " ﺿﺎﺭ ﻋﻨﺪﻭ " ﻭ ﺷﻜﻮﻥ ﻧﺘﺎ ؟
ﻳﺎﻣﻦ : ﺟﺎﺭﻫﻢ ... ﺷﻔﺖ ﺍﻟﻌﺎﻓﻴﺔ ﻓﺒﻴﺖ ﺟﻮﻻﻥ ﻭ ﺃﻧﺎ ﻧﻄﻠﻊ ﻋﻨﺪﻫﺎ
ﺇﺑﺮﺍﻫﻴﻢ : ﻛﻴﻔﺎﺵ ﺣﺘﻰ ﺷﻌﻼﺕ ﺍﻟﻌﺎﻓﻴﺔ ﻓﺎﻟﺒﻴﺖ ... ﻭﺍﺵ ﻫﺎﺩ ﺍﻟﺒﻨﺖ ﻏﺘﺤﻤﻘﻨﻲ ... ﻣﺴﺘﻬﺘﺮﺓ ﻟﻬﺎﺩ ﺍﻟﺪﺭﺟﺔ
ﺭﺋﺒﺎﻝ : " ﺩﺍﺭ ﻓﻴﻪ ﺷﻲ ﺷﻮﻓﺎﺕ " ﻏﻨﺪﻳﻬﺎ ﻣﻌﻴﺎ ... ﺑﻘﺎﺀﻫﺎ ﻫﻨﺎ ﻣﻐﺎﺩﻳﺶ ﻳﺴﺎﻋﺪﻫﺎ
ﺇﺑﺮﺍﻫﻴﻢ : ﺩﻳﺮ ﺍﻟﻲ ﺑﺎﻥ ﻟﻴﻚ ... ﺃﻧﺎ ﻣﺎﻋﺮﻓﺖ ﺷﻨﻮ ﻧﺪﻳﺮ ﻣﻌﻬﺎ
ﺭﺋﺒﺎﻝ ﻣﺒﺎﻗﻴﺶ ﺯﺍﺩ ﻣﻌﺎﻩ ﺍﻟﻬﻀﺮﺓ ... ﺗﻢ ﺭﺍﺟﻊ ﻟﻠﺴﻴﺎﺭﺓ ﻳﺎﻻﻩ ﻏﻴﺤﻞ ﻟﺒﺎﺏ ﻭ ﻫﻮ ﻳﺴﻤﻊ ﺷﻨﻮ ﻗﺎﻝ ﻳﺎﻣﻦ ...
ﻳﺎﻣﻦ : ﻓﻴﻦ ﻏﺎﺩﻱ ﺗﺪﻳﻬﺎ ؟
ﺭﺋﺒﺎﻝ : ﻟﺪﺍﺭﻱ ... ﻳﺎﻛﻤﺎ ﻋﻨﺪﻙ ﻣﺎﻧﻊ
ﻳﺎﻣﻦ : ﻋﺎﺭﻑ ﺑﻠﻲ ﺧﻄﻴﺒﺘﻚ ﻭ ﻟﻜﻦ
ﺭﺋﺒﺎﻝ : " ﻫﺰ ﺣﺎﺟﺒﻮ " ﻫﺎﻧﺘﺎ ﻗﻠﺘﻴﻬﺎ ﺑﻔﻤﻚ ... ﻳﺎﻙ ﻋﺎﺭﻑ ﻭ ﺣﺴﻦ ﺑﻠﻤﺎ ﺗﺨﺸﻲ ﺭﺍﺳﻚ
ﻃﻠﻊ ﺭﺋﺒﺎﻝ ﻟﻠﻮﻃﻮ ﻭ ﺯﺍﺩ ﻣﻜﺴﻴﺮﻱ ... ﻃﻮﻝ ﺍﻟﻄﺮﻳﻖ ﻋﻨﻴﻪ ﻋﻠﻰ ﺍﻟﻤﺮﺍﻳﺎ ﺍﻷﻣﺎﻣﻴﺔ ﻛﻴﺸﻮﻑ ﻓﺠﻮﻻﻥ ... ﻫﺰ ﺍﻟﻔﻮﻥ ﻭ ﺍﺗﺎﺻﻞ ﺑﺎﻟﻄﺒﻴﺐ ﺩﻳﺎﻝ ﺍﻟﻌﺎﺋﻠﺔ ... ﻣﺪﺍﺯﺵ ﺑﺰﺍﻑ ﺩﻳﺎﻝ ﺍﻟﻮﻗﺖ ﺣﺘﻰ ﻭﺻﻠﻮ ... ﻫﺒﻂ ﺣﻞ ﻟﺒﺎﺏ ﻫﺰﻫﺎ ﻭ ﺗﻢ ﺩﺍﺧﻞ ﻟﭭﻴﻼ ... ﻃﻠﻊ ﻟﻔﻮﻕ ﻣﺒﺎﺷﺮﺓ ﻟﻠﻐﺮﻓﺔ ﺍﻟﻲ ﻛﺎﻧﺖ ﻓﻴﻬﺎ ﺍﻟﻤﺮﺓ ﺍﻟﻲ ﻓﺎﺕ ... ﺣﻄﻬﺎ ﻓﻮﻕ ﺍﻟﺴﺮﻳﺮ ﻭ ﭼﻠﺲ ﺟﻨﺒﻬﺎ ...
ﺩﻭﺯ ﻳﺪﻭ ﻋﻠﻰ ﺷﻌﺮﻫﺎ ﻣﺒﻌﺪ ﺧﺼﻼﺕ ﻣﻨﻮ ﻣﻦ ﻋﻠﻰ ﻭﺟﻬﺎ ... ﺳﻤﻊ ﺍﻟﺪﻗﺎﻥ ﻭ ﻫﻮ ﻳﻨﻮﺽ ﺣﻞ ﻟﺒﺎﺏ ... ﺩﺧﻞ ﺍﻟﻄﺒﻴﺐ ﺍﻟﻲ ﺭﺍﻓﻘﺎﺗﻮ ﻧﻮﺍﻝ ... ﻓﺤﺼﻬﺎ ﺗﺤﺖ ﻣﺮﺍﻗﺒﺔ ﺭﺋﺒﺎﻝ ... ﺩﺍﺭ ﻟﻴﻬﺎ ﻣﺎﺳﻚ ﺍﻷﻭﻛﺴﺠﻴﻦ ﻭ ﻋﻠﻖ ﻟﻴﻬﺎ ﺍﻟﺴﻴﺮﻭﻡ ... ﻃﻤﺄﻥ ﺭﺋﺒﺎﻝ ﻭ ﻫﺒﻂ ﻫﻮ ﻭﻳﺎﻩ ... ﻫﺒﻄﻮ ﻟﺘﺤﺖ ﻭ ﻫﻲ ﻃﻠﻊ ﻋﻨﺪﻫﺎ ﺯﻳﻨﺐ ...
ﺧﺎﺭﺝ ﺭﺋﺒﺎﻝ ﻭ ﺍﻟﻄﺒﻴﺐ ﻣﻦ ﺍﻟﭭﻴﻼ ﻛﻴﻬﻀﺮﻭ ﻋﻠﻰ ﺣﺎﻟﺘﻬﺎ ...
ﺍﻟﻄﺒﻴﺐ : ﻏﺪﺍ ﺗﻔﻴﻖ ﺑﺨﻴﺮ ﻭ ﻋﻠﻰ ﺧﻴﺮ ... ﻟﻜﻦ ﺍﻟﺠﺎﻧﺐ ﺍﻟﻨﻔﺴﻲ ﺍﻟﻲ ﺧﺎﺻﻮ ﺍﻟﻌﻨﺎﻳﺔ ... ﻣﻮﺕ ﺍﻷﻡ ﺩﻳﺎﻟﻬﺎ ﺧﻼﻫﺎ ﺗﺼﺮﻑ ﻋﻠﻰ ﻏﻴﺮ ﻃﺒﻴﻌﺘﻬﺎ ... ﻣﺎﺑﻘﺎﺗﺶ ﻛﺘﻔﻜﺮ ﻣﻦ ﺍﻟﺨﻄﺄ ﻣﻦ ﺍﻟﺼﻮﺍﺏ ... ﻭ ﺑﻌﺪﻫﺎ ﻋﻠﻰ ﺍﻟﻨﺎﺱ ﺍﻟﻲ ﺿﺎﻳﺮﻳﻦ ﺑﻴﻬﺎ ﻏﻴﺰﻳﺪ ﺣﺎﻟﺘﻬﺎ ﺗﺴﻮﺀ ... ﺿﺮﻭﺭﻱ ﺗﺮﺩﻭ ﻣﻌﻬﺎ ﻟﺒﺎﻝ ﻭ ﺗﺤﺎﻭﻟﻮ ﺗﺨﺮﺟﻮﻫﺎ ﻣﻦ ﻫﺎﺩ ﺍﻟﺤﺎﻟﺔ
ﺭﺋﺒﺎﻝ : ﺑﺎﻏﻲ ﺗﻘﻮﻝ ﺭﺟﻊ ﻋﻨﺪﻫﺎ ﻣﻴﻮﻝ ﺍﻧﺘﺤﺎﺭﻱ
ﺍﻟﻄﺒﻴﺐ : ﻏﺎﻟﺒﺎ ... ﺻﺒﺮﻭ ﻣﻌﻬﺎ ﻭ ﺣﺎﻭﻟﻮ ﺗﺴﺎﻋﺪﻭﻫﺎ ... ﻭ ﻻ ﻟﻘﺎﺕ ﺍﻟﻨﺎﺱ ﺍﻟﻲ ﻛﺘﺒﻐﻲ ﺟﻨﺒﻬﺎ ﻏﺘﺠﺎﻭﺯ ﻫﺎﺩ ﺍﻟﻤﺮﺣﻠﺔ
ﺭﺋﺒﺎﻝ : ﺷﻜﺮﺍ
ﺍﻟﻄﺒﻴﺐ : ﻻ ﺩﺍﻋﻲ ﻫﺬﺍ ﻭﺍﺟﺒﻲ ﻣﻮﺳﻴﻮ ﺍﻟﻌﺜﻤﺎﻧﻲ ... ﺍﻟﻠﻪ ﻳﺸﺎﻓﻴﻬﺎ
ﻏﺎﺩﺭ ﺍﻟﻄﺒﻴﺐ ... ﻭ ﺭﺋﺒﺎﻝ ﺑﻘﺎ ﻭﺍﻗﻒ ﻓﺎﻟﺠﺮﺩﺓ ﺷﺤﺎﻝ ... ﺭﺟﻊ ﺩﺧﻞ ﻟﭭﻴﻼ ﻭ ﻃﻠﻊ ﻟﻔﻮﻕ ... ﺩﺧﻞ ﻟﺒﻴﺖ ﻟﻘﻰ ﺯﻳﻨﺐ ﻭ ﻻﺣﺒﻴﺒﺔ ﺍﻟﻲ ﻓﺎﻗﺖ ﺟﺎﻟﺴﻴﻦ ﺟﻨﺒﻬﺎ ...
ﻻﺣﺒﻴﺒﺔ : ﺷﻨﻮ ﻗﺎﻝ ﻟﻴﻚ ﺍﻟﻄﺒﻴﺐ ؟
ﺭﺋﺒﺎﻝ : ﻣﺎﺑﻴﻬﺎ ﻭﺍﻟﻮ ... ﻏﺪﺍ ﺗﻔﻴﻖ ﺑﺨﻴﺮ
ﻻﺣﺒﻴﻴﺔ : ﺍﻟﺤﻤﺪ ﻟﻠﻪ ... ﺍﻟﻠﻪ ﻳﺼﺒﺮﻫﺎ ﻭ ﺻﺎﻓﻲ ... ﺧﺎﺹ ﻧﺨﻠﻴﻮﻫﺎ ﺗﺮﺗﺎﺡ
ﺯﻳﻨﺐ : ﺍﻧﺎ ﻏﻨﻌﺲ ﻣﻌﻬﺎ ... ﻣﺎﻧﻘﺪﺭﺵ ﻧﺨﻠﻴﻬﺎ ﺑﻮﺣﺪﻫﺎ
ﻻﺣﺒﻴﺒﺔ : ﺁﺟﻲ ﻣﻌﻴﺎ ﻧﻌﻄﻴﻚ ﺑﺎﺵ ﺗﺒﺪﻟﻲ
ﺧﺮﺟﺎﺕ ﺯﻳﻨﺐ ﻣﻊ ﻻﺣﺒﻴﺒﺔ ... ﻗﺮﺏ ﺭﺋﺒﺎﻝ ﻭ ﭼﻠﺲ ﺟﻨﺒﻬﺎ ... ﺣﻂ ﻳﺪﻭ ﻋﻠﻰ ﻳﺪﻫﺎ ﻭ ﻫﻮ ﻛﻴﺘﺄﻣﻞ ﻭﺟﻬﺎ ... ﻫﺰﻫﺎ ﻣﻘﺮﺑﻬﺎ ﻋﻨﺪ ﻓﻤﻮ ... ﻗﺒﻞ ﻛﻒ ﻳﺪﻫﺎ ﻭ ﻫﻮ ﺳﺎﺩ ﻋﻨﻴﻪ ... ﺭﺟﻊ ﺣﻄﻬﺎ ﺑﺮﻓﻖ ﻃﻠﻊ ﻋﻠﻴﻬﺎ ﺍﻟﻐﻄﺎ ﻭ ﻧﺎﺽ ... ﺣﻞ ﻟﺒﺎﺏ ﻟﻘﺎ ﺯﻳﻨﺐ ﻛﺘﺴﻨﺎ ﻓﺎﻟﺨﺎﺭﺝ ... ﺩﺧﻼﺕ ﻋﻨﺪﻫﺎ ﻭ ﻫﻮ ﺗﻮﺟﻪ ﻟﺒﻴﺘﻮ ...
🍁 ﺑﻌﺪ ﻣﺮﻭﺭ ﺃﺳﺒﻮﻋﻴﻦ ...
ﻓﻬﺎﺩ ﺍﻟﻤﺪﺓ ﺑﻘﺎﺕ ﺍﻷﺣﻮﺍﻝ ﻛﻴﻔﻤﺎ ﻫﻲ ... ﻛﻴﻒ ﻓﺎﻗﺖ ﺟﻮﻻﻥ ﻓﺎﻟﻴﻮﻡ ﺍﻟﻤﻮﺍﻟﻲ ... ﺭﺟﻌﺎﺕ ﻟﺤﺎﻟﺘﻬﺎ ﻏﻴﺮ ﺳﺎﻫﻴﺔ ﻭ ﻣﻜﺘﻬﻀﺮ ﻣﻊ ﺣﺪ ... ﻻ ﺗﻜﻠﻤﺎﺕ ﻛﻄﻠﺐ ﻣﻨﻬﻢ ﻳﺨﻠﻴﻮﻫﺎ ﺑﻮﺣﺪﻫﺎ ... ﻣﺎﻣﺴﻮﻗﺔ ﻻ ﻓﻴﻦ ﻫﻲ ﻭ ﻻ ﺷﻜﻮﻥ ﺿﺎﻳﺮ ﺑﻴﻬﺎ ... ﺍﻵﻛﻞ ﻛﺘﺎﻛﻠﻮ ﺑﻌﺪ ﺇﺻﺮﺍﺭ ﻻﺣﺒﻴﺒﺔ ﺍﻟﻤﺘﻮﺍﺻﻞ ... ﺯﻳﻨﺐ ﻣﺮﺓ ﻣﺮﺓ ﺗﺠﻲ ﻃﻞ ﻋﻠﻴﻬﺎ ﻣﻦ ﻭﺭﺍ ﺍﻟﺨﺪﻣﺔ ... ﻛﺘﺒﻘﻰ ﭼﺎﻟﺴﺔ ﻣﻌﻬﺎ ﻛﺘﺤﺎﻭﻝ ﺗﻬﻀﺮﻫﺎ ﻟﻜﻦ ﺑﺪﻭﻥ ﺟﺪﻭﻯ ...
ﺭﺋﺒﺎﻝ ﻣﻨﻴﻦ ﻛﻴﺮﺟﻊ ﻣﻦ ﺍﻟﺸﺮﻛﺔ ﻛﻴﺪﺧﻞ ﻋﻨﺪﻫﺎ ... ﻛﻴﻠﻘﺎﻫﺎ ﺟﺎﻟﺴﺔ ﻓﺎﻟﺒﺎﻟﻜﻮﻥ ﻛﺘﺸﻮﻑ ﻓﺎﻟﻔﺮﺍﻍ ... ﻛﻴﭽﻠﺲ ﺟﻨﺒﻬﺎ ﺑﺪﻭﻥ ﻣﺎﻳﻬﻀﺮ ... ﻛﻴﺒﻘﺎﻭ ﻫﻜﺎﻙ ﻟﻤﺪﺓ ﺳﺎﻋﺎﺕ ﺣﺘﻰ ﻛﺘﻐﻔﻰ ... ﻛﻴﻬﺰﻫﺎ ﻳﺤﻄﻬﺎ ﻓﺒﻼﺻﺘﻬﺎ ﻭ ﻳﻐﺎﺩﺭ ... ﻣﺎﺣﺎﻭﻟﺶ ﻳﻈﻐﻂ ﻋﻠﻴﻬﺎ ﻧﻬﺎﺋﻴﺎ ﻭ ﻣﺨﻠﻴﻬﺎ ﻋﻠﻰ ﺭﺍﺣﺘﻬﺎ ...
ﺍﻟﻴﻮﻡ ﻓﺎﻕ ﺭﺋﺒﺎﻝ ﻣﻘﺮﺭ ﺷﻨﻮ ﻳﺪﻳﺮ ... ﺗﻮﺟﻪ ﻟﻠﺤﻤﺎﻡ ﻭ ﺑﻌﺪ ﺷﻮﻳﺔ ﺧﺮﺝ ﻣﻦ ﺍﻟﺪﻭﺵ ﻛﻴﻤﺴﺢ ﺷﻌﺮﻭ ... ﻣﺸﺎ ﻟﻠﺪﺭﻳﺴﻴﻨﻎ ﻟﺒﺲ ﻋﻠﻴﻪ ... ﻫﺰ ﺍﻟﻔﻴﻜﺲ ﻋﻴﻂ ﻋﻠﻰ ﻧﻮﺍﻝ ... ﺍﻟﻲ ﻃﻠﻌﺎﺕ ﻋﻨﺪﻭ ﻓﺎﻟﺤﻴﻦ ... ﻭﺻﺎﻫﺎ ﺗﺠﻤﻊ ﺍﻟﺤﻮﺍﻳﺞ ﺍﻟﻲ ﻛﺎﻥ ﻃﻠﺐ ﻟﺠﻮﻻﻥ ... ﻭ ﺗﺠﻤﻊ ﻟﻴﻪ ﺣﺘﻰ ﻫﻮ ... ﻫﺒﻂ ﻟﻘﺎ ﻻﺣﺒﻴﺒﺔ ﻛﺘﻔﻄﺮ ... ﭼﻠﺲ ﻛﻴﺸﺮﺏ ﻗﻬﻮﺗﻮ ﻭ ﻫﻤﺎ ﻳﺪﺧﻠﻮ ﺍﻟﺪﺭﺍﺭﻱ ... ﺍﻧﻈﻤﻮ ﻟﻴﻬﻢ ﻟﻔﻄﻮﺭ ...
ﺳﻨﻤﺎﺭ : ﻛﻴﻒ ﺑﻘﺎﺕ ؟
ﻻﺣﺒﻴﺒﺔ : ﻫﻴﺎ ﻫﻴﺎ
ﺳﻨﻤﺎﺭ : " ﺷﺎﻑ ﻓﺮﺋﺒﺎﻝ " ﻋﻠﻰ ﻫﺎﺩ ﺍﻟﺤﺎﻝ ... ﺧﺎﺻﻬﺎ ﻃﺒﻴﺐ ﻧﻔﺴﻲ
ﺭﺋﺒﺎﻝ : ﻏﻨﻐﻴﺐ ﻭﺍﺣﺪ ﺍﻷﺳﺒﻮﻉ ... ﺑﻬﺎﺀ ﻏﻴﺘﻜﻠﻒ ﺑﻜﻠﺸﻲ ... ﻧﺘﻮﻣﺎ ﺧﻠﻴﻜﻢ ﻫﻨﺎ ﺣﺘﻰ ﻧﺮﺟﻊ
ﺧﻼﻫﻢ ﻛﻴﻔﻄﺮﻭ ﻭ ﻃﻠﻊ ﻟﻔﻮﻕ ... ﺩﺧﻞ ﻟﺒﻴﺖ ﺟﻮﻻﻥ ﻟﻘﺎ ﻧﻮﺍﻝ ﺟﻤﻌﺎﺕ ﺍﻟﺼﺎﻙ ... ﺷﺎﺭ ﻟﻴﻬﺎ ﺗﻬﺒﻄﻬﻢ ﻭ ﻣﺸﺎ ﻋﻨﺪ ﺟﻮﻻﻥ ﺍﻟﻲ ﭼﺎﻟﺴﺔ ﻓﺎﻟﻔﻮﻃﻮﻱ ﻓﺎﻟﺒﺎﻟﻜﻮﻥ ...
ﺭﺋﺒﺎﻝ : ﺟﻮﻻﻥ
ﺟﻮﻻﻥ : " ﺿﺎﺭﺕ ﻋﻨﺪﻭ ﺷﺎﻓﺖ ﻓﻴﻪ ﻭ ﺭﺟﻌﺎﺕ ﻛﺘﺸﻮﻑ ﻗﺪﺍﻣﻬﺎ "
ﻗﺮﺏ ﻋﻨﺪﻫﺎ ﺣﻂ ﻳﺪﻳﻪ ﻋﻠﻰ ﺩﺭﺍﻋﻬﺎ ﻭ ﻭﻗﻔﻬﺎ ... ﻛﻴﺸﻮﻑ ﻓﻴﻬﺎ ﻭ ﻫﻲ ﺣﺎﺩﺭﺓ ﺭﺍﺳﻬﺎ ... ﻫﺒﻂ ﻳﺪﻭ ﺷﺪ ﻓﻴﻬﺎ ﻭ ﺟﺮﻫﺎ ﻣﻌﺎﻩ ... ﺩﺧﻠﻮ ﻟﺪﺍﺧﻞ ﻫﺰ ﺍﻟﻤﻮﻧﻄﻮ ﺍﻟﻲ ﻣﺤﻄﻮﻁ ﻓﻮﻕ ﺍﻟﺴﺮﻳﺮ ... ﻻﺣﻮ ﻟﻴﻬﺎ ﻋﻠﻰ ﻛﺘﺎﻓﻬﺎ ﻭ ﺟﺮﻫﺎ ﻣﻌﺎﻩ ... ﻫﺒﻄﻮ ﻟﺘﺤﺖ ﻭ ﺧﺮﺟﻮ ﺗﺤﺖ ﻧﻈﺮﺍﺕ ﻻﺣﺒﻴﺒﺔ ﻭ ﺍﻟﺪﺭﺍﺭﻱ ...
ﺣﻞ ﺑﺎﺏ ﺍﻟﺴﻴﺎﺭﺓ ﻃﻠﻌﺎﺕ ﻭ ﺿﺎﺭ ﻫﻮ ﺭﻛﺐ ... ﺩﻳﻤﺎﺭﺍ ﺧﺎﺭﺝ ﻣﻦ ﺍﻟﭭﻴﻼ ... ﻏﺎﺩﻱ ﻣﻜﺴﻴﺮﻱ ... ﺗﻠﻔﺖ ﺟﻬﺘﻬﺎ ﺑﺎﻧﺖ ﻟﻴﻪ ﻣﺘﻜﻴﺔ ﻋﻠﻰ ﺍﻟﻜﻮﺳﺎﻥ ﻭ ﻣﻀﻮﺭﺓ ﻭﺟﻬﺎ ﻟﺠﻬﺔ ﺍﻟﺰﺍﺟﺔ ... ﺭﺟﻊ ﻣﺮﻛﺰ ﻣﻊ ﺍﻟﻄﺮﻳﻖ ... ﺑﻌﺪ ﺛﻼﺙ ﺳﺎﻋﺎﺕ ﻣﻦ ﺍﻟﺴﻴﺎﻗﺔ ... ﺧﺮﺝ ﻣﻦ ﺍﻟﻄﺮﻳﻖ ﺍﻟﺮﺋﻴﺴﻴﺔ ﻏﺎﺩﻱ ﻓﻄﺮﻳﻖ ﻣﺘﺮﺑﺔ ... ﺟﺎﺕ ﺑﻴﻦ ﺍﻟﺤﻘﻮﻝ ﻭ ﺍﻷﺭﺍﺿﻲ ... ﺍﻟﺜﻠﺞ ﻣﻐﻄﻲ ﺍﻟﺸﺠﺮ ﻭ ﻣﺘﺮﺍﻛﻢ ﻓﺠﻨﺎﺏ ﺍﻟﻄﺮﻳﻖ ... ﺍﻟﻤﻨﻈﺮ ﻛﻴﺨﻄﻒ ﺍﻷﻧﻔﺎﺱ ﺧﺎﺻﺔ ﻓﺪﻳﻚ ﺍﻟﻤﻨﻄﻘﺔ ﺍﻟﺠﺒﻠﻴﺔ ...
ﺑﻌﺪ ﺷﻲ ﻧﺺ ﺳﺎﻋﺔ ﻭﻗﻒ ﺭﺋﺒﺎﻝ ﺍﻟﺴﻴﺎﺭﺓ ﻗﺪﺍﻡ ﻣﻨﺰﻝ ﻣﻨﻌﺰﻝ ﺗﻤﺎﻙ ... ﺿﺎﻳﺮ ﺑﻴﻪ ﺻﻮﺭ ﺻﻐﻴﺮ ... ﺣﻞ ﻟﺒﺎﺏ ﻭ ﻫﺒﻂ ... ﺿﺎﺭ ﻭ ﺣﻞ ﻟﺒﺎﺏ ﻟﺠﻮﻻﻥ ... ﻧﺰﻻﺕ ﻛﺘﺸﻮﻑ ﻓﺎﻟﺪﻧﻴﺎ ﺑﻴﻀﺔ ﺑﺎﻟﺜﻠﺞ ... ﺷﺪ ﻓﻴﻬﺎ ﺭﺋﺒﺎﻝ ﻭ ﺗﻮﺟﻬﻮ ﻟﻠﺪﺍﺭ ... ﺩﺍﺧﻠﻴﻦ ﻭ ﻫﻲ ﺗﺒﺎﻥ ﻟﻴﻬﻢ ﺑﻨﺖ ﺟﺎﻳﺔ ﻫﺎﺯﺓ ﻛﻮﻣﺔ ﺩﻳﺎﻝ ﺍﻟﺤﻄﺐ ﻓﻴﺪﻳﻬﺎ ... ﻻﺑﺴﺔ ﻟﺒﺎﺱ ﺑﺪﻭﻱ ﻭ ﺩﺍﻳﺮﺓ ﺯﻳﻒ ﻋﻠﻰ ﺭﺍﺳﻬﺎ ﻋﺎﻗﺪﺍﻩ ﺍﻟﻔﻮﻕ ... ﻻﺑﺴﺔ ﻓﺮﺟﻠﻴﻬﺎ ﺑﻮﻁ ﻃﺎﻟﻊ ﺩﻳﺎﻝ ﺍﻟﻤﻴﻜﺔ ﻭ ﺩﺍﻳﺮﺓ ﺻﺒﺎﻋﺎﺕ ﻟﻴﺪﻳﻬﺎ ... ﺧﺪﻭﺩﻫﺎ ﻣﺰﻧﮕﻴﻦ ﻣﻦ ﺍﻟﺒﺮﺩ ... ﺷﺎﻓﺘﻬﻢ ﺣﻄﺎﺕ ﺍﻟﻌﻮﺍﺩ ﻭ ﺟﺎﺕ ﻋﻨﺪﻫﻢ ﻛﺘﺠﺮﻱ ... ﺷﺎﻓﺖ ﻓﺮﺋﺒﺎﻝ ﺑﺈﺑﺘﺴﺎﻣﺔ ﻭ ﺣﺪﺭﺍﺕ ﺭﺍﺳﻬﺎ ...
ﺳﻤﻴﺔ : ﺳﻲ ﺭﺋﺒﺎﻝ ﻣﺮﺣﺒﺎ ﺑﻴﻚ
ﺭﺋﺒﺎﻝ : ﻛﺎﻳﻦ ﺳﻲ ﻋﺒّﺎﺱ
ﺳﻤﻴﺔ : ﺟﺪﻱ ﺧﺎﺭﺝ ... ﻣﻨﻴﻦ ﻋﺮﻓﻚ ﺟﺎﻱ ﻫﺒﻂ ﻟﻠﺴﻮﻕ ... ﻳﺎﻻﻩ ﻧﺪﺧﻠﻮ ﻣﻦ ﺍﻟﺒﺮﺩ
ﺣﻂ ﻳﺪﻭ ﻋﻠﻰ ﻇﻬﺮ ﺟﻮﻻﻥ ﻭ ﺩﺧﻠﻮ ﻟﻠﺪﺍﺧﻞ ... ﺍﻟﺪﺍﺭ ﻓﻴﻬﺎ ﻃﺎﺑﻘﻴﻦ ﻣﺒﻨﻴﺔ ﺑﺎﻟﻄﻮﺏ ﺍﻷﺣﻤﺮ ﻟﻜﻦ ﻣﺼﻠﻮﺣﺔ ﻣﺰﻳﺎﻥ ﻣﻦ ﺍﻟﺪﺍﺧﻞ ... ﺳﻘﻔﻬﺎ ﺑﺤﺎﻝ ﺩﻳﺎﻝ ﺍﻷﻛﻮﺍﺥ ﻣﺜﻠﺚ ﻋﻠﻰ ﺣﺴﺐ ﺍﻟﺜﻠﺞ ... ﻷﻥ ﺍﻟﻤﻨﻄﻘﺔ ﻓﺎﻟﺸﺘﺎﺀ ﻛﻴﻄﻴﺢ ﻓﻴﻬﺎ ﺍﻟﺜﻠﺞ ﻋﻠﻰ ﻣﺪﻯ ﺍﻟﻔﺼﻞ ... ﻟﺘﺤﺖ ﻓﻴﻪ ﺻﺎﻟﺔ ﻣﻔﺘﻮﺣﺔ ﻓﻴﻬﺎ ﻣﺪﻓﺄﺓ ﺗﻘﻠﻴﺪﻳﺔ ... ﻭ ﻛﺎﻳﻦ ﻣﻄﺒﺦ ﻭ ﺟﻮﺝ ﻏﺮﻓﺔ ﺃﺧﺮﻯ ... ﻓﺎﻟﻄﺎﺑﻖ ﺍﻟﺜﺎﻧﻲ ﻓﻴﻪ ﻏﺮﻓﺔ ﻧﻮﻡ ﻛﺒﻴﺮﺓ ﺷﻮﻳﺔ ... ﺣﺘﻰ ﻫﻲ ﻓﻴﻬﺎ ﻣﺪﻓﺄﺓ ﻭ ﺷﺮﻓﺔ ﺻﻐﻴﺮﺓ ...
ﺗﻮﺟﻬﻮ ﻟﻠﺼﺎﻟﺔ ﺭﺣﺒﺎﺕ ﺑﻴﻬﻢ ﺳﻤﻴﺔ ﻭ ﻣﺸﺎﺕ ﻟﻜﻮﺯﻳﻨﺔ ... ﺭﺩﺍﺕ ﻣﻘﺮﺍﺝ ﺩﻳﺎﻝ ﺍﻟﻤﺎ ﻭ ﺑﺪﺍﺕ ﻛﺘﺴﺨﻦ ﻓﺪﺍﻛﺸﻲ ﺍﻟﻲ ﻗﺎﺩﺍﺕ ﻓﺎﻟﺼﺒﺎﺡ ... ﺭﺋﺒﺎﻝ ﺧﻼ ﺟﻮﻻﻥ ﭼﺎﻟﺴﺔ ﻭ ﺧﺮﺝ ﺟﺎﺏ ﺍﻟﺴﻴﻜﺎﻥ ﺑﺠﻮﺝ ﻣﻦ ﺍﻟﻠﻮﻃﻮ ﻭ ﻃﻠﻌﻬﻢ ﻟﻔﻮﻕ ... ﺑﺪﺍﺕ ﺳﻤﻴﺔ ﻛﺘﺤﻂ ﻓﺎﻟﻄﺒﻠﺔ ... ﻛﻞ ﻣﺮﺓ ﺗﺨﻄﻒ ﺍﻟﺸﻮﻓﺔ ﻓﺠﻮﻻﻥ ... ﻫﻲ ﻣﻦ ﺍﻟﻨﻮﻉ ﺍﻟﺨﺠﻮﻝ ﻟﻜﻦ ﺟﺎﻫﺎ ﺍﻟﻔﻀﻮﻝ ﺗﻌﺮﻑ ﺍﻟﺒﻨﺖ ﺍﻟﻲ ﺟﺎﺕ ﻣﻊ ﺭﺋﺒﺎﻝ ﺷﻜﻮﻥ ...
ﻋﻤﺮﺍﺕ ﺍﻟﻄﺒﻠﺔ ... ﺣﻄﺎﺕ ﺍﻟﻤﺴﻤﻦ ﺍﻟﺤﺮﺷﺔ ﺍﻟﻤﻠﻮﻱ ﻭ ﺍﻟﺒﻐﺮﻳﺮ ... ﻣﻊ ﺍﻟﺰﺑﺪﺓ ﺍﻟﺒﻠﺪﻳﺔ ﻭ ﺯﻳﺖ ﺍﻟﻌﻮﺩ ﻭ ﺻﻴﻨﻴﺔ ﺍﺗﺎﻱ ... ﭼﻠﺴﺎﺕ ﺟﻨﺐ ﺟﻮﻻﻥ ﻛﺘﻘﻠﺐ ﻓﺄﺗﺎﻱ ... ﺗﺤﻞ ﻟﺒﺎﺏ ﻭ ﺗﻢ ﺩﺍﺧﻞ ﺭﺍﺟﻞ ﻛﺒﻴﺮ ﻓﺎﻟﺴﻦ ﻻﺑﺲ ﺟﻼﺑﺔ ﺻﻮﻓﻴﺔ ﻭ ﺩﺍﻳﺮ ﮔﺮﺓ ﻋﻠﻰ ﺭﺍﺳﻮ ... ﺷﺎﻓﺘﻮ ﺳﻤﻴﺔ ﻭ ﻧﺎﺿﺖ ﻋﻨﺪﻭ ﺑﺎﻟﺰﺭﺑﺔ ... ﺧﺪﺍﺕ ﻣﻦ ﻋﻨﺪﻭ ﺍﻟﻤﻴﺎﻛﻲ ﺍﻟﻲ ﻫﺎﺯ ﺩﺧﻼﺗﻬﻢ ﻟﻜﻮﺯﻳﻨﺔ ... ﺳﻲ ﻋﺒﺎﺱ ﺩﺍﺧﻞ ﻭ ﻫﻮ ﻳﺒﺎﻥ ﻟﻴﻪ ﺭﺋﺒﺎﻝ ﻫﺎﺑﻂ ﻣﻊ ﺍﻟﺪﺭﻭﺝ ...
ﺳﻲ ﻋﺒﺎﺱ : " ﺳﻠﻢ ﻋﻠﻴﻪ " ﻋﻠﻰ ﺳﻼﻣﺘﻚ ﺍﻭﻟﺪﻱ
ﺭﺋﺒﺎﻝ : ﺍﻟﻠﻪ ﻳﺴﻠﻤﻚ
ﺳﻲ ﻋﺒﺎﺱ : " ﻛﻴﻨﺎﺩﻱ ﻋﻠﻴﻬﺎ " ﺳﻤﻴﺔﺓﺓ ... ﻭﺟﺪﺗﻲ ﺷﻲ ﺣﺎﺟﺔ
ﺳﻤﻴﺔ : " ﺧﺮﺟﺎﺕ ﻋﻨﺪﻫﻢ " ﺁﻩ ﺍﺟﺪﻱ ... ﺭﺍﻩ ﺣﻄﻴﺖ ﺍﻟﻔﻄﻮﺭ
ﺳﻲ ﻋﺒﺎﺱ : ﺩﺧﻞ ﺍﻭﻟﺪﻱ ﺗﻔﻄﺮ
ﺭﺋﺒﺎﻝ : ﻓﻄﺮﺕ ... ﺷﻮﻳﺔ ﻭ ﺭﺍﺟﻊ ... ﺳﻤﻴﺔ ﺭﺩﻱ ﻣﻌﺎﻙ ﻟﺒﺎﻝ ﻟﺠﻮﻻﻥ
ﺳﻤﻴﺔ : " ﺑﺎﺑﺘﺴﺎﻣﺔ " ﺳﻤﻴﺘﻬﺎ ﺟﻮﻻﻥ !
ﺳﻲ ﻋﺒﺎﺱ : ﺟﺒﺘﻲ ﻣﻌﺎﻙ ﺷﻲ ﺣﺪ ؟
ﺭﺋﺒﺎﻝ : ﻣﺮﺍﺗﻲ ﻛﺎﻳﻨﺔ ﻟﺪﺍﺧﻞ ... ﺳﺎﻋﺔ ﻭ ﻧﺮﺟﻊ ... ﺳﻤﻴﺔ ﻣﺘﺨﻠﻴﻬﺎﺵ ﺑﻮﺣﺪﻫﺎ
ﺳﻲ ﻋﺒﺎﺱ : ﺗﺰﻭﺟﺘﻲ ! ﻭﺍ ﻣﺒﺮﻭﻙ ﻋﻠﻴﻚ ﺍﻭﻟﺪﻱ ... ﻏﻴﺮ ﻛﻦ ﻫﺎﻧﻲ ﻭ ﺭﺩ ﺑﺎﻟﻚ ﻣﻊ ﺍﻟﻄﺮﻳﻖ
ﺧﺮﺝ ﺭﺋﺒﺎﻝ ﻭ ﺩﺧﻠﻮ ﻫﻤﺎ ﻟﻠﺼﺎﻟﺔ ... ﺳﻲ ﻋﺒﺎﺱ ﺷﺎﻑ ﻓﺠﻮﻻﻥ ﺍﻟﻲ ﺟﺎﻟﺴﺔ ﺑﺪﻭﻥ ﺣﺮﺍﻙ ﻟﻘﻰ ﺍﻟﺴﻼﻡ ﻣﻨﻴﻦ ﻣﺠﺎﻭﺑﺎﺗﺶ ﻣﺪﺍﺭﺵ ﻓﺒﺎﻟﻮ ﻭ ﺟﻠﺲ ... ﺟﻠﺴﺎﺕ ﺳﻤﻴﺔ ﺟﻨﺐ ﺟﻮﻻﻥ ﻭ ﺧﻮﺍﺕ ﺍﺗﺎﻱ ... ﻣﺪﺍﺕ ﺍﻟﻜﺎﺱ ﻟﺠﺪﻫﺎ ﻭ ﻣﺪﺍﺕ ﻟﺠﻮﻻﻥ ﻣﻨﻴﻦ ﻣﺸﺪﺍﺗﻮﺵ ﻣﻦ ﻋﻨﺪﻫﺎ ﺣﻄﺎﺗﻮ ﻟﻴﻬﺎ ﻗﺪﺍﻣﻬﺎ ... ﺑﺪﺍﻭ ﻛﻴﻔﻄﺮﻭ ﻣﻨﻴﻦ ﺷﺎﻓﻬﺎ ﺳﻲ ﻋﺒﺎﺱ ﻣﻜﺘﺎﻛﻠﺶ ﻧﻄﻖ ...
ﺳﻲ ﻋﺒﺎﺱ : ﻣﺎﻟﻚ ﺍﺑﻨﺘﻲ ﻣﻜﺘﺎﻛﻠﻴﺶ ... ﻛﻮﻟﻲ ﻣﺮﺣﺒﺎ ﺑﻴﻚ
ﺟﻮﻻﻥ : " ﺷﺎﻓﺖ ﻓﻴﻪ " ﻣﺎﻓﻴﺎﺵ
ﺳﻤﻴﺔ : ﻭﺍﺵ ﻣﺎﻋﺠﺒﻜﺶ ﻫﺎﺩﺷﻲ ... ﺑﻐﻴﺘﻲ ﻧﻄﻴﺐ ﻟﻴﻚ ﺷﻲ ﺣﺎﺟﺔ ﺃﺧﺮﻯ ؟
ﺟﻮﻻﻥ : " ﺣﺮﻛﺎﺕ ﺭﺍﺳﻬﺎ ﺑﻼ "
ﺧﻼﻭﻫﺎ ﻋﻠﻰ ﺧﺎﻃﺮﻫﺎ ﻭ ﻛﻤﻠﻮ ﻓﻄﻮﺭﻫﻢ ... ﻧﺎﺽ ﺳﻲ ﻋﺒﺎﺱ ﺧﺮﺝ ... ﺳﻤﻴﺔ ﺟﻤﻌﺎﺕ ﺍﻟﻄﺒﻠﺔ ﻭ ﺭﺩﺍﺕ ﻟﻐﺪﺍ ... ﻣﺮﺓ ﻣﺮﺓ ﻛﻄﻞ ﻋﻠﻰ ﺟﻮﻻﻥ ﺍﻟﻲ ﻣﺎﻋﺮﻓﺎﺕ ﺷﻨﻮ ﺑﻴﻬﺎ ... ﺑﺎﻧﺖ ﻟﻴﻬﺎ ﻭﺍﻗﻔﺔ ﻋﻨﺪ ﺍﻟﻨﺎﻓﺬﺓ ﻛﻄﻞ ﻭ ﻫﻲ ﺗﻘﺮﺏ ﻋﻨﺪﻫﺎ ...
ﺳﻤﻴﺔ : ﺍﻟﺜﻠﺞ ﻛﻴﻄﻴﺢ ... ﺗﺒﻐﻲ ﺗﺨﺮﺟﻲ
ﺟﻮﻻﻥ : " ﺿﺎﺭﺕ ﻋﻨﺪﻫﺎ "
ﺳﻤﻴﺔ : " ﺷﺪﺍﺕ ﻓﻴﺪﻫﺎ " ﻳﺎﻻﻩ ﻧﺨﺮﺟﻮ
ﺟﺮﺍﺕ ﻣﻌﻬﺎ ﺟﻮﻻﻥ ﺧﺮﺟﻮ ... ﺍﻟﺪﻧﻴﺎ ﻛﺎﻧﺖ ﻛﻠﻬﺎ ﺛﻠﺞ ... ﺑﻌﺪﻭ ﻋﻠﻰ ﺍﻟﺪﺍﺭ ﺷﻮﻳﺔ ﻭ ﻫﻲ ﻃﻠﻖ ﺳﻤﻴﺔ ﻣﻦ ﻳﺪ ﺟﻮﻻﻥ ... ﺗﺤﺪﺭﺍﺕ ﻛﻮﺭﺍﺕ ﺷﻮﻳﺔ ﺍﻟﺜﻠﺞ ﻭ ﺯﻓﺎﺕ ﺑﻴﻪ ...
ﺳﻤﻴﺔ : " ﺷﺎﻓﺖ ﻓﺠﻮﻻﻥ " ﺟﺮﺑﻲ ﺣﺘﻰ ﻧﺘﻲ ... ﻭﺍﺧﺔ ﻏﺘﺤﺴﻲ ﺑﺼﺒﺎﻋﻚ ﺗﻨﻤﻠﻮ ﻋﻠﻴﻚ ﻫﻬﻬﻪ " ﻫﺰﺍﺕ ﻛﻮﺭﺓ ﺩﻳﺎﻝ ﺍﻟﺜﻠﺞ ﺣﻄﺎﺗﻬﺎ ﻟﻴﻬﺎ ﻓﻴﺪﻫﺎ " ﺣﺎﻭﻟﻲ ﺗﻠﻮﺣﻴﻬﺎ ﻷﺑﻌﺪ ﻣﺴﺎﻓﺔ
ﺑﻘﺎﺕ ﺟﻮﻻﻥ ﻛﺘﺸﻮﻑ ﻓﻜﻮﺭﺓ ﺍﻟﺜﻠﺞ ﺍﻟﻲ ﺑﻴﻦ ﻳﺪﻳﻬﺎ ... ﺭﻓﻌﺎﺕ ﻳﺪﻫﺎ ﻟﻔﻮﻕ ﻭ ﺯﻓﺎﺕ ﺑﻴﻬﺎ ... ﺑﺪﺍﺕ ﻛﺘﺤﻨﻘﺰ ﺳﻤﻴﺔ ﻭ ﺗﺼﻔﻖ ...
ﺳﻤﻴﺔ : ﻏﻨﻌﺎﻭﺩ ﺣﺘﻰ ﺍﻧﺎ ﻭ ﻧﺸﻮﻓﻮ ﺷﻜﻮﻥ ﻏﺘﻠﻮﺣﻬﺎ ﺑﻌﺪ ﻣﻦ ﻻﺧﺮﻯ ... ﺑﻐﻴﺖ ﻧﻀﺎﺭﺑﻮ ﺑﺎﻟﺜﻠﺞ ﻭ ﺧﻔﺖ ﻳﺨﺎﺻﻢ ﻋﻠﻴﺎ ﺳﻲ ﺭﺋﺒﺎﻝ ﻻ ﺿﺮﺑﺘﻚ ﻫﻬﻬﻪ ... ﻗﺎﻟﻴﻨﺎ ﻧﺘﻲ ﻣﺮﺍﺗﻮ ... ﻣﺒﺮﻭﻙ ﻋﻠﻴﻜﻢ ... ﺟﻴﺘﻮ ﺯﻭﻳﻨﻴﻦ ﻣﻊ ﺑﻌﻀﻴﺎﺗﻜﻢ
ﺭﺟﻌﺎﺕ ﻫﺰﺍﺕ ﺳﻤﻴﺔ ﺍﻟﺜﻠﺞ ﺑﻐﺎﺕ ﺗﺰﻑ ﺑﻴﻪ ﻭ ﻫﻲ ﺗﻠﻤﺢ ﺭﺋﺒﺎﻝ ﻭﺍﻗﻒ ﺑﻌﻴﺪ ﻋﻠﻴﻬﻢ ﺷﻮﻳﺔ ... ﺑﺎﻥ ﻟﻴﻬﺎ ﻛﻴﺸﻮﻑ ﻓﺠﻮﻻﻥ ﻭ ﻫﻲ ﺗﺒﺘﺎﺳﻢ ﻣﺪﺭﻗﺔ ﻓﻤﻬﺎ ﺑﺸﺎﻟﻬﺎ ... ﺣﺪﺭﺍﺕ ﺭﺍﺳﻬﺎ ﻭ ﺿﺎﺭﺕ ﺭﺍﺟﻌﺔ ﻟﻠﺪﺍﺭ ﻣﺨﻠﻴﺎﻫﻢ ﺑﻮﺣﺪﻫﻢ ... ﺟﻮﻻﻥ ﻭﺍﻗﻔﺔ ﻭﺳﻂ ﺩﺍﻙ ﺍﻟﺒﺴﺎﻁ ﺍﻻﺑﻴﺾ ... ﻫﺰﺍﺕ ﺭﺍﺳﻬﺎ ﻣﺘﺒﻌﺔ ﻳﺮﻗﺎﺕ ﺍﻟﺜﻠﺞ ﺑﻌﻨﻴﻬﺎ ﺣﺘﻰ ﻛﻴﻄﻴﺤﻮ ﻭ ﻳﺨﺘﻔﻴﻮ ﻭﺳﻂ ﻛﻮﻣﺔ ﺍﻟﺜﻠﺞ ... ﻓﺠﺄﺓ ﺟﻔﻼﺕ ﻓﺎﺵ ﺣﺴﺎﺕ ﺑﺠﺴﺪﻭ ﻣﻦ ﻭﺭﺍﻫﺎ ﻭ ﺑﻴﺪﻳﻪ ﻛﻴﻀﻮﺭﻭ ﻋﻠﻰ ﺧﺼﺮﻫﺎ ...
ﺯﻳﺮ ﻋﻠﻴﻬﺎ ﺑﺪﺭﺍﻋﻮ ﺍﻟﻲ ﻣﺤﺎﻭﻃﻴﻦ ﺧﺼﺮﻫﺎ ... ﺣﺎﻁ ﺫﻗﻨﻮ ﻋﻠﻰ ﺭﺍﺳﻬﺎ ﻭ ﻛﻴﺸﻮﻑ ﻟﻘﺪﺍﻡ ... ﺣﺎﺳﺔ ﺑﺠﺴﻤﻮ ﺍﻟﺪﺍﻓﺊ ﻣﺤﺘﺎﻭﻳﻬﺎ ﻭ ﻫﻤﺎ ﻭﺳﻂ ﺩﺍﻙ ﺍﻟﺒﺮﺩ ... ﺑﻘﺎﻭ ﺑﺠﻮﺝ ﻣﺮﺍﻗﺒﻴﻦ ﺍﻟﺜﻠﺞ ﺍﻟﻲ ﻛﻴﻄﻴﺢ ﺑﺪﻭﻥ ﻣﻴﺘﻜﻠﻤﻮ ... ﻫﻮ ﻋﺎﺭﻑ ﺑﻠﻲ ﺍﻟﺤﺪﻳﺚ ﻣﻐﺎﺩﻳﺶ ﻳﻐﻴﺮ ﺣﺘﻰ ﺣﺎﺟﺔ ... ﻣﻐﺎﺩﻳﺶ ﻳﻘﻠﻞ ﺇﺣﺴﺎﺳﻬﺎ ﺑﺎﻷﻟﻢ ﻟﻔﺮﺍﻕ ﻣﻬﺎ ... ﻭ ﻣﻐﺎﺩﻳﺶ ﺗﺠﻲ ﻓﺠﺄﺓ ﻭ ﺗﺠﺎﻭﺯ ﺍﻷﻣﺮ ...
ﻣﺤﺘﺎﺟﺔ ﻭﻗﺖ ﻣﺎﺷﻲ ﺑﺎﺵ ﺗﻨﺴﻰ ﻷﻧﻬﺎ ﻋﻤﺮﻫﺎ ﻏﺘﻨﺴﻰ ... ﻟﻜﻦ ﻣﺤﺘﺎﺟﺔ ﻟﻠﻮﻗﺖ ﺑﺎﺵ ﺗﻘﺪﺭ ﺗﺮﺟﻊ ﺗﻨﻮﺽ ﻓﺎﻟﺼﺒﺎﺡ ﻭ ﺗﻜﻤﻞ ﻧﻬﺎﺭﻫﺎ ... ﺗﺮﺟﻊ ﺗﺰﺍﻭﻝ ﺭﻭﺗﻴﻨﻬﺎ ﻭ ﻫﻲ ﻣﺸﺘﺎﻗﺔ ﻟﺪﻳﻚ ﺍﻹﻧﺴﺎﻧﺔ ... ﻟﻜﻦ ﻗﺎﺩﺭﺓ ﺗﻮﺍﺟﻪ ﺍﻟﺤﻴﺎﺓ ﻣﺮﺓ ﺃﺧﺮﻯ ... ﻭ ﻫﺎﺩﺷﻲ ﺧﺎﺻﻬﺎ ﻫﻲ ﺗﻮﺻﻞ ﻟﻴﻪ ﺑﺈﺭﺍﺩﺗﻬﺎ ﺑﻌﺪﻣﺎ ﺗﺪﻭﺯ ﻓﺘﺮﺓ ﺍﻟﺤﺰﻥ ... ﻭ ﻓﻬﺎﺩ ﺍﻟﻔﺘﺮﺓ ﺑﺎﻏﻲ ﻳﻜﻮﻥ ﺟﻨﺒﻬﺎ ﻓﻘﻂ ﺑﺪﻭﻥ ﺗﺪﺧﻞ ...
ﺣﺲ ﺑﻴﻬﺎ ﻣﻴﻼﺕ ﺭﺍﺳﻬﺎ ﻭ ﺳﻨﺪﺍﺗﻮ ﻋﻠﻰ ﺻﺪﺭﻭ ... ﻧﺰﻝ ﻋﻨﻴﻪ ﻛﻴﺘﺄﻣﻞ ﻭﺟﻬﺎ ... ﻛﻴﺸﻮﻑ ﺧﺪﻭﺩﻫﺎ ﻭ ﻧﻴﻔﻬﺎ ﺍﻟﻲ ﺭﺟﻌﻮ ﺣﻤﺮﻳﻦ ﺑﺎﻟﺒﺮﺩ ... ﺯﺍﺩ ﺯﻳﺮ ﻋﻠﻴﻬﺎ ﺑﻴﺪﻳﻪ ﻭ ﻫﺒﻂ ﺭﺍﺳﻮ ﻗﺒﻞ ﺭﺍﺳﻬﺎ ... ﺳﺪﺍﺕ ﻋﻨﻴﻬﺎ ﻓﺎﺵ ﺣﺴﺎﺕ ﺑﻴﻪ ﻭ ﻧﺰﻻﺕ ﺩﻣﻌﺔ ﻣﻦ ﻋﻴﻨﻬﺎ ... ﺑﻘﺎﻭ ﻟﻤﺪﺓ ﻫﻜﺎﻙ ﺣﺘﻰ ﺳﻤﻌﻮ ﺻﻮﺕ ﺳﻤﻴﺔ ﻛﺘﻨﺎﺩﻱ ﻋﻠﻴﻬﻢ ... ﺗﻠﻔﺖ ﺭﺋﺒﺎﻝ ﺑﺎﻧﺖ ﻟﻴﻪ ﻛﺘﺸﻴﺮ ﻟﻴﻬﻢ ﻣﻦ ﺣﺪﺍ ﺍﻟﺒﺎﺏ ﺑﺎﺵ ﻳﺠﻴﻮ ... ﺷﺪ ﻓﻴﺪ ﺟﻮﻻﻥ ﻭ ﺗﻮﺟﻬﻮ ﻟﻠﺪﺍﺭ ... ﺩﺧﻠﻮ ﻟﻘﺎﻭﻫﺎ ﺣﺎﻃﺔ ﺍﻟﻐﺪﺍ ...
ﻃﺎﺟﻴﻦ ﺩﻳﺎﻝ ﺍﻟﻠﺤﻢ ﺑﺎﻟﺒﺮﻗﻮﻕ ﺑﺎﻗﻲ ﻛﻴﻔﻮﺭ ... ﻣﻊ ﺧﺒﺰ ﺍﻟﻔﺮﻳﻨﺔ ... ﭼﻠﺴﻮ ﻣﻌﺎﻫﻢ ﻭ ﺑﺪﺍﻭ ﺍﻵﻛﻞ ... ﺭﺋﺒﺎﻝ ﺑﻘﺎ ﻛﻴﺸﻮﻑ ﻓﺠﻮﻻﻥ ﺣﺘﻰ ﻫﺰﺍﺕ ﻋﻨﻴﻬﺎ ﻓﻴﻪ ... ﺭﺟﻌﺎﺕ ﺣﺪﺭﺍﺗﻬﻢ ﻭ ﺧﺪﺍﺕ ﺍﻟﺨﺒﺰ ﻭ ﺍﻧﻀﻤﺖ ﻟﻴﻬﻢ ... ﺗﻐﺪﺍﻭ ﻓﺠﻮ ﻫﺎﺩﺉ ... ﺳﻲ ﻋﺒﺎﺱ ﻣﺮﺓ ﻣﺮﺓ ﻛﻴﻬﻀﺮ ﻣﻊ ﺭﺋﺒﺎﻝ ... ﻭ ﺳﻤﻴﺔ ﻛﺘﺤﻨﻘﺰ ﺗﺸﺎﺭﻛﻬﻢ ﻓﺎﻟﺤﺪﻳﺚ ... ﻛﺎﻥ ﻣﻠﺤﻮﻅ ﺃﻧﻬﻢ ﻭﺍﺧﺪﻳﻦ ﺭﺍﺣﺘﻬﻢ ﻣﻊ ﺭﺋﺒﺎﻝ ﻭ ﻫﺬﺍ ﻛﻴﺮﺟﻊ ﻟﻤﻌﺎﻣﻠﺘﻮ ﻫﻮ ﻣﻌﺎﻫﻢ ...
ﺳﻲ ﻋﺒﺎﺱ ﻭ ﺣﻔﻴﺪﺗﻮ ﻧﺎﺱ ﺑﺴﺎﻁ ﻋﺎﻳﺸﻴﻦ ﻓﺎﻟﺒﺎﺩﻳﺔ ... ﺑﻌﺎﺩ ﻋﻠﻰ ﺟﻮ ﺍﻟﻤﺪﻳﻨﺔ ﺍﻟﻨﻔﻮﺫ ﺍﻟﻔﻠﻮﺱ ﻭ ﺍﻟﺒﺮﻭﺗﻜﻮﻝ ... ﺗﻌﺮﻓﻮ ﻋﻠﻰ ﺭﺋﺒﺎﻝ ﻧﻬﺎﺭ ﺗﻌﻄﺎﺕ ﻟﻴﻪ ﺍﻷﺭﺽ ﻓﻴﻦ ﻛﺎﻳﻨﺔ ﺍﻟﺪﺍﺭ ﻭ ﺍﻟﺤﻘﻮﻝ ﺍﻟﻲ ﺩﺍﻳﺮﻳﻦ ﺑﻴﻬﺎ ... ﺑﺎﺵ ﻳﺘﺒﻨﻰ ﻓﻴﻬﺎ ﻣﻨﺘﺠﻊ ﺧﺎﺹ ﺑﺎﻟﻤﺸﺎﻫﻴﺮ ﻭ ﺗﺎﺑﻊ ﻟﺸﺮﻛﺘﻮ ... ﺳﻲ ﻋﺒﺎﺱ ﻭﺭﺙ ﺍﻷﺭﺽ ﻋﻠﻰ ﺟﺪﻭﺩﻭ ﻭ ﻣﻜﺎﻧﺖ ﻋﻨﺪﻭ ﺣﺘﻰ ﻭﺛﻴﻘﺔ ﺗﺄﻛﺪ ﻫﺎﺩﺷﻲ ...
ﻛﺎﻥ ﺳﺎﻫﻞ ﺗﺴﻠﺐ ﻣﻨﻮ ... ﻭ ﻣﻨﻴﻦ ﻋﺮﻑ ﺃﻧﻪ ﻏﻴﺘﻼﺡ ﺧﺎﺭﺝ ﺩﺍﺭﻭ ... ﻫﺒﻂ ﻟﻠﻤﺪﻳﻨﺔ ﻭ ﻣﺸﺎ ﻟﻠﺸﺮﻛﺔ ﺍﻟﻲ ﺭﺟﻌﺎﺕ ﻟﻤﺎﻟﻚ ﺟﺪﻳﺪ ... ﻣﺎﺧﻼﻭﻫﺶ ﻳﻘﺎﺑﻞ ﺍﻟﻤﺪﻳﺮ ﻓﺎﻷﻭﻝ ﻭ ﻣﻦ ﻳﺄﺳﻮ ﻗﻀﺎ ﺛﻼﺙ ﺃﻳﺎﻡ ﻗﺪﺍﻡ ﺍﻟﺸﺮﻛﺔ ... ﺣﺘﻰ ﺧﻼﻭﻩ ﻳﻘﺎﺑﻞ ﺭﺋﺒﺎﻝ ... ﻋﺎﻭﺩ ﻟﻴﻪ ﻋﻠﻰ ﺃﻥ ﺍﻷﺭﺽ ﺩﻳﺎﻝ ﺟﺪﻭﺩﻭ ﻭ ﻫﻲ ﺍﻟﻲ ﻛﻴﻤﻠﻚ ... ﻟﻮ ﺟﺮﺍﻭ ﻋﻠﻴﻪ ﻣﺎﻋﻨﺪﻭ ﻓﻴﻦ ﻳﻌﻴﺶ ﻫﻮ ﻭ ﺣﻔﻴﺪﺗﻮ ... ﻛﺎﻥ ﺑﺎﻏﻲ ﻳﺤﺎﻭﻝ ﻵﺧﺮ ﻣﺮﺓ ... ﻭ ﻣﻈﻨﺶ ﺃﺑﺪﺍ ﺍﻥ ﺍﻟﻤﺪﻳﺮ ﻏﻴﻬﺘﻢ ﺑﻘﺼﺘﻮ ...
ﺣﺘﻰ ﺗﻔﺎﺟﺄ ﻫﻮ ﻭ ﺍﻵﺧﺮﻳﻦ ﺑﻘﺮﺍﺭ ﺭﺋﺒﺎﻝ ... ﺍﻟﻲ ﻟﻐﻰ ﺍﻟﺼﻔﻘﺔ ﺍﻟﺨﺎﺻﺔ ﺑﺎﻟﻤﻨﺘﺠﻊ ﻭ ﺣﻔﺾ ﺍﻷﺭﺽ ﺑﺎﺳﻢ ﻋﺒﺎﺱ ﻭ ﺣﻔﻴﺪﺗﻮ ... ﻭ ﻧﻬﺎﺭ ﺯﺍﺭ ﺍﻟﻤﻨﻄﻘﺔ ﺗﺄﻛﺪ ﺃﻥ ﺍﻟﻘﺮﺍﺭ ﺍﻟﻲ ﺧﺪﺍ ﻓﻤﺤﻠﻮ ... ﺍﻟﺘﺮﺣﻴﺐ ﺍﻟﻲ ﺭﺣﺐ ﺑﻴﻪ ﺳﻲ ﻋﺒﺎﺱ ﺑﻐﺎ ﻳﺤﻄﻮ ﻓﻮﻕ ﺭﺍﺳﻮ ... ﻭ ﻣﻦ ﺳﺎﻋﺘﻬﺎ ﺭﺟﻊ ﺭﺋﺒﺎﻝ ﻛﻴﺘﺮﺩﺩ ﻋﻠﻰ ﺩﻳﻚ ﺍﻟﻤﻨﻄﻘﺔ ... ﻭ ﺭﻏﻢ ﻭﺟﻮﺩ ﻓﻨﺪﻕ ﻗﺮﻳﺐ ﻛﺎﻥ ﻛﻴﺒﺎﺕ ﻓﺎﻟﺪﺍﺭ ... ﻭ ﻫﻨﺎ ﺧﺼﺼﻮ ﻟﻴﻪ ﺍﻟﻐﺮﻓﺔ ﺍﻟﻲ ﻓﺎﻟﻄﺎﺑﻖ ﺍﻟﺜﺎﻧﻲ ...
ﺍﻟﺠﻮ ﻭ ﺍﻟﺪﻓﺊ ﺍﻟﻲ ﻛﻴﺤﺲ ﺑﻴﻪ ﺭﺋﺒﺎﻝ ﻭﻗﺘﻤﺎ ﺟﺎ ﻟﻬﻨﺎ ... ﻫﻮ ﺍﻟﻲ ﺧﻼﻩ ﻳﺠﻴﺐ ﺟﻮﻻﻥ ﻟﻬﺎﺩ ﺍﻟﻤﻜﺎﻥ ...
ﻣﻊ ﺗﻌﺎﺷﺎﺕ ﺍﻟﻌﺸﻴﺔ ﻧﺎﺽ ﺭﺋﺒﺎﻝ ... ﺟﺮ ﻣﻌﺎﻩ ﺟﻮﻻﻥ ﻭ ﻃﻠﻌﻮ ﻟﻔﻮﻕ ... ﺣﻞ ﺑﺎﺏ ﺍﻟﺒﻴﺖ ﻭ ﺩﺧﻠﻮ ... ﻛﺎﻥ ﻟﺒﻴﺖ ﻣﺘﻮﺳﻂ ﺍﻟﺤﺠﻢ ... ﻛﻴﺘﻮﺳﻄﻮ ﺳﺮﻳﺮ ﻭ ﻋﻠﻰ ﻟﻴﻤﻴﻦ ﺃﺭﻳﻜﺔ ﺑﻴﻨﺎﺗﻬﻢ ﻓﺎﻷﺭﺽ ﺯﺭﺑﻴﺔ ﻳﺪﻭﻳﺔ ﺍﻟﺼﻨﻊ ... ﻓﻠﻴﺴﺮ ﺷﺮﻓﺔ ﺻﻐﻴﺮﺓ ﻋﻨﺪﻫﺎ ﺟﻮﺝ ﺑﻴﺒﺎﻥ ﺩﻳﺎﻝ ﺍﻟﺰﺍﺝ ... ﺍﻷﺭﺿﻴﺔ ﻭ ﺍﻟﺴﻘﻒ ﻣﻦ ﺍﻟﺨﺸﺐ ... ﻣﻤﺎ ﺧﻼ ﺍﻟﻐﺮﻓﺔ ﺗﻜﻮﻥ ﺩﺍﻓﻴﺔ ... ﻭ ﺟﻨﺐ ﻟﺒﺎﺏ ﻛﺎﻳﻦ ﺑﺎﺏ ﺻﻐﻴﺮ ﺩﻳﺎﻝ ﺍﻟﺤﻤﺎﻡ ... ﺍﻟﻐﺮﻓﺔ ﺗﻘﺎﺩﺍﺕ ﻋﻠﻰ ﺣﺴﺐ ﺭﺋﺒﺎﻝ ﻭ ﻣﻊ ﺫﻟﻚ ﺑﺎﻗﻲ ﻣﺤﺎﻓﻀﺔ ﻋﻠﻰ ﻃﺎﺑﻊ ﺍﻟﺒﺴﺎﻃﺔ ...
ﺩﻭﺯﺍﺕ ﺟﻮﻻﻥ ﻋﻨﻴﻬﺎ ﻋﻠﻰ ﺍﻟﻐﺮﻓﺔ ﻭ ﺗﻮﻗﻔﺎﺕ ﻋﻨﺪ ﺍﻟﺴﺮﻳﺮ ... ﺗﺬﻛﺮﺍﺕ ﺷﻨﻮ ﻗﺎﻟﺖ ﻟﻴﻬﺎ ﺳﻤﻴﺔ ﻓﺎﻟﺼﺒﺎﺡ ﻋﻠﻰ ﺃﻥ ﺭﺋﺒﺎﻝ ﻋﺮﻓﻬﺎ ﻋﻠﻰ ﺃﻧﻬﺎ ﻣﺮﺍﺗﻮ ... ﺿﺎﺭﺕ ﻋﻨﺪﻭ ﺷﺎﻓﺖ ﻓﻴﻪ ... ﻗﺒﻞ ﺣﺘﻰ ﻣﺘﻜﻠﻢ ﻓﻬﻢ ﺷﻨﻮ ﻛﻴﻀﻮﺭ ﻓﺮﺍﺳﻬﺎ ﻭ ﻧﻄﻖ ...
ﺭﺋﺒﺎﻝ : ﻏﻨﺒﺎﺕ ﻓﺎﻷﻭﻃﻴﻞ ... ﻻ ﺣﺘﺎﺟﻴﺘﻲ ﺷﻲ ﺣﺎﺟﺔ ﻋﻴﻄﻲ ﻟﺴﻤﻴﺔ ... ﻓﺎﻟﺼﺒﺎﺡ ﻏﻨﺮﺟﻊ
ﻫﺰ ﺻﺎﻛﻮ ﺍﻟﻲ ﻓﻮﻕ ﺍﻟﻔﻮﻃﻮﻱ ﻭ ﺧﺮﺝ ... ﻭﺻﻰ ﺳﻤﻴﺔ ﻋﻠﻰ ﺟﻮﻻﻥ ﻭ ﻏﺎﺩﺭ ... ﻃﻠﻊ ﻓﺴﻴﺎﺭﺗﻮ ﻭ ﺳﺎﻕ ﻣﺘﺎﺟﻪ ﻟﻸﻭﻃﻴﻞ ...
🍂 ﭼﺎﻟﺲ ﻓﺎﻟﻤﻜﺘﺐ ﻣﺮﺟﻊ ﺭﺍﺳﻮ ﺍﻟﻠﻮﺭ ﻭ ﻣﻐﻤﺾ ﻋﻨﻴﻪ ... ﺗﺤﻞ ﻟﺒﺎﺏ ﻭ ﺩﺧﻞ ﻳﺰﻳﺪ ﻫﺎﺯ ﻓﻴﺪﻳﻪ ﺟﻮﺝ ﺃﻛﻮﺍﺏ ﺩﻳﺎﻝ ﺍﻟﻘﻬﻮﺓ ... ﺣﻂ ﻭﺍﺣﺪ ﻗﺪﺍﻡ ﻳﺎﻣﻦ ﻭ ﭼﻠﺲ ﻛﻴﺸﺮﺏ ﻓﻘﻬﻮﺗﻮ ...
ﻳﺰﻳﺪ : ﺳﻴﺮ ﻟﻠﺪﺍﺭ ﺗﺮﺗﺎﺡ ﺷﻮﻳﺔ ... ﻏﺘﺒﺎﺕ ﻫﻨﺎ ﻋﻮﺗﺎﻧﻲ
ﻳﺎﻣﻦ : " ﺣﻞ ﻋﻨﻴﻪ " ﻛﻨﻤﺸﻲ ﻟﻠﺪﺍﺭ ﻛﻨﺘﻔﻜﺮ ﺣﻮﺍﻳﺞ ﺃﺧﺮﻯ ... ﻛﻨﺰﻳﺪ ﻧﺘﻌﺼﺐ
ﻳﺰﻳﺪ : " ﻓﻬﻢ ﻗﺼﺪﻭ " ﻣﺰﺍﻝ ﻣﺎﺑﺎﻏﻲ ﺗﻬﻀﺮ ﻋﻠﻴﻬﺎ !
ﻳﺎﻣﻦ : ﻋﺎﺭﻑ ﻛﻨﺘﺠﻨﺐ ﻧﻬﻀﺮ ﻣﻌﺎﻙ ﻓﻤﻮﺿﻮﻋﻬﺎ ... ﺣﻴﻨﺖ ﻻ ﻫﻀﺮﻧﺎ ﻧﻘﺪﺭﻭ ﻧﺼﺪﻗﻮ ﻣﺰﻓﺘﻴﻨﻬﺎ ﺃﻛﺜﺮ
ﻳﺰﻳﺪ : ﻋﺎﺭﻑ ... ﺩﺍﻛﺸﻲ ﺑﺎﺵ ﺃﻧﺎ ﺑﺎﻏﻴﻚ ﺗﺴﻤﻊ ﻟﻴﺎ ... ﺟﻮﻻﻥ ﻋﺮﻓﺘﻬﺎ ﻧﻬﺎﺭ ﺗﻮﺭﻃﺎﺕ ﻓﻘﻀﻴﺔ ﺯﻫﻴﺮ ﻭ ﺗﻌﺘﺎﻗﻼﺕ ... ﻣﻦ ﺑﻌﺪﻣﺎ ﺗﺒﺘﺎﺙ ﺑﺮﺍﺀﺗﻬﺎ ﻭ ﻋﺮﻓﺘﻬﺎ ﺧﺪﺍﻣﺔ ﻓﺸﺮﻛﺔ ﺍﻟﻌﺜﻤﺎﻧﻲ ... ﺍﻟﺸﺮﻛﺔ ﻧﻔﺴﻬﺎ ﺍﻟﻲ ﺗﻜﻠﻔﺖ ﺑﺎﻟﺒﺤﺚ ﻓﺈﺧﺘﻔﺎﺀ ﺟﻮﺝ ﻣﻦ ﺍﻟﻲ ﻛﺎﻧﻮ ﺧﺪﺍﻣﻴﻦ ﻓﻴﻬﺎ ... ﻣﺸﻴﺖ ﺍﻋﺘﺎﺫﺭﺕ ﻣﻨﻬﺎ ... ﻭ ﺑﺼﺮﺍﺣﺔ ﻛﻨﺖ ﺑﺎﻏﻲ ﻧﺪﻳﺮﻫﺎ ﻃﺮﻳﻖ ﺑﺎﺵ ﻧﻮﺻﻞ ﻟﻴﻪ ... ﻧﻬﺎﺭ ﺗﻼﻗﻴﺖ ﺍﻟﻤﺪﻳﺮ ...
ﻭﺍﺧﺔ ﻣﺎﻋﻠﻴﻪ ﻭﺍﻟﻮ ﻟﻜﻦ ﻫﺎﺩﺷﻲ ﺧﻼﻧﻲ ﻧﺰﻳﺪ ﻧﺸﻚ ﻓﻴﻪ ... ﻭ ﻣﻨﻴﻦ ﻋﺮﻓﺘﻬﺎ ﻣﻘﺮﺑﺔ ﻟﻴﻪ ﺯﺩﺕ ﺣﻄﻴﺘﻬﺎ ﻓﺪﻣﺎﻏﻲ ... ﻭ ﻓﺎﺵ ﻋﺮﻓﺘﻬﺎ ﻣﺰﻳﺎﻥ ﺍﻟﺒﻨﺖ ﻋﺠﺒﺎﺗﻨﻲ ﻭ ﻓﻜﺮﺕ ﻧﺨﻠﻴﻬﺎ ﺑﻌﻴﺪﺓ ... ﺗﻌﺎﻃﻔﺖ ﻣﻊ ﺍﻟﻲ ﻭﻗﻊ ﻟﻴﻬﺎ ﻭ ﺣﺘﻰ ﺍﻧﻲ ﻓﻜﺮﺕ ﻧﺘﺰﻭﺝ ﺑﻴﻬﺎ
ﻳﺎﻣﻦ : " ﺑﺎﻳﻦ ﻋﻠﻴﻪ ﻣﻌﺎﺟﺒﻮﺵ ﺍﻟﺤﺎﻝ " ﻭ ﺩﺍﺑﺔ ﺑﺸﻨﻮ ﺣﺎﺱ ؟
ﻳﺰﻳﺪ : ﻛﺎﻥ ﺇﻋﺠﺎﺏ ﻓﻘﻂ ﻭ ﻣﻨﻴﻦ ﻋﺮﻓﺖ ﺑﻠﻲ ﻫﻲ ﺍﻟﺒﻨﺖ ﺍﻟﻲ ﻫﻀﺮﺗﻲ ﻋﻠﻴﻬﺎ ... ﻣﺎﺑﻘﻴﺘﺶ ﻛﻨﺸﻮﻓﻬﺎ ﺑﻨﻔﺲ ﺍﻟﻄﺮﻳﻘﺔ ... ﻣﺎﺷﻲ ﺃﻧﺎ ﺍﻟﻲ ﻧﻄﻤﻊ ﻓﺎﻟﺒﻨﺖ ﺍﻟﻲ ﻛﻴﺒﻐﻲ ﺻﺎﺣﺒﻲ
ﻳﺎﻣﻦ : ﺑﺎﻏﻲ ﻧﺴﺎﻫﺎ ﻟﻜﻦ ﻣﺎﻗﺪﺭﺗﺶ ... ﻭ ﻓﻜﺮﺓ ﺃﻧﻬﺎ ﻣﺨﻄﻮﺑﺔ ﻟﻮﺍﺣﺪ ﺁﺧﺮ ﻣﺮﺿﺎﺕ ﺟﺪﺑﻮﻳﺎ ... ﻟﻜﻦ ﻟﻮ ﺷﻜﻮﻙ ﻓﻤﺤﻠﻬﺎ ﻭ ﺻﺪﻕ ﻛﻴﻒ ﻗﻠﺘﻲ ... ﻭ ﺍﻟﻠﻪ ﻣﺎﻧﺨﻠﻴﻬﺎ ﻟﻴﻪ
ﻳﺰﻳﺪ : ﺍﻟﻤﺸﻜﻴﻠﺔ ﻫﻮ ﺍﻟﺴﻴﺪ ﺫﻛﻲ ... ﻣﻦ ﻏﻴﺮ ﺍﻟﻔﻠﻮﺱ ﻭ ﺍﻟﻨﻔﻮﺫ ﺍﻟﻲ ﻋﻨﺪﻭ ... ﻓﺎﺵ ﺑﺪﻳﺖ ﺍﻟﺒﺤﺚ ﻋﻠﻰ ﺍﻟﺨﻠﻔﻴﺔ ﺩﻳﺎﻟﻮ ... ﺣﺪﻱ ﻭﺻﻠﺖ ﻷﻧﻮ ﻣﺘﺒﻨﻲ ﻣﻦ ﻃﺮﻑ ﻋﺎﺋﻠﺔ ﺍﻟﻌﺜﻤﺎﻧﻲ ... ﻭ ﻣﻜﺎﻳﻦ ﺣﺘﻰ ﺿﻮﺳﻲ ﻋﻠﻰ ﻫﻮﻳﺘﻮ ﺷﻜﻮﻥ ﻗﺒﻞ ﻣﺎﻳﺘﺒﻨﺎﻭﻩ ... ﺯﻋﻤﺎ ﺷﻨﻮ ﺍﺳﻤﻮ ﻭ ﻧﺴﺒﻮ ﻗﺒﻞ ﺍﻟﺘﺒﻨﻲ ... ﺃﻣﺎ ﻟﻤﺎﺑﺎﻗﻲ ﻫﻮ ﻫﺪﺍﻙ ... ﻗﺎﺭﻱ ﻓﺎﻟﺨﺎﺭﺝ ﻭ ﻋﺎﺵ ﺣﻴﺎﺓ ﻋﺎﺩﻳﺔ ... ﺿﻮﺳﻴﻪ ﻣﺎﻓﻴﻪ ﺣﺘﻰ ﻣﺨﺎﻟﻔﺔ ﺳﻴﺮ ﻫﻲ ﺍﻟﻠﺨﺮﻯ
ﻳﺎﻣﻦ : " ﻧﺎﺽ " ﺧﺎﺹ ﻏﻴﺮ ﻧﻌﺮﻓﻬﺎ ﻓﻴﻦ ﻫﻲ ﺑﻌﺪﺍ ... ﻛﻴﻒ ﺣﺎﻟﺘﻬﺎ ﻭﺍﺵ ﺑﺨﻴﺮ ... ﻋﺼﺒﻨﻲ ﺩﺍﻙ ﺑﺎﻫﺎ ... ﺗﻘﻮﻝ ﻏﺎ ﻣﺎﺛﻴﻖ ﺗﻬﻨﻰ ﻣﻨﻬﺎ
ﻳﺰﻳﺪ : ﻏﻴﻜﻮﻥ ﺧﺎﻳﻒ ﻣﻨﻮ ﻭ ﻻ ﻋﺎﺟﺒﻮ ﻧﺴﻴﺒﻮ ﺍﻟﻤﺴﺘﻘﺒﻠﻲ ﺍﻟﻲ ﻣﺮﻓﺢ ... ﺃﻣﺎ ﻣﻐﺎﺩﻳﺶ ﻳﺨﻠﻴﻪ ﻳﺪﻳﻬﺎ
ﻳﺎﻣﻦ : ﻏﺪﺍ ﻋﻨﺪﻧﺎ ﺇﺟﺘﻤﺎﻉ ﻣﻊ ﺩﻳﻚ ﺧﻴﺘﻲ
ﻳﺰﻳﺪ : ﺍﻟﺮﻗﻴﺐ ... ﺑﻨﺘﻲ ﻟﻴﺎ ﻣﺤﺎﻣﻠﻬﺎﺵ
ﻳﺎﻣﻦ : ﺍﻟﺰﻣﺮ ﺍﻟﻲ ﻭﻟﻔﺎﺕ ﻟﻬﻴﻪ ﻣﻜﻴﻤﺸﻴﺶ ﻫﻨﺎ ... ﻭ ﺣﻴﻨﺖ ﺯﺍﻳﺪﺓ ﺭﺗﺒﺔ ﻏﺪﻳﺮ ﻟﻴﻨﺎ ﻓﻴﻬﺎ ﺍﻟﻌﻘﺪﺓ ... ﻭ ﺃﻧﺎ ﺭﺍﻙ ﻋﺎﺭﻓﻨﻲ ... ﻣﻜﻨﺒﻐﻴﺶ ﺍﻟﻲ ﻳﻔﺮﺽ ﻋﻠﻴﺎ ﺷﻲ ﺣﺎﺟﺔ ... ﻛﻨﺨﺪﻡ ﺑﻄﺮﻳﻘﺘﻲ
ﻳﺰﻳﺪ : ﻣﻐﺎﺩﻱ ﺗﺴﻮﮔﺮ ﻣﻌﻨﺎ ﺣﺘﻰ ﻕ *** ... ﻣﺎﺷﻲ ﺣﻴﻨﺖ ﺣﻄﻨﺎ ﺍﻟﻌﻤﻴﺪ ﻓﻔﺮﻳﻖ ﻭﺍﺣﺪ ﺧﺎﺹ ﻧﺨﺪﻣﻮ ﺗﺤﺖ ﻳﺪﻳﻬﺎ
ﻳﺎﻣﻦ : ﻧﺘﺎ ﻣﻐﺎﺩﻳﺶ ؟
ﻳﺰﻳﺪ : ﻫﻮ ﺩﺍﺑﺔ ﻧﻴﺖ
ﺧﺮﺟﻮ ﺑﺠﻮﺝ ﻭ ﻏﺎﺩﺭﻭ ﺍﻟﻤﺮﻛﺰ ... ﻛﻞ ﻃﻠﻊ ﻓﺴﻴﺎﺭﺗﻮ ﻭ ﺯﺍﺩ ... ﻳﺎﻣﻦ ﻭﺻﻞ ﻟﻠﺤﻲ ﺣﻂ ﺍﻟﻠﻮﻃﻮ ﻭ ﻫﻮ ﻏﺎﺩﻱ ﻟﺪﺍﺭﻭ ... ﻭﻗﻒ ﻋﻨﺪ ﺑﺎﺏ ﺩﺍﺭ ﺍﺑﺮﺍﻫﻴﻢ ... ﺩﻕ ﻓﺎﻟﺒﺎﺏ ﺷﻮﻳﺔ ﺧﺮﺝ ﻋﻨﺪﻭ ﺇﺑﺮﺍﻫﻴﻢ ...
ﻳﺎﻣﻦ : ﺳﻲ ﺇﺑﺮﺍﻫﻴﻢ ﻟﺒﺎﺱ ؟
ﺇﺑﺮﺍﻫﻴﻢ : ﺍﻟﺤﻤﺪ ﻟﻠﻪ ... ﻛﻴﻒ ﺩﺍﻳﺮ ﻣﻊ ﺷﻲ ﺧﺪﻣﺔ
ﻳﺎﻣﻦ : ﻫﺎﺣﻨﺎ ... " ﺑﺪﻭﻥ ﻣﻘﺪﻣﺎﺕ " ﺭﺟﻌﺎﺕ ﺟﻮﻻﻥ ؟
ﺇﺑﺮﺍﻫﻴﻢ : " ﻣﺴﺘﻐﺮﺏ ﻣﻦ ﺳﺆﺍﻟﻮ ﻋﻠﻴﻬﺎ " ﻻ ﻣﺰﺍﻝ
ﻳﺎﻣﻦ : ﺑﻨﺘﻚ ﺧﺮﺟﺎﺕ ﻓﺪﻳﻚ ﺍﻟﺤﺎﻟﺔ ... ﻭ ﺩﺍﻫﺎ ﻫﺪﺍﻙ ﻣﺰﺍﻝ ﻣﺎﻣﺰﻭﺝ ﺑﻴﻬﺎ ﻣﺎ ﻭﺍﻟﻮ ... ﻧﺘﺎ ﻋﻨﺪﻙ ﻋﺎﺩﻱ ... ﻣﺮﺗﺎﺡ !
ﺇﺑﺮﺍﻫﻴﻢ : " ﻣﺎﺭﺿﺎﺵ " ﻫﺎﺩﺷﻲ ﻣﺎﻛﻴﺨﺼﻜﺶ ... ﺍﻟﻠﻪ ﻳﻤﺴﻴﻚ ﻋﻠﻰ ﺧﻴﺮ
ﺳﺪ ﻋﻠﻴﻪ ﺍﻟﺒﺎﺏ ﻓﻮﺟﻮ ... ﺩﻭﺯ ﻳﺎﻣﻦ ﻳﺪﻭ ﻋﻠﻰ ﻋﻨﻘﻮ ﻛﻴﺼﺒﺮ ﻓﺮﺍﺳﻮ ... ﻛﻦ ﻣﻜﺎﻥ ﺑﺎﻫﺎ ﻭ ﺭﺍﺟﻞ ﻛﺒﺮ ﻣﻨﻮ ... ﻛﺎﻥ ﻳﺒﺮﺩ ﻓﻴﻪ ﺃﻋﺼﺎﺑﻮ ... ﻧﻌﻞ ﺍﻟﺸﻴﻄﺎﻥ ﻭ ﺩﺧﻞ ﻟﺪﺍﺭﻫﻢ ...
YOU ARE READING
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
