ﺧﺎﺷﻲ ﺭﺍﺳﻮ ﻓﻌﻨﻘﻬﺎ ... ﺣﺎﻁ ﻳﺪﻭ ﺗﺤﺖ ﺍﻟﺸﻮﻣﻴﺰ ﻋﻠﻰ ﺑﻄﻨﻬﺎ ... ﻭ ﺟﻮﻻﻥ ﻣﺴﻄﺤﺔ ﻋﻠﻰ ﻇﻬﺮﻫﺎ ...
ﻣﻊ ﺣﻼﺕ ﻋﻨﻴﻬﺎ ﺩﻭﺭﺍﺕ ﻳﺪﻳﻬﺎ ﻋﻠﻰ ﻋﻨﻘﻮ ... ﺣﺲ ﺑﻴﻬﺎ ﻭ ﻫﻮ ﻳﺒﻌﺪ ... ﺗﻘﺎﺑﻞ ﻣﻌﻬﺎ ﻭ ﻗﺎﻝ ...
ﺭﺋﺒﺎﻝ : ﻓﻴﻘﻲ ﺍﻟﻨﻌﺎﺳﺔ ... ﺑﺎﺭﻛﺔ ﻋﻠﻴﻚ ﻣﻦ ﺍﻟﻨﻌﺎﺱ
ﺟﻮﻻﻥ : ﻣﺎﻣﺸﺘﻴﺶ ﻟﺨﺪﻣﺔ ؟
ﺭﺋﺒﺎﻝ : " ﺣﻂ ﻳﺪﻭ ﻋﻠﻰ ﻛﺘﻔﻬﺎ ﻭ ﻭ ﺑﻘﻰ ﻫﺎﺑﻂ ﻣﻊ ﺫﺭﺍﻋﻬﺎ " ﻻ ... ﻣﻜﺎﻳﻨﺔ ﺷﺮﻛﺔ ﺍﻟﻴﻮﻡ ... ﺟﺎﺕ ﺷﻜﻮﻯ ﻣﻦ ﺍﻟﺮﺋﻴﺴﺔ ﺑﻠﻲ ﻫﻤﻠﻨﺎﻫﺎ
ﺟﻮﻻﻥ : " ﻛﺘﻠﻌﺐ ﺑﺼﺒﺎﻋﻬﺎ ﻓﺸﻌﺮﻭ " ﺍﻣﻢ ... ﺍﻟﺮﺋﻴﺴﺔ ﻏﻀﺒﺎﻧﺔ ﻣﻨﻚ ... ﺧﺎﺻﻚ ﺗﺮﺍﺿﻴﻬﺎ
ﺭﺋﺒﺎﻝ : " ﺣﻂ ﻧﻴﻔﻮ ﻋﻠﻰ ﻧﻴﻔﻬﺎ " ﻛﻨﺖ ﻏﻨﺮﺍﺿﻴﻬﺎ ﻟﺒﺎﺭﺡ ﻭ ﻟﻜﻦ ﺑﺎﻧﺖ ﻟﻴﺎ ﻋﻴﺎﻧﺔ
ﺟﻮﻻﻥ : ﺑﺎﻏﻲ ﺗﺮﺍﺿﻴﻬﺎ ﻭ ﻻ ﺗﺮﺍﺿﻲ ﺭﺍﺳﻚ
ﺭﺋﺒﺎﻝ : " ﺑﺈﺑﺘﺴﺎﻣﺔ ﺟﺎﻧﺒﻴﺔ " ﺑﺠﻮﺝ
ﺟﻮﻻﻥ : " ﺿﺤﻜﺎﺕ ﺑﺼﻮﺕ ﻣﺮﺗﻔﻊ " ﻫﻬﻬﻬﻬﻪ ... ﺷﻜﻮﻥ ﻧﺘﺎ ﻣﺎﻋﺮﻓﺘﻜﺶ
ﺭﺋﺒﺎﻝ : " ﻫﻤﺲ ﺣﺬﺍ ﻭﺫﻧﻬﺎ " ﺭﺍﺟﻠﻚ
ﺟﻮﻻﻥ : " ﺣﻄﺎﺕ ﻳﺪﻫﺎ ﻋﻠﻰ ﻟﺤﻴﺘﻮ " ﺭﺍﺟﻠﻲ ﺣﺒﻴﺒﻲ ... ﺑﺎﺑﺎﺕ ﺑﻨﺎﺗﻲ ... ﺣﻴﺎﺗﻲ
ﺭﺋﺒﺎﻝ : " ﻛﻴﺸﻮﻑ ﻓﺸﻔﺎﻳﻔﻬﺎ " ﻏﺎﺩﻱ ﻧﺨﻠﻴﻮ ﺑﺎﻙ ﻳﻔﻄﺮ ﺑﻮﺣﺪﻭ
ﻳﺎﻻﻩ ﻏﻴﻘﺒﻠﻬﺎ ﻭ ﻫﻲ ﺗﺪﻓﻌﻮ ﻭ ﻧﺎﺿﺖ ...
ﺟﻮﻻﻥ : ﺑﺎﺑﺎ ﻣﻜﻴﺤﻤﻠﺶ ﻳﻔﻄﺮ ﺑﻮﺣﺪﻭ ... ﻳﺎﻻﻩ ﻧﻬﺒﻄﻮ
ﺭﺋﺒﺎﻝ : ﻏﺎﺩﻱ ﺗﻬﺒﻄﻲ ﻫﺎﻛﺔ ... ﻟﺒﺴﻲ ﺷﻲ ﺣﺎﺟﺔ
ﺟﻮﻻﻥ : " ﺷﺎﻓﺖ ﻓﺮﺍﺳﻬﺎ " ﺁﻩ ﺧﺎﺹ ﻧﻠﻮﺡ ﻋﻠﻴﺎ ﺷﻲ ﺣﺎﺟﺔ
ﻣﺸﺎﺕ ﺩﺧﻼﺕ ﻟﻠﺪﺭﻳﺴﻴﻨﻎ ﻭ ﻟﺒﺴﺎﺕ ﺑﻴﻨﻮﺍﺭ ﻃﻮﻳﻞ ﻗﻄﻨﻲ ... ﺧﺸﺎﺕ ﺭﺟﻠﻴﻬﺎ ﻓﺒﺎﻟﻄﻮﻓﺔ ﻣﺰﻏﺒﺔ ﻭ ﺧﺮﺟﺎﺕ ... ﺑﺎﻥ ﻟﻴﻬﺎ ﺭﺋﺒﺎﻝ ﻭﺍﻗﻒ ﻛﻴﻬﻀﺮ ﻓﺎﻟﻔﻮﻥ ﻭ ﻣﻦ ﻛﻼﻣﻮ ﺑﺎﻳﻦ ﻛﻴﻬﻀﺮ ﻣﻊ ﺑﻬﺎﺀ ...
ﺩﺧﻼﺕ ﻟﻠﺤﻤﺎﻡ ﻏﺴﻼﺕ ﻭﺟﻬﺎ ﻭ ﺳﻨﺎﻧﻬﺎ ... ﺧﺮﺟﺎﺕ ﻛﺘﺠﻤﻊ ﻓﺸﻌﺮﻫﺎ ... ﻣﺪ ﻟﻴﻬﺎ ﺭﺋﺒﺎﻝ ﻳﺪﻭ ﺷﺪﺍﺕ ﻓﻴﻪ ﻭ ﺧﺮﺟﻮ ... ﻫﺒﻄﻮ ﻣﻊ ﺍﻟﺪﺭﻭﺝ ﺑﺤﺬﺭ ﻛﻴﻒ ﺩﻳﻤﺎ ﻭ ﻫﻮ ﺷﺎﺩ ﻓﻴﺪﻫﺎ ... ﺧﺮﺟﻮ ﻟﻠﺠﺮﺩﺓ ﻭ ﺍﻧﻈﻤﻮ ﻹﺑﺮﺍﻫﻴﻢ ... ﻓﻄﺮﻭ ﻣﺠﻤﻮﻋﻴﻦ ﻭ ﺟﻠﺴﻮ ﻣﺠﻤﻌﻴﻦ ... ﻧﺎﺽ ﺭﺋﺒﺎﻝ ﺩﺧﻞ ﻟﻠﻤﻜﺘﺐ ﺩﻳﺎﻟﻮ ﺑﻌﺪﻣﺎ ﻭﺻﻠﻮ ﺍﺗﺼﺎﻝ ...
ﺟﻮﻻﻥ ﺑﻘﺎﺕ ﻛﺘﺴﻨﻰ ﺭﺟﻮﻋﻮ ﻭ ﻣﻨﻴﻦ ﺗﺄﺧﺮ ﻧﺎﺿﺖ ﻛﺘﻘﻠﺐ ﻋﻠﻴﻪ ... ﻣﺸﺎﺕ ﻟﻠﻤﻜﺘﺐ ﻣﻠﻘﺎﺗﻮﺵ ﻓﻴﻪ ... ﺳﻮﻻﺕ ﺍﻟﺨﺪﺍﻣﺔ ﻭ ﻗﺎﻟﺖ ﻟﻴﻬﺎ ﺑﻠﻲ ﺗﻮﺟﻪ ﻟﻠﺤﺪﻳﻘﺔ ﺍﻟﺨﻠﻔﻴﺔ ... ﺧﺮﺟﺎﺕ ﺟﻮﻻﻥ ﻣﻦ ﺑﺎﺏ ﺍﻟﻤﻄﺒﺦ ﻭ ﻛﻴﻒ ﻭﺻﻼﺕ ﻟﻠﺠﻬﺔ ﺍﻟﺨﻠﻔﻴﺔ ...
ﺑﺎﻥ ﻟﻴﻬﺎ ﺭﺋﺒﺎﻝ ﻭﺳﻂ ﺍﻟﻤﺴﺒﺢ ... ﻛﺎﻥ ﻛﻴﺪﺭﻉ ﺑﺴﺮﻋﺔ ﻋﻠﻰ ﻃﻮﻝ ﺍﻟﻤﺴﺒﺢ ﻏﺎﺩﻱ ﺟﺎﻱ ﺑﺪﻭﻥ ﺗﻮﻗﻒ ... ﺑﻘﺎﺕ ﻭﺍﻗﻔﺔ ﻛﺘﺸﻮﻑ ﻓﻴﻪ ﻣﻦ ﺍﻟﻮﺍﺿﺢ ﺍﻥ ﺷﻲ ﺣﺎﺟﺔ ﺷﺎﻏﻠﺔ ﺑﺎﻟﻮ ... ﺗﻮﻗﻒ ﺭﺋﺒﺎﻝ ﺟﻨﺐ ﺍﻟﻤﺴﺒﺢ ﻭ ﺧﺮﺝ ﺭﺍﺳﻮ ﻣﻦ ﻟﻤﺎ ...
ﺩﻭﺯ ﻳﺪﻭ ﻋﻠﻰ ﺷﻌﺮﻭ ﻣﺮﺟﻌﻮ ﺍﻟﻠﻮﺭ ... ﻟﻤﺢ ﺟﻮﻻﻥ ﻭﺍﻗﻔﺔ ﻭ ﻫﻮ ﻳﺸﻴﺮ ﻟﻴﻬﺎ ﺗﻘﺮﺏ ... ﺩﺭﻉ ﺣﺘﻰ ﻭﺻﻞ ﻟﺠﻬﺔ ﺍﻟﺪﺭﻳﺠﺎﺕ ﻭ ﻣﺪ ﻟﻴﻬﺎ ﻳﺪﻭ ... ﻭﻗﻔﺎﺕ ﺟﻮﻻﻥ ﻣﻜﺎﻧﻬﺎ ﻭ ﻗﺎﻟﺖ ﺑﺘﻮﺛﺮ ...
ﺟﻮﻻﻥ : ﻻ ... ﻣﺎﻧﻘﺪﺭﺵ
ﺭﺋﺒﺎﻝ : ﺧﺎﺻﻚ ﺗﻐﻠﺒﻲ ﻋﻠﻰ ﺧﻮﻓﻚ ... ﻏﺘﺒﻘﺎﻱ ﺩﻳﻤﺎ ﻣﺒﻌﺪﺓ ﻣﻦ ﻟﻤﺎ ... ﺛﻴﻘﻲ ﺑﻴﺎ ﻭ ﻋﻄﻴﻨﻲ ﻳﺪﻙ
ﺣﻄﺎﺕ ﺟﻮﻻﻥ ﺭﺟﻠﻬﺎ ﻓﺎﻟﺪﺭﺟﺔ ﺣﺘﻰ ﻗﺎﺳﺖ ﻟﻤﺎ ... ﺩﺍﺭﺕ ﻳﺪﻫﺎ ﻭﺳﻂ ﺭﺍﺣﺔ ﻳﺪﻭ ... ﺷﺪ ﻓﻴﻬﺎ ﺣﺘﻰ ﻫﺒﻄﺎﺕ ﻟﻌﻨﺪﻭ ... ﻭﺻﻞ ﺍﻟﻤﺎ ﻟﺨﺼﺮﻫﺎ ﻭ ﺑﺪﺍﺕ ﻛﺘﺮﺟﻒ ... ﻣﺎﺷﻲ ﻣﻦ ﺑﺮﻭﺩﺓ ﺍﻟﻤﺎ ﻟﻜﻦ ﻣﻦ ﺍﻟﻔﻮﺑﻴﺎ ﺍﻟﻲ ﺭﺍﻭﺩﺍﺗﻬﺎ ﻣﻦ ﻭﺍﻗﻌﺔ ﺑﺮﻟﻴﻦ ...
ﻓﺎﺵ ﻃﺎﺣﺖ ﻓﺎﻟﻤﺎ ﻭ ﻫﻲ ﻋﻤﻴﺔ ... ﻛﺎﻧﺖ ﻛﺘﺸﻮﻑ ﺍﻟﻈﻠﻤﺔ ﻭ ﻫﻲ ﻛﺘﺴﺤﺐ ﻟﻠﻘﺎﻉ ... ﻣﻦ ﺍﺳﻮﺀ ﺍﻟﺬﻛﺮﻳﺎﺕ ﺍﻟﻲ ﺑﻘﺎﻭ ﻣﺮﺳﺨﻴﻦ ﻓﺬﺍﻛﺮﺗﻬﺎ ... ﻭ ﻣﻦ ﻭﻗﺘﻬﺎ ﺑﻘﺎﺕ ﺑﻌﻴﺪﺓ ﻋﻠﻰ ﻟﻤﺎﺀ ...
ﺣﺲ ﺑﻴﻬﺎ ﺭﺋﺒﺎﻝ ﻭ ﻫﻮ ﻳﻀﻮﺭ ﺫﺭﺍﻋﻮ ﻋﻠﻰ ﺧﺼﺮﻫﺎ ... ﺟﺮﻫﺎ ﻣﻌﺎﻩ ﺩﺧﻠﻮ ﻟﻠﺪﺍﺧﻞ ﺣﺘﻰ ﻣﺎﺑﻘﺎﻭﺵ ﺭﺟﻠﻴﻬﺎ ﻛﻴﻠﻤﺴﻮ ﺍﻷﺭﺽ ... ﺗﺸﺒﺘﺎﺕ ﺑﻴﻪ ﺟﻮﻻﻥ ﻭ ﺣﺎﻭﻃﺎﺕ ﻋﻨﻘﻮ ... ﻛﺘﺸﻮﻑ ﻓﻌﻨﻴﻪ ﻓﻘﻂ ﺍﻟﻲ ﻣﻮﺻﻠﻴﻦ ﻟﻴﻬﺎ ﺃﻧﻬﺎ ﻓﺄﻣﺎﻥ ...
ﺭﺋﺒﺎﻝ : ﻫﺎﺣﻨﺎ ﺩﺧﻠﻨﺎ ﻟﺪﺍﺧﻞ
ﺩﻭﺭﺍﺕ ﺟﻮﻻﻥ ﻭﺟﻬﺎ ﻭ ﻟﻘﺎﺕ ﺑﻠﻲ ﻛﺎﻳﻨﻴﻦ ﻓﻮﺳﻂ ﺍﻟﻤﺴﺒﺢ ... ﺿﺤﻜﺎﺕ ﺑﺘﻮﺛﺮ ﻭ ﻗﺎﻟﺖ ...
ﺟﻮﻻﻥ : ﻋﻨﺪﺍﻙ ﻃﻠﻘﻨﻲ ... ﻣﻊ ﺍﻟﻜﺮﺵ ﻏﻨﻬﺒﻂ ﻟﺘﺤﺖ ﺑﺤﺎﻝ ﺍﻟﺤﺠﺮﺓ
ﺭﺋﺒﺎﻝ : ﻣﻐﺎﺩﻳﺶ ﻧﻄﻠﻘﻚ ... ﻭ ﻟﻜﻦ ﻣﻦ ﺍﻟﻴﻮﻡ ﻏﺘﻮﻟﻔﻲ ﺩﺧﻠﻲ ﻟﻠﻤﺎ ﻭ ﺗﻌﻠﻤﻲ ﺗﻌﻮﻣﻲ
ﺟﻮﻻﻥ : ﺿﺮﻭﺭﻱ ﺯﻋﻤﺎ
ﺭﺋﺒﺎﻝ : ﺍﻣﻢ ... ﻣﺎﺣﺪﻙ ﻛﺘﻐﻠﺒﻲ ﻋﻠﻰ ﻣﺨﺎﻭﻓﻚ ﻛﻴﻨﻘﺼﻮ ﻧﻘﻂ ﺿﻌﻔﻚ ... ﻭ ﺃﻧﺎ ﺧﺎﺹ ﺍﻟﻲ ﺗﻌﻮﻡ ﻣﻌﻴﺎ ... ﺗﺒﻐﻲ ﻧﺠﻴﺐ ﺷﻲ ﻭﺣﺪﺓ ﺑﺮﺍﻧﻴﺔ
ﺟﻮﻻﻥ : " ﺧﻨﺰﺭﺍﺕ ﻓﻴﻪ " ﻳﺎﻛﻤﺎ ﺑﺎﻏﻲ ﺗﺠﻴﺐ ﺍﻟﻄﺒﻴﺒﺔ ﺍﻟﻌﻮﺭﺍﺟﺔ ... ﻭ ﻻ ﺍﻟﺒﻮﻟﻴﺴﻴﺔ ﺍﻟﻤﻘﺰﺩﺭﺓ ﻳﻮﻧﺴﻮﻙ " ﺿﻐﻄﺎﺕ ﺑﻀﻔﺎﺭﻫﺎ ﻋﻠﻰ ﻛﺘﻔﻮ " ﺑﺎﻗﻲ ﻧﺸﻮﻑ ﺷﻲ ﻭﺣﺪﺓ ﻛﻀﻮﺭ ﺑﻴﻚ ﻏﺘﺸﻮﻑ ﻭﺟﻪ ﺟﻮﻻﻥ ﻻﺧﺮ ... ﻧﺘﺎ ﺩﻳﺎﻟﻲ ﺍﻧﺎﺍﺍﺍ
ﺭﺋﺒﺎﻝ : " ﺍﺑﺘﺎﺳﻢ ﺣﺘﻰ ﺗﺴﺪﻭ ﻋﻨﻴﻪ " ﻏﺘﻌﻠﻤﻲ ﺗﻌﻮﻣﻲ ﺇﺫﻥ !
ﺟﻮﻻﻥ : ﺁﻩ ﻋﻠﻤﻨﻲ " ﺭﺧﺎ ﻣﻨﻬﺎ ﻭ ﻫﻲ ﺗﺰﻳﺮ ﻋﻠﻴﻪ "
ﺭﺋﺒﺎﻝ : ﻣﺘﺨﺎﻓﻴﺶ ... ﻏﻨﺤﻴﺪ ﻟﻴﻚ ﻏﻴﺮ ﻟﺒﻴﻨﻮﺍﺭ ﺑﺎﺵ ﺗﺤﺮﻛﻲ ﺑﺮﺍﺣﺔ
YOU ARE READING
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
بارت 127
Start from the beginning
