ﻣﻊ ﺁﺧﺮ ﺟﻤﻠﺔ ﻗﺎﻝ ﺳﻠﻄﺎﻥ ﺗﺤﻞ ﺑﺎﺏ ﺍﻟﻘﺎﻋﺔ ... ﺗﻠﻔﺖ ﺟﻬﺔ ﻟﺒﺎﺏ ﻭ ﻫﻤﺎ ﻳﺒﺎﻧﻮ ﻟﻴﻪ ﻳﺰﻳﺪ ﻭ ﻳﺎﻣﻦ ﺩﺍﺧﻠﻴﻦ ... ﻛﺎﻧﻮ ﻻﺑﺴﻦ ﺟﻴﻠﻲ ﺍﻟﺤﻤﺎﻳﺔ ... ﻟﻤﺢ ﺳﻠﻄﺎﻥ ﺭﺟﺎﻟﻮ ﻓﺎﻟﺨﺎﺭﺝ ﻣﻮﻗﻔﻴﻨﻬﻢ ﺭﺟﺎﻝ ﺁﺧﺮﻳﻦ ﻋﻨﺪ ﺍﻟﺤﻴﻂ ﻭ ﺩﺍﻳﺮﻳﻦ ﻟﻴﻬﻢ ﺍﻟﻤﻴﻨﻮﻁ ...
ﺷﺎﻑ ﻓﺎﻟﺪﺭﺍﺭﻱ ﺍﻟﻲ ﻭﻗﻔﻮ ﻋﻠﻴﻪ ﻭ ﺩﻭﺭ ﻭﺟﻬﻮ ﻋﻨﺪ ﺭﺋﺒﺎﻝ ...
ﺳﻠﻄﺎﻥ : ﻫﺎﺩﻱ ﺃﻛﺒﺮ ﻏﻠﻄﺔ ﻣﻤﻜﻦ ﺩﻳﺮﻫﺎ ﻓﺤﻴﺎﺗﻚ
ﺭﺋﺒﺎﻝ : " ﺟﺎﻟﺲ ﺑﺄﺭﻳﺤﻴﺔ " ﺧﺮﺝ ﺭﺍﺳﻚ ﻣﻦ ﻫﺎﺩﻱ ﻭ ﺩﻳﻚ ﺍﻟﺴﺎﻉ ﻧﻬﻀﺮﻭ
ﺳﻠﻄﺎﻥ : " ﺿﺤﻚ " ﺷﻨﻮ ﺩﺍﺑﺔ ... ﻏﺘﻌﺘﺎﻗﻠﻮﻧﻲ ﺑﺂﺵ ﻣﻦ ﺟﺮﻳﻤﺔ !
ﺭﺋﺒﺎﻝ ﺟﺒﺪ ﺷﻲ ﺣﺎﺟﺔ ﻣﻦ ﺟﻴﺒﻮ ... ﻫﺰﻫﺎ ﻟﻔﻮﻕ ﻭ ﺣﻞ ﻳﺪﻭ ﺷﻮﻳﺔ ﺣﺘﻰ ﻃﺎﺣﺖ ﻗﺮﻃﺎﺳﺔ ﻣﻀﻐﻮﻃﺔ ﻓﻮﻕ ﺍﻟﻄﺒﻠﺔ ...
ﺭﺋﺒﺎﻝ : ﻫﺎﺩﻱ ﺍﻟﻘﺮﻃﺎﺳﺔ ﺍﻟﻲ ﺧﺮﺟﻮ ﻣﻦ ﻛﺮﺷﻲ
ﺳﻠﻄﺎﻥ : ﺍﻟﻘﺮﻃﺎﺳﺔ ﻣﻦ ﺳﻼﺡ ﺍﻟﮕﺎﺭﺩ ﺍﻟﻲ ﺿﺮﺑﻚ ... ﻭ ﺍﻟﻲ ﻣﻴﺖ ﻭ ﺗﺤﺖ ﺍﻟﺘﺮﺍﺏ ﻫﺎﺩ ﺍﻟﻠﺤﻈﺔ ... ﺑﺎﻏﻲ ﻧﻌﺮﻑ ﻛﻴﻔﺎﺵ ﻏﺎﺩﻱ ﺗﻠﺼﻘﻬﺎ ﻟﻴﺎ ﺃﻧﺎ
ﺭﺋﺒﺎﻝ : " ﺣﻞ ﻳﺪﻳﻪ ﻭ ﻃﺎﺣﻮ ﺛﻼﺛﺔ ﺍﻟﻘﺮﻃﺎﺳﺎﺕ " ﻭ ﻫﺎﺩﻭ ﺗﺠﺒﺪﻭ ﻣﻦ ﻗﺒﺮ ﻟﮕﺎﺭﺩ ﺩﻳﺎﻟﻚ ﺍﻟﻲ ﻧﺘﺎ ﻗﺘﻠﺘﻴﻪ ... ﺍﻟﺴﻼﺡ ﻣﻔﻘﻮﺩ ﻟﻜﻦ ﺍﻟﺮﺧﺼﺔ ﻏﺘﻜﻮﻥ ﺑﺎﺳﻤﻚ ﻃﺒﻌﺎ ... ﻗﺘﻠﺘﻲ ﻟﮕﺎﺭﺩ ﻭ ﻛﻠﻔﺘﻲ ﺭﺟﺎﻟﻚ ﻳﺪﻓﻨﻮﻩ ﻭ ﻋﻄﻴﺘﻲ ﻟﻤﺮﺗﻮ ﻟﻔﻠﻮﺱ ﺑﺎﺵ ﺗﺴﻜﺖ ﺣﻴﻨﺖ ﺧﺎﻳﻔﺔ ﻋﻠﻰ ﻭﻟﺪﻫﺎ ...
ﻭ ﻟﻜﻦ ﺧﻮﻓﻬﺎ ﻋﻠﻰ ﻭﻟﺪﻫﺎ ﻣﻨﻚ ﻧﻔﺴﻮ ﺧﻮﻓﻬﺎ ﻋﻠﻴﻪ ﻳﺘﻮﺭﻁ ﻣﻌﺎﻛﻢ ... ﻫﻨﺎ ﺟﺎﺕ ﺧﺪﻣﺔ ﺍﻟﻈﺎﺑﻂ ﻳﺎﻣﻦ
ﻳﺎﻣﻦ : " ﺟﺒﺪ ﻟﻤﻴﻨﻮﻁ " ﺑﺘﺮﺧﻴﺺ ﻣﻨﻬﺎ ﺗﺠﺒﺪﺍﺕ ﺟﺜﺔ ﺭﺍﺟﻠﻬﺎ ﺍﻟﻲ ﺗﺪﻓﻨﺎﺕ ﺑﺪﻭﻥ ﺗﺸﺮﻳﺢ ... ﻭ ﻟﻜﻦ ﺣﻨﺎ ﺷﺮﺣﻨﺎﻩ ﻭ ﻟﻘﻴﻨﺎﻩ ﻣﺴﻜﻴﻦ ﻣﺎﺕ ﻣﻘﺘﻮﻝ ﺑﺎﻟﻘﺮﻃﺎﺱ ... " ﺷﺎﺭ ﻟﻴﻪ ﺑﻴﺪﻭ ﻳﻨﻮﺽ " ﻧﻮﺽ ﻧﻮﺽ
ﺳﻠﻄﺎﻥ : " ﻭﻗﻒ " ﻋﻨﺪ ﺑﺎﻟﻜﻢ ﻏﻨﺪﺧﻞ ﻟﻠﺤﺒﺲ ﺣﻴﻨﺖ ﻗﺎﺗﻞ ﻭﺍﺣﺪ ﻣﻦ ﺭﺟﺎﻟﻲ " ﺍﺑﺘﺎﺳﻢ ﺑﺴﺨﺮﻳﺔ " ﻣﺤﺎﻭﻟﺔ ﻣﺎﺑﻴﻬﺎﺵ
ﻳﺎﻣﻦ : ﻳﺰﻳﺪ ﺩﻳﺮ ﻟﻴﻪ ﺍﻟﻤﻴﻨﻮﻁ ... ﻭ ﻻ ﻣﺎﺑﻐﺎﺵ ﺣﻨﺎ ﻛﺜﺮ ﻣﻦ ﺳﻌﺪﺍﺀ ﻧﺪﻳﺮﻭﻩ ﻟﻴﻪ ﺑﺎﻟﺨﺎﻃﺮ
ﻗﺮﺏ ﻳﺰﻳﺪ ﻭ ﺧﺪﺍ ﻟﻤﻴﻨﻮﻁ ... ﺟﺮ ﻟﺴﻠﻄﺎﻥ ﻳﺪﻳﻪ ﺍﻟﻠﻮﺭ ﻭ ﺩﺍﺭﻭ ﻟﻴﻪ ...
ﻳﺎﻣﻦ : ﻣﺘﻌﺎﻭﻥ ... ﻣﺰﻳﺎﻥ
ﺳﻠﻄﺎﻥ : " ﺷﺎﻑ ﻓﺮﺋﺒﺎﻝ " ﻏﺘﻜﻮﻥ ﺍﻟﺴﺒﺐ ﻓﻬﻼﻛﻬﻢ ﺣﺘﻰ ﻫﻤﺎ ... ﺩﻳﻚ ﺍﻟﺴﺎﻉ ﻏﻴﺮ ﺣﻔﺮﻭ ﻣﺰﻳﺎﻥ ... ﺟﺮﻳﻤﺔ ﻗﺘﻞ ﻫﻲ ﻋﻼﺵ ﻗﺪﻳﺘﻮ
ﻭﻗﻒ ﺭﺋﺒﺎﻝ ﻭ ﺟﺎ ﻟﻌﻨﺪﻭ ... ﺗﻘﺎﺑﻞ ﻣﻌﺎﻩ ﻭ ﻗﺎﻝ ﺑﺒﺮﻭﺩ ...
ﺭﺋﺒﺎﻝ : ﻛﻨﺎ ﺯﺭﺑﺎﻧﻴﻦ ﺷﻮﻳﺔ ... ﻭ ﻟﻜﻦ ﺍﻟﺤﺎﺟﺔ ﺍﻟﺰﻭﻳﻨﺔ ﻫﻲ ﻓﺎﺵ ﻏﺘﻜﻮﻥ ﻓﺎﻟﻤﺮﻛﺰ ﻭ ﻳﻨﺰﻟﻮ ﻋﻠﻴﻚ ﺗﻬﻢ ﺃﺧﺮﻯ ﻣﻦ ﻫﻨﺎ ﻭ ﻟﻬﻴﻪ ... ﻭ ﺍﻟﻮﺍﻋﺮﺓ ﻫﻮ ﻧﻬﺎﺭ ﺍﻟﻤﺤﺎﻛﻤﺔ ﻳﺒﺎﻧﻮ ﺷﻬﻮﺩ ﻭ ﺩﻻﺋﻞ ﻣﺪﺍﻳﺮﺵ ﺑﺤﺴﺎﺑﻬﻢ
ﺳﻠﻄﺎﻥ : ﻫﻀﺮﺓ ﺧﺎﻭﻳﺔ
ﺭﺋﺒﺎﻝ : ﺑﻄﺒﻴﻌﺔ ﺍﻟﺤﺎﻝ ﺧﺎﻭﻳﺔ
ﺿﺎﺭ ﺭﺋﺒﺎﻝ ﻋﺎﻃﻴﻪ ﺑﻈﻬﺮﻭ ﻭ ﻓﺠﺄﺓ ﺭﺟﻊ ﺿﺎﺭ ﻟﻌﻨﺪﻭ ... ﻭ ﻣﻊ ﺍﻟﻀﻮﺭﺓ ﻧﺰﻝ ﻋﻠﻴﻪ ﺑﻠﻜﻤﺔ ﻗﻮﻳﺔ ﻟﻮﺟﻬﻮ ... ﺯﺍﺩﻭ ﻭﺣﺪﺓ ﺃﺧﺮﻯ ﺣﺘﻰ ﺭﻋﻒ ... ﻗﺮﺏ ﻟﻌﻨﺪ ﻭﺟﻬﻮ ﻭ ﻗﺎﻝ ...
KAMU SEDANG MEMBACA
السفاح العاشق
Fiksi Remajaﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
بارت 124
Mulai dari awal
