وليد ركب في سيارته وخر راسه ع الكرسي وتنهد واجعه خاطره وواجعه كدلك معاملته لمرته
الي هاملها ومكرها في عيشتها الي مش قادر يتقبلها في حياته
ينلام وما ينلامش💔
انك تنجبر ع شخص لا كيانك ولا روحك ولا قلبك متقبلينه معلقين في شخص ثاني صعبه جداً
حتكون في دوامه تايه
لا انت قادر تطلع منها
ولا انت قادر تتآقلم عليها
جي اليوم الي بعده
وافقت حنان بصعوبه ع خدمة اوسمة كانت تبي تخدم بدالها بس اوسمة رفضت بحكم وضعها تعبان وصحتها مدهوره الفتره هذي
وصلت حنان اوسمه للمصحة وخشت معاها واطمنت ع المكان وروحت
اوسمه كانت مرتبكه وخايفه الكل يشبح فيها
مروة/تشوفلها من فوق للوطا
تعالي نظفي مكتب الدكتور قبل ما ايجي وبعدها وتيله القهوه ايحبها ساده واتفكري مع الساعة 11 ايحب يشرب عصير برتقال فريش
يعني حتهتمي بآدق التفاصيل وبباقي الكادر الي في المصحة
اوسمه/تمام
مروه/جت بتمشي وردت هو قريب يوصل حالياً وتي القهوه وكلميني اني نرفعها 😒
اوسمة/تمام
خشت اوسمه المطبخ وولعت النار وحطت القهوه وعيونها دموع واجعها حالها ووين وصلت واجعها حلمها الي سيباته في بدايته💔
__________
ربيعة/مرات نمشيلها اليوم مش عارفه
ليلى/خلاص نمشي معاك
خنجر/صباح الخير
ربيعه/قالبه وجها 😒
ليلى:صباح النور نجيبلك تفطر
خنجر: لالا طالع يرجى فيا سيف
ليلى/💔
خنجر/ هيا سلام
ليلى/مع السلامه
ربيعه/لالا رسمي اني مش امه مرت باته عديم الاحساس طالع ومش هامه رضاي
ليلى/يما عارفاته خنجر انتي هذا طبعه لكن رغم بروده وعصبيته الا ان احن واحد في خوتي
ربيعة/تنهدت اي ربي ايريح باله ويفرجها عليه
وناضت لحقاته
القاته واقف جنب الباب
ربيعه/اوليدي برا كول حاجه قبل ماتمشي
خنجر/لا مافي وقت اهو سيف وصل
ربيعه/دير بالك ع روحك سلم ولدي
خنجر/ان شاء الله
سيف:السلام عليكم
ونزل ايسلم ع ربيعة
ليلى/تشوف من الروشن ودموعها لا تلقائياً ينزلوا💔
نهى/ليلى
ليلى:انخلعت هاا نعمم😨😨
نهى تسكن فوقهم هي ودلال والباقي بعاد
ليلى/خلعتيني
نهى/ليلى ماتبني احلامك ع اساس مهزوز
و
ليلى:خلااااص نهى مش داعي لمحاضراتك توا مادخلكش فياا واني عارفه شن اندير مش عيله انمص في صبعي رجاااء تام معاش تدخلي فيا ما اتخليني نندم اني حكيتلك
وجت بتمشي نهى شدتها
نهى: من النار الي فيا نحكي هكي ليلى فيقي لروحك راك قاعده تدفني في شبابك ع الفاضي
ليلى. افففففف اسكتيي عني
ومشت وخلتها
نهى:تنهدت بحزن
وليد:وين امي
نهى:تقريباً برا
وجي طالع
نهى:وليد
وليد: ها
نهى:فطرت
وليد: اي
وطلع ع طول وهو طالع قابلاته ربيعه
ربيعه: وينك اوليدي ما طليت عليا امس
وليد: مشاغل ماكنت فاضي
ربيعه: معقوله المشاغل اهم من امك ماتقولش انمر عليها نسآل عنها انشوف حالها
وليد:تنهد يما قتلك مشغول و
ربيعة: هاايت صااايع لآنصاص الليالي ومسيب مرتك مكسور خاطرها واتقولي مشاغل اقسم بالله يا الوليد ما تسقم من روحك وتبطل السم الي تاخد فيه لا اني امك ولا نعرفك وعمري ما رح نسامحك
وخشت
تنهد وليد تنهيده عميقة توصف كمية الآلم الي داخله الآلم الي ما حدش قادر ايحس بيه او يفهمه
