#البارت٢٨
حذيفه-يا سيد
ميمونه-اليعقدلنه
حذيفه-زواجنه ميحتاجله سيد لان وقتي اني وياج نردد ونحدد كم يوم
ميمونه_نردد شنردد انتَ شكاعد تحجي
جان بعده لازم الباب حاولت افتح الباب واطلع
. لزمني ....جريت ايدي منه سحبني قوي ودخلني للشقه
-وخر عني لتلزمني بعد دير بالك تحلم ابقه هنا اذا متجيب سيد
حذيفه-زواجنا كم يوم ماله داعي واني متفق
حاولت اجر روحي منه جان لازمني قوي دفعته وصحت بعلو صوتي
-عوف ايدي عوفهه
وكمت اصرخ
كبل سد حلكي بيده وحاول يدخلني واني اسحب نفسي منه وكعت عبايتي مني
حذيفه-تخبلتي بابا شبيج خل نتفاهم راح تلمين الناس علينه هو زواج وبي شاهد و اذا تحبين نكتب ورقة
من لازمني حذيفه مااعرف ليش بهاللحظه تذكرت خضر من حاول يعتدي عليه وعافني صوته طن بأذني
خضر-بابا لتستسلمين ابد هاي انت على هذا الحجي يا حرامي يدخل البيتكم بس يهددج كبل تستسلميله قاومي
حذيفه-ميمونه حلال والله .
باوعت عليه لازم انقذ نفسي منه بعقل
اذا بقيت هيج راح يعتدي عليه حتى بدون زواج
واني وحدي ويا ماكو احد يكدر يخلصني منه
رخيت جسمي وهو شعر بهذا الشيو رخه ايده الي لازمني بيهه
حذيفه- لتخافين هذا الزواج حلال والله
-عوف ايدي
-ددخلي مجنونه ردتي تفضحينه شبيج.عمج مفهمج شلون واح يكون زواجنه
وخر ايده من ايدي دنكت على عباتي شلتهه وخليتهه على راسي وهو يباوع عليه يبتسم ويهز براسه
ميمونه-وين الشاهد الي گلت عليه مكاعد اشوفه
حذيفه-صديقي هسه اخابره
ميمونه-يعني ممخابره جذبت عليع
حذيفه-منطي خبر يكون شاهد بس تأخر
كمت اباوع على الشقه اتفحصهه وادور على المطبخ طلع موبايله من جيبه ليتصل بصديقه
-عطشانه
ملحك يجاوبني لان فتح الخط صديقه گبل عفته
وكمت اتجول بالشقه دخولية الشقه مباشرتاً الصاله وبيهه اثاث راقي وعلى اليسار ممر بي الغرف والصحيات وبالنهايه المطبخ مساحته جبيره بكد الصاله تقريباً
والتصميم غربي ستيج وكباله كعده ثانيه رحت كبل على المجرات
فتحتهن ادور على سجينه اخر شي لكيت السجينه واني اسحبهه دخل حذيفه
اخذتهه ودرت وجهي عليه جان مبتسم من شاف السجينه بيدي كبل تغيرت ملامح وجهه
-تعرف شنوو اليوم اذبح روحي وولا اخليك تطخني
واذا تتقرب يمي.اكتلك بدون تردد.واكتل روحي وراك .
