الارهابي وذات النقاب
فوكايه گبل غمضت عيني وبجيت وجسمي كله كام يرجف من الخوف
خضر-جذابه تكدرين تمشين شلون عبرت عليه ولا توقتج مثل اختج وحده شيطانة
ميمونه-مگدرت اموتك موتني وخلصني انتَ كافي بعد مااتحمل تعبت من الخوف الي عايشي بسببك موتني كافي وخلصني
خضر-اش اش اللصمي
جان يحجي بصوت حاد يخوف جنت خايفه افتح عيني
فجأه صوته اختلف وكمل كلامه بنبره هادئه يحاول بيهه يقنعني هو ميأذينه
-كتلج مااسويلكم شي لتبچين وروح امي الي ماتت مظلومه مااسويلكم شي
فتحت عيني وباوعتله جانت انفاسي سريعه والخوف مسيطر عليه يمكن كلامه الهادئ ومن گال وروح امي المظلومه شويه رخيت كمل كلامه وهو يباوع عليه
-بس ابن عمي يجي اروح منا ، ماعندي مكان ثاني بسببكم ابن عمي الثاني يدور عليه ويريد يذبني بالسجن
وماريد ادخله اعرف نهايتي الموت بس ماريد اموت قبل مااخذ بثار اهلي ومن وراجن اني خسرت الي جنت اخططله ارتاحي بقه القليل وتخلصون مني
جان حابس ايدي مااكدر احركهه بنيته قويه واني على كدي باوعت عليه وكتله
-بروح امك الي تحلف بيهه كافي عوفنه وروح والله بعد منتحمل
رخه ايده الي لازمني بيهه وكال
-كتلج اروح مبقه شي مجبوره تتحملين لان بسببكم هواي شغلات صارتلي
كام من فوكايه وكمل كلامه وهو منطيني ظهره ويمشي باتجاه المطبخ
-وبعدين اني ممأذيكم بس اليوم صراحه تفاجئت طلعت مااعرف الناس مثل مااني متصور غشتني عيونج ام تك وتك طلع بيج بله
كعدت بسرعه وعدلت ملابسي غطيت رجلي
هو هم متأخر رأساً طلع من المطبخ وبيده كلاص مي دنك عليه قدمه ألي هو والحبايه باوعت عليه رفع تك حاجب
وگال
-شربي ،شربي مو ثقه انتِ تخوفين طلعتي داهيه ازيد من اختج
-متعلمه عل حبوب متنومني بس هيج راح تنطيهن ألي
-لتخليني انطيج الشريط كله
-مااريد
عاط بيه وكال "شربي "اخذت الحبايه منه وشربتهه بقه بس يباوع عليه وهو عاگد حواجبه
مرت بالساعه سنطه بس يباوع عليه واني كل شويه اباوع عليه من الكاه يباوعلي انزل عيني اخر شي كتله
شكو
-ولج ام تك عين فلك الي هيه فلك نامت على هاي الحبايه وانتِ ولا يمج جنج صل هاي صدك متنومج الحبايه
ميمونه-تعرف شتمنى ،اتمنى انام واكعد الكاك بس كابوس ومموجود بحياتنا هسه
- وداعت عيونج التك وتك يجي هذا اليوم
باوعتله بحديه اضوج من يگلي ام تك وتك من يگولهه اريد اكله علساس انتَ الحلو هو انتَ مصلبخ بس ماريد احجي ويا
