شفت بنيه شابه وبحضنهه طفله من شافته كامت بسرعه وتبتسم بوسته
-هلو بابا تدري ليونه من طلعت كامت تبجي عليك
باوعت بصدمه .....بابا ....احس الدنيا افترت بيه لعد شلون يكول ماعندي اطفال ....اخذ الطفله من البنيه شالهه وكام يبوس بيهه
-حبيبة جدو تبجين عليه
ودار عليه لان البنيه بقت تباوع عليه
سألهه
-وين عمتج
-نايمه .
بقت نظراتهه عليه وكالت وهي تباوع عليه
-منو هاي بابا
حسين-فلك زوجتي ..وهاي زينه بنتي
فلك تعالي ورايه
عاف البنيه مصدومه ومشه واني وراه
دخل الغرفه بيهه ميز . وكرسي ومكتبه
كمت اباوع على الغرفه واحجي بيني وبين نفسي
اخ يا فلك هذا مبين عنده سلطه مبين من بيته
الله اليعلم شراح يصير بيج خليت عيني بعينه
-انت مو كلت ماعندي اطفال ....وهاي بنتك ماشاء الله بكدي
كعد على مكتبه وجاوبني جان من يحجي بهدوء كلش
-اخويه الله رزقه بوردتين زينه وقمر متشابهات بكلشي انطاني زينه بس بعد اربع سنوات توفت قمر
حتى بوقتهه توقعنا زينه هم راح تموت بس الحمدلله والشكر الله محرمنا منهه ...بس اضطريت ارجعهه الهم
لان تأذوا بفراك قمر مع العلم رفض بس اصريت
يعني خلي ببالج هنا بهذا البيت زينه بنتي هم ..
انت هنا راح تبقين معززه مكرمه بس لازم انبهج لان مااحب اعيد الكلام
اريدج عمية وطرشه وخرسه يعني ممنوع تتدخلين بأي شي نهائي ماعدا الاشياء الي تعنيج
بالاضافه راح اعيد الكلام لان هذا الشي مصيري لتنسين زواجنه مؤقت مجرد تجيبين الطفل وراهه تنسين كلشي المده الي راح تبقيهه هنا والاتفاق وحتى اسمي تنسي وتطوين المده هاي من حياتج وتعتبريهه مصايره وهسه تعالي وقعي
-مفهمت على شنو اوقع
-على الاتفاق اني انطيت مبلغ وبعد راح انطي من حقي اضمن
باوعت عليه احس رجلي ثبتت بمكانهه مااكدر احركهه شلون اوقع مااكدر مااعرف اختنكت حيل
جان السؤال بطرف لساني ...اكدر اتراجع
بلعت ريجي تخايلت بابا كبال عيني مااكدر اضحي بي بهذا عمره ....اتخايله مشمور بالشارع ماعدنه بيت يلمنه
اني مو مشكله عادي عندي بس مااتحمل اشوف ابويه بهذا عمره نايم بالشارع ويموت كبالي
صح هو شبه ميت بس نبضات كلبه تحسسني بالامان
احس بعدني عندي سند ...وبالي يمه رغم ماااعرف عمو ميكدر يسويله هسه شي ....لان اذا يصير بي شي اتراجع اني .وتروح عليه اول دفعه من بيعتي
شلت نقابي عن وجهي ولزمت القلم
تخليت باصعب اختبار بين راحة ابويه وبين طفل راح ينبت باحشائي تقدمت بخطواتي .......ردت اوقع سحب الورقه
حسين-قبل لتوقعين مصار ساعات من سلمت عمج قسم من الفلوس مااريد اخوفج بس اللعب وياي نهايته صعبه خاف الج نيه تلعبين
فلك-اعرف كلش زين الي كاعد اسوي ....واني ماعندي غير هذا الاختيار .. اذا تراجعت تجيب ابويه يمي
اني مااوقع هاي الورقه ....ابويه عندي اهم من كلشي بهاي الدنيا ....حتى اهم من الطفل الي راح يصير ببطني اذا الله راد
حسين-واذا توفه ابوج ...باوعيلي اني مااعرفج ولا تعرفيني ومااريد اخوفج ....اذا بيوم من الايام بعدين تسببيلي مشاكل امحيج من الدنيا
فلك-وفاة ابويه متغير شي الاتفاق اتفاق
جنت احجي بقوه بس داخلي متحطم وصعب عليه هذا الشي وماعندي غير هذا الاختيار عمي يسويهه ويموت ابويه من غير اذا حميته من عمي الشارع يأذي صعب من كل الجهات .....لزمت القلم ووقعت وبكل حرگة كلب واني اوقع وبداخلي غل وحقد على ميمونه كلت
عساج متتهنين ولا يوم بحياتج يا ميمونه .....اكرهج
الاول مره بحياتي اكره احد واول شخص اكرهه جان يعنيلي الدنيا كلهه وقطعه مني وهيه ميمونه
بقه يباوع عليه مااعرفه الهذا الانسان بس كل انسان اول ميشوف انسان تنطبع فكره بعقله ....على الشخص المقابيله .....حسيته انسان بلا احساس ولا ضمير دار الورقه عليه
-جيد
وكام من الكرسي وفتح الباب اني بقيت واكفه بالغرفه بمكاني .....ودمعتي مسيطرت عليهه وكل ما تنزل دمعه امسحهه بنقابي
غمضت عيني واني اتخايل طفل بيدي انطيهميا ....يوجع الفقر حيل وميمونه كسرتنه ....لو مو سوايتهه جان كلشي مثل ما هو اخدم واكعد جوه رجلين بس ماابيع قطعه من روحي ولا ابيع ابويه
طلعت من المكتب جانت الطفله بالكاع و
البنيه المربيهه بالمطبخ ماادري شكاعد تسوي
واني ممفتهمه شو دخلني هنا و خلاني اوقع واختفه
ماادري شسوي باوعت على الطفله ورحت باتجاهه دنكت عليهه ......لزمتهه من ايديهه ....يعني اني راح اعوف هيج طفل واروح صعبه والله
استصعبتهه ....واني مااعرف الشعور ومماره بي قبل
جابتلهه زينه ماعون مخليتلهه بي جبس خلته كبالهه
اني رأساً كمت
-شسمج انت
-فلك
