ﺍﺣﺲ ﻛﻞ ﺟﺴﻤﻲ ﻳﺮﺟﻒ ﻣﻦ ﺍﻟﺨﻮﻑ
ﺷﻮﻳﻪ ﻭﻭﺭﺍﻫﻪ ﻫﺪﺋﺖ ﺍﺻﻮﺍﺗﻬﻢ ﻭﺍﻧﻲ ﻣﻦ ﺍﻟﺨﻮﻑ ﺭﺟﻠﻲ ﻣﻴﺘﺤﺮﻛﻦ ﺛﺒﺘﻦ ﻧﺰﻟﺖ ﺭﺳﻞ ﺗﺮﻛﺾ
ﺗﺮﻳﺪ ﺗﺴﻤﻊ شكاعد يحجون لان صار هدوء فجأه
ﺍﺣﺲ ﺑﺪﻳﺖ ﺍﻧﻬﺎﺭ ﻭﻣﺎﺍﺗﺤﻤﻞ ﺍﻟﻲ ﻛﺎﻋﺪ ﻳﺼﻴﺮ ﺍﻃﻠﻊ ﻣﻦ ﺷﻐﻠﻪ ﺗﺼﻴﺮ ﺷﻐﻠﻪ .... ﻭﻣﻦ ﺟﻬﻪ ﻛﻠﺒﻲ ﻣﻔﺮﻓﺢ ﻋﻠﻰ ﺑﺎﺑﺎ
ﻭﺻﻮﺭﺗﻪ ﺍﺑﺪ ﻣﺘﺮﻭﺡ ﻣﻦ ﺑﺎﻟﻲ
ﻧﺰﻟﺖ ﻛﻮﻩ .... ﺟﺎﻧﻮ ﻳﺤﺠﻮﻥ ﺑﻬﺪﻭﺀ .... ﻭﻋﻤﻮ ﻛﻞ ﺷﻮﻳﻪ ﻳﻌﻠﻲ ﺻﻮﺗﻪ ﻭﻳﻜﻮﻝ ﻳﺨﻄﻔﻬﻪ ﻭﻳﺘﺰﻭﺟﻬﻪ ﺷﻨو ﻭ ﻣﺎﻋﺪﻫﻪ ﺍﻫﻞ ﻭﻣﻨﻮ ﻛﺎﻝ ﻧﻨﻄﻲ ﻭﺣﺪﻩ ﻣﻦ ﺑﻨﺎﺗﻨﻪ ﺍﻟﻪ
ﺍﺭﻳﺪﻫﻪ ﻫﺴﻪ ﺍﺭﻳﺪﻫﻪ ﺑﺖ ﺍﺧﻮﻳﻪ ﺍﻣﺎﻧﻪ ﻣﻨﻪ
ﻭﺍﺑﻨﻜﻢ ﻣﻴﻔﻜﺮ ﺑﻌﺮﺿﻨﺎ ..... ﻳﺘﻄﻔﺮ ﺑﺎﻟﺴﻄﻮﺡ ﺍﻟﺤﺪ ﻣﺎﺧﺮﺏ ﺳﻤﻌﺘﻬﻪ
ﺟﺎﻥ ﺧﺎﻟﺪ ﻳﺴﻤﻊ ﺍﻟﻰ ﺍﻥ ﺍﻧﻔﺠﺮ بوجهه
- ﻭﺍﻧﺖ ﻭﻳﻦ ﺟﻨﺖ عنهم ﻣﻦ ﻫﻮ ﻳﺘﻄﻔﺮ ﻫﺎ
ﺍﻧﺖ ﻋﻢ ﺍﻧﺖ ﻭﺟﺎﻱ ﺗﻬﺪ ﺑﻴﺎ ﻋﻴﻦ ﻫﻮ ﻟﻮ ﺍﻧﺖ ﻣﻭﺟﻮﺩ ومثل متكول امانة جان محد ﺘﺠﺮﺀ ﻳﻄﻔﺮ ﻋﻠﻴﻬﻦ
ﻭﺑﻌﺪﻳﻦ ﻋﻴﺐ ﻫﺎﻟﻜﻠﻤﻪ ﺣﺘﻰ ﺑﺤﻖ ﺑﺖ ﺍﺧﻭﻙ عيب بحق شيباتك من تحجي حجي مو موزون
ﻋﺎﻣﺮ - ﻟﺘﺼﻴﺢ
ﺧﺎﻟﺪ - ﻻ ﺍﺻﻴﺢ ﻭﺍﻟﺤﺪ ﺍﻻﻥ ﻣﺤﺘﺮﻣﻚ ﺍﻧﻲ
ﺷﺘﺮﻳﺪ ﺍﻟﻤﻄﻠﻮﺏ ﺷﻨﻮ ﺟﺎﻱ ﻫﺪﺍﺩ ... ﺗﺰﻭﺟﻬﻪ ﻭﻫﻴﻪ ﻫﺴﻪ ﺯﻭﺟﺘﻪ ﺍﻟﻤﻄﻠﻮﺏ ﺷﻨﻮ .... ﻭﺑﻌﺪﻳﻦ ﺍﻧﺖ ﻣﻦ ﺗﺎﺧﺬﻫﻪ
ﺗﺨﺮﺏ ﺳﻤﻌﺘﻬﻪ ﻓﻮﻙ ﺧﺮﺍﺑﻬﻪ ﺍﻟﻲ ﻋﻠﺴﺎﺱ ﺗﻔﻜﺮ ﺑﺴﻤﻌﺘﻬﻪ
ﻋﺎﻣﺮ - ﺍﻧﻲ ﺍﻋﺮﻑ ﺷﻠﻮﻥ ﺍﺗﺼﺮﻑ ﺍﻟﺤﺠﻲ ﻭﻳﺎﻛﻢ ﻣﺎﻣﻨﻪ ﻓﺎﻳﺪﻩ
ﺧﺎﻟﺪ - ﺷﺘﺴﻭﻱ ﺳﻮﻱ ﻣﺎﺍﺗﻬﺪﺩ ﺍﻧﻲ
ﻭﺑﻌﺪﻳﻦ ﻟﻮ ﺍﻧﺖ ﻋﻢ ﺻﺪﻙ ﺍﺧﻠﻴﻚ ﻋﻠﻰ ﻋﻴﻨﻲ ﻭﻋﻠﻰ ﺭﺍﺳﻲ
ﺑﺲ ﺍﻧﺖ ﻣﺘﺴﺘﺤﻖ ﺍﻻﺣﺘﺮﺍﻡ
ﻭﺭﺍﻫﻪ ﺍﻧﺮﻛﻊ ﺍﻟﺒﺎﺏ ﺣﻴﻞ وسمعت صوت سلمان عله
- ﺧﺎﻟﺪ ﺗﺮﻩ ﻋﻤﻬﻪ هذا
- ﺍﺳﻜﺖ ﺍﻧﺖ ﻣﺘﻌﺮﻑ ﻫﺬﺍ ﺍﻟﻨﻤﻮﺫﺝ ﺷﻨﻮ
ﻋﻠﻲ - ﻭﺍﻟﻠﻪ ﻛﻮﻩ ﻟﺰﻣﺖ ﻧﻔﺴﻲ ﺷﻜﻠﻪ ﻣﻬﺘﻠﻒ ﻭﻣﻮ ﺭﺍﺣﻪ
ﺳﻠﻤﺎﻥ - ﻫﻮ ﻣﻨﻮ ﻣﻦ ﻫﺎﻱ ﺍﻟﻌﺎﺋﻠﻪ ﺭﺍﺣﻪ ... ﺧﻀﺮ ﻣﺎﺍﺩﺭﻱ ﻣﻦ ﻳﺎ ﺯﺑﺎﻟﻪ ﺟﺎﺑﻬﻢ
ﺧﺎﻟﺪ - ﺳﻠﻤﺎﻥ ﺍﺣﺘﺭﻡ ﻧﻔﺴﻚ ﻻ ﺗﻌﺮﻑ ﺷﺴﻮﻱ ﺑﻴﻚ
ﺳﻠﻤﺎﻥ - ﺟﺬﺏ ﺍﻟﻲ ﺍﺣﺠﻲ
ﺧﺎﻟﺪ - ﺟﺬﺏ لو ﻣﻮ ﺟﺬﺏ ﻣﺎﺍﺳﻤﺤﻠﻚ ﺗﺤﺠﻲ ﻫﻴﺞ
ﻻ ﻛﺪﺍﻣﻲ ﻭﻻ ﻭﺭﺍﻳﻪ .... ﻛﻠﺖ ﻫﺎﻱ ﺍﻟﻤﻮﺍﺿﻴﻊ ﺗﻨﺴﺪ
ﻋﻠﻲ - ﺍﻧﺖ ﺷﺒﻴﻚ ﺳﻠﻤﺎﻥ ﻭﻳﻪ ﺍﻟﺒﻨﻴﻪ ﻣﻦ أجيت ﻟﻠﻴﻮﻡ وبعدين ﻣﺸﺎﻳﻔﻴﻦمنهه ﺷﻲ موزين بنيه فقيره ﻭﺑﻌﺪﻳﻦ ﺧﺎﻟﺪ ﻣﻮ ﻳﺮﻳﺪ خضر يعوف سالفة الثار و ﻣﻴﻤﻮﻧﻪ الانسانه الوحيده الي ﻳﺤﺒﻬﻪ ﺑﻠﻜﺖ ﻣﻦ ﻳﺼﻴﺮ ﻋﻨﺪﻩ ﻃﻔﻞ ﻳﻌﻮﻑ ﻫﺎﻱ ﺍﻟﺴﺎﻟﻔﻪ
ﺟﻨﺖ ﺍﺳﻤﻊ حجيهم ورسل مكابلتني وواكفه ﻭﺭﺳﻞ ﻭﺗﺒﺎﻭﻉ ﻋﻠﻴﻪ بحزن واضحه من ملامحهه واني ابجي مستهضمه
ﺗﻌﺒﺖ ﻣﻦ ﻫﺎﻟﻜﻼﻡ ومن الشكوك بسمعتنا ﻣﺎﺍﺣﺲ ﺍﻟﻪ ﻓﺘﺢ ﺍﻟﺒﺎﺏ ﺧﺎﻟﺪ ﺑﻮﺟﻬﻨﺎ ﺭﺳﻞ ﻛﺒﻞ ﺭﺍﺣﺖ .... ﻭﺍﻧﻲ ﺑﻘﻴﺖ ﻭﺍﻛﻔﻪ ﻣﺼﺪﻭﻣﻪ ﺷﻠﻮﻥ ﺍﻧﻔﺘﺢ ﺍﻟﺒﺎﺏ ....
بارت(٢٤+٢٥)
Start from the beginning
