ﻟﻘﺎﺕ ﻭﺻﻼﺕ ﻟﻤﺠﻤﻊ ﺳﻜﻨﻲ ﻣﻦ ﻭﺭﺍ ﺍﻟﺤﻲ ﺩﻳﺎﻟﻬﻢ ... ﺍﻟﻤﻜﺎﻥ ﺷﺒﻪ ﺧﺎﻭﻱ ﻭ ﻫﺎﺩﺉ ﺑﺮﻳﺒﺔ ... ﻗﺮﺭﺍﺕ ﺗﺮﺟﻊ ﺃﺩﺭﺍﺟﻬﺎ ﻟﻠﺪﺍﺭ ... ﻳﺎﻻﻩ ﻏﻀﻮﺭ ﺳﻤﻌﺎﺕ ﺷﻲ ﺣﺲ ﺗﻠﻔﺘﺎﺕ ﻓﺠﻨﺎﺑﻬﺎ ﻣﺒﺎﻥ ﻟﻴﻬﺎ ﺣﺪ ... ﺑﺪﺍ ﻳﺮﻛﺒﻬﺎ ﺍﻟﺨﻮﻑ ﺧﺎﺻﺔ ﺃﻥ ﺣﺲ ﺑﻨﺎﺩﻡ ﻣﻜﺎﻳﻨﺶ ... ﺟﻔﻼﺕ ﻓﺎﺵ ﺑﺎﻥ ﻟﻴﻬﺎ ﻇﻞ ﻃﻮﻳﻞ ﺧﻠﻔﻬﺎ ... ﻣﺎﻋﺮﻓﺎﺕ ﺷﻨﻮ ﺩﻳﺮ ... ﻭﺍﺵ ﺗﻠﻔﺖ ﻭ ﻻ ﺗﻀﺮﺑﻬﺎ ﺑﺠﺮﻳﺔ ﻭﺣﺪﺓ ﺣﺘﻰ ﻟﺒﺎﺏ ﺍﻟﺪﺍﺭ ...
ﻳﺎﻻﻩ ﻛﺘﻔﻜﺮ ﺍﻧﺎ ﺍﺗﺠﺎﻩ ﺗﺴﻠﻚ ﻭ ﻫﻲ ﺗﻀﺮﺏ ﻓﻨﻴﻔﻬﺎ ﺭﻳﺤﺔ ﻣﺄﻟﻮﻓﺔ ... ﺭﻳﺤﺔ ﺧﻼﺕ ﺩﻗﺎﺕ ﻗﻠﺒﻬﺎ ﻳﺘﺴﺎﺭﻋﻮ ﺩﻗﺎﺗﻮ ... ﻭ ﺭﻋﺸﺔ ﻏﺮﻳﺒﺔ ﺣﺴﺎﺕ ﺑﻴﻬﺎ ﻓﺴﺎﺋﺮ ﺟﺴﺪﻫﺎ ... ﺩﻭﺭﺍﺕ ﺭﺍﺳﻬﺎ ﺑﺒﻂﺀ ﺷﺪﻳﺪ ... ﺷﺪﻳﻴﻴﺪ ﻗﺒﻞ ﻣﺎ ﺿﻮﺭ ﺑﺎﻟﻜﺎﻣﻞ ﻭ ﺗﻼﻗﻰ ﻋﻨﻴﻬﺎ ﺑﻌﻨﻴﻪ ... ﻋﻨﻴﻪ ﺍﻟﺤﺎﺩﺗﻴﻦ ﺍﻟﻲ ﻛﺘﻀﻌﻒ ﻗﺪﺍﻣﻬﻢ ... ﻛﺎﻥ ﻣﺮﻛﺰ ﺍﻟﺸﻮﻓﺔ ﻓﻌﻨﻴﻬﺎ ﻭ ﻫﻮ ﻭﺍﻗﻒ ﻋﻠﻰ ﺑﻌﺪ ﺧﻄﻮﺍﺕ ﻓﻘﻂ ... ﺑﻠﺒﺎﺳﻮ ﺍﻟﺪﺍﻛﻦ ﻭ ﻣﻌﻄﻔﻮ ﺍﻟﻄﻮﻳﻞ ...
ﺗﻜﺬﺏ ﻋﻠﻰ ﺭﺍﺳﻬﺎ ﻟﻮ ﻧﻔﺎﺕ ﺃﻧﻬﺎ ﺗﻮﺣﺸﺎﺗﻮ ... ﺗﻮﺣﺸﺎﺕ ﺣﻀﻨﻮ ﺭﻳﺤﺘﻮ ﻭ ﻟﻤﺴﺎﺗﻮ ... ﺗﺤﺠﺮﻭ ﺍﻟﺪﻣﻮﻉ ﻓﻌﻨﻴﻬﺎ ﻓﺎﺵ ﺗﺬﻛﺮﺍﺕ ﺃﻧﻬﻢ ﺭﺟﻌﻮ ﻏﺮﺑﺎﺀ ﻣﺎﻛﺘﺮﺑﻄﻬﻢ ﺣﺘﻰ ﻋﻼﻗﺔ ... ﻫﺒﻄﺎﺕ ﻋﻨﻴﻬﺎ ﻟﺮﺽ ﻧﺎﻭﻳﺔ ﺗﻨﺴﺎﺣﺐ ﻗﺒﻞ ﻣﺎ ﺗﻀﻌﻒ ﺃﻛﺜﺮ ...
ﻓﻮﺭ ﻣﺎ ﻫﺒﻄﺎﺕ ﺭﺍﺳﻬﺎ ﻭ ﺑﻌﺪﺍﺕ ﻋﻨﻴﻬﺎ ﻋﻠﻴﻪ ... ﺗﺤﺮﻙ ﺑﺨﻄﻰ ﻛﺒﺎﺭ ﻓﺎﺗﺠﺎﻫﻬﺎ ... ﻭﻗﻒ ﻗﺪﺍﻣﻬﺎ ﻛﺘﻔﺮﻕ ﺑﻴﻨﺎﺗﻬﻢ ﻣﺴﺎﻓﺔ ﺿﺌﻴﻠﺔ ... ﻫﺰﺍﺕ ﻋﻨﻴﻬﺎ ﺣﺘﻰ ﺗﻘﺎﺑﻠﻮ ﻧﻈﺮﺍﺗﻬﻢ ﻣﻦ ﺟﺪﻳﺪ ... ﻛﻴﺸﻮﻑ ﻓﻜﻞ ﺍﻧﺶ ﻣﻦ ﻭﺟﻬﺎ ﺑﺸﻮﻕ ﻭ ﻟﻬﻔﺔ ... ﺗﻮﺛﺮﺍﺕ ﻣﻦ ﻧﻈﺮﺍﺗﻮ ﻭ ﺑﻐﺎﺕ ﺗﻠﻮﺡ ﺭﺟﻠﻬﺎ ﺍﻟﻠﻮﺭ ﺗﺒﻌﺪ ﻋﻠﻴﻪ ... ﻟﻜﻦ ﻳﺪﻭ ﺷﺪﺍﺕ ﻓﻤﻌﺼﻤﻬﺎ ﻭ ﺟﺮﻫﺎ ﻟﻌﻨﺪﻭ ﺑﻘﻮﺓ ﺣﺘﻰ ﺗﻀﺮﺑﺎﺕ ﻣﻊ ﺻﺪﺭﻭ ... ﻭ ﻗﺒﻞ ﻣﺎ ﺗﺴﺘﻮﻋﺐ ﺷﻨﻮ ﺩﺍﺭ ...
ﺣﺎﻭﻁ ﺧﺼﺮﻫﺎ ﺍﻟﻨﺤﻴﻒ ﺑﺪﺭﺍﻋﻮ ﺍﻟﻘﻮﻳﺔ ... ﺟﺎﺭﻫﺎ ﻋﻨﺪﻭ ﺃﻛﺜﺮ ﻭ ﻳﺪﻭ ﻻﺧﺮﻯ ﺗﺤﻄﺎﺕ ﻋﻠﻰ ﻋﻨﻘﻬﺎ ... ﺗﺤﻨﻰ ﺣﺘﻰ ﺗﻼﻣﺴﻮ ﺷﻔﺎﻳﻔﻬﻢ ﻭ ﺷﺮﻉ ﻓﺘﻘﺒﻴﻠﻬﺎ ﺑﺸﻐﻒ ﻭ ﻗﻮﺓ ... ﻛﺎﻧﺖ ﻛﺘﺮﺟﻒ ﻣﺎﺑﻴﻦ ﻳﺪﻳﻪ ... ﻟﻜﻨﻬﺎ ﺳﺮﻋﺎﻥ ﻣﺎ ﻏﺮﻗﺎﺕ ﻓﺒﺤﺮ ﺍﻟﻘﺒﻼﺕ ﺍﻟﺤﺎﺍﺍﺭﺓ ... ﻭ ﺣﺎﻭﻃﺎﺕ ﻋﻨﻘﻮ ﺑﻴﺪﻳﻬﺎ ﻭ ﻫﻮ ﺷﺎﺩﻫﺎ ﺑﺎﺣﻜﺎﻡ ﻣﻦ ﺧﺼﺮﻫﺎ ﺣﺘﻰ ﺗﻬﺰﺍﺕ ﻣﻦ ﻋﻠﻰ ﻟﺮﺽ ... ﺩﻗﺎﺋﻖ ﻭ ﺷﻔﺎﻳﻔﻬﻢ ﻣﻠﺘﺎﺣﻤﻴﻦ ...
ﻣﻨﻴﻦ ﺑﻌﺪ ﻋﻠﻴﻬﻢ ﺑﺼﻌﻮﺑﺔ ... ﺧﺸﺎ ﺭﺍﺳﻮ ﻓﻌﻨﻘﻬﺎ ﻛﻴﺸﺘﻨﺸﻖ ﻋﺒﻴﺮﻫﺎ ﻭ ﻳﺴﺘﻤﺘﻊ ﺑﻤﻠﻤﺲ ﺑﺸﺮﺗﻬﺎ ﺍﻟﺮﻃﺒﺔ ... ﻛﺎﻧﺖ ﻣﺴﺘﺴﻠﻤﺔ ﻛﻠﻴﺎ ﺑﻴﻦ ﻳﺪﻳﻪ ... ﻏﺎﻳﺒﺔ ﻋﻠﻰ ﺍﻟﻮﺍﻗﻊ ﻭ ﺍﻧﻈﻤﺖ ﻟﻠﻌﺎﻟﻢ ﺍﻟﻲ ﺩﺧﻠﻬﺎ ﻟﻴﻪ ... ﺣﺴﺎﺕ ﺑﻴﻪ ﺟﺮ ﺑﻴﺪﻭ ﺭﺑﺎﻁ ﺷﻌﺮﻫﺎ ﺣﺘﻰ ﺗﻄﻠﻖ ﻋﻠﻰ ﻛﺘﺎﻓﻬﺎ ... ﻭ ﺧﺸﺎ ﻧﻴﻔﻮ ﻓﻴﻪ ﻭ ﻳﺪﻳﻪ ﻛﻴﺘﺤﺮﻛﻮ ﻣﺎﺑﻴﻦ ﺧﺼﺮﻫﺎ ﻭ ﻇﻬﺮﻫﺎ ﺑﻠﻤﺴﺎﺕ ﺣﺎﺭﻗﺔ ...
ﺃﻧﻔﺎﺳﻮ ﺣﺎﺭﺓ ﻛﻀﺮﺏ ﻓﻮﺟﻬﺎ ﻭ ﻋﻨﻘﻬﺎ ... ﺧﻠﻰ ﻋﻨﻘﻬﺎ ﻛﻴﻮﺯﻭﺯ ﻣﻦ ﻗﺒﻼﺗﻮ ﺍﻟﻌﻨﻴﻔﺔ ﻧﻮﻋﺎ ﻣﺎ ... ﻭ ﺑﺴﺮﻋﺔ ﺭﺟﻊ ﻟﺸﻔﺎﻳﻔﻬﺎ ﻛﻴﺴﺘﻄﻌﻢ ﻣﺬﺍﻗﻬﻢ ﻭ ﺣﻼﻭﺗﻬﻢ ... ﺣﻄﺎﺕ ﻳﺪﻫﺎ ﺍﻟﺼﻐﻴﺮﺓ ﻋﻠﻰ ﻓﻜﻮ ... ﺣﺲ ﺑﻴﺪﻫﺎ ﻭ ﺯﻳﺮ ﻋﻠﻴﻬﺎ ﺣﺘﻰ ﺗﻨﻰ ﻇﻬﺮﻫﺎ ﻟﻠﺨﻠﻒ ... ﻣﺮ ﻭﻗﺖ ﻃﻮﻳﻞ ﻭ ﻫﻤﺎ ﻭﺍﻗﻔﻴﻦ ﻛﻜﻴﺎﻥ ﻭﺍﺣﺪ ... ﺃﺟﺴﺎﻣﻬﻢ ﻣﻠﺘﺼﻘﺔ ﻭ ﺃﻧﻔﺎﺳﻬﻢ ﻋﺎﻟﻴﺔ ... ﺃﺧﻴﺮﺍ ﺑﻌﺪ ﻭﺟﻬﻮ ﻋﻠﻴﻬﺎ ... ﻣﻊ ﺃﻧﻪ ﻣﺎﻗﺪﺭﺵ ﻳﻔﺮﻍ ﻭﻟﻮ ﺟﺰﺀ ﺻﻐﻴﺮ ﻣﻦ ﺷﻮﻗﻮ ﻟﻴﻬﺎ ...
ﺣﺴﺎﺕ ﺑﻴﻪ ﻛﻴﺴﺤﺐ ﻳﺪﻭ ﻣﻦ ﺧﺼﺮﻫﺎ ... ﻭ ﻫﻮ ﻳﺘﻘﺒﺾ ﻗﻠﺒﻬﺎ ... ﺑﻌﺪ ﻋﻠﻴﻬﺎ ﺷﻮﻳﺔ ﻛﻴﺸﻮﻑ ﻓﻴﻬﺎ ﺑﻴﻨﻤﺎ ﻫﻲ ﻣﻬﺒﻄﺔ ﺭﺍﺳﻬﺎ ﻷﺭﺽ ... ﻧﻄﻖ ﺑﺼﻮﺕ ﺧﺸﻦ ﻫﺎﺩﺉ ...
ﺭﺋﺒﺎﻝ : ﺟﻮﻻﻥ
ﺟﻮﻻﻥ : " ﺍﻟﺼﻤﺖ ﻭ ﺣﺎﻧﻴﺔ ﺭﺍﺳﻬﺎ "
ﺭﺋﺒﺎﻝ : ﺷﻮﻓﻲ ﻓﻴﺎ
ﻫﺰﺍﺕ ﺟﻮﻻﻥ ﺭﺍﺳﻬﺎ ﺑﻌﺪ ﺗﺮﺩﺩ ﻭ ﺷﺎﻓﺖ ﻓﻴﻪ ... ﺗﻨﻬﺪ ﺑﻌﻤﻖ ﻭ ﺣﻂ ﻳﺪﻭ ﻣﺎﺑﻴﻦ ﺧﺪﻫﺎ ﻭ ﻋﻨﻘﻬﺎ ... ﻗﺮﺏ ﻟﻮﺟﻬﺎ ﻭ ﻃﺒﻊ ﻗﺒﻠﺔ ﻋﻠﻰ ﺧﺪﻫﺎ ... ﻭ ﻗﺒﻞ ﻣﺎ ﻳﺒﻌﺪ ﻫﻤﺲ ﺑﻨﺒﺮﺓ ﺍﻭﻝ ﻣﺮﺓ ﺗﻠﻤﺤﻬﺎ ﻓﺼﻮﺗﻮ ...
ﺭﺋﺒﺎﻝ : ﺳﻤﺤﻲ ﻟﻴﺎ " ﻃﺒﻊ ﻗﺒﻠﺔ ﺃﺧﺮﻯ ﻭ ﻛﺎﻧﺖ ﺃﻃﻮﻝ ﻣﻦ ﺍﻷﻭﻟﻰ ﻭ ﻧﻄﻖ ﻣﻦ ﺟﺪﻳﺪ " ﻧﺘﻲ ﺣﺮﺓ
ﻏﺎﺩﺭ ﻣﻦ ﺃﻣﺎﻣﻬﺎ ﻓﻠﻤﺤﺔ ﺑﺼﺮ ... ﻛﺄﻧﻪ ﻣﻜﺎﻧﺶ ﺃﺻﻼ ﻭ ﻓﻘﻂ ﺗﻬﻴﺄ ﻟﻴﻬﺎ ﺃﻧﻪ ﻛﺎﻥ ﻫﻨﺎ ... ﻟﻜﻦ ﺃﻧﻔﺎﺳﻮ ﺑﺎﻗﺔ ﻛﺘﺤﺲ ﺑﻴﻬﻢ ﻋﻠﻰ ﺑﺸﺮﺗﻬﺎ ﻭ ﻛﻠﻤﺔ ' ﻧﺘﻲ ﺣﺮﺓ ' ﻣﺰﺍﻝ ﻛﺘﺮﺩﺩ ﻓﻮﺫﻧﻴﻬﺎ ...
🍂🍂 ﻭﺍﻗﻒ ﺑﺎﺳﺘﻘﺎﻣﺔ ﻗﺪﺍﻡ ﺍﻟﺪﺍﺭ ... ﻻﺑﺲ ﻫﻮﺩﻱ ﻛﺤﻼ ... ﻛﻴﺸﻮﻑ ﻓﺎﻟﺪﺍﺭ ﻭ ﺫﻛﺮﻳﺎﺕ ﺍﻟﺨﻤﺲ ﺳﻨﻮﺍﺕ ﻛﺪﻭﺯ ﻣﻦ ﻗﺪﺍﻡ ﻋﻨﻴﻪ ... ﻛﻴﺘﺬﻛﺮ ﻛﻞ ﺟﺮﻳﻤﺔ ﺍﺭﺗﺎﻛﺐ ﻭ ﻛﻞ ﺷﺨﺺ ﻗﺘﻞ .. ﻋﺎﻗﻞ ﻋﻠﻰ ﺃﺳﻤﺎﺀﻫﻢ ﺍﻟﻜﺎﻣﻠﺔ ﻭ ﻭﺟﺎﻫﻢ ... ﺃﻓﺮﺍﺩ ﺍﺳﺮﺗﻬﻢ ﺷﺤﺎﻝ ﻣﻦ ﺇﺧﻮﺓ ﻋﻨﺪﻫﻢ ﺷﺤﺎﻝ ﻣﻦ ﺇﺑﻦ ﺍﻭ ﺇﺑﻨﺔ ...
ﻣﺘﺬﻛﺮ ﺍﻟﺘﻔﺎﺻﻴﻞ ﺍﻟﺼﻐﻴﺮﺓ ﺍﻟﻲ ﻣﺘﻌﻠﻘﺔ ﺑﻀﺤﺎﻳﺎﻩ ... ﺗﻠﻔﺖ ﺟﻬﺔ ﺍﻟﻜﻮﺥ ﺍﻟﺰﺟﺎﺟﻲ ... ﺍﻟﻜﻮﺥ ﺍﻟﻲ ﻓﻴﻪ ﺟﺜﺔ ﺍﻟﺴﻜﺮﺗﻴﺮﺓ ﻭ ﺍﻟﻌﺎﺭﺿﺔ ﺗﺤﺖ ﺃﺣﻮﺍﺽ ﺍﻟﻮﺭﺩ ﺍﻷﺳﻮﺩ ... ﻟﺤﺪ ﺍﻟﺴﺎﻋﺔ ﻫﻤﺎ ﻓﻨﻈﺮ ﻋﺎﺋﻼﺗﻬﻢ ﻣﺨﺘﺎﻓﻴﻦ ... ﺗﻔﻜﺮ ﺇﺑﻦ ﺍﻟﺴﻜﺮﺗﻴﺮﺓ ... ﺭﻏﻢ ﺧﻴﺎﻧﺘﻬﺎ ﻟﺰﻭﺟﻬﺎ ... ﻭﺍﺵ ﻣﺘﺄﻛﺪ ﺍﻧﻬﺎ ﻛﺎﻧﺖ ﺃﻡ ﺳﻴﺌﺔ ﻟﻮﻟﺪﻫﺎ ...
ﻭ ﺑﻌﺪ ﻗﺘﻠﻬﺎ ﻭﺍﺵ ﺣﻤﻰ ﻭﻟﺪﻫﺎ ﻭ ﻻ ﺭﺟﻌﻮ ﻳﺘﻴﻢ ﺍﻷﻡ ﻓﺪﺍﻙ ﺍﻟﺴﻦ ﺍﻟﺼﻐﻴﺮﺓ ... ﻭ ﺧﻄﻴﺒﺔ ﺳﻨﻤﺎﺭ ... ﻭﺍﺵ ﺍﺳﺘﺎﺣﻘﺎﺕ ﺍﻟﻤﻮﺕ ﺭﻏﻢ ﺧﻴﺎﻧﺘﻬﺎ ﻷﻋﺰ ﺻﺪﻳﻖ ﻟﻴﻪ ... ﻭﺍﺵ ﻛﺎﻥ ﻋﻨﺪﻭ ﺍﻟﺤﻖ ﻳﻘﺘﻠﻬﺎ ... ﻓﻜﺮﺓ ﺃﻥ ﻟﻮ ﺳﻨﻤﺎﺭ ﻋﺮﻑ ﺑﺨﻴﺎﻧﺘﻬﺎ ﺍﻟﻤﺘﻜﺮﺭﺓ ... ﻛﺎﻥ ﺃﻛﻴﺪ ﻏﺎﺩﻱ ﻳﺘﻬﻮﺭ ﺑﻄﺒﻴﻌﺘﻮ ﺍﻟﻤﺘﻌﺼﺒﺔ ...
ﻭﺍﺵ ﻓﻌﻼ ﻓﻜﺮ ﻟﻤﺼﻠﺤﺔ ﺻﺎﺣﺒﻮ ﻭ ﻻ ﻛﺎﻥ ﻫﺬﺍ ﻣﺠﺮﺩ ﻋﺬﺭ ... ﺑﺎﺵ ﻳﺮﺿﻲ ﻧﻔﺴﻮ ﺍﻟﻤﻀﻄﺮﺑﺔ ... ﻫﺰ ﻋﻨﻴﻪ ﻟﺸﺮﻓﺔ ﺍﻟﻐﺮﻓﺔ ﺩﻳﺎﻟﻮ ... ﻓﻴﻦ ﻗﻀﻰ ﻟﻴﺎﻟﻲ ﻋﺪﺓ ﺑﻮﺣﺪﻭ ﻛﻴﺨﻄﻂ ﻟﻜﻞ ﺣﺮﻛﺔ ﻏﻴﻘﻮﻡ ﺑﻴﻬﺎ ... ﻣﺎﻛﺮﻫﺶ ﺍﻥ ﺍﻟﺪﺍﺭ ﺗﺨﺘﺎﻓﻲ ﻣﻦ ﺍﻟﻮﺟﻮﺩ ... ﺍﻟﻐﺮﻓﺔ ﺍﻟﻤﻜﺘﺐ ﺍﻟﻐﺮﻓﺔ ﺍﻟﺴﺮﻳﺔ ﺍﻟﺤﺪﻳﻘﺔ ﻭ ﺍﻟﻜﻮﺥ ﺍﻟﺰﺟﺎﺟﻲ ... ﻟﻮ ﺃﻧﻪ ﺗﺨﻠﺺ ﻣﻨﻬﻢ ﻏﻴﻘﺪﺭ ﻳﺘﺨﻠﺺ ﻣﻦ ﻫﺎﺩ ﺍﻟﺬﻛﺮﻳﺎﺕ ... !
ﻟﻜﻦ ﻭﺳﻂ ﻛﻞ ﻫﺎﺩ ﺍﻟﺬﻛﺮﻳﺎﺕ ... ﻫﻨﺎﻙ ﺫﻛﺮﻯ ﺳﻌﻴﺪﺓ ... ﺃﻭ ﻋﺪﺓ ... ﻳﻮﻡ ﺟﺎﺑﻬﺎ ﻣﻌﺎﻩ ﺑﺪﻭﻥ ﺳﺒﺐ ﻭ ﻋﻨﻘﻬﺎ ﻓﺎﻟﻄﺎﺑﻖ ﺍﻷﻭﻝ ... ﻭ ﻣﺠﻴﺌﻬﻢ ﺍﻟﻤﺮﺓ ﺍﻟﺜﺎﻧﻴﺔ ﻭ ﻧﻮﻣﻬﺎ ﻓﻮﻕ ﺳﺮﻳﺮﻭ ... ﻛﻴﻔﺎﺵ ﻣﻤﻜﻦ ﻳﻨﺴﻰ ﺍﻟﻘﺒﻠﺔ ﺍﻟﻲ ﻃﺒﻌﺎﺕ ﻋﻠﻰ ﺷﻔﺎﻳﻔﻮ ﻭ ﻫﻮ ﻧﺎﻋﺲ ... ﺑﺎﺩﺭﺗﻬﺎ ﺧﻼﺕ ﻗﻠﺒﻮ ﺍﻟﺠﺎﻣﺪ ﻳﺬﻭﺏ ﻋﻠﻰ ﻣﻠﻤﺲ ﺷﻔﺎﻳﻔﻬﺎ ﺍﻟﺮﻃﺒﻴﻦ ...
ﻟﻤﻌﻮ ﻋﻨﻴﻪ ﻓﻮﺳﻂ ﻫﺎﺩ ﺍﻟﺬﻛﺮﻯ ... ﻟﻜﻦ ﺳﺮﻋﺎﻥ ﻣﺎﻣﺮﺕ ﻗﺪﺍﻣﻮ ﺫﻛﺮﻳﺎﺕ ﺃﺧﺮﻯ ... ﻳﻮﻡ ﻫﺮﻭﺏ ﺟﺎﺑﺮ ﻭ ﺇﺻﺎﺑﺔ ﺇﻟﻴﺎﺱ ... ﻣﺮﺭ ﺍﺻﺎﺑﻌﻮ ﻭﺳﻂ ﺷﻌﺮﻭ ﺍﻷﺳﻮﺩ ﺍﻟﻜﺜﻴﻒ ﻭ ﺗﺤﺮﻙ ﺧﻄﻮﺗﻴﻦ ﻓﺎﺗﺠﺎﻩ ﺳﻴﺎﺭﺗﻮ ... ﺧﺸﺎ ﻳﺪﻭ ﻓﺎﻟﺠﻴﺐ ﻭ ﺟﺒﺪ ﻭﻻﻋﺔ ... ﺣﻠﻬﺎ ﺑﻴﺪﻭ ﺣﺘﻰ ﺑﺎﻧﺖ ﺍﻟﺸﻌﻠﺔ ﺍﻟﺤﻤﺮﺍﺀ ...
YOU ARE READING
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
بارت 88
Start from the beginning
