السفاح العاشق

بارت 83

ﻟﻴﺎﻥ : ﻏﻨﻤﺸﻲ ﻟﻠﻄﻮﺍﻟﻴﺖ ... ﻣﻐﺎﺩﻳﺶ ﻧﺘﻌﻄﻞ
ﺣﺮﻙ ﻃﺮﻑ ﺷﻔﺘﻮ ﺍﻟﻌﻠﻴﺎ ﻛﺄﻧﻪ ﻣﺴﻮﻕ ﻟﻔﻴﻦ ﻏﺎﺩﺓ ﻭ ﻻ ﻟﻔﻴﻦ ﺟﺎﻳﺔ ... ﺗﺤﺮﻛﺎﺕ ﻗﺪﺍﻣﻮ ﻛﺘﻤﺸﻰ ﺑﺄﻧﻮﺛﺔ ... ﺟﺴﻤﻬﺎ ﻣﻤﺸﻮﻕ ﻭ ﻣﻼﻣﺤﻬﺎ ﻓﺎﺗﻨﺔ ﺗﺠﺬﺏ ﺃﻳﺎً ﻛﺎﻥ ... ﻭ ﺑﺰﺍﻑ ﺩﻳﺎﻝ ﺍﻷﻋﻴﻦ ﻛﺎﻧﺖ ﻣﺘﺒﻌﻬﺎ ﻓﺎﻟﻜﻠﻮﺏ ... ﻣﺎﻋﺪﺍﻩ ﻫﻮ ﺍﻟﻲ ﻣﺸﺎﻓﺶ ﻓﺎﺗﺠﺎﻫﻬﺎ ﻣﻨﻴﻦ ﺗﻔﺎﻭﺗﺎﺕ ﻣﻦ ﺣﺪﺍﻩ ... ﻣﺸﺎﺕ ﻟﻴﺎﻥ ﻓﺎﺗﺠﺎﻩ ﺍﻟﻄﻮﺍﻟﻴﻄﺎﺕ ...
ﺟﻮﻻﻥ ﻛﺎﻧﺖ ﻣﺘﺒﻌﻬﺎ ﺑﻌﻴﻮﻥ ﺣﺎﻗﺪﺓ ... ﻟﻜﻦ ﺟﺰﺀ ﻣﻨﻬﺎ ﺣﺲ ﺑﺎﻟﻨﻘﺺ ﻣﻨﻴﻦ ﺣﻘﻘﺎﺕ ﻓﻴﻬﺎ ﻣﺰﻳﺎﻥ ... ﻛﺄﻧﻬﺎ ﻗﺎﺭﻧﺎﺕ ﺑﻴﻨﻬﺎ ﻭ ﺑﻴﻦ ﻧﻔﺴﻬﺎ ... ﺑﻌﺪ ﻟﺤﻈﺎﺕ ﺑﺎﻧﺖ ﻟﻴﻬﺎ ﺭﺍﺟﻌﺔ ﻭ ﻫﺎﺯﺓ ﺳﻴﺠﺎﺭﺓ ﺑﻴﻦ ﺻﺒﺎﻋﻬﺎ ... ﻭ ﻫﻲ ﻏﺎﺩﺓ ﻓﺎﺗﺠﺎﻩ ﺍﻟﻄﺒﻠﺔ ﺍﻟﻲ ﭼﺎﻟﺴﻴﻦ ﻓﻴﻬﺎ ... ﺭﻣﺎﺕ ﻟﻴﺎﻥ ﺍﻟﺴﻴﺠﺎﺭﺓ ﻭ ﻋﻔﻄﺎﺕ ﻋﻠﻴﻬﺎ ...
ﻋﺎﺭﻓﺔ ﺭﺋﺒﺎﻝ ﻣﻜﻴﺪﺧﻨﺶ ﻭ ﺑﻐﺎﺕ ﺗﻜﺴﺐ ﻣﻮﺩﺗﻮ ﻣﺎﺷﻲ ﺍﻟﻌﻜﺲ ... ﻓﻄﺮﻳﻘﻬﺎ ﻭﻗﻒ ﻟﻴﻬﺎ ﺷﺎﺏ ﻃﻮﻳﻞ ﻭ ﻣﻦ ﻣﻼﻣﺤﻮ ﺑﺎﻳﻨﺔ ﻓﻴﻪ ﺷﺎﺭﺏ ... ﻫﺰﺍﺕ ﻟﻴﺎﻥ ﺣﺎﺟﺒﻬﺎ ﻭ ﻧﻄﻘﺎﺕ ...
ﻟﻴﺎﻥ : ﺣﻴﺪ ﻣﻦ ﺍﻟﻄﺮﻳﻖ
ﺍﻟﺸﺎﺏ : ﻣﻤﻜﻦ ﻧﻌﺮﺽ ﻋﻠﻴﻚ ﻛﺎﺱ
ﻟﻴﺎﻥ : ﻻ
ﺍﻟﺸﺎﺏ : ﻋﻼﺵ ﻻ ... ﻣﺎﻝ ﺍﻟﺰﻳﻦ ﻣﻌﻔﺮ !
ﻟﻴﺎﻥ : ﺑﺪﻳﺖ ﻛﻨﺘﻌﺼﺐ ... ﺣﻴﺪ ﺍﻟﻖ **** ﻣﻦ ﻗﺪﺍﻣﻲ
ﺍﻟﺸﺎﺏ : ﺍﻭﻭﻩ ﻭﺍﻋﺮﺓ ﻣﻊ ﺭﺍﺳﻚ " ﺑﻌﺪ " ﺩﻭﺯ ﺍﻟﺰﻳﻦ ... ﻧﺨﺎﻑ ﻋﻠﻰ ﺭﺍﺳﻲ
ﺧﻨﺰﺭﺍﺕ ﻓﻴﻪ ﻭ ﺗﺤﺮﻛﺎﺕ ... ﻏﻴﺮ ﻓﺎﺗﻮ ﻭ ﻫﻲ ﺗﺤﺲ ﺑﻴﺪﻭ ﺷﺤﻄﺎﺗﻬﺎ ﻋﻠﻰ ﻣﺆﺧﺮﺗﻬﺎ ... ﺿﺎﺭﺕ ﻣﻐﺰﻓﺔ ﺷﺎﻓﺖ ﻓﻴﻪ ... ﺿﺤﻚ ﻭ ﻏﻤﺰ ﻟﻴﻬﺎ ... ﻛﺎﻧﺖ ﺑﺎﻏﺔ ﺗﺮﺟﻊ ﺗﺠﻤﻌﻮ ﺑﻨﺺ ... ﻭ ﻫﻲ ﺗﻜﺘﻢ ﻏﻀﺒﻬﺎ ﺧﺎﺻﺔ ﻓﺎﺵ ﺷﺎﻓﺖ ﺭﺋﺒﺎﻝ ﻣﺮﺍﻗﺐ ﺍﻟﻮﺿﻊ ... ﺑﻐﺎﺕ ﺗﺒﻴﻦ ﺿﻌﻔﻬﺎ ﻗﺪﺍﻣﻮ ﻭﺍﺧﺔ ﻫﻲ ﻗﺎﺩﺭﺓ ﺗﺨﻠﻲ ﻟﻬﺎﺩ ﺧﻮﻧﺎ ﺩﺍﺭﺑﻮﻩ ...
ﺭﺟﻌﺎﺕ ﻛﻤﻼﺕ ﻃﺮﻳﻘﻬﺎ ﻭ ﭼﻠﺴﺎﺕ ﺟﻨﺐ ﺭﺋﺒﺎﻝ ... ﺑﺎﻥ ﻟﻴﻬﺎ ﻫﺰﻭ ﻳﺪﻭ ﺷﻮﻳﺔ ﺟﺎ ﺷﺨﺺ ﺿﺨﻢ ﺍﻟﺒﻨﻴﺔ ﻟﻌﻨﺪﻭ ... ﻧﻌﺖ ﻟﻴﻪ ﺭﺋﺒﺎﻝ ﻓﺎﺗﺠﺎﻩ ﺧﻮﻧﺎ ... ﺣﺮﻙ ﻟﻴﻪ ﺭﺍﺳﻮ ﺭﺟﻞ ﺍﻷﻣﻦ ﻭ ﻣﺸﺎ ... ﺗﺒﺴﻤﺎﺕ ﻭ ﺍﻟﻘﻠﻮﺑﺔ ﻛﻴﻨﻘﺰﻭ ﻣﻦ ﻋﻨﻴﻬﺎ ﻭ ﻫﻲ ﻛﺘﺸﻮﻑ ﻓﻴﻪ ... ﻋﺎﺩﺓ ﻓﺎﺵ ﻛﺘﻜﻮﻥ ﻓﺒﺤﺎﻝ ﻫﺎﺩ ﺍﻷﻣﺎﻛﻦ ﻣﻊ ﺧﻠﻴﻞ ...
ﻛﺘﻌﺮﺽ ﻟﻠﺘﺤﺮﺵ ﻭ ﻛﺎﻧﺖ ﻛﺘﺼﺮﻑ ﺭﺍﺳﻬﺎ ... ﻋﻤﺮ ﺧﻠﻴﻞ ﺗﺪﺧﻞ ﻭ ﻻ ﺩﺍﺭ ﺷﻲ ﺣﺎﺟﺔ ... ﻭ ﺭﺋﺒﺎﻝ ﺍﻟﻲ ﺑﺎﻟﻜﺎﺩ ﻛﺘﻌﺮﻓﻮ ﺗﺼﺮﻑ ﻋﻠﻰ ﻗﺒﻠﻬﺎ ... ﻋﺠﺒﻬﺎ ﺍﻟﺤﺎﻝ ... ﺍﻹﺑﺘﺴﺎﻣﺔ ﻣﺎ ﻓﺎﺭﻗﺎﺗﺶ ﺷﻔﺎﻳﻔﻬﺎ ﻣﺰﺍﻝ ...
ﺭﺟﻞ ﺍﻷﻣﻦ ﻣﺸﺎ ﻋﻨﺪ ﺍﻟﺸﺎﺏ ﻓﻴﻦ ﻛﺎﻥ ﻭﺍﻗﻒ ﻭ ﺷﺪﻭ ﻣﻦ ﺍﻟﻜﻮﻝ ﺑﺎﻏﻲ ﻳﺨﺮﺟﻮ ... ﺗﻨﻄﺮ ﻣﻨﻮ ﺍﻟﺸﺎﺏ ﻭ ﻗﺎﻝ ﻟﻴﻪ ﻏﻴﻐﺎﺩﺭ ﺭﺍﺳﻮ ... ﺟﻮﻻﻥ ﺍﻟﻲ ﻛﺎﻧﺖ ﻭﺍﻗﻔﺔ ﺟﻬﺔ ﺍﻟﺒﺎﺏ ﺷﺎﻓﺖ ﻛﻠﺸﻲ ﻋﻠﻰ ﻋﻨﻴﻬﺎ ... ﺍﻹﺣﺴﺎﺱ ﺍﻟﻲ ﺣﺴﺎﺗﻮ ﻓﻬﺎﺩ ﺍﻟﻠﺤﻈﺔ ﺻﻌﺐ ﻳﺘﻮﺻﻒ ...
ﻗﺮﺭﺍﺕ ﺗﻐﺎﺩﺭ ... ﻗﻠﺒﻬﺎ ﻣﺎﺑﻘﺎﺵ ﻗﺪﺭ ﻳﺘﺤﻤﻞ ﻳﺸﻮﻑ ﺃﻛﺜﺮ ... ﻛﻴﻒ ﺿﺎﺭﺕ ﻭ ﻫﻲ ﺗﻀﺮﺏ ﺑﻜﺘﻔﻬﺎ ﺃﺣﺪﻫﻢ ... ﺯﺍﺩﺕ ﺧﻄﻮﺓ ﻭ ﻫﻲ ﺗﺤﺲ ﺑﺸﻲ ﺣﺪ ﺟﺮﻫﺎ ﻣﻦ ﺩﺭﺍﻋﻬﺎ ... ﺿﺎﺭﺕ ﻛﺘﺸﻮﻑ ﻓﻴﻪ ﺑﻌﻨﻴﻬﺎ ﺍﻟﻤﺪﻣﻌﻴﻦ ... ﻛﺎﻥ ﻧﻔﺲ ﺍﻟﺸﺎﺏ ﺍﻟﺴﻜﻴﺮ ... ﺷﺎﻓﺖ ﻓﻴﻪ ﺑﺘﺴﺎﺀﻝ ﻭ ﻫﻮ ﻳﻨﻄﻖ ...
ﺍﻟﺸﺎﺏ : ﺯﻋﻤﺎ ﺭﺍﻙ ﺩﺍﻳﺮﺓ ﺍﻟﻨﻈﺎﺭﺍﺕ
ﺟﻮﻻﻥ : ﺳﻤﺢ ﻟﻴﺎ ﻣﺸﻔﺘﻜﺶ " ﺑﻐﺎﺕ ﺗﺠﺮ ﺩﺭﺍﻋﻬﺎ ﻭ ﻫﻮ ﻳﺰﻳﺮ ﺑﻴﺪﻭ " ﻣﻤﻜﻦ ﻃﻠﻖ ﻣﻨﻲ
ﺍﻟﺸﺎﺏ : " ﻗﺮﺏ ﻛﻴﻬﻀﺮ ﻭ ﺍﻧﻔﺎﺳﻮ ﺍﻟﻜﺮﻳﻬﺔ ﺑﺎﻟﺸﺮﺍﺏ ﻛﻀﺮﺏ ﻓﻮﺟﻬﺎ " ﻛﻨﺘﻲ ﺧﺎﺭﺟﺔ ... ﺣﺘﻰ ﺍﻧﺎ ﺧﺎﺭﺝ ... ﺷﺒﺎﻥ ﻟﻴﻚ ﻧﻤﺸﻴﻮ ﻟﺸﻲ ﻣﻜﺎﻥ ﺁﺧﺮ ... ﻓﻴﻪ ﺧﺼﻮﺻﻴﺔ ﺃﻛﺜﺮ
ﺟﻮﻻﻥ ﻧﻄﺮﺍﺕ ﻳﺪﻫﺎ ﻣﻨﻮ ﻭ ﺩﻓﻌﺎﺗﻮ ﺣﺘﻰ ﺟﺎ ﻃﺎﻳﺢ ﻓﻠﺮﺽ ... ﺿﺎﺭﺕ ﻛﺘﺠﺮﻱ ﺧﺎﺭﺟﺔ ﻣﻦ ﺗﻤﺎﻙ ... ﻧﺎﺽ ﻫﻮ ﻛﻴﺴﻮﺱ ﻓﺤﻮﺍﻳﺠﻮ ﻭ ﻛﻴﻌﺎﻳﺮ ... ﻳﺎﻻﻩ ﺑﻐﺎ ﻳﺨﻄﻮ ﺧﻄﻮﺓ ﻳﺘﺒﻌﻬﺎ ﻭ ﻫﻮ ﻳﺤﺲ ﺑﺸﻲ ﺣﺪ ﺷﻨﻖ ﻋﻠﻴﻪ ﻣﻦ ﺍﻟﻠﻮﺭ ... ﺿﺎﺭ ﺑﺘﺜﺎﻗﻞ ﻟﻘﻰ ﻋﻨﻴﻦ ﻛﻴﻒ ﺍﻟﺠﻤﺮﺓ ﻋﻠﻰ ﻭﺷﻚ ﻳﺤﺮﻗﻮﻩ ... ﺣﻞ ﻓﻤﻮ ﺑﻐﺎ ﻳﻬﻀﺮ ﻭ ﻳﺴﺘﻔﺴﺮ ﻋﻼﺵ ﻭ ﻛﻴﻔﺎﺵ ...
ﺟﺎﺗﻮ ﻟﻜﻤﺔ ﻟﻔﻜﻮ ﺣﺘﻰ ﺿﺎﺭ ﻛﻮﻟﻮ ... ﻛﺎﻥ ﻏﻴﻔﻘﺪ ﺗﻮﺍﺯﻧﻮ ﻟﻮﻻ ﺭﺋﺒﺎﻝ ﺷﺪﻭ ﻣﻦ ﺟﺪﻳﺪ ... ﺣﻜﻤﻮ ﻭ ﺍﻧﻬﺎﻝ ﻋﻠﻴﻪ ﺑﺎﻟﻀﺮﺑﺎﺕ ﻭﺣﺪﺓ ﺗﺎﺑﻌﺔ ﻻﺧﺮﻯ ... ﻃﻠﻖ ﻣﻨﻮ ﻃﺎﺡ ﻓﻠﺮﺽ ﻭ ﻧﺰﻝ ﻋﻨﺪﻭ ﻛﻴﻀﺮﺏ ﻭ ﻳﻌﺎﻭﺩ ... ﻭﺟﻪ ﻻﺧﺮ ﻣﺎﺑﻘﺎﺵ ﻛﻴﺒﺎﻥ ﺑﺎﻟﺪﻣﺎﻳﺎﺕ ﻭ ﺭﺋﺒﺎﻝ ﻣﺎﺑﻐﺎﺵ ﻳﻮﻗﻒ ... ﺗﺪﺧﻠﻮ ﺭﺟﺎﻝ ﺍﻷﻣﻦ ﺑﻌﺪﻭﻩ ﻋﻠﻴﻪ ﻗﺒﻞ ﻻ ﻳﻘﺘﻠﻮ ...
ﺗﻨﻄﺮ ﻣﻨﻬﻢ ﻭ ﺗﺤﺮﻙ ﻏﺎﺩﻱ ﻓﺎﻟﻜﻮﻟﻮﺍﺭ ... ﻭﻗﻒ ﺧﺎﺭﺝ ﻟﻜﻠﻮﺏ ﻛﻴﻘﻠﺐ ﺑﻌﻨﻴﻪ ﻋﻠﻴﻬﺎ ... ﺟﺒﺪ ﻟﻔﻮﻥ ﻣﻦ ﺍﻟﺠﻴﺐ ﻭ ﺍﺗﺎﺻﻞ ﺑﻴﻬﺎ ... ﺑﻘﻰ ﻛﻴﺼﻮﻧﻲ ﺣﺘﻰ ﻗﻄﻊ ... ﺣﺲ ﺑﻴﺪ ﺗﺤﻄﺎﺕ ﻋﻠﻰ ﻛﺘﻔﻮ ... ﺗﻠﻔﺖ ﻟﻘﺎﻫﺎ ﻟﻴﺎﻥ ﺍﻟﻲ ﻣﺰﺍﻝ ﻣﺼﺪﻭﻣﺔ ﻣﻦ ﺷﻨﻮ ﺩﺍﺭ ...
ﻟﻴﺎﻥ : ﺭﺋﺒﺎﻝ ... " ﻛﺘﺸﻮﻑ ﻓﻴﺪﻳﻪ " ﻳﺪﻳﻚ ﻋﺎﻣﺮﻳﻦ ﺩﻡ " ﺣﻼﺕ ﺻﺎﻛﻬﺎ ﻭ ﺟﺒﺪﺍﺕ ﻛﻠﻴﻨﻴﻜﺲ ﻣﺪﺍﺗﻮ ﻟﻴﻪ "
ﺭﺋﺒﺎﻝ ﺿﺎﺭ ﺷﺎﻑ ﻓﻴﻬﺎ ... ﻣﻼﻣﺢ ﻭﺟﻬﻮ ﻛﺎﻥ ﻣﺰﺍﻝ ﺑﺎﻳﻦ ﻋﻠﻴﻬﺎ ﺍﻟﻐﻀﺐ ... ﺗﺠﺎﻫﻞ ﺩﺍﻛﺸﻲ ﺍﻟﻲ ﻣﺎﺩﺓ ﻟﻴﻪ ﻭ ﻣﺸﺎ ﻓﺎﺗﺠﺎﻩ ﺳﻴﺎﺭﺗﻮ ... ﺭﻛﺐ ﻭ ﺯﺍﺩ ﻣﻜﺴﻴﺮﻱ ﺣﺘﻰ ﺗﺤﻜﻮ ﺍﻟﺮﻭﺍﻳﺾ ﻣﻊ ﺍﻟﺸﺎﻧﻄﻲ ﻣﺨﻠﻲ ﺍﻟﺪﺧﺎﺧﻦ ﻣﻦ ﻭﺭﺍﻩ ... ﻗﺮﺑﺎﺕ ﻳﺪﻫﺎ ﺍﻟﻲ ﻫﺎﺯﺓ ﻛﻠﻴﻨﻴﻜﺲ ﻟﻌﻨﺪ ﺻﺪﺭﻫﺎ ... ﻭ ﻋﻨﻴﻬﺎ ﺍﻟﻲ ﻛﻴﻠﻤﻌﻮ ﻣﺘﺒﻌﻴﻦ ﺳﻴﺎﺭﺗﻮ ﺣﺘﻰ ﺍﺧﺘﻔﺖ ...
ﺭﺟﻌﺎﺕ ﻟﻠﺪﺍﺧﻞ ﻟﻘﺎﺕ ﺭﺟﺎﻝ ﺍﻷﻣﻦ ﻫﺎﺯﻳﻦ ﻫﺪﺍﻙ ﻛﻴﻒ ﺍﻟﺸﺮﻭﻳﻄﺔ ... ﺩﺍﻭﻩ ﻟﺸﻲ ﻣﻜﺎﻥ ﺁﺧﺮ ﺑﻤﺎ ﺗﻮﺻﻞ ﺳﻴﺎﺭﺓ ﺍﻹﺳﻌﺎﻑ ... ﺭﺟﻌﺎﺕ ﺟﻠﺴﺎﺕ ﻓﻤﻜﺎﻧﻬﺎ ﻭ ﻫﺰﺍﺕ ﻣﺸﺮﻭﺏ ﺁﺧﺮ ﻛﺘﺮﺷﻒ ﻣﻨﻮ ... ﻭ ﻛﺘﺬﻛﺮ ﺍﻟﻠﺤﻈﺔ ﺍﻟﻲ ﻛﺎﻥ ﻓﻴﻬﺎ ﺭﺋﺒﺎﻝ ﻧﺎﺯﻝ ﻋﻠﻰ ﺍﻟﺸﺨﺺ ﺍﻟﻲ ﺗﺒﺴﻞ ﻋﻠﻴﻬﺎ ﺑﺎﻟﻌﺼﻰ ... ﻏﻴﺮ ﻣﺪﺭﻛﺔ ﺍﻟﺴﺒﺐ ﺍﻟﺤﻘﻴﻘﻲ ﺍﻟﻲ ﺧﻼﻩ ﻳﻘﻔﺰ ﻣﻦ ﺑﻼﺻﺘﻮ ﻓﺠﺄﺓ ﻭ ﻳﻬﺠﻢ ﻋﻠﻴﻪ ﺑﺪﻳﻚ ﺍﻟﻄﺮﻳﻘﺔ ...
ﺷﺎﻓﺖ ﻓﺸﺎﺷﺔ ﺍﻟﻔﻮﻥ ﻗﻄﻌﺎﺕ ﻋﻠﻴﻪ ﻭ ﺭﺟﻌﺎﺗﻮ ﻟﺼﺎﻛﻬﺎ ... ﻫﺰﺍﺕ ﻋﻨﻴﻬﺎ ﻛﺘﺸﻮﻑ ﻓﺎﻟﻄﺮﻳﻖ ﻭ ﻫﻲ ﺗﺴﻤﻌﻮ ﻧﻄﻖ ...

ﻳﺎﻣﻦ : ﻣﻤﻜﻦ ﻧﻌﺮﻑ ﺷﻨﻮ ﻛﻨﺘﻲ ﻛﺪﻳﺮﻱ ﻓﺪﺍﻙ ﺍﻟﻘﻨﺖ
ﺟﻮﻻﻥ : ﻣﺸﻴﺖ ﺷﻔﺖ ﺷﻲ ﺣﺎﺟﺔ
ﻳﺎﻣﻦ : ﺷﻨﻮ ﻫﻲ ﻫﺎﺩ ﺍﻟﺤﺎﺟﺔ ؟
ﺟﻮﻻﻥ : ﺣﺎﺟﺔ ﻛﺎﻥ ﺿﺮﻭﺭﻱ ﻧﺸﻮﻓﻬﺎ ﺑﺎﺵ ﻧﻔﻴﻖ ﻣﻦ ﺍﻟﮕﻠﺒﺔ
ﻳﺎﻣﻦ : ﺟﻮﻻﻥ
ﺟﻮﻻﻥ : ﺍﻣﻤﻢ
ﻳﺎﻣﻦ : ﺟﻮﻻﻥ ﺍﻟﻲ ﻛﻨﺖ ﻛﻨﻌﺮﻑ ﺷﺤﺎﻝ ﻫﺬﺍ ﻣﺎﺷﻲ ﻫﻲ ﺍﻟﻲ ﻗﺪﺍﻣﻲ ﺩﺍﺑﺔ ... ﺭﻏﻢ ﺍﻟﻀﺮﻭﻑ ﺍﻟﺼﻌﺒﺔ ﺍﻟﻲ ﻣﺮﻳﺘﻲ ﺑﻴﻬﺎ ... ﻣﺨﺎﺻﻬﺎﺵ ﺗﺨﻠﻴﻚ ﺗﻐﻴﺮﻱ ﻟﻬﺎﺩ ﺍﻟﺪﺭﺟﺔ ... ﺍﻱ ﺣﺎﺟﺔ ﻏﺘﺄﺛﺮ ﻋﻠﻴﻚ ﺳﻠﺒﺎ ﺑﻌﺪﻱ ﻣﻨﻬﺎ ﺃﻭ ﺧﻠﻴﻬﺎ ... ﺗﺴﺘﺎﻫﻠﻲ ﺗﻜﻮﻧﻲ ﻓﺮﺣﺎﻧﺔ ﻓﺤﻴﺎﺗﻚ
ﺟﻮﻻﻥ : ﺟﻮﻻﻥ ﺩﻳﺎﻝ ﺷﺤﺎﻝ ﻫﺪﺍ ﻣﺎﺑﻘﻰ ﻟﻴﻬﺎ ﻭﺟﻮﺩ
ﻳﺎﻣﻦ : " ﻭﻗﻒ ﺟﻨﺐ ﺍﻟﻄﺮﻳﻖ ﻭ ﺷﺎﻑ ﻓﻴﻬﺎ " ﻛﻠﺸﻲ ﻫﺪﺷﻲ ﺑﺴﺒﺒﻮ ... ﻫﻮ ﺍﻟﻲ ﺧﻼﻙ ﺗﺮﺟﻌﻲ ﻫﺎﻛﺔ
ﺟﻮﻻﻥ : " ﺍﻟﺼﻤﺖ "
ﻳﺎﻣﻦ : ﻣﺎﺷﻲ ﺑﺴﺒﺒﻮ ﺩﺍﺧﻠﺔ ﻟﺪﺍﻙ ﺍﻟﻘﻨﺖ ... " ﺷﺪﻫﺎ ﻣﻦ ﻛﺘﻔﻬﺎ ﺿﻮﺭﻫﺎ ﻋﻨﺪﻭ " ﺟﻮﻻﻥ ﺍﻟﺒﻨﺖ ﺍﻟﺒﺮﻳﺌﺔ ﺍﻟﻨﺸﻴﻄﺔ ﺍﻟﻲ ﺍﻟﻀﺤﻜﺔ ﻣﻜﺎﻧﺘﺶ ﺗﻔﺎﺭﻕ ﻭﺟﻬﺎ ... ﺭﺟﻌﺎﺕ ﺗﺪﺧﻞ ﻟﺒﻴﺮﺍﻥ ﻣﻊ 11 ﺩﻳﺎﻝ ﺍﻟﻠﻴﻞ ﺑﺴﺒﺐ ﻭﺍﺣﺪ ... ﺍﻟﻲ ﻣﺎﻣﺴﻮﻗﺶ ﻟﻴﻬﺎ ﻭ ﭼﺎﻟﺲ ﻣﻊ ﻭﺣﺪﺓ ﺃﺧﺮﻯ
ﺟﻮﻻﻥ : " ﻫﺰﺍﺕ ﻓﻴﻪ ﻋﻨﻴﻬﺎ "
ﻳﺎﻣﻦ : ﻳﺰﻳﺪ ﺍﺗﺎﺻﻞ ﺑﻴﺎ ﻣﻨﻴﻦ ﺷﺎﻓﻬﻢ ... ﺩﺍﻛﺸﻲ ﺑﺎﺵ ﺟﻴﺖ ﻧﺸﻮﻑ ﺑﻌﻨﻴﺎ ... ﻫﺎﺩﻳﻚ ﻇﺎﺑﻄﺔ ﺧﺪﺍﻣﺔ ﻣﻌﻨﺎ ﻭ ﻫﺎﺩ ﺍﻷﻳﺎﻡ ﺭﺟﻌﻮ ﻣﻘﺮﺑﻴﻦ ﻣﻜﻴﺘﻔﺎﺭﻗﻮﺵ ... ﺷﻨﻮ ﻛﺘﺴﻨﺎﻱ ﻣﻦ ﻭﺍﺣﺪ ﺑﺤﺎﻟﻮ ... ﺑﺎﻏﺔ ﺗﻌﺮﺿﻲ ﻹﻫﺎﻧﺔ ﻛﺜﺮ ﻣﻦ ﻫﺎﺩﻱ
ﺟﻮﻻﻥ : ﻏﻨﺰﻝ ﻧﺸﺪ ﻃﺎﻛﺴﻲ
ﻳﺎﻣﻦ : " ﺑﻌﺼﺒﻴﺔ " ﺁﺵ ﻣﻦ ﻃﺎﻛﺴﻲ ... ﻋﺎﺭﻓﺔ ﺷﻨﻮ ﻛﻴﻮﻗﻊ ﻓﻬﺎﺩ ﻟﻮﻗﺖ ... ﻫﻀﺮﺗﻲ ﻣﺎﻋﺠﺒﺎﺗﻜﺶ ﻣﺎﺷﻲ ﻣﺸﻜﻴﻞ ... ﻟﻜﻦ ﻧﺸﻮﻑ ﻣﻨﻮ ﺣﺎﺟﺔ ﺃﺧﺮﻯ ﻣﻐﺎﺩﻳﺶ ﻧﺒﻘﻰ ﻣﺮﺑﻊ ﻳﺪﻳﺎ

ﺭﺟﻊ ﺩﻳﻤﺎﺭﺍ ﻳﺎﻣﻦ ﺍﻟﻠﻮﻃﻮ ﻏﺎﺩﻳﻴﻦ ﻓﺼﻤﺖ ... ﻭﺻﻠﻬﺎ ﻟﻘﺪﺍﻡ ﺍﻟﭭﻴﻼ ﺣﻼﺕ ﻟﺒﺎﺏ ﻭ ﻫﺒﻄﺎﺕ ... ﻣﺎﺗﺤﺮﻙ ﻳﺎﻣﻦ ﺣﺘﻰ ﺷﺎﻓﻬﺎ ﺩﺧﻼﺕ ﺑﻌﺪﻣﺎ ﺣﻞ ﻟﻴﻬﺎ ﺍﻟﻌﺴﺎﺱ ... ﺍﻧﻄﺎﻟﻖ ﻣﻐﺰﻑ ﻭ ﻣﺰﻳﺮ ﺑﻴﺪﻳﻪ ﻋﻠﻰ ﻟﻔﻮﻟﻮﻥ ... ﺭﺟﻊ ﻟﻜﻠﻮﺏ ﺩﺧﻞ ﻛﻴﻘﻠﺐ ﺑﻌﻨﻴﻪ ﻣﺒﺎﻧﺶ ﻟﻴﻪ ﺭﺋﺒﺎﻝ ...
ﺷﺎﻑ ﻟﻴﺎﻥ ﭼﺎﻟﺴﺔ ﺑﻮﺣﺪﻫﺎ ... ﻟﻤﺤﺎﺗﻮ ﻭ ﻫﺰﺍﺕ ﻛﺎﺳﻬﺎ ﺟﻬﺘﻮ ﺣﺮﻙ ﻟﻴﻬﺎ ﺭﺍﺳﻮ ﻭ ﻣﺸﺎ ﻟﻌﻨﺪ ﻳﺰﻳﺪ ﺍﻟﻲ ﭼﺎﻟﺲ ﻓﻠﺒﺎﺭ ... ﻃﻠﺐ ﻛﺎﺱ ﺷﺮﺑﻮ ﺩﻗﺔ ﻭ ﺩﻭﺯ ﻳﺪﻭ ﻋﻠﻰ ﻭﺟﻬﻮ ﻭ ﻫﻮ ﻛﻴﺘﺬﻛﺮ ﻣﻼﻣﺢ ﺟﻮﻻﻥ ﺍﻟﻜﺌﻴﺒﺔ ...
ﺩﺧﻼﺕ ﺟﻮﻻﻥ ﻭ ﻣﺸﺎﺕ ﻓﺎﺗﺠﺎﻩ ﺍﻟﺪﺭﺝ ... ﺳﻤﻴﺔ ﻭ ﺯﻳﻨﺐ ﻛﺎﻧﻮ ﭼﺎﻟﺴﻴﻦ ﻓﺎﻟﺼﺎﻟﺔ ... ﺷﺎﻓﻮﻫﺎ ﻃﺎﻟﻌﺔ ﻳﺎﻻﻩ ﺑﻐﺎﺕ ﺗﻌﻴﻂ ﻋﻠﻴﻬﺎ ﺯﻳﻨﺐ ﻭ ﻫﻮ ﻳﺒﺎﻥ ﻟﻴﻬﺎ ﺭﺋﺒﺎﻝ ﺩﺍﺧﻞ ... ﺣﺘﻰ ﻫﻮ ﻃﻠﻊ ﺑﺨﻄﻰ ﺳﺮﻳﻌﺔ ﻣﻊ ﺍﻟﺪﺭﻭﺝ ... ﺑﻘﺎﻭ ﻏﻴﺮ ﻛﻴﺸﻮﻓﻮ ﻓﺒﻌﺾ ﻣﻔﺎﻫﻤﻴﻦ ﻭﺍﻟﻮ ...
ﺣﻼﺕ ﺑﺎﻥ ﻏﺮﻓﺘﻬﺎ ﺩﺧﻼﺕ ﻭ ﺣﻴﺪﺍﺕ ﺍﻟﺼﺎﻙ ﻣﻦ ﻋﻠﻰ ﻛﺘﻔﻬﺎ ﻃﺎﺡ ﻓﻠﺮﺽ ... ﺳﻤﻌﺎﺕ ﻟﺒﺎﺏ ﺗﺴﺪ ﺑﻘﻮﺓ ﻭ ﻫﻲ ﺿﻮﺭ ... ﺑﺎﻥ ﻟﻴﻬﺎ ﺟﺎﻱ ﻗﺎﺻﺪﻫﺎ ... ﺭﺟﻌﺎﺕ ﺿﺎﺭﺕ ﻏﺎﺩﺓ ﻟﻠﺤﻤﺎﻡ ... ﻭﺻﻞ ﻟﻌﻨﺪﻫﺎ ﻭ ﺟﺮﻫﺎ ﺑﻌﻨﻒ ﺿﻮﺭﻫﺎ ﻋﻨﺪﻭ ... ﻫﺰﺍﺕ ﻋﻨﻴﻬﺎ ﻓﻌﻨﻴﻪ ﺍﻟﻲ ﻛﻴﺨﺮﺝ ﻣﻨﻬﻢ ﺍﻟﺸﺮﺍﺭ ... ﻧﻄﻖ ﻣﺎﺑﻴﻦ ﺳﻨﺎﻧﻮ ...