*بسم الله*
.
.
.
.
.
.
.
.
**سلسبيل**
هااايليک راحت ميار وانا هاااني مريحة وحدي كي لبومة .. ماما راهي مورايا باش نولي وسي مراد آوااه نوو
رفدت لاكارت ديالو .. درت ماسكي ونعيطلو كيما كل مرة يزيد شويا يهبل
مراد: ضوک كل يوم هكا
قعدت نضحک ملتحت لتحت ان شاء الله برک ميفيقليش
مراد: رااح نكوبي كون متهدريش
عوجت فمي وانا كوبيتلو ياااخي حالة حطيت تيليفون وجيت نضربها برقدة حتى صونا تليفوني رفدت لقيتو هو .. شعلت عينيا من هول لمنظر .. ؤک زدت فيها
وليت نهدر وحدي ياک عيطتلو بالماسكي كيفاه عرفني خبطت روحي بكف وتفكرت سيد راه بوليسي باينة يعرف بقرة يا سلسبيل منين تخمييي
وانا ناقش روحي في روحي تكوبا تنهدت وجيت نحطو حتى عاود ريبونديت ودرت روحي منعرفو ميعرفني
سلسبيل: متخلوش جدنا نرقدو في نص ليل بنعميييي
مراد: نهاار تخليني نرقد كي نااس منهار ديت فاكونص مطلقتيني بجياحتک
فاقلي فاقلي .. نضت ناكل في ضفارتيا
سلسبيل: والله متحشم انا؟ جااامي منعرفكش ديجا شكون نتا
مراد: سلسبيبل تتمسخري
سلسبيل: كيفاااه تعرفني
مراد: علاه شوفيني بهلول منعرفش شكون راهو يعيطلي؟
سلسبيل: بففففف نتا لبهلول
مراد: علاش واش خصک بااش راكي تعيطي
سلسبيل: نحب نتمسخر تسالني
مراد: ومعلبالكش بلي هاذي يحاسب عليها لقانون!
سلسبيل: تسما كون هكا يدو كامل رجال لي فدزاير
مراد: ههه امشي امشي يادبة
سلسبيل: دبة؟ يخي شامبانزي
مراد: آآو
سلسبيل: رايحة نرقد باي
مراد: بونوي
كوبيت مرنكة كامل .. تسما كان علبالو بلي انا ياربيي على تبهدايل
YOU ARE READING
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
