*بسم الله *
.
.
.
.
.
.
داخلة ملباب معلبلهاش شكون كاين زادمة وتهدر
"ماماااا جعت حطولي ناكل... يايما حانموت"
حتى سمعت ريان ريبوندالها مصالون
ريان : نهار كامل ونتي تاكلي
اسراء : ناكل راسک يابوقلوزة ضوک نجي ليک
لبست بليغتها ودخلت لصالون وياليتها مدخلت شافتهم ملمومين كامل لثم... تبسمت على تبهليل لي دارتو
محمد : ادخلي بنتي... اسراء
حركت راسها بايه وراحت سلمت عليه
اسراء : وشراک عمو محمد
محمد : حمدلله يابنتي ونتي كيفاه
كانت تهدر بسيف قلبها يخبط... حابة تخرج ملثم قبل متزيد فضيحة لروحها
اسراء : حمدلله
محمد : كيفاه مع لقراية
اسراء : مليحة راني معاها
ملي دخلت ملباب عينو محطهاش فلرض تبدلت بزاف... دارت خمار ووجها ولا ضاوي تبسيمتها لي دخلت لقلبو حتى سمع ريان
ريان : انا منيش نبان آآآ بينازة
خزرت فيه تع اومبعد نتفاهم معاک
اسراء : انا نخليكم
كانت رايحة وعفست على رجل ريان سكارة
ريان : اجري اجري ترهجي وديلي رجلي معاک
اسراء : 😒😒😒
خرجت ملثم وقلبها قريب خرج من فومها... مطلعتش راسها مبينتلوش كامل بلي سكاناتو بنص عين
دخلت لعند ميار...لي كانت قاعدة تسنا غير وقتاه تدخل
اسراء : ياا ميار تبهدلت وخلاص لااا وزيد شفتو والله شفتو
ميار : اتنفسي اتنفسي بلاكي تموتيلي هنا
ريحت قدامها.. وقالت
اسراء : شفتيه
ميار : اييه.. وديجا تيليفونک علاه نغلوق عيطتلک شحال من خطرة باش نقلک
اسراء : طاحتلي لباتري وليوم طولنا فتيدي مي علاش حتى جاو
ميار : عرضتهم خالتو كوم باباه حتى هو جاا
اسراء : المهم خلينا... وراهي مكلتي لي تبهدلت على جالها
ميار : حطتهالک فوق طابلة روحي تاكلي ضوک نجي
اسراء : ؤؤک
دخلت لكوزينة بدات تاكل..
***عندهم فصالون ****
محمد : مزالكم كي لقط ولفار
جواد : هكا كل ميتلقاو
ريان : هي تخلط فيا
محمد : كون منعرفكش ...والله مضنيتها كبرت وولات مراة هكا الله يبارک
YOU ARE READING
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
