"နောက်ပိုင်းတော့ မင်းဘုန်းနေက မြန်မာပြည်ပြန်လာပြီး လက်ထပ်ချင်တယ်။ ဒါပေမယ့် နှင်းဧကရီက ပြန်မလာချင်ဘူး။ အဲ့မှာညှိမရကြရာကနေ လမ်းခွဲလိုက်ကြတယ် တဲ့ "
သော်တာယံက ရှင်းပြလိုက်ရလို့ မောသွားဟန် နောက်ထပ် တစ်ခွက်မော့ချပြီးမှ ဆက်ပြောလာတယ် ။
"သူတို့လမ်းခွဲပြီး သိပ်မကြာဘူး မင်းဘုန်းနေ လည်းပြန်လာခဲ့တယ် ။နောက်ပိုင်း ဘာအဆက်သွယ်မှမရှိ ကြဘူးတဲ့ ။ "
ဒါဆို ဒီခေတ်သားလေးကရော ...။
မင်းဘုန်းနေ နဲ့ နှင်းဧကရီက လွန်ခဲ့တဲ့ လေးနှစ်က လမ်းခွဲခဲ့ကြတယ်။ဒါဆို မင်းဘုန်းနေနဲ့ လမ်းခွဲပြီးပြီးချင်း ဒီခေတ်နဲ့ လက်ထပ်ခဲ့တာလား။
အဖြေရှာမရတဲ့ ပဟေဠိတွေနဲ့အတူ ခေါင်းတွေနောက်လာရသည်။
ဖန်ခွက်ထဲက အရည် တချို့ကို အကုန်မော့ချရင်း သဲလွန်စတွေပျောက်နေဆဲ ကိစ္စတစ်ခုတွက် စိတ်တွေ လေးလံနေခဲ့သည်။ဒီနေ့တော့ ရုံးတက်ရမည်မို့ ရုံးသွားရင်း ရောက်ရောက်ချင်း အိမ်မပြန်ဘဲ သူ့ဆီလာသော သူငယ်ချင်းကြီးကို သူ့အိမ် ၀င်ပို့ပေးရသေးသည်။
"မင်းပြန်ရောက်နေတာ ဒီခေတ်ကို ပြောလိုက်ရမလား" လို့မေးတော့
" နေပါစေ သူပြန်လာတာတောင် ငါတို့ အသိမပေးတာ ငါရောက်နေတယ်ပြောတော့ ၀မ်းသာအားရ လာတွေ့မှာတဲ့လား အဟင်း"
အသက်မပါတဲ့ ရယ်သံတစ်ချက်က သူ့ရင်ထဲက နာကျင်မှုတွေကို ထင်အပ်စေတယ်။
ကားတံခါးကို တွန်းဖွင့်ရင်း ဆင်းသွားကာ လက်ပြရင်း ကျောခိုင်းသွားတဲ့ သော်တာယံကို လှမ်းကြည့်ပြီး သက်ပြင်းမော ချလိုက်ကာ ထိုနေရာမှ ထွက်လာခဲ့လိုက်တော့သည်။ကိုယ်နဲ့ မသိခင်ကတည်းက ခင်မင်လာကြသော သူတို့နှစ်ယောက်ရဲ့ သံယောဇဥ်ကလည်း ဘယ်အတိုင်းတာထိ နက်ရှိုင်းလဲဆိုတာ သူတို့ကိုယ်တိုင် ထုတ်မပြတောင် မြင်ယောင်နိုင်ခဲ့သည်။
ဒီခေတ်ဆိုတဲ့ လူဆိုးလေးက ကျွန်တော့်အပေါ်တင် ရက်စက်တာမဟုတ် သော်တာယံ့ကိုပါ သူသွားမည့်ကိစ္စကို အသိမပေးခဲ့ ။
![](https://img.wattpad.com/cover/239679462-288-k844795.jpg)
CZYTASZ
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romansစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...
Epi-26
Zacznij od początku