ဒီလိုတွေမက်နေတာ ပထမဆုံးအကြိမ် မဟုတ်တော့ပေငြားလည်း အမြဲနာကျင်ရစမြဲ။
ချစ်သူဖြစ်ခဲ့ကြတဲ့နေ့က အဖြစ်ပျက်တွေ၊ နှုတ်ဆက် ကျောခိုင်းသွားတဲ့ ပုံရိပ်တွေက နှစ်တွေများစွာ ကြာခဲ့တောင် သူ့ဆီ အိပ်မက်တစ်ခုအဖြစ်နဲ့ ပြန်လည် လာနေတတ်ခဲ့သည်။
အိပ်ရာဘေးနား စားပွဲခုံပေါ်က အသင့်ရှိတဲ့ ရေခရားထဲက ရေတချို့ ဖန်ခွက်ထဲလောင်းထည့်ကာ သောက်လိုက်ပြီး အတွေးတွေကတော့ သော်တာယံ ပြောပြခဲ့တဲ့ မဆက်စပ်နိုင်သေးသော အကြောင်းရာများဆီ၀ယ် လွင့်မျှောနေခဲ့သည်။
မနေ့ညက သော်တာယံနဲ့ သွားသောက်ကြရင်း ဆက်စပ်ပြောမိကြတော့ နှင်းဧကရီ နဲ့ သော်တာယံ့ ညီ၀မ်းကွဲ မင်းဘုန်းနေ တို့က တက္ကသိုလ် ဒုတိယနှစ်မှာ ချစ်သူတွေဖြစ်ခဲ့ကြတယ်တဲ့။
"ငါနယ်မှာ တာ၀န်ကျနေတုန်း ငါ့ညီ မင်းဘုန်းနေက အလုပ်ကိစ္စနဲ့ နယ်ဘက်ကိုလာရင်း ငါ့ဆီ၀င်လည်တယ်။ သူပြန်ရောက်နေတာ လေးနှစ်လောက်တော့ ရှိပေမယ့် ငါတို့မဆုံဖြစ်ခဲ့ကြဘူး"
သော်တာယံက အသားဖတ်တစ်ခုကို တူနဲ့လှမ်းယူလိုက်ရင်း ခပ်အေးအေး ပြောလာတယ်။
သူဆက်ပြောလာမယ့် အကြောင်းရာကို စိတ်၀င်စားစွာနဲ့ပဲ ငြိမ်ပြီးနားထောင်နေမိတယ်။"အခုပြန်ဆုံတော့ စကားပြောကြရင်း သူ့ကျောင်းတက်တုန်းက အကြောင်းတွေ မေးမိတော့ တိုက်တိုက်ဆိုင်ဆိုင် သူ့ချစ်သူက နှင်းဧကရီတဲ့။
ငါလည်း ဒီခေတ်ကို သိလား လို့ မေးကြည့်တော့
နှင်းဧကရီ ရဲ့ အကို တဲ့ ။ "သော်တာယံက တစ်ခုခုကို စဥ်းစားနေသလို စကားစ ကို ရပ်လိုက်ရင်း လက်ထဲကိုင်ထားတဲ့ ခွက်ထဲက လက်ကျန်အရည် တစ်ချို့ကို မော့သောက်နေခဲ့တယ်။
"ဒါဆို မင်းပြောလိုက်သေးလား သူတို့ ဘာမှ မတော်စပ်ဘူးဆိုတာ"
ကျွန်တော်က မေးတော့ သော်တာယံက ခေါင်းအသာခါရင်း
"ငါ ဘာမှပြန်မပြောလိုက်ဘူး ဒီနှစ်တွေထဲမှာ
ဒီခေတ် ဘာတွေဖြစ်နေလဲမသိတော့ ငြိမ်ပြီးပဲ နားထောင်နေခဲ့တယ်။ သူတို့မှာလည်း သူတို့အကြောင်းရှိကြမှာပေါ့ ဆိုပြီးလေ"
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romantikusစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...
Epi-26
Start from the beginning