အဖြူရောင်ဟာ သန့်စင်ခြင်းကိုကိုယ်စားပြုတယ်တဲ့။
တကယ်တော့ အဖြူရောင်ဆိုတာ သိပ်ကိုညစ်ညမ်း
လွယ်တယ်။အစွန်းအထင်းသေးသေးလေးကအစ
ကြီးမားတဲ့အကျိုးသက်ရောက်မှုကိုဖြစ်ပေါ်စေနိုင်တယ်။ပတ်ဝန်းကျင်နဲ့မိဘအသိုင်းအဝိုင်းဆိုတဲ့ အညစ်
အကြေးတွေကြောင့် ဝမ်ရိပေါ်ဆိုတဲ့အဖြူရောင်လေး
ဟာလည်း စွန်းထင်းနေခဲ့ပြီးဖြစ်သည်။တတီတီမြည်နေတဲ့နှိုးစက်သံက ဝမ်ရိပေါ်ရဲ့မနက်ခင်းအတွက် ပထမဆုံးအဖော်မွန်။နှိုးစက်သံကြားတာနဲ့ အကျင့်ပါနေကျ မျက်လုံးတွေကအလိုလိုပွင့်လာသည်။နာရီကိုကြည့်တော့ မနက်6:30။အချိန်ဆွဲမနေတော့ဘဲ အိပ်ယာပေါ်ကနေကုန်းရုန်းထလို့
ကျောင်းသွားဖို့ပြင်ဆင်သည်။ဗီရိုထဲက ကျောင်းဝတ်စုံကိုထုတ်ဝတ်လို့ လွယ်အိတ်ကိုလွယ်ပြီး အိမ်
အောက်ထပ်ကိုဆင်းလာတော့ ထုံးစံအတိုင်း တစ်ယောက်မှမရှိ။ဒါပေါ့....ဘယ်ရှိမလဲ။ဒါကနေ့တိုင်း
ပုံမှန်ပဲမဟုတ်လား။သူထွက်ခွာသွားတဲ့အခါ နှုတ်ဆက်မယ့်သူမရှိသလို ပြန်လာတဲ့အခါဆီးကြိုနေမယ့်သူလည်းမရှိခဲ့ဖူးဘူးလေ။မနက်7နာရီဆိုတာ ကျောင်းသွားဖို့အရမ်းစောလွန်း
နေသေးပေမယ့် ရိပေါ်ခပ်သုတ်သုတ်ထွက်လာခဲ့တယ်။ဒီငရဲခန်းလိုအိမ်က မြန်မြန်ထွက်လာနိုင်ဖို့ကသာသူ့အတွက်အရေးအကြီးဆုံးပဲ။အိမ်ကနေထွက်လာပြီး ဘတ်စ်ကားမှတ်တိုင်မှာ
ကားအလာကိုရပ်စောင့်နေရင်း လွယ်အိတ်ထဲက
ပေါင်မုန့်တစ်လုံးကိုထုတ်ပြီးစားလိုက်သည်။
ဒါက သူ့ရဲ့မနက်စာ။ကားပေါ်ရောက်တာနဲ့ ပြတင်းပေါက်နားကထိုင်နေကျနေရာမှာဝင်ထိုင်လိုက်ရင်း ဖုန်းကိုဖွင့်လို့နားကြပ်
တပ်ကာ သီချင်းနားထောင်နေလိုက်သည်။
စကားပြောသံကျယ်ကျယ်တွေထပ် သီချင်းသံကျယ်ကျယ်ကို ရိပေါ်ကပိုနှစ်သက်တယ်။ကျောင်းရောက်တော့ဦးတည်မိတာက စာကြည့်တိုက်ကို။စာအုပ်တွေကိုသဘောကျလွန်းလို့တော့မဟုတ်။တစ်ကျောင်းလုံးမှာအတိတ်ဆိတ်ဆုံးနေရာမို့။
စာကြည့်တိုက်ရောက်တာနဲ့ ချောင်ကျကျစားပွဲခုံ
တစ်ခုံကိုရှာပြီး မှောက်အိပ်နေလိုက်တယ်။
အေးချမ်းတဲ့နေရာတွေကိုရိပေါ်ကနှစ်သက်တယ်။
ပူလောင်ခြင်းတွေပြည့်နှက်နေတဲ့ဘဝမှာ အေးချမ်းမှု
ဆိုတာကိုယ်တိုင်ဖန်တီးယူမှသာ။