مذكرات خائنة (كامله) لــ خديجه السيد

مراهقه

الفصل الثالث.

زفرت غاده و قالت بضيق :
- جرى ايه يا سميره هو انتي كل ما حد يبعتلك رساله غراميه هتكلميني
سميره بخوف :
- اصلك مش عارفه كتب ايه 
ردت بنفاذ صبر :
- هيكون ايه يعني
سميره بخجل :
- كلام حب غرام و..
قاطعتها غاده بعدم اكثر :
- طب عادي طنشي زي اللي قبله واعملي بلوووك و ريحي نفسك سلام
و قبل أن تنطق أغلقت الخط زفرت بضيق و ذهب لتقراء الرساله مره ثانيه 

(ازيك يا نور أنتي ما تعرفنيش بس اعرفك من المنشورات اللي بتنزليها علي الفيس ، ومعجب بيكي قوي و بطريقه كلامك علي الفيسبوك ، على فكره دي تاني مره ابعت ليكي من ايميل غير بتاعي و برضه مترديش ، بس المره دي عندي أمل كبير انك تردي علي )

(كان نور الإسم المستعار الذي اخترته )
قالت بقلق :
- أنا أعمل أحسن ذي غاده ما قالت و اطنش و اعمل بلووك
و قبل أن تضغط علي الزر يأتي رساله منه ثانيه
-ياه اخيرا فتحتي ، ايه مش هتردي عليا
-.......
- طب انا اسمي سامح وبدرس في كليه طب ، وعندي 21 سنه وانتي اسمك ايه وفي سنه كام ،
-.......
- ممممم مش عايزه تردي ، أنا مش هضايقك علي فكره دي مجرد كلام يعني مش بنعمل حاجه حرام، اصل لقيت نفسي زهقان ومش لاقي حاجه اعملها ، والبوست بتاعك جاء بالصدفه انا بدور في فيسبوك ، وحسيت زي ما تكوني حاسه بيا
-.......
- طب ما تجربي تردي في مره ، لو لقيتيني بقول حاجه غلط او مش عاجباكي اعملي بلوووك ، يعني مش خسراني حاجه
-.......
- طب تمام براحتك مش هغصبك علي حاجة طالما مش عاوزه ترد عليا ، بس على العموم متاكد انك بتقرأي كلامي عشان الكلام عندي في الشات بيظهر صح عليه ،لما انتي بتقرأي هههه يعني معنى ده كلامي يهمك ههه سلام يا قمر

شهقت بصدمه و همست :
- يا نهار اسود ، ده عرف اني بقرأ الشات ، انا
غبيه صحيح ازاي مفكرتش في كده
ثم أكملت بهيام طفل مراهقه :
- بس طريقته في كلام حلوه اوي  وشكله محترم

سقطت دمعـة حــارة على وجنتهـا وهي تسرد ما حدث فمن هنا كانت البداية ؟! ولكن سُرعان ما مسحتهـــا و ابتسمت ساخره لضعفهـا و براءتها فكم كانت ساذجة حينها ، و سحبت نفسًا مُرتجفًا ثم زفرتـه على مَهَل، و اكملت سرد ما حدث.
***

في الصباح ،كانت تجلس سميره في حصه المدرسه شارد فنظرت لها غاده قائله :
- عملتي ايه صحيح في الواد اللي كان بيبعت ليكي رساله امبارح
أخفضت عيناهــا بشرود وهي تفكر و قالت بتوتر:
- هاااا عملتله بلوك طبعا
أومأت براسها بهدوء :
- تمام جدعه بعد كده اي حد يخش يغلس عليكي اعملي بلوك ليه على طول ، و ركزي بقي في الدرس
ادرات وجهها للجهة الأخري بارتباك كطفل خاف أن ينكشف أمره :
- ااه ما أنا بعد كده ، هعمل كده

في المساء كالعاده جلست تتحدث مع اصدقائها عبر الانترنت و فجاه أظلمت عيناهـــا وهي تنظر إلي شاشه الكمبيوتر  فقد وصلت رساله أخري من ذلك الشخص نفسه
- ازيك، تعرفي انك وحشتني اوي من امبارح
شهقت برعب و همست :
- ايه وحشته دي هو يعرفني
- ايه مش مصدقه، معاكي حق بس مش عارف ليه ارتحت امبارح لما اتكلمت معاكي ، هههه مع ان ما ردتيش عليا بس مش زعلان منك
ابتسمت رغم عنها فالاول مره أحد يغازلها هكذا أو يهتم بيها