اسكريبتات تقي الله على

مصطفي 👨🏻‍💼🤦🏻‍♀️💓 : 3

طلعوا كلهم برا و قبل ما مصطفي يطلع معاهم نادتله فاستأذن منهم يسبقوه و رجعلي..

= نعم يا تقي محتاجة حاجة؟
- ه.. هو.. هو كان في..
= اول مرة تتأتأي كدا في ايه انت كويسة؟
- ها؟.. اه اه كويسة الحمد لله
= الحمد لله.. طيب في ايه؟
- هو.. هو انا فكرت في الموضوع اللي انت قولتلي عليه
بعدم فهم = موضوع ايه؟
- موضوع ال.. الموضوع يا مصطفي
بص بعيد و فكر للحظة و بعدين برق و بصلي بسرعه = فكرتي!
ابتسمت - ايوه
حط ايده على قلبه = ها؟ و رأيك ايه؟ ممكن في يوم تقبليني ؟
بصيت لتحت- هو.. يعني..
ضغط بايده اكتر علي قلبه = مش موافقة يا تقي؟
بصتله بسرعة - ها.. لا لا مش كدا
= يعني موافقه؟

بصتله و سكت لحظة لقيته باصصلي و عيونه متعلقة بيا و زي ما يكون هيغرق ف ابتسمت و كملت - و انا كنت هلاقي فين حد احسن منك يا ابن عمي

و فجأة لقيته برق جداً نَفَسه عِلي ايده اترعشت و تقريبا كان هيقع لكن مسك نفسه - انت كويس ؟!
= اااه كويس.. كويس بس.. ده انا هموت من الفرحة انا مش حاسس برجليا.. بجد يا تقي انا لو كنت اتقدمتلك اصلا كنت هتوافقي
هزيت راسي ايوه بكسوف فابتسم جامد
= طيب ابوسك دلوقتي طيب و لا اعمل ايه بحلاوتك دي
شهقت بخضة - تبوس مين يا مصطفي !
= يا خبر ابيض علي الجمال يا نااس بقي القمر ده كان هيوافق عليا اصلا يا للهوي عليا و علي سنيني بقي موافقة و قابلاني يا تقي يا حلولي يا حلولي
- انت كويس يا ابن عمي؟
= كويس.. كويس و طاير من الفرحة يا روح قلب ابن عمك
- ايه؟! مصطفي مالك؟
= مصطفي قلبه هيفرقع دلوقتي و لو ممشتيش من قدامه هيخطفك في حضنه ياخدك حتة حضن تحلفي بيه و مش هيهمه حاجة
انا اتصدمت و برقت هو ماله في ايه؟! بس لقيته بيبتسم بخبث = لسه واقفه يعني.. ايه؟ اخدك في حضني ؟

ساعتها شهقت بسرعه و خدتها جري علي اوضتي اللي ليلي سبقتني ليها و انا سمعاه بيضحك من قلبه ورايا و بسرعه قفلت الباب و سندت عليه
* في ايه يا تقي؟ مالك بتجري كدا ليه؟
بصتلها بصدمة = مصطفي اتهبل يا ليلي
* ايه؟
= اه والله فضل يقولي كلام غريب كدا لما قولتله اني موافقة
ضحكت * كلام غريب ازاي؟
= مش عارفه.. روح قلبي و احضنك و مش عارفه ايه؟
* يا عيني مش عارف يتحكم في نفسه من الصدمة معلش هو هتلاقيه اتخض بس ف بيقول اي حاجة
= بس كان شكله قاصد كلامه اوي
بهمس* يمكن علشان فعلا قاصده.. بس انت حاسه بايه دلوقتي ؟
= ها.. مش عارفه؟.. حاسه قلبي بيدق بسرعه
انشكحت مش ابتسمت * طب حلو
= هو ايه اللي حلو لا طبعا مش حلو
* ليه بس ؟؟
= علشان هو بيحب واحدة تانيه يا ام الذكاء
* واحدة تانية مين؟ ها.. اه اه صح
= يارب متعلقش قلبي بحاجة مش ليا
ابتسمت * امين يارب بس المهم دلوقتي
= ايه المهم؟
* المهم ننام شوية علشان بكرة اليوم الموعود
اخدت نفس طويل و طلعته برعشة من الخوف
= يلا ننام فعلا انا تعبانه
* يلا..

و نمنا و تاني يوم صحيت علي حد مش بيخبط علي الباب ده بيطبل؟ لبست و طلعتله بسرعه قبل ما يصحي البيت كله فتحت و انا بتاوب و عيني مقفوله و مش شايفه اصلا بس لقيته مصطفي واقف ساند بكوعه علي الحيطة اللي جنب الباب و ساند خده بايده و مبتسم اوي