اسكريبتات تقي الله على

مصطفي 👨🏻‍💼🤦🏻‍♀️💓 : 2

= مش بعاكس علي فكرة علشان تفتحي و تسكتي كدا

استغربنا انا و مصطفي لكن عملي بايده اني ماردش

= لا ما انت سمعيني جمال صوتك عايز اتكلم معاكي شوية.. معاكي كامل الشامي

و زي ما تكون صعقه نزلت علينا برقنا احنا الاتنين لبعض مش مصدقيين لكن بسرعه شاورلي اني اتكلم

- ايوا يا استاذ كامل
ضحك = استاذ كامل؟! و هو انت خليتي فيها استاذ ما خلاص
- اومال عايزني اقولك ايه يعني؟
= انا لا عايز اقولك ولا تقوليلي انا هقولك كلمتين و اسمعيهم كويس
- اتفضل
= انا فضلت افكر كتير امبارح اعمل فيكي ايه ولا ايه ابعت حد يقتلك ولا البسك مصيبه تضيع مستقبلك ولا اخلص منك ازاي

بلعت ريقي و بصيت لمصطفي اللي عاقد حواجبه و متعصب - و بعدين وصلت لايه علشان مخوفتش الصراحة
ضحك - لا ماهو باين.. لكن وصلت بتفكيري ان ليه اقتل بنت جميله زيك طيب ما انا ممكن اعمل معاها صفقة حلوة
= صفقة؟!
- ايوا صفقة و هنستفيد منها احنا الاتنين
=هو والله اشك ان في حاجة ممكن تجمعنا احنا الاتنين بفايده لكن ايه هي الصفقة يعني
- انا مش هقتلك و انت الصور اللي معاكي دي مش هتطلع للنور
بتريقة = لا يا شيخ
-اه والله لا و كمان هتكتبي عني احلي مقالة تعجبني و تدخل مزاجي
= يا سلااام و ايه اللي هيخليني اكتب كدا ان شاء الله؟!
- علشان ساعتها هديكي احلي مبلغ انت هتطلبيه
= اممم لا عرض مغري الصراحه سيبني افكر في تلت ثواني كدا... مش موافقة
- بصي من الاخر علشان مش بحب اتكلم مع عيال كتير العرض مدته يومين فكري كويس لكن لو مقبلتيش بمزاجك هيبقي ليا تصرف تاني
= مش محتاجة افكر مش موافقه و مفيش حاجة ممكن تخليني اغير رأيي و اعلي ما في خيلك اركبه
ضحك جامد - هركبه حاضر.. قدامك يومين تكلميني فيهم في اللي قولته و بعدهم هتصرف انا و اه قولي للمتر اللي واقف جنبك دا لو فكر بس يبلغ يبقي يجهز نفسه تاني يوم يحضر دفنتك سلام..

و قفل و فضلنا احنا الاتنين في حالة صدمة قاطعها مصطفي و هو بيتكلم بعصبية

= الحيوان! انا لازم ابلغ البوليس!
- عايز تحضر دفنتي يا مصطفى؟!
= يا ستي لأ بعد الشر عليكي.. لكن لازم نبلغهم منغير ما يعرف
- و هنعملها ازاي دي؟
= بصي هو مبدأيا كدا طالما هو عارف اني واقف جنبك يبقي اكيد في حد بيراقبنا و شافني لسه طالع معاكي و بلغه
-مراقبنا ! طب و بعدين؟
= و بعدين هيبقي يا مستني اني انزل من هنا علي القسم يا بوكس فيه ظباط جاي علي هنا و ساعتها هيتصرف و هيعمل اللي بيقوله ده
- طيب و كده هنعمل ايه؟ هنتصرف ازاي؟
= هتصرف
- ازاي؟
= سيبيهالي انا دي بقي
- لا قولي معلش مابحبش ابقي مش فاهمه كدا
= طيب بصي انا شايف التصرف الاصح دلوقتي اني اتصل بكامل
- هتتصل بمين؟؟!
= لا لا مش اللي جيه في دماغك ده .. انا اقصد كامل تاني.. كامل صاحبي.. هو ظابط هفهمه الوضع و هو يجيلي انهارده منغير شوشرة و لوحده كدا منغير حتي لبس الشغل
- و هما مش هيبقوا عارفين مين داخل و خارج عمارتنا يعني
= لا ما هو مش هيدخل عمارتنا
- اومال ؟
= هيدخل العماره اللي جنبنا
- يا سلام استفدنا ايه كدا و بعدين ؟
= و بعدين هينط من السطوح بتاعهم للسطوح بتاعنا
- هو باتمان يا بني؟!
= يا ست اسكتي هو هيعرف يعملها هما السطوحين مش بعاد اوي يعني
- طيب انت هتكلمه امتي ؟ يعني هيجي امتي؟
= انا هكلمه دلوقتي و هقوله يجي علطول و انت ادخلي استنيني هشوف كام حاجة في شقتي و اجي علطول
- م.. ماشي.. هدخل
= ماشي يلا انا هاجيلك علطول متخافيش