الحب المحرم

Psycho3

"نخيط بالدعاء شقوق أفئدتنا
______________________________________

03:05

فبيت مضلم و فيلا غالب عليها السكات فداك الوقت المتأخر من الليل ..
كلشي ناعس مرتاح الا هو .. مغمض عينيه و عرقان كيتحرك و يضور وجهو نتيجة الحلم او الكابوس لي غارق فيه و مقادرش يفيق منو يسهولة ..
كيتمتم بكلمات بدون وعي و غير مسموعة "لا" "شك-كون نتي" "اش ..بغيتي عنندي" "اش دددرت"..

و فلحظة ناض مفزوع من النوم ديالو و من داك الحلم لي كيتعاود عليه كل ليلة و بنفس الشخص لي كيعاتب فيه و كتصرق منو الراحة ..

مراد ..الولد المفشش فالعائلة و الاكتر حرية فيهم ،ولد عم جلال و خو سندس ..اليقظة ديالو متعة و النوم ديالو عداب .
ناض من الفراش ديالو لكبير لابس شورط و شعرو فازك بالعراق هز كاس دلما شربو دغيا مخلا فيه تا قطرة و خرج بتجاه البالكو . ستجمع انفاسو بالريح الليلي لي كيضرب فوجهو و قال بصوت مكسور و متسائل .. "شكون نتي؟ "

صباح جديد

كلشي ناض ناشط كيف ديما فالعائلة الا وجه لكتئاب فحال لي كيسميهم مراد، جلال و عمو سعيد
نزل من بيتو و لقا عمو جالس فراس طبلة، نوفيسة على ليسر و جلال على ليمن كيكمي و عينيه على دخان لي كيخرج من فمو و باقي لعائلة مفرقين على طبلة، جلس فكرسي لي قدامو قبل ما يبداو لخدامات يضورو عليهم كيحطو ليهم فطباسلهم
نوفيسة :جلال حيد ذاك سم من فمك راحنا جالسين معاك زعما
قالت من بين سنانها و هو معبرهاش حيت هادي هي نفس لجملة لي كتقولها ليه كل صباح فنفس لوقيتة.

تنفس بملل من بعد ما شافها باقا كتشوف فيه و ضار عند نعيمة لي كانت كتحط لسعيد فطبسيلو و مد جيهتها يديه لي فيها لكارو، ضورات عينيها ليه بشوية و معرفش لاش بدات كترعد و صفارت فحايلا شافت شي جن و طبسيل بدا كيترعد فيديها، شاف فيها ببرود و استغراب قبل ما يطلب منها
"طفاية عفاك
قال بأكثر طريقة لبقة كيعرفليها و هي متحركاتش حتى غوتات عليها نوفيسة عاد انتابهات ليه و مدات ليه طفاية طفا فيها كاروه و هو كيبتاسم بجنب على خوفها منو قبل ما يسمع هداك صوت فراسو
استبان :" واو
بتاسم على صوت شريكو فالحياة و فلجسد بلا ما ينتابهوا ليه و ضرب بصبعو على جبهتو تلاتة دلمرات قبل ما يسكت الصوت و يكمل فطورو على راحتو.

سلا فطورو لي كان عبارة على كاس دقهوة و كارو و ناض كيقاد حوايجو، شاف فباه و حرك ليه راسو باحترام و مشا خارج حتى وقفو صوتو
سعيد :سبقني لبيرو خاس ندويو
و داكشي لي دار و طلع لبيرو باه جلس فكرسيه و حط رجليه على بيروه كيحط صبعو على لغبرة لبيضة لي فوق لبيرو و كيدوقها ، باينة باه كان خدام عليها فليل باقي كيحاول يلقا طرق جديدة فتهريب المخدرات فهاد المجوهرات الصغار
تحل لباب، دخل منو سعيد و سد لباب موراه، كيشوف فجلال، جر كرسي جلس عليه قدامو كيشوف فيه بجدية
:خاس دوز عند خليل هو لول خاس نعرفو واش باقي معانا و لا نقلبو على غيرو و الا طلب زيادة زيدو و مبغيتش لمشاكل سمعتيني؟!
قال بحدة فلخر و هز صبعو قدامو بتحدير و جلال تأفف و ناض نقز من بلاصتو كيحرك فكتافو و كيقاد فشعرو بغرور قبل ما يخرج بلا حتى كلمة
.