His Woeful Stare | Sixth of Ace: Xeidrine ✓

Stare XXXIX

"Sinong siya?" Nagtataka kong tanong.

Sike just shrugged at kita ko ang pagpatak ng mga tubig sa kaniyang mukha. Saan ba siya galing?

"Bakit ka ba basang basa?" pang-uusisa ko.

"Biglang umulan ng malakas noong papunta ako rito. Sakto, wala akong dalang payong."

"Ikaw naman magkakasakit sa ginagawa mo! Magpalit ka nga ng damit!" Singhal ko sa kaniya.

"Ayieh! Concern sa akin si Xeidrine." Sinamaan ko siya ng tingin.

Itinuro ko ang damit niyang basang basa at tumutulo. "Binabasa mo po kasi ang kama ko," aking bwelta sa kaniya.

Napangiti na lamang siya ng hilaw at napakamot ng ulo. Hindi na siya nakipagtalo pa sa akin. Kumuha si Sike ng damit sa closet ko at dumeretso sa banyo.

Mayroong damit dito si Sike dahil kapag mayroon kaming kailangang tapusing project, nag-o-overnight kaming tatlo nila Wenfree rito o di kaya sa mga bahay nila. Even Wenfree has clothes here. Para lang kaming mga estudyante na kailangan pang mag-overnight.

Ginawa na nilang second house ang bahay ko. Well, It's fine to me because they are my friends. Wala namang problema sa akin.

"Sike!" I called him.

"Oh?" Sigaw niya sa loob ng banyo.

"Ikaw ba ang nagluto ng pagkain ko?" tanong ko.

"No, baka multo. Kita mong kadarating ko lang," may halong birong tugon niya.

Hindi ko na muli siyang tinanong sapagkat mukhang wala naman siyang alam dito. At baka pilosopohin pa niya ako lalo.

Ilang sandali lang ay lumabas na si Sike suot ang white v-neck shirt and checkered shorts. Kung kanina ay mukha siyang basang sisiw, ngayon ay nagmukha na siyang manok.

Dumeretso sa kama ko at humiga sa tabi ko. Ang kapal niya talaga. Feel at home na feel at home. Akala mo bahay niya ito.

"Bakit ka ba nandito?" I asked.

"Wala kang kasama. Besides nilalagnat ka oh," tugon niya sabay hawak ulit sa leeg ko na mayroon na namang kasamang pagkiliti.

"Sino ba kasi nagsabing may lagnat ako?"

"Secret."

Tumayo si Sike sa pagkakahiga at tumingin sa akin ng deretso. Nagtama ang aming mga mata at nakaramdam kaagad ako ng kuryente mula rito. Kaya naman ay agad akong nag-iwas ng tingin.

"Gusto mo bang punasan kita ng maligamgam na tubig?"

Umiling ako sa kaniya. Ganito ako kapag nilalagnat. Ayokong nababasa kahit na sabi nila na mas mabuting punasan ng maligamgam na tubig ang taong nilalagnat.

Para akong pusa na takot sa tubig kapag mayroon akong trangkaso o sakit. Binigyan na lang niya ako ng gamot at binuksan ni Sike ang TV at naghanap ng mapapanuod. Akala mo talaga bahay niya ito noh.

"Anong ginagawa mo? Nakakahilo ka! Palipat lipat ka ng channel." reklamo ko sa kaniya.

"Manunuod," he answered sarcastically.

Humiga siya sa tabi ko at para bang higaan niya rin ito. Kapal talaga. Ang sarap niyang kaladkarin palabas. Kahit na sila ang may ari ng company na pinagtatrabahuhan ko!

"Wala ka bang TV sa inyo?"

"Anong gusto mo, iwan kita rito na mag-isa? May sakit ka oh," wika niya habang nakatuon ang kaniyang atensyon sa TV.

Ngumuso ako. "Ang OA mo. Kaya ko naman ang sarili ko."

"Manahimik ka na lang diyan o hahalikan kita."