ﻋﻤﺮ ﺟﻮﺝ ﻛﻴﺴﺎﻥ ﻭ ﺗﻢ ﺟﺎﻱ ﻋﻨﺪ ﺭﺋﺒﺎﻝ ... ﻭﻗﻒ ﻣﻘﺎﺑﻞ ﻣﻌﺎﻩ ﻭ ﻣﺪ ﻟﻴﻪ ﻛﺎﺱ ... ﺑﻘﺎ ﻛﻴﺸﻮﻑ ﻓﻴﻪ ﺭﺋﺒﺎﻝ ﻭ ﻣﺨﺪﺍﻫﺶ ﻣﻦ ﻋﻨﺪﻭ ... ﺷﺮﺑﻮ ﺧﻠﻴﻞ ﺩﻗﺔ ﻭﺣﺪﺓ ﻭ ﻻﺣﻮ ﻭﺭﺍﻩ ...
ﺧﻠﻴﻞ : ﻟﻜﻦ ﺍﻟﻮﺍﻟﻴﺪ ﻋﻼﺵ ﻛﺘﺠﺒﺪﻭ ﻓﻬﺎﺩﺷﻲ ... ﻭ ﻻ ﻣﺤﺮﻭﻕ ﺣﻴﻨﺖ ﺗﺨﻠﻰ ﻋﻠﻴﻚ ﺣﺘﻰ ﻭﻟﻴﺘﻲ ﺳﺎﻳﻜﻮ
ﺭﺋﺒﺎﻝ : " ﺑﺴﺨﺮﻳﺔ " ﻧﺘﺎ ﺍﻟﻲ ﺭﺑﺎﻙ ﺭﺍﻙ ﻃﻠﻌﺘﻲ ﻃﺒﻴﻌﻲ ... ﻭ ﻻ ﻫﺎﺩﻱ ﻏﺎ ﺗﺮﺑﻴﺔ ﻣﻚ
ﺧﻠﻴﻞ ﻛﺎﻥ ﺑﺎﻏﻲ ﻳﺴﺘﺎﻓﺰ ﺭﺋﺒﺎﻝ ﻓﺎﻷﻭﻝ ... ﺻﺪﻕ ﺭﺋﺒﺎﻝ ﺍﻟﻲ ﻇﻐﻂ ﻟﻴﻪ ﻋﻠﻰ ﺍﻟﻮﺛﺮ ﺍﻟﺤﺴﺎﺱ ... ﻛﻴﻒ ﺳﻤﻊ ﺳﻴﺮﺓ ﻣﻮ ﻭ ﻫﻮ ﻳﻔﻘﺪ ﺃﻋﺼﺎﺑﻮ ... ﺯﻳﺮ ﺑﻴﺪﻭ ﻋﻠﻰ ﺍﻟﻜﺎﺱ ﺍﻟﻲ ﻫﺎﺯ ... ﻭ ﻓﻠﺤﻈﺔ ﻣﻔﺎﺟﺄﺓ ﺿﺮﺏ ﺑﻴﻪ ﺭﺋﺒﺎﻝ ﺟﻨﺐ ﺭﺍﺳﻮ ﺣﺘﻰ ﺗﻬﺮﺱ ... ﻭ ﻓﻬﺎﺩ ﺍﻟﻠﺤﻈﺔ ﺗﺤﺮﻙ ﺭﺋﺒﺎﻝ ... ﺟﻤﻊ ﻗﺒﻀﺔ ﻳﺪﻭ ﻭ ﻋﻄﺎ ﻟﺨﻠﻴﻞ ﻟﻔﻜﻮ ﺣﺘﻰ ﺭﺟﻊ ﺑﺎﻟﻠﻮﺭ ...
ﻧﻄﺮ ﺭﺋﺒﺎﻝ ﻃﺮﻑ ﺍﻟﺰﺍﺟﺔ ﺍﻟﻲ ﺑﻘﺎ ﻟﻴﻪ ﻓﺠﻨﺐ ﺟﺒﻬﺘﻮ ... ﻭ ﺑﺪﺍ ﻛﻴﻌﻄﻲ ﻟﺨﻠﻴﻞ ﻓﺎﻟﻠﻜﻤﺎﺕ ... ﻟﻜﻦ ﺧﻠﻴﻞ ﻣﻜﺎﻧﺶ ﻣﻦ ﺍﻟﻌﺎﮔﺰﻳﻦ ... ﺣﺘﻰ ﻫﻮ ﻛﻴﻘﺎﻭﻡ ﻭ ﻳﻮﺟﻪ ﻟﻴﻪ ﻟﻜﻤﺎﺕ ... ﺑﺠﻮﺝ ﻛﻴﺘﻘﺎﺗﻠﻮ ﻛﺄﻧﻬﻢ ﻓﺤﻠﺒﺔ ﺍﻟﻤﺼﺎﺭﻋﺔ ... ﻃﺎﺡ ﺧﻠﻴﻞ ﻓﻠﺮﺽ ﻭ ﻧﺰﻝ ﻋﻠﻴﻪ ﺭﺋﺒﺎﻝ ﻛﻴﻀﺮﺏ ﻭ ﻳﻌﺎﻭﺩ ... ﺷﺎﻓﻮ ﺑﺪﺍ ﻛﻴﺴﺪ ﻭ ﻳﺤﻞ ﻓﻌﻨﻴﻪ ﻭ ﻫﻮ ﻳﺘﻮﻗﻒ ...
ﺧﻠﻴﻞ : " ﺩﻓﻞ ﺍﻟﺪﻡ ﻣﻦ ﻓﻤﻮ " ﻋﻼﺵ ﻭﻗﻔﺘﻲ ﻫﻬﻬﻪ
ﺭﺋﺒﺎﻝ : " ﻫﺎﺯ ﻗﺒﻀﺔ ﻳﺪﻭ " ﻫﺎﺩ ﺍﻟﻤﻘﺎﺗﻠﺔ ﺩﻳﺎﻝ ﺍﻟﺮﺟﺎﻝ ... ﻭ ﻧﺘﺎ ﺑﺰﺍﻑ ﻋﻠﻴﻚ ﺍﻟﺮﺟﻠﺔ ... ﻭ ﺟﺎﺕ ﻣﺎﻣﺴﺎﻟﻴﺶ ﻟﻴﻚ ... ﻟﻤﺮﺓ ﺍﻟﺠﺎﻳﺔ ﻣﻨﻴﻦ ﻧﺘﻠﻘﺎﻭ ﻏﺘﺸﻮﻑ ﺍﻟﺠﺤﻴﻢ ﺑﻌﻨﻴﻚ ﻣﺤﻠﻮﻟﻴﻦ
ﺑﻐﺎ ﺭﺋﺒﺎﻝ ﻳﻨﻮﺽ ﻋﻠﻴﻪ ﻭ ﻫﻮ ﻳﺴﻤﻊ ﺷﻨﻮ ﻗﺎﻝ ...
ﺧﻠﻴﻞ : " ﻛﻴﻀﺤﻚ " ﺗﺴﺘﺎﺣﻖ ﻫﺎﺩﺷﻲ ﺍﻟﻲ ﺧﺪﻳﺖ ﻋﻠﻴﻬﺎ ... ﻋﺮﻓﺘﻲ ﺭﻳﺤﺘﻬﺎ ﺑﺎﻗﺔ ﻓﻨﻴﻔﻲ ... ﻟﺪﺍﺑﺔ ﻛﻨﺸﻤﻬﺎ
ﺯﻳﺮ ﺭﺋﺒﺎﻝ ﻋﻠﻰ ﺳﻨﺎﻧﻮ ... ﺑﺎﻥ ﻟﻴﻪ ﺍﻟﻤﻮﺱ ﻓﻠﺮﺽ ﻫﺰﻭ ﻭ ﻳﺎﻻﻩ ﺑﻐﺎ ﻳﻨﺰﻝ ﻋﻠﻴﻪ ﺳﻤﻌﻬﺎ ﻏﻮﺗﺎﺕ ... ﺿﻮﺭ ﻭﺟﻬﻮ ﻭ ﻫﻲ ﺗﺒﺎﻥ ﻟﻴﻪ ﺟﻮﻻﻥ ﻭﺍﻗﻔﺔ ﻋﻨﺪ ﻟﺒﺎﺏ ... ﺩﺍﺭﺕ ﻟﻴﻪ ﺑﺮﺍﺳﻬﺎ ﻻ ﻣﻀﺮﺑﻮﺵ ... ﺑﻘﺎ ﻛﻴﺸﻮﻑ ﻓﻴﻬﺎ ﻭ ﺭﺟﻊ ﺗﻠﻔﺖ ﻋﻨﺪ ﺧﻠﻴﻞ ... ﺍﻟﻲ ﺭﺍﺳﻢ ﺍﺑﺘﺴﺎﻣﺔ ﻭ ﻓﻤﻮ ﻋﺎﺍﺍﻣﺮ ﺩﻡ ... ﺭﺋﺒﺎﻝ ﺩﺍﺭ ﻓﻴﻪ ﺷﻲ ﺷﻮﻓﺎﺕ ﻗﺒﻞ ﻣﺎ ﻳﻨﺰﻝ ﻋﻠﻴﻪ ﻟﻔﺨﻀﻮ ...
ﻏﺰﺱ ﻟﻴﻪ ﺍﻟﻤﻮﺱ ﺣﺘﻰ ﻏﻮﺕ ﺧﻠﻴﻞ ... ﺭﺟﻊ ﻧﻄﺮﻭ ﺭﺋﺒﺎﻝ ﺑﻄﺮﻳﻘﺔ ﺧﻼﺕ ﺍﻟﻀﺮﺭ ﺃﻛﺒﺮ ﻣﻦ ﺍﻟﻄﻌﻨﺔ ... ﻧﺎﺽ ﻋﻠﻴﻪ ﻭ ﺭﺟﻊ ﻟﻴﻪ ﺍﻹﺑﺘﺴﺎﻣﺔ ...
ﺭﺋﺒﺎﻝ : ﻫﺎﺩﻱ ﺳﻮﭬﻮﻧﻴﺮ ... ﻻ ﺑﺎﻏﻲ ﺗﻌﻴﺶ ﺭﺟﻊ ﻣﻨﻴﻦ ﺟﻴﺘﻲ ... ﺣﻴﻨﺖ ﻧﻬﺎﺭ ﻧﺘﻠﻘﺎﻭ ﻣﻦ ﺟﺪﻳﺪ ... ﻭﺍﺣﺪ ﻓﻴﻨﺎ ﺍﻟﻲ ﻏﻴﺒﻘﺎ ﻋﺎﻳﺶ
ﻻﺡ ﻟﻴﻪ ﺍﻟﻤﻮﺱ ﺣﺪﺍﻩ ﻭ ﺗﻢ ﺧﺎﺭﺝ ... ﻛﻴﻒ ﻭﺻﻞ ﻋﻨﺪ ﺟﻮﻻﻥ ﺑﺎﻧﺖ ﻟﻴﻪ ﻣﺨﺮﺟﺔ ﻋﻨﻴﻬﺎ ... ﺷﺎﻓﻬﺎ ﻛﻠﻬﺎ ﻛﺘﺮﻋﺪ ﻭ ﻋﻨﻴﻬﺎ ﻣﻐﺮﻏﺮﻳﻦ ﻭ ﻣﺎﻟﻴﻬﻢ ﺍﻟﺨﻮﻑ ... ﺑﻐﺎ ﻳﺸﺪ ﻓﻴﻬﺎ ﻭ ﻫﻲ ﺗﺒﻌﺪ ﺧﻄﻮﺓ ﺍﻟﻠﻮﺭ ... ﺣﺴﺎﺕ ﺑﺮﻛﺎﺑﻴﻬﺎ ﻏﻴﺨﻮﻳﻮ ﺑﻴﻬﺎ ﻟﻮ ﻣﺸﺪﺍﺗﺶ ﻓﺎﻟﺤﻴﻂ ... ﺑﺎﻧﺖ ﻟﻴﻪ ﻫﻜﺎﻙ ﻭ ﻫﻮ ﻳﻘﺮﺏ ﻭ ﻫﺰﻫﺎ ﺑﻴﻦ ﻳﺪﻳﻪ ... ﻫﺒﻂ ﻣﻊ ﺍﻟﺪﺭﻭﺝ ﻭ ﺧﺮﺝ ﻣﻦ ﺍﻟﭭﻴﻼ ... ﺣﻞ ﺑﺎﺏ ﺍﻟﻠﻮﻃﻮ ﻭ ﺣﻄﻬﺎ ﺩﺍﺭ ﻟﻴﻬﺎ ﺍﻟﺤﺰﺍﻡ ﻭ ﻫﻲ ﻏﻴﺮ ﺻﺎﻗﻠﺔ ... ﺿﺎﺭ ﺭﻛﺐ ﻭ ﺧﺮﺝ ﻣﻦ ﺗﻤﺎﻙ ﻣﻜﺴﻴﺮﻱ ...
ﺑﻌﺪ ﻣﺪﺓ ﻛﺎﻥ ﻗﺪﺍﻡ ﺍﻟﭭﻴﻼ ... ﺣﻞ ﻟﻴﻪ ﺍﻟﻌﺴﺎﺱ ﻭ ﺩﺧﻞ ... ﻫﺒﻂ ﻭ ﺩﺍﺭ ﺣﻞ ﻟﻴﻬﺎ ﻟﺒﺎﺏ ... ﺗﺤﺪﺭ ﺧﺸﺎ ﻳﺪﻳﻪ ﺗﺤﺖ ﺭﺟﻠﻴﻬﺎ ﻭ ﻣﻦ ﻭﺭﺍ ﻇﻬﺮﻫﺎ ... ﻫﺰﻫﺎ ﻭ ﺗﻢ ﺩﺍﺧﻞ ﺑﻴﻬﺎ ﻟﭭﻴﻼ ...
ﻛﺎﻧﺖ ﻻﺣﺒﻴﺒﺔ ﻭ ﺳﻨﻤﺎﺭ ﻭ ﺇﻟﻴﺎﺱ ﺟﺎﻟﺴﻴﻦ ﻓﺎﻟﺼﺎﻟﺔ ... ﺣﺘﻰ ﺑﺎﻥ ﻟﻴﻬﻢ ﺭﺋﺒﺎﻝ ﺩﺍﺧﻞ ﻭ ﻫﺎﺯ ﺑﻴﻦ ﻳﺪﻳﻪ ﺟﻮﻻﻥ ... ﻭﻗﻔﻮ ﻛﺎﻣﻠﻴﻦ ﻛﻴﺸﻮﻓﻮ ﻓﻴﻪ ﻣﺘﺎﺟﻪ ﻟﻠﺪﺭﻭﺝ ... ﺿﺎﺭﺕ ﺣﺒﻴﺒﺔ ﻋﻨﺪ ﺍﻟﺪﺭﺍﺭﻱ ﻭ ﺳﻮﻻﺕ ...
ﺣﺒﻴﺒﺔ : ﺷﻨﻮ ﻭﺍﻗﻊ ... ﺷﻜﻮﻥ ﺩﻳﻚ ﺍﻟﻲ ﻫﺎﺯ ﺭﺋﺒﺎﻝ ؟
ﺇﻟﻴﺎﺱ : ﻭﺍﻗﻠﺔ ﺟﻮﻻﻥ ... ﻧﻄﻠﻊ ﻧﺸﻮﻑ ﻓﻴﻦ ﻟﻘﺎﻫﺎ
ﺳﻨﻤﺎﺭ : " ﺷﺪﻭ " ﻓﻴﻦ ﻏﺎﺩﻱ ... ﺧﻠﻴﻪ ﺣﺘﻰ ﻳﻬﺒﻂ ﻭ ﻳﺸﺮﺡ ﻟﻴﻨﺎ
ﺣﺒﻴﺒﺔ : ﺷﻜﻮﻥ ﺟﻮﻻﻥ ؟؟
ﺇﻟﻴﺎﺱ : ﻋﺮﻭﺳﺔ ﻭﻟﺪﻙ ﻫﻬﻬﻪ
ﺳﻨﻤﺎﺭ : " ﺧﻨﺰﺭ ﻓﻴﻪ " ﻭﻗﺖ ﺍﻟﻀﺤﻚ ﺩﺍﺑﺔ
ﺇﻟﻴﺎﺱ : ﺳﻤﻮﺣﺎﺕ ... ﻧﺴﻴﺖ ﺭﺍﺳﻲ ﺛﺎﻧﻲ ... ﻧﻤﺸﻲ ﻧﻌﻠﻢ ... ﻟﻤﻬﻢ
ﺧﺮﺝ ﺇﻟﻴﺎﺱ ﻟﻠﺠﺮﺩﺓ ﻭ ﺟﺒﺪ ﻟﻔﻮﻥ ... ﺍﺗﺎﺻﻞ ﺑﺰﻳﻨﺐ ﺍﻟﻲ ﺟﺎﻭﺑﺎﺕ ﻓﺎﻟﺤﻴﻦ ...
ﺯﻳﻨﺐ : ﺃﻭﻟﻮﻭﻭ ... ﺷﻲ ﺧﺒﺎﺭ ﻋﻠﻰ ﺟﻮﻻﻥ ؟
ﺇﻟﻴﺎﺱ : ﻣﺰﺍﻝ ﻣﺎﻧﻌﺴﺘﻲ ؟
ﺯﻳﻨﺐ : ﻭ ﻫﻀﺮﺭﺭ ... ﻭﺍﺵ ﺳﻤﻌﺘﻮ ﻋﻠﻴﻬﺎ ﺷﻲ ﺣﺎﺟﺔ
ﺇﻟﻴﺎﺱ : ﻟﻘﺎﻫﺎ ﺩﺍﻙ ﺳﻴﺤﺖ ﺍﻟﻠﻴﻞ ﻭ ﺟﺎﺑﻬﺎ ﻟﭭﻴﻼ ... ﻗﻠﺖ ﻟﻴﻚ ﻏﻴﻠﻘﺎﻫﺎ
ﺯﻳﻨﺐ : ﻋﻄﻴﻨﻲ ﺍﻟﻌﻨﻮﺍﻥ ﻧﺠﻲ ﺩﺍﺑﺔ
ﺇﻟﻴﺎﺱ : ﻣﺮﻳﻀﺔ ﻓﻤﺨﻚ ... ﻏﺎﺩﻱ ﺗﺠﻲ ﻟﻬﺎﺩ ﻟﺨﻼ ﺑﻮﺣﺪﻙ ﻭ ﻓﻬﺎﺩ ﺍﻟﻮﻗﻴﺘﺔ !!
ﺯﻳﻨﺐ : ﻭ ﺑﻐﻴﺖ ﻧﺸﻮﻑ ﺟﻮﻻﻥ ... ﻣﺎﻧﻘﺪﺭﺵ ﻧﻌﺲ ﻟﻤﺎ ﻃﻤﺄﻧﻴﺖ ﻋﻠﻴﻬﺎ
ﺇﻟﻴﺎﺱ : ﺧﻠﻲ ﺣﺘﺎﻝ ﻟﻐﺪﺍ ﻭ ﻧﺠﻲ ﻧﺠﻴﺒﻚ
ﺯﻳﻨﺐ : ﻭﺍﺵ ﻫﻲ ﺑﺨﻴﺮ ؟
ﺇﻟﻴﺎﺱ : ﻣﺰﺍﻝ ﻣﺎﺷﻔﺘﻬﺎ ... ﻣﻲ ﻣﺘﺨﺎﻓﻴﺶ ﺭﺍﻫﺎ ﻓﺄﻳﺪﻱ ﺃﻣﻴﻨﺔ ... ﺩﺍﺑﺔ ﻏﻴﺮ ﻧﻌﺴﻲ ﻏﺪﺍ ﻧﺠﻲ ﻧﺪﻳﻚ ﻋﻨﺪﻫﺎ
ﺯﻳﻨﺐ : ﻭﺍﺧﺔ
ﺇﻟﻴﺎﺱ : ﺗﺼﺒﺤﻲ ﻋﻠﻰ ﺧﻴﺮ
ﺯﻳﻨﺐ : ﺗﺼﺒﺢ ﻋﻠﻰ ﺧﻴﺮ
ﻗﻄﻌﺎﺕ ﻣﻌﺎﻩ ﺯﻳﻨﺐ ﻭ ﺗﻨﻬﺪﺍﺕ ... ﻫﺰﺍﺕ ﺍﻟﻔﻮﻥ ﺑﻐﺎﺕ ﺍﺗﺎﺻﻞ ﺑﺤﻔﻴﻀﺔ ﻭ ﻫﻲ ﺗﺮﺍﺟﻊ ... ﺷﻨﻮ ﻏﺘﻘﻮﻝ ﻟﻴﻬﺎ ﺑﻠﻲ ﻛﺎﻳﻨﺔ ﻓﺪﺍﺭ ﺍﻟﻤﺪﻳﺮ ... ﻓﻀﻼﺕ ﺣﺘﻰ ﺗﺸﻮﻑ ﺟﻮﻻﻥ ﻭ ﺗﻄﻤﺄﻥ ﻋﻠﻴﻬﺎ ﻋﺎﺩ ﺗﻌﻠﻤﻬﻢ ... ﺗﺨﺸﺎﺕ ﻓﺒﻼﺻﺘﻬﺎ ﻭ ﻋﺎﺩ ﻗﺪﺭﺍﺕ ﺗﻨﻌﺲ ... ﻣﻨﻴﻦ ﻋﺮﻓﺎﺕ ﺻﺎﺣﺒﺘﻬﺎ ﻣﻊ ﺍﻟﺸﺨﺺ ﺍﻟﻲ ﻋﺎﻭﻧﻬﺎ ﺷﺤﺎﻝ ﻣﻦ ﻣﺮﺓ ..
ﺣﻞ ﺑﺎﺏ ﺍﻟﺒﻴﺖ ﺍﻟﻲ ﻣﻘﺎﺑﻞ ﻣﻊ ﺑﻴﺘﻮ ... ﺩﺧﻞ ﻭ ﺣﻄﻬﺎ ﻓﻮﻕ ﺍﻟﻨﺎﻣﻮﺳﻴﺔ ... ﺑﻌﺪ ﻭ ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﻬﺎ ... ﻛﺎﻧﺖ ﻣﺨﺸﻴﺔ ﻓﺎﻟﺠﺎﻛﻴﻂ ﻭ ﺍﻟﻘﺐ ﻋﻠﻰ ﺭﺍﺳﻬﺎ ... ﺣﺎﻟﺔ ﻋﻨﻴﻬﺎ ﻭ ﻛﺘﺸﻮﻑ ﻓﻴﻪ ﺑﺪﻭﺭﻫﺎ ... ﭼﻠﺲ ﺟﻨﺒﻬﺎ ﻭ ﺩﺍﺭ ﻳﺪﻭ ﻋﻠﻰ ﺍﻟﺴﻨﺴﻠﺔ ﺑﻐﺎ ﻳﺤﻠﻬﺎ ... ﺣﻴﺪﺍﺕ ﻟﻴﻪ ﻳﺪﻳﻪ ﻭ ﺷﺪﺍﺕ ﻓﺎﻟﺠﺎﻛﻴﻂ ﻣﻦ ﺟﻬﺔ ﺻﺪﺭﻫﺎ ﻣﺰﻳﺮﺓ ﻋﻠﻴﻬﺎ ...
ﺑﻘﺎ ﻛﻴﺸﻮﻑ ﻓﺂﺛﺎﺭ ﺍﻟﺼﻤﻄﺔ ﺍﻟﻲ ﻓﻤﻌﺼﻤﻬﺎ ... ﻫﺰ ﻋﻨﻴﻪ ﻟﻮﺟﻬﺎ ﺍﻟﻲ ﻋﺎﻣﺮ ﻛﺪﻣﺎﺕ ﻭ ﺍﻟﺠﺮﺣﺔ ﺍﻟﻲ ﻓﺠﺒﻬﺘﻬﺎ ... ﺷﺎﻑ ﻓﻌﻨﻴﻬﺎ ﻣﺒﺎﺷﺮﺓ ﺍﻟﻲ ﻣﺰﺍﻝ ﻓﻴﻬﻢ ﻧﻀﺮﺓ ﺍﻟﺨﻮﻑ ... ﻭﻗﻒ ﻭ ﺧﺮﺝ ﻣﻦ ﺍﻟﻐﺮﻓﺔ ... ﻋﻴﻂ ﻋﻠﻰ ﺍﻟﺨﺪﺍﻣﺔ ﻭ ﻭﺻﺎﻫﺎ ﻋﻠﻴﻬﺎ ... ﻋﺮﻓﺎﺕ ﻣﻦ ﻧﺒﺮﺗﻮ ﺃﻧﻬﺎ ﺷﺨﺺ ﻣﻬﻢ ﻭ ﺧﺎﺹ ﺗﻨﻔﺪ ﻛﻞ ﻛﻠﻤﺔ ﻗﺎﻝ ... ﺩﺧﻼﺕ ﺍﻟﺨﺪﺍﻣﺔ ﻭ ﻗﺮﺑﺎﺕ ﻋﻨﺪﻫﺎ ...
ﺍﻟﺨﺪﺍﻣﺔ : ﺍﻟﺴﻼﻡ ﺃﻧﺎ ﻧﻮﺍﻝ ... ﺷﻨﻮ ﺳﻤﻴﺘﻚ ؟
ﺟﻮﻻﻥ : " ﺍﻟﺼﻤﺖ "
ﻧﻮﺍﻝ : ﺑﺎﻳﻨﺔ ﻣﻦ ﺣﺎﻟﺘﻚ ﺑﻠﻲ ﺩﺍﺯﺕ ﻋﻠﻴﻚ ... ﻟﻜﻦ ﻧﺘﻲ ﺩﺍﺑﺔ ﻓﺄﻣﺎﻥ ... ﺳﻲ ﺭﺋﺒﺎﻝ ﻃﻠﺐ ﻣﻨﻲ ﻧﻌﺎﻭﻧﻚ ... ﻭ ﻻ ﻣﺪﺭﺗﺶ ﺧﺪﻣﺘﻲ ﻏﺎﺩﻱ ﻳﺠﺮﻱ ﻋﻠﻴﺎ
ﺟﻮﻻﻥ : " ﺷﺎﻓﺖ ﻓﻴﻬﺎ " ﺏ ﺑﻐﻴﺖ ﻧﺸﺮﺏ
ﻧﻮﺍﻝ : " ﺍﺑﺘﺎﺳﻤﺎﺕ " ﻫﻲ ﺍﻟﻠﻮﻟﺔ
ﻧﺎﺿﺖ ﻧﻮﺍﻝ ﺧﻮﺍﺕ ﻟﻴﻬﺎ ﻛﺎﺱ ﺩﻳﺎﻝ ﻟﻤﺎ ... ﻋﻄﺎﺗﻬﺎ ﺗﺸﺮﺏ ﻭ ﺣﻄﺎﺕ ﻳﺪﻫﺎ ﻋﻠﻰ ﻳﺪ ﺟﻮﻻﻥ ...
ﻧﻮﺍﻝ : ﺧﺎﺻﻚ ﺗﻐﺴﻠﻲ ﺣﺎﻟﺘﻚ ﻭ ﺗﺒﺪﻟﻲ ﻫﺎﺩﺷﻲ ... ﻳﺎﻻﻩ ﻣﻌﻴﺎ ﺃﻧﺎ ﻧﻮﺟﺪ ﻟﻴﻚ ﺍﻟﺪﻭﺵ ﻭ ﻏﺴﻠﻲ
ﻣﺪﺍﺕ ﻟﻴﻬﺎ ﻳﺪﻫﺎ ... ﺷﺪﺍﺕ ﻓﻴﻬﺎ ﺟﻮﻻﻥ ﻭ ﺗﻮﺟﻬﻮ ﻟﻠﺤﻤﺎﻡ ... ﻃﻠﻘﺎﺕ ﻟﻴﻬﺎ ﺍﻟﺨﺪﺍﻣﺔ ﺍﻟﺮﺷﺎﺷﺔ ﻭ ﻗﺎﺩﺍﺕ ﻟﻴﻬﺎ ﺩﺭﺟﺔ ﺍﻟﻤﺎﺀ ... ﺣﻄﺎﺕ ﻟﻴﻬﺎ ﻟﻲ ﺑﺮﻭﺩﻭﻱ ﻭ ﺿﺎﺭﺕ ﻋﻨﺪﻫﺎ ...
ﻧﻮﺍﻝ : ﻫﺎﻧﺘﻲ ﻛﻠﺸﻲ ﺣﺪﺍﻙ ... ﺩﻭﺷﻲ ﻭ ﻫﺎ ﺍﻟﺒﻴﻨﻮﺍﺭ ﻣﻌﻠﻖ ﻫﻨﺎ ... ﻣﻨﻴﻦ ﺗﺴﺎﻟﻲ ﻏﺘﻠﻘﺎﻳﻨﻲ ﻓﺎﻟﺨﺎﺭﺝ
ﺧﺮﺟﺎﺕ ﻭ ﺧﻼﺕ ﺟﻮﻻﻥ ... ﺍﻟﻲ ﺑﻘﺎﺕ ﻭﺍﻗﻔﺔ ﺷﺤﺎﻝ ﻛﺘﺸﻮﻑ ﻓﺎﻟﺮﺷﺎﺷﺔ ﻣﻄﻠﻮﻗﺔ ﻭ ﺍﻟﺒﺨﺎﺭ ﻃﺎﻟﻊ ... ﺗﺬﻛﺮﺍﺕ ﺍﻟﻠﻘﻄﺔ ﺍﻟﻲ ﺧﺸﺎ ﻓﻴﻬﺎ ﺧﻠﻴﻞ ﻭﺟﻬﻮ ﻓﻌﻨﻘﻬﺎ ﻭ ﻫﻤﺎ ﻳﻨﺰﻟﻮ ﺩﻣﻮﻋﻬﺎ ... ﺑﺪﺍﺕ ﻛﺘﺤﻞ ﺍﻟﺴﻨﺴﻠﺔ ﺑﻴﺪﻳﻬﺎ ﺍﻟﻲ ﻛﻴﺮﺟﻔﻮ ... ﺣﻴﺪﺍﺕ ﺍﻟﺠﺎﻛﻴﻂ ﻭ ﺗﺒﻌﺎﺗﻬﺎ ﺍﻟﺤﻮﺍﻳﺞ ﺍﻟﻲ ﻻﺑﺴﺔ ... ﺩﺧﻼﺕ ﺗﺤﺖ ﻟﻤﺎ ﻭ ﻃﻠﻘﺎﺕ ﺍﻟﻌﻨﺎﻥ ﻟﺸﻬﻘﺎﺗﻬﺎ ... ﺷﻌﺮﻫﺎ ﻫﺎﺑﻂ ﻋﻠﻰ ﺻﺪﺭﻫﺎ ﻭ ﺩﻣﻮﻋﻬﺎ ﻏﺎﺩﻳﻴﻦ ﻣﻊ ﺍﻟﻤﺎﺀ ...
ﺻﻮﺕ ﺑﻜﺎﺀﻫﺎ ﺑﺎﻟﻜﺎﺩ ﻛﻴﺘﺴﻤﻊ ﻟﻠﺨﺎﺭﺝ ﺑﺴﺒﺐ ﺍﻟﻤﺎ ﺍﻟﻲ ﻣﻄﻠﻮﻕ ... ﺑﺪﺍﺕ ﻛﺘﻔﺮﻙ ﻓﻌﻨﻘﻬﺎ ﻭ ﺗﻌﺎﻭﺩ ﺣﺘﻰ ﺭﺟﻌﺎﺗﻮ ﺣﻤﺮﺭﺭ ... ﺑﻜﺎﺕ ﺣﺘﻰ ﻗﺮﺑﺎﺕ ﺗﺴﺨﻒ ... ﻣﻨﻴﻦ ﺗﻌﻄﻼﺕ ﺑﺪﺍﺕ ﻛﺪﻕ ﻋﻠﻴﻬﺎ ﺍﻟﺨﺪﺍﻣﺔ ... ﺳﻤﻌﺎﺗﻬﺎ ﻛﺘﻌﻴﻂ ﻭ ﻫﻲ ﺗﻬﺰ ﺍﻟﺒﻴﻨﻮﺍﺭ ﻻﺣﺘﻮ ﻋﻠﻴﻬﺎ ... ﺧﺸﺎﺕ ﺭﺟﻠﻴﻬﺎ ﻓﺎﻟﭙﺎﻟﻄﻮﻓﺔ ﺍﻟﻲ ﺧﻼﺕ ﻟﻴﻬﺎ ﻭ ﺧﺮﺟﺎﺕ ...
ﻧﻮﺍﻝ : ﺁﺟﻲ ﻣﻌﻴﺎ " ﺩﺧﻼﺗﻬﺎ ﻟﻠﺪﺭﻳﺴﻴﻨﻎ " ﻫﺎﺩﻭ ﻋﺎﺩ ﺟﺎﺑﻬﻢ ﺍﻟﺸﻴﻔﻮﺭ ﻟﺒﺴﻴﻬﻢ ... ﺍﻧﺎ ﻏﻨﻬﺒﻂ ﻧﺠﻴﺐ ﻟﻴﻚ ﻣﺘﺎﻛﻠﻲ ﻭ ﻧﺮﺟﻊ
ﺟﻮﻻﻥ : " ﺷﺪﺍﺕ ﻓﻴﻬﺎ " ﺑﻐﻴﺖ ﻧﻌﻴﻂ ﻋﻠﻰ ﻣﺎﻣﺎ ﻏﺘﻜﻮﻥ ﻣﺸﻮﺷﺔ ﻋﻠﻴﺎ
ﻧﻮﺍﻝ : ﺃﻭﻛﻲ
ﺧﺮﺟﺎﺕ ﻭ ﺧﻼﺗﻬﺎ ﺗﻠﺒﺲ ... ﻭﻗﻔﺎﺕ ﻧﻮﺍﻝ ﻗﺪﺍﻡ ﺑﻴﺖ ﺭﺋﺒﺎﻝ ... ﻳﺎﻻﻩ ﺑﻐﺎﺕ ﺗﺪﻕ ﻭ ﻫﻮ ﻳﺘﺤﻞ ﻟﺒﺎﺏ ... ﺧﺮﺝ ﺭﺋﺒﺎﻝ ﻣﺒﺪﻝ ﻻﺑﺲ ﺗﺮﻳﻜﻮ ﮔﺮﻱ ﻣﻊ ﺳﺮﻭﺍﻝ ﻛﺤﻞ ... ﺷﻌﺮﻭ ﺑﺎﻗﻲ ﻓﺎﺯﮒ ﺷﻮﻳﺔ ﻭ ﺩﺍﻳﺮ ﻓﺎﺻﻤﺔ ﻟﺠﺒﻬﺘﻮ ﻓﻮﻕ ﻋﻴﻨﻴﻪ ...
ﺭﺋﺒﺎﻝ : ﺁﺵ ﻭﺍﻗﻊ ؟
ﻧﻮﺍﻝ : ﺑﻐﺎﺕ ﺗﻌﻴﻂ ﻟﻤﻬﺎ ﻓﺎﻟﺘﻴﻠﻴﻔﻮﻥ
ﺭﺋﺒﺎﻝ : ﻫﺒﻄﻲ ﺟﻴﺒﻲ ﻟﻴﻬﺎ ﻣﺘﺎﻛﻞ
ﻧﻮﺍﻝ : ﻭﺍﺧﺔ
YOU ARE READING
السفاح العاشق
Teen Fictionﺭﻭﺍﻳﺔ ﻛﻠﻬﺎ ﻏﻤﻮﺽ .... ﺃﺣﺪﺍﺙ ﻣﻠﻴﺌﺔ ﺑﺎﻟﺘﺸﻮﻳﻖ .... ﺷﺨﺼﻴﺎﺕ ﻣﻌﻘﺪﺓ .... ﻋﺸﻖ ﻣﻬﻮﻭﺱ ﻣﺘﻤﻠﻚ .... ﺣﻴﺎﺓ ﻣﺰﺩﻭﺟﺔ .... ﻋﺎﻟﻢ ﺍﻟﺨﻄﻴﺌﺔ .... ﺟﺮﺍﺋﻢ ﺑﺎﺳﻢ ﺍﻟﺤﺐ .... ﺍﻟﻈﻐﻴﻨﺔ ﻭ ﺍﻻﻧﺘﻘﺎﻡ ... ﺍﻟﺤﻘﺪ ﺍﻟﺨﻴﺎﻧﺔ ﻭ ﺍﻟﻐﻴﻴﻴﻴﺮﺓ .... ⭐⭐⭐ ﻣﺰﻳﺞ ﺑﻴﻦ ﺍﻟﻮﺍﻗﻊ ﻭ ﺍﻟﺨﻴﺎﻝ ⭐⭐⭐ ﺗﺄﻟﻴﻒ : 🌸 ﻣﻮﺭﻱ 🌸 ﺑﻌ...
بارت 47
Start from the beginning
