السفاح العاشق

بارت 11

🍂🍂🍂🍂 ؛
ﻭﺍﻗﻔﺔ ﻓﺎﻟﻜﻮﺯﻳﻨﺔ ﺟﻨﺐ ﺍﻟﺨﺪﺍﻣﺔ ﻭ ﻛﺘﻘﻮﻝ ﻟﻴﻬﺎ ﺷﻨﻮ ﺩﻳﺮ ... ﻣﺴﻨﺪﺓ ﻋﻠﻰ ﻟﻌﻜﺎﺯ ﺩﻳﺎﻟﻬﺎ ﻭ ﺭﺍﺩﺓ ﻟﺒﺎﻝ ﻟﻜﻞ ﺗﻔﺼﻴﻞ ... ﺷﺎﻓﺖ ﺍﻟﺨﺪﺍﻣﺔ ﻛﺘﻤﺴﺢ ﺟﻨﺐ ﺍﻟﺼﺤﻦ ﺑﺼﺒﺎﻋﻬﺎ ﻭ ﻫﻲ ﺗﻬﺰ ﺍﻟﻌﻜﺎﺯ ﻭ ﻧﻐﺰﺍﺗﻬﺎ ﺑﻴﻪ ...
ﺍﻟﺨﺪﺍﻣﺔ : ﺁﺍﺍﻱ " ﺷﺎﻓﺖ ﻓﻴﻬﺎ " ﺷﻨﻮ ﺩﺭﺕ ﺛﺎﻧﻲ ... ﺍﻻﻟﺔ ﺣﺒﻴﺒﺔ
ﺣﺒﻴﺒﺔ : ﻫﺰﻱ ﻟﭙﺎﭘﻴﻲ ﻣﺴﺤﻲ ﺑﻴﻪ ... ﻭ ﻧﺘﻲ ﻛﺘﻤﺴﺤﻲ ﻟﻴﺎ ﺑﻤﻜﺎﻓﺸﻚ ﺍﻟﻤﻌﻔﻮﻧﺔ ... ﻋﺮﻓﺘﻲ ﻭﻟﺪﻱ ﻳﺸﻮﻑ ﺁﺛﺎﺭ ﺻﺒﺎﻋﻚ ﻓﺎﻟﻄﺒﺴﻴﻞ ... ﻏﺘﻠﻘﺎﻱ ﺭﺍﺳﻚ ﻓﺎﻟﺰﻧﻘﺔ ... ﻟﻤﻌﮕﺎﺯﺓ ﻻﺧﺮﻯ
ﺍﻟﺨﺪﺍﻣﺔ : ﺳﻤﺤﻲ ﻟﻴﺎ ﻣﺒﺎﻗﻴﺶ ﻧﻌﺎﻭﺩ ... ﻫﺎﻧﺎ ﻏﻨﻤﺴﺢ ﺑﻠﭙﺎﭘﻲ ﻛﻮﻧﻲ ﻏﻴﺮ ﻋﻠﻰ ﺧﺎﻃﺮﻙ ... ﻛﻦ ﺳﻌﻔﺘﻴﻨﻲ ﺳﻴﺮﻱ ﭼﻠﺴﻲ ﺍﺭﺗﺎﺣﻲ ... ﺃﻧﺎ ﻏﻨﻜﻤﻞ ﻫﺎﺩﺷﻲ
ﺣﺒﻴﺒﺔ : ﺍﺣﻴﺎﻧﻲ ﺃﻧﺎ ﺍﻟﻲ ﻋﺎﺭﻓﺎﻙ ... ﻏﺎ ﻧﺘﻔﺎﻭﺕ ﺗﺒﺪﺍﻱ ﺗﺨﺮﻣﺰﻱ ﻟﻴﺎ ... ﺭﺍﻩ ﺧﺎﻳﻔﺔ ﻋﻠﻴﻚ ... ﻋﺎﺭﻓﺔ ﺇﻟﻰ ﺭﺋﺒﺎﻝ ﻳﻠﻘﺎ ﺣﺎﺟﺔ ﻗﺪ ﻫﺎﻛﺔ ﻣﺎﺷﻲ ﻫﻲ ﻫﺎﺩﻳﻚ ... ﻏﻴﺠﺮﻱ ﻋﻠﻴﻚ ﻭ ﺍﻧﺎ ﻛﺘﺒﻘﺎﻱ ﻓﻴﺎ ﻏﺎ ﻳﺘﻴﻤﺔ ... ﻭ ﻟﻜﻦ ﺗﻘﻮﻝ ﻭﺍﺵ ﺗﺤﺸﻤﻲ ﻋﻠﻰ ﻋﺮﺍﺿﻚ ... ﺍﻟﻌﮕﺰ ﺩﺍﺭ ﻓﻴﻚ ﻣﺎﺑﻐﺎ ... ﻓﺄﻳﺎﻣﺎﺗﻲ ﻛﻨﺖ ﻧﻄﻴﺐ ﻭ ﻧﺨﻤﻞ ﺍﻟﭭﻴﻼ ﻛﻠﻬﺎ ﻓﻨﻬﺎﺭ ﻭﺍﺣﺪ
ﺍﻟﺨﺪﺍﻣﺔ : ﻋﺎﺭﻓﺔ ﺃﻻﻟﺔ ﻋﺎﺭﻓﺔ ... ﻗﻠﺘﻴﻬﺎ ﻟﻴﺎ ﻣﺎ ﻣﺮﺓ ﻣﺎ ﺟﻮﺝ ... ﻭﺍﺵ ﻭﻟﻰ ﻓﻴﻚ ﺍﻟﺰﻫﺎﻳﻤﺮ !!
....... : ﺟﺪﺓ
ﺗﻠﻔﺘﻮ ﺑﺠﻮﺝ ﻋﻨﺪ ﺍﻟﺼﻮﺕ ... ﺑﺎﻥ ﻟﻴﻬﻢ ﺭﺋﺒﺎﻝ ﻭﺍﻗﻒ ﻋﻨﺪ ﺑﺎﺏ ﺍﻟﻜﻮﺯﻳﻨﺔ ...
ﺍﻟﺨﺪﺍﻣﺔ ﻭﻻﺕ ﻏﻴﺮ ﻛﺘﻔﺘﻒ ... ﺧﺎﻓﺖ ﻳﻜﻮﻥ ﺳﻤﻌﻬﺎ ... ﻗﺮﺑﺎﺕ ﻻﺣﺒﻴﺒﺔ ﻋﻨﺪ ﺭﺋﺒﺎﻝ ... ﺗﺤﻨﺎ ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ ...
ﺭﺋﺒﺎﻝ : ﺭﺍﻩ ﺟﺎﻭ ﺍﻟﺪﺭﺍﺭﻱ ... ﻭ ﻛﻴﺴﻮﻟﻮ ﻋﻠﻴﻚ
ﻻﺣﺒﻴﺒﺔ : ﻭﺍﺧﺔ ﺍﻭﻟﺪﻱ ﻏﻴﺮ ﺳﻴﺮ ... ﺍﻧﺎ ﻧﻮﻗﻒ ﻋﻠﻴﻬﺎ ﺣﺘﺎ ﺗﺤﻂ ﻟﻌﺸﺎ ﻭ ﻧﺠﻲ ﻟﻌﻨﺪﻛﻢ
ﺭﺋﺒﺎﻝ : ﻭﺍﺧﺔ
ﻣﺸﺎ ﻭ ﻫﻲ ﺿﻮﺭ ﻻﺣﺒﻴﺒﺔ ﻟﻘﺎﺕ ﺍﻟﺨﺪﺍﻣﺔ ﻣﺸﺎ ﻣﻨﻬﺎ ﺍﻟﻠﻮﻥ ﻭ ﻭﺍﻗﻔﺔ ﻣﻜﻮﺍﻧﺴﻴﺔ ...
ﻻﺣﺒﻴﺒﺔ : ﻓﺎﺍﺍﺍﻃﻤﺔ ... ﻭ ﻓﺎﻃﻤﺔ ﻧﺘﻲ ﺳﺮﺑﻲ ﺭﺍﺳﻚ
ﻓﺎﻃﻤﺔ : " ﻗﻔﺰﺍﺕ " ﻭ ﻭﺍﺵ ﺳﻤﻌﻨﻲ ؟
ﻻﺣﺒﻴﺒﺔ : ﻛﻤﻠﻲ ﺩﺍﻛﺸﻲ ﻭ ﺧﺮﺟﻲ ﻟﻌﺸﺎ ... ﺗﺨﺎﻓﻲ ﻣﺎﺗﺤﺸﻤﻲ
ﻗﺎﺩﺍﺕ ﻓﺎﻃﻤﺔ ﺍﻟﺼﺤﻮﻥ ﻭ ﺑﺪﺍﺕ ﻛﺘﺤﻂ ﻓﻄﺒﻠﺔ ﺍﻟﻌﺸﺎ ... ﻣﺸﺎﺕ ﺍﻟﺠﺪﺓ ﻟﻠﺼﺎﻟﺔ ﻟﻘﺎﺕ ﺭﺋﺒﺎﻝ ﻭ ﺳﻨﻤﺎﺭ ﻭ ﺇﻟﻴﺎﺱ ﭼﺎﻟﺴﻴﻦ ... ﻧﺎﺿﻮ ﺍﻟﺪﺭﺍﺭﻱ ﺳﻠﻤﻮ ﻋﻠﻴﻬﺎ ﻭ ﺟﻠﺴﻮﻫﺎ ﻭﺳﻄﻬﻢ ... ﺑﺎﻟﻨﺴﺒﺔ ﻟﻴﻬﻢ ﺑﺜﻼﺛﺔ ﻓﻬﻲ ﺍﻷﻡ ﻭ ﺍﻷﺏ ... ﺍﻟﺤﺐ ﻭ ﺍﻹﺣﺘﺮﺍﻡ ﺍﻟﻲ ﻛﻴﻜﻨﻮﻩ ﻻﺣﺒﻴﺒﺔ ﻻ ﻳﻮﺻﻒ ... ﻭ ﺣﺘﺎ ﻫﻲ ﻋﻨﺪﻫﺎ ﻛﺘﻌﺰﻫﻢ ﻛﻴﻒ ﻣﻌﺰﺓ ﺭﺋﺒﺎﻝ ...
ﻋﻠﻤﺎﺗﻬﻢ ﺍﻟﺨﺪﺍﻣﺔ ﺑﻠﻲ ﻟﻌﺸﺎ ﺗﺤﻂ ... ﻧﺎﺿﻮ ﻭ ﺍﺗﺎﺟﻬﻮ ﻟﻠﻄﺒﻠﺔ ... ﭼﻠﺲ ﺭﺋﺒﺎﻝ ﻓﻤﻜﺎﻧﻮ ﻋﻠﻰ ﺭﺃﺱ ﺍﻟﻄﺒﻠﺔ ﻭ ﺟﻨﺒﻮ ﺍﻟﺠﺪﺓ ... ﺇﻟﻴﺎﺱ ﺟﻨﺒﻬﺎ ﻭ ﺳﻨﻤﺎﺭ ﻣﻘﺎﺑﻞ ﻣﻌﺎﻩ ... ﺗﻌﺸﺎﻭ ﻓﺠﻮ ﻫﺎﺩﺉ ... ﻛﻴﻒ ﺳﺎﻻﻭ ﺗﻮﺟﻬﺎﺕ ﻻﺣﺒﻴﺒﺔ ﻟﺒﻴﺘﻬﺎ ﺗﻨﻌﺲ ﺑﻌﺪﻣﺎ ﺗﻤﻨﺎﻭ ﻟﻴﻬﺎ ﻟﻴﻠﺔ ﻃﻴﺒﺔ ... ﻭ ﺧﺮﺟﻮ ﺍﻟﺪﺭﺍﺭﻱ ﻟﻠﺠﺮﺩﺓ ﭼﺎﻟﺴﻴﻦ ﻓﻠﻲ ﻓﻮﻃﻮﻱ ...
ﺳﻨﻤﺎﺭ : ﻣﺸﻴﺖ ﺍﻟﻴﻮﻡ ﻟﻠﻤﺮﻛﺰ
ﺇﻟﻴﺎﺱ : ﻋﻼﺵ ؟
ﺳﻨﻤﺎﺭ : ﺩﺍﻧﺎ ﻣﺨﺘﺎﻓﻴﺔ ﻭ ﻣﺰﺍﻝ ﻣﻠﻘﺎﻭﻫﺎ
ﺇﻟﻴﺎﺱ : ﻭ ﻣﺎﻟﻚ ﺣﻤﺎﺭ ... ﻻﺵ ﻏﺎﺩﻱ ﻟﻠﻤﺮﻛﺰ ... ﺗﺨﺘﺎﻓﻲ ﻭ ﻻ ﺗﻤﻮﺕ ﮔﺎﻉ
ﺳﻨﻤﺎﺭ : ﻣﻬﺎ ﺍﻟﻲ ﺟﺎﺕ ﻛﻄﻠﺐ ﻓﻴﺎ ... ﻗﺎﻟﺖ ﻟﻴﻚ ﻣﻜﺎﻳﻨﺶ ﺍﻟﻲ ﻳﻮﻗﻒ ﻣﻌﻬﺎ ﺗﻠﻘﻰ ﺑﻨﺘﻬﺎ ﻭ ﺍﻟﺒﻮﻟﻴﺲ ﻧﺎﻋﺴﻴﻦ ... ﺭﺋﺒﺎﻝ
ﺭﺋﺒﺎﻝ : " ﺷﺎﻑ ﻓﻴﻪ "
ﺳﻨﻤﺎﺭ : ﺑﻐﻴﺖ ﻧﻌﺎﻭﻧﻬﺎ ﺗﻠﻘﺎﻫﺎ ... ﺑﺎﺵ ﺗﻔﻮﺗﻨﻲ ﻋﻠﻴﻬﺎ
ﺇﻟﻴﺎﺱ : ﻭ ﻻ ﻫﻲ ﻣﺒﻐﺎﺵ ﺗﻠﻘﺎﻭﻫﺎ ... ﻣﺎﺗﻌﺮﻑ ﻫﺮﺑﺎﺕ ﻣﻊ ﻗﻮﺍﺩﻫﺎ ﺍﻟﻲ ﺩﺍﺭﺕ ﻫﻲ ﻭﻳﺎﻩ ﭬﻴﺪﻳﻮ ﺩﻳﺎﻝ ﻟﺒﻮﺭﻧﻮ ... ﮔﺎﻉ ﻟﺒﺸﺎﺭ ﺷﺎﻓﻮﻩ ... ﻭ ﻣﺮﻣﺪﺍﺕ ﺑﺼﻮﺭﺗﻚ ﻟﺮﺽ ... ﻛﻦ ﻣﺎ ﺭﺋﺒﺎﻝ ﺗﺼﺮﻑ ﺗﻠﻘﺎ ﺑﺎﻗﻲ ﺍﻟﺸﻤﺎﻳﺖ ﻛﻴﺘﻔﺮﺟﻮ ﻓﻴﻬﺎ ... ﺃﻧﺎ ﻣﻨﻚ ﻧﺤﺮﻫﺎ ﻗﺪﺍﻡ ﻣﻬﺎ ... ﻣﺎﺷﻲ ﻧﻘﻠﺐ ﻋﻠﻴﻬﺎ ... ﺑﻌﺪ ﻟﻤﺮﺍﺕ ﻏﻴﺮ ﻛﺘﺨﺮﺍ
ﺳﻨﻤﺎﺭ : ﻧﺘﺎ ﻏﺎ ﺳﺪ ﻓﻤﻚ ... ﺣﺘﺎ ﻭﺍﺣﺪ ﻣﺎﺳﻮﻟﻚ
ﺭﺋﺒﺎﻝ : ﺑﺎﻏﻲ ﺗﻠﻘﺎﻫﺎ ﻋﻠﻰ ﻭﺩ ﻣﻬﺎ ﻭ ﻻ ﻋﻠﻰ ﻗﺒﻠﻚ ﻧﺘﺎ ؟
ﺳﻨﻤﺎﺭ : ﺃﻧﺎ ﻣﺎﺑﻘﺎﺕ ﻛﺘﻌﻨﻲ ﻟﻴﺎ ﺣﺘﺎ ﺣﺎﺟﺔ
ﺇﻟﻴﺎﺱ : ﻭ ﺗﻜﻤﺶ
ﺳﻨﻤﺎﺭ : " ﺧﻨﺰﺭ ﻓﻴﻪ " ﻧﻮﺽ ﺗﻘﺎﻭﺩ ... ﺧﻠﻴﻨﻲ ﻧﻬﻀﺮ ﻣﻌﺎﻩ ﺗﺮﻭﻧﻜﻴﻞ
ﺇﻟﻴﺎﺱ : ﺣﺘﺎ ﺗﻜﻮﻥ ﺩﺍﺭ ﺑﺎﻙ
ﺭﺋﺒﺎﻝ : " ﻭﻗﻒ " ﻣﻨﻚ ﺃﻧﺎ ﻣﻐﺎﺩﻳﺶ ﻧﻀﻴﻊ ﻭﻗﺘﻲ ﺑﺎﻟﺘﻘﻼﺏ ... ﺣﻴﻨﺖ ﻣﻐﺎﺩﻳﺶ ﺗﻠﻘﺎﻫﺎ " ﺗﻢ ﺩﺍﺧﻞ ﻟﭭﻴﻼ "
ﺇﻟﻴﺎﺱ : ﻫﺎﻧﺘﺎ ﺧﺴﺮﺗﻲ ﻋﻠﻴﻨﺎ ﺍﻟﺠﻠﺴﺔ " ﺟﺒﺪ ﺳﻴﺠﺎﺭﺓ ﺷﻌﻠﻬﺎ " ﺍﻟﻠﻪ ﻳﻨﻌﻞ ﺑﻮ ﺍﻟﺤﺐ ﻻ ﻛﺎﻥ ﻫﺎﻛﺔ
ﺳﻨﻤﺎﺭ : ﻏﻨﻔﺮﻉ ﻣﻚ ﻣﺎﻓﻴﻬﺎﺍﺍﺍﺵ ﻟﻤﺎ ﺳﻜﺘﻲ
ﺇﻟﻴﺎﺱ : " ﻛﻴﻜﻤﻲ " ﻫﺎﻫﻮ ﺳﺎﻛﺖ
ﺩﺧﻞ ﺭﺋﺒﺎﻝ ﻟﻠﭭﻴﻼ ﻃﺎﻟﻊ ﻣﻊ ﺍﻟﺪﺭﻭﺝ ﻭ ﻛﻴﺤﻞ ﻓﺼﺪﺍﻳﻒ ﺍﻟﻘﺎﻣﻴﺠﺔ ﺑﻴﺪﻭ ... ﺩﻓﻊ ﻟﺒﺎﺏ ﻭ ﺩﺧﻞ ... ﺣﻴﺪ ﺍﻟﻘﺎﻣﻴﺠﺔ ﻻﺣﻬﺎ ﺑﻘﺎ ﻏﻴﺮ ﺑﺎﻟﺴﺮﻭﺍﻝ ... ﻣﺸﺎ ﻟﺒﻼﻛﺎﺭ ﺍﻟﻲ ﺟﻨﺐ ﺍﻟﻤﻜﺘﺐ ... ﺣﻞ ﺍﻟﺰﺍﺟﺔ ﻭ ﺧﺪﺍ ﻗﺮﻋﺔ ﻣﺸﺮﻭﺏ ... ﻋﻤﺮ ﻟﻜﺎﺱ ﻭ ﺣﻄﻬﺎ ﻓﻮﻕ ﺍﻟﻤﻜﺘﺐ ...
ﺗﻮﺟﻪ ﻧﺎﺣﻴﺔ ﻟﺒﺎﻟﻜﻮﻥ ﻭ ﻭﻗﻒ ﺧﺎﺷﻲ ﻳﺪ ﻓﺎﻟﺠﻴﺐ ﻭ ﻻﺧﺮﺓ ﻫﺎﺯ ﺑﻴﻬﺎ ﺍﻟﻜﺎﺱ ... ﺭﺷﻒ ﻣﻦ ﺍﻟﻜﺎﺱ ﻭ ﻋﻨﻴﻪ ﻋﻠﻰ ﺍﻟﺪﺭﺍﺭﻱ ﺍﻟﻲ ﺑﺎﻗﻲ ﭼﺎﻟﺴﻴﻦ ﻓﺎﻟﺠﺮﺩﺓ ... ﺷﻮﻳﺔ ﻭﻗﻔﻮ ﺍﻟﺪﺭﺍﺭﻱ ﺑﺎﻏﻴﻴﻦ ﻳﻐﺎﺩﺭﻭ ... ﻫﺰﻭ ﻋﻨﻴﻬﻢ ﻓﺎﻟﺒﺎﻟﻜﻮﻥ ﺑﺎﻥ ﻟﻴﻬﻢ ﻭﺍﻗﻒ ... ﺷﻴﺮﻭ ﻟﻴﻪ ﺑﻴﺪﻳﻬﻢ ﻭ ﻃﻠﻌﻮ ﻓﺴﻴﺎﺭﺍﺗﻬﻢ ﻭ ﺧﺮﺟﻮ ﻭﺍﺣﺪ ﻣﻦ ﻭﺭﺍ ﻻﺧﺮ ...