Scarlet Eyes [Completed]

Chapter 87

"Alam kong hindi mababawi ng isang sorry lang ang mga ginawa ko. But...but please, stay with me, ngayon lang." Pakiusap niya at pinaharap niya ulit ako sa kanya. "Baby, please" bulong pa niya bago ko naramdaman ang labi niya sa labi ko.

Ang lahat ng binuo kong lakas ng loob ay gumuho na lang lahat dahil sa halik niya. Kahit anong pilit ko sa sarili ko na itulak siya palayo, dinadaya parin ako ng katawan ko.

Napapikit ako at nagpadala na lang sa sigaw ng puso ko. Naramdaman kong mas humigpit ang yakap niya habang magkadikit parin ang mga labi namin.

I love you, I still love you, Zach.
       
        
Ginawa kong lakas ang lahat ng sakit na nararamdaman ko para itulak siya palayo.

"Tama na.....H-hindi tayo ang para sa isa't-isa" naiiyak na sabi ko bago ko siya tinalikuran at tumakbo pa kotse ko. Mabilis kong pinaandar ito at nang makalayo na sa kanya ay hininto ko muna ito.

Humagulgol ako sa habang nakatakip ang isang kamay ko sa mata. Nagkakagulo na ang buong systema ko, gulong gulo na ang isip ko.

Ilang minuto akong nanatili don bago ako umuwi. Basang basa akong pumasok sa bahay at agad na sinalubong ni Kuya Magnus. Hindi pa man ako nagsasalita ay niyakap na niya ako. Isa-isang nagsilabasan sina Kuya Levi at nilapitan din ako. Napapalibutan nila ako ngayon habang nakayakap parin ako kay Kuya Magnus habang umiiyak.

Alam kong gusto nilang magtanong, pero pinipigilan nila dahil alam nilang hindi rin ako sasagot. Gusto ko lang munang umiyak ng umiyak hanggang sa maubos na lahat ng luha ko at sana kasabay na nun ang lahat ng mga sakit na nararamdaman ko.
         
"Aakyat na ako" sabi ko bago ako bumitaw sa yakap ko kay kuya at nagalakad paakyat. Walang nagsalita ni isa sa kanila at wala ring sumunod sa'kin.

Gusto ko na munang mapag-isa, gusto kong magpahinga.

Pagpasok ko sa kwarto ay naligo agad ako at nagbihis ng pantulog. Naupo ako sa paanan ng kama ko habang nakatulala, hinihintay tumuyo ang buhok ko.

Hindi ko alam kung ilang oras akong nakatulala lang hanggang sa nakaramdam na ako ng antok. Humiga na ako sa kama at agad ding nakatulog.
   
  

"Selene!" Binitawan ko ang hawak kong dart ng tawagin ako ni Dj.

"Selene, tignan mo 'to oh" malawak ang ngiti niyang pinakita sa'kin ang nahuli niyang paru-paro.

Kulay pula at itim ito. Nakakamangha ang ganda nito.

"Pakawalan mo na Dj. Hindi sila dapat hinuhuli" utos ko sa kanya at nag-angat namans siya ng tingin sa'kin bago ngumiti.

"Alam ko, gusto ko lang sana ipakita to sa'yo. Dahil magkapareho kayo" nakangiting sabi niya na pinagtaka ko.

"Eh? Wala naman akong pakpak ah?" Inosenteng tanong ko na pinagtawanan niya.

"Tignan mo oh" medyo binuklat niya ang pakpak ng paru-paru kaya nakita ko ang parang sugat sa pakpak nito.

"May sugat siya" nag-aalalang sabi ko.

"Nakita ko siyang nahihirapang lumipad dahil sa punit niya sa pakpak, kaya kinuha ko siya at pinakita sa'yo" nakangiting sagot niya.

"Huh? H-hindi naman ako doctor ng mga hayop...dalhin na lang kaya natin siya sun sa ospital na para sa kanila" at imbes na sumang-ayon ay pinagtawanan niya lang ako.

"Gusto mong mapagalitan tayo ng mga kuya mo?" Natatawang aniya.

9years old narin naman ako, kaya pwede na akong lumabas ng bahay na hindi sila kasama. At isa pa ay kasama ko naman si Dj.